वीरगंज । जनमत पार्टी पर्साले रंगभेद विरुद्ध एकता दिवस मनाउने भएकाे छ । शनिबार बसेकाे जनमत पार्टीकाे जिल्ला कार्यसमिति पर्साको बैठकले यही मंसिर १० गते सोमबार रंगभेदविरुद्धको एकता दिवस मनाउने निर्णय गरेको हो ।
केन्द्रिय समितिको निर्णय अनुसार पर्सामा रंगभेदविरुद्धको एकता दिवस मनाउने निर्णय भएकाे जनमत पार्टी पर्साका अध्यक्ष ओमप्रकाश सर्राफले बताए । जनमत पार्टी पर्साकाे आयाेजनामा यही १० गते घण्टाघरबाट बृहत र्याली निकालेर रंगभेदविरुद्धको एकता दिवस मनाउने निर्णय भएकाे उनले वताए ।
उनका अनुसार पार्टीको केन्द्रिय समितिको निर्णय अनुसार वीरगंजमा एकता दिवस मनाउने सर्वसम्मत निर्णय गरिएको हो ।
बैठकमा राजनीतिक समिति सदस्य सिपु तिवारी, केन्द्रिय सदस्यहरु श्याम शंकर चौरसिया, अनिता रौनियार, श्याम गुप्ता, बिनय यादव, राहुल रौनियार, राजेश चौरसिया, नेताहरु अमरनाथ सिंह राठौर, संजय सिंह लगायत विभिन्न पालिका अध्यक्ष एवं नेता, कार्यकर्ताको उपस्थित रहेको थियो ।
