Date
आइत, मंसिर ६, २०८३
Sun, November 22, 2026
Home Blog Page 1024

शिवरात्रिको अवसरमा महुवनमा कृषि प्रदर्शनी मेला

0

वीरगंज । पर्साकाे सखुवा प्रसौनी गाउँपालिका वडा नं. ५ महुवनमा शिवरात्रिको अवसरमा आज कृषि प्रदर्शनी मेला सम्पन्न भएको छ ।

कृषि ज्ञान केन्द्र पर्साको आयोजनामा आयाेजित मेलामा विभिन्न तरकारी, मल, बिउँ र उपकरणको स्टल राखिएकाे थियाे । महुवनकाे परासनाथ मन्दिर स्थित लागेकाे मेलामा उत्कृष्ट कृष्कहरुलाई प्रमाणपत्र, खादा र नगदसहित सम्मान समेत गरिएको जिल्ला कृषि सहकारी संघ लि. पर्साका अध्यक्ष शिव कुमार साहले वताए ।

कृषि ज्ञान केन्द्र पर्साको प्रमुख डा. रामचन्द्र यादवकाे अध्यक्षता एवं भुमि ब्यवस्था, कृषि तथा सहकारी राज्यमन्त्री योगेन्द्र प्रसाद यादवकाे प्रमुख अतिथ्यतामा भएकाे कार्यक्रममा प्रदेश सांसद प्रहलाद गिरि, मन्जुर अन्सारी, सखुवा प्रसौनी गाउँपालिका अध्यक्ष प्रदीप कुमार जयसवाल, समाजबादि पार्टीका केन्द्रीय सदस्य फिरोज मन्सुर लगायत कर्मचारी, कृषक, सुरक्षाकर्मी, पत्रकारको सहभागीता रहेको थियो।

आयोजक पर्सागढी पर्सा गोल्डकपको फाइनलमा प्रबेश

0

वीरगंज । वीरगंज युथ एकेडेमीलाई हराउदै आयोजक पर्सागढी युवा स्पोर्टस क्लब पर्साको बढनिहारमा जारी प्रथम पर्सा गोल्डकपको फाइनलमा प्रबेश गरेको छ । पर्सागढी युवा स्पोर्टस क्लबको आयोजनामा आज भएको खेलमा बीरगंजलाई १ का बिरुद्ध २ गोल गर्दै आयोजक फाइनलमा प्रबेश गरेको हो ।

निकै रोमाञ्चक देखीएको खेलको सुरुवाती २० औं मिनेटमा पर्सागढीका सुसान्त चौधरीले पहिलो गोल गरे । खेलको ४७ औ मिनेटमा पर्सागढीका सुरज घिमिरेको अर्को गोल थपेर टिमलाई २ गोलको अग्रता दिलाए । बीरगंजका तर्फबाट खेलको ५७ औ मिनेटमा आदित्य शाक्यले १ गोल गरेपनि जितका लागी प्रयाप्त भएन ।

पटक पटकको अवसरलाई सदुपयोग गर्न नसक्दा बीरगंज पराजित हुन पुग्यो । खेलको म्यान अफ द म्याच पर्सागढीका प्रशान्त भुजेल भए । उनलाई पुर्व खेलाडी समेत रहेका आधारभुत बिद्यालय बागवानामा प्रअ जोगेन्द्र प्रसाद चौधरी र स्थानीय युवा सुनिल तिमल्सीनाले नगद सहित ट्रफी प्रदान गरे ।

फाइनल प्रवेशकै लागी अर्को खेल भोली दिउसो ३ बजे हेटौडा फुटबल एकेडेमी र नेपाल खेलकुद क्लव चपुरबीच हुनेछ ।

फागुन १४ गते सम्म हुने प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिए ।

अवैध रुपमा भारत निकासी हुन लागेकाे छाेहडा र मरिच बरामद

0
chhohada & marij baramad_kalikatimes

पर्सा । इलाका प्रहरी कार्यालय पाेखरियाले अवैध रुपमा भारत निकासी हुन लागेकाे छाेहडा र मरिच बरामद गरेकाे छ ।

पर्साकाे कालिकामाई गाउँपालिका वडा नं. २ भेडिहारी स्थित बसबाट आज विहान २:३० बजे ७ बाेरा छाेहडा ३ सय ५० के.जी. र ८ बाेरा मरिच २ सय के.जी. बरामद गरिएकाे इप्रका पाेखरियाका प्रहरी निरिक्षक चन्द्र सिंहले वताउनु भयाे ।

विशेष सुचनाकाे आधारमा जन्तीबाट फर्केकाे ना ७ ख ८४२१ नम्बरकाे बसमा चेकजांच गर्दा अबैध छाेहडा र मरिच बरामद भएकाे प्रहरी निरिक्षक सिंहले जानकारी गराउनु भयाे । बरामद भएकाे छाेहडा र मरिचकाे बिल माग गर्दा नभेटिएकाेले नियन्त्रणमा लिई इप्रका पाेखरियामा ल्याई थप अनुसन्धान भइरहेकाे सिंहले वताउनु भयाे ।

वीरगन्जमा स्वामी विवेकानन्द ज्ञान परिक्षा सम्पन्न

0

वीरगन्ज । ‘‘आदर्श बिद्यार्थी नै आदर्श नागरिक बन्नेछन्, संस्कार र संस्कृती नै राष्ट्रका प्राण हुन’’ भन्ने मुल नाराका साथ हिन्दु स्वयंसेवक संघ नेपालले बिहिबार वीरगन्जमा स्वामी विवेकानन्द संस्कृति ज्ञान परिक्षा सम्पन्न गरेको छ ।

वीरगन्जको सिद्धार्थ माध्यमिक विद्यालयमा आयोजित परिक्षामा सनलाईट माविका कक्षा ७ मा अध्ययनरत छात्र निरन्जन कुमार गुप्ता प्रथम भएका छन । उनलाई नगद २१ हजार र सम्मान पत्र दिईएर पुरस्कृत गरिएको थियो । परिक्षामा माईस्थान विद्यापिठ माविका कक्षा ९ मा अध्ययनरत छात्रा सुष्मा पाण्डे दोश्रो भएकी छिन भने तेश्रोमा माईस्थान विद्यापिठकै सुनिल कुमार चौरसिया भएका हुन । दुवैलाई क्रमश १५ हजार ५ सय र ११ हजार ५ सय नगद प्रदान गरी सम्मान गरिएको थियो ।

त्यसैगरी सान्तावना हुने सिद्धार्थ मावि, गौत्तम मावि, तेजस एकेडमी, नेशनल एकेडमी र वीरगन्ज एकेडमीका ५१ जना छात्रा तथा छात्रहरुलाई जनही नगद १ हजार १ सय रुपैया नगद र सम्मान पत्र प्रदान गरी सम्मान गरिएको थियो । परिक्षा पश्चात आयोजित सम्मान कार्यक्रममा वीरगन्जका मेयर विजय कुमार सरावगी र हिन्दु स्वंयम सेवक संघका राष्ट्रिय सह प्रचारक रेवित कुमारले नगद तथा सम्मान पत्र प्रदान गरेर सम्मान गरेका थिए ।

सम्मान कार्यक्रमलाई सम्बोधन गर्दै हिन्दु स्वंयम सेवक संघका राष्ट्रिय सह प्रचारक रेवित कुमारले कुनैपनि धर्म, समाज, वा जस्तो सुकै विचार महान भएपनि तिनका अनुवायीहरुले त्यो धर्म, समाज वा विचारलाई नयाँ पिडिमा लागु गराउँन सक्दैन् तबसम्म यसको उत्थान हुदैन र संरक्षण विना पृथ्वीबाट धर्म संस्कृति नै समाप्त हुन्छ ।

हिन्दु धर्म, संस्कृति र संस्कार बारे करौडो बर्षदेखि हाम्रा पुर्खाहरुले एक पिडिबाट अर्को पिडिमा हस्तान्तरण गरेका कारण आज हाम्रो हाथमा पुगेको छ, उनले भने, ‘हाम्रो हातबाट अब नयाँ पिडिमा आफनो धर्म संस्कारको बारेमा जानकारी गराईन भने, त्यो धर्म संस्कार विग्रिदै जान्छ त्यसैले यसमा सचेत भएर धर्म संस्कृतिको उत्थान गर्नुपर्छ ।

विवेकानन्द संस्कृति ज्ञान परिक्षाले नेपालको सांस्कृति, सभ्यता, वरिष्ठलाई आदर, कनिष्ठलाई माया र सम्मान हुनेलाई सम्मान गर्न सक्ने वातावरणको सृजना गरेका बताए । राष्ट्र भाव, ईतिहासको जर्गेना, आत्माको शुद्धिकरण, संस्कृति शुद्धताको लागि, र आफैलाई चिन्नको लागि यो विवेकानन्द संस्कृति ज्ञान परिक्षाको आयोजना गरिएको हो, उनले भने, यो परिक्षामा अहिले सम्म ७० हजार बन्दा बढी विद्यार्थीहरुले सहभागिता जनाई सकेको छ, जसले गर्दा हामी भित्र लुकेर रहेको उर्जालाई जागरुक बनाउने मद्दत गरेको छ ।

हामी अहिले आफनो संस्कृति र ईतिहार विर्सेका छौ, कतिपयलाई त हाम्रो ईतिहासको बारेमा पनि जानकारी छैन रेवित कुमारले भने, विद्यार्थी जीवन मै आफू को हो, देश, संस्कृति, भुगोल र ईतिहासको बारेमा बुझन सक्यो भने, देश निर्माणमा अझै धेरै मैत्री बनाउन सकिन्छ ।

हामी जतिसुकै सम्बृद्ध भएर पनि सवल हुदैनौ संस्कृति पनि जीवनमा मिसाउनु पर्छ, संस्कृति सभ्यता सगै आर्थिक उन्नत हो उनले भने, त्यो भयो भन्ने मात्र सामाजिक रुपमा उच्च हुनसक्छौ, आर्थिक रुपमा सम्बृद्धि हुन सक्छौ, सांस्कृतिक रुपमा वरिष्ठ हुन्छौ जसले गर्दा देशको लागि ठूलो गौरवको काम गर्छ ।

उनले भने, काँधमा जिम्मेवारी, दिमागमा सम्झदारी आजको आवश्यकता हो र यो आवश्कताको लागि विवेकानन्द ज्ञान परिक्षाले नै पुर्णता दिन्छ । परिक्षामा वीरगन्जका ३८ वटा निजि तथा सामुदायिक विद्यालयका करिब १ हजार ८ सय छात्र, छात्राहरुको सहभागिता रहेको थियो ।

सिद्धार्थ माविका प्रधानाध्यापक राजेश पाण्डेको संयोजकत्वमा भएको कार्यक्रममा हिन्दु स्वंयसेवक संघ पर्साका संघचालक ललन द्विवेदी, पशुपति शिक्षा मन्दिरका अध्यक्ष एवं वरिष्ठ समाजसेवी अशोक बैद्य, विश्व हिन्दु परिषदका महासचिव जितेन्द्र सिंह, संघका प्रचारक रंजित साह, कृष्ण चौरसिया लगायतको सहभागिता रहेको थियो ।

पर्सा गोल्डकप : हेटौडा सेमीफाइनलमा प्रबेश

0

वीरगंज । पर्साको बढनिहारमा जारी प्रथम पर्सा गोल्डकपको अन्तिम क्वाटरफाइनल खेलमा बीरगंज युनाइटेड क्लवलाई पराजित गर्दै हेटौडा फुटबल एकेडेमी सेमीफाइनलमा प्रबेश गरेको छ ।

पर्सागढी युवा स्पोर्टस क्लबको आयोजनामा बिहिबार भएको छैठौ दिनको खेलमा बीरगंजलाई ० का बिरुद्ध १ गोल गर्दै हेटौंडा सेमीफाइनलमा प्रबेश गरेको हो । निकै रोमाञ्चक देखीएको खेलको ८२ औं मिनेटमा हेटौंडाका रोजम लामाले गरेको गोल नै जितका लागी निर्णायक बन्यो ।

खेलको म्यान अफ द म्याच बीरगंज युनाइटेड क्लवका लालबाबु चौधरी भए । उनलाई पर्सागढी नगरपालिकाका वडा नं २ का वडाध्यक्ष बेदमन दासले ट्रफी प्रदान गरे ।

प्रतियोगिता अन्तर्गत भोलीको खेल दिउसो ३ बजे बीरगंज युथ क्लव र आयोजक पर्सागढी युवा स्पोर्टस क्लबबीच हुनेछ ।

प्रतियोगितामा प्रथम हुने टिमले नगद एक लाख सहित प्रमाण पत्र तथा दोस्रो हुने टिमले नगद ५० हजार सहित प्रमाण पत्र पाउने पर्सागढी युवा स्पोर्टसका अध्यक्ष याम बहादुर थापाले जानकारी दिए ।

विपद जाेखिम न्यूनिकरण सिकाई आदानप्रदान

0

वीरगंज । पर्साकाे ३ स्थानिय तहमा संचालित बाल केन्द्रित विपद जाेखिम न्यूनिकरण कार्यक्रम अन्तर्गतका गितिविधिहरुकाे सिकाई अदानप्रदान तथा अपातकालिन सामग्री हस्तान्तण कार्यक्रम आज वीरगंजमा सम्पन्न भएकाे छ ।

वीरगंज घण्टाघर स्थित नेपाल रेडक्रस साेसाइटी पर्साकाे सभा हलमा भएकाे कार्यक्रममाबाल क्लब र बाल संजाललाई स्टेशनरी सामग्री र कार्यक्रम संचालन रहेकाे स्थानिय तहहरुलाई आपतकालिन सामग्री हस्तारण समेत गरिएकाे थियाे । कार्यक्रम अन्तर्गत गठन भएका २० वटा बाल क्लब र ३ वटा बाल क्लब संजाललाई रजिष्टर, कापी, कलम लगायतका स्टेशनरी सामग्री र स्थानिय तहहरुलाई ६ वटा लाइफ ज्याकेट, प्राथमिक उपचार बाक्स हस्तान्तरण गरिएकाे रेेडक्रसका राजन श्रीवास्तवले वताए ।

कार्यक्रममा विगतका दिन देखी हाल सम्म कार्यक्रम संचालित कार्य क्षेत्रहरुमा भएकाे कार्यकाे प्रगतिकाे प्रस्तुती कार्यक्रम अधकृत उमेश मिश्राले गरेका थिए । उनका अनुसार विगत २ बर्ष देखी पर्साकाे पर्सागढी नगरपालिका, बिन्दवासिनी गाउँपालिका र जगरनाथपुर गाउँपालिकामा कार्यक्रम संचालन हुदै आएकाे छ ।

साेही कार्यक्रमकाे बार्षिक समिक्षा, बालबालिकाहरुलाई शसक्त बनाउन गाउँपालिकाकाे भुमिका सम्बन्धमा छलफल समेत गरिएकाे उनले जानकारी गराए ।

कार्यक्रममा वाेल्दै पर्साका प्रमुख जिल्ला अधिकारी विष्णु कुमार कार्कीले विगतका दिनमा जिल्ला प्रशासन कार्यालयबाट नै ढुंगामा बसेर प्रमुख जिल्ला अधिकारीलाई बाहिर निस्केकाे अवस्थाकाे देखिएकाे वताउदै त्यसकाे अन्त्य गर्न आफु लागेकाे वताए ।

रेडक्रस पर्साका विपद व्यवस्थापन संयाेजक रामनरेश यादवकाे सभापतित्वमा भएकाे कार्यक्रममा जगरनाथपुर गाउँपालिकाका अध्यक्ष जालिम मियाँ, उपाध्यक्ष विष्मुलाह खातुन, रेडक्रस प्रदेश २ का अध्यक्ष फुलमहमद मियाँ, काेषाध्यक्ष दिब्यनाथ श्रेष्ठ, जिल्ला अनुसन्धान कार्यालय पर्साका प्रमुख कुमार खड्का, बिन्दवासिनी गाउँपालिकाका वडा नं. ५ का वडाध्यक्ष सुकदेश राउत अहिर, मुकेश प्रसाद साह, पर्सागढी नगरपालिका वडा नं. ४ का वडाध्यक्ष रामप्रसाद पाठक, ५ का वडाध्यक्ष असलम आलम, दिनेश राउत गद्दी, रेडक्रस पर्सा शाखाका सदस्य दयाशंकर सिंह लगायतकाे सहभागिता रहेकाे थियाे ।

कार्यक्रममा स्वागत मन्तव्य रेडक्रस पर्साकी उपसभापति मधु राणाले राखेकी थिइन भने कार्यक्रमकाे संचालन शाखा अधकृत उद्यराज शर्माले गरेका थिए । युनिसेफकाे सहयाेग र रेडक्रस पर्सा शाखाकाे आयाेजनामा कार्यक्रम भएकाे थियाे ।

कार्यक्रम मै रेडक्रसमा पहिलाे पटक आउनु भएकाेमा प्रमुख जिल्ला अधिकारी कार्की र अनुसन्धान कार्यालयका प्रमुख खड्कालाई स्वागत तथा सम्मान समेत गरिएकाे थियाे ।

दुव्र्यवहार गर्ने वडाध्यक्षमाथी कारवाहीकाे माग, गाउँपालिका बन्द

0

वीरगंज । पर्साकाे बिन्दावासिनी गाउँपालिकाका निम्मित प्रमुख प्रशासकिय अधिकृत मुन्ना कुमार राैनियारलाई दुव्र्यवहार गर्ने वडाध्यक्षमाथी कारवाहीकाे माग गरिएकाे छ ।

जिल्ला प्रशासन कार्यालय पर्सामा बिहिबार कर्मचारीहरुकाे एक समुह पुगी दुव्र्यवहार गर्ने वडा नं. ५ का वडाध्यक्ष सुकदेव राउत अहिरमाथी कारवाहीकाे माग गरेकाे हाे ।  सहायक प्रमुख जिल्ला अधिकारी ललित कुमार बस्नेतलाई भेट्दै कर्मचारीहरुले वडाध्यक्ष अहिरमाथी सार्वजनिक अपराध मुद्दा दर्ता गर्न माग गरे ।

प्रमुख प्रशासकिय अधिकृत राैनियार सहित केही कर्मचारीहरुले लखित रुपमै कारवाहीकाे माग गर्दै सहायक प्रमुख जिल्ला अधिकारी बस्नेतलाई निवेद समेत दिए ।

निजमती कर्मचारी अधिकारीक ट्रेड युनियन पर्साका अध्यक्ष सुभादार यादव, निजामती कर्मचारी संगठन पर्साका अध्यक्ष अमित कुमार गिरी, बिन्दवासिनी गाउँपालिकाका अध्यक्ष श्रीलाल साह कानु लगायतका दर्जनाैंकाे संख्यामा रहेका कर्मचारीहरु जिल्ला प्रशासन कार्यालय पुगेका थिए ।

दुव्र्यवहारकाे विराेधमा बिन्दवासिनी गाउँपालिकाका कर्मचारीहरुले बिहिबार गाउँपालिकाकाे कामकाज समेत ठप्प पारेका छन् ।

७० करोड कमिसनकाे अडियाे सार्वजनिक भएपछि मन्त्री बास्कोटाले दिए राजीनामा

0

काठमाडौं । सञ्चार तथा सूचना प्रविधिमन्त्री गोकुल बास्कोटाले राजीनामा दिएका छन् । सेक्युरिटी प्रिन्टिङ प्रेस खरिदका लागि स्वीस एजेन्टसँग ७० करोड कमिसनका लागि कुराकानी भएकाे अडियाे सार्वजनिक भएपछि बास्कोटाले राजीनामा दिएका हुन् ।

बास्कोटाले राजीनामा दिएको सभामुख अग्नि सापकोटाले संसदमा जानकारी दिएका हुन् । संसदको बैठकमा प्रमुख विपक्षी कांग्रेसले सञ्चारमन्त्री बास्कोटाको राजीनामा मागेको थियो । साथै सेक्युरिटी प्रिन्टिङ प्रेस खरिदबारे मन्त्रिपरिषदमा समेत पटकपटक छलफल भएकाले यसको जिम्मा प्रधानमन्त्रीले लिनुपर्ने, यसलाई भ्रष्टाचारको विषय बनाउनुपर्ने उसको माग छ ।

कांग्रेसले संसद अवरुद्ध गरेपछि सभामुख सापकोटाले सञ्चारमन्त्रीले राजीनामा दिइसकेको बताए ।

उनले भने, ‘औपचारिक पत्र त आउने नै छ । मलाई अनौपचारिक रुपमा जानकारी भएअनुसार सम्बन्धित मन्त्रीले राजीनामा दिइसक्नु भएको छ । र, सरकारको ध्यानाकर्षण पनि भइसकेको छ ।’

प्रजातान्त्र दिवसको अवसरमा नेवि संघद्वारा दिप प्रज्वलन

0

वीरगंज ।  ७० औं प्रजातान्त्र दिवसको अवसरमा नेपाल विद्यार्थी संघ पर्साद्वारा आज वीरगंजकाे घण्टाघरमा दिप प्रज्वलन गरिएकाे छ ।

नेवि संघ पर्साका जिल्ला सदस्य कृष्णा दासको अध्यक्षतामा भएको कार्यक्रमा नेवि संघ पर्साका उप साभापति जितेन्द्र कुमार मिश्रा, राजा गुप्ता, रोहित गुप्ता, अशोक कुमार गुप्ता, सुमित बर्णवाल, राजिउ चोधरि लगायतकाे उपस्थित रहेकाे थियाे ।

कार्यक्रमको सहजीकरण सोनु ओझाले गरेका थिए भने कार्यक्रममा ज्ञात अज्ञात सहिद प्रती सम्मान र सम्झनामा एक मिनेट मौन धारण समेत गरिएकाे थियाे ।

छोरीहरुले आफैं काँधमा बोकेर बुबाको शव आर्य घाटमा लगे

0

जनकपुरधाम । प्रदेश २ जहाँ एकातर्फ मृत्युपश्चात दाहसंस्कारमा चितालाई घाटसम्म लैजानेदेखि दाहसंस्कार गर्नेसम्मका सम्पूर्ण कार्यभार पुरुषको जिम्मामा रहन्छ भने अर्कोतर्फ महिलालाई यस कार्यमा पूर्णतया निषेश गरिन्छ ।

प्रदेश २ कै धनुषा जिल्लामा चिता काँधमा उठाएर घाट लैजाने र दाहसंस्कार गर्नेसम्मका सम्पूर्ण काम परिवारका महिलाहरुले गरेका छन् ।

धनुषाको सवैला नगरपालिकामा रामनारायण यादवको निधन भयो । यादवका पाँच छोरी मात्र रहेका छन् । छोराले मात्र दाहसंस्कार गर्नुपर्ने मान्यता रहेको समाजमा यादवको मृत्युपछि दाहसंंस्कार कसले गर्ने भन्ने विषयमा छलफल भयो ।

गाउँलेहरुले आफन्त नाता पर्ने कोहि छोराबाट गराउने कुरामा जोड दिए । तर यादवका छोरीहरुले त्यस कुराको विरोध गर्दै बुबाको दाहसंस्कारका सम्पूर्ण कार्य आफैँले गर्ने निधो सुनाए ।

पाँच छोरीले आफैं काँधमा बोकेर बुबाको शव उठाए । घाटमा यादवकी ६२ वर्षीया पत्नी राधिकादेवीले पतिको पार्थिव शरीरमा दागबत्ती दिइन् । विवाह भइसकेका पाँच वटै छोरीहरुले समाजको कुरीतिविरुद्ध गरेको प्रयास उदाहरणीय बनेको छ ।