Date
आइत, मंसिर ६, २०८३
Sun, November 22, 2026
Home Blog Page 1027

राष्ट्रिय सभा सदस्य पासवान पर्सामा सम्मानित

0

वीरगंज । नेपाल पासवान संघ पर्साले राष्ट्रिय सभा सदस्यमा निर्वाचित राधेश्याम पासवानलाई एक भव्य समारोहका बिच सम्मान गरेको छ ।

नेपाल पत्रकार महासंघ पर्साको सभाहलमा आयोजित समारोहमा प्रदेश नं. २ बाट भर्खरै राष्ट्रिय सभा सदस्यमा निर्वाचित पासवानलाई दोसल्ला ओढाई सम्मान गरिएको हो । सम्मानित हुदै पासवानले दलित अधिकारका सवालहरुलाई सुक्ष्म तरिकाले अनुसन्धान गरी सदनमा उठाउने र समाधान बिन्दुहरु पनि पहिल्याउदै जाने प्रतिबद्धता व्यक्त गर्नु भयो ।

सोही समारोहमा पासवान जातिबाट अधिकृत भई सुथौली भन्सारका कार्यालय प्रमुखको रुपमा कार्यरत्त तिर्थराज पासवानलाई पनि सम्मान गरिएको थियो ।

संघका अध्यक्ष प्रभु पासवानको अध्यक्षतामा भएकाे समारोहमा अधिवक्ता प्रेम शंकर हजारी, मुक्ति समाज बाराका नेता राजदेव पासवान, प्रेस संगठन नेपालका केन्द्रिय सदस्य बृजलाल पासवान, दलि संघ पर्साका सचिव धिरज पासवान, कृषि सहकारी संघका प्रबन्धक बिजय पासवान, दलित नेटवर्कका अध्यक्ष रुपनारायण पासवान, स्वजातिय अगुवा रामेश्वर पासवान लगायतले मनतव्य व्यक्त गरेका थिए भने स्वागत मनतव्य संघका सह–सचिव शम्भु पासवान र संचालन सचिव रबिभुषण पासवानले गरेका थिए ।

‘लभ डायरीज’ लाई ‘लभ आज कल’ र ‘साङ्लो’ थ्रेट

0
गएको शुक्रवार प्रदर्शनमा आएको अभिनेता विराज भट्ट स्टारर फिल्म ‘साङ्लो’ ले असोजपछि सुस्ताएको नेपाली फिल्मको व्यापार केही हदसम्म चलायनमान बनायो । फिल्मले सिंगल थिएटरमा प्रदर्शनको एक हप्तामा राम्रो व्यापार गरेको छ । यो फिल्मका कारण अहिले हलमा दर्शकको चहलपहल बढेको छ । यसबीच, शुक्रवारबाट फिल्म ‘लभ डायरीज’ प्रदर्शनमा आएको छ ।
‘साङ्लो’ ले पुनः हलसम्म दर्शक आउने माहोल सृजना गरेका कारण यसको प्रभाव ‘लभ डायरीज’ को व्यापारमा पर्नसक्ने आँकलन गरिएको छ । प्रदर्शन अगाडि गीतसंगीत र ट्रेलरले औसत हाइप निर्माण गरेको यो फिल्मसँग भिड्न हलमा अरु नेपाली फिल्म छैनन् । तर, मल्टीप्लेक्समा शुक्रवारबाटै प्रदर्शनमा आएको बलिउड फिल्म ‘लभ आज कल’ ठूलो थ्रेट बन्न सक्ने देखिन्छ ।
वर्षौदेखि नेपाली दर्शकको पहिलो रोजाई नेपालीभन्दा विदेशी फिल्म हुँदै आएको छ । त्यसमाथि कार्तिक आर्यन र सारा अलि खानको नेपालमा राम्रो क्रेज छ । ‘लभ आज कल’ दशक अगाडिको हिट फिल्मको सिक्वेल भएका कारण नेपालमा यसको लामो समयदेखि प्रतिक्षा भैरहेको थियो । नेपालका मल्टीप्लेक्सले बाँडेको सोज संख्या हेर्दा फिल्मले आक्रामक व्यापार गर्ने देखिन्छ ।
फिल्म ‘लभ डायरीज’ लाई मल्टीप्लेक्समा मात्र नभइ सिंगल थिएटरमा पनि सहज देखिएको छैन । विराज भट्टको ‘साङ्लो’ ले दोस्रो हप्तामा पनि धेरैजसो हल आफ्नो मुठ्ठीमा राखेका कारण ‘लभ डायरीज’ लाई सिंगल थिएटरमा आफूतिर दर्शक तान्न ठूलो संघर्ष गर्नुपर्ने देखिन्छ । यद्यपि, ‘वर्ड अफ माउथ’ बलियो भएको खण्डमा फिल्म बक्सअफिसमा लामो रेसको घोडा बन्न सक्नेछ ।
सौरभ चौधरी निर्देशित फिल्ममा सुशील श्रेष्ठ, विश्वजित रिमाल, बिष्णु सापकोटा, अर्जुनजंग शाही, बिशाल पहारीलगायतका कलाकारहरुको अभिनय छ । यो फिल्मबाट अभिनेत्रीको रुपमा रुविना थापाले डेब्यू गरेकी छन् । बुधवार राजधानीमा भएको प्रिमियरमा फिल्मकर्मीले उनको अभिनयकोे प्रशंसा गरेका थिए । प्रिमियरमा फिल्मलाई सुखद प्रतिक्रिया मिलेको थियो ।

बाेल्नु भन्दा पनि व्यवहारमा लागु गरेर देखाउन्छु : एसपि पन्त

0

वीरगंज । पर्साकी प्रहरी प्रमुख गंगा पन्तले बाेल्नु भन्दा पनि व्यवहारमा लागु गरेर देखाउने वताएकी छन् । जिल्ला प्रहरी कार्यालय पर्सामा शुक्रबार पत्रकार भेटघाट तथा परिचात्मक कार्यक्रम गर्दै प्रहरी उपरिक्षक (एसपि) पन्तले वाेल्नु भन्दा पनि आफुले गरेर देखाउने वताइन ।

हरेक जिल्लाका भाैगाेलिक बनावट, आर्थिक तथा समाजिक प्रबेश फरक किशिमकाे भएका हुदा यहाँका चुनाैतिहरु पहिचान गर्दै अगाडी बढ्ने वताइन । उनले समाजिक अपराध तथा लैंगिक हिंसाकाे घटना स्थानिय सरकारकाे समन्वयमा नियन्त्र गर्ने वताइन ।

बिशेष गरी पत्रकारहरुकाे समन्वय र सहकार्यमा आफु अगाडी बढ्ने वताउदै उनले पत्रकारबाट सहयाेगकाे अपेक्षा समेत गरिन ।

प्रहरीले गरेकाे कामकाे मूल्यांकन नागरिक समाजबाट हुनु पर्ने उनकाे भनाई थियाे । प्रहरीकाे इमेज नराम्राे जादा आमजन्तामा खराब सन्देश जाने भएकाे हुदा प्रहरी कार्यालयमा पिडित एकलै आउने खालकाे वातावरण आफुले बनाउने उनले दावी गरिन ।

नराम्राे काम गर्नेलाई राम्राे काम गर्ने प्रेणा हुने खालकाे आफुले काम गर्ने उनकाे भनाई थियाे । थुनुवा कक्ष भर्नु भन्दा खाली गर्नु तर्फ मेराे प्रयास रहने प्रहरी उपरिक्षक पन्तकाे वताइन ।

पर्सा प्रहरी प्रमुखमा पहिलाे पटक कार्यभार समाहलेकी पन्तले खुल्ला सिमा कारण तस्कारी नियन्त्रण प्रहरीकाे लागि चुनाैति भए पनि सशस्त्र प्रहरीकाे समन्वयमा आफुले गर्ने वताइन ।

शिक्षा सम्बद्ध प्रदाधिकारीहरुकाे क्षमता विकास कार्यशाला सम्पन्न

0

वीरगंज । पर्साको कालिकामाई गाउँपालिकामा स्थानिय तहका जनप्रतिनिधी र शिक्षा सम्बद्ध प्रदाधिकारीहरुकाे लागि संचालित ३ दिने क्षमता विकास कार्यशाला आज सम्पन्न भएकाे छ ।

कालिकामाई गाउँपालिकाकाे आयेजना र युएसएड नेपालको सहयोगमा श्री नेपाल राष्ट्रिय प्राथमिक बिधालय हरिहरपुर बिर्तामा भएकाे कार्यशाला शुक्रबार सम्पन्न भएको हाे ।

गाउँपालिका अध्यक्ष नथुनी प्रसाद कुश्वाहाको अध्यक्षतामा भएको समापन समारोहमा गाउँपालिकाका शिक्षा अधिकृत हिमांशु भट, वडाअध्यक्ष रामाशिष यादव, सोनालाल चौरसिया, हरिओम साह कलवार, पवन तिवारी, पत्रकार छठु साह, श्री नेपाल राष्ट्रिय आधारभुत बिधालय कटीबलुवाका बिधालय ब्यवस्थापन समितीका अध्यक्ष वकिल मिया, दिब्य कन्या माविका प्रध्यानाध्यापक रामयतन प्रसाद लगायतकाले मन्तब्य राखेका थिए । कार्यक्रमकाे सहजिकरण श्री ने.रा.प्राविका प्रअ देवनाथ ठाकुरले गरेका थिए ।

वक्ताहरुले कालिकामाई गाउँपालिकाको शिक्षका स्तर खस्कदै गईरहेकोले समन्वय, सहकार्य गरी पहिला बितेका कुरालाई अथावत राखि अगाडी बढने प्रतिबद्धता गरे ।

राष्ट्रिय प्रारम्भीक कक्षा पढाई कार्यक्रम अन्तर्गतका पर्सा जिल्लाका १४ स्थानिय तह मध्ये १० वटा पालिकामा स्थानिय तहका जनप्रतिनिधीहरु र शिक्षा सम्बद्ध प्रतिनिधीहरुका लागी ३ दिने कार्याशाला सम्पन भएको राष्ट्रिय प्रारम्भीक कक्षा पढाईका जिल्ला संयोजक भरत सहनीले बताएका छन । ४५ जनाकाे सहभागिता रहेकाे कार्यशालामा प्रशिक्षक छोटेलाल साह र हरिन्द्र सहनीले प्रशिक्षण दिएका थिए ।

विद्यार्थीहरुलाई रेडक्रस वारे जानकारी

0

वीरगंज । नेशनल मेडिकल कलेजका विद्यार्थीहरुलाई रेडक्रस वारे जानकारी गराइएको छ । रेडक्रस समाजिक संस्था र समय समयमा विपदमा परेकोलाई सहयोग उपलब्ध गराउने कार्य गर्ने संस्थाको जन्मदाता, रेडक्रसको संस्थागत विकास, रेडक्रसले गर्ने कार्य, गतिविधीहरुको वारेमा विद्यार्थीहरु पर्सा रेडक्रसमा आई रेडक्रसको वारेमा जानकारी संकलन गरेका हुन ।

नेशनल मेडिकल कलेजका चौथो बर्षाका विद्यार्थीहरुवाट आएको प्रस्न जस्तै रक्तदान जनचेतना, रेडक्रसको संगठनात्मक, रेडक्रस अभियान, सदस्यहरु, कति जिल्लामा रेडक्रस छ जस्ता प्रश्नलाई पनि प्रस्ट पारिएकोे थियो भने विपद्, द्धण्द्धको समयमा गरिने कार्य, जनचेतना मुलक कार्य, प्राथमिक उपचार, तत्काल राहत वितरण लगतयतको वारेमा नेशनल मेडिकल कलेजकाका ४६ जना विद्यार्थिहरुलाई रेडक्रस वारे जानकारी सहायक राजन श्रीवास्तवले गराए ।

बिद्यार्थीहरुलाई रेडक्र्सको बारेमा जानकारि गराउनुका साथै नाेभेल कराेना भाइरस सम्बन्धि जनचेतना पम्पलेट वितरण गरि बिद्यार्थीहरुमा जनचेतना फैलाउने कार्य समेत गरिएको रेडक्र्स पर्साका लक्ष्मीनारायण राउतले वताए ।

गोपाल गोतामे पत्रकारिता पुरस्कार आचार्यलाई प्रदान

0
gotame pursakar_kalikatimes

वीरगंज । गाेतामे पत्रकारिता स्वर्ण पदक झापाका पत्रकार केशव आचार्यलाई प्रदान गरिएकाे छ । पत्रकार गोपालचन्द्र गौतम प्रतिष्ठानले स्थापना गरेको गोतामे पत्रकारिता स्वर्ण पदक शुक्रबार एक कार्यक्रमका बीच प्रदेश २ का मुख्यमन्त्री लालबाबु राउत गद्दीले एक तोल सुनको पदक प्रदान गर्नुभयाे ।

नेपाल पत्रकार महासङ्घ, पर्साको सभाहलमा पुरस्कार वितरण गर्दै मुख्यमन्त्री गद्दीले साहित्यकार र पत्रकार अहोरात्र खटेर समाज र जनतालाई सुसूचित गर्दैआएको बताउनुभयो । चार दशकअघि गोपालचन्द्र गौतमले गरेको पत्रकारिता अहिलेको बेलामा मूल्याङ्कन गर्न नसकिने उहाँको भनाई थियो ।

उहाँले विचार हुनेले कलम निखार्न सक्दैन र कलम निखार्नेले विचार निखार्न सक्दैन र यी दुई कुरा पत्रकार गौतममा भरिपूर्ण रहेकोले त्यतिखेर क्रान्तिकारी पत्रकारिता गरेर समाज र देशलाई गति दिनुभएको बताउनुभयो ।

कार्यक्रमका प्रमुख अतिथी मुख्यमन्त्री गद्दीले प्रतिष्ठानले रु १० हजारबाट शुरु गरेको पुरस्कार राशि एक तोला सुनमा परिणत गरेकोमा प्रशंसा गर्नुहुंदै सहयोग गर्ने आश्वासन समेत दिनुभयो ।

प्रतिष्ठानका अध्यक्ष जगदीश प्रसाद शर्माको अध्यक्षतामा भएको कार्यक्रममा मानव अधिकारकर्मी बद्री खतिवडा, नेपाल पत्रकार महासङ्घप्रदेश २ का अध्यक्ष दीपेन्द्र चौहानले स्व. गोपालचन्द्र गौतमका बारेमा चर्चा–परिचर्चा गर्नुभएको थियो ।

प्रतिष्ठानका उपाध्यक्ष् चन्द्रकिशोर झाले स्वागत मन्तव्य मार्फत स्व. गौतमको जीवनीको बारेमा प्रकाश पार्नुभयो ।

कार्यक्रममा प्रतिष्ठानका सदस्य एवं नेपाल पत्रकार महासङ्घ, पर्साका अध्यक्ष श्याम बन्जाराले धन्यवाद ज्ञापन गर्नुभएको थियो भने सहजीकरण प्रतिष्ठानका सचिव एवं नेपाल पत्रकार महासङ्घ प्रदेश २ का उपाध्यक्ष केसी लामिछानेले गर्नुभएको थियो ।

कार्यक्रममा स्व . गौतमकी पत्नी सुधा गौतम, छोरा हिमाल गौतम, पर्साका प्रमुख जिल्ला अधिकारी विष्णु कार्की, मानव अधिकारकर्मी नन्दन अर्याल, नेकपा पर्साका अध्यक्ष प्रभु हजरा, राजपाका सहमहासचिव निजामुद्दीन समानी, समाजवादी पार्टी पर्साका सचिव तबरेज अहमद, समाजसेवी पशुपति विक्रम शाह, उषा शाह, नेपाल रेडक्रस सोसाइटी पर्साका उपसभापति मधु राणा, लगायतको सहभागिता रहेकाे थियो ।

वीरगंजस्थित रामजानकी मन्दिरको सांसद यादवद्वारा सिलान्यास

0

वीरगंज । वीरगंज महानगरपालिका वडा नं. १३ स्थित निर्माण हुने रामजानकी मन्दिरको शिलन्यास सांसद प्रदिप यादवले गरेका छन् । पर्सा क्षेत्र नं. १ बाट निर्वाचित सांसद प्रदिप यादवले आफ्नो क्षेत्रको स्थानीय पूर्वाधार विकास साझेदारी कार्यक्रम अन्तर्गत निर्माण हुन लागेको रामजानकी मन्दिरको विधिव्त तरिकाले शुक्रबार शिलन्यास गरेका हुन ।

समाजवादी पार्टीका केन्द्रिय सदस्य समेत रहेका सांसद यादवले भवन सिलन्यास कार्यक्रमलाई सम्बोधन गर्दै उनले सबै जातजाती समुदायको लागी जातीय संस्थाहरु पनि सक्रिय हुन जरुरी रहेको बताए । उनले मानसिक र शारिरीक स्वास्थयको लागी धार्मिक स्थलको धेरै नै महत्व रहेको भन्दै बालबालिकादेखी ज्येष्ठ नागरिकसम्मले मनमा शान्ति र मनोरञ्जन लिन समेत धार्मिक स्थलमा जाने गरेकोले यस्ता मठमिन्दरको संरक्षण गरी स्तरउन्नती गर्नु आवश्यक रहेको बताए ।

भवन सिलान्यास कार्यक्रममा प्रदेश सभा सदस्य जन्नत अंसारी, वीरगंज महानगरपालिका वडा नं. १३ का वडा अध्यक्ष तुफान अंसारी, विधार्थी नेता निखिल वर्णवाल, सफ्राज आलम, संसदीय प्रतिनिधि घन्शयाम गुप्ता लगायतको सहभागीता रहेको थियो ।

नव आगन्तुक प्रजिअ कार्कीद्वारा पत्रकार भेटघाट

0

वीरगंज । नव आगन्तुक पर्साका प्रमुख जिल्ला अधिकारी विष्णु कार्कीले आज पत्रकार भेटघाट गरेका छन् । जिल्ला प्रशासन कार्यालय पर्सामा भएकाे पत्रकार भेटघाट तथा परिचात्मक कार्यक्रममा वाेल्दै अधिकारी कार्कीले सुशासन र शान्ति कायम गर्न काम गर्ने वताए ।

नवलपरासीका प्रमुख जिल्ला अधिकारी रहेका कार्कीले केही दिन पहिला मात्र सरुवा भएर पर्सा आएका हुन् ।

पत्रकार भेटघाट तथा परिचात्मक कार्यक्रममा सहायक प्रमुख जिल्ला अधिकारी ललित कुमार बस्नेत, अनुसन्धान अधिकृत श्याम चाैधरी, नेपाल पत्रकार महासंघ प्रदेश २ का अध्यक्ष दिपेन्द्र चाैहान, उपाध्यक्ष केशी लामिक्षाने, पर्सा अध्यक्ष श्याम बन्जारा लगायतका पर्सेली संचारकर्मीहरुकाे सहभागिता रहेकाे थियाे ।

कार्यक्रममा सहभागि पत्रकारहरुले राेकिएकाे बिकास निर्माण कार्य सुचारु गराउन, दाेह्राे नागरिक्ता लिएका गैर नेपालीलाई कारवाही गर्न, तस्करी नियन्त्रण लगायतका कार्य गर्नकाे लागि अधिकारी कार्कीलाई सुझाव दिए ।

नेापाल शिक्षक सँघ बिन्दवासिनीकाे दाेस्राे सभा सम्पन्न

0

वीरगंज । नेापाल शिक्षक सँघ बिन्दवासिनीले गाउँपालिका स्तरिय प्रतिनिधि सभाकाे दाेस्राे सभा सम्पन्न गरेकाे छ । बिन्दवासिनी गाउँपालिकाकाे वडा न.५ मा रहेकाे श्री नेपाल राष्ट्रिय प्रा.वि. प्रसाैनी भाठ्ठामा भएकाे कार्यक्रम सम्पन्न भएकाे हाे ।

गाउँपालिकाकी उप प्रमुख किरण देबीकाे प्रमुख आतिथ्यतामा भएकाे कार्यक्रममा वडा न.४ का वडाध्यक्ष अनाेज चाैरसिया, नेपाल शिक्षक महासँघ पर्साका अध्यक्ष तिर्थराज यादव, पुर्व शिक्षा शाखा प्रमुख प्रमाेद तिवारी, गा.पा.स्तरिय महासँघका अध्यक्ष धर्मेन्द्र चाैबे लगाएत नेपाल शिक्षक सँघमा आवद्ध भएका शिक्षक तथा शिक्षिकाहरुकाे उपस्थिति रहेकाे थियाे ।

कार्यक्रममा झाैवाँ माविका प्रअ रामचन्द्र महताेले नेपाल शिक्षक सँगठन त्यागेर नेपाल शिक्षक सँघमा प्रवेश गरे । गापा स्तरिय शिक्षक सँघका अध्यक्ष नन्दु कुमार प्रसाद यादवले अध्यक्षतामा कार्यक्रम भएकाे थिए।

स्ववियु निर्वाचन सम्बन्धमा विद्यार्थी नेताहरु छलफलमा

0

वीरगंज । स्वतन्त्र विद्यार्थी युनियन (स्ववियु) निर्वाचन हुने सम्भावना बढे पछि विद्यार्थी नेताहरुले छलफलमा जुटेका छन् । वीरगंज स्थित रहेकाे ठाकुर राम बहुमुखी क्याम्पसका एक विद्यार्थी समुहले आज स्ववियु निर्वाचन सम्बन्धमा छलफल गरेकाे छ ।

चैतमा हुने भनिएकाे स्वतन्त्र विद्यार्थी युनियनकाे निर्वाचन सम्बन्धमा छलफल गरिएकाे विद्यार्थी नेता शिवहरी तिवारीले वताए । क्याम्पस प्राङ्गणमा भएकाे चुनावी छलफल बैठकमा विकास मेहता, नरेन्द्र कुशवाहा, राेशन यादव, साेनु साह, राेशन चत्रुवेदी लगायतकाकाे उपस्थिती रहेकाे थियाे ।

छलफलमा सहभागि विद्यार्थी नेताहरु स्ववियु निर्वाचनकाे घाेषणाले आफुहरु उत्साहित भएकाे प्रतिक्रिया दिए ।