वीरगंज । पर्साकाे सखुवाप्रसौनी गाउँपालिका वडा नं. १ मधुवन मथवलमा दुग्ध डेरि संचालनमा आएको छ । कोइलाभारमाई कृषक समुहको सहकार्यमा अन्नपूर्ण दुग्ध उत्पादक सहकारी संस्थाले डेरी संचालनमा ल्याएकाे हाे ।
सखुवा प्रसाैनी गाउँपालिकाकी उपाध्यक्ष सर्मिला विष्टले उक्त डेरीकाे उद्घाटन गरेकी हुन् ।
डेरी सचालनले थोरै भएपनी मधुवन मथवलका पशु पालक कृषकलाई राहत पुगेको स्थानिय गिरी राज कडेलले वताए । उनले डेरी सचालनले पशु पालक कृषकलाई ब्यवसायिक बन्नमा अभिप्रेरित गरेको वताए ।
उनका अनुसार डेरी सचालनले ४ कि.मि. पैदल यात्रा, ३ घन्टाको फजुल समय खर्च दुग्ध लिन /दिन मनवा जानुपर्ने समस्याबाट उन्मुक्ति मिलेको छ । थप २ जना कृषक रोजगार भएका छन् ।
डेरी उद्घाटन कार्यक्रममा सखुवा प्रसाैनी गाउँपालिकाका पूर्व अध्यक्ष प्रदिप जयसवाल, वडाध्यक्ष बासुदेव महतो, पूर्व वडाध्यक्ष बिश्वनाथ पटवारी, रितनारायण चौधरी, राजेन्द्र कडेल, जगन्नाथ तिवारी, भुमा अधिकारी, हेमराज महतो, चान्केश्वर भण्डारी, पारस महतो लगायतकाे उपस्थिती रहेकाे थियाे ।
प्रतिक्रिया लेख्नुहोस