Date
आइत, मंसिर ६, २०८३
Sun, November 22, 2026
Home Blog Page 1003

जनसामुदायिक केन्द्रले धोविनीमा औषधी र सेनिटाइजर छर्कदै

0

वीरगंज । पर्साको धोबिनी गाउँपालिकामा आज देखि लामखुट्टे मार्ने औषधी र सेनिटाईज छर्न सुरु गरिएको छ । कोरोना भाइरस संक्रमणलाई मध्यनजर गर्दै भिखमपुर जनसामुदायिक बिकास केन्द्रले लामखुट्टे मार्ने औषधी छर्न सुरु गरेको हो ।

वडा नं. १ र २ को भिखमपुर, असवारि, पिपरा, घोडदौडामा स्प्रे टंकीले औषधी छर्न ८ जनालाई घटाईएको केन्द्रका अध्यक्ष संतोष पटेलले बताए । उनका अनुसार आज देखि सुरु गरिएको औषधी छर्न कार्य भोली शुक्रबार सम्म सकिने छ ।

उनले भने “विश्वभरी महामारीको रुपमा फैलिएको कोरोना भाइरस संक्रमण रोकथामको लागि सरकारले लकडाउन गरेको छ, सबैले आफ्नो घर भित्र बसेर लकडाउनको पालन गरिरहदा लामखुट्टेहरु बस्न नदिए पछि औषधी छर्न लागिएको हो । गाउँपालिकाले गर्नु पर्ने काम नगरी दिए पछि आफै गरिएको अध्यक्ष पटेलले वताए ।

वडाध्यक्ष भख्डद्वारा वडाका विपन्न परिवारलाई खाद्यान्न वितरण

0

वीरगंज । वीरगंज महानगरपालिकाकाे वडा न‌ं. ७ मा खाद्यान्न सामाग्री बितरण कार्य सुरु भएको छ । विश्वभरी महामारीकाे रुपमा फैइलदै गएकाे कोरोना भाइरस संक्रमण रोकथामका लागि नेपाल सरकारले गरेकाे लक डाउनमा कारण प्रभावित अति गरिब परिवारलाई वडाध्यक्ष वसन्त भख्डले खाद्यान्न सामग्री वितरण सुरु गरेका हुन् ।

वडाध्यक्ष भख्डले आफ्नाे ब्यक्तिगत तर्फबाट वडामा रहेका गरिब बिपन्न, एकल महिला, मज्दुर, दैनिक ज्यालामा काम गर्ने तथा असहाय घरपरिवारलाई राहत वितरण कार्य सुरु गरेकाे पूर्व सचिव सतिस श्रीवास्तवले वताए ।

वडा अन्तर्गतका करिब ७५ घर परिवारलाई १० के.जि चामल र १ के.जि. दालका दरले घर घरमा पुगि वडाध्यक्ष भख्डले वितरण गरेकाे श्रीवास्तवले जानकारी गराए । वडामा रहेका करिब सबै बिपन्न घरमा खाद्यान्न उपलब्ध गराउने योजना रहेको र यो बितरण कार्य निरन्तर जारी रहने वडाध्यक्ष भख्डले वताए  ।

पाेखरियाकाे क्वारेन्टाइनमा एक बालिका सहित ३ जनालाई राखियाे

0

पारेखरिया । पर्साको पोखरीया नगरपालिकाको क्वारेन्टाइनमा आज ३ जनाकाे राखिएकाे छ । वडा नम्बर ४ स्थित श्री जिल्ला उच्यांगल रामदेव कलवार उच्च माबिको क्वारेन्टाईनमा एक बालिका सहित ३ जनालाई राखिएकाे नगर प्रमुख दिपनारायण रौनियारले बताउनु भयाे ।

भारतको लखनौवबाट फर्केका श्रीमान, श्रीमती सहित एक बालिकालाई नगरपालिकाकाे तयार गरेकाे क्वारेन्टाइनमा राखिएकाे हाे । क्वारेन्टाईनमा १४ दिन सम्म ३ जनालाई राखिने पोखरीया अस्पतालका मेडिकल सुपरिटेन्डेन्ट अनिल यादवले बताउनु भयाे ।

यसै बिच पोखरीया नगरपालिकाका प्रमुख रौनियार, उपप्रमुख सलमा खातुन, वडा नम्बर ४ का वडाध्यक्ष लक्ष्मण साह, पत्रकार छठु साह, पोखरीया अस्पतालका मेडिकल सुपरिटेन्डेन्ट यादव, नगरपालिका समाजिक शाखा प्रमुख बिनोद पाण्डे, रेडक्रस सोसाईटी पोखरीया उपशाखाका सभापति भगवान कुर्मी लगायतकाकाे टाेली क्वारेन्टाइनकाे अनुगमन तथा निरिक्षण गरेकाे छ ।

अनुगमन टाेलीले क्वारेन्टाइनमा बाकी रहेकाे ब्यवस्थापनका सरसमान ब्यवस्थापन समेत गराएकाे छन । क्वारेन्टाइनमा ९ वटा बेड बढाएर विद्यालयकाे ४ वटा कोठामा २० बेडको बनाइएकाे नगरपालिकाकी उपप्रमुख खातुनले बताउनु भयाे ।

काेराेना कहर : क्यान्सर बिरामीलाई पनि भर्ना गरेन अस्पताल

0

दिपक चौरसिया /बारा, १८ चैत । भरतपुर स्थित रहेको बि.पि. कोईराला मेमोरियल क्यान्सर अस्पतालले भर्ना नगरेकै कारण एक जना क्यान्सर पिडित घरमै उपचार गराउन बाध्य भएका छन् ।

देश कोरोना भाईरसको चपेटामा परिरहेको बेला भरतपुर क्यान्सर अस्पताल बन्द हुनुले क्यान्सर भएका पिडित आफ्नो घरमा उपचार गराउन बाध्य भएका हुन । बाराको देवताल गाउपालिका वडा नम्बर १ बस्ने लालबाबु बैठाको २५ बर्षिय छोरा अर्जुन कुमार बैठा क्यान्सरले ग्रसित रहेपनि भरतपुर स्थित रहेको बि.पि. कोईराला मेमोरियल क्यान्सर अस्पताल भर्ना नै नगरी घर फर्काएको बताईन्छ ।

क्यान्सर पिडित बैठाको आफ्न्तले संचारकर्मी संग कुरा गर्दै उपचार गराउन भरतपुर स्थित बि.पि कोईराला मेमोरियल अस्पतालमा पुग्दा कोरोना भाइरसको महामारी फैलिएको बेला आफुहरु अस्पताल भर्ना गर्न नसकिने बताए पश्चात फिर्ता ल्याएको बताएका छन् । अस्पतालका डाक्टरहरु हालको समयमा घरमै गएर राम्ररी राख्ने सुझाव दिए पश्चात घरमै राखीएको उनले दुखेसो पोखे ।

अस्पतालले उपचार गर्नुपर्ने औषधि लेखेकै माध्यमले औषधि दिने गरेको स्थानिय स्वास्थय चौकीका डाक्टरले बताएका छन् । आफुहरुलाई क्यान्सरको बिषयमा केही जानकारी नभएपनि अस्पतालले लेखेको औषधि दिने गरेको बताए । उनले स्थानिय स्वास्थय चौकीले स—साना ज्वरो लगायत रुघा, खोकी, घाउ चेकजाच गर्ने गरेको तर क्यान्सरको बिषयमा बढी जानकारी नभएपनि अस्पतालले लेखेको औषधि नै चलाएको बताउनु भयो ।

क्यान्सरको पिडाले दिनप्रति दिन बैठाको स्थित बिग्रिदै गएको स्थानियले जनाएका छन् । स्थानियले जनाए अनुसार मुलुक कोरोनाको चपेटामा परेकै बहानामा भर्ना नगरेको आरोप लगाएका छन् । बि.पि. कोइराला मेमोरियल अस्पतालले भर्ना नगरे पश्चात फिर्ता लिएर आएको पिडितलाई वीरगंज स्थित नारायणि उपक्षेत्रिय अस्पताल, मेडिकल कलेज लगायतको अस्पतालमा लगेपनि अस्पतालहरुले भर्ना नगरेको स्थानियले दुखेसो पोखे ।

जनताको हक हितको लागि निर्माण गरिएको अस्पतालहरुमा उपचारको नाउमा खोलिएपनि भर्ना चाहि नगरिएको कारण शोसन भएको प्रस्टयाएका छन् । बाराको देवताल गाउपालिका वडा नम्बर १ बडकिफुलवरीया निवासी अर्जुन कुमार बैठा क्यान्सर पिडित भएकै कारण स्थानियहरुमा रुवावासी समेत हुन थालिएको छ ।

स्थानिय युवा क्यान्सर जस्तो बिरामी संग लडिरहेपनि हाम्रो देशमा निर्माण भएका क्यान्सर अस्पतालहरु भर्ना नगरिदिदा बिरामी मारमा परेका छन् । तसर्थ ः यस बिषयमा सम्बन्धीत निकायको ध्यान पुग्न अति अवाश्यक देखिन्छ ।

कालिकामाईमा चाैरसियाद्वारा अति गरिब परिवारलाई सहयाेग

0

पाेखरिया । पर्साको कालिकामाई गाउँपालिका वडा नम्बर ५ सेमराटोलमा आज एक युवकले अति गरिब परिवारलाई खाद्य सामग्री सहयाेग गरेका छन् ।

कालिकामाई गाउँपालिका वडा नं. ३ हरिहपुरबिर्ता निवासी जल तथा मौसम बिज्ञान कार्यालय घाेराही दांगका माैसम इन्चार्ज अखलेश चौरसियाले ८ बिपन घरपरिवारलाई चामल, दाल, तेल, नुन र साबुन सहयाेग गरेका हुन् ।

हाल दांग मै रहेका चाैरसियाले स्थानिय पत्रकार छठु साह मार्फत राहत सहयाेग गरेकाे वताए । विश्व व्यापी रुपमा महामारीकाे रुपमा फैलिरहेकाे काेराेना संक्रमण राेकथामकाे लागि नेपाल सरकारले गरेकाे लकडाउनमा समस्या भएका अति गरिब घरपरिवारलाई मानवताकाे नाता सहयाेग गरिएकाे चाैरसियाले वताए ।

पत्रकार साह संगै ईलाका प्रहरी कार्यालय पोखरीयाका प्रहरी निरिक्षक चन्द्र कुमार संह, स्थानिय युवा अनिल ठाकुर, लाेकेश चाैरसिया, मन्दिप पटेल, मन्नु ठाकुरले घर घरमा पुगी खाद्यान्न सामग्री सहयाेग गरेका चौरसियाले जानकारी गराए ।

युवा संघद्वारा गण्डक चौकमा पैदल यात्रुलाई खाजा वितरण

0

वीरगंज । नेकपाको भातृ संगठन राष्ट्रिय युवा संघ नेपाल पर्साले आज वीरगंजको गण्डक चौकमा राहत स्वरुप खाजा वितरण गरेको छ ।

विश्व व्यापी महामारीको रुपमा फैलिएको कोरोना भाईरसबाट बच्न नेपाल सरकारले लक डाउन गरेपछि नेपालको विभिन्न ठाउँहरुबाट वीरगंज नाका भएर घर फर्किरहेका भारतीय पैदल यात्रुहरुलाई खाजा स्वरुप चाना, भुजा, चाउचाउ, पानीको बोतल वितरण गरेको हो । युवा संघ नेपालका केन्द्रिय सदस्य विकास रौनियारको नेतृत्वमा घर फर्किरहेका ३ सय जना भारतीय यात्रुहरुलाई खाजा वितरण गरिएको युवा संघ वीरगंज नगर कमिटीका सह–संयोजक अनिल पटेलले जानकारी दिनुभयो ।

खाजा वितरण कार्यक्रममा नेकपाका जिल्ला सदस्य श्याम गुप्ता, शंकर महतो, विक्रम आले मगर, सह संयोजक अनिल पटेल, पवन पटेल लगायतको सहभागिता रहेको थियो ।

पकहा मैनपुरकाे क्वारेन्टाइनमा २ जना

0

वीरगंज । पर्साको पकहामैनपुर गाउँपालिकाले विश्वव्यापी महामारीको रुपमा फैलिएको कोरोना भाईरसबाट बच्न १० बेडको क्वारेन्टाईन संचालनमा ल्याएको छ ।

पकहामैनपुर गाउँपालिका अन्तरगत रहेको श्री राम चरित्र भगत माध्यमिक विद्यालयको दोस्रो तल्लामा १० बेडको क्वारेन्टाईन संचालनमा ल्याएको हो । भारतको केरलाबाट आएका २ जनालाई क्वारेन्टाईनमा राखेर नियमित चेकजाच समेत भईरहेको गाउँपालिका अध्यक्ष विजय कुमार चौरसियाले वताउनु भयाे ।

पकहामैनपुर गाउँपालिका वडा नं.३ का आकाश साह र संतोष साहलाई क्वारेन्टाईनमा राखेर नियमित चेकजाच भईरहेको अध्यक्ष चौरसियाले बताउनुभयो । उनीहरुलाई खानपिनको व्यवस्था गाउँपालिकाले नै मिलाएको अध्यक्ष चौरसियाको भनाई छ ।

पकहामैनपुर गाउँपालिकाले मजदुरीको सिलसिलामा भारत लगायत खाडी मुलुकबाट फर्किने गाउँपालिका अन्तरगतका व्यक्तिहरुलाई १४ दिनसम्म क्वारेन्टाईनमा राखेर स्वास्थ्य परिक्षण गरिने तथा कोरोना भाईरसको शंका लागेमा वीरगंज स्थित नारायणी अस्पतालको आईसोलेशनमा पठाईने सशस्त्र प्रहरी बल पकहा मैनपुरका प्रहरी निरिक्षक सुमन राना भठले वताउनु भयाे ।

अबैध रक्सी भठी नष्ट

0

वीरगंज । पर्साको पकहामैनपुर गाउँपालिकामा रहेको अबैध रक्सीभठी प्रहरीले नष्ट गरेको छ । पकहामैनपुर गाउँपालिका वडा नं.४ को धोवियाटोलामा बर्षौदेखि अबैध रुपमा संचालित रक्सीभठीलाई वडाध्यक्ष ढेडी प्रसाद यादवको निर्देशनमा प्रहरीले साेमबार बेलुका नष्ट गरेको हो ।

प्रहरी चौकी खेश्राहाका प्रहरी सहायक निरीक्षक प्रभु प्रसाद जैशवालको नेतृत्वमा खटिएको प्रहरी टोलीले करिब १ सय १० लिटर तयारी रक्सी, रक्सी बनाउन प्रयोग हुने भाडाकुडा नष्ट गरिएको प्रहरी सहायक निरीक्षक जैशवालले बताउनुभयो । दशगजा क्षेत्रमा रहेको रक्सी भठीका कारण सिमापारीका मदिरा सेवनकर्ताको जमघट भई सामाजमा नकारात्मक असर पर्ने भएकोले उक्त रक्सी भठी बन्द गराईएको वडाध्यक्ष यादवले बताउनुभयो ।

संकटकाे बेला कालिकामाईका जनप्रतिधि सुतिरहेकाे भन्दै जाग्न आग्रह

0

 

जनतालाई राहत वितरण गर्ने बेला पर्साको कालिकामाई गाउँपालिकाका जनप्रतिनिधिले आलु ब्यापर गरेको भन्दै स्थानिय एक नेताले बिरोध जनाएका छन् । राष्ट्रिय जनता पार्टी (राजपा) का कालिकामाई गाउँपालिका वडा नं. २ का वडा कमिटी अध्यक्ष माओ प्रसाद कुशवाहले प्रेस विज्ञप्ती जारी गर्दै त्यस्ता कार्यको बिरोध गरेका हुन् ।

उनले प्रेस विज्ञप्ती मार्फत विश्वभरी महामारीको रुपमा फैलिएको कारोना भाइरस संक्रमण रोकथामको लागि मुलुक नै लक डाउनमा रहेको बेला दनहु मजुदुरी गरी जिविकोपार्जन गर्ने अति गरिब विपन्न परिवारलाई समस्या हुनु स्वभाविक नै हो । प्रदेश सरकारले त्यस्ता गरिब परिवारको राहत वितरण गर्न प्रत्येक गाउँपालिकालाई रु १० लाख अनुदान दिने पनि घोषणा समेत गरी सकेको छ ।

पर्सा कै केही पालिकाले त्यस्ता परिवारलाई राहत समेत वितरण गरिरहेका छन् । तर पर्सा कै कालिकामाई गाउँपालिका राहत वितरण गर्नुको सट्टा वडा नं. २ भेडिहारीमा गाउँपालिका अध्यक्ष नथुनी प्रसाद र वडाध्यक्ष सोनालाल चौरसियाले संयुक्त रुपमा आलु पसल संचालनमा ल्याएको वताएका छन् ।

उनले जारी गरेको प्रेस विज्ञप्तीमा स्थानिय एक व्यक्तिको घरबाट गाउँपालिकाबाट प्रति किलो रु ४७ आलु बिक्री भइरहेको कुरा माइकिङ्गबाट सुन्दा अच्म लाग्यो । यस्तो संकटको अवस्थामा राहत वितरण गर्नु पर्ने अथवा गाउँवासीको लागि सुपथ मूल्यमा खाद्यान्न सामग्रीको पसल संचालन गर्नु पर्ने अवस्थामा जनप्रनिनिधिहरुबाट नै नफा कमाउने उद्देश्यले व्यपार खडा गर्नु प्रति हाम्रो गम्भिर ध्यान आकर्षण भएको लेखेका छन् ।

उनले यो कतिको न्याय उचित हो जनताले त्यसको मूल्यांकन गर्ने नै छ । तर यस्तो कार्यको म र मेरो पार्टीले विरोध गरेको यही प्रेस विज्ञप्ती मार्फत सम्बन्धित सबैलाई जानकारी गराउन चाहन्छुं प्रेस विज्ञप्ती मार्फत भनेका छन् ।

यसका साथै संक्रमणबाट बाच्न वडाबासीलाई उनले जारी गरेको प्रेस विज्ञप्ती मार्फत आ आफ्नो घर भित्र नै बस्न आग्रह गर्दै यस्तो अवस्थामा अन्य पालिकाका जनप्रतिनिधिहरु आ आफ्नो पालिकाकाको जनताको सेवामा लागेको बेला कालिकामाई गाउँपालिका र वडाका जनप्रतिनिधिहरु सुति रहेको अवस्थामा जाग्न आग्रह गर्दै गाउँवासीको सेवामा लाग्न आग्रह समेत गरेका छन् ।

भिस्वा नाकामा अलपत्र परेका भारतियहरु ८ घण्टा पछि प्रबेश पाए

0

वीरगंज । पर्साकाे ग्रामिण भेगकाे भिस्वा नाकामा अलपत्र परेका दुई सय भन्दा बढी भारतिय कामदारहरु भारत प्रबेश गरेका छन् ।

काठमाण्डाैबाट आज विहान  भिस्वा नाका पुगेका भारतिय कामदाहरुलाई भारतिय प्रहरीले सिमा मै राेकेका थिए । काेराेना भाइरस संक्रमण राेकथामका लागि देश लकडाउनमा रहेकाे भन्दै भारतिय प्रशासनले आफ्नै देशकाे नागरिकलाई प्रबेश गर्न राेकेकाे थियाे ।

प्रशासनले आफ्नै मुलुकमा प्रबेश गर्न नदिए पछि केही बेर भारतियहरु हु हल्ला समेत गरेका थिए । साे कारण सिमामा केही बेर तनाव समेत भएकाे थियाे । कुनै पनि हालतमा प्रबेश गर्न नदिने भारतिय प्रशासनले अडान लिए पछि त्यहाँबाट एक एक गरी विभिन्न खुल्ला सिमा भएर भारतियहरु प्रहरी प्रशासनबाट लुकीछिपी आफ्नाे मुलुकमा प्रबेश गरेकाे हाम्राे समवाददाताले वताएका छन् ।

काठमाण्डाैबाट साेमबारकाे रात्री बसले मंगलबार विहान ४ बजे भिस्वा नाकामा महिला, बच्चा सहित भारतियहरु नाकामा पुगेका थिए । तिनिहरुलाई नेपाल प्रहरीकाे आग्रहमा भिस्वाका व्यापरीहरुले पानी, बिस्कुट, चाउचाउ लगायतकाे खाद्य सामग्री सहयाेग समेत गरेका थिए ।