Date
आइत, मंसिर ६, २०८३
Sun, November 22, 2026
Home Blog Page 1006

नेपालमा कोरोना संक्रमितको संंख्या ४ पुग्यो

0

वीरगंज । प्रादेशीक अस्पताल धनगढीमा उपरार्थ भर्ना भएका एक जनामा कोराना संक्रमण पुष्टि भएको छ ।

नेपालमा चौथो व्यक्तिमा पनि कोरोना भाइरस संक्रमणको पुष्टि भएको स्वास्थ्य मन्त्रालयका प्रवक्ता विकास देवकोटाले जानकारी दिनु भाये । प्रवक्ता देवकोटाले सं‌क्रमित अरु पनि हुन सक्ने भन्दै विदेशबाट आएका सबैलाई होम क्वारेन्टाइनमा बस्न आग्रह गर्नु भएको छ ।

चैत ११ गते अस्पताल भर्ना भएका ति युवा दुबईबाट नेपाल आएका हुन । संक्रमित युवाको घर कैलाली रहेको वताईएको छ ।

यसअघि नेपालमा तीन जनामा कोरोना संक्रमण पुष्टि भइसकेको छ ।

पाेखरियामा कालाेबजारी गर्ने ३ जना पक्राउ

0

पर्सा । पोखरियामा कालाबजारी गर्ने ३ जनालाई प्रहरीले पक्राउ गरेकाे छ । कोरोना भाईरस नियन्त्रणकाे लागि सरकारले गरेकाे लक डाउनको बेलामा मौकाकाे फईदा उठाउदै बढी पइसा कमाउने उदेश्यले कालाेबजारी गर्ने तिनै जनालाई इलका प्रहरी कार्यालय पाेखरियाले नियन्त्रणमा लिएकाे हाे ।

पोखरिया नगरपालीका वडा नम्बर ४ मा स्थित पोखरिया बजारमा चामलको कालोबजारी गरिरहेको अवस्थामा स्थानियहरुको गुनासो आएपछी सो ठाउँमा पुगी ३ जनालाई पक्राउ गरिएकाे प्रहरीले जनाएकाे छ । पोखरिया नगरपालीका वडा नम्बर ४ निवासी बर्ष २५ को संतोष गुप्ता, सोही ठाउँ निवासी बर्ष २३ को बिजय कुमार साह, सोही र बर्ष २२ को दिलिप नुनियालाई पक्राउ गरिएकाे इलाका प्रहरी कायालय पाेखरियाका प्रहरी निरिक्षक चन्द्र सिंहले वताउनु भयाे ।

रु १२ सय पर्ने चामल रु १३ सयमा र रु १६ सय पर्ने चामल रु १७ सय ५० मा बेचिरहेको गुनाेसाेकाे आधारमा तिनै जनालाई पक्राउ गरिएकाे प्रहरी निरिक्षक सिंहले वताउनु भयाे । तिनै जनालाई इलाका प्रहरी कार्यालय पोखरियाको हिरासतमा राखी अनुसन्धान भईरहेको प्रहरीले जनाएकाे छ ।

सांसद यादवद्वारा प्रहरीलाई स्प्रे पम्प र पाउडर हस्तानन्तरण

0

वीरगंज । पर्सा क्षेत्र नं.१ का प्रतिनिधि सभा सदस्य (संघिय सांसद) प्रदिप यादवले जिल्ला प्रहरी कार्यालय पर्सालाई किटनाशक स्प्रे पम्प, पाउडर तथा फिनायल हस्तनान्तरण गरेका छन् ।

विश्व व्यापी रुपमा महामारी रुपमा दिनदिनै बढदै गइरहेको COVID-19 (कोरोना भाइरस) बाट बच्न तथा रोकथामको लागी प्रहरीलाई सांसद यादवदले साे सामग्री हस्तान्त्रण गरेका हुन् ।

प्रहरी कार्यालय मै पुगी सांसद यादवले जिल्ला प्रहरी कार्यालय पर्साका प्रहरी निरिक्षक रवि भुषण यादवलाई २ थान किटनाशक स्प्रे पम्प, किटनाशक पाउडर तथा फिनायल हस्तनान्तरण गर्नु भएको प्रहरी कार्यालय पर्साले जनाएकाे छ ।

वडा सदस्यकाे रक्सी भठीमा प्रहरीकाे छापा, ११ जना पक्राउ (भिडियाे सहित)

0

वीरगंज । बाराको प्रसौनी गाउँपालिका वडा नं. २ बाट लकडाउनको उलंघन गर्ने ११ जनालाई प्रहरीले पक्राउ गरेको छ ।

ईलका प्रहरी कार्यालय प्रसौनीले वडा सदस्य गोमती देवीद्वारा संचालित रक्सी भट्टीमा छापामारी गर्दै उनको श्रीमान सहित ११ जनालाई पक्राउ गरेको हो ।

लकडाउनको उलंघन गर्दै रक्सी भठीमा बसि रक्सी खाईरहेका र भिडभाड गरेका ११ जनालाई पक्राउ गरिएको इलाका प्रहरी कार्यालय प्रसौनीका प्रहरी निरिक्षक ओमप्रकाश यादवले वताउनु भयो ।

लक डाउनमा राष्ट्रिय युवा संघ पर्साद्वारा सहयोग

0

वीरगंज । लक डाउनका कारण दैनिक ज्यालादारी गरेर खानेहरु समस्यामा परेसँगै सत्तारुढ दल नेकपाको भातृ संगठन युवा संघ नेपाल पर्साले त्यस्ता व्यक्तिलाई आवश्यक खाद्यान्न सहयोग गर्न सुरु गरेको छ ।

संघले दैनिक ज्याला मजदुरी गरि जिविको पार्जन गर्ने र अलपत्र परेकाहरुलाई सहयोग स्वरुप खाजा तथा खाद्यान्न समाग्री वितरण सुरु गरेको हो । युवा संघ पर्साका संयोजक मोहमद निजामुदिनको नेतृत्वमा वीरगन्जको बसपार्क, श्रीपुरको दलित वस्तीमा आज खाद्यान्न वितरण गरेको छ ।

युवा संघ पर्साले सामाजिक सञ्जाल फेसबुकमा सम्पर्क नम्बर नै राखेर खाद्यान्न सहयोगको अभियान नै थालेको हो । फेसबुकमा राखेको नम्बरमा खाद्यान्न अभाव भएको भन्ने कुनै जानकारी आए जहाँ खाद्यान्न अभाव भएको हो त्यही खाद्यान्न पुर्याउने व्यवस्था मिलाइएको पनि संघका पर्सा जिल्ला संयोजक मोहमद निजामुदिनले बताउनुभयो ।

सरकारले लक डाउन गरेकाले घरबाट बाहिर निस्कन सहज नहुने यो अवस्थामा खाद्यान्न अभाव हुनेलाई घरघरमै पुगेर युवा संघले सहयोग गर्ने उहाँले बताउनुभयो ।

भोकै र अलपत्र परेका व्यक्ति जो कसैले देखे आफूहरुलाई जानकारी दिन पनि युवा संघ पर्साले सामाजिक सञ्जाल मार्फत नै आह्वान गरेको छ ।

युवा संघ नेपालको केन्द्रीय सदस्य अरुण यादव, विमल पौड्यल, विकास रौनियार, पर्सा सह–संयोजक ओम प्रकाश गुप्ता लगायतको टोलि खाद्यान्न वितरण कार्यमा खटिएका छन् ।

विद्यार्थी नेता बर्णवालद्वारा मजदुरहरुलाई खाद्यान्न सामग्री सहयोग

0

वीरगंज । विश्वस्तरमा महामारी बनेको कोरोन भाइरस अर्थात कोभिड-१९ को गम्भीरतालाई हेर्दै संघीय सरकारले लगाएको लकडाउन सराहनीय छ । जनताको स्वास्थ्यलाई क्याल गर्दै संक्रमणलाई थप फैलनबाट रोकथामका लागि सरकारले लगाएको लकडाउनमा सबैको सहयोग आवश्यक छ तर लकडाउनले हामि शुरक्षित भएपनि दिनहु ज्यालादारी गरे आफ्नो पेट पाल्न मजदुर र निम्न वर्गका व्यक्ति भने भोकमरीको चिन्ताले विलिन छ । दिनभरि मिहिनेत ह गरेर आफ्नो परिवार पाल्ने मजदुर, रिक्सा चालक, खलासीलगयात निम्न वर्गका व्यक्ति कोरोनाले दोहोरो मारमा परेका छन् ।

यस्तै निम्नवर्गका गरिब र निमुखाका शुक्रबार सहयोग गर्दै केहि स्थानीय युवाहरुको टोलि विरगञ्जको सडकमा देखियो । हातमा खाद्यान्न बस्तुको पोका बनाएर विभिन्न व्यक्तिलाई बाडिरहेको दृश्यलाई देखेर सडकका व्यक्ति प्रफुल्लित भएका थिए ।

लकडाउनले गर्दा दिनचर्य काट्न समस्यामा परेका इ व्यक्तिहरुलाई खाद्यान्न बाड्ने अरु कोहि नभएर पर्साका विद्यार्थी नेता निखिल बरनवालको टोलि थियो । विभिन्न समयमा गरिब र निमुखका सहयोगमा अहोरात्र खट्ने बरनवाल पुन: लकडाउन बेला उनिहरुको शाहार बनेका छन् ।

बरनवालले आफ्नो व्यक्तिगत स्तरमा विभिन्न परोपकारी व्यक्तिहरुसँग मिलेर जम्म गरेको रकमले आज लगभग ५० व्यक्तिलाई खाद्यान्न सामग्री उपलब्ध गराएका छन् । उनले विरगञ्जको घण्टाघर, बसपार्क, माइस्थानलगयातका स्थानमा पुगेर सामग्री वितरण गरेका हुन् ।

‘हामि त् सबल छौं, दुई चार दिन नकमाई पनि खान लाउन घट्दैन तर दिनहु ज्यालादारी गरेर, रिक्सा र ठेला चलाएर, बसमा खलासीको काम गर्नेले एक दिन काम नगर उनिहरुको परिवार भोक भोकै मार्च,’ बरनवालले भने, ‘त्यसैले सबै साथि मिलेर यस्ता निम्न वर्गका व्यक्तिका लागि केहि गरौँ भन्ने सोच आएर खाद्यान्न बाडेका हौँ ।’

बरनवालले आफ्नो स्तरबाट सके सम्म गरे पनि सरकारको सहयोग अपेक्षित भएको बताए । उनले भने, ‘हामि कतिलाई नै बाडौला र कहाँ सम्म बाडौला? संक्रमणको बेला यात्रा गर्न पनि कठिन छ, सामग्री पनि त्यति मात्रामा उपलब्ध छैन । सरकारलाई कुनै कदम उठाउनु पर्यो, सरकारले केहि नगरे गरिव कोरोना भन्दा पनि भोकले मर्छन ।’

समाजवादी विद्यार्थीका केन्द्रिय सदस्य समेत रहेका बरनवालले लकडाउनको अन्त्य नभए सम्म आफुले यसरिनै सहयोग गरिराख्ने बताए ।

नेपाल प्रबेश गर्न नदिए पछि भारतियद्वारा प्रहरीमाथी नै हातपात, एक जना पक्राउ

0

वीरगंज । नेपाल प्रबेश गर्न नदिए पछि भारतियहरुको एक समुहले प्रहरीमाथी नै हातपात गरेका छन् ।

पर्साको ग्रामिण स्थित खुल्ला सिमा नाका भएर प्रबेश गर्न खोज्ने ४/५ जना भारतियहरुको समुहले प्रहरी चौकी प्रसौनी भाठाका डिउटीमा खटेका प्रहरीमाथि हातपात गरेका हुन ।

बिन्दवासिनी गाउँपालिका वडा नं. ५ प्रसौनी भाठा स्थित मधुवाको खेतबारीको खुल्ला सिमा भएर तिनीहरु नेपाल प्रबेश गर्न खोजेका थिए । लकडाउनको समयमा जबर्जस्ती नेपाल प्रबेश गर्न खोज्नेलाई प्रहरिले रोक्न खोज्दा उल्टै प्रहरीमाथी नै हातपात गरे पछि ति मध्येका एक जनालाई पक्राउ गरिएको र अरु जना भाग्न सफल भएको प्रहरीले जनाएको छ ।

भारत बिहार पुर्वि चम्पारण कुकुहिया १३ निवासी बर्ष ३५ का अवधेश महतोलाई पक्राउ गरिएको इलाका प्रहरी कार्यालय पोखरियाका प्रहरी निरीक्षक चन्द्र कुमार सिंहले बताउनु भयो । पक्राउ परेकालाई ईलाका प्रहरी कार्यालय पोखरियाको हिरासतमा राखी थप अनुसन्धान भइरहेको उहाँले बताउनु भयो ।

प्रहरीमाथी हातपात गर्नेहरुको पहिला देखि नै नेपाल प्रबेश गरि रक्सी खाएर आउने जाने बानी रहेको बुझिएको छ ।

स्वास्थ्यकर्मीको लागि ५० लाखको बिमा गर्न संसाद यादवको माग

0

वीरगंज । विश्वस्तरमा महामारी बनेको कोरोन भाइरस अर्थात कोभिड-१९ लाई जित्न अहोरात्र खटिरहेका स्वास्थ्यकर्मी र डाक्टरको शुरक्षाको ग्यारेण्टि गर्न प्रतिनिधिसभा सदस्य प्रदीप यादवले माग गरेका छन् ।

प्रतिनिधिसभा सदस्य यादवले शुक्रबार एक प्रेस विज्ञप्ति जारि गर्दै कोरोना (कोभिड–१९) भाइरसको महामारीले गर्दा बिश्वब्यापी रूपमा उत्पन्न भएको मानवीय संकटको संवेदशील घडीमा आम मानिसको स्वास्थ्यका लागि देश भरमा खटिरहेका डाक्टर, नर्स र स्वास्थ्यकर्मीको सुरक्षाका सवालमा संघीय सरकर, प्रदेश नम्बर २ सरकार, स्थानीय तह सरकार र सम्बन्धीत सबै निकायको ध्यानाकर्षण गरेएका छन् ।

सांसद यादवले प्रेस विज्ञप्तिमार्फत कोरोना संक्रमणबेला ग्राउण्ड जिरोमा काम गरिरहेका डाक्टर र अन्य स्वास्थ्यकर्मीहरुको ५० लाख बराबरको जीवन विमा गराउने माग गर्दै
सबैलाई बिश्व स्वास्थ्य संगठनले सिफारिस गरे अनुसारको सुरक्षित पहिरनको उपलब्ध गराउन समेत सरकारसँग माग छन् ।

त्यसैगरी उनले सरकारलाई शहर ठुला अस्पताल देखि गाउँका स्वास्थ्य संस्थाहरुमा सम्ममा मास्क, सेनिटाइजर र सुरक्षित पोषाकहरु उपलब्ध गराउन आग्रह गरेका छन् । कोरोना महामारी बिरुद्ध खटि रहेका हरेक डाक्टर तथा स्वास्थ्यकर्मीहरुले चिन्तामुक्त भएर काम गर्न वातावरण सृजना अग्रण संसाद यादवले उनिहरुको घरमै दैनिक उपभोग्य बस्तुको आपुर्ती सुनिश्चित गर्न सुझाव दिएका छन् ।

समाजवादी पार्टीका केन्द्रिय सदस्य समेत रहेका संसाद यादवले डाक्टर र स्वास्थ्यकर्मीहरुसंग अप्रिय ब्यवहार गर्ने व्यक्तिलाई समेत दण्डित गर्नु पर्ने अनुरोध गरेका छन् ।

उनले विज्ञप्ति मार्फत चिकित्सक र स्वास्थ्यकर्मीहरुको मनोबल बढाउन यस्ता निर्णय आवश्यक रहेको बताएका छन् । ‘उसै पनि नेपालमा चिकित्सकीय जनशक्ति कम रहको र नीजि अस्पतालमा रहेका जनशक्तिको यतिखेर उपयोग हुन पाएको छैन ।

अहिले महामारी बिरुद्ध खटिरहेका डाक्टर तथा स्वास्थ्यकर्मीहरुको मनोबल उच्च बनाउन र सम्मान स्वरुप यि कदमहरु अबिलम्ब रुपमा अनिवार्य रहेको सबै सम्बन्धीत पक्षको ध्यानाकर्षण गराउदछुँ । साँथै नीजि अस्पतालमा रहेको जनशक्ति, संरचना र साधनहरुको यस घडिमा सद्उपयोगको लागि अबिलम्ब नीतिगत निर्णय गर्न सरकारसंग माग गर्दछुँ,’ विज्ञप्तिमा उल्लेख गरिएको छ ।

माहामारीको समयमा जनताको सेवामा अग्रसर हुन स्थानिय सरकारलाई साहकाे आग्रह

0

वीरगंज । विश्वव्यापी रुपमा महमारीको रुपमा रहेको कोरोना भाइरसबाट बच्नका लागी सम्पूर्ण कालिकामाई गाउँपालिका वासिहरुलाई घरमा बस्न नेपाली काङ्ग्रेस कालिकामाई गाउँपालिकाकी सह संयोजक कुन्ती देबी साहले आग्रह गर्नु भएको छ ।

उंहाले आज एक प्रेस विज्ञप्ती जारी गर्दै आआफ्नो घरमा बसी केन्द्र सरकारद्वारा लागु लकडाउनको पुर्ण रुपमा पालना गर्न आग्रह गर्नु भएको हो । यसका सथै उंहाले साथै गाउँपालिकाको सम्पूर्ण वडामा रहेका स्वास्थ्य चौकीलाई आपत्कालिन अवास्था सम्म कम से कम ९ बजे देखी ५ बजे सन्चालन गर्नु पर्ने र विदाको दिन शनिबार पनि स्वास्थ्य संस्था सन्चालन गरिदिनुहुनको लागि हार्दिक अपिल गर्नु भएको हो ।

उंहाले महमारीको आवस्थामा पनि कालिकामाई गाउँपालिकाको स्थानिय सरकार मौन रहेकोले आम सर्बसधारण जनताको सेवामा अग्रसर हुन गा.पा. प्रमुख, उपप्रमुख र वडाअध्यक्षहरु समक्ष प्रेस विज्ञप्ती मार्फत आग्रह समेत गर्नु भएको छ । यसका साथै गा.पा.का सम्पूर्ण वडाका नेपाली कांग्रेस सँग सम्बन्धीत सम्पूर्ण नेता, कार्यकर्ता र अगुवाहरुलाई यस्तो महामारीको दुखद घडीमा सम्पूर्ण सर्वसधारणमा सहयोग गर्न र सेवामा अग्रसर हुन समेत उंहाले अपिल गर्नु भएको छ ।

सह संयाेजक साहले जारी गर्नु भएको प्रेस विज्ञप्ती मार्फत नै महमारीको समयमा आफ्नो जिवज्यान लगाएर जनताको सेवा र सुरक्षामा लागेको प्रहरी प्रशासन, स्वास्थ्यकर्मी, सञ्चारकर्मीलाई समेत बिशेष धन्यवाद ज्ञापन समेत गर्नु भएको छ ।

लकडाउनमा भोकाहरुको भोक मेटाउने प्रयास

0

वीरगंज । कोरोना भाइरस अर्थात कोविड १९ को संक्रमण फैलन नदिन सरकारले गरेको लक डाउनका कारण दैनिक ज्याला मजदुरी गरेर खाने परिवार मर्कामा पर्न थालेको छ ।

भाइरसको संक्रमणले भन्दा भोकका कारण धेरै परिवार मर्कामा पर्न थालेपछि वीरगंजमा सामाजिक संस्थाहरुले दैनिक ज्याला मजदुरी गरि खाने परिवारलाई सहयोग गर्ने अभियान थालेको छन् ।

वीरगंज युवा समाजले रिक्सा, ठेला चलाएर गुजारा गर्ने ४० जनालाई खाद्यान्न स्वरुप पाउरोटी सहयोग गरेको छ ।
बसपार्क, पावरहाउस चोक, मुर्ली घण्टाघर लगायतका क्षेत्रमा पुगेर रिक्सा चालक तथा टेला चालकहरुलाई सहयोग गरेको संस्थाका अध्यक्ष कमल चौगाईँले बताउनुभयो ।

समाजले लक डाउन अवधिभर हरेक दिन भोका व्यक्तिको भोक मेटाउने प्रयास स्वरुप आजबाट सहयोगको अभियान थालेको पनि उहाँले बताउनुभयो । दैनिक काम गरि खाने व्यक्तिका परिवार अहिले समस्यामा रहेकाले हरेकले आफ्ना घर अगाडि कोही भोका व्यक्ति भेटे उनीहरुको भोक मेटाउन आवश्यक सहयोग गर्न पनि समाजले आग्रह गरेको छ ।

लक डाउनका बेला घरबाट ननिस्की कुनै एक जना भोको व्यक्तिको भोक मेटाउने प्रयासमा लागे ठूलो सहयोग हुने समाजका सचिव हेमन्त तामाङले बताउनुभयो ।
आफूहरुले गरेको सहयोग कुनै प्रचारबाजीका लागि नभई भोकाहरुको भोक मेटाउन गरिएको सामाजिक दायित्व अन्तर्गतको काम मात्रै रहेको पनि उहाँले बताउनुभयो ।