वीरगंज । भन्सार एजेन्ट महासंघ नेपालको काेषाध्यक्षमा निर्वाचित नेपाली कांग्रेसका युवा नेता मनाेज राउत कुर्मीलाई सम्मान गरिएकाे छ ।
महासंघकाे १० औं वार्षिक साधारण सभा तथा चौथो महाअधिवेशनबाट निर्विराेध कोषाध्यक्षमा निर्वाचित कुर्मीलाई नेपाली कांग्रेसका निकटका विभिन्न भातृ संगठनका नेताहरुले खादा ओढाई र अविरकाे टिका लगाई सम्मान गरेका हुन् ।
साे अवसरमा नेताहरुले उनका साथै महासंघकाे सम्पूर्ण कार्यसमितिलाई बधाई तथा शुभकामना समेत दिएकाे युथ काङ्ग्रेस नेपाल प्रदेश नं.२ का सदस्य राहुल कुमार गुप्ताले जानकारी दिए ।
सम्मान कार्यक्रममा वि. पी कोइराला युवा नेतृत्व बिकाश मञ्च प्रदेश नं.२ का प्रदेश सम्पर्क बिभाग मनोहर कुमार साह, नेपाली काङ्ग्रेसका युवा नेता धिरज गुप्ता, बाबुनन्द पटेल, युथ काङ्ग्रेस नेपाल प्रदेश न.२ का सदस्य राहुल कुमार गुप्ता लगायतकाे सहभागिता रहेको थियो ।