वीरगंज । पर्साकाे धाेबिनी गाउँपालिकाकाे वडा नं. ५ मा रहेकाे श्री अजिज मिया माद्यमिक विद्यालय धोबिनीकाे कक्षा ११ मा अध्ययनरत छात्र/छात्रालाई विद्यालय पाेशाक वितरण गरिएकाे छ ।
धाेबिनी गाउँपालिकाे वडा स्तरिय याेजनाबाट मंगलबार एक कार्यक्रमकाे विच कक्षा ११ का सम्पूर्ण छात्र/छात्रालाई कोट, पाईन्ट, सर्ट र टाई गरि पोशाक सेट वितरण गरिएकाे विद्यालयका प्रधानाध्यापक जितेन्द्र रामले जानकारी दिए ।
वडाध्यक्ष मनाैवर अहमदकाे अध्यक्षतामा भएकाे कार्यक्रममा गाउँपालिकाकाे याेजना शाखा प्रमुख पप्पु पटेल, वडा सचिव जितेन्द्र प्रसाद चाैहान, शिक्षक सुनिल मुखिया, सुबाष चाैधरी, गफुर मियाँ अन्सारी, हिरालाल साह, अशाेक पटेल, सुरज प्रसाद पटेल लगायतकाे उपस्थिती रहेकाे थियाे ।
यसैबिच मंगलबार नै विद्यालय स्नातक तह संचालनकाे लागि आर्थिक स्राेत जुटाउन गाउँपालिका तथा अन्य निकायसंग समन्वय गर्न अभिभावक, शिक्षा प्रेमी, राजनीतिकर्मी, शिक्षकहरु बिच अन्तरक्रिया तथा छलफल समेत गरिएकाे प्रधानाध्यापक रामले वताए ।