वीरगंज । वीरगंजलाई प्रादेशिक राजधानी बनाउन दबाव दिन ज्ञापन पत्र बझाउनेदेखी धर्ना बस्ने सम्मकाे कार्यक्रम तय गरिएकाे छ । वीरगंजलाई प्रादेशिक राजधानी बनाउन निकालिएकाे खबरदारी जुलुशकाे भाेली पल्ट आइतबार बसेकाे एक बैठकले भावी रणनीतिकाे बारे छलफल गर्दै त्यस्ताे निर्णय गरेकाे हाे ।
बैठकले पुस २८ गते बुधबार प्रदेश नं. २ को प्रतिपक्षिय संसदीय दलको नेता जितेन्द्र सोनललाई ज्ञापन पत्र बुझाउने र पुस ३० गते शुक्रबार प्रदेश २ को मुख्यमन्त्री लालबाबु राउत गद्दीकाे वीरगंज निवास अगाडी शान्तिपूर्ण धरना तथा प्रदर्शन गर्ने निर्णय गरेकाे लाेसपाका युवा नेता राजेशमान सिंहले जानकारी दिए ।
प्रदेश नं. २ काे एक मात्र महानगरपालिका, स्वास्थ्य र शिक्षाकाे हब बन्दै गएकाे वीरगंजलाई राजधानी बनाउन हरेक प्रयास गरिने उनले वताए । वीरगंजकाे मतबाट निर्वाचित भएर वीरगंजबासीलाई धाेखा दिने नेतालाई जनताले पनि पहिचान गर्नु पर्ने उनकाे भनाई थियाे । नेता सिंहले बीरगंजलाई राजधानी बनाउन सबै एकजुट हुनु पर्ने पक्षमा आफु रहेकाे बताए ।
वीरगंजकाे आदर्शनगरस्थित हाेटल पुजनमा बसेकाे बैठकमा प्रदेश सभा सदस्य प्रहलाद गिरी, लाेसपा नेता प्रेमबाबु पटेल, मुकेश द्विवेदी, उमेश सहनी, सुजित गिरी लगायतकाकाे सहभागिता रहेकाे थियाे ।
प्रतिक्रिया लेख्नुहोस