Date
आइत, मंसिर ६, २०८३
Sun, November 22, 2026
Home Blog Page 1001

ब्रिटानियाद्वारा नारायणी अस्पताललाई पिपिई सहयाेग

0

वीरगंज । ब्रिटानिया नेपाल प्रा.लि. वीरगंजले आज रु ३५ हजार बराबरकाे १९ कार्टुन बिस्कुट सहयाेग गरेकाे छ । ठाकुर राम बहुमुखी क्याम्पस वीरगंजकाे क्वारेन्टाइनमा रहेकाहरुकाे लागि कम्पनीले जिल्ला विपद् व्यवस्थापन समिति पर्सालाई साे बिस्कुट सहयाेग गरेकाे हाे ।

कम्पनीका महाप्रबन्धक प्रमाेद खेरले जिल्ला विपद् व्यवस्थापन समितिका सदस्य एवं पर्साका सहायक प्रमुख जिल्ला अधिकारी ललित कुमार बस्नेतलाई हस्तान्तरण गर्नु भयाे ।

यस भन्दा पहिला चैत २० गते बिहिबार कम्पनीबाट नारायणी अस्पताल वीरगंजलाई २८ थान पिपिई उपलब्ध गराइएकाे कम्पनीका मानव संसाधान अधिकृत मंजुर आलमले वताउनु भयाे । विश्व लगायत सिंगाे देश नै महामारीकाे रुपमा रहेकाे काेभिड १९ (काेराेना भाइरस) कारण त्रसित रहेकाे विसम परिस्थितिमा अस्पतालमा अति आवश्यक बस्तुकाे कमिरहेकाेले सहयाेग गरिएकाे अधिकृत आलमले वताउनु भयाे ।

 

कनिकाको कोभीड–१९ को छैटौं रिपोर्ट नेगेटिभ

0

मार्च ९ मा बेलायतबाट फर्किएकी बलिउड गायिका कनिका कपुरलाई कोरोना संक्रमण भएको खबरसँग ठूलै हलचल मच्चियो । कनिकाले आफनो यात्राको बिषयमा जानकारी नदिएको भन्दै उनको आलोचना भएको थियो ।

उनै, कनिका अहिले लखनउको एक अस्पतालमा उपचार गराइरहेकी छिन् । कनिकाको पाँचौ रिपोर्ट पनि पोजेटिभ आएपछि उनका शुभचिन्तक र आफन्त डराएका थिए । तर, डाक्टरले डर मान्नुपर्ने अवस्था नभएको बताउँदै आएका थिए ।

तर, अब कनिकाको छैटौं रिपोर्ट भने नेगेटीभ आएको छ । योसँगै उनका आफन्त खुशी भएका छन् । तर, कनिकालाई अहिले नै डाक्टरले डिस्चार्ज भने दिने छैनन् । किनकी, कोरोना संक्रमित भएका मानिसको रिपोर्ट दुई पटकसम्म लगातार नेगेटीभ आउनुपर्छ ।

कनिकाको अब अर्को एक रिपोर्ट पनि नेगेटीभ आएपछि उनलाई डिस्चार्ज गरिनेछ । ४८ घन्टाको अर्को परिक्षण हुनेछ ।

वीरगंजमा पनि काेराेना परिक्षणकाे व्यवस्था मिलाउन माग

0

वीरगंज । वीरगंजमा पनि काेराेना परिक्षणकाे व्यवस्था मिलाउन राष्ट्रिय जनता पार्टी (राजपा) वीरगंज महानगर कमिटीले माग गरेकाे छ ।

राजपा वीरगंज महानगरका अध्यक्ष ओमप्रकाश सरार्फले आज एक प्रेस विज्ञप्ती जारी गर्दै नेपाल कै मुख्य प्रवेशद्वारको रुपमा परिचीत वीरगन्जमा काेराेना भाइरस संक्रमणको उच्च जोखिम रहेको भन्दै संघ र प्रदेश सरकारसंग वीरगन्जमा पिसिआर एवं दक्ष प्राबिधिक परिक्षणको सुबिधा तत्काल स्थापना गरि परिक्षणको ब्यवस्थापन गर्न जोडदार माग गर्नु भएकाे हाे ।

सरार्फद्वारा हस्ताक्षरित प्रेस विज्ञप्तीमा वीरगन्ज मध्य तराईको केन्द्र हुनुको साथ साथै यस क्षेत्रको मेडिकल हबको रुपमा पनि रहेको छ । बारा ,पर्सा,रौतहट, सर्लाही लगायतका जिल्लाहरुबाट यहाँ अत्याधिक बिरामीहरुकाे चाप रहेको हुँदा यहाँ कोरोनो(कोविड-19) परिक्षणको ब्यवस्थापन नहुनु दुर्भाग्यपूर्ण रहेकाे उल्लेख छ ।

उहांले यसका साथै चिकित्सक, स्वास्थकर्मीहरुलाई सुरक्षा समाग्री र बिशेष सुबिधा उपलब्ध गराउन समेत माग गर्नु भएकाे छ । सरार्फले प्रेस विज्ञप्ती मार्फत दैनिकी ज्यालादारी गर्ने, अति बिपन्नलाई पहिचान गरि राहत उपलब्ध गराउन र आम जनताको लागी होम डिलेभरिको ब्यवस्थापन गर्न तथा खाद्यान्न समाग्री, तरकारी अत्यावश्यक बस्तु लगायतका ओसारपाेसारको सहज वातावरण मिलाउन पनि सरोकारवालालाई ध्यानाकर्षण गराउनु भएकाे छ ।

यस्तै सरार्फले महामारीको कारणले नेपाल पनि प्रभावित भएको छ, कोभिड-19 को लडाइमा नेपालमा बिगत१३ दिन देखी लकडाउन रहेको छ । यो महामारीको विरुद्धमा सबै पक्ष मिलिजुली लडनुको विकल्प छैन । सरसफाइ, सतर्कता, संयमता र भौतिक समाजिक दुरि कायम नै यो रोगबाट बच्ने उतम उपाय रहेकोले सबैलाई यो दायित्व पूरा गर्न अनुराेध समेत गर्नु भएकाे छ ।

यसका साथै सरार्फले किसानहरुको बालिको लागी चाहिने मल, बीउ बिजन, कृषी औषधिको सहज उपलब्धता तथा बाली भित्र्याउन डिजेल, इन्धन एवं खेतीपाती गर्ने सहज र निर्वाद ब्यवस्थापनको लागी माग गर्दछु प्रेस विज्ञप्तीमा लेख्नु भएकाे छ ।

बुहारीकाे हत्या अभियाेगमा सासू, ससूरा सहित ३ जना पक्राउ

0

वीरगंज । बुहारीको हत्या गरेको अभियोगमा सासू, ससूरा सहित ३ जनालाई प्रहरीले पक्राउ गरेकाे छ । पर्साको बहुदरमाई नगरपालिका वडा नम्बर ८ रामनगरी निवासी २५ वर्षीय उर्मीला देवी पण्डितको हत्या गरेकाे अभियोगमा तिन जनालाई पक्राउ गरिएको प्रहरीले जनाएको छ ।

उर्मिलाका ससुरा ६० वर्षीय सुरेश पण्डित, सासु ५५ वर्षीया शिव कुमारी देवी र उनीहरुकी कान्छी बुहारी २३ वर्षीया मालती देवीलाई घटना बारे अनुसन्धान गर्न नियन्त्रण लिइएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

आफ्नै बुहारीकाे ज्यान मारी जलाएकाे सुचनाकाे अधारमा अनुसन्धान गर्न तिनै जनालाई आज विहान नियन्त्रणमा लिइएकाे प्रहरी निरिक्षक सिंहले वताउनु भयाे । मृतक उर्मिलाकाे आंशिक शव समेत बरामद भएकाे प्रहरीले जनाएकाे छ ।

उर्मिलाकाे माइती बाराकाे चिलझप्टी हाे भने उनकाे श्रीमान बैदेशिक राेजगारकाे शिलसिलामा साउदी अर्बमा छन् ।

बैरिया बिर्तामा पनि युवाहरुले बाँडे खाद्यान्न सामग्री

0

वीरगंज । पर्साकाे बहुदरमाई नगरपालिका वडा नं २ बैरिया बिर्ता दापुमा युवाहरुको खादयान्न सामग्री वितरण गरेका छन् । स्थानिय युवाहरुकाे एक समुहले अति विपन्न, गरिब, एकल महिला, अपाङ्गहरुलाई राहत सामग्री वितरण गरेका हाे ।

प्रति घरदुरी १० किलो चामल, १ प्याकेट नुन, १ किलो दाल, २ किलो आलु , नुहाउने साबुन, कपडा धुने साबुन लगायतका समानहरु २५ घर परिवारलाई वितरण गरिएकाे रफिक हवारीले वताए । विश्वभरी महामारीको रुपमा फैलिएकाे कोरोना भाईरस संक्रमण राेकथामकाे लागि भएकाे लकडाउनलाई मध्यनजर गर्दै अति गरिब परिवारकाे राहत स्वरुप खाद्यान्न सामग्री वितरण गरिएको उनले वताए ।

लामाे लकडाउनले अति गरिब, विपन्न र ज्याला मजदुरी गरी जिविकाेपार्जन चलाउने परिवारलाई हुन सक्ने समस्यालाई मध्यनजगर गरी स्थानिय युवाहरुकाे सक्रियतामा सके जति खाद्यान्न सामग्री वितरण गरिएकाे उनले जानकारी गराए ।

रोटरीले कोरोना रोकथामका लागि एक करोड सहयाेग गर्ने

0

काठमाण्डाै । रोटरी इन्टरनेशनल नेपालले कोरोना रोकथामका लागि सरकारकालाई एक करोड रुपैयाँ सहयोग गर्ने भएको छ ।

काेराेना राेकथामकाे लागि सहयाेग गर्न लागेकाे रोटरी इण्टरनेशनल डिस्ट्रिक ३२९२ का डिस्ट्रिक गभर्नर किरणलाल श्रेष्ठले जानकारी दिनुभयो । यो रकम सम्पूर्ण रोटरियनहरुका तर्फबाट उपलब्ध गराउन लागिएको उहाँले जानकारी दिनुभयाे ।

यस बाहेक पनि रोटरियनहरुले देशभरि रहेका एक सय २४ वटा रोटरी क्लबमार्फत मास्क (मुखावरण), खाद्यान्न, औषधि लगायत स्वास्थ्य उपकरण उपलब्ध गराउनुका साथै ठाउँठाउँमा हात धुने ठाउँ, कोरोना सूचना केन्द्र तथा आइसोलेशन निर्माणमा सघाइरहेको पनि गभर्नर श्रेष्ठले एक प्रेस विज्ञप्ती जारी गर्दै जानकारी दिनुभयाे ।

पालिकाहरुसँग मिलेर थप सहयोग पनि उपलब्ध गराइने उहाँद्वार जारी प्रेस विज्ञप्तीमा उलेख छ ।

बहुदरमाईमा राहत वितरण गर्न सर्वदलिय समिति गठन

0

वीरगंज । पर्साकाे बहुदरमाई नगरपालिकाकाे वडा नं. २ मा आज राहत वितरण सबन्धमा सर्वदलिय बैठक सम्पन्न भएकाे छ ।

श्री ने.रा. अधारभुत विद्यालयमा बसेकाे सर्वदलिय बैठकले प्रदेश सरकारकाे नियम अनुसार राहत वितरण गर्न वडाध्यक्ष जितेन्द्र पटेललेकाे संयाेजकत्वमा १० सदस्यीय राहत वितरण समिति गठन गरेकाे छ । जुन समितिकाे सदस्यमा नेकपाका प्रदिप कुमार साह, नेपाली कांग्रेसका सुनिल यादव, समाजवादी पार्टीका मनाेज पटेल, राजपाका श्रवण राउत कुर्मी, नेपाल प्रहरीका दिपेन्द्र प्रसाद यादव, स्थानिय विद्यालय श्री ने.रा. अधारभुत सिसियाडी बैरियाका प्रअ विजय साह लगायतका रहेका छन् भने समितिकाे  सदस्य सचिवमा वडा सचिव यमलेश गद्दी रहेका छन् ।

यस्तै बैठकले श्री ने.रा. अधारभुत सिसियाडी बैरियामा १० बेडकाे क्वारेन्टाइन बनाउने समेत निर्णय गरेकाे राहत वितरण समितिका सदस्य समेत रहेका विद्यालयका प्रअ विजय साहले वताए । विद्यालयमा निर्माण गरिने सुबिधा सम्पन्न क्वारेन्टाइनकाे सुबिधाकाे लागि विद्यालयले पनि सहयाेग गर्ने प्रअ साहले जानकारी गराए ।

सर्वदलिय बैठकमा पूर्व गाबिस अध्यक्ष प्रेमचन्द्र कुशवाहा, नेपाली कांग्रेसका माेतिलाल यादव, राजपाका कृष्ण पटेल, समाजसेवी शम्भु साह, केदार प्रसाद साह, अमबिका ठाकुर, मगनी साह, वडा सदस्य अक्षय यादव लगायतकाे उपस्थिती रहेकाे थियाे ।

यस्तै बहुदरमाइ नगरपालिकाकाे वडा नं.८ रामनगरीमा समेत सर्वदलिय बैठक सम्पन्न भएकाे छ । वडाध्यक्ष पुनिलाल साहको अध्यक्षतामा बसेकाे सर्बदलिय बैठकले लक्षित समूह पहिचान तथा राहत बितरण गर्न समिति गठन गरेकाे छ ।

बैठकले वडाध्यक्ष साहको संयोजकत्वमा राहत विरतण समिति गठन गर्नुकाे साथै सोही वडामा रहेको श्री दे.दे.मा.बि. मा १५ बेडकाे कवरेन्टाइन बनाउने समेत निर्णय गरेकाे छ।

साे अवसरमा वडाध्यक्ष साहले लकडाउनमा अति आवश्यक काम बाहेक घर बाहिर ननिस्कन, नियमित रुपमा सबुन पानीले हत धुन, समाजिक दुरि ३ फिट अर्थात १ मिटरको बनाई राख्न, कोरोनाको लक्षण देखा परेमा स्वास्थ्य जाँच गराउने लगायतको अनुरोध गरेका थिए ।

बिश्वब्यापी महामारीको रुमा फैलिएको कोरोना भाइरस (COVID 19) संक्रमणलाई रोक्न नेपाल सरकारले गरेकाे लकडाउनमा गरिब, असहाय, दैनिक ज्यालादारीमा काम गर्ने, किसान लगाएत लाई मध्यन्जर गरि  कोरोना भाइरस संक्रमण COVID19 प्रभावित गरिब, श्रमिक, मज्दुर तथा आर्थिक रुपमा बिपन्न किसानलाई राहत बितरण निर्देशिका २०७६ अनुसार गरिने समेत बैठकले निर्णय गरेकाे वडाध्यक्ष साहले वताउनु भयाे ।

महामारीको समयमा विभिन्न ब्याक्ती,संघ/संस्था, निज क्षेत्रबाट राहात बितरण भइरहेकोमा एकद्धार प्रणालीबाट राहत बितरण गर्न समेत अनुरोध गरिएकाे साहले वताउनु भयाे ।

कालिकामाईमा स्थानिय युवाहरुले बाँडे राहत

0

वीरगंज । पर्साकाे कालिकामाई गाउँपालिका वडा नं. २ भेडिहारीमा आज युवाहरुले राहत बाँडेका छन् । स्थानिय युवा भेडिहारीका अति गरिब परिवारलाई राहत सवरुप खाद्यान्न सामग्री वितरण गरेका हुन् ।

बिश्वभरी महामारीकाे रुपमा फैलिएका काेराेना भाइरस संक्रमण राेकथामकाे लागि सरकारकाे अवहानमा भएकाे लकडाउनमा दैनिक जिवन यापन गर्न कठिनाई भएका अति गरिब ५३ घरदुरीलाई राहत वितरण गरिएकाे स्थानिय युवा जय प्रकाश चाैरसियाले वताए ।

स्थानिय युवा तथा श्री कालिका एकेडेमी बाेर्डिङ्ग स्कुलकाे संयुक्त आयोजनामा प्रति घरदुरी चामल २ किलाे, दाल ५०० ग्राम, भान्टा २ किलाे, साेयाबिन २०० ग्राम र आलु २ किलाेका दरले वितरण गरिएकाे चाैरसियाले वताए ।

लकडाउनमा समस्या भएका घरदुरीकाे गाउँमा घुमी तथ्यांक संकलन गरी साेही अनुसार प्रति घरदुरीबाट एक-एक जनालाई बाेलाई बाेर्डिङ्ग स्कुलबाट भिड नहुने गरी राहत वितरण गरिएकाे अरपित चाैरसियाले वताए । उनले भने “पहिला हामी घरघर मै राहत पुर्‍याउन साेचेका थिए तर पछि गाउँमा घुमेर राहत वितरण गर्दा भिडभाड हुन सक्ने डर एक ठाउँ मै बाेलाएर ३/३ फिटमा खडा गराई खाद्यान्न सामग्री राहत वितरण गरेका हुन् ।”

कालिकामाई गाउँपालिका वडा नं. २ अन्तर्गतका साविका गाबिस भेडिहारीकाे वडा नं. २ का युवाहरु हामी एक आपसमा सके जति मिलाएर मानवताकाे नेताले सहयाेग गरेकाे निरन्जन चाैरसियाले वताए ।

कोरोना संक्रमित कनिकाको स्वास्थ्यमा सुधार

0

कोरोना संक्रमित बलिउड गायिका कनिका कपुरको स्वास्थ्यमा सुधार आएको छ । दुई सातादेखि लखनऊको संजय गान्धी पिजिआई अस्पतालमा उपचाररत कनिकाको स्वास्थ्यमा सुधार आएको हो ।

हालसम्म कनिकाको ५ वटा टेष्ट भएको थियो । जसमा ५ वटा नै टेष्ट कोरोना पोजेटिभ देखिएको थियो । अब भने उनको शरीरमा कोरोना संक्रमण नदेखिएको कनिकाको परिवारले बताएका छन् । चिकित्सकहरु पनि अब कनिकाको अवस्था सामान्य भइसकेको बताउँछन् ।

कनिका र उनको परिवार छैटौं रिपोर्टको पर्खाईमा छन् । यदि छैटौं रिपोर्टमा कोरोना संक्रमण नदेखिए कनिका आफ्नो घर फर्कन सक्नेछिन् ।

कनिकालाई कोरोना संक्रमण देखिएपछि एक किसिमको तरंग नै पैदा भएको थियो । लखनऊको एक भव्य होटलमा पार्टी दिएकी कनिकालाई कोरोना देखिएपछि उनले अन्य व्यक्तिमा पनि कोरोना सारेको हुन सक्ने अनुमान गरिएको थियो । तर, उनको सम्पर्कमा आएका कसैलाई पनि कोरोना पोजेटिभ देखिएको छैन ।

प्रहरीले थप ९ जमातीहरुलाई नियन्त्रणमा लिएर कलैयाकाे क्वारेन्टाइनमा पठायाे

0

वीरगंज । बाराको फेटा गाउँपालिकाकाे वडा नं. ५ जोतपुर गमरियाबाट ९ जना मुस्लिम समुदायका (जमाती) हरुलाई प्रहरीले    नियन्त्रणमा लिएको छ ।

इलाका प्रहरी कार्यालय प्रसाैनीले भारतबाट नेपाल प्रबेश गरी लुकीछिपी बस्दै आएकाे ९ जना जमातीहरु नियन्त्रणमा लिएकाे हाे । लकडाउनमा भारतबाट खुल्ला सिमा नाका भएर लुकीछिपी प्रबेश गरेका जमातीहरुलाई नियन्त्रणमा लिएर कलैयाकाे क्वारेन्टाइनमा पठाइएकाे प्रहरीले जनाएकाे छ ।

प्रहरीले सप्तरीकाे महादेवा गाउँपालिका वडा नं. ४ बस्ने अन्दाजी ५५ वर्षीय महम्मद जिवरेल, २९ वर्षीय रोजिद शेष, सोही जिल्लाको कञ्जनपुर नगरपालिका वडा नं. ९ बस्ने ६४ वर्षको सफिद मियाँ, ५२ वर्षको तजबुल मियाँ, ६४ वर्षीय मोहम्मद सफिज रहमान, ४८ वर्षका मोहम्मद वकिल मियाँ, १८ वर्षको मोहम्मद खुर्सेद, ४८ वर्षीय मोहम्मद जाकिर तथा ६३ वर्षीय मोहम्मद इसराइज मियाँलाई नियन्त्रणमा लिएर क्वारेन्टाइनमा पठाएकाे हाे ।

प्रहरी नियन्त्रणमा परेका जमातीहरु लकडाउनमा भारतबाट आफुहरु आएकाे वताए पनि दिल्ली स्थित आयोजित मुस्लिम समुदायको धार्मिक सभामा सहभागी नभएकाे वताएका छन् ।