वीरगंज । समाज परिवर्तन नेपाल नामक गैर सरकारी संस्थाले थुनुवामा रहेकाहरुलाई कम्बल बितरण गरेको छ । संस्थाले एक कार्यक्रमका बिच मंगलबार वडा प्रहरी कार्यालय बिर्ताकाे थुनुवामा रहेका १२ जनालाई कम्बल बितरण गरेकाे हाे ।
वडा प्रहरी कार्यालय बिर्ताका प्रहरी निरीक्षक निर्मल पनेरू र संस्थाका अध्यक्ष अकलेश साहले थुनुवामा रहेकाहरुलाई कम्बल वितरण गरेका थिए । वडा प्रहरी कार्यालयकाे थुनवामा रहेकाहरुलाई ओढ्ने न्यानाे कपडा नहुदा चिसोमा नै बस्नु पर्ने बाध्यता रहेकोले त्यसबाट बच्न कम्बल बितरण गरिएको संस्थाका अध्यक्ष अकलेश साहले वताए ।
संस्थाले यस अघि पनि वीरगंजकाे विभिन्न ठाउँका दलित, मुसहर बस्तीहरुमा कम्बल वितरण गरेकाे थियाे । वीरगंजकाे ड्राईपोर्ट, राधेमाई मन्दिर, पावरहाउस चाेक, प्रतिमा चौक, नयाँ बसपार्क, भिसुवामा रहेका दलित, गरिब, बिपन्न र असाहयहरुलाई कम्बल बितरण गरिएकाे अध्यक्ष साहले जानकारी गराए ।
कम्बल बितरण कार्यक्रममा वडा प्रहरी कार्यालयका प्रहरी नायब निरीक्षक प्रेम बहादुर खत्री, प्रहरी सहायक निरीक्षक शिव शंकर शर्मा, प्रहरी हवल्दार सुरेन्द्र सिंह लगायतकाको उपस्थिति रहेको थियो ।