Date
आइत, मंसिर ६, २०८३
Sun, November 22, 2026
Home Blog Page 1035

सरस्वती पुजाकाे अवसरमा साँस्कृतिक कार्यक्रम

0

वीरगंज । सरस्वती पुजाकाे अवसरमा बिहिबार विभिन्न सामुदायिक तथा निजी विद्यालयहरुमा साँस्कृतिक कार्यक्रम सम्पन्न भएकाे छ । कार्यक्रममा विद्यालयमा अध्ययनरत छात्र/छात्राहरुले गित र नृत्य प्रस्तुत गरेका थिए ।

सरस्वती पुजा कै अवसरमा पर्साकाे धाेबिनी गाउँपालिकाकाे वडा नं. ४ स्थित रहेकाे ब्लु हेभन एकडेमी बाेर्डिङ स्कुलमा  सांसकृतिक कार्यक्रम सम्पन्न भएकाे छ । विद्यालय प्राङ्गणमा भएकाे कार्यक्रममा विद्यालयमा अध्ययनरत छात्र/छात्राहरुले गित, नृत्य, भनाई र चेतना मूलक नाटक प्रस्तुत गरेका थिए ।

कार्यक्रममा विद्यार्थीहरुले प्रस्तुत गरेकाे  “वेटी पढाउ बेटी बचाउ” सम्बन्धि नाटकले कार्यक्रमका सहभागिलाई भाउक बनाएकाे थियाे ।

विद्यालयका प्रिन्सपल सुदिल पटेलकाे अध्यक्षतामा भएकाे कार्यक्रममा इलका प्रहरी कार्यालय पाेखरियाका प्रहरी निरिक्षक चन्द्र सिंह, धाेबिनी गाउँपालिका वडा नं. ४ का वडाध्यक्ष मजिद मियाँ, वडा नं. ५ का वडाध्यक्ष मनौर अहमद, वडा नं. २ का वडाध्यक्ष नन्दलाल कुर्मी, विद्यालय व्यवस्थापन समिति अध्यक्ष हरिशंकर पटेल, पत्रकार शम्भु कुमार सुमन, वडा नं. ४ का वडा सचिव अजय साह लगायत अभिभावक र विद्यार्थीहरुकाे सहभागिता रहेकाे थियाे ।

कार्यक्रमकाे संचालन शिक्षक अशाेक पटेलले गरेका थिए भने स्वागत मन्तव्य शिक्षक ललन पटेलले गरेका थिए ।

सुन्दर सावित्री स्मृति संस्थाद्वारा पत्रकार चाैरसिया पुरस्कृत

0

वीरगंज । सुन्दर सावित्री स्मृति संस्था वीरगंजले आज एक समाराेहका विच भाेजपुरी टाईम्स दैनिकका प्रकाशक अजय कुमार चाैरसियालाई पुरस्कृत तथा सम्मान गरेकाे छ ।

संस्थाद्वारा वीरगंज १५ भिस्वा डाडामा आयाेजित चाैथाे भगवान बुद्ध पुजा-अर्चना तथा सम्मान कार्यक्रममा चाैरसियलाई रु १५ हजार नगद पुरस्कार राशी सहित सम्मान पत्रले सम्मानित गरिएकाे हाे । स्थानिय भाेजपुरी भाषामा निरन्तर पत्रकारिता गर्दै आएकाेमा चाैरसियालाई पुरस्कृत तथा सम्मान गरिएकाे आयाेजक संस्थाले जनाएकाे छ ।

संस्थाकी अध्यक्ष रत्नेश्वरी गाेर्खाली श्रेष्ठकाे अध्यक्षतामा भएकाे समाराेहमा प्रमुख अतिथी जेष्ठ नागरिक पशुपति बिक्रम शाहले पत्रकार चाैरसियालाई पुरस्कृत तथा सम्मान गरेका थिए ।

स्व. सुन्दर बहादुर गाेर्खाली र स्व. सावित्री देवी गाेर्खालीकाे स्मृतिमा विगत चार बर्ष देखि संस्थाले एक जना पत्रकारलाई क्रियाशिल पत्रकारिता पुरस्कार सम्मान गर्दै आएकाे छ ।

यस्तै साेही समाराेहमा साग खेल २०१९ का पदक विजेता लोक राज बज्रचार्य, विकास थापा, निश्चलमान श्रेष्ठ, नरेश यादव, सराेज यादव, सुमिर कुमार साह लगायतकालाई समेत सम्मान गरिएकाे थियाे ।

साे अवसरमा पूर्व सांसद राजेन्द्र बहादुर अमात्य, बुद्ध समाजका अध्यक्ष विरहर्ष साक्य, संस्थाका उपाध्यक्ष रमेश कुमार गाेर्खाली लगायतकाले मन्तव्य राखेका थिए भने कार्यक्रमकाे संचालन भगवान कार्कीले गरेका थिए ।

गाई तस्करी र हत्याकाे विरुद्धमा हिन्दू परिषदद्वारा वीरगंजमा प्रदर्शन

0

वीरगंज । हिन्दू परिषद नेपालले आज गाई तस्करी र हत्या बारे बिरगंजमा प्रदर्शन गरेको छ । वीरगंजकाे घण्टाघर देखी सुरु भएको र्‍याली माइस्थान, महाबिरस्थान, अलखियामठ, घडिअर्वा पोखरी हुदै नगर परिक्रमा गरी पुनः घण्टाघरमा आई कोणसभा परिणत भएको थिए ।

सभालाई सम्बोधन गर्दै परिषदका केन्द्रिय अध्यक्ष संतोष पटेलले केहि माफिया र राजनीतिक दलको आड़मा देशमा गौ तस्करी भइरहेको बताउदै गाै तस्करी नरोकिए देश भरी नै आन्दोलन गर्ने बताए । बिरगंज क्षेत्रबाट भई रहेको गौ तस्करी बारे पर्साका सम्पूर्ण सुरक्षा निकायका प्रमुख एवं भारतीय दूतावास बिरगंजका जिम्मेवार ब्यक्तिलाई जानकारी गराएको बताउदै भारत बाट गौ ल्याई नेपालको सिमा हुदै पाकिस्तान, बांग्लादेश, भूटान गई रहेको र तस्करी हुदा समेत नेपाल सरकार उदासीन हुदा आश्चर्यजन भएको बताए ।

नेपालमा गौ तस्करी हुनु आफैमा लाज्मर्दो बिषय भएको बताउदै उनले यस बिषयले नेपालको नै बेइज्जत गराएको बताए ।नेपालमा गौ तस्करी र हत्या गर्ने ब्यक्ति वा समूहलाई कड़ा कारवाहीको माग पटेलले गरेका थिए ।

सभामा नेपाल जोतिष परिषदका केन्द्रिय सह-महासचिव पुरषोतम दुबे, रामराज परिषद नेपालका केन्द्रिय संयोजक धर्मेंद्र पटेल, हिन्दू स्वेम सेवक संघका कृष्णा चौरसिया, हिन्दू परिषद नेपालका केन्द्रिय महासचिव अनिरुद्ध सिंह, केन्द्रिय सदस्य श्रीराम उपाध्याय, संतोष सरार्फ लगायतकाले सम्बोधन गर्दै दोसीलाई कड़ा कारवाही गर्नु पर्ने र नेपालबाट गौ तस्करी बन्द गर्नु पर्छ भने विषयमा जोड़ दिएका थिए ।

र्‍यालीमा हिन्दू परिषद नेपालका केन्द्रिय उपाध्यक्ष बिजय गुप्ता, कोषाध्यक्ष संजय सरार्फ, केन्द्रिय सदस्यहरु सुरेश साह कानू, भरत सरार्फ, उमेश साह कानू, किरण अग्रवाल, सचितानन्द दुबे, पर्सा जिल्ला सचिव अंशु कुमार, प्रबक्ता नीरा झा, बिरगंज नगर अध्यक्ष प्रमोद सिंह सहित हिन्दूवादी अगुवाहरु डा. अनिल झा, बिष्णु पटेल, अरबिन्द साह, विशेश्वर पटेल, राजू साह तुरहा, राजेश्वर साह कानू, बिनोद साह कानू, अशेस्वर पटेल, कनैया सरार्फ सहित बिभिन धार्मिक संगठनका अगुवाहरुको सहभागिता रहेको थिए।

वीरगन्जबाट करोडौं लिएर फरार भएका प्राइम सहकारीका संचालकलाई प्रहरीले पक्राउ गर्न सकेन

0

वीरगंंज । वीरगन्जको लिंकरोडमा रहेको प्राइम बचत तथा ऋण सहकारी संस्था लिमिटेडले करोडौ रुपैया लिएर फरार भएको एक बर्ष वित्नलाग्दा पनि पर्सा प्रहरीले संचालक समितिलाई पक्राउ गर्न सकेकाे छैन ।

स्थानिय १४ सय जनाले संस्थामा जम्मा गरेको करिब १० करोड रुपैया संस्थाका संचालक समितिका अध्यक्ष सहितकाले सो रकम लिएर फरार भएको एक बर्ष वितिलाग्दा पनि प्रहरीले पक्राउ गर्न नसकेकाे हाे ।

नेपाल प्रहरीको ११२ टोलीका प्रहरी अधिकृत हुन् पर्साका प्रहरी उपरिक्षक (एसपी) सोमेन्द्र सिंह राठौर । उनी अपराध अनुसन्धान र कमाण्ड कन्ट्रोलमा अब्बल अधिकृतको रुपमा पनि परिचित छन् । तर उनी पर्सा जिल्लामा आएको ८ महिना वित्तिसक्दा पनि फरार सहकारी संस्थाका संचालक समितिका पदाधिकारीलाई पक्राउ गर्न सकेन ।

स्थानियले आफनो खुनपसिना बगाएर संस्थामा जम्मा गरेको करोडौ रुपैया लिएर संचालक समितिका अध्यक्ष राजेश पटेल र कोषाध्यक्ष उनकी श्रीमती रिता कुमारी पोखरेल नेपालमै मौजमस्ती गरीरहेपनि प्रहरीले पक्राउ गरीरहेको छैन् । पटेल आफ्नो परिवार सहित गृह जिल्ला रौतहटको सखुवा धमौरा वडा नम्बर ७ मा जनताको रकमले विलासी जिवन विताई रहेका छन ।

सोमबार सहकारीबाट ठगिएका स्थानियले नेपाल पत्रकार महासंघ पर्सा शाखामा पत्रकार सम्मेलनको आयोजना गरी फरार पटेल सहित संचालक समितिका पदाधिकारीलाई पक्राउ गरी आफ्नो रकम असुल उपर गराउँन आग्रह गरे ।

पत्रकार सम्मेलनमा वीरगन्ज १६ ईनर्वाका लालदेव यादवले ठगि गर्ने सहकारी संस्थालाई पर्सा प्रहरीले अहिले सम्म पक्राउ नगरेको गुनासो गरे । उनले भने, हामी गुहार लिएर जिल्ला प्रहरी कार्यालयमा जान्छौ तर त्यहा रहेको प्रहरी अधिकृतहरुले उल्टै हप्काएर पठाउँने गरेका छन । प्रहरी अधिकृत भन्छन्, तिमि कोसंग सोधेर पैसा जम्मा गरेको हौं, जाउँ तिम्रो पैसा अब डुबि सक्यो केहि हुनेवाला छैन भनि गैर जिम्मेवारी देखाउँदै हप्काएर पठाउँने गरेको बताए ।

पत्रकार सम्मेलनमा वीरगन्ज ४ विर्ताका देवनारायण भडेलले आफ्नो डेढ करोड रुपैया संस्थाले ठगि गरेको बताए । उनले भने, आफ्नो जग्गा बेचेको १ करोड ५० लाख रुपैया संस्थाका अध्यक्ष पटेलले बार्षिय १८.७५ प्रतिशत बार्षिक व्याजमा एकबर्षको लागि फिक्स डिपोजित गरेका थिए ।

२०७६ जेष्ठ १८ गते रकम जम्मा गरेको एक बर्ष पुग्ने वाला थियो, तर पटेलले २०७५ चैत्र २४ गते नै सहकारीको करोडौ लिएर फरार भए । मेरै घरमा घरभाडा लिएर बसेका थिए, उनको श्रीमती र परिवार संग राम्रो हेलमेल पनि थियो उनले भने, मेरो जग्गा बेचेको पैसा आएको देखेर पटेलले मलाई व्याजको प्रलोभलन देखाएर करोडौ लुटेर गयो । उनले थपे, हाम्रो परिवारका सदस्यले समेत उनकै सहकारीमा बचत गरेका करिब १३ लाख ४७ हजार रुपैया पनि जम्मा गरेको थियो ।

पटेल आफ्नै घरमा लुकिछिपी बसीरहेको जानकारी पाएपनि उनको रौतहट घरमा जाँदा पटेलका बुवाले मेरो छोरालाई बेपत्ता बनाईस् भनि उल्टै धाकधम्की दिने गरेको गुनासो समेत उनले गरे । पटेल लुकेर बसेको बारे प्रहरीलाई जानकारी गराउँदा समेत प्रहरीले कुनै सुनवाई गरेन् ।

भिख माँगी जम्मा गरेको रकम समेत सहकारीले छाडेन्

वीरगन्ज २ छपकैयाकी एक महिला शैनाज खातुनले भिख माँगी जम्मा गरेको १३ हजार रुपैया समेत सहकारी संचालक समितिले लिएर फरार भएको दुखेसो पोखिन् । पत्रकार सम्मेलनमा विलौना गर्दै खातुनले भनिन्, यो संसारमा म बाहेक अरु कोहि छैन्, बिहान बेलुका भिख माँगेको रकम एक छाक टारेर जम्मा गरेको थिए, मेरो रकम लिएर भाग्नेलाई भगवानले कहिले माफ गर्दैन् ।

त्यसैगरी पर्साको ईनर्वाभाठ्ठा २ का राजदेव राउत अहिरले कित्ता नम्बर ५९३ नम्बरको आफ्नो जग्गा प्राईम बचत सहकारी संस्थामा बन्धक राखेर २५ लाखको स्वीकृती गराए पनि संस्थाका अध्यक्ष पटेलले राष्ट्रिय सहकारी संस्थासंगको मिलोमतोमा ४५ लाख रुपैया ऋण निकाली ठगि गरेको छ ।

पत्रकार सम्मेलनमा राजदेवका भाई लालदेवले २५ लाख ऋण लिएपनि संस्थाका अध्यक्ष पटेलले राष्ट्रिय सहकारी संस्थाबाट ४५ लाख रुपैया ऋण लिएर २० लाख रुपैया ठगि गरेको आरोप लगाए । उनले भने, सहकारी ठगि बारे जिल्ला प्रशासन र जिल्ला प्रहरी कार्यालयमा लिखित उजुरी नै दिएको एकबर्ष हुन लाग्यो तर अहिलेसम्म प्रहरी प्रशासनले उनीहरुलाई पक्राउ गर्न सकेन् ।

पत्रकार सम्मेलनमा सहभागि वीरगन्ज २ छपकैयाकी खैरुन नेसाको ७५ हजार, आदिना खातुनको १ लाख ६० हजार, रामपुकार कुशवाहाको ३ लाख २५ हजार, उमेश कुशवाहाको २३ लाख, बारा कलैया निवासी हाल वीरगन्ज बस्दै आएका मनोज दुवेको ४ लाख ८० हजार लगायत १४ सय बचतकर्ताको करिब १० करोड रुपैया भन्दा बढी रकम लिएर फरार भएका छन ।

संचालक समितिका अध्यक्ष पटेल, वरिष्ठ उपाध्यक्ष भारती गुरुङ्ग, उपाध्यक्ष रामलक्ष्मण तिवारी, महासचिव रुपेश कुमार गुप्ता, कोषाध्यक्ष रिता कुमारी पोखरेल, सचिव शिक्षा थापा, सदस्य सुमित कुमार शर्मा र बजार प्रतिनिधि महावीर ठाकुर, अनिल यादव विरुद्ध ठगि मुद्दा दिएको स्थानियले बताए ।

उजुरी दिएको ११ महिना देखि हामी पिडितले जिल्ला प्रहरी कार्यालय र जिल्ला प्रशासन कार्यालयमा न्यायको लागि गुहार गर्दै फरार भएका संस्थाका पदाधिकारीहरुलाई पक्राउ गरी हाम्रो रकम असुल उपर गराउँन आग्रह गर्दा कुनै सुनवाई नभएको उनीहरु बताउँछन ।

सहकारी संस्थामा दैनिक ज्यालादारी गर्ने, ठेला, रिक्सा चलाउने देखि लिएर तरकारी बेच्ने, कबाड बेच्ने लगातयका करिब जनताले दैनिक ज्यालादारी गरेको आम्दनीबाट बचत गर्न सहकारीमा जम्मा गर्ने गरेका थिए । तर सहकारी संस्था फरार भएपछि उनीहरु अहिले विचल्लीमा परेका छन ।

दिब्य कन्या मावि बिरन्चीबर्वाका छात्राहरुलाई साइकल

0

वीरगंज । पर्साको कालिकामाई गाउँपालिका वडा नम्बर ५ बिरन्चीवर्वामा रहेको दिब्य कन्या माबिमा आज एक समारोहका बिच छात्राहरुलाई साईकल बितरण गरिएको छ ।

मुख्यमन्त्री “बेटि पढाउ बेटी बचाउ” अभियान अन्तर्गत  ७५ थान साईकल बितरण गरिएको समाजवादी पार्टी बिरन्चीवर्वाका नेता जयनारायण पटेलले बताए ।

बिधालय ब्यवस्थापन समितीका अध्यक्ष सन्त पटेलको अध्यक्षतामा भएको साईकल बितरण कार्यक्रममा कक्षा १०, ११ र १२ का छात्राहरुलाई साईकल बितरण गरिएको हो ।

साे कार्यक्रममा प्रध्यानाध्यापक रामयतन प्रसाद, शिक्षक राहुल साह, तपसी साह, शिक्षिका राजकुमारी गुप्ता  लगायतकाले शुभकामना मन्तब्य राखेका थिए ।

वीरगंज पानीटंकी स्थित अन्सारीकाे घर अगाडी फेला परेकाे बम डिष्पाेज

0

वीरगंज । वीरगंजस्थित नेशनल मेडिकल कलेजका निर्देशक बसरुद्दीन अंसारीको घर अगाडि फेला परेको शंकास्पद वस्तु बम नै भएको पुष्टि भएको छ । वीरगंज ८ पानीट्याङकीस्थित घर अगाडि राखिएको बम नेपाली सेनाको टोलीले डिष्पोज गरेको छ ।

वीरगंजस्थित चण्डीप्रसाद गणको बम डिष्पोजल टोलीले बम डिष्पोज गरेको हो । चण्डीप्रसाद गणका गणपति कर्णेल मदनजंग राणाले नेकपाका नेता समेत रहेका अन्सारीको घर अगाडि राखिएको बस्तु बम नै भएको पुष्टि गरे । तर उनले कुन बम हाे भने भन्न नसकिने वताए ।

बमको बारेमा बढी जानकारी राख्ने दक्ष इन्जिनियर हेटौंडास्थित पृतनामा हुने भएकोले बरामद भएका समान थप अनुसन्धानका लागि हेटौंडा पठाउने तयारी भइरहेको उनले बताए ।

घर अगाडि शंकास्पद वस्तु देखेपछि अन्सारी परिवारका सदस्यले प्रहरीलाई खबर गरेका थिए । प्रहरीले त्यस क्षेत्रमा सर्वसाधरणलाई आवतजावत गर्न रोक लगाएर सेनालाई खबर गरेको थियो । बम कसले र किन राखेकाे बिषयमा अनुसन्धान भइरहेकाे प्रहरीले जनाएकाे छ ।

नगर प्रमुखको आदेशमा विद्यार्थीमाथी कुटपिट

0

वीरगंज । राष्ट्रिय जनता पार्टीका बहुदरमाई नगरकार्य समितिको बैठक आज बहुदरमाई मन्दिरको प्राङ्गणमा सम्पन्न भएको छ ।

राजपाका बहुदरमाई नगरकार्य समितिको नगर अध्यक्ष कृष्ण यादवको अध्यक्षतामा बसेको बैठकले नगरपालिकाका नगरप्रमुख नितेन्द्र साहकाे आदेशमा विद्यार्थीहरुमाथी कुटपिट भएको आरोप लगाएका छन् ।

श्री महाविर साह मा.वि नगरदाहाका विद्यार्थीहरुले शुक्रवार बहुदरमाई नगरपालिकाको कार्यालय पुगी आफ्नो मांग प्रति शान्तिपुर्ण तरिकाले प्रदर्शन गर्दा नगरप्रमुखको आदेशमा नगरपालिकाको कर्मचारीहरुले विद्यार्थी माथी कुटपिट गरेको भन्दै राजपाका बहुदरमाई नगर कार्य समितिले प्रेस विज्ञप्ति सार्वजनिक गरेका छन् ।

घट्नाको घोर भर्तसना गर्दै घटनाको उचित छानवि गरी दोशी माथी कार्वाही, पिडितको क्षेतिपुर्ती र विद्यालयमा उत्पन्न समस्याको समाधान अबिलम्ब गर्न सम्बन्धित निकायसंग मांग गर्दै विज्ञप्ति सार्वजनिक गरिएकाे हाे ।

नगरपालिकाको कार्यालय भित्र नगरप्रमुखको निर्देशनमा छात्रामाथी कुटपिट घट्ना अति नै निन्दनिय भएको बैठकले ठहर गर्दै आगजनीको नाममा नगरपालिकले गरेको चरम भ्रष्टचारका कागजातहरु सखाप पर्ने षड्यन्त्र भएको र विद्यार्थीहरुको हकहितका लागी राजपाले नगरपालिका विरुद्ध संघर्षको कार्यक्रम तय गर्न बाध्य हुने निर्णय भएको नगर अध्यक्ष यादवले बताए ।

वीरगंज पानीटंकी स्थित बसरुद्दिन अंसारीकाे घर अगाडी बम फेला

0

वीरगंज । नेशनल मेडिकल क्लेजका एमडी बसरुद्दीन अंसारीको घर अगाडी बम जस्ताे देखिने शंकास्पद बस्तु फेला परेको छ ।

बिरगंज महानगरपालिकाकाे वडा नं. ८ पानीटंकी स्थित रहेकाे एमडी अंसारीको घरकाे मुल गेटमा कालाे पलास्टिकमा राखिएकाे वम जस्ताे देखिने संकास्पद बस्तु फेला परेकाे हाे । शंकास्पद बस्तु फेला परेकाे ठाउँमा नेपाल प्रहरी र आर्मी पुगेकाे छ ।

शंकास्पद बस्तु फेला परेकाे ठाउँलाई आर्मीले आफ्नाे नियन्त्रणमा लिएर डिस्पाेज गर्ने कार्य गरी रहेकाे छ ।

एमडी बसरुद्दीन अंसारीको घर अगाडी विहान ७:३० बजे उनका परिवारजनहरुले शंकास्पद बस्तु देखेपछि प्रहरीलाई खबर गरेका थिए । एमडी अन्सारी नेकपाका नेता समेत हुन् ।

अन्सारीकाे घर अगाडीकाे सडकमा आर्मीले आवागमनमा समेत राेक लगाएकाे छ भने त्यस क्षेत्रका बासी त्रसित भएका छन् ।

ठोरीमा “छोरी शिक्षा बीमा वचत खाता” खाेल्ने शिविर सम्पन्न

0

जीराभवानी । पर्साको ठाेरी गाउँपालिकामा मुख्यमन्त्री “बेटी पढाउ, बेटी बचाउ” अभियान अन्तर्गत छोरी शिक्षा बिमा कार्यक्रम सुरु भएकाे छ ।

प्रदेश २ काे मुख्य मन्त्री तथा मन्त्री परिषदको कार्यालय जनकपुरको आयोजना  र ठोरी गाउँपालिकाकाे सहजिकरण छाेरी शिक्षा विमा/मुद्दती खाता खाेल्ने शिविर सम्पन्न भएकाे छ । ठोरी गाउँपालिका वडा नम्बर ४ स्थित ज्ञान ज्योती मा.बि. घ्याङ्डाडामा आयोजित शिबिरमा २०७५ माघ १ गतेदेखी जन्मेका ५२ जना छोरीहरुको प्रभु बैंकसङ्ग बीमा सम्झौता गरिएको छ ।

कार्यक्रममा वाेल्दै ठोरी गाउँपालिकाका अध्यक्ष पदमलाल श्रेष्ठले छोरीलाई सशक्तिकरण र संरक्षणका लागि ठोरी गाउँपालिकाले विशेष नीति तथा कार्यक्रम छिट्टै ल्याउने बताए ।

कार्यक्रममा प्रमुख प्रशासकीय अधिकृत धर्मराज थापा, वडा अध्यक्षहरु राम बहादुर पाख्रीन, किशोर तामाङ्ग, सुर्य लामा, बइ बहादुर तामाङ्ग, बेटी पढाउ, बेटी बचाउ अभियान पर्सा जिल्ला संयोजक अमोद यादव, प्रभु बैंकका प्रतिनिधि तारा महतो, स्वास्थ्य संयोजक रमेशराज थिङ्ग लगायत कर्मचारी, बुद्धिजीबिहरुको उपस्थिती रहेको थियो ।

शिबिर स्थलमै डा. बिकास कुमार साहको टोलीले विमा गराउन आउने शिशुहरुको स्वास्थ्य जांच समेत गरेको थियो ।

सखुवा प्रसाैनीमा छाेरी विमा सिविर सम्बन्धमा छलफल

0

वीरगंज । पर्साकाे सखुवा प्रसाैनी गाउँपालिकामा माघ १८ गते शनिबार हुने छाेरी विमा बचत/मुद्दती खाता खाेल्ने शिविर तयारी सम्बन्धमा आज बैठक सम्पन्न भएकाे छ ।

वडा नं. ५ र ६ काे वडा प्रतिनिधि, महिला स्वास्थ्य सेविका र अन्य समाज सेवीहरु बैठक बसी शिविर तयारी तथा सफल बनाउन सम्बन्धमा छलफल भएकाे गाउँपालिका स्वास्थ्य संयाेजक राजेश राैनियारले वताए ।

गाउँपालिका अध्यक्ष प्रदिप जयसवालकाे अध्यक्षतामा बसेकाे बैठकमा वडा नं. ५ का वडाध्यक्ष रुपलाल यादव,  लगायतकाे सहभागिता रहेकाे थियाे ।

यता सखुवा प्रसाैनी गाउँपालिकाकाे वडा नं. ५ महुवनमा हाजरी जवाफ प्रतियाेगिता सम्पन्न भएकाे छ । श्री ने.रा.मा.वि. महुवनमा भएकाे हाजरी जवाफ प्रतियाेगितामा प्रथम, द्वितिय र तृतिय हुनेलाई गाउँपालिका अध्यक्ष जयसवालले पुरस्कृत गरेका थिए ।