Date
आइत, मंसिर ६, २०८३
Sun, November 22, 2026
Home Blog Page 1037

कर्पुरी ठाकुरकाे ९६ औं जयन्ती वीरगंजमा पनि मनाइयाे

0

वीरगंज । भारत विहारका जननायक स्व. कर्पुरी ठाकुरकाे ९६ औं जयन्ती आज वीरगंजमा पनि मनाइएकाे छ । नेपाल नाई समाज पर्साले वीरगंजकाे महाविर धर्मशालामा एक कार्यक्रमकाे आयाेजना गरी जयन्ती मनाएकाे हाे ।

नेपाल नाई समाज पर्साका संयाेजक शिवशंकर ठाकुरकाे अध्यक्षता र नाई समाजका केन्द्रिय अध्यक्ष डा. राजेन्द्र ठाकुरकाे प्रमुख आतिथ्यतामा भएकाे कार्यक्रममा नेपाल नाई समाजका संस्थापक कपिलदेव ठाकुर, सियाराम ठाकुर, विना देवी ठाकुर, उमेश ठाकुर, संताेश ठाकुर, गाेपी ठाकुर, जयदेव ठाकुर, भरत ठाकुर लगायतकाे सहभागिता रहेकाे थियाे ।

कार्यक्रमका वाेल्ने वक्ताहरुले नाई समाजकाे शैक्षिक, समाजिक र राजनितिक विकासकाे लागि जाेड दिएका थिए । यसका साथै जन नायक ठाकुर जस्तै याेगदान गर्ने स्वजातिय अगुवाकाे अवश्यकता वक्ताहरुले औंलाएका थिए ।

सखुवा प्रसाैनीमा हाजिरी जवाफ प्रतियाेगिता सम्पन्न

0

पर्सा । पर्साको सखुवा प्रसाैनी गाउँपालिकामा आज हाजिरी जवाफ प्रतियाेगिता सम्पन्न भएकाे छ । सखुवा प्रसौनी गाउँपालिकाकाे आयोजनामा श्री दिपनारायण आदर्श माध्यमिक विद्यालय औराहा पन्चगवामा भएकाे प्रतियाेगितामा सम्पन्न भएकाे हाे ।

श्री दिपनारायण आदर्श माध्यमिक विद्यालयका प्राध्यापक शिवनाथ प्र.चौधरीकाे अध्यक्षतामा र गाउँपालिकाको अध्यक्ष प्रदीप जयसवालको प्रमुख अतिथिमा भएकाे प्रतियाेगितामा समाजिक विकास शाखा प्रमुख बिनोद प्र यादव, योजना प्रमुख कमलेश सहनी, स्थानीय पंजीकरणका फिल्ड सहायक सबिता तिमल्सिना, शिक्षक शिक्षिकाहरू र छात्रछात्राहरूको उपस्थिति रहेको थियो ।

बिधालयका कक्षा ६ देखी १० सम्मका विद्यार्थीहरुलाई रातो, हरियो, निलो, ओरेन्ज र पहेलो रङ्ग नाम दिइएकाे ५ वटा समुहमा विभाजित गरी प्रतियाेगिता भएकाे थियाे । साे प्रतियोगितामा प्रथम हरियो समुह, दोस्रो ओरेन्ज समुह र तेस्रो निलो समुह भएको थियाे ।

कार्यक्रमकाे प्रमुख अतिथि गाउँपालिका अध्यक्ष जयसवालले बिजय समुहरुलाई पुरस्कार वितरण गरेका थिए ।

प्रेस संगठन प्रदेश २ काे कमिटी विस्तार, पर्साबाट १५ जना पर्न सफल

0

वीरगंज । प्रेस संगठ नेपाल प्रदेश २ काे कमिटी विस्तार भएकाे छ । हिरालाल चाैधरी संयाेज रहेकाे प्रदेश कमिटी ७३ सदस्यीय  विस्तार भएकाे हाे । जसकाे संयाेजकमा चाैधरी र सह संयाेजकमा फनि महतलाई केन्द्रिय कमिटीले पहिला नै टुंगाे लगाइसकेका थिए ।

विस्तार भएकाे प्रदेश कमिटीमा पर्साबाट १५ जना पर्न सफल भएका छन् । प्रदेश इन्जार्ज लालबाबु शेख, प्रदेश संयाेजक चाैधरी र सह संयाेजक महताेद्वारा हस्ताक्षरित प्रेस विज्ञप्ती मार्फत कमिटी विस्तार भएकाे सार्वजनिक गरिएकाे हाे ।

जस अनुसार पर्साबाट आंसिक अंसारी, किरण राज पाण्डे, तुलसी भण्डारी, प्रमाेद यादव, संजिव मिश्रा, दिपक गाैतम, जगत राई, महेश चन्द्र गाैतम, अशाेक श्रीवास्तव, प्रताप श्रेष्ठ, शत्रुधन नेपाल, श्याम बन्जारा, युवराज खड्का, शुष्मा शर्मा र रसना ढकाल प्रदेश कमिटीमा परेका छन् ।

प्रदेश कमिटीकाे नमावली यस प्रकार छ ।

सुचना प्रविधीको विकासमा आइटी मेलाले टेवा पुग्ने : पुर्व राष्ट्रपती यादव

0

वीरगंज । नेपालमा सुचना प्रविधि क्षेत्रमा कार्यरत जनशक्ति, विज्ञ, संघसंस्था तथा व्यवसायीहरुको छाता संगठन क्यान महासंघ पर्साद्धारा आयोजित क्यान ईन्फाटेक आईटि मेला २०२० आज उद्घाटन भएको छ ।

वीरगंज नगर सभा गृहमा आयाेजित आइटी मेलाकाे एक समारोहका विच नेपालका प्रथम राष्ट्रपती डा. रामवरण यादवको उद्घाटन गरेका छन् । मेलाको उद्घाटन डिजीटल प्रविधीबाट रोबोटका माध्यमले रिबन काटेर गरिएको थियो ।

उद्घाटन समारोहलाई सम्बोधन गर्दै कार्यक्रमका प्रमुख अतिथी समेत रहेका पुर्व राष्ट्रपति यादवले २१ औ शताब्दीमा सुचना प्रविधि नभइ नहुने विषय भएकाे बताए । नेपालले सुचना प्रविधिको क्षेत्रमा ठुलै फड्को मार्न नसकेपनि यस्ता खालका आईटि मेलाहरुले नेपालमा सुचना प्रविधिको विकासमा टेवा पुग्ने उनले बताए ।

क्यान महासंघ पर्साका अध्यक्ष दिपक शाहको सभापतित्वमा भएकाे कार्यक्रममा नेपाली कांग्रेसका केन्द्रिय सदस्य रमेश रिजाल, क्यान महासंघका केन्द्रिय अध्यक्ष नवराज कुँवर, क्यान महासंघ का निर्वतमान अध्यक्ष हेमन्त चौरसिया, क्यान महासंघ प्रदेश २ का अध्यक्ष आलोक चौरसिया, क्यान महासंघका पुर्वमहासचिव पंकज जलान, वीरगञ्ज महानगरपालिका शिक्षा प्रशासन महाशाखा अध्यक्ष अरविन्द लाल कर्ण, भारतीय दुतावास वीरगञ्जका नितेश कुमार, प्रभुपेका विजय अधिकारी लगायत क्यान महासंघका केन्द्रिय सदस्य तथा प्रदेश २ का जिल्ला अध्यक्षहरुको उपस्थिती रहेको थियो ।

आजबाट प्रारम्भ भएको आईटि मेला आगामी १३ गतेसम्म वीरगञ्जस्थित नगर सभागृहमा जारी रहनेछ । मेलामा सुचना प्रविधीसँग सम्बन्धीत ६० भन्दा बढी स्टलहरु राखिएको छ । रोबोट वार, साँस्कृतिक प्रस्तुती तथा आईटि सम्मेलन मेलाको मुख्य आकर्षणको रुपमा रहेकाे आयाेजक संस्था क्यान पर्साका सदस्य आसु कुमार सरार्फले वताए ।

सामाजिक संजाले ९ बर्ष पहिला वेपता भएकाकाे पत्ता लाग्याे

0
९ बर्ष पछि फेला परेका कालिकामाई गापा २ भेडिहारी निवासी जगदेव । तस्बिर : कालिका टाइम्स

पर्सा । सामाजिक संजालले ९ बर्ष पहिला वेपता भएका एक युवक घर फर्काए पछि परिवार सहित गाउँमा खुशीयाली छाएको छ । पर्साको कालिकामाई गाउँपालिका वडा नम्बर २ भेडिहारी निवासी मोतिलाल साह कलवारको २४ बर्षीय छोरा ९ बर्ष पछाडी आज फेला परेका छन् ।

९ बर्ष पछाडी भारतको कलकताको भवानीपुर गाउँमा फेला परेको सुन्दा घरपरिवारमा खुशीयालीको साथै सो गाउँवासीहरु पनि हर्षित भएका छन । समाजिक संजालको मार्फत पता लागेको जगदेव साह कलवार सुरक्षित तरिकाले भारतको कलकता भवानीपुर निवासी कपन प्रधानले ६ महिना अगाडी देखी रेखदेख गर्दै आएका थिए ।

भारतकाे कलकतामा फेला परेका जगदेव बिचमा र उनलाई लिन गएका उनकाे दाई सुरुमा । तस्बिर : कालिका टाइम्स

१५ बर्षको उमेरमा घरबाट फरार भएका कलवारको खोजतलास गर्दै थाकेका घरपरिवार अब नपाउने भन्दै संताेस गरिसकेका थिए । समाजिक संजालमा फोटो देखे पछि फरार रहेका भाई जगदेवको बारेमा अनुसंधान गरी सोही ठाउँमा पुगेको जेठो दाई राजकुमार साह कलवारले वताए ।

जगदेवकाे पता लागेकाे खबर सुन्दा हामी सम्मपुर्ण घरपरिवार सहित गाउ नैै हर्षित भएकाे स्थानिय ताजिन्द्र साह कलवारले वताए । मानसिक स्थिती अलि कमजाेर रहेका जगदेव ९ बर्ष पहिला वीरगंज रानीघाट स्थित आफ्नै घरबाट निस्केर फरार भएका थिए ।

कम्युनिष्टहरुले प्रजातन्त्रलाई अपहरण गर्न खोजेको नेता रिजालकाे आरोप

0

पर्सा । नेपाली कांग्रेसका केन्द्रिय सदस्य रमेश रिजालले कम्युनिष्टहरुले प्रजातन्त्रलाई अपहरण गर्न खोजेको आरोप लगाएका छन् । पर्साकाे कालिकामाई गाउँपालिका वडा नम्बर १ का वडाअध्यक्ष शिवनाथ राउत कुर्मीको असमायिक निधनको १३ औ पुन्य तिथीमा आयाेजित श्रद्धान्जली सभालाई संबोद्धन गर्दै नेता रिजालले प्रजातन्त्रको अवस्था ठिक नरहेको र प्रजातन्त्र बर्तमान सरकारका कारण कष्टकर रहेको वताए ।

सोही सभालाई संबोद्धन गर्दै पुर्ब मंत्री तथा नेपाली कांग्रेसका नेता सुरेन्द्र चौधरीले देश गलत मान्छेको हातमा परेकोले लोकतन्त्र खतरामा रहेकाे वताए । नेता चौधरीले सरकार भ्रष्टाचारमा लिप्त रहेका कारण लोकतन्त्र कमजोर बन्दै गएको बताए ।

पुर्ब जिविस सभापति तथा नेपाली कांग्रेसका युवा नेता जर्नाधन सिंह क्षेत्रीले पर्सा जिल्लाका नेपाली कांग्रेसले एउटा योद्धा नै गुमाएकोले अब सो योद्धाको सम्मपुर्ण जिम्मेवारी सम्मपुर्ण टिनडोयिबासी र मुडलीवासीलाई रहेको वताए ।

२०१५ सालमा टिनडोबियामा जन्मनु भएका वडाध्यक्ष कुर्मीकाे २०७६ पौस महिनाको २६ गते असमायिक निधन भएको थियो ।

नेपाली कांग्रेसकाे कालिकामाई गाउँपालिकाका संयोजक राजेन्द्र कुर्मीको अध्यक्षतामा भएको श्रद्धान्जली सभामा महासमिती सदस्य बशिष्ठनारायण कुर्मी, महासमिती सदस्य रामजन्म चौधरी, जिल्ला सदस्य पन्चानन्द मिश्रा, नविन सिंह, क्षेत्र नम्बर ४ का क्षेत्रिय सभापति रमेश पाण्डे, क्षेत्रिय सचिव बलिस्टर अहम्मद लगायत नेपाली कांग्रेस तथा स्थानिय नेताकार्यकर्ताहरुको उल्लेखनिय सहभागीता रहेको थियो ।

नेपाली कांग्रेसकाे कालिकामाई गाउँपालिका वडा नं. १ मुडलीकाे आयाेजनामा टिनडाेबियामा भएकाे  कार्यक्रमकाे संचालन छठु साहले गरेका थिए ।

बर्षाकाे कारण राेकिएकाे वीपिएल माघ ११ देखी हुने

0

वीरगंज । बर्षाका कारण राेकिएकाे वीरगंज प्रिमियर लिग (वीपिएल) टि २० क्रिकेट प्रतियाेगिता माघ ११ देखी हुने भएकाे छ ।  माैसम प्रतिकुलताकाे कारण राेकिएकाे प्रयाेगिता शनिबार देखी सुरु हुने वीपिएलका प्रवक्ता राजुल हवारीले वताए ।

युनाईटेड क्रिकेट क्लबकाे आयाेजनामा हुने प्रतियाेगिताकाे उद्घाटन प्रतिनिधि सभा सदस्य (सांसद) प्रदिप यादवले गर्ने प्रवक्ता हवारीले वताए । प्रतियाेगिता उद्घाटन प्रदेश २ का मुख्यमन्त्री लालबाबु राउत गद्दीले गर्ने कार्यक्रम रहे पनि राष्ट्रिय सभाकाे निर्वाचनले गर्दा मुख्यमन्त्री नआउने भए पछि सा‌ंसद यादवले कार्यक्रम उद्घाटन गर्ने तय भएकाे उनले जानकारी गराए ।

वीरगंजकाे नारायणी क्रिकेट मैदानमा हुने प्रतियाेगितामा ६ वटा क्रिकेट टिमहरुले भाग लिएका छन् ।

गत शनिबार माघ ४ गते देखी नै हुने प्रतियोगिताकाे सम्पूर्ण तयारी पुरा भए पनि  माैसम प्रतिकुलताका कारण स्थगित भएकाे थियाे ।

क्यान इन्फोटेककाे सम्पूर्ण तयारी पुरा, उद्घाटन पूर्व राष्ट्रपति यादव गर्ने

0

वीरगंज । क्यान महासंघ पर्साले वीरगंजमा आयाेजना गर्न लागेकाे दोश्रो प्रदेश स्तरिय क्यान इन्फोटेक २०२० काे सम्पूर्ण तयारी पुरा भएकाे आयाेजकले जनाएकाे छ । आयाेजकले पत्रकार सम्मेलन गर्दै क्यान प्रदेश नं. २ को संयोजन र क्यान महासंघको संरक्षणमा भाेली (विहिबार) देखि सुरु हुने कार्यक्रमकाे उदघाट नेपालका प्रथम राष्ट्रपति रामबरण यादवले गर्ने कार्यक्रम रहेकाे जनाएकाे हाे ।

वीरगंजको नगर सभागृह (टाउन हल) मा आयोजना गरिएकाे क्यान इन्फोटेक ५ दिन सम्म चल्ने छ ।

कार्यक्रम स्थल मै पत्रकार सम्मेलन गर्दै आयाेजकले नेपालमा रहेर सूचना प्रविधि क्षेत्रमा काम गर्नेहरुको मेला अर्थान क्यान इन्फोटेक वीरगंजमा यस पटक आईटि संग सम्बन्धित विभिन्न ६० वटा स्टल रहने जनाएका छन् ।

प्रभु पे मुख्य प्रायोजक रहेको क्यान इन्फोटेक २०२० वीरगंजमा विभिन्न छुटकाे समेत व्यवस्था गरिएको छ । क्यान इन्फोटेकमा प्रभु पे एप मार्फत टिकट खरिद गर्दा कटेको टिकेटको पुरा रकम एप मार्फत फिर्ता आउने आयोजकहरुले बताए । त्यसैगरी यसपटकका मुख्य आकर्षणमा रोबोट प्रतियोगिता, आईटि म्युजियम, आईसीटि छात्रवृति, छुट दरमा विभिन्न उपकरणलगयात रहेका छन् ।

पाँच दिन सम्म चल्ने क्यान इन्फोटेक २०२० वीरगंजमा हरेक दिन विभिन् विषयमा जानकारी मुलक सेमिनार, अभिमुखीकरण, प्यानल छलफल र प्रदर्शनी समेत लाग्ने क्यान पर्साका अध्यक्ष दिपक साहले बताए । त्यसैगरी स्कुल, कलेज र आईटि अध्यनरत विद्यार्थीहरुका लागि पनि छुट्टै छुट्टै सेमिनारको व्यस्था गरिएको साहले जानकारी दिए ।

क्यान महासंघ पर्साका अध्यक्ष दिपक साहको अध्यक्षतामा आयोजित पत्रकार सम्मेलनमा केन्द्रिय सदस्य भुपाल दास श्रेष्ठ, क्यान महासंघ प्रदेश नं २ का अध्यक्ष आलोक कुमार चौरसिया, क्यान महासंघ पर्साका उपाध्यक्ष प्रशान्त कुमार, कोषाध्यक्ष संजय कुर्मी, सह सचिव गणेश सर्राफलगयातको उपस्थिति रहेको थियो । कार्यक्रमकाे संचालन क्यान महासंघका कार्यसमिति सदस्य आशुँ कुमार सर्राफले गरेका थिए ।

आलियाको स्पष्टिकरणः ‘घाइते भएकी होइन, पुरानो घाउ वल्झियो’

0

चलचित्र ‘गंगुबाई काठियावाडी’को छायांकनका क्रममा नायिका आलिया भट्ट घाइते भएको खबर फैलियो । यो खबर फैलिएपछि आलियाले स्पष्टिकरण दिएकी छिन् । आलियाले विज्ञप्ती नै जारी गर्दै चलचित्रको छायांकनका क्रममा आफू घाइते नभएको उल्लेख गरेकी छिन् । उनले, आफ्नो पुरानो घाउ वल्झिएकाले केही दिन छायांकन रोकेर आराम गरेको उल्लेख गरेकी छिन् ।

उनले आफूलाई शिर्घ स्वास्थ्य लाभको शुभकामना दिनेहरुलाई धन्यवाद समेत दिएकी छिन् । आलियाले सामाजिक संजालमा आफू निदाइरहेको तस्वीर पोष्ट गरेपछि उनी घाइते भएको खबर फैलिएको थियो ।

आलियाले विज्ञप्तीमा भनेकी छिन्–‘ती सबै समाचार, जसमा मैले छायांकन सेटमा आफूलाई घाइते बनाएकी छु भन्ने छ, ती सबै गलत छन् । यो एक पुरानो चोट हो, जुन फेरि बल्झियो । यसकारण, म केही दिन घरमै आराम गर्नुपर्ने भयो । यो दुर्घटना वा अरु केही पनि होइन ।’

आलिया अहिले संजलिला भन्सालीको निर्देशनमा बनिरहेको चलचित्र ‘गंगुवाई काठियावाडी’मा काम गरिरहेकी छिन् ।

वीरगंज भन्सारकाे पुरानाे गाेदाममा आगलागी

0
वीरगंज भन्सारकाे गाेदाममा लागेकाे आगलागी स्थलमा प्रहरी । तस्बिर : जाकिर हुसेन

वीरगंज । वीरगंज भन्सार कार्यालय भित्र रहेकाे पुरानाे गाेदाम घरमा मंगलबार साझ आगलगी भएकाे छ । बिधुत सर्ट भई सांझ ७:३५ बजे भएकाे आगलगी ८:५० मा नियन्त्रणमा आएकाे हाे ।

वीरगंज महनगरपालिकाबाट पुगेकाे २ वटा दमकल, सशस्त्र प्रहरी, नेपाल प्रहरी र वीरगंज भन्सार कार्यालयका कर्मचारीहरुकाे सहयाेगमा आगाे नियन्त्रणमा आएकाे प्रहरीले जनाएकाे छ ।

आयाेग नियन्त्रणमा आए पछि पनि जितपुर सिमरा उपमहानगरपालिकाबाट १ वटा, कलैया उपमहानगरपालिकाबाट १ वटा र पाेखरिया नगरपालिकाबाट १ गरी ३ वटा दमकल आगलगी स्थलमा पुगेकाे थियाे ।

आगलगी भएकाे गाेदाममा वेस्टेज(wastage) सामानहरु मात्र रहेकाे र कुनै पनि मानविय क्षति नभएकाे वीरगंज भन्सार कार्यालयले जनाएकाे छ ।