Date
आइत, मंसिर ६, २०८३
Sun, November 22, 2026
Home Blog Page 1038

सशस्त्र प्रहरीद्वारा ४ करोड बढीका भन्सार छलीका समान बरामद

0

 वीरगंज । सशस्त्र प्रहरी बल नेपाल नम्बर १४ हेडक्वाटर राजश्व तथा भन्सार गस्ती सुरक्षा गुल्मले चालु आर्थीक वर्षको ६ महिनामा ४ करोड भन्दा बढीका भन्सार छलीका माल समानहरु बरामद गरि भन्सार कार्यालयमा बुझाएको छ ।

भन्सार राजश्व गस्ती गुल्मको एरीया पर्ने पर्सा र बाराका सिमा नाकाहरुबाट अवैध रुपमा भन्सार छली भित्रयाइएको ४ करोड ७ लाख २१ हजार ७ सय ७६ रुपैया बराबरको विभिन्न समानहरु बरामद गरिएको गुल्मपति सशस्त्र प्रहरी नायव उपरीक्षक अमर बहादुर खत्रीले जानकारी दिए ।

खुला सिमा नाका कारण हुन सक्ने अपराधीक गतिविधिहरुमा नियन्त्रण तथा भन्सार चोरी तस्करीलाई कडाईका साथ नियन्त्रणका लागी भन्सार गुल्मबाट खटिएको सशस्त्र प्रहरीको टोलीले विभिन्न मितिहरुमा बरामद गरेका समानहरुमा सबै भन्दा धेरै रकम सवारी साधनहरुको देखिएको छ ।

अवैध रुपमा भन्सार छली तथा बेवारिसे अवस्थामा कागज पत्र नभएको भेटिएपछि २ करोड ३९ लाख ९७ हजार रुपैया मुल्य बराबरका विभिन्न सवारीका साधनहरुलाई नियन्त्रणमा लिएर भन्सार बुझाइएको सशस्त्र प्रहरी नायव उपरीक्षक खत्रीले बताए ।

त्यसैगरी अवैध रुपमा भन्सार चोरी पैठारी गरि भित्रयाइएको ५३ लाख ९५ हजार १ सय २८ रुपैयाको लत्ता कपडा, नेपालमा प्रतिबन्धीत भारतीय र नेपाली रुपैया गरेर ३६ लाख ३३ हजार पच्चीस रुपैया, हार्डवेयर २० लाख ४२ हजार ९ सय पच्चास रुपैया, पशु चौपाया १७ लाख ३० हजार रुपैया, किराना १७ लाख १० हजार ८ सय ६४ रुपैया रहेको छ ।

त्यसैगरी मोटरपार्टस ७ लाख ७६ हजार २ सय ३० रुपैया, मोबाईल कमप्युटर पार्टस र टिभी ५ लाख ६८ हजार ३ सय ८५ रुपैया, चाँदी ३ लाख ५२ हजार ६ सय ५१ रुपैया, औषधी २ लाख ५ हजार ५ सय ९८ रुपैया, भाडा वर्तन १ लाख ८० हजार ९ सय ९५ रुपैया, मरिच ७५ हजार ९ सय पच्चास र तरकारीबाट ५३ हजार गरि यो आर्थीक वर्षको छव महिनामा उक्त रकम बराबरको भन्सारी छलीका समान पक्राउ गरि भन्सार दाखीला गरिएको सशस्त्र प्रहरी नायव उपरीक्षक खत्रीले बताए ।

१० हजार पीस लागुऔषध एम्पुल बरामद चालु आर्थीक वर्षको श्रावण महिना देखी माघको पहिलो हप्ता सम्ममा नेपालमा प्रतिबन्धीत लागुऔषध एम्पुल १० हजार पीस बरामद गरिएको सशस्त्र प्रहरीले जनाएकाे छ ।

सिमावर्ती भारतीय शहर रक्शौलबाट विभिन्न माध्यमबाट नेपाल प्रवेश गर्ने विभिन्न व्यक्तीहरु तथा सवारीका साधनहरुलाई शंका लागी चेकजाच गर्ने क्रममा लुकाई छिपाई ल्याइएका लागुऔषधहरु डाईजोल्याब ३ हजार ७ सय २ पीस, फेनार्गन ३ हजार ३ सय ९७ पीस, नोर्फिन ३ हजार ४ सय १४ पीस, वीन सिरेक्स ४२ बोतल, ब्राउन सुगर २ ग्राम र नाइट्राभेट टयाबलेटस ४ सय ३० पीस लागूऔषधहरु सहित पक्राउ परेका व्यक्तीहरुलाई स्थानीय प्रहरीको जिम्मा लगाइएको सशस्त्र प्रहरी नायव उपरीक्षक खत्रीले जानकारी गराए ।

चेलीबेटी बेचबिखन ओसार पसारमा कडाई तथा विदेशी नागरिक पक्राउ राजश्व चुहावट नियन्त्रणको मुख्य जिम्मेवारी पाएको सशस्त्र प्रहरी बलले सिमा नाकाको रक्षा तथा अवैध चोरी पैठारी नियन्त्रणका साथै नेपालबाट भारततर्फ हुने चेली बेटी बेचबिखन तथा ओसार पसारमा नियन्त्रण गर्न समेत कडाईका साथ सक्रिय भएर लागेपछि भारतमा बेचिन लैजादै गरेको अवस्थामा कैयौ चेलीहरुको उद्धार समेत गरेको छ ।

त्यसैगरि राहदानी विनानै नेपाल प्रवेश गर्ने ४ जना भुटानी नागरिक सहित १ जना तिब्बतीयन नागरिकलाई समेत पक्राउ गरि अध्यागमन कार्यालयको जिम्मा लगाइएको सशस्त्र प्रहरी नायव उपरीक्षक खत्रीले बताए । बिभिन्न अपराध लागुऔषध ओसार पसार, मानव बेच बिखन तथा अन्य अपराधीक क्रियाकलापमा संलग्न ३२ जनालाई पक्राउ गरिएको सशस्त्र प्रहरीले जनाएको छ ।

लहावरथकरीमा निःशुल्क आखाँ शिविर सम्पन

0

वीरगंज । पर्साको पकहामैनपुर गाउँपालिका वडा नं.४ लहावरथकरीमा मंगलबार निःशुल्क आखाँ शिविर सम्पन भएको छ । वडा नं.४ को आयोजना तथा वीरगंज स्थित किरण आखाँ अस्पतालको प्राविधिक सहयोगमा शिविर भएकाे थियाे ।

श्री ब्रहमस्थान ने.रा.प्रा.वि. लहावरथकरीको प्रांगणमा भएकाे शिविरमा १ सय ४७ जनाको आखाँ परिक्षण गरिएको वडाध्यक्ष ढेडी प्रसाद यादवले वताए । जस मध्ये  ७१ जनामा मोतियाविन्दु फेला परेको किरण आखाँ अस्पतालका नेत्र चिकित्सक डा.प्रभात यादवले वताए ।

आखा परिक्षण गरिएको मध्ये मोतिया विन्दु फेला परेका विरामीहरुलाई भोली (बुधबार) नै निःशुल्क शल्यक्रिया गरिने वडाध्यक्ष यादवले जानकारी गराए ।

नायिका श्वेता खडकाद्वारा वीरगन्जमा सिरक वितरण

0

वीरगन्ज । श्वेताश्री फाउण्डेशनकी अध्यक्ष तथा नायीका श्वेता खड्काको पहलमा संकलित ३५ थान सिरक आज एक कार्यक्रमका बिच गरिब परिवारलाई बितरण गरिएको छ ।
शहरी गरीब शसक्तिकरण समाजको आयोजनामा बिरगन्ज महानगरपालिका वार्ड न १ स्थित शान्तीटोलका ३५ घर विपन्न गरिव परिवारलाई मेयर विजय सरावगी द्वारा सिरक बितरण गरिएको हो ।

सिन्धुपाल्चोकका माझी परिवारका निमित्त एकिक्रित बस्ती निर्माण गरिरहेकी नायीका खड्काले बिभिन्न ब्यक्तीबाट संकलन गरेको उक्त सिरक बिरगन्जका युवाहरुको साझा संजालको रुपमा गठित शहरी गरिव शसक्तिकरण समाजलाई प्रदान गरेकी थिईन ।

केही महिना अगाडी वीरगन्ज आएकी खड्काले सोही टोलमा सैक्षिक सामाग्री बितरण गर्दा त्यहाँका स्थानीयले चिसोको मौसममा ब्यति गरिरहेको कस्टकर जीवनलाई देखे पश्चात उनले सिरक संकलनको अभियान थालेको बताउँदै फाउण्डेशनका ब्यवस्थापक यज्ञराज कार्कीले यो ठुलो सामाग्री नभई सानो कोसेली मात्रा भएको बताए ।

कार्यक्रमलाई सम्बोधन गर्दै मेयर सरावगीले शान्तीटोलमा देखिएको नाला र सडकको समस्यालाइ समाधान गर्न आफुले सक्दो सहयोग गर्ने प्रतिबद्धता जनाए । आयोजक शहरी गरिव समाजका अध्यक्ष जितेन्द्र गिरीले वीरगन्जका गरीब बस्तिहरुमा पुगेर उनिहरुको दु:ख सुखमा साथ दिन गठन भएको आफ्नो संस्था आगामी दिनमा झन शसक्त रुपमा अगाडि बढ्ने प्रतिबद्धता जाहेर गर्दै सो को लागि नगरपालिका को सहयोग हुनुपर्ने बताए ।

शान्तीटोलमा बितरीत ३५ थान सिरकहरु मध्ये सुश्मा श्रेष्ठले छ थान, बिष्णु खड्काले ४थान, पूर्ण मगरले ४ थान र श्वेता खड्काले ६ थान सहयोग स्वरुप प्रदान गरेको समाजका सदस्य अब्दुल कैसले जानकारी गराए ।

नेकपा नेता बैठा पूर्पक्षका लागि जेल चलान

0

वीरगंज । ठगी मुद्दामा नेपाल कम्युनिष्ट पार्टी(नेकपा) प्रदेश २ का सदस्य रामबाबु बैठा पूर्पक्षका लागि कारागार चालन भएका छन् । पर्सा जिल्ला अदालतकाे इजलाश नं. ३ का न्याधिश कृष्ण प्रसाद सुवेदीकाे आदेश अनुसार बैठा कारागार चलान भएका हुन् ।

बैठालाई पूर्पकक्षका लागि थुनामा राख्न आदेश भएकाे पर्सा जिल्ला अदालत वीरगंजका श्रेस्तादार कृष्ण प्रसाद अधिकारीले वताए । अदालतकाे ३ नं. इजलाशकाे न्याधिशकाे आदेश अनुसार उनलाई पूर्पक्षकाे लागि वीरगंज कारागारमा राखेर कारवाही अगाडी बढाउन आदेश भएकाे श्रेस्तदार अधिकारीले जानकारी गराए ।

नेपाल प्रहरीकाे असई बनाईदिनकाे लागि रु ७ लाख घुस लिएकाे आराेपमा बैठालाई हिजाे (साेमबार) प्रहरीले नियन्त्रणमा लिएकाे थियाे । २ महिना देखी फरार पाेखरिया नगरपालिकाकाे बनकटवा निवासी बैठा साेमबार आफै जिल्ला प्रहरी कार्यालयमा उपस्थित भए पछि प्रहरीले नियन्त्रणमा लिएकाे थियाे ।

त्यही दिन पर्सा जिल्ला अदालतमा बैठालाई पर्सा प्रहरीले उपस्थित गराउदै ५ दिनकाे लागि म्याद थप समेत गराएकाे थियाे । तर त्यसकाे भाेली पल्ट नै आज (मंगलबार) प्रहरीले बैठालाई अदालतमा हाजिर गराए पछि अदालतले पूर्पक्षकाे लागि जेल चलान गरेकाे हाे ।

एक दिन मै प्रहरीले अनुसान्धान पुरा गरी अदालतमा बैठकाे फाइल बुझाउनुले प्रहरी कै सेटिङ्गमा बैठा आफै साेमबार जिल्ला प्रहरी कार्यालय पर्सामा हाजिर भएकाे चर्चा सुरु भएकाे छ । हुनत हिजाे बैठा आफै जिल्ला प्रहरी कार्यालयमा हाजिर भए देखी नै यस्ताे चर्चा सुरु भएकाे थियाे । तर आज प्रहरीले एक दिनै मै बैठालाई अदालतमा हाजिर गराउन लग्नुले झन प्रहरीकाे अनुसन्धान माथी प्रश्न चिन्ह खडा गरिदिएकाे हाे ।

२०७२ साल मै राैतहटकाे माैलापुर नगरपालिका वडा नं. ७, सगैया निवासी प्रदिप कुमार साहलाई प्रहरी सहायक निरिक्षक (असई) पदमा जागरि लगाइदिने भनि बैठाले रु ७ लाख घुस लिएकाे आराेपमा २ महिना पहिला नै मुद्दा दर्ता भएकाे थियाे ।

पिडित साहले जिल्ला प्रहरी कार्यालय पर्सामा उजरी दिए पछि प्रहरीले ३ जना माथी ठगी मुद्दा दर्ता गरेका थिए । जस मध्येका २ जना पक्राउ परी केही दिन पहिला नै अदालतकाे आदेश अनुसार धराैटीमा रिहा भइसकेका छन् । जुन मुद्दाका प्रमुख नायिके मानिएका बैठा त्यस पछि फरार थिए भने हिजाे एकासी आफै प्रहरी कार्यालयमा हाजिर भएका थिए ।

कंगना भन्छिन्–‘दीपिकाले माफी माग्नुपर्छ’

0

नायिका कंगना रनावतले अर्की नायिका दीपिका पादुकोणलाई माफी माग्न आग्रह गरेकी छिन् । विशेषगरि, चलचित्र ‘छपाक’को प्रमोशनका क्रममा दीपिकाले एसिड आक्रमणमा परेका महिलाहरुको संवेदनशिलतामा खेलेको भन्दै कंगनाले माफी माग्न भनेकी हुन् ।

दीपिकाले मेकअप आर्टिस्टलाई टिकटक भिडियो च्यालेञ्जमा आफ्ना ३ लुक्स फेरि बनाउन भनिरहेकी छिन् । जसमा, उनले ‘छपाक’को लुक्स समेत उल्लेख गरेकी छिन् । यो भिडियो सार्वजनिक भएपछि दीपिकाले दर्दनाक घटनामाथि रमाइलो गरेको भन्दै आलोचना भैरहेको छ ।

कंगना भन्छिन्–‘मेरी बहिनी रंगोली पनि एसिड आक्रमणमा परेकी थिइन् । यो भिडियो सार्वजनिक भएपछि उनी मर्माहत बनिन् । कहिलेकाही मार्केटिङ टिम प्रमोशनका लागि चुक्छन् । मलाई लाग्छ, दीपिकासँग यस्तो भिडियो बनाउनुको कारण पक्कै होला ।’

उनले अगाडि भनेकी छिन्–‘मेरी बहिनी जस्तै यो भिडियोबाट दुखी बनेका सबैसँग दीपिकाले माफी माग्न आवश्यक छ । यो कुनै मेकअप लुक्स होइन । यो लुक्स प्राप्त गर्ने कोशिश कसैले पनि गर्नु हुँदैन ।’

पर्साकाे अनिरुद्धकाे शव मकवानपुरमा फेला, हत्या गरेर फालिएकाे आशंका

0

वीरगंज । पर्साकाे एक युवककाे शव मकवानपुरमा फेला परेकाे छ । पर्साकाे कालिकामाई गाउँपालिका वडा नं. ४ कट्टी बलुवा स्थाई घर भएका वीरगंज १३ राधेमाई निवासी बर्ष २८ का अनिरुध प्रसाद चाैहानकाे शव मकवानपुरकाे भिमफेदी गाउँपालिका वडा नं. २ स्थित फेला परेकाे प्रहरीले जनाएकाे छ ।

आइतबार विहान ९ बजे अनिरुद्धकाे शव फेला परेकाे जिल्ला प्रहरी कार्यालय मकवानपुरका प्रहरी निरिक्षक ललन प्रसाद कुर्मीले वताए । सडक भन्दा ५/६ मिटर तल ना ५२ प ४६१६ नम्बरको मोटरसाइकल रुखमा अड्किएकोे अवस्थामा भेटिएको र उनको शव पनि सोही स्थानमा फेला परेको प्रहरी निरीक्षक निरिक्षक कुर्मीले वताए ।

मृत अवस्थामा फेला परेकाे अनिरुद्धकाे शव परिक्षण मकवानपुर जिल्ला अस्पतालमा भए पछि उनकाे आफन्तजनले बुझि लगेकाे प्रहरी निरिक्षक कुर्मीले वताए ।

मृतक अनिरुद्धकाे टाउकाेमा प्वाल र सशिरकाे विभिन्न भाग निलडम देखिएकाेले मारेर फालेकाे हुन सक्ने प्रहरीकाे अनुमान छ । मृतक अनिरुद्धकाे कल डिटेल निकाल्ने काम भइरहेकाे र भाेली मंगलबार सम्म कल डिटेल आए पछि मात्र केही भन्न सकिने प्रहरी निरिक्षक कुर्मीले वताए ।

वीरगंजकाे एडभान्स हाँस्पिटलमा कार्यरत मृतक अनिरुद्ध शुक्रबार डिउटी समेत गरेका थिए । उनी शनिबार देखि सम्पर्क विहिन भएका थिए । उनलाई कसैले फाेन गरेर बाेलाए पछि उनी हेटाैडा गएकाे मृतक अनिरुद्धकाे आफन्तहरुले वताएका छन् । उनलाई कसैले हत्या गरी लगेर फालेकाे हुन सक्ने आफन्तजनकाे आशंका छ ।

मृतक अनिरुद्धकाे शव साेमबार स्थाई घर बलुवामा पुगे पछि गाउँ नै शाेकमा डुबेकाे थियाे । हेल्थ असिस्टेन्ट मृतक अनिरुद्धकाे साेमबार नै गाउँकाे आर्यघाट दाहसंस्कार गरिएकाे छ ।

गाउँपालिकाकाे तथ्याँक व्यवस्थित गर्न आइटी सामग्री 

0

वीरगंज । पर्साकाे जगरनाथपुर गाउँपालिकालाई किशाेरी सशक्तिकरणकाे लागि शिक्षा कार्यक्रम अन्तर्गत आज एक कार्यक्रमकाे बिच आइटी सामग्री प्रदान गरिएकाे छ ।

दिव्य युवा क्लब बिरन्चीबर्वा र भिएसओ नेपालकाे साझेदारीमा संचालित किशाेरी सशक्तिकरणका लागि शिक्षा कार्यक्रम अन्तर्गत गाउँ कार्यापलिकाकाे कार्यालय जगरनाथपुरलाई कम्प्यूटर २ थान, प्रिन्टर २ थान, लेड डिस्पले वाेर्ड १ थान प्रदान गरिएकाे हाे ।

गाउँपालिकाकाे तथ्यांक व्यवस्थित र अध्यावधि गर्न आवश्यक आइटी सामग्री प्रदान गरिएकाे परियाेजना संयाेजक गणेश ठकुरीले वताए । गाउँपालिका भरीकाे शिक्षा, स्वास्थ्य लगायतका सम्पूर्ण तथ्यांकहरु एक ठाउँबाट उपलब्ध हुन सक्ने उद्देश्यले एक कार्यक्रम विच आइटी सामग्री उपलब्ध गराइएकाे उनले जानकारी गराए ।

गाउँपालिका अध्यक्ष जालिम मियाँकाे अध्यक्षतामा गाउँ कार्यपालिकाकाे कार्यालय जगरनाथपुरमा भएकाे कार्यक्रममा प्रमुख प्रशासकिय अधिकृत अमित कुमार गिरीलाई साे सामग्री जिम्मा लगाइएकाे हाे । साे अवसरमा अन्तराष्ट्रिय स्वयं सेवक हेनेरी र मेलिसाकाे पनि उपस्थिती रहेकाे थियाे ।

वीरगंज २७ मा नेकपाकाे वडा भेला सम्पन्न

0

वीरगंज । नेपाल कम्युनिष्ट पार्टी (नेकपा) काे वीरगंज महानगरपालिकाकाे वडा नं. २७ काे वडा भेला आज सम्पन्न भएकाे छ । भेलाका प्रमुख अतिथी नेकपाका केन्द्रिय सदस्य तथा वीरगंज महानगर इन्चार्ज दिनेश राईले वडाकाे विकास निर्माणकाे सम्पूर्ण जिम्मेवारी वडा कमिटीकाे कांधमा रहेकाेले आ आफ्नाे ठाउँबाट याेगदान गर्न आग्रह गरे ।

कार्यक्रमका विशिष्ट अतिथी नेकपा वीरगंज महानगरका अध्यक्ष रहबर अन्सारीले दुई पार्टी बिचकाे एकता भई बनेकाे नेकपाले नै मुलुक परिवर्तन गर्न सक्ने भएकाेले पार्टीमा सक्रिय रुपमा लाग्न आग्रह गरे । पार्टीकाे एकताकाे भावनालाई आत्म साथ गर्दै एकले अर्काकाे अस्तित्व स्विकार्दै कमिटी गतिशल बनाउन तर्फ लाग्नु पर्ने उनले वताए ।

कार्यक्रमका अतिथी नेकपाका वीरगंज महानगर सचिव डा. बिश्वम्बर शर्माले प्रदेश २ मा पनि हाम्राे पार्टीकाे सरकार बन्नसक्ने सम्भावना रहेकाेले पार्टीकाे कुनै पनि कार्यकर्तालाई विच्लीत नहुन आग्रह गरे ।

प्रेम प्रसाद यादवकाे अध्यक्षतामा भएकाे भेलामा पार्टीका जिल्ला सदस्यहरु प्रभु पासवान, नन्दकिशाेर पंजियार, अकलु यादव, अमिता बचन दास, मनाेज कुशवाहा, संताेश पासवना, प्रेस संगठन नेपालका केन्द्रिय सदस्य बृजलाल पासवान, अनेरास्ववियुकाे केन्द्रिय सदस्य जुबेर आलम लगायतकाले मन्तव्य राखेका थिए ।

ठगी मुद्दामा नेकपा प्रदेश सदस्य बैठा प्रहरी नियन्त्रणमा

0

वीरगंज । ठगि मुद्दामा नेपाल कम्युनिष्ट पार्टी(नेकपा) प्रदेश २ का सदस्य रामबाबु बैठा प्रहरी नियन्त्रणमा परेका छन् । नेपाल प्रहरीकाे असई बनाईदिनकाे लागि रु ७ लाख घुस लिएकाे आराेपमा बैठालाई नियन्त्रणमा लिइएकाे पर्साका प्रहरी उपरिक्षक समाेन्द्र सिंह राठाैरले वताए ।

उनले भने “२०७२ साल मै राैतहटकाे माैलापुर नगरपालिका वडा नं. ७, सगैया निवासी प्रदिप कुमार साहलाई प्रहरी सहायक निरिक्षक (असई) पदमा जागरि लगाइदिने भनि बैठाले रु ७ लाख घुस लिएकाे आराेपमा २ महिना पहिला नै मुद्दा दर्ता भएकाे थियाे । साेही मुद्दामा बैठालाई नियन्त्रणमा राखेर अनुसन्धान भइरहेकाे छ ।”

प्रहरीले ३ जना माथी ठगी मुद्दा दर्ता गरेका थिए । जस मध्येका २ जना पक्राउ परी केही दिन पहिला नै अदालतकाे आदेश अनुसार धराैटीमा रिहा भइसकेका छन् । जुन मुद्दाका प्रमुख अभियुक्त मानिएका पाेखरिया नगरपालिका वडा नं. १ बनकटवा निवासी बैठा साेमबार आफै जिल्ला प्रहरी कार्यालय पर्सामा हाजिर भएकाे प्रहरी उपरिक्षक राठाैरले वताए ।

बहुदरमाईका युवककाे हत्या आराेपमा वीरगंजका ३ जना पक्राउ

0

वीरगंज । एक युवकाे हत्या आराेपमा पर्सा प्रहरीले ३ जनालाई पक्राउ गरेकाे छ । वीरगंज महानगरपालिका वडा नं. ११ श्रीपुर निवासी २२ बर्षिय अजय कुमार साह, साेही ठाउँ निवासी २० बर्षिय राजन साह कानु र रानिघाट निवासी २० बर्षिय कृष्ण कुमार गुप्तालाई प्रहरीले पक्राउ गरेकाे हाे ।

बहुदरमाई नगरपालिका वडा नं. ७  निवासी २५ बर्षिय सुरेन्द्र सहनीलाई कर्तव्य गरी मारेकाे आराेपमा तिनै जनालाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

२०७६ पुस १९ गते वीरगंज महानगरपालिकाकाे वडा नं.२२ जगरनाथपुर स्थित बास घारिमा शरिरको विभिन्न भागमा चक्कु प्रहार गरि सहनीकाे कर्तव्य गरि मारेको आराेपमा तिनै जनालाई प्रहरीले पक्राउ गरेकाे हाे ।

मिति २०७६।०९।२० गते वेलुका अं.१७:४५ बजेको समयमा सहनीकाे लाश फेला परेको घटनाको सम्बन्धमा अनुसन्धान गर्दै जाने क्रममा उक्त घट्नामा संलग्न देखिएकाेले  आइतबार तिनै जनालाई नियन्त्रणमा लिई थप अनुसन्धान कार्य भई रहेकाे जिल्ला प्रहरी कार्यालय प्रस विज्ञप्ती मार्फत जनाएकाे छ ।