पाेखरिया । पर्साको पोखरीया नगरपालिकाले आज पुन: दाउरा बितरण गरेको छ । बढदो चिसाे र शितलहरलाई मध्य नजर गर्दै आगाे बाल्नकाे लागि नगरपालिकाले दाउरा विरण गरेकाे हाे ।
पोखरीया नगरपालिकाको गाडीबाट पोखरीया बजार क्षेत्र र १ देखी १० नम्बर वडामा दाउरा बाडिएको नगरपालिका कार्यालयले जनाएकाे छ । नगरपालिकाकाे चाेक चाेकमा सर्वसाधारणलाई जाडोबाट बाँचन आगाे बालेर ताप्नकाे लागि दाउरा बितरण गरीएकाे नगरपालिकाकी उपप्रमुख सलमा खातुनले बताइन ।
३ वटा ट्रकमा आएको दाउरा पहिला बजार क्षेत्र भित्र बाडिदै प्रत्येक वडामा बाडिएको समाजिक शाखाका प्रमुख बिनोद पाण्डेले बताए । यस भन्दा पहिला पनि पोखरीया नगरपालिकाले पोखरीया बजार क्षेत्रका सबै चाेकहरुमा दाउरा बितरण गरेको थियो ।
प्रतिक्रिया लेख्नुहोस