वीरगंज । वलिदानी दिवसको अवसरमा आज नारायणी अस्पतालमा एक कार्यक्रमको विच फलफुल वितरण गरीएको छ । मधेशी स्वास्थ्यकर्मी फोरमको आयोजनामा अस्पतालका विभिन्न वार्डका विरामीहरुलाई फलफुल वितरण गरिएको हो ।
कार्यक्रमका प्रमुख अतिथी प्रतिनिधि सभा सदस्य प्रदिप यादवले केन्द्र सरकारको मधेश प्रतिको हेराई नराम्रो भएको वताए । केन्द्र सरकारको मधेश प्रतिको नराम्रो हेराईका कारण मधेशको विकास हुन नसकेको उनको भनाई थियो ।
पर्सा क्षेत्र नं. १ बाट निर्वाचित सांसद यादवले त्यही कारण केन्द्र सरकार संग लडन आफुहरु सक्ति सन्तुलन गर्न लागि परेको वताए ।
स्वास्थ्यकर्मी फोरमका केन्द्रिय अध्यक्ष बालकिशोर यादवको अध्यक्षतामा भएको कार्यक्रममा स्वास्थ्यकर्मी फोरम प्रदेश २ का अध्यक्ष शिवशंकर यादव, मुख्य सचिव राजेश रौनियार, जिल्ला सचिव शत्रुधन यादव, कोषाध्यक्ष रमेश कुमार मेहता लगायतकाको सहभागिता रहेको थियो ।
कार्यक्रममा मधेश आन्दोलनमा सहिद भएकाहरुको तस्बिर मालार्पण गरी श्रद्धान्जली अर्पण समेत गरिएको थियो ।
