Date
आइत, मंसिर ६, २०८३
Sun, November 22, 2026
Home Blog Page 1007

पोखरिया नपाको एम्बुलेन्स सेवा निशुल्क, समस्या परे वडाध्यक्षलाई भन्न आग्रह

0

पर्सा । पोखरिया नगरपालिकामा आज आकस्मिक बैठक सम्पन्न भएको छ । बैठकले आज देखि एम्बुलेन्स सेवा निशुल्क गर्नुको साथै विभिन्न निर्णय गरेको छ ।

कोरोना भाइरसको समस्या समाधान नहुनजेल सम्मको लागि एम्बुलेन्स सेवा निशुल्क गरिएको मेयर दिपनारायण रौनियारले बताउनु भयो । यस्तै बैठकले खाद्यान्न सामग्री बिक्री वितरणको लागि किराना पसल मुल्य सुची सहित विहान ६ बजे देखि ९ बजे सम्म खोल्ने र तरकारी बिक्री वितरण दिउसो २ बजे देखि ५ बजे सम्म मात्र गर्ने निर्णय गरेको हो ।

खाद्यान्न र तरकारी बिक्री वितरण गर्दा ३-३ फिटको दुरीमा ग्राहकलाई राखी गर्ने समेत निर्णय भएको मेयर रौनियारले वताउनु भयो । अहिलेको संकटको अवस्थामा कसैलाई कुनै किसिमको समस्या परे आ आफ्नो वडाध्यक्षलाई जानकारी गराउन बैठकले आग्रह समेत गरेको छ ।

मेयर रौनियारको अध्यक्षतामा बसेको बैठकमा उपमेयर सलमा खातुन, इलाका प्रहरी कार्याल पोखरियाका प्रहरी निरीक्षक चन्द्र सिंह, सशस्त्र प्रहरी बल पोखरियका प्रहरी निरिक्षक हरि सिंह बिष्ट र वडाध्यक्षहरुको उपस्थिति रहेको थियो ।

गरिव र निमुखालाई निःशुल्क दैनिक उपभोग्य बस्तु उपलब्ध गराउन संसाद यादवको माग

0

वीरगञ्ज । कोरोना (कोभिड–१९) भाइरसको महामारीले गर्दा बिश्वब्यापी रूपमा उत्पन्न भएको मानवीय संकटको संवेदशील घडीमा संघीय सरकर, प्रदेश नम्बर २ सरकार र स्थानीय तहलाई प्रभावकारी ढंगले अगाडि बढ्न प्रतिनिधि सभा सदस्य प्रदीप यादवले सुझाव दिएका छन् ।

संघीय संसाद प्रदीप यादवले बिहिबार एक प्रेस विज्ञप्ति जारि गर्दै कोभिड-१९ नियन्त्रणका लागि तिनै तहको सरकारको प्रभावकारी भुमिकाको आवश्यक रहेको बताएका छन् । उनले प्रदेश नं. २ मा कोरोना संक्रमणलाई रोक्न स्थानिय सरकार तथा जनप्रतिनिहरुको सक्रियता र सहयोगमा प्रभावकारी क्वारेन्टाइन केन्द्रहरुको स्थापना गर्न संघीय सरकार र प्रदेश सरकारसंग माग गरेका हुन् ।

सांसद यादवले विगतको दुइ हप्तामा विदेशबाट आएका सबैलाई नागरिकहरुलाई पहिचान गरी क्वारेन्टाइनमा राख्ने अभियान वडा स्तरसम्म स्थानीय तहसंग समन्वय गरेर चलाउनु अहिलेको सबैभन्दा ठुलो आवश्यकताको भएको बाताउदै तिनै तहको सरकारलाई यसमा सक्रिय भूमिका खेल्न आग्रह गरेका छन् ।

‘विश्वस्तरमै ठुलो महामारीका फैलिएको कोरोना रोग सङ्क्रमणले सम्पुर्ण मानवजाती नै चुनौति पुर्णका अवस्थाबाट गुज्रीरहेको छ ।

रोगको सक्रमणलाई फैलिन नदिन संघीय सरकारले लकडाउनको घोषण गरे तापनि रोगको महामारीलाई मध्यनजर गर्दै चेकजाँच र सङ्क्रमित व्यक्तिको उपचारको लागी पनि हामीलाई तयार रहनु पर्ने अहिलेको मुख्य चुनौति भएकोले कोरोना भाइरस जाच्ने ‘एनटिजेन डिटेक्सन रिएजेन्ट’ (किट) किन्न संघीय, प्रदेश सरकार र स्थानीयसँग यसै प्रेस विज्ञपितको माध्यमबाट हर्दिक आग्रह गर्दछु,’ भनेका छन्।

त्यसैगरि समाजवादी पार्टीका केन्द्रिय सदस्य समेत रहेका यादवले जनताका आधारभूत आवश्यकताहरुमा तिनै तहका सरकारको सहयोग र साथ यतिखेर अपरिहार्य भएको बताउदै संघीय सरकारले देश्ब्यापी रूपमा गरेको ‘लकडाउन’ले गर्दा आम मजदुर, दैनिक ज्यालादार, सरफाइकर्मी, साना रोजगार गरेर आजीविका चलाउनेहारु, रिक्सा ठेला चालाउनेहरु, कृषि श्रमिक र गरिब तथा असहाय बर्ग समस्यामा परेको छ र घर घरमा दैनिक उपभोग्य सामग्रीको अभावको उत्पन्न दु:ख व्यक्त गरेका छन् साथै लकडाउनमा गरिव र निमुखालाई निःशुल्क दैनिक उपभोग्य बस्तु उपलब्ध गराउन सरकार संग माग गरेका छन् ।

उनले मानिसहरूले बाच्नका लागि चाहिने उपभोग्य बस्तुको आपूर्तिमा आम मानिसको लागि समस्या समाधान गर्ने संयन्त्र अबिलम्ब स्थापना गर्नको सरकार संग माग गर्दै एउटा हेल्पलाईन हेल्पलाइनको स्थापना गरेर जनताको सहयोगीका रुपमा अगाडि आउन संघीय, प्रदेश र स्थानीय सरकारलाई सुझाव दिएका छन् ।

प्रेस विज्ञप्तिमा उनले भनेका छन्, ‘प्रदेश नम्बर २ का नागरिकहरुको जीवन रक्षाका लागि यस चुनौतिपुर्ण घडीमा प्रदेश सरकारले गरेको सहयोगी भुमिका अझ बढाउन अनुरोध गर्दछु । प्रदेश नम्बर २ का नागरिकहरुको जिवन रक्षाका लागि सहयोगी बन्न अनुरोध छ । प्रदेश नम्बर २ मानव सुचकांकको आधारमा पिछडीएको प्रदेश रहेको र रोगका कारण उत्पन्न भएको वर्तमान चुनौतीपुर्ण अवस्थामा आवश्यक स्वास्थ्य सेवाका लागि पुर्वाधार, उपकरण, प्राविधिक क्षमता र औषधी आपुर्तीमा यहाँ बिशेष ध्यान दिन आवश्यक छ ।’

प्रहरीको दादागिरी, रिपोर्टिङ गर्न गएका पत्रकारमाथि नै लाठीचार्ज

0

वीरगन्ज । वीरगन्जमा प्रहरी गुण्डागर्दी शैलीमा पत्रकारलाई नियन्त्रणमा लिई निर्घात कुटपिट गर्दै दुव्र्यवहार गरेको छ । पत्रकार जाकिर हुसैनलाई वीरगन्जको रानीघाटबाट कुटपिट गरी दुव्र्यवहार गर्दै पक्राउ समेत गरेका हुन् ।

कोरोना भाइरस (कोभिड १९) को संक्रमणलाई नियन्त्रण गर्न सरकारले लागु गरेको लकडाउनको बारे रिर्पोटिङ गर्न साँझ हुसैन रानीघाट पुग्दा उनीमाथि प्रहरीले नै आक्रमण गरेका थिए ।

यदपी पत्रकार महासंघका जिल्ला अध्यक्ष श्याम बन्जारा लगायत अगुवा पत्रकारहरु वडा प्रहरी कार्यालय श्रीपुरमा पुगेपछि प्रहरीले विना सर्त हुसैनलाई तीनघण्टाको नियन्त्रणपछि छाडेको हो ।

दिनभरी लकडाउनले गर्दा रानीघाट लगायतको एरिया सुनसान बनेको थियो । साँझ भएपछि अतिआवश्यक खाद्यान्न वस्तु किनमेल गर्न स्थानिय घर घरबाट निस्केर रानीघाट चोकमा पुगेका थिए । चोकमा भिडभाड भयो भन्दै स्थानिय प्रहरी चौकीका प्रहरीले सम्झाउँनुको साटो अन्धाधुन लाठीचार्ज गर्न थाले ।

रिर्पोटिङ गर्न पुगेका हुसैनलाई पनि प्रहरी चौकीका प्रहरीहरु लक्षित गरी अन्धाधुन लठी प्रहार गरेका थिए । आफू पत्रकार भएको परिचय पत्र देखाउँदा समेत केहि सुनवाई नगरी उल्टै कुटपिट गरी दुव्र्यवहार गर्दै पक्राउ गरेको पिडित पत्रकार हुसैनले गुनासो गरे ।

उनले भने, ‘प्रहरीलाई नकुटन आग्रह गर्दा पनि तीनचार जनाको समूहमा रहेका उनीहरु लछारपछार गर्दै जबरजस्ती प्रहरीको गाडीमा हालेर वडा प्रहरी कार्यालय श्रीपुरमा लगेका थिए ।’ तर कार्यालयका प्रहरी निरिक्षक दिपक साहले घटनामा संलग्न प्रहरीलाई कारवाही गर्ने वाचा गर्दै विना सर्त हुसैनलाई जाडेका हुन ।

यता महासंघका अध्यक्ष बन्जाराले प्रहरी निरिक्षक साहले दोषी प्रहरीहरुलाई कारवाही गर्ने प्रतिबद्धता जनाएपछि पत्रकार हुसैनलाई विना सर्त रिहा गरेर ल्याएका बताए ।

पत्रकार माथि दुव्र्यवहार हुनु ठाडो प्रेस स्वतन्त्रता माथिको प्रहार हो र यो कुनैपनि हालतमा महासंघलाई सहन हुदैन, उनले भने,‘ प्रहरीले आफनो रवैयामा सुधान नल्याए उनीहरु विरुद्ध कडा रुपमा प्रस्तुत हुनेछौं ।

हुसैन न्यूज २४ टिभीका पत्रकार हुन् । उनी नारायणी अस्पतालबाट कुटपिटको घाउँचेकजाँच गराई दोषी प्रहरीलाई कारवाही गर्न निवेदन दिने तयारी गरेका छन ।

पर्सामा खाद्यान्न बिक्री वितरण ११ बजेदेखि ३ बजे सम्म हुने

0

वीरगंज । कोभिड १९ कमाण्ड पोष्ट पर्साकाे आज बसेकाे बैठक विभिन्न निर्णय गर्दै सम्पन्न भएकाे छ ।

कमाण्ड पोष्ट पर्साका अध्यक्ष एवं पर्साका प्रमुख जिल्ला अधिकारी विष्णु कुमार कार्कीकाे अध्यक्षतामा बसेकाे बैठकले खाद्यान्न बिक्री वितरण जनप्रतिनिधि तथा वडाध्यक्षहरुले निर्दिष्ट गरेका स्थान तथा पसलहरुबाट विहान ११ बजेदेखि दिउसो ३ बजेसम्मको समयअवधिमा मात्र गर्ने निर्णय गरेकाे छ ।बिक्री वितरण गर्दा कम्तिमा ३ फिटको दुरी कायम हुने गरी व्यवस्थित रुपमा लाइन मिलाउने बैठकले निर्णय गरेकाे छ ।

बैठकले नेपाल सरकार मन्त्रिपरिषदको मिति २०७६।१२।०९ गतेको वैठकबाट नेपालमा काेराेना भाइरस (कोभिड १९) संक्रमण फैलने संभावना देखिएकोले नेपाल सरकारले संक्रामक रोग ऐन, २०२० को दफा २ ले दिएको अधिकार प्रयोग गरी सो को रोकथाम र निर्मूल गर्न मिति २०७६ चैत्र ११ गते विहान ६ बजेदेखि २०७६ चैत्र १८ गते विहान ६ बजेसम्म नेपालभर लक डाउन घोषणा गरी विभिन्न आदेशहरु जारी गरिएकोमा सन्दर्भमा लकडाउनको पालना एवं कोभिड १९ को रोकथाम, नियन्त्रण तथा व्यवस्थापनको सम्बन्धमा यस जिल्लाको समग्र अवस्था, व्यवस्था र कार्यप्रगतिहरुको समीक्षा समेत गरेकाे वीरगंज महानगरपालिकाका मेयर विजय कुमार सरावगीले वताउनु भयाे ।

यस्तै बैठकले अत्यावश्यक सेवामा काम गर्ने कर्मचारीहरुलाई विशेष अवस्थामा बाहेक विहान ७ बजेभन्दा पूर्व नै कार्यालयमा पुगीसक्ने र साँझ ६ बजेपछि मात्र फर्कन लगाउने समेत निर्णय गरेकाे सरावगीले जानकारी गराउनु भयाे ।

यस्तै तरकारी तथा फलफूल सामुदायिक प्रहरी विट रहेका स्थानहरु : मिनाबजार, मुरली, ग्रिनसिटी (पुरानो बसपार्क), छपकैया, कुमालटोल, बिर्ता तथा रानीघाटबाट मात्र  बिक्री वितरण गर्ने, औषधी, खाद्यपदार्थ जस्ता अत्यावश्यक वस्तुहरु उत्पादन गर्ने उद्योग, प्रतिष्ठानहरुलाई आफ्ना कर्मचारी, कामदारहरुलाई सकेसम्म उद्योग प्रतिष्ठानभित्रै रहने बस्ने व्यवस्था मिलाउन लगाउने, कोरोना महामारी एवं लकडाउनको मौका छोपी कृत्रिम अभाव, कालो बजारी लगायतका अवाञ्छित क्रियाकलाप हुन नदिन आकस्मिक एवं नियमित रुपमा बजार अनुगमनमा जोड दिने निर्णय भएकाे पर्साका सहायक प्रमुख जिल्ला अधिकारी ललित कुमार बस्नेतले वताउनु भयाे ।

लकडाउनकाे पूर्ण पालना नगर्ने व्यक्तिहरुलाई प्रचलित कानून बमोजिम तत्काल नियन्त्रणमा लिई कारवाही गर्ने समेत बैठकले निर्णय गरेकाे बस्नेतले वताउनु भयाे ।

बैठकमा कमाण्ड पाेष्टका सदस्य एवं चण्डी प्रसाद गण, पर्साका प्रमुख सेनानी मदनजंग राणा, जिल्ला प्रहरी कार्यालय पर्साकी प्रहरी उपरीक्षक गंगा पन्त, सशस्त्र सिमा प्रहरी बल नेपाल, पर्साका प्रहरी उपरीक्षक दिपेन्द्र कुँवर, रा.अ.जि. कार्यालय, पर्साका उप अनुसन्धान निर्देशक कुमार खड्का  लगायतकाे सहभागिता रहेकाे थियाे ।

काेराेना भाइरसका कारण विवाह पनि राेकिदै

0

वीरगंज । विश्वभर महामारीको रुपमा फैलिएको कोरोना भाईरस संक्रमण नियन्त्रण र रोकथामका लागि नेपाल र भारतमा गरिएको ‘लकडाउन’ ले पर्सामा एक संचारकर्मी सहित दुईजनाको विवाह रोकिएको छ ।

मंगलबारदेखि नेपालमा र बुधबारदेखि भारतमा गरिएको ‘लकडाउन’ ले बीरगन्जका संचारकर्मी जाकिर हुसेन र बहुदरामाई नगरपालिका वडा नम्बर ५ भौराटारकी एक युवतीको विवाह स्थगित भएको हो । दुबै जनाकाे विवाहकाे कार्ड समेत वितरण भइसकेकाे थियाे ।

न्युज २४ टिभीमा पर्साबाट क्यामरा पर्सनको रुपमा कार्यरत वीरगन्ज १० घडिअर्वाका जाकिरको विवाह यहि चैत १५ गते र १७ गते रिसेप्सन पार्टी गर्ने तय भएको थियो । देश नै लक डाउन भएपछि आफ्नो विवाह रोकिएको सन्देश हिजो मंगलबार जाकिरले घर मै बसेर साथीभाइ र इस्टमित्रलाई म्यासेन्जर मार्फत जानकारी गराएका छन् ।

उनले म्यासेन्जरमा लेखेका छन्, “कोराना भाईरसले मेरो विहे र पार्टी रोकिएको छ । यसबारे थप जानकारी पुनः मिति तय भएपछि जानकारी गराउछु । धन्यवाद !” कोरोना भाइरस नियन्त्रण गर्न सरकारले देश नै लक डाउन गरेकोले दुई महिना अघि तय गरिएको पत्रकार जाकिरको विवाह अहिलेका लागि स्थगित गरिएको हो । चैत १५ गते पर्साको चौकिया बैरिया ९ निवासी कलामुन नेशा खातुन संग जाकिरको विवाह हुने तय भएको थियो ।

त्यस्तै बहुदरामाई नगरपालिका वडा नम्बर ५ का शंकर प्रसाद कुश्वाहाकी छोरीको पनि यहि चैत १६ गते भारतको विहार राज्यको पूर्वी चम्पारण जिल्लाको चेगौना ग्रामका युवकसँग विवाह तय भएको थियो । विवाहको सबै तयारी भएपनि दुवै देशमा भएको ‘लकडाउन’ ले विवाह रोकिएको दुलहीका बुबा शंकर प्रसाद कुश्वाहाले बताए ।

यस्तै चैत २० गते तय भएकाे बाराकाे प्रसाैनीगाउँपालिका निवासी एक युवककाे विवाह पनि अन्याेलमा परेका छ । भारत बिहारकाे साठीकी केटी संग हुन लागेकाे मुस्लीम समुदायका युवककाे विवाह अन्याेलमा परेकाे वताइएकाे छ ।  काेराेना भाइरस संक्रमण राेकथामकाे लागि दुबै देशमा लक डाउन भएका कारण अन्याेलमा परेकाे हाे ।

लकडाउनले पनि राेकन सकेन वीरगंज महानगरकाे नाला निर्माण

0

वीरगंज । लकडाउनले वीरगंज महानगरपालिका वडा नं. १८ भवानीपुरकाे नाला तथा सडक निर्माण कार्यलाई राेकन सकेकाे छैन ।

लकडाउन मै भवानीपुरमा नाला निर्माणकाे लागि जेसिबी मार्फत सडक अतिक्रमण हटाउनुकाे साथै खाल्डाे खन्ने कार्य भइरहेकाे छ । वीरगंज महानगरपालिकाबाट लकडाउनकाे उल्लंघन गर्दै नाला तथा सडक निर्माण कार्य भइरहेकाे स्थानियहरुले वताएका छन् ।

काेराेना भाइरस संक्रमण राेकथामकाे लागि नेपाल सरकारले चैत ११ गते मंगलबार ६ बजे देखी देश भरी नै लकडाउनकाे घाेषणा गरेकाे छ । साेही दिन देखी वीरगंज लगायतकाे पर्साकाे सम्पूर्ण सडक सुनसान छ, अति आवश्यक काम वाहेक काेइ घर बाहिर निस्कन पाएका छैनन् । तर त्यसकाे प्रभाव  भवानीपुरमा देखिएकाे छैन ।

बिशव भरी नै महामारीकाे रुपमा फैलीरहेकाे काेराेना संक्रमणबाट बाच्न नेपाल सकारकाे निर्देशन सबैले पालना गरि रहदा भवानीपुरमा जनप्रतिनिधिबाटै त्यसकाे उलंघन भइरहेकाे छ । सरकारले चैत ९ गते आइतबार देखी नै अति आवश्यक काम वाहेक सम्पूर्ण कार्यालयकाे कामकाज बन्द गर्न निर्देशन दिए त्यसकाे पालन समेत वीरगंज महानगरपालिकाबाट भएकाे छैन् ।

वडाध्यक्ष ब्रहमदेव राउत कुर्मीले २/३ जनाले काम गरिरहेकाे वताउदै सुचारु रहेकाे काम राेकने वताए । उनले भने “म बाहिर छु, २/३ जनाले काम गरिरहेका हाेलान्, लकडाउन बारे आफुलाई थाह छ । सडकमा घर परेकाहरु बखेडा गरे हाेलान्, त्यसाे भए काम राेकिन्छ । त्यहीकाे नि विकास निर्माण हुदैन्, मलाई के फरक पर्छ ।”

लक डाउनमा ग्रामिण भेग : कही सुनसान र कही भिडभाड

0

वीरगज । कोरोना भाइरस (कोभिड–१९)को संक्रमण रोकथामका लागि सरकारले लकडाउन गरेपछि पर्साका ग्रामिण क्षेत्रका अधिकांश सडक, बजार र गाउँहरु पनि सुनसान देखिएको छ ।

पर्साको पश्चिमी भेगमा पर्ने भिस्वा, बन्जारी, जानकीटोला, पोखरिया, सबैठवा, पकहा मैनपुर, लहावरथकरी लगायतका सडक तथा बस्तीमा मानिसहरु घर बाहिर ननिस्किएपछि सुनसान देखिएको हो ।

कोरोना भाईरसबाट बच्न मानिसहरुको भिडभाड कम गर्न तथा नजिकको सम्पर्क नै हुन नदिन सरकारले आजदेखि लक–डाउनको घोषणा गरेपछि ग्रामिण बस्तीका जनता सचेत भई घर बाहिर निस्कन नसकेको सशस्त्र प्रहरी बोर्डर आउट पोष्ट सबैठवाका प्रहरी निरीक्षक टिकाराम गौतमले जानकारी दिए ।

तर, बिहानपख केही स्थानमा लक–डाउन उल्लंघन गर्दै मानिसहरु घर बाहिर निस्किए पनि केही बेरपछि मानिसहरुको उपस्थिति पातलो बन्दै गएको प्रहरी निरीक्षक गौतमले जानकारी दिनुभयो । प्रहरी निरीक्षक गौतमका अनुसार भारतबाट आउनेलाई सम्झाई–बुझाई गरी फर्काईएको छ । आज कुने पनि नाकाबाट भारतीयलाई नेपाल छिर्न नदिई प्रबेशमा पुर्ण रुपमा रोक लगाईएको छ ।

मानिसहरु हिँडडुल गर्दा एकअर्का व्यक्तिको सम्पर्कमा आउने भएकाले संक्रमणको जोखिम बढ्ने खतरा हुन्छ । त्यसैले सरकारले देशभर लकडाउन घोषणा गरी मानिसहरुलाई घर बाहिर ननिस्किन आग्रह गरेको स्वास्थ्य चौकी खेश्रहाका स्वास्थ्यकर्मी सत्रुधन गिरीले जानकारी दिनुभयो ।

लक–डाउन उल्लंघन गर्दै केहि मानिसहरु हिँडडुल गर्न थालेपछि ग्रामिण क्षेत्रको हरेक चौक चौक तथा बस्तीमा समेत प्रहरीले सम्झाइ बुझाइ गरेर घरभित्रै बस्न र कोरोना संक्रमणबाट जोगिन सुझाव दिएको प्रहरी निरीक्षक गौतमले बताउनुभयो ।

पकहामैनपुर गाउँपालिकाले पनि लकडाउनको पुर्ण पालना गराउन गाउँपालिका अन्तरगत १६ वटै गाउहरुमा पर्चापम्पलेट र माईकिंग समेत गरेको छ ।

कोरोना भाईरसबाट बच्न सरकारले लागु गरेको लक डाउनमा सबै जनताले साथ दिनुपर्ने लहावरथकरीका बुधिजिवी मकसुल अ‍ैसारीले बताउनुभयो । सरकारले जनताको जिउ ज्यानको रक्षा र कोरोना भाईरसबाट बच्न लक डाउन गरेर राम्रो कदम चालेको बताउनुभयो ।

यता इला प्रहरी कार्यालयले पाेखरियाले विभिन्न ठाउँमा प्रहरी खटाइ लक डाउन पालना गर्न कडाइ गरेकाे थियाे । ग्रामिण भेगकाे लंगडी, पाेखरिया, गर्दाैल, बहुअर्वा लगायतकाे ठाउँ खटेकाे प्रहरीले लकडाउनकाे पालना गर्न आग्रह साथ कडाई गरेकाे क्षलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

सखुवा प्रसाैनी गाउँपालिकाकाे महुवन बजारमा भिडभाड देखिएकाे छ । लक डाउनकाे समयमा भिडभाड नगरी पालाे पालाे तरकारी खरिद गर्न सरकारले भने पनि त्याँहा त्यसकाे उलंघन भएकाे स्थानियहरुले वताएका छन् ।

लकडाउनकाे पहिलाे दिन देखी नै कालाेबजारी, प्रशासन माैन

0

वीरगंज । सरकारले कोरोना संक्रमण विरुद्धको लडाइमा राष्ट्र एकताबद्ध भएर लड्नुपर्ने भएकाले ‘लकडाउन’ गरेको छ । सरकारले मंगलबार विहान ६ बजेबाट एक सातासम्म सार्वसाधारणलाई घरबाट बाहिर निस्कन रोक लगाएको हो ।

सरकारले औषधी उपचार, सुरक्षा, खाद्यवस्तु, खानेपानी, दूध, विद्युत, दूरसञ्चार, सूचना तथा सञ्चार, भन्सार, क्वारेन्टाइन, फोहोरमैला व्यवस्थापन जस्ता अति आवश्यक सेवा बाहेक अन्य सबै कार्यालय सञ्चालनको लागि आवश्यक पर्ने कर्मचारीहरु मात्र उपस्थित हुने गरी सम्बन्धित कार्यालय प्रमुखले विदा दिने निर्णय गरेको छ ।

सोही क्रममा वीरगंजको मिनाबजार स्थित तरकारी बजार वडा प्रहरी कार्यालय बिर्ताको टोलीले बन्द गराउन खोज्दा सामान्य भानाभन समेत भएकाे थियाे । सरकारले खाद्यान अति आवश्यक रहेको भन्दै सो भिडभाड नगरी पालैपालो तरकारी लिन सक्ने जनाएको छ ।

तर वडा प्रहरी कार्यालय बिर्ताका प्रहरीहरुले बन्द गराउन थालेपछि वीरगंजका आलु, प्याज जस्ता खाद्यान्नहरुमा कालाबजारी सुरु भएकाे हाे । एक त लकडाउन हुनै बित्तिकै आलु, प्याज, हरियो तरकारी, ग्यास जस्ता अतिआवश्यक खाद्यान्न सामग्रीका पसलहरु बन्द भएको छ ।

खुल्ला रहेको ठाउँमा पनि प्रहरीले बन्द गराउन थालेपछि कालाबजारीयाहरुको मनोबल बढन थालेको स्थानियहरुले वताएका छन् । मिना बजारमा केही खुलेका आलु, प्याज गदीमा साविकका दर भन्दा दोब्बर दरमा विक्रि गरिरहदा प्रहरी प्रशासनले त्यस्ता कालाबजारीयाहरुलाई निरुत्साहित गर्नुको साटो झन प्रोत्साहन दिईरहेको आलु लिन गदीमा पुगेका स्थानियहरुले गुनासो गरेका छन ।

प्रहरीले आलु गदीहरु बन्द गराउन खोज्दा केही स्थानियहरु संग सामान्य भनाभन समेत भएको थियाे । सो सम्बन्धमा पर्साका प्रजिअ विष्णु कुमार कार्की संग बुझदा आफुले तरकारी बजार बन्द गर्ने कुनै निर्देशन नदिएको र सो घटना सम्बन्धमा बुझने प्रतिक्रिया दिनु भयो ।

 

बिदेशबाट आएका ५ जनालाई नारायणीकाे काेरेन्टाइनमा राखियाे

0

वीरगंज । विदेशबाट घर आएका ५ जनालाई आज नारायणी अस्पताल वीरगंजकाे काेरेन्टाइनमा भर्ना गरिएकाे छ । विदेशबाट आएकाहरुलाई काेराेना भाइरस संक्रमण भएकाे हुन सक्ने अशंकामा काेरेन्टाइनमा भर्ना गरिएकाे हाे ।

कातारबाट आएका ४ जना र भारतकाे बैंगलाेरबाट आएका एक जना गरी ५ जनालाई काेरेन्टाइनमा भर्ना गरिएकाे अस्पतालका मेसु डा. मदन कुमार उपाध्यायले वताए । पर्साकाे विभिन्न ठाउँमा विदेशबाट आएकाहरुलाई प्रहरीले ल्याएर अस्पताल पुर्‍याए पछि काेरेन्टाइनमा राखिएकाे मेसु डा. उपाध्यायले जानकारी गराए ।

साबुन, मास्क, सेनिटाइजर लिएर घर घर पुगे वडाअध्यक्ष

0

बीरगंज । वीरगंज महानगरपालिका वडा न ३ का वडाध्यक्ष बैजुलाल स्वर्णकारको नेतृत्वमा वडामा रहेको प्रत्येक घर घरमा पुगि डिटोल साबुन, मास्क बाड्नुको साथै सेनिटाइजरले हाथ धुलाएर कोरोना विश्व माहामारिबाट वचन पम्पेलेट समेत बाडिएकाे छ ।

उक्त कार्यक्रममा वडाध्यक्ष सहित वडा सदस्य ब्रकतुन नेशा, संगीत दास, तुफैल अखतर, रामबाबु सरार्फ लागायत वडाका भद्रभलादमिको उपस्थिती रहेको थियो । सथै आज बेलुका पनि निरन्तर जारी रहने राजपाका क्षेत्रीय अध्यक्ष सलाउदिन मन्सुरीले जानकारी दिनु भयो ।

यस्तै कालिकामाई गाउँपालिकाकाे वडा नं. १ मा समेत काेराेना भाइरसबाट बाच्न माक्स वितरण गरिएकाे छ । वडाध्यक्ष रामशिष यादवकाे नेतृत्वमा वडा अन्तर्गतका मुडली, रबिदास र टिन्डाेबियामा २ हजार माक्स वितरण गरिएकाे हाे ।

वडाध्यक्ष यादव सहित गाउँ कार्यपालिका सदस्य रामानन्द ठाकुर, वडा सदस्य जगदिश साह तेली लगायतकाले घर घरमा पुगी माक्स वितरण गरेका हुन् ।