Date
आइत, मंसिर ६, २०८३
Sun, November 22, 2026
Home Blog Page 1008

कोरोनाले त्रसित पर्सा, लकडाउनको पालना गर्दै स्थानीयवासी

0

वीरगंज । विश्वभरी महामारीको रुपमा फैलिएको कोरोनाभाइरस (कोभिड १९) को संक्रमणबाट जोगिन सरकारले आज (मंगलबा) देखी लागू गरेको लँकडाउनलाई पर्सा जिल्लावासीले गम्भीरता पूर्वक पालना गरेका छन् । छिमेकी राष्ट्र भारतमा समेत कोरोनाभाइरस तीव्र रुपमा फैलिदै गएको देखेपछि यहाँ त्रासमय भएको छ ।

छिमेकी राष्ट्रको सिमामा समेत जोडिएका कारणले संक्रमणको सबभन्दा बढी नै प्रभावित हुने सम्भावना भएकोले सरकारले लागू गरेको लँकडाउँनको निर्देशनलाई गम्भीरता पूर्वक पालना गरेका छन् । स्थानिय विहानदेखि नै घरबाट ननिस्केका कारण वीरगन्ज बजार अहिले सुनसान नै बनेको छ ।

सरकारको निर्देशनलाई पालना गराउँन जिल्लाका सुरक्षा निकाय कडाईका साथ लागेका छन् । शहरको विभिन्न चौकमा व्यापक रुपमा प्रहरी परिचालन गरिएको छ भने, जागरुकताको लागि माईकबाट सूचना समेत प्रभाव गर्ने काम प्रहरीले गरिरहेको छ ।

यहाँका व्यवसार व्यवसायी, पसलहरु पूर्णरुपमा बन्द भएको छ । सुरक्षा निकाय, एम्बुलेन्स र अत्यावश्यक काममा खटिनेहरुको लागि स्थानिय प्रशासनले उपलब्ध गराएको पास लिनेले मात्र आवतजावत गरीरहेका छन । जिल्ला प्रशासन कार्यालयले पत्रकारहरुको लागि प्रेस उपलब्ध गराएको छैन । सूचना विभागबाट प्रेस पास लिएकालाई रिपोटिङ्ग गर्न पाउँने पर्साका एसपी गंगा पन्तले बताए ।

लकडाउनको उलंघन गर्नेविरुद्ध प्रहरी सशक्त रुपमा पनि लागि परेको पर्साका प्रहरी नायब उपरीक्षक एवं प्रवक्ता विरेन्द्र बहादुर शाहीले बताए । उनले भने, ‘सरकारले गरेको निर्णयको उलंघन गर्नेलाई संक्रमक रोग नियन्त्रण ऐन २०२० को दफा २ बमोजिम कडा भन्डा कारवाही गर्ने छौं ।’

लकडाउन उलंघन गर्ने ३० वटा मोटरसाईकल पक्राउ गरी वडा प्रहरी कार्यालय विर्ताले कारवाही गरी छाडेको छ । सरकारकाे निर्देशनलाई पालना गराउँने क्रममा विर्ता नजिकै मेनरोडमा चेकजाँचमा खटेका प्रहरीले केहि स्थानियले लकडाउन उलंघन गरी मोटरसाइकल चलाएको भन्दै ३० जनालाई पक्राउ गरिएको प्रहरी निरिक्षक निर्मल पनेरुले बताए ।

त्यसैगरी चार जना व्यक्ति समेत नियम उलंघन गरेको आरोपमा पक्राउ गरिएको उनले बताए । पक्राउ परेको सवैजनालाई एकपल्टको लागि सम्झाई बुझाई आफन्तको जिम्मामा छाडिएको छ, उनले भने, सम्झाउँदा पनि नियमको पालना नगरे कानुनी कारवाहीको प्रकृया नै अगाडी बढाउँने छौ ।

सरकारले भारत तथा चीनसँगको सिमानाका बन्दसँगै देशभर लागू गरेको लकडाउनका कारण सीमा क्षेत्र समेत अहिले सुनसान बनेको छ । सोमबारदेखि सरकारले नाका बन्द गरेको थियो ।

आज बिहान बिहान ६ बजे देखि चैत्र १८ गते बिहान ६ बजेसम्म देशभरी नै लकडाउन गरिएको छ । लकडाउन अवधिभर जिल्लामा खाद्यान्न, फलफुल तथा तरकारी, दुध, पानी, इन्धन, औषधि बोकेको मालबाहक सवारी साधन र एम्बुलेन्स बाहेक अन्य सवारी साधन मोटरसाइकल, साईकल, पैदल यात्रुलाई आवतजावतमा रोक लगाइएको छ ।

त्यसैगरी अतिआवश्यक दैनिक उपभोग्य गर्ने बस्तुहरु अस्पताल सेवा, स्वास्थ सस्था, औषधि पसल, दाल, चामल, तेल, नुन, दूध डेरी, पेट्रोल पम्प, फलफुल तथा तरकारी बाहेक अन्य व्यवसाय आजदेखि चैत १८ गते बिहान ६ बजेसम्मको लागि सरकारले बन्द गरेको छ ।

आइसोलेसनमा राखिएका वीरगंजका युवकको मृत्यु, कोरोना जाँच हुदै

0

चितवन । भरतपुरस्थित कोरोना विषेश अस्पतालमा उपचाररत एक युवकको मृत्यु भएको छ । उनको आज मंगलबार विहान ७ बजे उपचारका क्रममा मृत्यु भएको अस्पताले जनाएकाे छ ।

उच्च ज्वरो र रुघाखोकीले ग्रसित बनेका वीरगञ्जका ३० बर्षका युवकको मृत्यु भएको हो । उनको शव अस्पतालमै राखिएको छ । उनलाई चितवन मेडिकल कलेजबाट रिफर गरेर केही दिन अघि कोरोना बिषेश अस्पतालमा पठाइएको थियो ।

उनीलाई कोरोना भएको आशंकामा आइसोलेसनमा राखिएको थियो, तर कोरोना संक्रमण भएनभएको रिपोर्ट आउन बाँकी छ ।उनको स्वाबको नमुना सोमबार नै संकलन गरिएको र मंगलबार विहान विमानबाट मात्र पठाइएको अस्पताल स्रोतले जनाएको छ ।

पाेखरियाको प्रमुख प्रशासकीय अधिकृतमा गिरी भए हाजिर

0

वीरगंज । पर्साको पाेखरिया नगरपालिलकाकाे प्रमुख प्रशासकिय अधिकृत अमित कुमार गिरी आज हाजिर भएका छन् ।

जगरनाथपुर गाउँपालिका प्रमुख प्रशासकिय अधिकृत गिरिलाई संघिय मामिला तथा समान्य प्रशासन मन्त्रालयले पाेखरिया नगरपालिकाकाे थप जिम्मेवारि दिए पछि उनी हाजिर भएका हुन् । नगरपालिका कार्यालय पुगेका गिरीलाई नगर प्रमुख दिपनारायण राैनियारले स्वागत गर्दै हाजिर गराएका थिए ।

साे अवसरमा उप प्रमुख सलमा खातुन लगायतका नगरपालिकाका कर्मचारी र केही वडाध्यक्षहरुकाे समेत उपस्थिती रहेकाे थियाे ।

२ महिना देखी प्रमुख प्रशासकिय अधिकृत विहिन रहेका नगरपालिकाले आज देखी अनुभवी प्रशासकिय अधिकृत पाएकोले नगरपालिकाको अपेक्षित काम पुरा हुने नगर प्रमुख राैनियारले वताए । प्रमुख प्रशासकिय अधिकृत नभएका कारण नगरपालिकाको बिकास निर्माण कार्य अलपत्र परेका कारण अब गति लिने विश्वास व्यक्त गरे ।

नगरपालिकामा बिभिन्न किसिमकाे अपेक्षा गरिएका र जनता समक्ष प्रतिबद्धता गरिएका काम पुरा गर्न नसकिएकाले अब पुरा गर्न बाटाे खुलेकाे उपप्रमुख सलमा खातुनले बताइन ।

आजै देखी आफ्नाे कार्यभार समेत समाहलेका प्रमुख प्रशासकिय अधिकृत गिरीले जनप्रतिनिनिधि र नगरवासीकाे अपेक्षा अनुसार काम गर्ने प्रतिवद्धता जनाए ।

सहकारीकाे अति आवश्यक काराेबार १० बजेदेखि २ बजेसम्म

0

वीरगन्ज । जिल्ला बचत तथा ऋण सहकारी संघ लि. पर्साको आज बसेको बैठकले विभिन्न ३ बुंदे निर्णय गरेको छ ।

संघका राजेश पंडित तथा संघका प्रमुख सल्लाहकार एवं राष्ट्रिय सहकारी विकास बोर्ड नेपालका संचालक सदस्य शम्भु प्रसाद गुप्ताको विशेष उपस्थितिमा बसेको बैठकले कोरोना भाइरस रोकथाम तथा नियन्त्रण सम्बन्धि विभिन्न तीनबुंदे निर्णय गरेको संघका सचिव पन्नालाल महतोले बताए । बैठकबाट जिल्लाभरि रहेका यस संघसँग आबद्ध सम्पूर्ण सँस्थाहरुले नगद सम्बन्धि कारोबार संचालन गर्ने समय विहान १० बजेदेखि दिउँसो २ बजेसम्म रहने र अति आवश्यक काम बाहेक अन्य काम अर्को निर्णय नभएसम्म बन्द रहने निर्णय भएकाे छ ।

यसका साथै कोरोना रोकथाम तथा नियन्त्रणको लागि आआफ्नो सँस्थाका कर्मचारी तथा सदस्यहरुलाई भीडभाडमा नजान, साबुन पानीले २० सेकेन्डसम्म मिची मिची हात धुन, माक्स प्रयोग गर्न, सेनेटाइजरको प्रयोग गर्न जस्ता जनचेतना फैलाउन प्रोत्साहित गर्ने र गराउने तथा अन्तर्राष्ट्रिय एवं राष्ट्रिय स्तरको विपतको घडीमा सम्पूर्ण सँस्थाहरुले सम्बन्धित निकायहरुसँग समन्वय गरि आर्थिक सहयोग जुटाई सहयोग गर्ने निर्णय गरिएको सचिव महतोले बताए ।

लकडाउन पूर्ण कार्यान्यवनको व्यवस्था मिलाउन गृहको निर्देशन

0

काठमाडौं । सरकारले घोषणा गरेको लकडाउनलाई पूर्ण कार्यान्वयन गराउने गृह मन्त्रायलले मातहतका निकायलाई निर्देशन दिएको छ ।

प्रहरी प्रधान कार्यालय, सशस्त्र प्रहरी बल र सबै जिल्लाका प्रशासन कार्यालयलाई परिपत्र गर्दै उच्च प्राथमिकताका साथ आदेश कार्यान्वयन गर्न गृहले निर्देशन दिएको हो ।

गृह स्रोतका अनुसार परिपत्रमा चार बुँदे निर्देशन दिइएको छ । जसमा औषधि उपचार, खाद्य वस्तु खरिद जस्ता अत्यावश्यक कामबाहेक कुनै पनि व्यक्तिलाई घरबाट बाहिर निस्किन नदिन भनिएको छ ।

अनुमित प्राप्त सवारीसाधान, स्वास्थ्यकर्मी, सुरक्षा निकायले प्रयोग गर्ने बाहेक सबै सार्वजनिक वा निजी सवारीसाधन सञ्चालनमा पूर्ण रोक लगाउन पनि भनिएको छ । सभार : अनलाइनखबर

बिन्दवासिनी र पकहा मैनपुरमा काेराेना सम्बन्धि कार्यक्रम

0

वीरगंज । पर्साको बिन्दवासनी गाँउपालिकामा आज काेराेना संक्रमणबाट बाच्नकाे लागि मास्क, ग्लभ्स, साबुन र सेनेटाईजर बितरण गरिएकाे छ ।

गाँउपालिका अध्यक्ष श्रीलाल साह कानुले गाउँपालिका कार्यालय बहुअर्वामा सो समाग्री बितरण गर्नुभएको हो ।

सो अवसरमा उपाध्यक्ष किरणदेवी गुप्ता, निमित प्रमुख प्रशासकिय अधिकृत मुन्ना साह रौनियार, लेखा अधिकृत मिथलेश कुशवाहा, स्वास्थ्य शाखा प्रमुख नरेश चौहान,योजना शाखा प्रमुख सिताराम पंडित लगायत सहभागि थिए ।

यस्तै पकहामैनपुर गाउँपालिकाले विश्वभर महामारीको रुपमा फैलिएको कोरोना भाईरसबाट बच्न सिमा नाकामा हेल्थ डेक्स संचालनमा ल्याएको छ । गाउँपालिकाको वडा नं.५ सबैठवा र वडा नं.१ धोरेमा हेल्थ डेक्स संचालनमा ल्याएको हो ।

भारतमा मजदुरीको लागि कमाउन गएका नेपालीहरुलाई चेकजाच गरेर मात्र नेपाल प्रवेश गर्न दिएको गाउँपालिका अध्यक्ष विजय चौरसियाले बताउनुभयो ।

नेपाल सरकारले भारतीय सिमा नाका बन्द गरेपछि प्रहरीको सहयोगमा नेपाल आउन लागेका भारतीयलाई फर्काईएको अध्यक्ष चौरसियाले बताउनुभयो । आज सोमबार मात्र सो नाका भएर नेपाल प्रवेश गरेका ३५ जना नेपालीलाई चेकजाच गरिएको सबैठवा स्वास्थ्य चौकी ईन्चार्ज राजन यादवले जानकारी दिनुभयो ।

टोल–टोलमा सचेतना अभियान संचालन गाउँपालिका अध्यक्ष चौरसियाको नेतृत्वमा स्वास्थ्यकर्मी सहितको टोलीले कोरोना भाईरसबाट बच्न टोल–टोलमा आज सोमबारदेखि सचेतना अभियान समेत संचालन गरेको छ ।

गाउँपालिका अध्यक्ष चौरसिया सहित उपाध्यक्ष कुसुमी देवी, वडा नं.५ का वडाध्यक्ष लेखमन पटेल, वडा नं.४ का वडाध्यक्ष ढेडी प्रसाद यादव, प्रमुख प्रशासकिय अधिकृत महेश सिंह्, स्वास्थ्य संयोजक संजय सहनी, संचारकर्मी विन्दुभुषण साह लगायतकाले आज सबैठवा, खेश्रहाको मुसहर बस्तीमा कोरोना भाईरसबाट बच्न सचेत पारेको छ भने साबुन र मास्क समेत वितरण गरेको छ ।

काेराेना भाइरस संक्रमण राेकथाम सम्बन्धि कार्यक्रम सम्पन्न

0

वीरगंज । काेराेना भाइरस संक्रमण राेकथाम सम्बन्धि कार्यक्रम आज पनि वीरगंजमा भएकाे छ । गुडविल लाेक सेवा इन्स्टीच्युट र सर्जिकल तथा ल्याब केमिकल सप्लायर्स वीरगंजलेे काेराेना भाइरस संक्रमण राेकथाम सम्बन्धि जनचेतनामूलक कार्यक्रम गरेकाे हाे ।

नेपालकाे मूख्य प्रबेशद्वारा शंकराचार्य देखी सुरु गरिएकाे कार्यक्रम अन्तर्गत माक्स वितरण गर्नुकाे साथै यात्रुहरुलाई सेनिटाइजर प्रयाेग गर्न लगाइएकाे थियाे ।

साे कार्यक्रममा गुडविलका संस्थापक रामहरी तिवारी, सप्लार्यसका दिपक अर्गवाल, चन्देशवर साह, समाजवादीका विद्यार्थीका नेता विकास मेहता, शिवहरी तिवारी, निकी अर्गवाल, सर्फराज आलम, राेशन यादव, धिरज कुशवाहा लगायत सहभागि थिए ।

बहुदरमाईकाे सार्वजनिक स्थलहरुमा साबुन र बाल्टिनकाे व्यवस्था

0

वीरगंज । बहुदरमाई नगरपालिकाले सार्वजिक स्थलहरुमा साबुन र बाल्टीनकाे व्यवस्था गरेकाे छ । काेराेना भाइरस संक्रमणबाट बच्न साबुन पानीले हाथ धुनकाे लागि नगरपालिका अन्तर्गतका विभिन्न चाेक र सार्वजनिक स्थलहरुमा साबुन, बाल्टिनकाे व्यवस्था मिलाइएकाे सह लेखापाल हरि राउत कुर्मीले वताए ।

यसका साथै नगर स्वास्थ्य काेष अन्तर्गत स्वास्थ्य संस्थाहरुलाई सर्जिक माक्स र साबुन वितरण गरिएकाे छ । नगरपालिका अन्तर्गतका ७ वटा स्वास्थ्य संस्थाहरुलाई २/२ सयकाे दरले माक्स, बाल्टिन र साबुन वितरण गरिएकाे लेखापाल कुर्मीले वताए ।

यता नगरपालिकाकाे मेयर छात्रवृति कार्यक्रम अन्तर्गत एमबिबिएस अध्ययनरत एक जना दलित छात्रलाई छात्रवृति वापतकाे चेक हस्तान्तरण गरिएकाे छ ।

नगरपालिकाकाे वडा नं. ८ रामनगरी निवासी मुक्ती रामकाे एमबिबिएस दाेस्राे बर्षकाे आवास खर्च वापतकाे रु एक लाख ७६ हजार ५ सय बराबरकाे चेक हस्तान्तरण गरिएकाे हाे । नगरपालिका कार्यालय बहुअरी पिडरीमा मेयर नितेन्द्र साहले राम र उनकाे आमलाई चेक हस्तान्तरण गरे ।

यस अघि पनि रामलाई नगरपालिकाले पहिलाे बर्षकाे खर्च वापतकाे रु ३ लाख ९४ हजार प्रदान गरेकाे थियाे । उनकाे एमबिबिएस अध्ययन खर्चकाे जिम्मा नगरपालिकाले लिए अनुसार रकम हस्तान्त्रण गरिएकाे मेयर साहले वताए ।

साे अवसरमा नगरपालिका निमित प्रमुख प्रशासकिय अधिकृत राजकिशाेर साह, वडाध्यक्ष जितेन्द्र पटेल, रामरेखा सिंह, रामेश्वर साह, शिक्षा शाखा प्रमुख विदुर उप्रेती, लेखा प्रमुख उपेन्द्र साह लगायतकाे उपस्थिती रहेकाे थियाे ।

यस्तै नगरपालिकाले आजै बालबिकास सहजकर्ता र विद्यालय कर्मचारीहरुकाे पारिश्रमिक वापतकाे चेक पनि वितरण गरेकाे छ । नगरपालिका अन्तर्गतका १७ वटा विद्यालयका २९ जना बालविकास सहजकर्ता र २७ जना विद्यालय कर्मचारीकाे पारिश्रमिक वापतकाे नगरपालिकाबाट प्रदान गरिने थप रु २ हजार सहितकाे निकास गरिएकाे लेखा प्रमुख साहले वताए ।

यस्तै नगरपालिकाकाे वडा नं. ३ नगरदाहा स्थित रहेकाे श्री महाविर साह माविकाे शिक्षक व्यवस्थापनकाे लागि विद्यालयलाई रु ५ लाख अनुदान प्रदान गरिएकाे छ । अनुदान रकम वापतकाे चेक विद्यालयका प्रअ मनाेज साहलाई प्रदान गरिएकाे हाे ।

वीरगंज लगायत ग्रामिण भेगका सिमा नाका बन्द (फाेटाेफिचर सहित)

0

वीरगंज । वीरगंज लगायतका ग्रामिण भेगका सिमा नाका आज विहान ११ बजे देखी बन्द भएकाे छ । सिमा नाकाहरुमा आवत जावत पूर्ण रुपले बन्द भएकाे पर्साका सहायक प्रमुख जिल्ला अधिकारी ललित कुमार बस्नेतले वताए ।

उनले भने “नेपाल सरकारकाे निर्देशन अनुसार आज विहान १० बजे देखी  चैत १६ गते राती १२ बजे सम्मकाे लागि मालवाहक सवारी साधन बाहेक नाका बन्द गरिएकाे हाे । आवत जावत पूर्ण रुपले बन्द छ, नेपालका धेरै जसाे बस्तु भारतबाट आयात हुने भएकाेले मालवाहक सावारी साधनकाे आवागमन चेक जाँच गरेर सुचारु रहेकाे छ ।”

यस्तै पर्साकाे ग्रामिण भेगका  सिमा नाकाहरु पनि पूर्ण रुपले बन्द भएकाे छ । धाेरे, भिस्वा, जानकी टाेला लगायतका ग्रामिण भेगका सिमा नाकाहरु पूर्ण रुपले बन्द भएकाे हाम्रा सम्वाददाताले जनाएका छन् ।

काेराेना भाइरसकाे संक्रमणबाट बाच्नकाे लागि एक हप्ताकाे लागि सरकारकाे निर्देशन अनुसार सिमा नाकाहरु बन्द गरिएकाे हाे ।

नेपालमा पनि एक व्यक्तिलाई कोरोना सङ्क्रमण भएको पुष्टि

0

काठमाण्डाै । स्वास्थ्य तथा जनसङ्ख्या मन्त्रालयले नेपालमा एक व्यक्तिलाई कोरोनाभाइरस सङ्क्रमण भएको पुष्टि भएको बताएको छ ।

उनी फ्रान्सबाट कतार हुँदै नेपाल फर्किएकी १९ वर्षीया युवती भएको जानकारी मन्त्रायलले सोमवार मध्याह्ण आकस्मिक प्रेस सम्मेलन गरेर दिएको हो ।

केही साताअघि चीनको वुहानबाट फर्किएका एक व्यक्तिमा पनि सङ्क्रमण भएको देखिएको थियो ।

अहिले उनी स्वस्थ भइसकेको बताइएको छ । (थप विवरण आउन वाकी)