पुल मर्मतको लागि पहल गर्ने र सिर्सिया नदी सरसफाईको लागि बाताबरण बनाउन प्रजिअलाई सांसद यादवको निर्देशन
वीरगंज, ८ कात्तिक ।
पर्सा निर्वाचन क्षेत्र नं. १ का सांसद प्रदिप यादवले गन्डक नहरको बाटेमा पर्ने जगरनाथपुर पुलको अवस्थाको बारेमा स्थलगत अवलोकन गरेका छन । पुलको अवस्था निरिक्षण तथा अवलोकन गर्दा पुलको अवस्था एकदमै नाजुक र जिर्ण रहेको सांसद यादवले वताए ।
कुनै बेला पनि ठुलो दुर्घटना हुन सकने अवस्था पुलको रहेकोले सम्बन्धित निकायको ध्यान आकर्षण गराइ चाडै मर्मत गर्न पहल गर्ने यादवले वताए । सांसद यादव संगै पुलको अवस्था हेर्न प्रदेश सभा सदस्य जनत अंसारी, वडा अध्यक्ष गयासुदिन मियाँ लगायतका समेत पुगेका थिए ।
यस्तै सांसद यादवले सिर्सिया नदिको छेउमा रहेको जगरनाथपुर गाउँको छठघाट समेत अवलोकन गरेका छन । सिर्सिया नदिको फोहर र दुर्गन्धित पानीको अवस्था हेर्दा छठ पुजा कसरी हुने मलाई चिन्ता भएको सांसद यादवले वताए ।
स्थानियको गुनासो अनुसरार स्थलगत अवलोकन गर्न पुगेका सांस्द यादवले सिर्सिया नदिको अवस्था सुधारको लागि उधोग संचालकहरुलाई तत्कालै बोलाई फोहर पानी रोक्न र प्रदुषण नियन्त्रणको लागि पर्साको प्रमुख जिल्ला अधिकारी लोकनाथ पौडेललाई निर्देशन समेत दिएको जानकारी गराए ।
स्थानिय प्रशासनले यसमा गर्ने भुमिकामा र हिन्दुहरुको महान पर्व छठ सिर्सिया नदिका वरपरका दर्जन भन्दा बढी गाउँका समस्या समाधान गर्नमा सम्बन्धित सबैले सहयोग गर्न सांसद यादवले आग्रह समेत गरे ।