तिलावे पुल निर्माणकाे लागि युवाहरु आन्दाेलित

वीरगंज । पर्सा जिल्लालाई सदरमुकाम वीरगंजसंग जाेड मुख्य सडक हुलाकी राज्यमार्गमा पर्ने तिलावे पुल निर्माणकाे लागि युवाहरु आन्दाेलित भएका छन् ।

 

पर्सेली युवाहरुले पुल निर्माणकाे लागि तिलावे पुलस्थल मै पुगेर शनिबार विहान विराेध प्रदर्शन गर्नुकाे साथै हस्ताक्षर अभियान संचालन गरेका छन् ।

 

 तिलावे पुल निर्माण दबाब समुहकाे आयाेजनामा भएकाे प्रदर्शनमा सहभागिहरुले पैसा पर अगर बिकोगे,अइसा हि पुल देखोगो, नोटपर देब भोट तिलावे पर खइब चोट, दारु मासु खावोगे,अइसा बिकास पावोगे, भ्रष्ट ठेकेदार मुर्दावाद, पप्पु लुम्बिनी जेभी मुर्दावाद, पर्साबासी जिन्दावाद, युवा शक्ति जिन्दावाद लगायतकाे नारा लगाएका थिए ।

 

 

पप्पु लुम्बिनी जेभिले जालझेल गरेर पुल निर्माण कार्यलाई अलपत्र पारी भग्न खोजेको उनले आराेप समेत लगाए ।

विराेध प्रदर्शन कार्यक्रमा विभिन्न पार्टी संग आबद्ध युवाहरूको उपस्तिथि रहेको थियो । युवाहरूले एक स्वरमा तिलावे पुल निर्माणको लागि हामी कुनै पार्टी हेर्दैनौ र हाम्रो पर्सा जिल्लाको बिकासमा अवरोध गर्ने यो पुल जसारी पनि निर्माण हुनु पर्ने वताए ।

 

 भनी हाम्रो निशक्र्श हो हाम्रो एउटै चाहाना चाहे कसैले निर्माण गरोस पुल निर्माण हुनु पर्छ देशको अनेकौ योजनाहरु अलपत्र अवस्था छोडने पप्पु कन्स्ट्रक्सनले अहिले आएर अरुको काधमा जिम्मेवारी थोप्ने काम गर्दैछ।

 

सुरुमा पुल निर्माण गर्ने जिम्मा पप्पु कन्स्ट्रक्सनले लिएकाे थियाे । पप्पु कन्सट्रक्सनका पुर्व संचालक पर्सा क्षेत्र नं. ३ बाट निर्वाचित निलम्वित सांसद हरिनारायण रौनियार हुन् ।

 

पप्पुले ३ बर्षमा पुल निर्माण गर्न नसकेपछि लुम्बनी जेभीलाई पुल निर्माण जिम्मा दिएकाे थियाे । ६ बर्षमा ठेक्दारकाे लापरवाहीले पुल निर्माण हुन नसक्दा पर्साबासीहरुलाई सास्ती भाेग्नु परेकाे छ । हाल जिर्ण अवस्थामा रहेकाे पुलमा दिनहु घण्टाे सम्म जाम लाग्ने गरेकाे छ । जामकाे समयमा बिरामी बाेकेकाे एम्बुलेन्स आवत जावत गर्न नसक्दा केहीले जान पनि गुमाउनु परेकाे छ । 

 

शनिबार भएकाे विराेध प्रदर्शनमा जसपाका प्रदेश कमिटी सदस्य सलाउदी अहमद, पाेखरिया युवा समाजका भगवान दास तात्वा, सुजित गिरी, दिनेश मिश्रा लगायतकाे सहभागिता रहेकाे थियाे ।