वीरगंज । बारामा १४ वर्षीया बालिकालाई बलात्कार गरेको आरोपमा एक जनालाई प्रहरीले पक्राउ गरेकाे छ ।बलात्कार आराेपमा जिल्ला प्रहरी कार्यालय बाराले प्रसौनी गाउँपालिका–४ खुटवाका २६ वर्षीय साँजिद अन्सारीलाई नियन्त्रणमा लिएकाे हाे ।
कात्तिक १९ गते आरोपितले बलात्कार गरेको भन्दै पीडित पक्षले आरोपित विरुद्व मङ्सिर १७ गते जिल्ला प्रहरी कार्यालयमा उजुरी दिएकाे थियाे । पीडितको स्वास्थ्य परिक्षण मङ्सिर १७ गते नै प्रादेशिक अस्पताल कलैयमा गरिएकाे थियाे ।
पीडित पक्षले दिएको उजुरीको आधारमा आरोपितलाई गिरफ्तार गरी थप अनुसन्धान भइरहेकाे जिल्ला प्रहरी कार्यालयका प्रवक्ता एवम् प्रहरी नायब उपरिक्षक (डिएसपी) दधिराम न्यौपानेले बताए ।
प्रतिक्रिया लेख्नुहोस