Date
आइत, मंसिर ६, २०८३
Sun, November 22, 2026
Home Blog Page 1026

पर्सा गोल्डकप : दाेस्राे खेलमा वीरगंज बिजयी

0

वीरगंज । पर्साको बढनिहारमा जारी प्रथम पर्सा गोल्डकपमा बीरगंज युथ क्लवले बिजयी सुरुवात गरेको छ । पर्सागढी युवा स्पोर्टस क्लबको आयोजनामा जारी खेलमा थारु थारुवान ११ रौतहटलाई १ गोलले हराउँदै बीरगंज युथ क्लव अघिल्लो चरणमा प्रबेश गरेको हो ।

निकै रोमाञ्चक देखीएको खेलको दोस्रो हाफको ४ औ मिनेटमा बीरगंजका खेलाडी जर्सी नं. ६ का म्याक्सले गरेको गोल नै निर्णायक बन्यो । खेलको म्यान अफ द म्याच रौतहटका सन्देश चौधरी घोषित भए ।

उनलाई पर्सागढी नगरपालिकाका मेयर लोकनारायण यादब र समाजसेवी लक्षमण श्रेष्ठले संयुक्त रुपमा एक हजार एक सय रुपयाँ नगद र ट्रफी पुरस्कार प्रदान गरे ।

पर्सागढी युवा स्पोर्टसकाे आयाेजनामा भइरहेकाे प्रतियोगिताको तेस्रो खेल भोली(साेमबार) एफ सी सिमरा र नेपाल खेलकुद क्लव चपुरबीच प्रतिस्पर्धा हुने छ ।

प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिए ।

दशौं महात्मा गान्धि स्मृती टि २० काे उपाधी युसिसि वीरगंजलाई

0

वीरगंज । दशौं महात्मा गान्धि स्मृती टि २० प्रतियाेगिताकाे फाइनल खेलमा युनाईटेड क्रिकेट क्लब(युसिसि) वीरगंज विजयी भएकाे छ । भारत बिहार पूर्वी चम्पारणकाे बेतियामा जारी प्रतियाेगिताकाे आज भएकाे फाइनल खेलमा भारतकाे सिवान क्रिकेट टिमलाई हराउदै युसिसि वीरगंज विजयी भएकाे हाे ।

टस जितेर पहिलाे वैटिङ्ग गरेकाे सिवानले निर्धारित २० ओभरमा सबै विकेट गुमाई एक सय २८ रन बनाएका थिए । जवाफी वैटिङ्गमा उत्रेका युसिसि वीरगंजले १९ ओभर खेल्दै ६ विकेटकाे क्षतिमा एक सय २९ रनकाे लक्ष्य पुरा गर्दै विजयी घाेषित भएकाे युसिसिका सदस्य राजुल हवारीले वताए ।

युसिसिका तर्फबाट बाबुजान अन्सारीले ४ ओभरमा २६ रन खर्चि ४ विकेट लिएका थिए भने आदिल अन्सरीले ४ ओभरमा २७ खर्चि ३ विकेट  लिएका थिए । उक्त खेलकाे म्यान अफ द म्याच र वेस्ट वैटस म्यान युसिसिका संताेष कार्की घाेषित भएका थिए ।

स्पाेर्ट क्रिकेट क्लब बेतियाकाे आयाेजनामा भएकाे प्रतियाेगिताकाे विजेता युसिसिले भारु २० र उपविजेता सिवानले भारु १० हजार नगद सहित कप पुरस्कार पाएका थिए ।

निःशुल्क आँखा शिविर सम्पन्न

0

वीरगंज । ग्लोबल आईएमई बैंक वीरगंजको आयोजनामा आज वीरगंज महानगरपालिका वडा नम्बर २५ श्रीसियमा निःशुुल्क आँखा शिविर सम्पन्न भएको छ ।

केडिया आँखा अस्पताल परवानीपुरको सहयोगमा भएकाे शिविरमा २५० जनाको आँखा परिक्षण गरिएको थियो । जसमध्ये ४७ जनामा मोतियाबिन्दु फेला परेको बैंकका प्रबन्धक संतोष कुमार साहले वताए । मोतियाबिन्दुको शल्यक्रियाको सम्पुर्ण खर्च बैंकले व्यहोर्ने प्रबन्धक साहले जानकारी गराए ।

शिविरमा नेत्र रोग विशेषज्ञ डा. नितिन तुल्स्यानको टिमले चेकजाँच गरेको थियो । सो अवसरमा बैंकका तर्फबाट राकेश ज्ञवाली, सुशिल द्विवेदी, मिनु यादव, सोनु जयसवाल, स्थानिय युवा आशुतोष चतुर्वेदी लगायतको सहभागिता रहेको थियो ।

‘लभ आजकल’काे पहिलो दिनकाे व्यापार १२ करोड

0

शुक्रबारबाट बलिउड चलचित्र ‘लभ आजकल’ रिलिज भएको छ । कार्तिक आर्यन र सारा आलि खानको मुख्य भूमिका रहेको यस चलचित्रलाई प्रतिक्षित चलचित्रको रुपमा हेरिएको थियो ।

भ्यालेनटाइन्स डेलाई लक्षित गरेर सोही दिन रिलिज भएको यस चलचित्रले पहिलो दिन १२ करोड माथिको व्यापार गरेको छ । बलिउड बक्स अफिस हेर्ने हो भने चलचित्रको पहिलो दिनको कमाई १२ करोड ४० लाख रहेको छ ।

त्यो सँगै ‘लभ आजकल’ यो वर्ष रिलिज भएका चलचित्रहरु मध्ये पहिलो दिन सबैभन्दा बढि कमाई गर्ने चलचित्रको दोस्रो स्थानमा परेको छ । ‘तान्हाजी’ले पहिलो दिन १५ करोड १० लाखको व्यापार गरेको थियो ।

दोस्रो दिन अर्थात् शनिबार पनि लभ आजकालको कमाई उत्साहजनक नै छ । शनिबार चलचित्रको कमाई १८ करोडको हाराहारीमा पुग्ने अनुमान गरिएको छ । समिक्षात्मक रुपमा पनि चलचित्रलाई रुचाइएको छ । सारा र कार्तिकको रोमान्सलाई दर्शकले रुचाएका छन् ।

प्रेमकथामा निर्माण भएको यस चलचित्रलाई इम्तियज अलिले निर्देशन गरेका हुन् ।

किसानहरु उखु रोपन छोडदै गए पछि रिलायन्स चिनी मिलद्वारा उखु रोपन आग्रह

0

वीरगंज । पर्साको किसानहरु उखु रोपन छोडदै गए पछि शनिबार रिलायन्स चिनी मिल बाराका संचालक राजकुमार अग्रवालले  किसानहरु सित उखु रोपन आग्रह गरेका छन् । पाेखरियामा किशानहरुकाे भेला गरी अग्रवाले उखु राेपन आग्रह गरेका हुन् ।

पोखरीया उखु सेन्टर अन्तर्गत पर्ने किसानहरुको भेलामा उखु रोपन आग्रहका साथै समयमै चलान दिने र समयमै भुक्तानी गर्ने आग्रह गर्नु गरे । मिलका संचालक अग्रवालले भेराईटी उखु रोपन आग्रह गर्दै अब कुनै किसिम्मका किसानहरुको दु:ख नहुने बताए ।

किसानहरुले उखु रोपन छोडेको मुख्य काराण भेराईटी उखु रोप्दा खर्च धेरै हुने, तर मुल्य कम रहेको, नेपाल सरकारले तोकेको दर भाउ र मिती भित्र भुक्तानी दिन नसकेको, समयमा चलान नदिइएको, चलान पाउन दौडधुप तथा चलान खरिद गर्नु पर्ने अवस्था र समयमै चिनिमिल संचालन नहुदा उखु क्रसर नहुनु रहेको प्रमुख कारणले उखु रोपनबाट निरास भएको बताउदै यी सबै मांग पुरा भए उखु रोप्ने किसान हकहित संघर्ष समिती पर्साका सचिव पृथ्बी साह कानुले भेलामा कुरा राखेका थिए ।

चिनिमिलका संचालक संगै रहेका मैनेजर विकास चौधरी, केन मैनेजर द्वारिका नाथ पाण्डेको सहभागीतामा भएको किसानहरुको भेलामा आर्थिक बर्ष ०७४।०७५ को ५ रुपैया ३६ पैसाको दरले २९ लाख क्वीन्टल उखु क्रसरको रकम १ करोड ५५ लाख ४४ हजार बाकी हरकोले सो रकम भुक्तानी गर्न उखु उत्पादन किसान संघ पर्साका अध्यक्ष असर्फी साहले माग गरेका थिए ।

जिल्ला उच्चांगल रामदेव कलवार प्राविधिक माध्यमिक बिधालयको प्रांगनमा भएकाे भेलामा पोखरीया सेन्टर सम्बद्ध सयौ किसानहरुको सहभागीता रहेको थियो ।

शंकराचार्यद्वारमा चाैधाैं सप्ताह पनि सरसफाइ

0

वीरगंज ।  भाेलन्टिय समुहले चाैधाैं सप्ताहकाे शनिबार पनि वीरगंज स्थित शंकराचार्यद्वाराकाे सरसफाइलाई निरन्तरता दिएकाे छ ।

नेपालकाे मुख्य प्रबेशद्वार शंकराचार्य फोहोर भएका कारण भाेलन्टियर समुहले प्रत्येक सप्ताहकाे शनिबार सरसफाइ गर्दै आएकाे छ । शंकराचार्यद्वारलाई सफा राख्न सरसफाइ अभियानलाई निरन्तरता दिइएकाे भाेलन्टियर समुहका संयाेजक राजन श्रीवास्तवले वताए ।

सरसफाई अभियानमा वीरगंज महानगरपालिकाकाले दमकल र केही सरसफाई कर्मचारी पठाइ सहयाेग गर्दै आएकाे उनले वताए ।

चाैधाैं शनिबारकाे सरसफाई कार्यक्रममा कमलेश कुशवाहा, श्याम सरार्फ, किशन सरार्फ, अनिसकान्त कुश्वाहा, महानगपालिकाला प्रतिनिधि, सरसफाइ बिभागका कर्मचारी, दमकल युनिट, ब्रुमर युनिट, त्यान्कर युनिट लगायतको उपस्थिति रहेको थियो ।

याे शनिबार सरसफाईकाे साथै शंकराचार्यद्वारामा नै चिया बनाई वितरण समेत गरिएकाे थियाे ।

पर्सा गोल्डकपको उद्घाटन खेलमा हेटौँडा बिजयी

0

पर्सा । पर्सागढी युवा स्पोर्टस क्लबको आयोजनामा पर्साको बढनिहारमा आजबाट सुरु भएको प्रथम पर्सा गोल्डकपको उद्घाटन खेलमा हेटौँडा फुटबल एकेडेमी बिजयी भएको छ ।

रतनपुरी युनाइटेड युवा स्पोर्टस क्लव बारालाई टाईब्रेकरमा ४–३ को गोल अन्तरले हराउँदै हेटौँडा अघिल्लो चरणमा प्रबेश गरेको हो । टिमलाई जित दिलाउने क्रममा टाईब्रेकरमा सन्दीप सापकोटा ,छिरिगं लामा, तारा नेगी, कृष्ण गुरुगं ले गोल गरे भने अमिस महर्जनको प्रहार भने गोल रक्षकले राकेका थिए ।

सुरुवाती समयदेखी नै निकै रोमाञ्चक देखीएको खेलको निर्धारित समयमा २–२ गोलको बराबरी खेलेपछी खेल टाईब्रेकरमा धकेलिएको थियाे । प्रतियोगिताको म्यान अफ द म्याच हेटौडाका टिम क्याप्टेन समेत रहेका जर्सी नम्बर १७ का कृष्ण गुरुगं घोषित भए । उनले एक हजार एक सय रुपयाँ नगद पुरस्कार पाए ।

प्रतियोगिताको दोस्रो खेल भाेली बीरगंज युथ क्लव र थारु थारुवान ११ रौतहटबीच प्रतिस्पर्धा हुने छ ।

यसअघि प्रतियोगिताको प्रदेश सांसद सिंहासन साह कलवारले उद्घाटन गरेका थिए । कार्यक्रम उद्घाटन गर्दै कलवारले खेलकुदको बिकासका लागी सधैँ हातेमालो गरेर अघि बढ्न आफु तयार रहेको बताएका छन् ।

ग्रामीण भेगमा संचलन हुने खेलकुद प्रतियोगीताले खेलाडी उत्पादन गर्न मद्धत पुग्ने भन्दै उनले आफुले पनी बिगतदेखीनै खेलकुदको प्रबर्धनकाे लागी सहयोग गर्दै आएको र यसलाई निरन्तरता दिने प्रतिबद्धता ब्यक्त गरे ।

आयोजक क्लबका अध्यक्ष याम बहादुर थापाको सभापतित्वमा सम्पन्न उद्घाटन कार्यक्रममा समाजबादी पार्टी पर्साका अध्यक्ष रामनरेश यादव, जिल्ला सचिव तवरेज अहमद, वडाध्यक्षहरु तुलाराम चौधरी, उद्धव बहादुर उप्रेती, राम नारायण गौरो, तत्कालिन बिरुवागुढी गाबिसका पुर्व अध्यक्ष गोकर्ण पाठकलगायतको उपस्थिती रहेको थियो ।

वीरगंजमा माेटरसाइकल चाेरकाे विगविगी

0

वीरगंज । वीरगंजमा माेटरसाइकल चाेरकाे विगविगी बढेकाे छ । वीरगंजबाट दिनहु जसाे चाेरी हुने माेटसाइकलकाे घटनामा कमि आउन सकेकाे छैन् भने शनिबार पुन: २ वटा माेटरसाइकल चाेरी भएकाे छ ।

वीरगंजकाे घण्टाघर नजिकै लागेकाे चुत्ता चपल मेला अगाडीबाट एउटा पलसर माेटरसाईकल चाेरी भएकाे हाे । पर्साकाे पटेर्वा सुगाैली गाउँपालिका वडा नं. २ निवासी रेयाज खानकाे नाउमा रहेकाे प्रदेश ३-०३-००१ प ९७९३ नम्बरकाे २ सय २० सिसिकाे कालाे र राताे रंगकाे पलसर माेटरसाइकल चाेरी भएकाे हाे ।

मेला अगाडी माेटरसाइकल पार्किङ्ग गरी भित्र गएर फर्के पछि माेटरसाइकल गायब भएकाे पिडितले वताएका छन् ।

यस्तै आजै वीरगंजकाे विर्ता स्थित डा. सुमनकाे किल्निक आगाडीबाट पनि एउटा महिन्द्रा माेटरसाइकल चाेरी भएकाे छ । पर्साकाे कालिकामाई गाउँपालिका वडा नं. १ मुडली निवासी इशक कुमारकाे नाउमा रहेकाे ना ३६ प ७७२१ नम्बरकाे कालाे र राताे रंगकाे सय सिसिकाे महिन्द्रा माेटरसाइकल चाेरी भएकाे हाे ।

प्रहरीकाे फित्लाे अनुसन्धानका कारण माेटसाइकल चाेरीकाे घटनामा कमि आउन नसकेकाे वीरगंज वासीले गुनासाे समेत गर्ने गरेका छन् ।

दिब्य बचतकाे २२ औ साधारण सभा सम्पन्न

0

वीरगंज । दिब्य बचत तथा ऋण सहकारी संस्था लि. बिरन्चीवर्वाको २२ औ साधारण सभा आज सम्पन्न भएको छ । पर्साको पोखरीया नगरपालिकाको जिल्ला उच्चांगल रामदेव कलवार प्राविधिक माध्यमिक बिधालय पोखरीयामा भएकाे साधारण सभाकाे उद्घाटन पोखरिया नगरपालिकाका प्रमुख दिपनारायण रौनियारले गरेका थिए ।

उदघाटन समारोहलाई संबोद्धन गर्दै प्रमुख अतिथी प्रमुख रौनियारले दमन र शोषणबाट बाच्नलाई बचत गर्ने बानीको विकास गर्न अपरिहार्य रहेको बताए ।

समारेहमा जिल्ला बचत तथा ऋण सहकारी संघका अध्यक्ष राजेश पंडित, छिपहरमाई गाउँपालिकाका अध्यक्ष मनोज गुप्ता, कालिकामाई गाउँपालिकाका अध्यक्ष नथुनी प्रसाद कुश्वाहा, पोखरीया नगरपालिका वडा नम्बर ४ का वडाअध्यक्ष लक्ष्मण साह, पत्रकार छठु साह, धर्मेन्द्र चौरसिया लगायतकाले शुभकामना मन्तब्य राखेका थिए ।

दिब्य बचतको आर्थिक बर्ष २०७५।०७६ मा कुल आम्दानी र खर्च ५ करोड ९४ लाख ३१ हजार ८ सय ३३ रहेको र चालु आर्थिक बर्षमा १४ लाख १७ हजार ४ सय २ रुपैया २१ पैसा शुद्ध नाफा रहेको र आर्थिक बर्ष ०७६।०७७ को भावी योजना १० करोड ३१ लाख ८२ हजार आम्दानी खर्च गर्ने लक्ष्य रहेको संस्थाका सचिव बृजकिशोर चौहानले प्रस्तुत गरेका थिए ।

संस्थाका प्रबन्धक जयनारायण पटेलले संस्थाको ३ वटा सेवा केन्द्र मार्फत पोखरीया नगरपालिका, छिपहरमाई गाउँपालिकाको भिस्वा र जगरनाथपुर गाउँपालिकाको जानकीटोलाबाट सेवा दिइएको बताए ।

यसै गरी प्रबन्धक पटेलले २ ठाउमा ५० लाख बराबरको भवन, ५५ लाखको कोष निमार्ण, १६ लाख बराबरको ऋण जोखिम ब्यवस्था, सफटवेयर मार्फत आर्थिक कारोबार, २२ वटा महिला समुह मार्फत ५ सय ५० जना महिलाहरु संग बचत कारोबार, २ हजार ५५ कुल सदस्य संख्या रहेको जस मध्ये महलिा संख्या ९ सय ३० र पुरुष ११ सय २५ रहेको, दिब्य कन्या माबि स्थापना र १० जना कर्मचारीहरुलाई रोजगारी दिइएको उपलब्धी प्रस्तुत गरेका थिए ।

कार्यक्रमकाे सहजिकरण संस्थाका कोषाध्यक्ष रामाकान्त पटेलले गरेका थिए भने संस्थालाई योग्यदान पुर्‍याउने ब्यक्तित्वहरुलाई सम्मान समेत गरिएको थियो ।

नेवि संघद्वारा वीरगंजमा चक्का जाम

0

वीरगंज । नेपाली काँग्रेस निकट नेपाल विद्यार्थी संघ पर्साले नेपाल सरकार र अख्तियार दुरुपयाेग अनुसन्धान आयाेगकाे बिरुद्धमा आज बिरगंजमा चक्का जाम गरेको छ ।

बालुवाटारको ललिता निवासको जग्गा प्रकरणमा सरकारले नेकपाका नेतालाई उन्मुक्ति दिएको र अख्तियार लगाएर अन्यलाई राजनीतिक प्रतिशोधका आधारमा बदनियतपूर्ण मुद्दा लगाई फसाएको भन्दै विरोध स्वरुप संघले वीरगंजकाे माइस्थान चोकमा आधी घण्टा चक्का जाम गरेकाे  हो ।

नेवि संघका जिल्ला उपसभापति जितेन्द्र मिश्राकाे नेतृत्व र नेपाली कांग्रेश पर्साका युवा नेता राजु गुप्ताकाे बिशेष सहभागितामा भएकाे चक्का जाममा विद्यार्थी नेता राजा गुप्ता, कृष्णा दास, आदित्य कुमार साह, पिंकी पासवान लगायत सहभागि थिए ।

अख्यितारले ललिता निवासको जग्गा प्रकरणमा नेपाली कांग्रेसका उपसभापति विजयकुमार गच्छदार सहित १७५ जनाविरुद्ध विशेष अदालतमा मुद्दा दायर गरेको थियो । तर, कांग्रेसले तत्कालीन प्रधानमन्त्रीलाई उन्मुक्ति दिएर मन्त्रिपरिषद सदस्यविरुद्ध मुद्दा दर्ता गरिएको भन्दै संसददेखि सडकसम्म बिरोध प्रदर्शन गर्दै आएकाे छ ।