Date
आइत, मंसिर ६, २०८३
Sun, November 22, 2026
Home Blog Page 1002

नेपालमा थप ३ जनामा कोरोना संक्रमण : स्वास्थ्य मन्त्रालय

0

काठमाडौँ । स्वास्थ्य तथा जनसंख्या मन्त्रालयले कोभिड १९ (कोरोना भारइस) संक्रमण भएका थप ३ जना बिरामी फेला परेको बताएको छ । मन्त्रालयको आधिकारिक फेसबुक पेजमा दिइएको जानकारीअनुसार तीनैजना धनगढीका हुन् ।

संक्रमितमा भारतको मुम्बइबाट फर्किएका कैलालीका २१ वर्षीय पुरूष, भारतकै उत्तराखण्डबाट फर्किएका कञ्चनपुरका ४१ वर्षीय पुरूष र कैलालीकी ३४ वर्षीय महिला रहेको मन्त्रालयको पेजमा उल्लेख गरिएको छ। यी महिला यसअघि कैलालीमा भेटिएका संक्रमित पुरूषकी आफन्त भएको पनि मन्त्रालयले जनाएको छ।

योसँगै पहिलो पटक नेपाल भित्रै अर्को व्यक्तिमा कोरोना संक्रमण भएको पनि पुष्टि भएको छ।

लकडाउनमा पर्साकी एसपी गंगा पन्तकाे अनुभव

0

सुरुका दिनमा नागरिकले लकडाउनलाई नबुझेको जस्तो देखियो। दिनभरी बन्द भएपनि साँझ उनीहरु बाहिर निस्किन्थे। पर्सा मुख्य नाका भएको हुनाले आउजाउ पनि बढी हुन्छ। सामान ढुवानीलाई जारी राख्नु पर्ने अवस्था छ। जसका कारण एउटा मान्छे अर्को मान्छेको सम्पर्कमै नआउने व्यवस्था गर्न समस्या भयो।

अरु निषेधआज्ञा, कफ्र्युमा सुरक्षा निकायले बल प्रयोग गरेर कार्यन्वयन गर्नु पथ्र्यो। तर यो आफैं अनुशासनमा बस्नु पर्ने अवस्था हो। जसका कारण सुरक्षा निकायले अलि बढी कसरत गर्नु पर्‍यो। मुख्य नाका भएकोले अन्तभन्दा अलिबढी खुला छोड्नुपर्‍यो। धेरै गाडी भित्रिने र बाहिरिने हुन्छन्। जसलाई आम मानिसले सामान्य भएको हो कि भने जसरी बुझ्छन्।

मास्क, स्यानिटाइजर बनाउने उद्योग सञ्चालन गर्नु पर्ने, खाद्य, तरकारी पसलहरु पनि खुल्ला राख्नु पर्ने र त्यहाँसम्म जान दिनु पर्ने यी सबै कुरालाई सँगसँगै लैजान मेहनत बढी गर्न पर्‍यो। खुल्ला सिमाना र घर फर्किएका आफन्तलाई रोक्नु पर्दा गाह्रो हुने रहेछ।

रोजगारीबाट फर्किएकाहरु आफ्नो घर पुग्न चाहन्छन् तर हाम्रो दायित्व उनीहरुलाई पनि फर्काउनु पर्ने छ। पर्सामा नेपाल–भारत सीमा १ सय ७ किलोमिटर छ जहाँ १३ ठाउँबाट भारतका विभिन्न भागमा आवतजावत गर्न सकिने अवस्था छ। बसाइ पनि उस्तै छ। यता बस्नेको पारि व्यवसाय छ। किनमेलका लागि पनि कतै वारि कतै पारि जानु पर्ने अवस्था छ। स्वास्थ्य सेवा लिनका लागि पनि वारिका मान्छे पारि जाने अवस्था छ।

यसलाई सकेसम्म बुझाएर र नभए जबर्जस्ती पनि गर्नु पर्ने अवस्था छ। पहिलेका भन्दा धेरै स्थानमा ड्युटी गरिरहेका छौं। सुरुमा सम्झाइबुझाइ गरेर पठाउने, नभए होल्डमा राख्दिने र त्यो पनि नभए संक्रामक रोग ऐन अनुसार कारबाही पनि गरिरहेका छौं।

जोखिमका हिसाबले त सबैभन्दा जोखिममा नै प्रहरी छ। आफ्नो मात्रै सुरक्षा गरेर भएन। अरुलाई पनि जोगाउनु पर्ने र शान्ति सुरक्षा पनि कायम गर्नुपर्ने अवस्था छ। कुनै घटना हुन्छ, मान्छे पक्राउ गर्नु परिहाल्छ। बोर्डरमा पनि जबर्जस्ती छिर्न खोज्नेलाई रोक्नु पर्‍यो। प्रहरी पनि यस्ता कुरामा अभ्यस्त छैन। हाम्रा लागि पनि यो नयाँ भयो, सबैले बुझेका छैनन्।

हामीले पनि सकेसम्म त जोगिन खोजेका छौं। दूरी कायम गर्न लाठीको प्रयोग गरिरहेका छौं, सरकासफाइ पनि बढाएका छौं।

जिल्ला प्रहरी कार्यालय पर्साकी प्रमुख प्रहरी उपरिक्षक गंगा पन्तकाे अनुभवमा अधारित ।

लकडाउनमा रक्तदान

0

वीरगंज । भोलन्टियर समूह बिरगंजको आयोजनामा आज रक्तदान कार्यक्रम सम्पन्न भएको छ । कलैयामा भएकाे रक्तदान कार्यक्रममा २ महिला सहित २० जनाले आकस्मिक रक्तदान गरेका छन् ।

विश्वभरी नै महामारिको रुपमा फैलिएको कोरोना भाइरसले संक्रमण राेकथामकाे लागि सरकारले लकडाउन गरेकाे छ । लकडाउन भए देखी नेपाल रेडक्र्स सोसाइटी पर्सा जिल्ला शाखाद्वारा संचालित रक्तसञ्चार केन्द्रमा रक्तदाता एवं रक्तदान गर्ने संस्थाको समेत कार्यक्रम नगर्ने बाध्यता देखिएको छ ।

त्यस कारण बिरामिहरुलाइ रगतपुर्ती गर्न कठिनाइ भोग्नु पर्ने अवस्था देखिएकोले रक्तसञ्चार सेवा केन्द्रका इन्चार्ज सौरभराज पाण्डेकाे समन्वयमा भोलेन्टियर समूह बिरगंजको आयोजनामा कलैयामा रक्तदान गरिएकाे भोलेन्टिय समुहका सचिव बिनय गुप्ताले वताए ।

नेपाल सरकारले २५ जना भन्दा बढिको सहभागीतामा कार्यक्रमहरु गर्नमा राेक लगाएकाे र लकडाउनकाे पालना गर्दै कोरोना भाइरसको संक्रमणको डरको कारणले मानिसहरु घर बाहिर नआउने साथै रक्तदान कार्यक्रममा कमि भएकोले रक्त संचार केन्द्रमा रक्त अभाव हुन नदिन आकस्मिक रक्तदान गर्नका लागि रक्तदातालाई रक्तसञ्चार केन्द्र सम्म आउन जानका लागि गाडिको समेत ब्यवस्था गरिएको ब्लड डोनर्स एसोसिएसन नेपाल पर्साका सचिव अरबिन्द सिहले वताए । लकडाउनमा दिन वा राती जुनसुकै बेला पनि एम्बुलेन्स उपलब्ध गराइने सिंहले जानकारी गराए ।

यस परिस्थितिमा भोलेन्टियर समूह, युवा वचन, सानोपाइला, मानवसेवा आश्रम, फोजिआर, महानगर र सुरक्षानिकायको समन्वयमा जिल्ला प्रहरी कार्यालय पर्सामा हेल्प डेक्स संचालन गरि अतिआवश्यक औषधि र कहि कतै भोकै बसेका ब्यक्तिहरु छन् भने वहाहरुलाई खानाको ब्यवस्थापन गर्ने गरेको र रगतको पुर्तिको लागि पनि हामी विभिन्न समयमा सबैलाइ अनुरोध गर्ने कार्य गरिरहेकाे भोलेन्टियर समुहका संयोजक राजन श्रीवास्तवले वताए ।

भोलेन्टियर समूह बिरगंजद्वारा बाराको बिशम्बर पुर-११ मा संचालित आकस्मिक रक्तदान कार्यक्रममा २ महिला सहित २० जनाले रक्तदान गरेकाे र त्यस कार्यक्रमको सम्पुर्ण समन्वय एवं ब्यवस्थापन समुहका सचिव बिनय गुप्ताले गरेकाे समुहका महासचिव श्याम सरार्फले जनकारी गराए ।

कांग्रेसका नेता रुगंटाद्वारा नारायणी अस्पताललाई उपकरण सहयोग

0

वीरगंज । नेपाली कांग्रेसका नेता एवं उद्योगपति अनिल रुगंटाले वीरगन्जको नारायणी अस्पताललाई आवश्यक उपकरण उपलब्ध गराएका छन् ।

निजी अस्पतालहरुले समान्य ज्वरोका विरामीलाई समेत भर्ना लिन नमानेपछि एक मात्र सरकारी अस्पतालमा विरामीहरुको चाप बढ्न थालेपनि उपकरणको अभावमा उपचारमा समस्या देखिएकोले तत्काल केहि उपकरण उपलब्ध गराएको उनले बताए ।

शुक्रबार अस्पतालको अनुगमन गर्ने क्रममा अस्पतालका मेसु डा. मदन उपाध्यायले निजि अस्पतालमा विभिन्न बहानामा विरामीहरुलाई भर्ना लिन नमानेपछि यहाँ ह्वातै विरामीको संख्या बढेको बताएका थिए । थप उपकरणहरुको अभावमा गम्भीर प्रकृतीका विरामीलाई यहाँबाट बाध्य भएर रेफर गर्नु परेको गुनासो गरेका थिए ।

मेसुको गुनासो सुनेपछि नेता रुगंटाले तत्काल ३ थान ग्यास आपुर्ती गर्ने अक्सिजन कनर्सन्ट्राक्टर उपलब्ध गराउँन प्रतिबद्धता जनाउँदै यसको खरिदको लागि आवश्यक प्रकृया शुरु गर्न सुझाव दिए । उनले भने, ‘भोलीदेखि नै यसको खरिद प्रकृयामा लागि हाल्नुस् यसमा लाग्ने सम्पूर्ण खर्च आफूले नै व्यवहेर्ने छु ।’

अक्सिजन केन्द्र एक यस्तो उपकरण हो जसले ग्यास आपूर्ति (सामान्यतया वातावरणीय हावा) बाट अक्सिजनलाई केन्द्रित रूपमा नाइट्रोजन हटाएर एक अक्सिजन समृद्ध उत्पाद ग्यास प्रवाहलाई आपूर्ति गर्न नाइट्रोजन निकाल्छ र एउटा मेसिनले सातवटा बेटलाई आपुर्ती गर्न सक्छ मेसु. डा. उपाध्यायले बताए ।

अहिले कोरोनाको संक्रमण चपेटामा पुरै विश्वनै परेको छ । नेपालमा पनि ६ जनामा पोजेटिभ भेटिएको छ । पूर्व सासंद समेत रहेको नेता रुगंटाले भने, आवश्यक परे अस्पतालको प्रसुती गृहको खाली रहेको तेश्रो तल्लामा आइशोलेसनको लागि सम्पूर्ण व्यवस्था मिलाउन तयार रहेको छु ।
मेसु डा. उपाध्यायलाई अस्पतालमा आउने विरामीलाई सहघन उपचार हुनुपर्छ यहाँबाट उपकरणको अभाव अथवा कुनै पनि बहानामा अन्तै रेफर नगर्न सुझाव दिँदै उनले भने,‘तपाई हामीलाई भन्नुस् के को व्यवस्था मिलाउनुपर्छ त्यसको लागि २४ औं घण्टा सहयोग गर्न हामी तयार छौं ।’

उनले अस्पताललाई सेनेटाईजर गर्नको लागि आवश्यक किटनाशक औषधि समेत उपलब्ध गराएका थिए । अत्यन्तै महंगो मूल्य पर्ने करिब ३५ लिटर किटनाशक औषधि उपलब्ध गराएर अस्पतालको सम्पूर्ण भागलाई सेनेटाईजर गरिएको थियो ।

अस्पतालको अनुगमन गर्ने क्रममा कांग्रेसका पर्सा क्षेत्र नम्बर ४ का क्षेत्रीय सभापती जर्नाधन सिंह क्षेत्री, अस्पतालका चिकित्सक डा. विरेन्द्र प्रधान, डा. उदयनारायण सिंह लगायतको सहभागिता रहेको थियो ।

पर्साकाे ग्रामिण भेगकाे ५ पालिकाकाे क्वारेन्टाइनमा २६ जना

0

वीरगंज । पर्साकाे कालिकामाई गाउँपालिकाले पनि क्वारेन्टाईन निर्माण गरेकाे छ । गाउँपालिकाले वडा नं. ३ हरिहरपुर स्थित श्री ने.रा.प्रा.वि. हरिहरपुरमा बनाएकाे क्वारेन्टाइनमा २ जनालाई राखिएकाे प्रमुख प्रशासकिय अधिकृत राजु साहले वताउनु भयाे ।

केही दिन पहिला मात्र भारतबाट आएका हरिहरपुरका २ जनालाई क्वारेन्टाइनमा राखिएकाे प्रशासकिय अधिकृत साहले जानकारी गराउनु भयाे । साहका अनुसार गाउँपालिकाले हाल ८ बेडकाे क्वारेन्टाइन तयार गरेकाे छ ।

छिपहरमाई गाउँपालिकाकाे क्वारेन्टाइन निर्माण भएकाे श्री मंगल मावि । तस्बिर : कालिका टाईम्स

यस्तै छिपहरमाई गाउँपालिकाले निर्माण गरेकाे क्वारेन्टाइनमा ९ जनालाई राखिएकाे छ । छिपहरमाई गाउँपालिकाकाे भिस्वामा रहेकाे क्वारेन्टाइनमा पहिला देखी ६ जना रहेकाे र आज नयाँ ३ जनालाई राखिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

गाउँपालिकाले वडा नं. ५ भिस्वा स्थित श्री मंगल माध्यमिक विद्यालयमा निर्माण गरेकाे गरेकाे १५ बेडकाे क्वारेन्टाइनमा सबैजनालाई राखिएकाे स्वास्थ्य संयाेजक शम्भु गुप्ताले वताउनु भयाे ।

यस्तै पकहा मैनपुर गाउँपालिकाकाे क्वारेन्टाइनमा ५ जना रहेका छन् । गाउँपालिकाले निर्माण गरेकाे ९ बेडकाे क्वारेन्टाइनमा पहिला देखी ४ जना थिए र बिहिबार राती ११ बजे धाेबिया टाेलाकाे एक जनालाई ल्याई राखिएकाे गाउँपालिका अध्यक्ष बिजय चाैरसियाले वताउनु भयाे ।

यस्तै पाेखरिया नगरपालिकाकाे क्वारेन्टाइनमा ७ जना रहेका छन् । नगरपालिकाले श्री जिल्ला उच्चांगल रामदेव कलवार माध्यमिक विद्यालयमा तयार गरेकाे क्वारेन्टाइनमा पहिला देखी नै ६ जना रहेकाे र आज एक जनालाई थप राखिएकाे नगर प्रमुख दिपनारायण राैनियारले वताउनु भयाे ।

यस्तै पर्सागढी नगरपालिकाकाे क्वारेन्टाइनमा ३ जना रहेका छन् । नगरपालिकाले वडा नं. ८ हरपुरमा ५ बेड र वडा नं. ६ बागेश्वरी तित्रवनामा ५ बेड गरी १० बेडकाे क्वारेन्टाइन निर्माण गरेकाे नगरपालिकाका विपत व्यावस्थापक प्रमुख उमेश प्रसाद साहले वताउनु भयाे ।

हरपुर स्थित श्री नेरा अधाभुत विद्यालयमा निर्माण भएकाे क्वारेन्टाइनमा ३ जनालाई र हाेम क्वारेन्टाइनमा २ जनालाई राखिएकाे  प्रमुख साहले वताउनु भयाे ।

सखुवा प्रसाैनी गाउँपालिकामा तयार गरिएकाे क्वारेन्टाइन । तस्बिर : साैजन्य

यता पर्साकाे सखुवा प्रसाैनी गाउँपालिकाले पनि क्वारेन्टाइन निर्माण गरेकाे छ । श्री दिपनारायण मावि औंराहा पांचगावामा गाउँपालिकाले निर्माण गर्न लागेकाे २० बेडकाे क्वारेन्टाइन मध्ये ९ बेडकाे तयार भइसकेकाे गाउँपालिका स्वास्थ्य संयाेजक राजेश राैनियारले वताउनु भयाे ।

बिश्वभरी महामारीकाे रुपमा फैलिएकाे काेराेना भाइरस संक्रमणबाट बाच्न अन्य मूलकबाट आएका नेपाली नागरिकहरुलाई १४ दिन सम्म क्वारेन्टाइनमा राख्नकाे लागि निर्माण गरिएकाे हाे । सम्बन्धित स्थानिय तहहरुबाट खाना, नास्ता लगायतका व्यवस्था सहितकाे क्वारेन्टाइन तयार गरिएकाे छ ।

राहत वितरणकाे बिषयमा भएकाे झडपका दाेषी ५ जनामाथी मुद्दा दर्ता

0

बीरगंज । बीरगंज महानगरपालिकाको वडा नं १९ बर्वामा राहतकाे बिषयलाई लिएर भएकाे झडमा दाेषी देखिएका ५ जना विरुद्ध प्रहरीले मुद्दा दर्ता गरेकाे छ ।

स्थानिय जगन प्रसाद यादव, विकाश कुमार यादव, सञ्जय प्रसाद यादव, राजु यादव र  सुरेन्द्रप्रसाद यादव बिरुद्ध प्रहरीले सार्वजनिक अपराध अन्तर्गत मुद्दा चलाएको हाे ।

इलाका प्रहरी कार्यालय पोखरियाले उनीहरु बिरुद्ध मुद्धा चलाएको हो । राहत बितरणकालागि नामावली संकलनको क्रममा भएको बिवादमा कुटपीटमा संलग्न पाँच जना बिरुद्ध सार्वजनीक अपराधको मुद्धा दर्ता गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

राहत वितरणको लागि नाम संकलन गर्ने क्रममा वीरगञ्ज महानगरपालिका वडा नम्बर १९ बरवा टोलमा प्रभू यादव र उपेन्द्र यादव पक्षवीच कुटाकुट भएको थियो ।  कुटाकुटमा संलग्न सात जनालाई प्रहरीले पक्राउ गरेका थियो ।

पक्राउ गरिएका मध्य पाँच जनाविरुद्ध मुद्दा चलाइएको र अन्य दुई जनालाई भने अनुसन्धान पश्चात छाडिएको प्रहरी निरिक्षक सिंहले बताउनु भयो।

पाेखरियामा युवाहरु र बहुदरमाईमा अधिवक्ता साहले बाँडे राहत

0

पाेखरिया । पर्साकाे पाेखरिया नगरपालिकाकाे वडा नं. ९ बैरियामा आज राहत वितरण गरिएकाे छ । स्थानिय २५ जना युवाद्वारा संकलित चामल, दाल, आलु, नुन लगायतका सामग्री राहत सवरुप वितरण गरिएकाे हाे ।

स्थानिय युवा अफताब आलम, नवसाद आलम, धर्मेन्द्र पटेल, रामाधान मुखिया, मंजुर आलम, धर्मेन्द्र मिश्रा, गवर पटेल, प्रकाश मिश्रा लगायतका युवाहरुले खाद्यान्न सामग्री संकलन गरि वितरण गरेका हुन् । ४० घरदुरीलाई प्रति घर चामल १५ किलाे, आलु ३ किलाे, दाल १ किलाे, नुन १ किलाेका दरले वितरण गरिएकाे स्थानिय युवा अफताब आलमले वताए ।

बिश्वभरी महामारीकाे रुपमा फैलिएका काेराेना भाइरस संक्रमण राेकथामकाे लागि सरकारले गरेकाे लकडाउनमा भाेकै बस्ने अवस्था भएका घरदुरीलाई खाद्यानन्न सामग्री वितरण गरिएकाे आलमले वताए । यस्तै लकडाउनमा बढेकाे मंहगीलाई मध्यनजर गर्दै युवाहरुले सहुलियत दरमा रु ३५ किलाे आलु र रु ४५ किलाे पियाज बिक्री समेत गर्दै आएका छन् ।

यस्तै पर्सा कै बहुदरमाई नगरपालिकाकाे वडा नं. २ मा पनि खाद्यान्न सामाग्री बितरण गरिएकाे छ । स्थानिय अधिवक्ता प्रमोद साहले निजि खर्चमा ७२ घरपरिवारहरुका लागि राहत सवरुप खादयान्न सामग्री वितरण गरेका हुन् ।

लकडाउनको बेला खाना खान पनि समस्या भएकाे गरिब, अति बिपन्न, दैनिक ज्यालादारी गरि खाने ७२ घरपरिवारहरुका लागि खाद्यान्न सामाग्री बितरण गरिएकाे अधिवक्ता साहले वताए । प्रति घरदुरीलाई चामल १० केजि, दाल १ केजि, आलु १ केजि, आयोनुन १ केजि, तेल १ केजीका दरले बितरण गरीएकाे उच्च बार एशाेसिएसन वीरगंजका अध्यक्ष समेत रहेका अधिवक्ता साहले जानकारी गराए ।

नेपालमा भेटिए सातौं कोरोना संंक्रमित

0

काठमाडौं । नेपालमा कोरोनाका सातौं संक्रमित फेला परेका छन् । कोरोनाको छैटौं संक्रमित फेला परेको भोलिपल्टै भारतबाट फर्किएका कास्कीका एक व्यक्तिमा कोरानाको संक्रमण देखिएको हो ।

पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारले जनाएको छ ।

ती व्यक्तिको नमूना संकलन गरेर पुनःपरीक्षणका लागि पठाइएको प्रदेश सरकारले जनाएको छ । नेपालमा अहिलेसम्म सात जनामा कोरोना संक्रमण देखियो । संक्रमित सबै विदेशबाट आएका हुन् ।

त्यसमा पनि दोस्रो, तेस्रो र छैटौं संक्रमित चैत ४ गते दोहाबाट कतार एयरवेजको एउटै विमानमा आएका थिए । सुरुमा चैत १० गते काठमाडौंकी १९ वर्षकी युवतीमा संक्रमण देखियो ।

त्यसपछि विमानमा आएकाहरुको खोजी गर्दै परीक्षण गर्ने क्रममा बागलुङकी १९ वर्षीया किशोरीको पोजेटिभ रिपोर्ट आयो ।

त्यसको चार दिनपछि उनीहरुसँगै आएकी ६५ वर्षीया वृद्धामा काेराेना स‌ंक्रमण भेटिएकाे भाेलिपल्ट भारतबाट आएका अर्का व्यक्तिमा पनि कोरोना पोजेटिभ पुष्टि भएको छ । साभार : अनलाईन खबर

लकडाउनले रामनवमीकाे अवसरमा लाग्ने विभिन्न मेला पनि प्रभावित

0

वीरगंज । लकडाउनका कारण यस बर्षकाे रामनवमीकाे अवसरमा लाग्ने विभिन्न मेलाहरु पनि प्रभावित भएका छन् ।

बिश्वब्यापी महामारीकाे रुपमा फैलिएकाे कोरोना भाईरस संक्रमण राेकथामकाे लागि भएकाे लकडाउन कारण रामनवमीकाे अवसरमा लाग्ने पर्साको ग्रामिण भेगकाे कालिकामाई, छिपहरमाई, खेस्राहा लगायतकाे मेला प्रभावित भएकाे हाे । कालिकामाई गाउँपालिकाको वडा नम्बर ३ हरिहरपुर बिर्ताको स्थति कालिकामाई मंदिर, छिपहरमाई गाउँपालिकाकाे वडा नं. ४ बंजारी स्थित छिपहरमाई स्थानमा, पकहामैनपुर गाउँपालिकाको वडा नम्बर ४ खेस्राहामा लाग्ने लगायतका मेलाहरु यस बर्ष नलागेकाे प्रहरीले जनाएकाे छ ।

कालिकामाई मन्दिरमा बिहानको समयमा प्रहरी नपुगे सम्म केही स्थानियहरु मंदिरमा पुजाआजा गर्न भिड लगे पछि सशस्त्र प्रहरी बेस क्याम्प सबैठवा र ईलाका प्रहरी कार्यालय बिरन्चीबर्वाबाट प्रहरी पुगे पछि भगाभाग भएको थियो । प्रहरीले मंदिर परिसर सम्म पुगेहरुलाई पछि मंदिरको सय मिटर टाढाबाट नै पालो पालो ढोगेर जान भने पछि भाखल गरेकाहरुको भागल पुरा गर्न सजिलाे भएकाे थियो ।

केही पसलेहरु बिहान सरसमान मेलामा लग्ने तरखर गरे पश्चात सडकबाट नै पसलेहरुलाई प्रहरीले फर्काएको पसलेहरु बताए । लकडाउनमा घरबाहिर निस्कन नहुने बुझ्दा बुझ्दै स्थानियहरु परम्परालाई कायम गर्ने निष्ठाले पुगे पनि बिश्व र देशको परिस्थिती कोरोनामै भएका कारण भगतजनहरु निरास भई फर्केका र केहीले घरमै ढोग्न बाध्य भएका थिए ।

मंन्दिरको स्थान सम्म प्रहरीले जान नदिए पछि भगतजनहरुले सडक छेउ र खेतको आलीमा प्रसाद, रोटी र हलुवा चढाई घर फर्केको स्थानिय भगतजनहरु बताए । केही भगतजनले लडु, बातासा, बोका, परेवा, हास र मुर्गा भाखे पनि सरसमान नै नपाए पछि चढाउन नसकेकाे र रितै घर फर्केको कालिकामाई गाउँपालिका वडा नमबर २ का बिक्रम महराले बताए ।

आज बिहानै देखी कालिकामाई गाउपालिकाको वडानम्बर ३ हरिहरपुरबिर्ताको कालिकामाई मंदिर र पकहामैनपुर गाउँपालिकाको वडानम्बर ४ खेसा्रहाको रामजानकी मंदिरमा भगतजनहरु पालै पालै आउने र मंदिरमा पुग्न नसकि बाहिरबाट ढोगेर जाने गरेको ईलाका प्रहरी कार्यालय बिरन्चीवर्वाका सहायक प्रहरी निरिक्षक भरत यादवले बताए ।

पकहा मैनपुर गाउँपालिकाकाे खेस्राहामा ५ दिन सम्म लाग्ने मेला पनि यस बर्ष प्रभावित भएकाे स्थानियहरुले वताएका छन् । गाउँपालिका र स्थानिय प्रशासनकाे अवहानमा मेला नलागेकाे हाे । खेस्राहा मेला विगत बर्षमा विभिन्न किसिमकाे मनाेरन्जनात्मक कार्यक्रमकाे समेत आयाेजना हुदै आएकाे थियाे ।

प्रहरीले नियन्त्रणमा लिएकाे २२ मौलवीहरुलाई क्वारेन्टाइनमा राखियाे

0

वीरगंज । भारतको नयाँदिल्लीस्थित बंगलेवाले मस्जिदको धार्मिक सभामा सहभागी भएर फर्किएको आशंकामा प्रहरीले नियन्त्रणमा लिएका माैलवीहरुलाई आज वीरगंजकाे क्वारेन्टाइनमा राखिएकाे छ ।

प्रहरीले नियन्त्रणमा लिएकाे पर्साबाट ११ जना र बाराबाट ११ जना गरी २२ जनालाई सिदार्थ माविकाे क्वारेन्टाइनमा राखिएकाे हाे ।

दिल्लीको एक मुस्लिम धर्मशभामा सहभागी भएर फर्किएको आशंकामा पर्साकाे पटेर्वा सुगाैली र जगरनाथपुर गाउँपालिकाबाट ११ जना र बाराकाे बिश्रामपुरबाट ११ जनालाई आज विहान प्रहरीले नियन्त्रमा लिएकाे थियाे । गाउँमा ओहोरोदोहोर गरेपछि गाउँलेहरूले उनीहरूलाई नियन्त्रणमा लिएर प्रहरीलाई बुझाएको पर्साकी प्रहरी प्रमुख प्रहरी उपरिक्षक गंगा पन्तले बताइन ।

स्थानीयहरूले उनीहरू बंगलेवाले मस्जिदको धार्मिक सभामा सहभागी भएको आशंकामा समातेर प्रहरीलाई खबर गरेका थिए । हाल उनीहरूलाई वीरगन्जको महानगरपालिका वाड नम्बर १३ स्थित सिद्धार्थ माध्यामिक विद्यालयकाे क्वारेन्टाइन राखिएको उनले वताइन ।

उनीहरू सबैको स्वास्थ्य परीक्षण हुनेछ । यसका साथै प्रहरीले उनीहरू दिल्लीको सो धार्मिक सभामा गए नगएको अनुसन्धान हुने प्रहरीले जनाएको छ । उनीहरुलाई अहिले वीरगन्ज महानगरपालिकाको सिद्धार्थ माविकाे अलगै क्वारेन्टाइनमा राखिएको पर्साका सहायक प्रमुख जिल्ला अधिकारी ललित बस्नेतले बताए ।

११ जनामध्ये एकजनाले दिल्लीबाट आएको बताए पनि अरुले भारतबाट आएको मात्र भनेकाले अझै विस्तृत जानकारी आइनसकेको उनले बताए । यसका साथै सिद्धार्थ माविकाे क्वारेन्टाइनमा अरू पनि ३ जना भारतबाट आएका मानिसहरुलाई राखिएकाे छ ।