Date
आइत, मंसिर ६, २०८३
Sun, November 22, 2026
Home Blog Page 1025

हेटौँडालाई हराउदै वीरगंज सेमीफाइनलमा प्रबेश

0

वीरगंज । पर्सागढी युवा स्पोर्टस क्लबको आयोजनामा बढनिहारमा जारी प्रथम पर्सा गोल्डकपको पाचौ दिनको खेलमा हेटौँडालाई पराजित गर्दै बीरगंज सेमीफाइनलमा प्रबेश गरेको छ ।

बुधबार भएको खेलमा श्याम पराजुली युवा स्पोर्टस क्लव हेटौडालाई हराउदै बीरगंज युथ क्लवले सेमीफाइनलमा स्थान बनाएको हो । आफ्ना दुई खेलाडिले लगातार रातो कार्ड पाएपछी बिरोधमा उत्रिएको हेटौँडाले खेल बहिस्कार गर्दा वीरगञ्जलाई स्वतः विजयी घोषणा गरिएको हो ।

३४ औ मिनेटसम्म गोलरहित बराबरीमा चलिरहेको खेलमा रेफ्री संग बिबाद गरेको भन्दै हेटौडाका क्याप्टेन श्याम पराजुलीले रातो कार्ड पाएका थिए । रेफ्रिको उक्त निर्णयमाथी असहमती जनाउँदै बिरोध गर्ने क्रममा हेर्टौडाकै अर्का खेलाडी राशी प्रजापतिलाई समेत रातो कार्ड देखाईएको थियो ।

त्यसलगत्तै मैदानबाट बाहिरिएको हेटौँडा पुनः खेलमा नफर्किँदा वीरगञ्जलाई स्वतः विजयी घोषणा गरिएको हो । खेलको म्यान अफ द म्याच बीरगंज युथ क्लवका गोलरक्षक जयाराम चौधरी भए । उनलाई पर्सागढी नगरपालिकाका वडा नं. ९ का वडाध्यक्ष राम नारायण गौरोले ट्रफी प्रदान गरे ।

प्रतियोगिता अन्र्तगतको भोली बीरगंज युनाइटेड र हेटौडा एकेडेमी प्रतिस्पर्धा गर्नेछन् । फागुन १४ गते सम्म हुने प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिए ।

प्रजातन्त्र दिवसको अवसरमा वीरगंज कारागारबाट १८ कैदी रिहा

0

वीरगंज । प्रजातन्त्र दिवसको अवसरमा वीरगंज कारागारबाट १८ जना कैदी कैदमुक्त भएका छन् ।

चालचलन राम्राे, आचरण सुधार र ५० प्रतिशत कैद भुक्तान गरेका कैदीलाई जेलबाट रिहा गरिएको बिरगंज कारागारका जेलर श्रवण पोखरेलले वताए ।

पर्सा, बारा, रुपन्दही र भारतको गरेर १८ जना कैदी वन्दीहरु रिहा भएका हुन् । कैद मुक्त हुनेहरुमा पर्साका १ जना, बाराका १५, रुपन्देहीका १ र भारत बिहार मोतिहारी जिल्लाका १ जना रहेका छन । उनीहरुलाई कारागार कार्यालयले एक कार्यक्रमको आयोजना गरि आफन्तको जिम्मा लगाएको हो ।

बुधबार परेको प्रजातन्त्र दिवसको अवसरमा रिहा हुनेमा ज्यान मार्ने उधोगका दुई जना, अँगभँग मुद्दाका ६ जना, कुटपिट तथा अँगभँग मुद्दाका एक जना, बन पैदावारका चार जना रहेका छन् ।

यस्तै किर्ते मुद्दाका एकजना, हातहतियार मुद्दाका दुईजना र सवारी ज्यान मुदाका दुईजना रहेको पोखरेलले बताए । राष्ट्रपति विद्यादेवी भण्डारीले संविधानको धारा २७६, फौजदारी कसुर ऐन २०७४ तथा फौजदारी कसुर नियमावली बमोजिम मन्त्रिपरिषदको सिफारिसमा उनीहरुलाई कैदबन्दी मिनाहा गरिएकाे कारागार कार्यालय पर्साले जनाएको छ ।

रिहा भएका कैदिहरुमा बाराकाे प्रशौनी गाउँपालिकाकाे मात्र ६ जना रहेका छन् । गाउँपालिका प्रमुख भाेला प्रसाद गुप्ता  र उपप्रमुख गिता साहले कैद कट्टी भै छुटेका आफ्नो गा.पा.का ६ जना बन्दी कारागार पुगेका थिए । साे अवसरमा कारागार कम्पाउण्ड मर्मत सम्भारका लागि पालिकाको तर्फबाट ३० बोरा सिमेन्ट उपलब्ध गराउने प्रतिबद्वताका समेत जनाए ।

बिन्दवासिनीका प्रशासकिय अधिकृत राैनियारमाथी दुव्र्यवहार

0

वीरगंज । पर्साकाे बिन्दावासिनी गाउँपालिकाका निम्मित प्रमुख प्रशासकिय अधिकृत मुन्ना कुमार राैनियारमाथी दुव्र्यवहार भएकाे छ ।

गाउँ कार्यपालिका कै कार्यालय बहुअर्वाभाठ्ठामा वडा नं. ५ का वडाध्यक्ष सुकदेव राउत अहिरले अधिकृत राैनियारलाई दुव्र्यवहार गर्नुकाे साथै हातपात समेत गरेका हुन् । बाेर्ड बैठककाे बिषयलाई लिएर वडाध्यक्ष अहिरले गाली गलाैज गर्दै दुव्र्यवहार गरेकाे अधिकृत राैनियारले स्विकार गरे ।

उनले भने “आइतबार बाेर्ड बैठक बसेकाे थियाे, उंहाले साे बाेर्ड बैठकमा सहभागि हुनु भएकाे थिएन । तर एकासी बुधबार कार्यालयमा आएर गाली गलाैज गर्दै कुटपिट गर्ने धम्की समेत दिनु भएकाे छ ।”

साे बिषयमा आफुले पर्साका प्रमुख जिल्ला अधिकारी बिष्णु कुमार कार्कीलाई समेत माैखिक जानकारी गराईसकेकाे उनले वताए ।

यता वडाध्यक्ष अहिरले आफुले हातपात नगरेकाे वताउदै वाेर्ड बैठककाे बिषयमा भनाभन मात्र भएकाे वताएका छन् । उनले भने “आइतबारकाे बाेर्ड बैठककाे बिषयमा आफु सहित ५ जना वाेर्ड सदस्यलाई जानकारी छैन् र चिठी समेत पाएका छैनाैं । साेही बिषयमा प्रमुख प्रशासकिय अधिकृत राैनियारसंग साेधपुछ गर्न पुग्दा भनाभन मात्र भएकाे हाे ।”

कालिकामाईकाे विवाद सहमतीमा साम्य

0

वीरगंज । पर्साकाे कालिकामाई गाउँपालिकामा विद्यार्थीहरुद्वारा साेमबार भएकाे ताेडफाेडकाे विवाद सहमतीमा साम्य भएकाे छ । जिल्ला प्रहरी कार्यालय पर्सामा भएकाे छलफलमा विद्यार्थीहरुले गल्लती महसुस गरे पछि विवाद साम्य भएकाे हाे ।

विद्यार्थीहरुले गाउँपालिका कार्यालयमा गरेकाे ताेडफाेड स्विकार्दै गल्ती भएकाे महसुस गरे पछि विवाद साम्य भएकाे जिल्ला प्रहरी कार्यालय पर्साका प्रवक्ता बिरेन्द्र साहीले वताए । उनले भने “दुबै पक्षकाे आपसी सहमतीकाे अधारमा विवाद टुंगिएकाे हाे, विद्यार्थीहरुले गल्ली भएकाे महसुस गरे र अब देखी यस्ताे हुदैन भने पछि सहमतिमा विवाद साम्य भयाे ।”

अब देखी कानुन सम्बत अगाडी बढन दुबै पक्ष बिच समेत सहमती भएकाे प्रवक्ता प्रहरी नायब उपरिक्षक साहीले वताए ।

छलफलमा गाउँपालिका अध्यक्ष नथुनी प्रसाद कुशवाहा, उपाध्यक्ष राजेश चाैरसिया, प्रमुख प्रशासकिय अधिकृत राजु साह, शिक्षक महासंघ पर्साका अध्यक्ष तिर्थ राज यादव, सबै वडाका वडाध्यक्ष, साेमबार पक्राउ परेका १६ विद्यार्थी र केही स्थानिय अगुवाहरु, विद्यालय व्यवस्थापन समिति अध्यक्ष, विद्यालयका प्रअ लगायकाे सहभागिता रहेकाे थियाे ।

वडा नं. २ भेडिहारी स्थित रहेको श्री सुकई साह माविका विद्यार्थीहरु शिक्षक नभएका कारण पढाई प्रभावी भएको भन्दै आन्दोलित भएको थिए भने सोही क्रममा तोडफोड समेत गरेका थिए ।

मेयरको दादागिरी : छोराले विकास निर्माणबारे सोध्दा शौचालयमा थुनिए बावु

0

बारा : सरकारी बजेटबाट भएको विकास निर्माणको कामबारे सोधीखोजी गर्ने एक युवकका बुवालाई जनप्रतिनिधिले कुटपिट गरी शौचालयमा थुनेको खबर सार्वजनिक भएको छ । बाराको महागढीमाइ नगरपालिकाका २ बरियारपुरको मैनी टोलका युवक मुकेश कुशवाहाका बुवा ५५ वर्षीय हरेन्द्र कुशवाहालाई नगरप्रमुख उपेन्द्र यादवले हातपात गरी नगरपालिकाकै शौचालयमा आधा घण्टा थुनेर छाडेको घटना सार्वजनिक भएको हो ।

सोमबार खेतमै काम गरिरहेका बेला पुगेका नगर प्रहरीको टोलीले खेतबाटै आफूलाई उठाएर नगरपालिका कार्यालयमा पुर्‍याएपछि नगरप्रमुख यादवले शौचालयमा आधा घण्टा थुनेको पीडित हरेन्द्रले बताए ।

‘नगर प्रहरीले मेयरसाबले बोलाउनु भएको छ भन्दै खेतबाट मोटरसाइकलमा चढाएर नगरपालिकामा लगे। नगरपालिकामा लगेपछि मेयर साबले तिम्रो छोरो खोइ भनेर सोध्नुभयो। मैले घरमा छैन भनेपछि मेयरसाबले आफ्नो जुत्ता मेरो टाउको राख भन्नुभयो, हरेन्द्रले भने, ‘तर मैले छोराले कुनै गल्ती गरेको छ भने उसैलाई भन्नू जवाफ दिएपछि मेयरसाबले गालामा एक थप्प हान्नुभयो, अनि नगर प्रहरीले मलाई शौचालयमा लगेर आधा घण्टा थुने। ‘

शौचालयमा आधा घण्टा थुनेपछि नगर प्रमुखकै आदेशमा नगर प्रहरीले नगरप्रहरीको घरमा लगेर डेढ घण्टा राखेर मंगलबार छोरालाइ उपस्थिति गराउने सर्तमा घर फिर्ता पठाएको पीडित हरेन्द्रले बताए ।

हरेन्द्रका छोरा मुकेशले गाउँमा नगरपालिकाको बजेटबाट निर्माण गरिएको नालाको काम अधुरै रहेको विषयमा सोधीखोजी गरेको निहुँमा नगर प्रमुख यादवले आफ्नो बुवालाई हातपात गरी शौचालयमा थुनेको बताए ।

गाउँमा ४० लाखको बजेटमा निर्माण गरिएको नाला अधुरै छ। नालाको काम पूरा नहुँदा गाउँलेलाई सास्ती छ। यही विषयमा जानकारी गराएपछि स्थलगत अवलोकनका लागि सोमबार नगर प्रमुख यादव गाउँमा आएका थिए, मुकेशले भने,’ नाला हेरेपछि नगर प्रमुखले म केहि गर्न सक्दिन तिमीलाई जहाँ गएर खोज्नु छ खोज भन्ने जवाफ दिएपछि यही कुरा भिडियोमा बोलिदिनुस् म रेकर्ड गर्छु भन्दा उनका साथमा रहेका कार्यकर्ता र कर्मचारीले धम्क्याउँदै मोबाइल खोस्न थाले, भिडियो खिच्न पनि दिएनन्।’

सोमबार नगरप्रमुख र उनका कार्यकर्ता गाउँबाट फर्किएपछि आफू अर्कै कामले गाउँ बाहिर गएका बेला गाउँमा आएका नगर प्रहरीले नभेटेपछि खेतबाट आफ्नो बुबालाई जबरजस्ती मोटरसाइकलमा चढाएर नगरपालिकामा लगेको मुकेशले बताए ।

नालाको विषयमा आफूले ६ महिनादेखि पटकपटक नगरप्रमुख यादवलाई भेटेर गुनासो गर्दै आएकोले त्यहि निहुँमा सोमबार नगरप्रमुख यादवले जबरजस्ती नगरपालिकामा लगेर बुवालाई गालीगलौज  र हातपात गरी शौचालयमा थुनेको मुकेशले बताए ।

उनले बिना कारण आफ्नो बुबालाई हातपात गरी शौचालयमा थुन्ने कार्यमा संलग्न नगरप्रमुख र नगर प्रहरीलाई कारवाहीको माग गरेका छन्। नगरप्रमुख  मेयर यादवले भने मुकेशको बुबालाई सोधपुछका लागि मात्रै नगरपालिकामा बोलाएको तर हातपात, गालीगलौज र शौचालयमा थुनेको भन्ने आरोप भने निराधार रहेको बताए ।

मुकेशले भिडियो बनाएर सामाजिक संजाल फेसबुकमा हालेकाले त्यही विषयमा सोधपुछ गर्न खोजी गर्दा मुकेश फेला परेन , उनले भने, ‘ऊ फेला नपरेपछि उसको बुवालाई बोलाएर सोधपुछ मात्रै गरेका हौं, अरु केही गरेको छैन। ‘

एक युवक पक्राउ
नगरप्रमुख उपेन्द्र यादवकै बारेमा टिप्पणी गर्दै सामाजिक संजाल फेसबुकमा भिडयो पोस्ट गरेको आरोपमा प्रहरीले एक युवकलाई पक्राउ गरेको छ । प्रहरीले महागढीमाई नगरपालिकाका १ का २७ वर्षीय दिपेन्द्र कुशावाहालाई पक्राउ गरेको हो।

सामाजिक संजालमा निराधार भिडियो बनाएर पोष्ट गरेको भन्दै नगरप्रमुख यादवले दिएको उजुरीको आधारमा दिपेन्द्रलाई पक्राउ गरिएको बाराका प्रहरी नायव उपरीक्षक गौतम मिश्रले जानकारी दिए ।

पक्राउ परेका दिपेन्द्रविरुद्ध साइबर अपराध मुद्दा चलाउन काठमाडौं जानुपर्ने भएकाले जिल्ला प्रहरी कार्यालय बारामै अभद्र व्यवहारको मुद्धा चलाइने र त्यसका लागि बारा जिल्ला अदालतबाट मंगलबार म्याद थप गराइएको पनि मिश्रले बताए ।  अन्पूर्ण पाेष्टबाट

आयोजक पर्सागढी पर्सा गोल्डकपको सेमीफाइनलमा प्रबेश

0

वीरगंज । निजगढ एफ सि बारालाई हराउदै आयोजक पर्सागढी युवा स्पोर्टस क्लब प्रथम पर्सा गोल्डकपको सेमीफाइनलमा प्रबेश गरेको छ । पर्साको बढनिहारमा जारी गोल्डकपमा १ का बिरुद्ध ३ गोल गर्दै आयोजक क्लव सेमीफाइनलमा प्रबेश गरेको हो ।

खेलको सुरुवाती २४ औ मिनेटमा निजगढका समिर तामाङले गोल गरेर निजगढलाई अग्रता दिलाएका थिए । खेलको पहिलो हाफमा १ गोलले पछि परेको पर्सागढी दोस्रो हाफमा उत्कृष्ट प्रर्दशन गर्यो । पर्सागढीका रमेन डंगोलले खेलको ५८ औ मिनेट र ७७ औ मिनेटमा लगातार गोल गरेर टिमलाई अग्रता दिलाए ।

खेलको ७९ औ मिनेटमा पर्सागढीका सुसान्त चौधरीले गोल गरेपछि पर्सागढी ३-१ गोल अन्तरले बिजयी बन्यो । खेलको म्यान अफ द म्याच पर्सागढीका रमेन डंगोल भए । उनलाई पर्सागढी नगरपालिकाका वडा नं. ५ का वडाध्यक्ष असलम आलमले ट्रफी प्रदान गरे ।

प्रतियोगिता अन्र्तगतको भोलीको खेल बीरगंज युथ क्लव र श्याम पराजुली युवा स्पोर्टस क्लव हेटौडाबीच हुनेछ । फागुन १४ गते सम्म हुने प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिए ।

माइस्थानमा भएकाे आगलागीमा रु ४० लाख बराबरकाे क्षति

0

वीरगंज । वीरगंजकाे माईस्थान बजारकाे एक किराना पसलकाे गाेदाममा भएकाे आगलागीमा रु ४० लाख बराबारकाे क्षति भएकाे छ ।

वीरगंज महानगरपालिकाकाे वडा नं. ६ स्थित माइस्थाकाे विट्टु किराना पसलको गोदाममा सोमबार दिउँसो अचानक आगलागि हुदाँ करिब ४० लाख मुल्य बराबरकाे धनमाल जलेर नष्ट भएको पिडितले वताएका छन् ।

स्थानिय मधुसुधन अग्रवालको घरको दोश्रो तलामा बाराकाे सुवर्ण गाउँपालिका वडा नं. २ घर भएका मनोज कुमार गुप्ताले भाडामा लिई किराना पसलकाे  गोदाम राखेका थिए । गोदाममा कस्मेटिक देखि किरानाको समान स्टोर राखिएको थियो । साेही समान आगलागीले जलेर र केही समान आगाे निभाउने क्रममा पानीले नष्ट भएकाे पसल संचालक गुप्ताले वताए । उनले रु ४० लाख  बराबरकाे समान जलेर नष्ट भएकाे वताए ।

पसलका संचालक गुप्ताका अनुसार गोदामा राखिएको कस्मेटिक समान र किराना आईटमका आधी भन्दा बढी समानहरु जलेर करिब ४० लाख भन्दा बढीको क्षति भएको छ ।

गोदाम भित्र जडान गरिएको ईन्भर्टर सर्ट भई आगलागि भएको अनुमान प्रहरीले गरेको छ ।

आगो महानगरपालिकाको २ वटा बारुण यन्त्र, नेपाली सेना, शसस्त्र प्रहरी, नेपाल प्रहरी र स्थानियको सहयोगमा ३ घण्टापछि नियन्त्रणमा आएकाे थियाे ।

गाेदाममा रहेकाे तेल, ध्यूँ, डलडा, रिफाईन तेल जस्ता तरल पदार्थ बढी रहेकोले आगो नियन्त्रणमा लिन समय लागेकाे थियाे ।

घाइते सायराकाे उपचारमा अझै आर्थिक समस्या

0

वीरगंज । घुर ताप्ने क्रममा गम्भीर घाइते भएकी महिलाकाे नेपाली कांग्रेसका युवा नेता मनिकान्त गुप्ताले सहयाेग गरेका छन् ।  पर्साको छिपहरमाई गाउँपालिका – ५ भिस्वाकी घाइते ५० बर्षीया सायरा खातुनलाई स्थानिय युवा नेता गुप्ताले रु ५ हजार नगद सहयाेग गरेका हुन् ।

नारायणी अस्पतालमा उपचार गराइरहेकी घाइते सायरालाई अस्पताल मै साेमबार दिउसाे पुगी गुप्ताले सायरका पति रजाक मियाँलाई नगद रु ५ हजार हस्तान्तरण गरे ।

पहिलेदेखि नै बिरामी रहेकी सायरा आइतबार बिहान घुर तापेर उठ्ने क्रममा आगोले जलेकी थिइन । आर्थिक अवस्था कमजोर रहेका कारण मियाँ परिवारले आगोले पोलेपछि पनि सायरालाई उपचारका लागि स्वास्थ्य संस्था लगेका थिएनन् ।

स्थानीय ताराचन्द पण्डितको पहलमा आगाे लागेकाे झन्डै  ३ घण्टा पछि उनलाई छिपहरमाई गाउँपालिकाकाे एम्बुलेन्सले उनलाई नारायणी अस्पताल ल्याइएको थियो ।

पैसा नभएकै कारण अस्पतालमा उपचारका लागि समस्या भएको थियो । नारायणीमा अभ्यासका लागि गएका हिमाल इस्टिच्युट अफ हेल्थ साइन्समा एचए अध्ययनरत विद्यार्थीहरुले खाजा खर्चबाट पैसा जोगाएर सहयोग गरेका थिए ।

आर्थिक अभाव कै कारण औषधी खरिद गर्न नसकेको नपाएको जानकारी पाएपछि नास्ताको पैसा बचाएर ५ सय रुपैयाँ सहयोग गरेका थिए । पछि सायरकाे अवस्थाकाे बारेमा वीरगंजका कलकार अजमत अलीलाई थाह भए पछि उनी पनि अस्पतालमा पुगी सहयाेग गरेका थिए ।

पण्डितका अनुसार मियाँ परिवार गरिब भएका कारण उपचारका अझै आर्थिक समस्या भइरहेको छ । रजाक मियाँले पनि श्रीमती सायराको उपचारका लागि सहयोग गरिदिन आग्रह गरेका छन् । साेमबार उनलाई अस्पतालकाे आइसियु कक्षमा लगेर उपचार लगिएकाे छ भने अवस्था चिन्ताजनक नै रहेकाे छ ।

यस अघि पनि छिपहरमाई गाउँपालिकाकी एक महिला आगाेले जलेकी थिइन । गरिब परिवारकी ति महिलाकाे आर्थिक अभावका कारण उपचारमा समस्या भए पछि मृत्यु भएकाे थियाे ।

पर्सा गोल्डकप : तेस्रो दिनको खेलमा चपुर बिजयी

0

पर्साा । पर्सागढी युवा स्पोर्टस क्लबको आयोजनामा पर्साको बढनिहारमा जारी प्रथम पर्सा गोल्डकपमा नेपाल खेलकुद क्लव चपुर बिजयी भएको छ ।

एफ सी सिमरा युनाइटेड बिरुद्धको आजको खेलमा खाली पोष्टमा गोल गरेर चपुर बिजयी बनेको हो ।

खेलको सुरुवाती १९ औ मिनेटमा चपुरका रोशन पहरीले गोल गरेर चपुरलाई अग्रता दिलाएका थिए । खेलको ५२ औ मिनेटमा सिमराका निकेश थापाले गोल गर्दै खेललाई बराबरी गरे । खेलको ६९ औ मिनेटमा सिमराका सुनिल राउतले रातो कार्ड पाएपछि रेफ्रीको निर्णयमा असहमति जनाउदै सिमराले खेल बहिष्कार गर्यो ।

सिमराले खेल बहिष्कार गरेपछि चपुरले खाली पोष्टमा गोल गरेर आजको खेलको बिजयी बन्यो ।

खेलको म्यान अफ द म्याच रौतहटका चपुरका रोशन पहरी भए । उनलाई पर्सागढी नगरपालिकाका वडा नं. ३ का वडाध्यक्ष उद्धव बहादुर उप्रेतीले ट्रफी प्रदान गरे ।

प्रतियोगिताको चौथो खेल भोली निजगढ एफ सि बारा र आयोजक पर्सागढी युवा स्पोर्टस क्लबबीच प्रतिस्पर्धा हुनेछ ।

प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिनुभयो ।

पत्रकार गाैतमलाई मातृ शाेक

0

वीरगंज । वीरगंजबाट प्रकाशित सर्व राष्ट्रिय दैनिकका प्रकाशक एवं सम्पादक महेश चन्द्र गाैतमलाई मातृ शाेक परेकाे छ । वीरगंज ४ विर्ता निवासी पत्रकार गाैतमकी ८५ बर्षिय आमा निर्मला गाैतमकाे आज विहान निधन भएकाे हाे ।

वीरगंज विर्ता स्थित आफ्नै निवास मै आमाका निधन भएकाे पत्रकार गाैतमले वताए । आजै दिउसाे २ बजे आमा निर्मालाकाे अन्त्येष्टि गरिने पत्रकार गाैतमले जानकारी गराए ।