Date
आइत, मंसिर ६, २०८३
Sun, November 22, 2026
Home Blog Page 1028

नेकपा पर्साले पनि २५ औं जनयुद्ध दिवस मनायाे

0

वीरगंज । नेपाल कम्युनिस्ट पार्टी(नेकपा) पर्साले आज २५ औं जनयुद्ध दिवस मनाएकाे छ । वीरगंज स्थि पार्टी कार्यालय रामगढवामा भएकाे कार्यक्रममा सहिदले देखाएको बाटाे हिड्ने र सपना पूरा गरे मात्रै सहिदप्रति सच्चा श्रद्धाञ्जली हुने नेताहरूले बताए ।

कार्यक्रमका प्रमुख अतिथी नेकपाका केन्द्रीय सदस्य एवं पर्सा ईन्चार्ज रामचन्द्र साहले नेकपा पार्टी अब संगठन सुदृढीकरणमा लाग्नुपर्ने बताए ।

कार्यक्रममा प्रदेश कमिटी सदस्य छाेटेलाल यादव, बालगाेपाल थापा, किशाेरी कुशवाहा, वीरगंज महानगर अध्यक्ष रहबर अन्सारी, नेता प्रधुम्न चाैहान, विचारी यादव लगायत पार्टीका विभिन्न जनवर्गीय संगठनका अध्यक्ष तथा नेता कार्यकर्ताकाे उपस्थिति रहेकाे थियाे । कार्यक्रमकाे संचालन नेकपा पर्साका सचिव विजय महताेले गरेका थिए ।

जनयुद्ध दिवसकाे अवसरमा २५ जनाद्वारा रक्तदान

0

वीरगंज । अनेरास्ववियु पर्साकाे आयाेजनामा रक्त संचार केन्द्र वीरगंजमा आज भएकाे आकस्मिक रक्तदान कार्यक्रममा २५ जनाले रक्तदान गरेका छन् ।

२५ औं जनयुद्ध दिवसकाे अवसरमा भएकाे कार्यक्रममा नेकपाका वीरगंज महानगर अध्यक्ष रहबर अन्सारी, युवा नेता अरबिन्द सिंह, अनेरास्ववियुका केन्द्रिय सदस्य जुबेर आलम, प्रदिप गुप्ता, अजय साह, दिपक पटेल, हेमन्त तमांग, शिवजी गुप्ता, प्रविन यादव, मिराेज आलम लगायकाले रक्तदान गरेका हुन् ।

अनेरास्ववियु पर्साका अध्यक्ष रामबाबु यादवकाे अध्यक्षतामा भएकाे कार्यक्रममा अनेरास्ववियुका केन्द्रिय सदस्य प्रभाकर गुप्ता, जिल्ला उपाध्यक्ष मित्रदेव यादव, भाेलन्टियर समुहका संयाेजक राजन श्रीवस्तव लगायतकाे उपस्थिती रहेकाे थियाे ।

पत्रकारिता नभए देश बेच्न पनि बेर लाग्दैन : सांंसद यादव

0

वीरगंज । वीरगंज न्यूज २४ दैनिककाे प्रथम बार्षिकाेत्सवकाे अवसरमा आयाेजित समाराेहलाई सम्बाेधन गर्दै प्रतिनिधि सभा सदस्य (सांसद) प्रदिप यादवले पत्रिका नभए देश बेच्न पनि बेर नलाग्ने वताएका छन् ।

कार्यक्रमका प्रमुख अतिथी सांसद यादवले वाइडबडी, यती, एनसेल, ललिता निवास लगायतका काण्ड पत्रकारले नै बाहिर ल्याएकाे वताउदै पत्रकारिता नभए देश बेच्न पनि माफियाहरुले बेर नलाउने वताए । उनले पत्रकार नभए सब थाेक बेचिदिने वताए । त्यही भएर पत्रकारिता जरुरी रहेकाे वताए । पत्रकारले ललिता निवास काण्ड उजागर गरेका कारण अख्तियारले एक सय ७५ जना माथी मुद्दा दर्ता गरेकाे समेत वताए ।

उनले भने “पहिला जनतामा भ्रम थियाे, मात्र सानाे मान्छे माथी नै अख्तियारले कारवाही गर्छ तर अहिले त्याे ललिता निवास प्रकरणले अन्त्य भएकाे छ । पुर्व उपप्रधान मन्त्री सहितका एक सय ७५ जना माथी मुद्दा दर्ताले त्याे भ्रमकाे अन्त्य गरेकाे छ । यसले संगठित भ्रष्टचार भइरहेकाे समेत खुलासा गरेकाे छ । अबकाे १/२ दिन मै २/३ जना बरिष्ठ व्यक्तिहरु पनि त्यही काण्डमा तानिदै छ ।”

अक्राे प्रसंगमा कुरा राख्दै समाजवादी पार्टीका केन्द्रिय सदस्य  समेत रहेका सांसद यादवले  पत्रकार नभए कुनै पनि आन्दाेलन सफल नहुने वताए । पत्रकारिता चुनाैति पूर्ण पेश रहेकाे वताउदै उनले जानकाे बाजी लगाएर पत्रकारिता गर्ने पत्रकारकाे प्रशंसा समेत गरे ।

आफु समाजवादी पार्टीकाे सांसद मात्र नभएर जनताकाे सांसद भएकाेले हरपल पत्रकारलाई सहयाेग गर्न तयार रहेकाे उनले वताए । महासंघकाे भवन निर्माणमा सर्वप्रथम रु ५० हजार सहयाेग गरेर आफुले नै सुरुवात गरेकाे वताउदै सांसद यादवले सांसदकाे परिधिले बांधेका कारण वितरण मुखी सहयाेग गर्न नसकिने बाध्ययता रहेकाे वताए । निर्माणमुखी कार्यकाे लागि आफु सहयाेग गर्न तयार रहेकाे समेत प्रतिवद्धता जनाए ।

पत्रिकाकाे लाेक कल्याणकारी विज्ञापनकाे भुक्तानिकाे लागि जनकपुर जानु पर्ने बाध्यताकाे गुनाेसाेकाे सन्दर्भमा वाेल्दै यादवले जिल्ला हुलाका कार्यालय पर्साबाट नै भुक्तानीकाे व्यस्था मिलाउन पहल गर्न र सांसदमा समेत आवाज उठाउने समेत आश्वासन दिए ।

उनले डिजिटल मिडियाकाे जबानामा प्रिन्ट मिडियाकाे चुनाैती थपिए पनि प्रिन्ट मिडियाकाे छुट्टै महत्व रहेकाे वताए । पत्रकारिता व्यवसायिक र पेशगत हुनु पर्ने उनकाे भनाई थियाे ।

पत्रिकाका प्रकाशक अखलेश कुमार साहकाे अध्यक्षतामा भएकाे कार्यक्रममा नेपाल पत्रकार महासंघका प्रदेश २ का अध्यक्ष दिपेन्द्र चाैहान, पर्साका प्रमुख जिल्ला अधिकारी विष्णु कार्की, नेकपाका पर्सा अध्यक्ष प्रभु हजरा, समाजवादी पार्टीका पर्सा सचिव तबरेज अहमद, भिजिट मधेशका राष्ट्रिय संयाेजक समेत रहेका राजपाका वीरगंज नगर अध्यक्ष ओमप्रकाश सरार्फ, पत्रकार महासंघ प्रदेश २ का उपाध्यक्ष केशी लामिक्षाने, पर्सा अध्यक्ष श्याम बंजारा,  प्रेस संगठन नेपालका केन्द्रिय सदस्य वृजलाल पासवान, राघव साह, गैसस महासंघ नेपाल पर्साका अध्यक्ष छठु साह, प्रेस युनियन पर्साका उपाध्यक्ष शेखर छतकुली लगायतकाले शुभकामना मन्तव्य राखेका थिए ।

वीरगंज स्थित राेयल पार्टी प्यालेसमा भएकाे कार्यक्रमकाे संचालन संचारकर्मी उजवल घिमिरेले गरेका थिए ।

भोलेन्टियर समुहको आयोजनामा आकस्मिक रक्तदान

0

वीरगंज । बिरगंजका विभिन्न क्षेत्रमा उल्लेखनीय योगदान गरिरहेका केही युवाहरुको समूह भोलेन्टियरले कहिले जनचेतना कार्यक्रम, कहिले ट्राफिक ब्यवस्थापन, कहिले शंकराचार्य गेटको नियमित सरसफाइ भने त्यो सबैको संग सङगै अब रक्तसञ्चार केन्द्रमा रगतको आभाव रहेको बेला छोटो समय मै सुचना पाउन साथ युवाहरुलाइ भेला गरि आकस्मिक रक्तदान समेत गराउन गरेका छन् ।

भोलन्टियर समुहले बुधबार रक्तसञ्चारबाट B+ve समुहको रगतको कमि रहेको सुचना पाउन साथ सामाजिक संजाल एवं फोनको माध्यमले रक्तदाताहरु सङको समन्वयमा आकस्मिक रक्तदान गराएका छन ।

रक्तदान गर्नेमा निधि पाण्डे ,पुजा पटेल, सजाद मिया, अमित अग्रवाल , आकाश कुमार, जियालाल साह, मित्रदेव यादव, रन्जित शर्मा, अभिमन्यु शर्मा, प्रमोद दास,मुन्ना पटेल, असोक कुमार यादव, रुपेस यादव,आकाश राज गौतम गरि १४ जनाले B+ve समुहका रगतदान गरे । रक्तदान गर्नेहरुलाइ भोलन्टियर समूह बिरगंजका संयोजक राजन श्रीवास्तवले आभार ब्यक्त गर्दै विशेष धन्यवाद ब्यक्त गरे ।

रक्तदान कार्यक्रममा प्राबिधिक सहयोग उदय राज शर्मा, धिरेन्द्र झा, सुजित पटेलले गरे भने समन्वय भोलेन्टियर समुहका संयोजक राजन श्रीवास्तव, श्याम सरार्फ, बिनय गुप्ता, कमलेश कुश्वाहा, पत्रकार सुरेश बिडारी, बैकर्स ग्रुपका अध्यक्ष रोशन श्रेष्ठ, अरबिन्द सिहले गरेका थिए ।

ठाकुर राम क्याम्पसमा आंशिक प्राध्यापकद्वारा कक्षा ठप्प

0

वीरगन्ज । मध्य तराईको उत्कृष्ट क्याम्पसको रुपमा रहेको ठाकुरराम बहुमुखी क्याम्पस वीरगन्जमा आंशिक प्राध्यापकहरुको आन्दोलनको कारण पठन पाठन ठप्प भएको छ ।
क्याम्पसमा विगत १५ वर्षदेखि आंशिक रुपमा कार्यरत प्राध्यापकहरुको लामो समयदेखिको पारिश्रमिक बाँकी रहेको र समय समयमा सरोकारवालाहरुलाई ज्ञापन पत्र, दबाब दिइए पनि समस्या समाधान नभएपछि बाधय भएर माघ २३ गते क्याम्पस प्रमुख लगायतलाई ज्ञापन पत्र बुझाएपनि सुनुवाई नभएको भन्दै माघ २९ गतेदेखि क्याम्पसमा सञ्चालित विहा, दिउँसो र बेलुकाका सम्पूर्ण कक्षाहरु बहिस्कार गरिएको र आफूहरुलाई विना शर्त करार सेवामा लैजाने व्यवस्था नभएसम्म आन्दोलन निरिन्तर रहने तथा यस कार्यमा बसैको उच्च सहयोग र समर्थनको आश्वासन भएको आंशिक प्राध्यापक संघ ठाकुरराम बहुमुखी क्याम्पसपका एकाई अध्यक्ष तेजनारायण प्रसाद यादवले बताएका छन् ।

विगत लामो समयदेखि आंशिक प्राध्यापकको रुपमा कार्यरत रहँदै आएका प्राध्यापकको देशभरिकै समस्यामा तुरुन्त त्रिभुवन विश्व विद्यालय केन्द्रिय पदाधिकारीले आवश्यक कदम चाल्न आवश्यक रहेको शिक्षा सम्बद्ध व्यक्तित्वहरुले बताएका छन् ।

छिपहरमाईकाे वडा नं. २ सम्भौता पूर्ण खोप घोषणा

0

वीरगंज । पर्साकाे छिपहरमाई गाउँपालिका वडा न‌ं. २ सम्भौता आज पुर्ण खोप वडा घोषणा भएको छ । वडामा रहेका दुई वर्ष मुनीका ३ सय १० वटा बालबालिकाहरुलाई पुर्ण खोप लगाईसकेकाले पुर्ण खोप वडा घोषणा गरिएको जनाइएकाे छ ।

स्थानिय स्वामित्व र सहभागिता पुर्ण खोप सुनिश्चित्ता हाम्रो प्रतिवद्धताको नारा साथ सम्भौतामा भएकाे समाराेहका बिच वडालाई पुर्ण खोप वडा घोषणा गरिएको हाे ।

कार्यक्रमका प्रमुख अतिथी छिपहरमाई गाउँपालिका प्रमुख प्रसासकिय अधिकृत देवनाथ साहले खोपको बारेमा विषेशगरी १३ देखि २३ महिनाको बालबालिकाहरुले पुर्ण खोप पाएनन भने विभिन्न किसिमको रोग लाग्ने भएको हुदा सब भन्दा पिडित आमा नै हुने गरेकोले महिलाहरुले यस तर्फ चनाखो हुन जरुरी रहेको बताए । उनले स्वास्थ्यकर्मीहरुको अहमभुमिका रहेकोले पैसाको साथै कर्तव्य समेत पालना गर्न जरुरी रहेकोले स्वास्थ्य कर्मीहरुलाई ईमनदारी पुर्वक जिम्मेवारी पुरा गर्न आग्रह गरे।

अधिकृत साहले छिपहरमाई गाउँपालिकालाई एक हप्ता भित्र पुर्ण खोप घोषणा गरिने वताउदै चथौ वडाकाे रुपमा वडा नं. २ पुर्ण खोप घोषणा भएकाे र छिटै बाकी रहेको वडा पूर्ण खोप घोषणा गरिने बताए ।

वडाध्यक्ष महेन्द्र साह कलवारको अध्यक्षतामा समपन भएकाे कार्यक्रममा वडाध्यक्ष  बिनोद साह कानु, मौजीलाल साह, जिल्ला समन्वय समिति पर्साका सदस्य सुबास साह, पूर्व गाबिस अध्यक्ष पहलाद गुप्ता, कमल दास तत्वा, गाउँपालिका स्वास्थ्य संयोजक शम्भु साह, स्वास्थ्य चौकी सम्भौताका प्रमुख श्यामबाबु प्रसाद यादव, अनमी मिरा चौरसिया, जयमंगलापुर स्वास्थ्य चौकीको प्रमुख मुन्ना कुमार साह लगायत महिला स्वमसेबिका र स्वास्थ्य कर्मी र स्थानियहरुको सहभागिता रहेको थियोे।

स्वास्थ्य चाैकी सम्भाैताकाे प्राङ्गणमा भएकाे कार्यक्रममा पूर्ण खोप घोषणा गराउनमा सहयोग पुर्‍याउने महिला स्वास्थ्य स्वमसेबिका र स्वास्थ्यकर्मीहरुलाई सम्मान समेत गरिएकाे थियोे ।

बालबालिकाहरुद्वारा विपद व्यवस्थापन सम्बन्धमा अवलाेकन भ्रमण

0

वीरगंज । बालबालिकाहरुकाे एक समुहले पर्साका ३ स्थानिय तहमा विपद व्यवस्थापन सम्बन्धमा बुधबार अवलाेकन भ्रमण गरेका छन् ।

पर्सागढी नगरपालिका, बिन्दवासिनी गाउँपालिका र जगरनाथपुर गाउँपालिकामा बाल क्लब र बाल संजालका १९ जना बालबालिकाहरु विपद व्यवस्थापन सम्बन्धि भएकाे कामकाे अवलाेकन भ्रमण गरेका हुन् । भ्रमणकाे क्रममा विपद् व्यवस्थापनकाे लागि तनटै स्थानिय तहमा भएकाे कलभट निर्माण, बाेरिङ्ग जडान, दमकल खरिद, बाउन्डरी वाल निर्माण लगायतकाे बालबालिकाहरुले अवलाेकन गरेका थिए ।

नेपाल रेडक्रस साेसाईटी जिल्ला शाखा पर्साकाे आयाेजना र युनिसेफ नेपालकाे सहयाेगमा सँचालित बाल केन्द्रित विपद् जाेखिम् न्युनिकरण कार्यक्रम अन्तर्गत भएका न्युनिकरण कामकाे अवलाेकन भ्रमण गरिएकाे कार्यक्रम संयाेजक उमेश मिश्राले वताए ।

कार्यक्रम संचालन रहेकाे तीन वटै स्थानिय तहमा रहेकाे बाल क्लबका अध्यक्ष तथा बाल क्लब सँजालका अध्यक्षहरू, कार्यक्रम सँयाेजक मिश्रा, सँचारकर्मि सँजय गुप्ता लगाएत समाजिक परिचालकहरू समेत अवलाेकन भ्रमणमा सहभागि थिए ।

नेवि संघद्वारा प्रधानमन्त्री ओलि र अख्तियार प्रमुख घिमिरेकाे पुतला दहन

0

वीरगंज । नेपाली काँग्रेसको भातृ संगठन नेपाल विद्यार्थी संघ पर्साले आज बिरगंजमा प्रधानमन्त्री के.पि.शर्मा ओलि र अख्तियार दुरुपयाेग अनुसन्धान आयाेगका प्रमुख आयुक्त नवीन कुमार घिमिरेकाे पुतला दहन गरेको छ ।

केही दिन पछाडि बालुवाटारको ललिता निवासको जग्गा प्रकरणमा सरकारले नेकपाका नेतालाई उन्मुक्ति दिएको र अख्तियार लगाएर अन्यलाई राजनीतिक प्रतिशोधका आधारमा बदनियतपूर्ण मुद्दा लगाई फसाएको भन्दै विरोध स्वरुप संघले वीरगन्जमा पुतला दहन गरेको हो ।

नेवि संघका पुर्व केन्द्रिय सदस्य सुधिर पटेलको नेतृत्वमा नगरको विभिन्न क्षेत्रबाट एक साथ निकालिएको मसाल जुलुसलाई नियन्त्रणमा लिन पर्सा प्रहरीलाई हम्मे परेको थियो । नेवि संघले अख्तियार तथा सरकार विरुद्ध नगरको ठाकुरराम बहुमुखी क्याम्पस, आदर्शनगर रोड, माईस्थान लगायतको विभिन्न ठाउँबाट एकसाथ प्रधानमन्त्री ओलि र अख्तियारका आयुक्त घिमिरेकाे पुतला जलाउदै मशाल जुलुश निकालेको थियो ।

जुलुसमा सहभागि विद्यार्थी नेताहरुले ओली सरकार र अख्तियार विरुद्ध चर्को नाराबाजी समेत गरेका थिए । विरोधको क्रममा नेपाली काँग्रेसका नेता राजु गुप्ता, नेबि संघका पुर्व केन्द्रिय सदस्य ब्रदी नारायण तिवारी, जिल्ला उपाध्यक्ष विकेश पटेल, रुद्र हल्दर , जिल्ला सचीव प्रभात सिंह, अब्दुल कयुम, वीरगंज महानगरपालिका अध्यक्ष विवेक कलवार, ठाराब नेता मुनराज तिवारी, तरुण दलका नेता मिकु सिंह लगायत सयाैं संख्यामा विद्यार्थी नेताहरुको सहभागिताता रहेकाे थियाे ।

अख्यितारले ललिता निवासको जग्गा प्रकरणमा नेपाली कांग्रेसका उपसभापति विजयकुमार गच्छदार सहित १७५ जनाविरुद्ध विशेष अदालतमा मुद्दा दायर गरेको थियो । तर, कांग्रेसले तत्कालीन प्रधानमन्त्रीलाई उन्मुक्ति दिएर मन्त्रिपरिषद सदस्यविरुद्ध मुद्दा दर्ता गरिएको भन्दै संसददेखि सडकसम्म बिरोध प्रदर्शन गरेको छ । नगरको विभिन्न ठाउँबाट निकालिएको पुतला प्रहरी हस्तक्षेप बाबजुद पनि नगर परिक्रमा गर्दै घण्टाघरमा पुगी कोणसभामा परिणत भएको थियो ।

कोणसभालाई सम्बोधन गर्दै नेबि संघका पुर्व केन्द्रिय सदस्य सुधिर पटेलले अख्तियारले आफ्नो अमर्यादिक निर्णय नसच्याए हामी देशको सडक तताउन बाध्य हुने चेतावनी समेत दिए । उनले अख्तियारका कर्मचारी कालाे मसाे दल्ने चेतावनी समेत दिए । कोण सभाकाे संचालक जिल्ला सचीव प्रभात सिंहले गरेका थिए ।

श्रिसिया नदिमा प्रदुषण फैलाउने उधोगलाई कार्यवाही गर्न सांसद यादवको माँग

0

वीरगंज । समाजवादी पार्टीका सांसद प्रदिप यादवले सिर्सिया नदीको प्रदुषणले आम पर्साबासी धेरै नै सास्ती खेपिरहेको बताएका छन् । पर्सा क्षेत्र नं. १ र २ अन्तर्गत वीरगंज महानगरपालिकामा पर्ने सिर्सिया नदीमा केही उद्योग कलकरखानाको बदमासीले यतिखेर नदी प्रदुषित र विषालु भई जनताको स्वास्थयको लागी हानिकारक भएको सांसद यादवले बताएका हुन ।

‘‘आज दिउसो बसेको प्रतिनिधी सभा बैठकमा बोल्दै सांसद यादवले नदीको प्रदुषित पानीको कारण आम जनता मुख छोपेर हिडनु पर्ने बाध्यता आएको छ । नदीको प्रदुषित पानी खाएको चौपायाहरु बिरमी भएर कतिले ज्यान समेत गुमाई सकेका छन् । उनले भने’’ दर्जनौ गाउँको लाखौ मानिसको जीवनसंग गासिएको यो समस्या भएकोले नदीमा प्रदुषण फैलाउने उद्योगलाई कडा कारवाही गर्न सरकारसंग मांग गर्दछु ।

नदीको आसपासमा बसोबास गर्ने मानिस नदीमा खुट्टा राख्दा खुट्टा चिलाएर अधिकांश मासिन छालाको बिरामी भईसकेका छन् । कसैको छालामा घाउ भएर लुतो, हात खुट्टा चिलाउने जस्ता अनेकौं समस्या देखिएको बताउँदै सांसद यादवले त्यस्ता महामारीलाई समयमै रोक्न फोहोर फैलाउने केही उधागीहरुलाई कडा गर्नु पर्ने उनले मांग गरे । विगतको दिनमा सिर्सिया नदीको पानी पहाडको झरिबाट निस्किने पानी जस्तो सफा र चम्किलो थियो । बैशाख, ज्येष्ठको महिनामा तिर्खा लाग्नेले समेत त्यही पानी खाने गर्र्र्थे । उनले भने’’ नदी आसपासका किसानहरुले पनि पम्पिङ्ग सेट लगाएर सिचाई पनि गर्ने गर्थे ।

समाजवादी पार्टीका केन्दिय सदस्य समेत रहेका सांसद यादवले सिर्सिया नदीको छेउमा सयकडौंज उद्योग कलकारखान रहे पनि सबैले प्रदुषण नफैलाई केही मात्रै उद्योगले विशालु र प्रदुषण पानी फालेकोले जनताको स्वास्थयसंग खेलवाड गर्ने त्यसता उद्योग र उद्योगीलाई कडा कारवाही गर्न सरकारको ध्यानाकर्षण गराएका हनु ।

२०६७ सालमा एउटा अध्ययन टोलीले समेत आफ्नो प्रतिवेदनमा ४८ वटा उद्योग र अबैध रक्सी भठ्ठी एंव वीरगंज महानगरपालिकाका ढल र फोहोर पनि प्रदुषणको स्रोतको रुपमा उल्लेख गरेको बताउँदै उनले सिर्सिया नदीलाई फोहोर, दुर्घन्धिन र बिशालु पानी फाल्ने छाला उद्योग, डिस्टिलरी, टेक्सटाई, घ्यू, साबुन, काटुन, कागज, सलाई र रांगा काट्ने उद्योगहरु रहेको बताउँदै यि उद्योगहरुलाई कडा कारवाही गर्न संसदमा जोडदार आवाज उठाए ।

फेटामा सिताराम बिष्णु महायज्ञकाे जल यात्रा निकालियाे

0

वीरगंज । बाराको फेटा गाउँपालिका वडा नम्बर ७ गम्हरीयामा श्री लक्ष्मीनारायण सिताराम बिष्णु महायज्ञकाे प्रथम दिन आज धुमधामका साथ जल यात्रा निकालिएको छ ।

बिहान करिब १० बजेको समयमा निस्केको जल यात्रामा हजारौ कुवारी कन्या सहभागि भएकी थिइन । श्री श्री १०८ श्री लक्ष्मीनारायण सिताराम बिष्णु महायज्ञले सम्पूर्ण प्राणीहरुको कल्यान गर्ने बिश्वासका साथ यज्ञ गर्न लागिएको फेटा गाउँपालिका अध्यक्ष अमिरीलाल प्रसाद साहले वताए । उनले यज्ञमा हुने हवनले पर्यावरणकाे शुद्धता माथि टेवा पुग्ने भन्दै बिश्वास लिइएको बताए । यज्ञ ९ दिन चल्ने अध्यक्ष साहले जानकारी गराए ।

फेटा गाउँपालिका प्रमुख प्रशासकिय अधिकृत प्राण मेहताले वडा नम्बर ७ गम्हरीया टोलमा भइरहेकाे महायज्ञ चान्दा संकलनबाट भइरहेको बताए ।

श्री लक्ष्मीनारायण सिताराम बिष्णु महायज्ञको यज्ञ समितिका कोषाध्यक्ष सुरेश दुबेका अनुसार जल यात्रामा करिब ५ हजारको जनसंख्यामा भक्तजन तथा कुवारी कन्या सहभागि थिए । उनले करिब २५ लाख यज्ञमा खर्च हुने वताए ।

९ दिनसम्म चल्ने महायज्ञको निम्ति स्थानिय हिन्दु र मुस्लिम एकसाथ उभि श्री लक्ष्मीनारायण सिताराम बिष्णु महायज्ञ सफल बनाउनमा लागि परेको कोषाध्यक्ष दुबेले बताए । यज्ञ स्थल फेटा गाउँपालिका वडा नम्बर ७ गम्हरीया टोलबाट निस्केको जल यात्रा बाराको सदरमुकाम कलैया हुदै त्रिवेणीमा जाने बताइएको छ ।