वीरगंज । पर्साकाे पटेर्वा सुगाैली गाउँपालिकाले २ सय ३० जनाकाे निःशुल्क आँखाकाे शल्यक्रिया गराएकाे छ । गाउँपालिकाले हेटौडा समुदायिक आँखा अस्पताल, तिलगंगा सामुदायिक आँखा केन्द्र निचुटाकाे प्राविधिक सहयाेगमा आँखा शल्यक्रिय गरिएकाे हाे ।
पटेर्वा सुगाैली गाउँपालिकाकाे आयाेजनामा विभिन्न मितिमा भएकाे निशुल्क आँखा शिविरमा ३०९ जनामा माेतियाविन्दुकाे बिरामी फेला परेकाे थियाे । जस मध्येका २३० जनाकाे आँखाकाे शल्यक्रिया गरिएकाे पटेर्वा सुगौली गाउँपालिकाका स्वास्थ्य शाखा प्रमुख भुजेन्द्र प्रसाद यादवले जानकारी दिए ।
पटेर्वा सुगौली गउँपालिकाकाे वडा नं. ५ स्थित निचुटा स्वास्थ्य चौकीमा भएकाे शल्यक्रियामा पटेर्वा सुगौली गाउँपालिकाका अध्यक्ष दिनेश चौधरी, उपाध्यक्ष ममता महतो, वडा नं. २ का वडाध्यक्ष विजय गैरे, वडा नं ३ वडाध्यक्ष माधो राउत, वडा सदस्यहरु हैदर अन्सारी, सहमद अन्सारी, लक्षणदेव चौधरी, धुरण चौधरी, निचुटा स्वास्थ्य चौकी इन्चार्ज प्रमोद कर्ण लगायतकाे उपस्थिती रहेकाे थियाे ।
विजबनिया, महादेवपट्टी, सुर्वणपुर, गादी लगायतकाे स्थानमा भएकाे नि:शुल्क आँखा शिविरमा एक हजार ३ सय ७ जनाकाे आँखा परिक्षण गरिएकाे थियाे ।
