Date
आइत, मंसिर ६, २०८३
Sun, November 22, 2026
Home Blog Page 1004

कोरोना कहर : घरकाे छतमाथी मनाइयो चैते छठ

0

वीरगंज । ‘कोभिड १९’ महामारीको असर तराई मधेसमा मनाइने चैते छठ पर्वमा पनि परेको छ । चैते छठ तलाउ, पोखरी लगायतका जलाशयमा छठघाट तयार पारेर सामुहिक रूपमा पूजाअर्चना गरेर मनाइने चलन छ । तर सोमबार परेको चैते छठ भने कोरोनाको महामारी फैलने डरले महिलाहरूले जलाशयमा नगइ आ-आफनै घरमा छठी माताको प्रतिमा सिरसोता बनाएर मनाएका छन् ।

वीरगन्जमा झण्डै दुइ दर्जन स्थानमा रहेका छठ पूजा व्यवस्थापन समितिले पनि एक साता पहिले नै सार्वजनिक सूचना निकालेर सोमबारको चैते छठ, जलाशयको छटघाटमा नभइ आ-आफनै घरभित्र मनाउन आग्रह गरेका थिए ।

चैते छठ पर्व पनि तराईमा कार्तिकमा मनाइने छठ जस्तै आस्थाका साथ मनाइन्छ । तर कोरोना संक्रमणबाट जोगिन देश नै लक डाउन भएपछि सोमबार महिलाहरू जलाशयमा नगइ आ-आफनो घरमै छठ पर्व मनाएका हुन् ।

केही छठ ब्रतालुहरुले आफ्नाे घरकाे छत माथी सिरसाेता र अर्घ दिने जलासय बनाएर मनाउदै छन् भने केहीले घर भित्र नै छठी माताको प्रतिमा सिरसोता बनाएर चैते छठ मनाइरहेका छन् । भाेली विहान उदाउदाे सुर्यलाई अर्घ दिए पछि छठ पुजाकाे समापन हुने छ ।

धाेबिनीमा युवाहरुद्वारा अति गरिब परिवारलाई खाद्यान्न सहयाेग

0

वीरगंज । पर्साको धोबिनी गाउँपालिका वडा नम्बर १ घोडदावरा पिपरा र वडा नम्बर २ भीखमपुरमा स्थानिय युवाहरुकाे एक समुहले अति गरिब परिवारलाई खाद्यान्न सामग्री सहयाेग गरेकाे छ ।

स्थानिय १० जना युवाहरु आफै ३५ घरदुरी अति बिपन्न, असहाय, गरीब र दलित परिवारलाई खाद्यान सामग्री बितरण गरेको हाे । लकडाउनका कारण श्रम गरी घरपरिवार चलाउने घरदुरीको मध्यनजर गर्दै युवाहरुले एक आपसमा चन्दा संकल्न गरी अति बिपन्न ३५ घरदुरीहरुलाई ६ किलो चामल, १ किलो नुन, २ किलो भुजा र १ वटा साबुन घर घरमा पुगी बितरण गरिएकाे आदित्य पटेलले बताउनु भयाे ।

स्थानिय हिरन पटेल, अनिल पटेल, संतोष पटेल, रजेन्द्र पटेल, मंगनी चौहान, गणेश राउत, आदित्य पटेल र आसवारी प्रहरीचौकीका ईन्चाज बिरेन्द्र साह लगायतका युवाहरु सहयाेगमा खाद्य सामग्री वितरण गरिएकाे पटेलले जानकारी गराए ।

यस्तै पोखरीया नगरपालिका वडा नम्बर ७ रानीगंजमा वडाध्यक्ष नन्दलाल पटेलको अगुवाईमा वडा कार्यालयद्वारा खाद्यान सामग्री बितरण गर्नुका साथै ५ सय २० घरदुरीलाई माक्स र साबुन बितरण गरिएकाे छ । समाजिक कार्यकर्ता मनोज पटेल, बिन्धाचल ठाकुर, योगेन्द्र प्रसाद, ईन्द्रदेव राउत कुर्मी, राजनारायण पटेल लगायतकाले साे सामग्री वितरण गरेका हुन् ।

युवा संघद्वारा अलपत्र परेका भारतियहरुलाई खाद्यान्न वितरण

0

वीरगंज । वीरगंज रक्सौल मितेरी पुलमा अलपत्र परेका भारतीय नागरिकलाई सत्तारुढ दल नेपाल कम्युनिष्ट पार्टी निकट राष्ट्रिय युवा संघ नेपाल, पर्साले आज तयारी खाद्यान्न वितरण गरेको छ ।

कोरोना संक्रमणका राेकथामकाे लागि नेपाल र भारतमा लकडाउन भएका कारण भारतीय कामदार घर फर्किने क्रममा मितेरी पुलमा अलपत्र परेका सयाैैं जनालाई युवा संघले खाद्यान्न वितरण गरेकाे हाे । मितेरी पुलमा भारतिय कामदारहरु महिला, बच्चा सहित भोकै अलपत्र परेको स्थानीय एक पत्रकारले खबर गरेपछि अकास्मत त्यहां पुगि तयारी खाद्यान वितरण गरिएकाे राष्ट्रिय युवा संघ नेपालका केन्द्रिय सदस्य अरुण यादवले वताउनु भयाे ।

युवा संघ पर्साका संयोजक महम्मद निजामको नेतृत्वमा गएको टोलिले २० कार्टुन पानी, भुजा, बच्चाको लागी बिस्कुट र चाउचाउ वितरण गरेको केन्द्रिय सदस्य यादवले बताउनु भयो । खाद्यान वितरण टाेलीमा केन्द्रिय सदस्य विमल पौडेल, युवा संघका नेता मुकेश पाल लगायतकाे सहभागिता रहेकाे थियो।

लकडाउनमा आकस्मिक रक्तदान

0

वीरगंज । वीरगंजका युवाहरुले आज आकस्मिक रक्तदान गरेर मानबिय सेवा गरेका छन् । लकडाउनमा रक्त संचार केन्द्र वीरगंजमा रक्तकाे अभाव भए पछि फाेनकाे भरमा केन्द्रमा आफै पुगि युवाहरु रक्तदान गरेका हुन् ।

नेपाल निजामती कर्मचारी संगठन पर्साका अध्यक्ष अमित कुमार गिरी, व्यवस्थित बिरगंज अभियानका संयोजक दिलिपराज कार्की र महिला विद्यार्थी कबिता अधिकारी लगायतकाले आकस्मिक रक्तदान गरेकाे रक्त संचार केन्द्रले जनाएकाे छ ।

हाल विश्वभरीमा महामारीकाे रुपमा फैलिएको कोरोना भाइरस संक्रमण राेकथामकाे लागि सरकारले गरेकाे लकडाउन कारण औपचारिक रक्तदान कार्यक्रम हुन नसेका पछि रक्त संचार केन्द्रमा रक्तकाे अभाव हुन नदिन रक्तदान गरिएकाे रक्तदाताहरुले वताएका छन् ।

यस भाइरसको संक्रमणको त्रासले रक्तदाताहरुबाट रक्तदानमा कमि देखिएता पनि हामी बिरामिको अवस्था बुझेर रक्तदाताहरुलाइ फोनमा सम्पर्क गरि वातावरण मिलाइ रक्तदान गराइ बिरामिहरुलाई सहयोग पुर्‍याउने कार्यमा रेडक्र्स, आकस्मिक रक्तदाता समूह, ब्लोदन, रक्तदाता स्वयंसेवकहरु बिच नियमित समन्वय भइरहेको स्वयंसेवक राजन श्रीवास्तवले जानकारी गराए ।

लकडाउन पालना गराउन स्थानिय युवाहरुद्वारा बाटाे अवरुद्ध

0

वीरगंज । पर्साको ग्रामिण भेगकाे केही गाउँका युवाहरु लकडाउनकाे पालना गराउन सक्रिय भएका छन् । बिश्वभर महामारीकाे रुपमा फैलेकाे काेराेना संक्रमण राेकथामाकाे लागि संघ सरकारले गरेकाे लकडाउनकाे पालना गराउन स्थानिय युवाहरु सक्रिय देखिएका हुन् ।

सखुवाप्रसौनी गाउँपालिका वडा नम्बर ५ महुवनमा लकडाउन अटेरी गर्नेहरुका लागि बाटाे नै युवाहरु अवराेध गरेका छन् । गाउँकाे बाटाे अवराेध गरी युवाहरुको लकडाउन पालना गरी घर भित्र नै बस्ने आग्रह गरिरहेका छन् भने अटेरी गर्नेहरुलाई डन्डा पनि प्रहार गरिएकाे स्थानिय युवा संदिप साहले बताए ।

महुवनमा स्थानिय अनिल साहको नेतृत्वमा लकडाउन पालना गराउने युवाहरु सक्रिय भएका हुन । बजारमा पनि भिडभाड गर्ने, एक साथ जम्मा हुने र अटेरी गरी बाईक चलाउने गरेका कारण युवाहरु सक्रिय भई सम्झाउने बुझाउने र नमान्नेलाई डान्डा हान्ने गरेका छन् ।

लकडाउन आफ्नै लागी र आफ्नो परिवारको साथै सम्मपुर्ण गाउँ र देशका लागी नै भएकोले हामीहरु आफ्नो गाउँमा सक्रिय भएको युवाहरु बताएका छन् । बाटोमा बेन्च, डेक्स, टेबल लगायतका सरसमान राखी बाटोलाई अवरुद्ध गरेका हुन् ।

यसै गरी पाेखरिया नगरपालिकाकाे बनकटवामा र बहुदरमाई नगरपालिकाकाे डकैला बहुअरीमा पनि युवाहरु बाटाे अवरुद्ध गर्दै विना काम अन्य गाउँका मानिसहरुकाे आवतजावतमा राेक लगाएका छन् ।

वीरगंजमा करोना परिक्षण केन्द्र स्थापना नहुनु दुर्भाग्यपूर्ण : द्विवेदी

0

वीरगंजलाई नेपाल कै आर्थिक राजधानी र नेपाल कै प्रवेशद्वार भनिन्छ । नेपाल सरकारले वीरगंजबाट हरेक साल अर्बौं खर्बौको रकम राज्स्व मार्फत लिरहेको छ । ईतिहास हेर्दा नेपालमा जुनसुकै सासन ब्यव्स्था होस वीरगंज संग सधै बिभेद गरिएको छ । वीरगंज र पर्सा बासीहरुलाई आर्थिक समाजिक हरेक हिसाबले जहिले पनि कमजोर गर्ने प्रयास गरिएको छ । जुन सुकै पार्टीको सरकार होस सबैले वीरगंजलाई ठग्ने काम मात्र भएको छ ।

नेपाल सरकारले आफ्नो राज्स्व उठाउनको लागि ICP( सुखा बन्दरगाह) ICD (एकीकृत चेक्पोस्ट) निर्माण गर्यो र अझ ठाउँ पुगेन भने सयौं बर्षको ईतिहास बोकेको श्रीसिया(चन्डाल चौक) पुरै गाउँ उठाएर एरिया बिस्तार गर्दै छ । यो सबैको सत्तामा हेर्नु हुन्छ भने वीरगंज ICP( सुखा बन्दरगाह) ICD (एकीकृत चेक्पोस्ट) को चल्ने गाडीहरुको धुलो धुवा खाने बाहेक यहाँको जनताले केहि पाएका छैनन् । यस्ता प्रोजेक्ट चल्दा त्य्स्को केहि प्रतिशत रकम त्यो ठाउँको बिकासको लागि छुटयाइन्छ तर वीरगंजलाई केहि पाइदैन ।

हिजोको दिनमा क्षेत्रीय स्तरको होस्पिटल निर्माण गर्ने बेला हेटौंडालाई गरियो । यहाँका सबै सरकारी कलकरखानाहरु (चिनी मिल कृषि औजार ) बन्द गरियो । वीरगंजका किसानहरुले चिनीमिल, कृषि औजार चलाउनलाई दिएको हजारौ बिघा  जग्गाहरु आज कमिसन खाने हिसाबले बेच्ने खेलभैरहेको कुरा हामी सबैलाई थाहा नै छ । प्रदेशको राजधानि बीरगंज बनाउने भनेर आन्दोलन पनि भयो र सबले बाचा समेत गरे तर बारा र पर्सा बहेकका सबै नेता जनकपुर बनाउने प्रयास गर्दै छ्न् ।

यो मेरो सवतन्त्र बिचार हो र यो म किन लेख्दै छु भने आफु जब देखी राजनीतिकमा आए त्यति बेला देखी मैले एउटा कुरा सधै मलाई के महसुस भयो कि जुन सुकै सरकार होस वा पार्टी भित्र पनि वीरगंजलाई जहिले पनि हेप्ने, पछि पर्ने र त्यहा नेताहरुलाई आपसमा लडाउने खेल मैले चारै तिर हेरे र महसुस गरे सायद यो मेरो गलतफहमि पनि हुन सक्छ । याे मेरो सवतन्त्र बिचार हो । यो म आज किन लेख्दै छु भने हाम्रो देश आज लक डाउन मा छ पुरा बिश्व नै आज करोना महामारीले अक्रान्त बनेको छ । यो अवस्थामा पनि वीरगंज प्रति नेपाल सरकारको हेर्ने दृस्ठि सहि भएन । आज वीरगंजमा मधेसका करिब लाखौं जनता आफ्नो स्वास्थ उपचारको लागि वीरगंज आउने गर्दछ्न् । यत्रो ठुलो महानगरपालिकामा करोना परिक्षण केन्द्र स्थापना नगर्नु दुर्भाग्यपूर्ण रहेको छ । सरकारले एकदम गलत निर्णय गरेको छ।

यसमा सरकारमा रहेका पार्टीका साथीहरु यहाँका सांसद माननिय ज्युहरु र मेयर तपाईहरु तुरुन्त एकदम कडा रूपमा नेपाल सरकार र स्वास्थ मन्त्री संग कुरा गरि वीरगंज र मधेसका जनताहरुको लागि करोना (Covid -19)को परिक्षण केन्द्र  वीरगंजमा स्थापना गर्ने पहल गर्न अनुरोध गर्छु र यो वीरगंजबासी सबैको माग समेत रहेको छ ।

लेखक : मुकेश दुविवेदी, वीरगंज महानगरपालिकाका मेयरका राजनीतिक सल्लाहकार, ठाकुर राम बहुमुखी क्याम्पसका निवर्तमान सभापति र समाजवादी पार्टीका नेता समेत हुन् ।

थप ८ दिन लकडाउन गर्ने सरकारको निर्णय

0

काठमाडौं । सरकारले थप ८ दिन लकडाउन गर्ने निर्णय गरेको छ। आइतबार बसेको मन्त्रिपरिषद् बैठकले ८ दिन लकडाउन बढाउने निर्णय गरेको एक मन्त्रीले जानकारी दिए ।

यसअघि कोरोना रोकथाम तथा नियन्त्रणका लागि गठित उच्चस्तरीय समन्वय समितिको बैठकले जारी लकडान बढीमा १४ दिनसम्म थप्नुपर्ने निष्कर्ष निकाल्दै मन्त्रिपरिषद्मा प्रस्ताव पठाउने निर्णय गरेको थियो ।

सरकारले कोरोना भाइरसको जोखिम न्यूनीकरणको उद्देश्यका साथ गत चैत ११ गते बिहान ६ बजेदेखि लागू हुनेगरी एक साता लकडाउनको घोषणा गरेको थियो । सो लकडाउनको समयावधि चैत १८ गते बिहान ६ बजेदेखि सकिँदैछ । त्यसपछि पनि थप ८ दिन लकडाउन हुनेछ ।

कोरोना संक्रमणको जोखिम अझै रहेको भन्दै सरकारले लकडाउनको समयावधि लम्ब्याउने निर्णय लिएको हो । नेपालमा हालसम्म ५ जनामा कोरोनाको संक्रमण देखिइसकेको छ । सभार : राताेपाटी

सहकारीले खाेलेकाे तरकारी बिक्री केन्द्र पांचाै दिन पनि संचालनमा

0

वीरगंज । लकडाउनका कारण किसानले तरकारी बेच्न नपाएको र उपभोक्ताले खरिद गर्न नपाएपछि सखुवाप्रसौनी गाउँपालिका-५ महुवनको सहास साना किसान कृषि सहकारी संस्थाले किसानसँग तरकारी संकलन गरेर बिक्री गर्न थालेकोछ ।

सहकारीले स्थानीय महुवन प्रहरी चौकीको समन्वयमा ‘बिक्री केन्द्र’ खोलेको छ । प्रहरी चौकीकै नजिक खोलिएको बिक्री केन्द्र सञ्चालनको जिम्मा लेखापाल सन्तोष बर्णवाललाई दिइएको छ । लकडाउनकाे दाेस्राे दिन सहकारीले संचालनमा ल्याएकाे केन्द्रबाट पांचाै दिन पनि तरकारी बिक्री भइरहेको छ ।

पांचाै दिन आइतबार भण्टा ३०, सेम ४०, टमाटर ५०, केरा ५० र मुला ४० रुपैयाँ किलोमा बिक्री भइरहेको बर्णवालले जनाएका छन् । केन्द्रमा रामनगरी, एकडरवा, लखनपुर, बलुवा, सोलखपुर, गुलवरिया, महुवनलगायतका क्षेत्रबाट मानिसहरु तरकारी खरिद गर्न आइरहेका छन् ।

सदस्यले उत्पादन गरेको तरकारी खेर नजाओस र उपभोक्ताको आवश्यकता पनि पूरा होस भनेर बिक्री केन्द्र खोलिएको अध्यक्ष नरेश जयसवालले जानकारी दिए ।

‘लक डाउनले गर्दा सदस्य किसानले उत्पादन गरेको तरकारी बजार लैजान पाइएको छैन, भने उपभोक्ताले पनि सहज रुपमा तरकारी किनेर खान पाएका छैनन्,’ अध्यक्ष जयसवालले भने, ‘दुवै समस्याको समाधानका लागि तरकारी बिक्री केन्द्र खोलेका छौं । सदस्यबाट तरकारी संकलन गरेर ल्याउँछौं, कोरोना भाइरसको संक्रमणको जोखिमलाई ध्यानमा राखेर भिडभाड नहुने गरी लकडाउन अवधी भरी बिक्री गर्छौ ।’

वडाध्यक्ष चाैरसियाद्वारा मास्क र साबुन वितरण

0

वीरगंज । बिन्दवसिनी गाउँपालिका वडा नं. ४ का अध्यक्ष अनोजकुमार चौरसियाले आफ्नो वडाका विभिन्न टोलाहरुमा मास्क र सावुन वितरण गरेका छन् । वडा अन्तर्गतका झौवा, मधवल र अमरपटीमा सावुन र मास्क वितरण गरिएको अध्यक्ष चौरसियाले बताए ।

विश्वभरी महामारीकाे रुपमा फैलिएका कोरोना भाइरस संक्रमणबाट आफु पनि बाँचौं र अरुलाई पनि बँचाऔं भन्ने संदेश दिंदै आफ्नो व्यक्तिगत लगानीमा मास्क र साबुन वितरण गरिएकाे वडा अध्यक्ष चौरसियाले वताए । चौरसियाले घर घरमा पुगि सावुन र मास्क वितरणकाे साथै लकडाउन बारे जनचेतनाको लागि प्रचार प्रसार गरेका हुन् ।

पाेखरियामा ९ बेडकाे क्वारेन्टाइन र ३ बेडकाे आइशाेलेसन तयार

0

पाेखरिया । पर्साको पोखरीया नगरपालिकाले ९ बेडको क्वारेनटाईन र ३ वेडकाे आईशाेलेसन तयार भएको जनाएको छ । श्री जिल्ला उच्चांगल रामदेव कलवार उच्च मावि पोखरीयामा ९ बेडको क्वारेन्टाईन निर्माण भईसकेको पोखरिया नगरकी उपप्रमुख सलमा खातुनले बताइन ।

यसैगरी ३ बेडको आईसुलेन्स पोखरीया अस्पतालमा निर्माण भईसकेको पोखरीया अस्पतालले जनाएको छ । बिश्वब्यापी रुपमा महामारीको रुपमा रहेको कोरोना भाईरसको प्रकोप बढदै गईरहेकोले पोखरीया नगपालिकाले पूर्व तयारीको रुपमा ९ बेडको क्वारेनटाईन र ३ बेडकाे आईसुलेन्स निमार्ण गरेकाे नगरपालिकाकी उपप्रमुख खातुनले बताईन ।

खातुनका अनुसार लकडाउनका कारण श्रम गरेर खानेहरुका अप्ठयारो प्रति पनि ध्यानआकर्षण भएकोले प्रत्येक वडामा सिमांकृतहरुको समुदायकाे डाटा संकल्न भईरहेको र केही दिनमै राहत सामग्रीहरु बितरण गर्ने बताईन । पोखरीया नगरपालिकाले आपुर्तीका सरसमानका लागी नगरपालिकाबाट गाडीमा निशुल्क तेल हाल्ने, गाडीको पासका लागी पनि पहलकदमी गरेको र ब्यापारीहरुको लागी सुपथ मुल्यको पसल संग पनि समन्वय गराएको बताईन ।

पोखरीया बजारमा कुनै किसिम्मको सरसमानको आपुर्तीमा कमी हुननदिने नगरपालिका प्रतिबद्ध रहेको समेत उनले जनाइन । बाहिरबाट आउनेहरु गाउँमा लुकेर बस्ने गरेकोले स्थानिय र प्रहरीको सक्रियतामा अहिले सम्म २ जनाको स्वास्थ्य परिक्षण गरिएकाे खातुनले वताइन ।