वीरगंज, ३ मंसिर ।
आन्तरिक राजस्व कार्यालय, वीरगंजले आज आयोजना गरेको रक्तदान कार्यक्रममा १ महिला सहित ३० जनाले रक्तदान गरेका छन । सातौं राष्ट्रिय कर सप्ताह २०७५ को कार्यक्रम अन्तर्गत आयोजना गरिएको रक्तदान कार्यक्रममा ३० जनाले रक्तदान गरेको नेपाल रेडक्रस सोसाइटी, पर्सा शाखाका राजन श्रीवास्तवले वताउनु भयो ।
आन्तरिक राजस्व कार्यालय वीरगंजका प्रमुख गोपी कृष्ण कोइरालाको अध्यक्षमा भएको रक्तदान कार्यक्रममा कर्मचारी संगठन पर्साका अध्यक्ष समेत रहेका जिराभवानी गाउँपालीका प्रमुख प्रशासकिय अधिकृत अमित कुमार गिरी, अशोक कुमार साह, नेत्र प्रसाद घिमिरे, अनिल कुमार राउत, प्रमोद प्रसाद साह, कृष्ण प्रसाद केशरी, राम विदेश यादव, निशा सराफ, तारा प्रकाश यादव, लक्ष्मण प्रसाद दहाल, मुकेश कुमार चौरसिया, संतोष राउत, उदय के.सी., सुजित कुमार साह लगायतकाले रक्तदान गरेका छन ।
आन्तरिक राजश्व कार्यालय वीरगंजमा भएको रक्तदान कार्यक्रममा रक्त संचार केन्द्र वीरगंजका प्रमुख सौरभ राज पाण्डे नेतृत्वको प्राविधिकहरुको टोलीले प्राविधिक सहयोग गरेका थिए ।