वीरगंज । नेकपा (एकीकृत समाजवादी) निकट युवा संघ नेपाल वीरगंजले शनिबार वीरगंजका विराेध र्याली निकालेकाे छ । “यथास्थिती र प्रतिगामी षडयन्त्रकाे विराेध गराैं, गणतन्त्रकाे सम्बर्द्धन र राष्ट्रिय स्वधिनताकाे संरक्षण गराैं” मुल नारा सहित निस्केकाे विराेध र्याली शान्तिपूर्ण रुपमा सम्पन्न भएकाे हाे ।
भ्रष्टाचार विरुद्ध र सुशासनकाे लागि वीरगंजस्थित जिल्ला प्रहरी कार्यालय पर्सा अगाडीबाट निस्केकाे विराेध र्याली घण्टाघर, माइस्थान, महाबिरस्थान, आदर्शनगर, घडिअर्वा हुँदै पुन: घण्टाघरमा पुगी काेण सभामा परिणत भएकाे थियाे ।
काेण सभालाई सम्बाेधन गर्दै नकपा (एकीकृत समाजवादी) का केन्द्रिय सदस्य मनाेज चाैधरीले समाप्त भइसकेकाे राजतन्त्र फेरी फर्कन नसक्ने वताए । उनले समाप्त भइसकेकाे निरंकुशन शासन अब कुनै पनि हालत फर्कन नसक्ने दाबी गर्दै पुन: राजगदीमा फर्कन सपना नदेखन पूर्व राजा ज्ञानेन्द्र साहलाई चेतावनी समेत दिए ।
केन्द्रीय सदस्य चौधरीले भने, “राजाले फेरि सक्रियता देखाउने प्रयास गरेमा उनको सुरक्षासमेत हटाइनुका साथै नागरिकता समेत खारेज हुन सक्छ।” उनले मृत घोडालाई घाँस खुवाउने प्रयासको संज्ञा दिँदै राजा गद्दीमा पुनःस्थापनाको कल्पना भ्रम मात्र भएको बताए ।
कोण सभालाई नेकपा (एकीकृत समाजवादी) वीरगंज महानगर कमिटीका सचिव बृजलाल पासवान, युवा संघ नेपालका केन्द्रीय सदस्य तथा पर्सा सह-इञ्चार्ज सन्जु चौधरी, जयशंकर यादव, सन्दीप कुमार पटेल लगायतले सम्बोधन गरेका थिए ।
विरोध ¥यालीमा युवा संघका महानगर अध्यक्ष तारकेश्वर चाैवे, उपाध्यक्ष अखलेश गुप्ता, सचिव मधु सिंह राजपूत, सह-सचिव नागेश्वर यादव, कोषाध्यक्ष जयप्रकाश मण्डल, शनि यादव, रामबाबु मण्डल, रामनरेश मण्डल, पप्पु महतो, सदाम अन्सारी लगायतको उल्लेखनीय उपस्थिति रहेको थियो ।
