Date
आइत, मंसिर ६, २०८३
Sun, November 22, 2026
Home Blog Page 1036

सखुवा प्रसाैनीमा छाेरी विमा सिविर सम्बन्धमा छलफल

0

वीरगंज । पर्साकाे सखुवा प्रसाैनी गाउँपालिकामा माघ १८ गते शनिबार हुने छाेरी विमा बचत/मुद्दती खाता खाेल्ने शिविर तयारी सम्बन्धमा आज बैठक सम्पन्न भएकाे छ ।

वडा नं. ५ र ६ काे वडा प्रतिनिधि, महिला स्वास्थ्य सेविका र अन्य समाज सेवीहरु बैठक बसी शिविर तयारी तथा सफल बनाउन सम्बन्धमा छलफल भएकाे गाउँपालिका स्वास्थ्य संयाेजक राजेश राैनियारले वताए ।

गाउँपालिका अध्यक्ष प्रदिप जयसवालकाे अध्यक्षतामा बसेकाे बैठकमा वडा नं. ५ का वडाध्यक्ष रुपलाल यादव,  लगायतकाे सहभागिता रहेकाे थियाे ।

यता सखुवा प्रसाैनी गाउँपालिकाकाे वडा नं. ५ महुवनमा हाजरी जवाफ प्रतियाेगिता सम्पन्न भएकाे छ । श्री ने.रा.मा.वि. महुवनमा भएकाे हाजरी जवाफ प्रतियाेगितामा प्रथम, द्वितिय र तृतिय हुनेलाई गाउँपालिका अध्यक्ष जयसवालले पुरस्कृत गरेका थिए ।

महासंघकाे सदस्याकाे लागि परेकाे दरखास्त फारम समितिलाई बुझाइयाे

0

वीरगंज । नेपाल पत्रकार महासंघकाे सदस्यताकाे लागि भरिएकाे फारम आज सदस्यता वितरण तथा सुद्धिकरण समितिलाई बुझाइएकाे छ ।

महासंघकाे पर्सा शाखामा न्याँ सदस्यताकाे लागि परेकाे एक सय २३ जनाकाे दरखास्त फारम समितिलाई बुझाइएकाे हाे । महासंघ पर्सा शाखाका अध्यक्ष श्याम बन्जाराले दरखास्त फारम समितिलाई बुझाए लगतै समितिकाे बैठक समेत बसेकाे छ ।

महासंघकाे सदस्यता वितरण सम्बन्धमा वीरगंज मुर्ली स्थित रहेकाे महासंघ पर्सा शाखाकाे भवन मै समितिकाे बैठक बसेकाे हाे ।

महासंघ पर्साका उपाध्यक्ष अनुप तिवारी संयाेजक रहेकाे समितिमा धुव्र साह, रामनारायण कुर्मी, युवराज खड्का, विजय कुशवाहा, आर.के. पटेल, भुषण यादव, संजिव मिश्रा, सुस्मा शर्मा रहेका छन्  ।

नेकपा, राजपा गठबन्धन चिरकाल सम्म : नेता यादव

0

वीरगंज । प्रदेश नं. २ बाट निर्वाचित राष्ट्रिय सभा सदस्यहरुलाई आज वीरगंजमा सम्मान गरिएकाे छ । नेकपा र राजपाले संयुक्त रुपमा वीरगंजमा बधाई तथा सम्मान कार्यक्रमकाे आयाेजना गरी नवनिर्वाचित सदस्यहरुलाई सम्मान गरेकाे हाे ।

नेकपा पर्साकाे पार्टी कार्यालय मनमाेहन नगर रामगढवामा भएकाे कार्यक्रममा नेकपा र राजपा गठबन्धनबाट राष्ट्रिय सभा सदस्यमा निर्वाचित नेकपाकी तुलसा दहाल र राजपाका मृगेन्द्र सिंह यादवलाई सम्मान गरिएकाे हाे ।

कार्यक्रममा वाेल्दै नेकपाकी नेतृ तथा राष्ट्रिय सभा सदस्य तुलसा दहालले पार्टीकाे चाहना पहिला देखी नै राजपालाई संघिय सरकारमा सहभागि गराउन र प्रदेश २ सरकारमा सहभागि हुन रहेकाे वताईन ।

उनले भनिन “पार्टीका बरिष्ठ नेता माधव कुमार नेपालले पहिला देखी नै भन्दै आउनु भएकाे छ, तपाईहरु संघिय सरकारमा सहभागि हुनुस् र हामीलाई पनि प्रदेश सरकारमा सहभागि गराउनुस् ।”  त्यसैले राष्ट्रिय सभाकाे निर्वाचनमा नेकपा र राजपा गठबन्धनलाई जनताले अनुमाेदन गरिसकेका कारण अब सरकारमा सहभागि हुनु पर्ने वताइन ।

राजपाका नेता तथा राष्ट्रिय सभा सदस्य मृगेन्द्र सिंह यादवले नेकपा र राजपा गठबन्धन चिरकाल सम्मकाे आवश्यकता रहेकाे वताए । राष्ट्रिय सभा निर्वाचनमा नेकपा र राजपाकाे गठबन्धन इमान्दर प्रमाणित भइसकेकाेले याे गठबन्धनकाे चिरकाल सम्मकाे आवश्यकता रहेकाे धारणा राखे ।

कार्यक्रममा राजपाका महासचिव शिव पटेल, सह महासचिव नेजामुदिन समानी, प्रदेश सभा सदस्य रमेश कुर्मी, नेकपाकी केन्द्रिय सदस्य निर्माला देवकाेटा लगायतकाले मन्तव्य राखेका थिए ।

एघारौं शनिबार पनि शंकराचारद्वारमा सरसफाई

0

वीरगंज । भोलन्टियर समुहद्वरा ६८ औ अन्तराष्ट्रिय भन्सार दिवसकाे अवसरमा एघारौ हप्ताको सरसफाई कार्यक्रम सम्पन्न भएकाे छ । नेपालको मुख्य प्रवेशद्वारको रुपमा चिनिने वीरगंजकाे शंकराचार्य गेटको वरि परि रहेको फोहरमैलालाइ सरसफाइ गर्ने उद्देश्यले शनिबार सरसफाइ गरिएकाे हाे ।

ग्रीन सिटि, छपकैया सामुदायिक प्रहरि सेवा र भन्सार कार्यालयकाे समेत समन्वय गरि भाेलन्टियर समुहले सरसफाइ गरेकाे भाेलन्टियरका संयाेजक राजन श्रीवास्तवले वताए । शंकराचार्य गेटको सरसफाईमा जुटेका भोलेन्टियर समुह वीरगंजले एघारौ सप्ताह पनी वीरगंज ग्रिन सिटी, सामुदायिक प्रहरी साझेदारी र भंन्सार कार्यालय वीरंगको सहकार्यमा शंकराचार्य गेट देखी वीरगंज भंन्सारको मुल गेटसम्म सरसफाई गरेकाे उनले जानकारी गराए ।

सरसफाई कार्यक्रममा सुरुवात देखि नै बिरगंज महानगरपालिकाले दमकल, पानी, सरसफाइ सामाग्री लगायत कर्मचारी समेत खटाउदै सरसफाइ कार्यमा हातेमालो गर्दै आएकाे छ ।

भोलेन्टियर समुहका वीरगंका किशन सरार्फको अध्यक्षतामा भएको कार्यक्रममा अनिल हजरा, शेष हजरा, विनय गुप्ता, ग्रिनसिटी वीरगंजका प्रकाश खेतान, ग्यासुदिन ठकुराइ, सर्फुदिन मिया, नेहाल आलम, मुकेश खेतान, महिला समुहका प्रतिनिधि, समाजसेवा, सामाजिक अभियन्ता लगायत, ट्राफिक कार्यालय प्रहरी निरीक्षक कमल राज पंडित, वीर्ता प्रहरी कार्यालयका प्रहरी निरीक्षक निर्मल पनेरु र विभिन्न सामुदायिक प्रहरी साझेदारीका पदाधिकाहरूको सहभागीता रहेको थियो ।

हरिहरपुरमा नि:शुल्क आँखा शिविर सम्पन्न

0

वीरगंज । पर्साको कालिकामाई गाउँपालिकाको वडा नम्बर ३ हरिहरपुर बिर्तामा निशुल्क आँखा शिविर सम्पन भएको छ । कालिकामाई गाउँपालिकाको सहयोग र केडिया आँखा अस्पताल परवानीपुरकाे आयाेजना तथा सुनौलो नेपालको सहजीकरणमा शिविर सम्पन भएकाे हाे ।

श्री ने.रा. प्रा.वि. हरिहरपुरमा भएकाे शिविरमा ३ सय २३ जनाले आँखा परिक्षण गरिएका छन् । जस मध्ये १ सय ३५ जनामा मोतियाबिन्दु फेला परेकाे छ । माेतिया विन्दु फेलामा परेकाेमा ९० जना पुरुष र ४५ जना महिलाहरु रहेकाे सुनाैलाे नेपालका अध्यक्ष अमाेद कुमार केंवटले वताए ।

शिविरमा १ सय ५४ जना पुरुष र १ सय ६८ जना महिलाहरु गरी ३ सय २३ जनालाई केडिया आँखा अस्पताल परवानीपुरका डा. शिवशंकर प्रसाद, डा. राजदेव साह, डा. गजेन्द्रदेव र सरस्वती मैनाली र बिन्दा बस्नेत लगायतकाले चेकजाच गरेको ईलाका प्रहरी कार्यालय बिरन्चीवर्वाका प्रहरी सहायक निरिक्षक भरत यादवले जानकारी गराए ।

वीपिएलकाे उद्घाटन खेलमा डीसीसी बीरगंज विजयी

0

वीरगंज । वीरगंजमा शनिबारदेखि बीरगंज प्रिमियर लिग टी–२० क्रिकेट प्रतियाेगतिता शुरु भएको छ । बीरगंजस्थित नारायणी क्रिकेट मैदानमा सुरु भएकाे प्रतियाेगतिताकाे उद्घाटन खेलमा डीसीसी बीरगंज १४ रनले विजयी भएको छ ।

डीसीसी बीरगंज र बीरगंज स्टार्सबीच भएको उद्घाटन खेलमा टस जितेर बीरगंज स्टार्सले पहिले फिल्डिङ्ग रोजेपछि डीसीसी बीरगंजले पहिले व्याटिङ्ग गर्दै निर्धारित २० ओभरमा ६ विकेट खर्चेर १ सय २५ रन बनाएको थियो । डीसीसीका लागि हरिकृष्ण झाले ५३ र समसाद अलि अन्सारीले ४७ रनको योगदान दिए ।

प्रतिउत्तरमा १ सय २६ रनको लक्ष्य सहित ब्याटिङ्ग गरेको बीरगंज स्टार्स १ सय ११ रनमै समेटिएपछि डीसीसीले जित हासिल गरेको हो । बीरगंज स्टार्सका लागि विवेक कुमार यादवले ३३, हरिशंकर साहले २५ र सैदुल्लाह अन्सारीले १५ रनको योगदान दिए । खेलको म्यान अफ द म्याच सैफुल्लाह अन्सारी घोषित भए ।

आगामी माघ २० गतेसम्म संचालन हुने प्रतियोगितामा प्रदेश नं. २ का ६ वटा टिमको सहभागिता रहेको छ । प्रतियोगितामा भोलि दुई खेलहरु हुनेछन् । पहिलो खेल सिंह ११ र ड्रागन साहिब दरबारबीच हुनेछ भने दोस्रो खेल रौतहट राइनोज र डीसीसी बीरगंजबीच हुने वीपिएलका प्रवक्ता राजुल हवारीले वताए ।

वीरगंजमा अधारभुत फोटो पत्रकारिता तालिम आयोजना हुने

0

वीरगंज । नेपाल फोटो पत्रकार महासंघ पर्सा शाखाको बैठक शनिबार सम्पन्न भएको छ । पत्रकार महासंघ पर्साका सभाहलमा  बसेको बैठकले आउदो फागुन १६,१७ र १८ गते प्रदेशस्तरीय अधारभुत फोटो पत्रकारिता तालिम वीरगन्जमा आयोजना गर्ने निर्णय गरेको छ ।

नेपाल फोटो पत्रकार महासंघ र नेपाल पत्रकार महासंघको निर्णय अनुसार प्रदेश स्तरीय तालिम आयोजना गर्न लागिएकाे फाेटाे पत्रकार महासंघ पर्साका सचिव तिवारी यादवले वताए ।

फाेटाे पत्रकार महासंघ पर्साका अध्यक्ष बिजय चौहानको अध्यक्षतामा बसेकाे बैठकमा नेपाल पत्रकार महासंघ प्रदेश २ का उपाध्यक्ष केसी लामिछाने, पर्सा शाखाका अध्यक्ष श्याम बन्जारा, सचिव युवराज खडका, नेपाल फोटो पत्रकार महासंघका महासचिव हरि रेग्मी, प्रशिक्षण बिभाग प्रमुख कृष्ण गिरि लगायतको उपस्थिति रहेकोे थियो ।

वीपिएल टि २० क्रिकेट प्रतियाेगिता सुरु

0

वीरगंज । वीरगंज प्रिमियर लिग (वीपिएल) टि २० क्रिकेट प्रतियाेगिता आज देखी सुरु भएकाे छ ।  नारायणी क्रिकेट मैदान वीरगंजमा आयाेजित प्रयाेगिताकाे उद्घाटन एक समाराेहका विच प्रतिनिधि सभा सदस्य प्रदिप यादवले गरेका छन् ।

प्रतियाेगिताकाे उद्घाटन गर्दै पर्सा क्षेत्र नं. १ का संघिय सांसद प्रदिप यादवले खेलाडीहरुलाई प्राेत्साहन गर्न जरुरी रहेकाे वताए । राष्ट्रिय स्तरका खेलाडीहरुकाे जागिरकाे व्यवस्था समेत सकारले गर्नु पर्ने वताउदै सांसद यादवले त्यस खालकाे कानुन ल्याएर प्रदेश २ सरकारले सुरुवात गर्नु पर्ने वताए ।

खेलाडीहरुले राष्ट्रकाे नाम राेशन गर्ने भएकाले राष्ट्रकाे गहना भएकाे वताए । त्यसैले खेलाडीहरुकाे सम्पूर्ण जिम्मेेवारी सरकारले लिनु पर्ने उनकाे भनाई थियाे ।

युनाईटेड क्रिकेट क्लबका अध्यक्ष हासिम हवारीकाे अध्यक्षतामा भएकाे उद्घाटन समाराेहमा प्रदेश सांसद प्रहलाद गिरी, जन्नत अन्सारी, करिमा बेग्म, भिमा यादव, जिल्ला समन्व समिति पर्साका संयाेजक नेक महमद अन्सारी, क्रिकेट एशाेसिएसन अफ नेपालका सदस्य दाउद अन्सारी, माधव अचार्य, समाजवादी पार्टीका पर्सा अध्यक्ष रामनरेश यादव, जिल्ला सचिव तबरेज अहमद, नेता सुन्दर कुर्मी, वीरगंज महानगर अध्यक्ष इशवर यादव लगायतकाे सहभागिता रहेकाे थियाे ।

युनाईटेड क्रिकेट क्लबकाे आयाेजनामा भएकाे प्रतियाेगिताकाे उद्घाटन समाराेहमा वीरगंजका विभिन्न विद्यालयका छात्र/छात्राहरुले मार्च पास समेत प्रस्तुत गरेका थिए । साे मार्च पासमा जिएचपी प्रथम, साउथजुन द्वितिय र गाैतम स्कुल तृतिय घाेषित भएका थिए ।

कार्यक्रमकाे संचालन वीपिएलका प्रवक्ता राजुल हवारीले गरेका थिए भने स्वागत मन्तव्य आयोजक क्लबका सचिव एवं वीपिएलका निर्देशक घन्सयामबाबु गुप्ताले गरेका थिए ।

उद्घाटन समाराेहमा गायक अजमत अली र एसएस साेनुले देश भक्ति गित समेत प्रस्तुत गरेका थिए । यसका साथै साे अवसरमा विभिन्न विद्यालयका छात्र/छात्राहरुले नृत्य समेत प्रस्तुत गरेका थिए ।

प्रतियाेगितामा ६ वटा क्रिकेट टिम भाग लिएका छन् भने आजकाे खेल वीरगंज स्टार र विसिसी बिच भइरहेकाे छ । प्रतियाेगिताकाे विजेतालाई रु दुई लाख ५० हजार र उप विजेतालाई रु एक लाख ८० हजार पुरस्कार प्रदान समेत गरिने छ ।

चुनाव पछि त्रिबिको पढाईकाे साथै भैतिक बिकास र युवा पुस्ताको राजनीति पक्ष सबल हुने

0

त्रिभुवन विश्वविद्यालले आगामी फागुन १४ गते स्वतन्त्र विद्यार्थी युनियन (स्ववियु)को निर्वाचन गर्ने मिति तोकेको छ । त्रिवी सभाको बैठकले स्ववियु चुनाव सम्बन्धि आवश्यक प्रक्रिया एक महिना भित्र टुंगो लगाएर फागुन १४ मा निर्वाचन गर्ने निर्णय गरेको हो । विगत एघार वर्षदेखि स्ववियु चुनाव हुन सकेको छैन् । यस अघि २०६५ सालमा मात्र स्ववियु चुनाव भएको थियो । लामो समयसम्म स्ववियु चुनाव नहुँदा विद्यार्थी राजनीति नै संकटमा परेको बहस सुरु भइराखेका बेला त्रिवीले चुनावको मिति तोकेको हो ।

स्ववियु निर्वाचनमा २८ वर्षीय उमेर हदबन्दी र मिश्रित निर्वाचन प्रणाली लागू गरिएको छ । त्रिभुवन विश्वविद्यालयका ६० वटा आंगिक र अन्य क्याम्पसमा चुनावको तयारी भइरहेको छ । नेपाल विद्यार्थी संघ, अखिल नेपाल राष्ट्रिय स्वतन्त्र विद्यार्थी युनियन, अखिल नेपाल राष्ट्रिय स्वतन्त्र विद्यार्थी युनियन क्रान्तिकारी, नयाँ शक्ति विद्यार्थी संगठनलगायत चुनाव प्रतिस्पर्धामा छन् ।

त्रिविले ११ वर्ष अघिदेखि हुन नसकेको करिब ४ सय आंगिक र सम्बन्धन प्राप्त क्याम्पसमा पनि सोही दिन निर्वाचन गर्ने गरी तयारी गरेको र २०७३ सालमा करिब २ सय ८० क्याम्पसमा मात्र निर्वाचन भएको थियो । तीमध्ये प्रदर्शनीमार्गको रत्नराज्य, पकनाजोलको पिपुल्स र टिकापुरको कैलाली बहुमुखी क्याम्पसमा चैतमा निर्वाचन भएको थियो । ‘अब ६१ आंगिकसहित करिब ८ सय सम्बन्धन प्राप्त क्याम्पसमा फागुन १४ गते नै निर्वाचन हुनेछ ।

२०७३ सालमा उपत्यकाका ९ र उपत्यकाबाहिरका १५ गरी २४ आंगिक क्याम्पसमा मतदान सम्पन्न गरेको छ । त्यसबेला त्रिविले पहिलो पटक २८ वर्ष उमेर हद कायम गरी निर्वाचन गरेको थियो । उमेर हदको विवाद भएपछि उपत्यकाका केही क्याम्पसमा निर्वाचन स्थगित भएको थियो । यो वर्षको निर्वाचनमा २८ वर्ष उमेर हद बनाएर निर्वाचन गर्नेछ ।

त्रिविले तयार गरेको प्रारम्भिक कार्यतालिकाअनुसार फागुन १ गते मतदाता सूची प्रकाशित गर्ने, २ गते दाबी विरोधको छानबिन गरी अन्तिम नामावली प्रकाशन गर्ने, ४ गते प्रत्यक्ष र समानुपातिकतर्फको मनोनयनपत्र वितरण गर्ने, ५ गते नामावली दाखिला गर्ने, ५ गते प्रत्यक्षतर्फको नामावली प्रकाशित गर्ने, ६ दाबी विरोधसहित अन्तिम समय दिने, ७ गते उम्मदवारी फिर्ता लिने र उम्मेदारको अन्तिम नामावली प्रकाशित गर्ने कार्यतालिका सार्वजनिक गरेको छ ।

सोसँगै १४ गते निर्वाचन गर्नेगरी प्रारम्भिक कार्यतालिकाको विषयमा छलफल गरी स्ववियुकाे निर्वाचन घोषणाले चुनाव पछि त्रिबिको पढाईकाे साथै भैतिक बिकास र युवा पुस्ताको राजनीति पक्ष सबल हुने नेबि संघका बिद्यार्थी युवा नेता सुजित साहले बताए ।

बहुदरमाई नगरपालिकामा ताेडफाेड र आगजनी, ४ जना घाइते

0

वीरगंज । पर्साकाे बहुदरमाई नगरपालिकामा आज ताेडफाेड र आगजनी भएकाे छ । बहुदरमाई नगरपालिकाकाे वडा नं. ३ स्थित रहेकाे श्री महाविर साह माध्यमिक विद्यालय नगरदाहाका विद्यार्थीहरुले नगरपालिकाकाे कार्यालयमा ताेडफाेड तथा आगजनी गरेका हुन् ।

विद्यार्थीहरुले नगरपालिकाकाे ना. १ ब. २९०६ नम्बरकाे प्लसर माेटरसाइकल जलाउनुकाे साथै कार्यालयकाे फर्निचर तथा कागजपत्र समेत जलाइदिएकाे इलाका प्रहरी कार्यालय पाेखरियाका प्रहरी निरिक्षक चन्द्र सिंहले वताए । नगरपालिका कार्यालयकाे एक वटा माेटरसाइकल, ७ वटा डेक्सटप कम्प्युटर, एक सेट साेफा, टेबल, कुर्सी, सिसि टिभी क्यामरा र कागजपत्र विद्यार्थीहरुले जलाएकाे प्रहरी निरिक्षक सिंहले वताए ।

विद्यार्थीहरुले नगर कार्यपालिका कार्यालयकाे दर्ता चलानी रजिष्टर लागतकाे कागजपत्र जलाएकाे उनले वताए ।

विद्यार्थीहरुले विद्यालयकाे समस्या सम्बन्धमा नगरपालिकाका मेयर नितेन्द्र साह संग भेटन नगरपालिकाकाे कार्यलय पुगेका थिए । नगरपालिका मेयर साह कार्यालयमा नभेटिए पछि कर्मचारी, केही स्थानिय र विद्यार्थी विच विवाद हुदा झडप समेत हुन पुग्याे ।

जुन झडपामा परेर ४ विद्यार्थीहरु घाइते समेत भएका छन् । कक्षा ९ का संजय कुमार तुराहा, कक्षा ७ का शेषनाथ प्रसाद यादव, साेही कक्षाकी पुनिता कुमारी पटेल र अजय साह तुराहा घाइते भएका छन् । घाइते चारै जनाकाे नारायणी अस्पताल वीरगंजमा उपचार भइरहेकाे छ ।

नगरपालिकाका कर्मचारी र मेयर साह पक्षधर केही स्थानियहरुले विद्यार्थीहरुलाई कुटपिट गरे पछि झन आक्राेसित बनेका विद्यार्थीहरु ताेडफाेड र आगजनीमा उत्रेका थिए ।

विद्यार्थीहरुले नगरपालिका कार्यालय अगाडी टायर बालेर प्रदर्शन समेत गरेका थिए ।  विद्यार्थीहरुकाे प्रदर्शन, ताेडफाेड र आगजनीका कारण शुक्रबार दिनभर साे क्षेत्र तनावग्रस्त रह्याे ।

विद्यार्थीहरुकाे ताेडफोड र आगजनीबाट क्षति भएकाे सम्पुर्ण विवरण आइनसकेकाे प्रहरीले जनाएकाे छ भने अनुमानित रु २५ लाख जतिकाे क्षति भएकाे प्रहरीकाे अनुमान छ ।

नगरपालिका मेयर बाहिर रहेका कारण विवादका सम्बन्धमा छलफल हुन नसकेकाे इलका प्रहरी कार्यालय पाेखरियाका प्रहरी निरिक्षक सिंहले वताए । भाेली शनिबार मेयर साहेब आए पछि समस्या सम्बन्धमा छलफल गरी विवाद समाधान गरिने प्रहरी निरिक्षक सिंहले जानकारी गराए ।