Date
आइत, मंसिर ६, २०८३
Sun, November 22, 2026
Home Blog Page 996

छिपहरमाईमा राहत वितरणकाे क्रममा झडप, एक प्रहरी सहित २ घाइते

0

वीरगंज । पर्साकाे छिपहरमाई गाउँपालिका वडा नं. ३ झलमहियामा आज राहत वितरण गर्ने क्रममा झडप भएकाे छ । दुई पक्ष बिच भएकाे झडपमा परी एक गाउँपालिका प्रहरी सहित दुई जना घाइते भएकाे प्रहरीले जनाएकाे छ ।

झडपमा परी गाउँपालिका प्रहरी बिनाेद साह कानु र स्थानिय चन्द्रिका साह कानु घाइते भएकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे । घाइते मध्ये चन्द्रिकाकाे टाउकाे फुटेकाे र गाउँपालिका प्रहरी बिनाेदकाे घाँटीमा समान्य चाेट लागेकाे प्रहरी निरिक्षक सिंहले जानकारी गराउनु भयाे ।

घाइते गाउँपालिका प्रहरीकाे छिपहरमाई गाउँपालिकाकाे वडा नं. ५ भिस्वामा र चन्द्रिकाकाे स्थानिय स्वास्थ्य किल्निकमा उपचार पछि आ आफ्नाे घर फर्किसकेकाे हाम्रा सम्वाददाताले जनाएका छन् ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रकाे लागि भएकाे लकडाउनमा प्रभावित अति गरिब परिवारलाई राहत वितरण गर्ने क्रममा झडप भएकाे प्रहरीले जनाएकाे छ । झडपकाे क्रममा ढुंगामुडा हानाहान समेत भएकाे हाम्रा सम्वाददाताले जनाएका छन् ।

स्थानियहरुका अनुसार वडा नं. ३ झलमहियमा राहत वितरण गर्न सर्बदलिय समितिले २ सय २५ जनाकाे नामावली तयार गरेकाे थियाे । तर वितरण गर्ने क्रममा एक सय २५ जनाकाे नमावली मात्र लिएर गाउँपालिकाकाे टाेली राहत वितरण गर्न पुगे पछि अति गरिब र विपन्न परिवारले बिराेध गर्दा गाउँपालिका अध्यक्ष मनाेज कुमार गुप्ता पक्षधर संग विवाद हुदा झडप भएकाे हाे ।

राहत पाउनेहरुकाे नमावलीमा नाम छुटेका अति गरिब परिवारले गाउँपालिका अध्यक्ष गुप्तालाई बाेलाउन राहत वितरण टाेलीसंग भनेका थिए । गाउँपालिका अध्यक्ष गुप्ता आए मात्र राहत वितरण गर्ने स्थानियहरुले अडान लिए पछि झडप भएकाे वताइएकाे छ ।

राहत पाउनेहरु संग हिजाे (बिहिबार) राती नै भर्पाई गराइएका कारण पनि विवाद हुदा झडप हुन पुगेकाे स्थानियहरुकाे भनाई छ ।

सशस्त्र प्रहरी बेस क्याम्प बन्जारीका प्रहरी निरिक्षक हरि पराजुलीकाे उपस्थितीमा झडप भएकाे स्थानियहरुले वताए । झडप भए पछि सशस्त्र प्रहरीले लाठी चार्ज गर्दा र इलका प्रहरी कार्यालय पाेखरियाका प्रहरी निरिक्षक सिंह नेतृत्वकाे प्रहरी टाेली पुगे पछि झडप नियन्त्रणमा आएकाे थियाे ।

यस भन्दा पहिला पनि छिपहरमाई गाउँपालिकाकाे वडा नं. ४ बन्जारीमा बुधबार राहत वितरण गर्ने क्रममा स्थानियहरुले प्रदर्शन समेत गरेका थिए । गाउँपालिकाकाे राहतबाट बन्चित भएका अति गरिब परिवारका सदस्यहरु गाउँपालिका र गाउँपालिका अध्यक्ष मनाेज कुमार गुप्ता विरुद्ध प्रदर्शन गरेकाे हाम्रा सम्वाददाताले वताएका छन् ।

यस्तै छिपहरमाई गाउँपालिकाकाे वडा नं. ५ भिस्वामा पनि राहत वितरण कै बिषयमा विवाद भएकाे थियाे ।

फेटामा सरकारी मापदण्ड अनुसार राहत वितरण सुरु

0

वीरगंज । बाराकाे फेटा गाउँपालिकामा राहत वितरण सुरु भएकाे छ । लकडाउनमा प्रभावित गाउँपालिका अन्तर्गतका अति गरिब  तथा विपन्न परिवारकाे लागि बिहिबार देखी राहत वितरण सुरु भएकाे प्रमुख प्रशासकिय अधिकृत प्राण मेहताले वताउनु भयाे ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा समस्या भएका गाउँपालिका अन्तर्गतकाे सबै वडाका करिब ३ हजार गरिब परिवारलाई सरकारी मापदण्ड अनुसार राहत वितरण गरिने प्रशासकिय अधिकृत मेहताले जानकारी गराउनु भयाे ।

हिजाे (बिहिबार) फेटा गाउँपालिकाकाे वडा नं ७ गम्हरिया टोलबाट राहत वितरण सुरु भएकाे गाउँपालिका अध्यक्ष अमिरीलाल प्रसादले वताउनु भयाे । लामाे लकडाउनले गर्दा समस्या भएका गरिब, असहाय, विपन्न परिवारहरुकाे लागि राहत सवरुप खाद्यान्न सामग्री वितरण सुरु गरिएकाे उंहाले जानकारी गराउनु भयाे ।

उहांका अनुसार प्रति परिवार २५ किलो चामल,१ किलो दाल,३ किलो आलु, १ लिटर तेल, १ पकेट नुन गाउँपालिकाबाट वितरण भइरहेकाे छ । गम्हरियाका ३ सय ५० घरदुरीलाई राहत वितरण भएकाे गाउँपालिका कार्यालयले जनाएकाे छ ।

गम्हरियामा गाउँपालिका अध्यक्ष अध्यक्ष अमिरीलाल प्रसाद, उपाध्यक्ष कमरूल खातुन, वडाध्यक्ष महम्मद हुसेन लगायतकाे उपस्थितीमा राहत वितरण भएकाे थियाे ।

यस्तै आज (शुक्रबार) वडा नं. १ काे रजबरियामा, वडा नं. ५ काे जाेतपुरमा वडा नं. ७ काे कुकुर भाेकामा राहत वितरण भइरहेकाे छ भने अन्य वडाहरुमा समेत राहत वितरण यथासीघ्र प्रारम्भ हुने वडा कार्यालयहरुले जानकारी गराएका छन् ।

हावाहुरी प्रभावितलाई रेडक्र्सको राहत

0

वीरगंज । देशभरी नै लकडाउन भएको बखत पर्सागढी वार्ड नं. ४ मा बसोबास गर्दै आएका धुरी राउतको घर हिजो आएको हावाहुरीबाट पुर्ण रुपले क्षति भएकोमा आज रेडक्र्स पर्साको निकाय बिरुवागुठी उपशाखाका र रेडक्र्स पर्साका सभापति बिरेन्द्र राज कंडेलको समन्वयमा तत्काल राहत उपलब्ध गराइएको छ ।

लकडाउनको बखत मुलुक भरि नै जनजिवन प्रभावित भएको बेला रेडक्र्स आफ्ना निकायहरु सङ्ग समन्वय गरि एम्बुलेन्स सेवा, आकस्मिक रक्तदान, जनचेतना, बिपदबाट पिडित परिवारलाइ राहत, जस्ता कार्यहरुमा तिब्रता दिएकाे रेडक्रसका राजन श्रीवास्तवले वताए ।

हिजो (बुधबार) आएको हावाहुरीबाट प्रभावित धुरी राउतको घरमा रेडक्र्स पर्साका सभापति कंडेल र लेखापाल बिरसम्सेर प्रसाद कुर्मी तत्काल राहत बोकि घटना स्थल आज पुग्नु भएको थियो भने बिरुवागुठिको सभापति महम्मद जिकरुल्लाहद्वारा पिडितलाइ तत्काल राहत हस्तान्तरण गरिएकाे श्रीवास्तवले जानकारी गराए ।

रहबरले घाेषणा गरे अनुसार नि:शुल्क हस्पिटल दिन हाले प्रस्तावना

0

वीरगंज । वीरगंज महानगरपालिकाले निजि अस्पतालहरुकाे लागि आवहान गरेकाे ३ दिने प्रस्तावनाकाे समय आज समाप्त भएकाे छ ।

महानगरपालिकामा नेकपा वीरगंज महानगर अध्यक्ष रहबर अन्सारीले घाेषणा गरे अनुसार नि:शुल्क रुपमा उनकाे गण्डक हस्पिटलले प्रस्तावना पेस गरेकाे छ । महानगरले प्रस्तावना मांग गरेकाे अन्तिम दिन सम्म एक मात्र गण्डक हस्पिटले प्रस्तावना पेस गरेकाे महानगरपालिकाका निमित प्रमुख प्रशासकिय अधिकृत अरुण कुमार महताेले वताए ।

उनले भने “प्रस्तावना पेश गर्नु पर्ने अन्तिम दिन आज सांझ ५ बजे सम्म श्री गण्डक हस्पिटल प्रालि वीरगंजले मात्र प्रस्तावना पेश गरेकाे छ । उसले पेस गरेकाे प्रस्तावनामा काेराेना भाइरस (काेभिड १९) संक्रमित बिरामीकाे लागि अस्थाई रुपमा उपलब्ध गराइने वीरगंज १४ स्थित रहेकाे भवन, अस्पताल भवनमा रहेकाे सम्पूर्ण उपकरणहरु महानगरलाई उपलब्ध गराए वापत कुनै किसिमकाे भाडा नलिकन व्यवस्थापन तथा संचालनका लागि महानगरपालिकालाई हस्तान्तरण गर्न तयार रहेकाे उल्लेख गरिएकाे छ।”

यस बिषयमा भाेली शुक्रबार बस्ने बाेर्ड बैठकले निर्णय गर्ने समेत प्रशासकिय अधिकृत महताेले जानकारी गराए ।

अस्पतालका प्रमुख कार्यकारी अधिकृत मुजतुबा अंसारीले हस्पिटलकाे तर्फबाट हस्ताक्षर गरेकाे प्रस्तावना महानगरपालिकामा पेश भएकाे छ ।

यस अघि अध्यक्ष अन्सारी बैशाख १ गते काेराेना अस्पताल प्रयाेजनकाे लागि आफु स्थानिय सरकारलाई आफ्नाे मातहतमा रहेकाे गण्डक हस्पिटल दिन तयार रहेकाे घाेषणा गरेका थिए । त्यसकाे भाेली पल्ट बैशाख २ गते वीरगंज महानगरले एक सुचना जारी गर्दै काेराेना संक्रमितकाे उपचार्थ प्रयाेजनाकाे लागि इच्छुक निजि अस्पतालहरु संग प्रस्तावना मांग गरेकाे थियाे ।

मेयर सरावगीका प्रेस संयाेजक तिवारीकाे राजिनामा स्वीकृत

0

बीरगन्ज । बीरगन्ज महानगरपालिकाका मेयर विजय कुमार सरावगीको निजी प्रेस संयोजक अनिल कुमार तिवारीले राजीनामा दिएका छन् । तिवारीले आज आफ्नाे भाई मार्फत महानगर कार्यापालिकाकाे कार्यालयमा राजिनामा पठाएका हुन् ।

बीरगन्ज महानगरपालिका मेयर विजय कुमार सरावगीले पनि तिवारीले राजीनामा दिएकाे वताए । मेयर सरावगीले भने “तिवारी जीले घरायसी कार्य व्यस्तता देखाएर राजनिमा दिनु भएकाे छ, राजिनामा स्विकृत प्रक्रियामा रहेकाे छ।”

हामीलाई कुनै उहाँकाे राजिनामाबाट कुनै किसिमकाे आपती छैन्, उंहाले तिन बर्ष सम्म महानगरपालिकालाई सहयाेग गर्नु भएकाेमा धन्यावद छ । मेयर सरावगीले भने ।

यता कार्यालय स्राेतका अनुसार तिवारीकाे राजिनामा स्वीकृत भइसकेकाे र मात्र बुझबुझारथ गर्न वाकी रहेकाे छ । तिवारी हाल हाेम क्वारेन्टाइनमा रहेकाले क्वारेन्टाइनबाट निस्के लगतै तिवारीले बुझबुझारथ गर्नु पर्ने हुन्छ ।

स्राेतका अनुसार संयाेजक तिवारी कार्यालयमा दैनिक उपस्थित नहुने, समयमा काम नगर्ने, मेयरले दिएकाे जिम्मेवारी पुरा नगर्ने बिषयलाई लिएर मेयर सरावगीले केही दिन अगाडी तिवारी संगै स्पष्टिकरण साेध्नु भएकाे थियाे । साे स्पष्टिकरणकाे जवाफ दिनुकाे सट्टा उल्टै तिवारीले मेयर सरावगीलाई आफुले काम नगर्न धम्की दिए पछि ठिक छ काम गर्नु छैन भने राजनिमा दिदा हुन्छ मेयर सरावगीले भने पछि आज तिवारीले राजिनामा दिनु भएकाे हाे ।

छपकैयामा र्‍यापिड टेस्ट सुरु, ४ सय जनाकाे नतिजा नगेटिभ

0

बीरगन्ज । बीरगन्जको छपकैयामा ४ सय जनाको र्‍यापिड टेस्ट गरिएकोमा सबैको नतिजा नेगेटिभ आएको छ ।

सिल गरिएकाे वीरगंजकाे छपकैयामा आजबाट सुरु भएकाे र्‍यापिड टेस्ट ४ सय जनाकाे हाल सम्म भएकाे र सबैकाे नतिजा नगेटिभ आएकाे वीरगंज महानगरपालिका निमित प्रमुख प्रशासकिय अधिकृत अरुण कुमार महताेले वताउनु भयाे ।

र्‍यापिड टेस्टकाे लागि किट संघ सरकारले उपलब्ध गराएकाे र वीरगंज महानगरपालिकाले आजबाट र्‍यापिड टेस्ट सुरु गरेकाे महताेले जानकारी गराउनु भयाे ।

छपकैयास्थित मस्जिदमा रहेका तीन भारतीयमा कोरोनको संक्रमण देखिएको थियो ।

युवा नेता सरार्फद्वारा राहत वितरण

0

वीरगंज । लकडाउनमा प्रभावित वीरगंज महानगरपालिकाकाे वडा नं. १५ र १६ का अति गरिब परिवारलाई युवा नेता ओमप्रकाश सरार्फले आज राहत वितरण गरेका छन् ।

बिश्वब्यापी महामारीकाे रुपमा फैलिएको कोरोना भाइरस (कोभिड १९) संक्रमण राेकथाम तथा नियन्त्रणकाे लागि भएकाे लकडाउनमा प्रभावति राहतबाट बन्चित ५० अति गरिबर र विपन्न परिवारलाई राहत स्वरुप खाद्यान्न सामग्री वितरण गरिएकाे राजपाका वीरगंज महानगर अध्यक्ष समेत रहेका नेता सरार्फले वताए ।

राहतमा चमल, दाल, नुन, तेल, सबुन,आलु लगायतका सामग्री एक सप्ताह पुगनेगरी वितरण गरिएको उनले जानकारी गराए ।भोरनामक समाजिक संस्थाद्वारा राहत सामग्री उपलब्ध गराइएको थियो भने केही राहत सामाग्री भिजिट मधेशका राष्ट्रिय संयाेजक समेत रहेका सरार्फले आफै व्यवस्थापन गरी वितरण गरेका हुन् ।

स्थानिय सरकारले राहत वितरणमा अनियमित्ता गर्नथाले पछि बिपन्न/अति बिपन्न वर्ग सम्म राहात उपलब्ध नभएपछी आफैबाट सुरुवात गरिएको सरार्फले बताए । अहिले सम्म ५ हजार माक्स ,साबुन वितरण गरिसकेका सरार्फले बिपदको घडिमा राजनितिक स्वार्थ भन्दा माथी उठेर सामुहिक प्रयास गर्न सके यो संकटबाट समाज र देशलाई बचाउन सकिने बताए ।

सिल गरिएकाे छपकैयामा राहत लिएर मेयर सरावगी आफै पुगे

0

बीरगन्ज । बीरगन्ज महानगरपालिका मेयर विजय कुमार सरावगी आज राहत लिएर आफै छपकैया पुगेका छन् । सिल गरिएकाे वीरगंज महानगरपालिकाकाे वडा नं. २ छपकैयामा राहत स्वरुप खाद्यान्न सामग्री लिएर मेयर सरावगी आफै पुगेका हुन् ।

सिल भएका कारण घरमै थुनिएपछि खाद्य सामाग्रीको अभावमा भोकभाकै बस्नु परेको गुनासो बाहिर आएपछि मेयर सरावगीले तदारुकता देखाएका हुन् ।

१५ सय परिवारलाई पुग्ने गरी खाद्यान्न सामग्री मेयर साहेब आफै लिएर छपकैया पुग्नु भएकाे उनका राजनितिक सल्लाहकार मुकेश द्विवेदीले वताए । ती सामाग्री विपन्न वर्गलाई बाँड्नको लागि वडालाई जिम्मा लगाइएको द्विवेदीले जानकारी गराए ।

सिल गरिएको छपकैया क्षेत्रका विशेष गरी गरिब, निमुखा तथा श्रमजीवि परिवारलाई लागि सो खाद्य सामाग्रीको व्यवसथा गरिएको उनले बताए । प्रति परिवार १५ किलाे चामल, डेढ किलाे दाल, एक प्याकेट नुन र तेल राहत बाँडिने छ ।

अहिलेलाई १५०० परिवारलाई पुग्ने गरी खाद्य सामाग्री वडालाई दिएकाे मेयर सरावगीले वताए । उनले भने “आवश्यक परे अझै उपलब्ध गराउछौं । सबै व्यवस्था महानगरले गर्छ, भोकभाकै कोही बस्नु पर्दैन ।”

महानगरले राहत बाँड्नका लागि सबै सामाग्री कार्यवाहक वडा अध्यक्ष वकिय मियाँ अन्सारीलाई जिम्मा लगाएको छ । यता सो क्षेत्रमा कोभिड १९ को र्‍यापिट टेस्ट पनि शुरु गरिएको मेयर सरावगीले जानकारी गराए ।

पाेखरिया नगरपालिकामा राहत वितरण सुरु

0

वीरगंज । पोखरिया नगरपालिकामा राहत वितरण सुरु भएकाे छ । नगरपालिकाकाे वडा नं. ३ बसन्तपुरमा आज राहत वितरण भएकाे मेयरका स्वकिय सचिव राजु राैनियारले वताउनु भयाे ।

लकडाउनमा प्रभावित वडा अन्तर्गतका १ सय ६० अति गरिब परिवारलाई राहत वितरण गरिएकाे स्वकिय सचिव राैनियारले जानकारी राउनु भयाे ।

राैनियारका अनुसार प्रति परिवार चालम २५ किलाे, दाल २ किलाे, तेल १ किलाे, नुन २ किलाे, आलु ५ किलाे, प्याज २ किलाे, साेयाबीन ५०० ग्राम, लुगाधुने साबुन २ पिस र नुहाउने साबुन २ पिसका दरले वितरण गरिएकाे हाे ।

नगर प्रमुख दिपनारायण राैनियार, उप प्रमुख सलमा खातुन, संविधान सभा सदस्य रामेश्वर रौनियार, वडाध्यक्ष अजय कलवार, सामाजसेवी शंकर यादव, समाजिक शाखा प्रमुख बिनोद पाण्डे, वार्ड सदस्य, नेपाल प्रहरी प्रतिनिधि, शस्त्र प्रहरीका प्रतिनिधि,  लगायतकाे उपस्थितीमा राहत वितरण गरिएकाे नगरपालिका कार्यालयले जनाएकाे छ ।

यस्तै नगरपालिकाकाे सबै वडामा राहत वितरण गरिने प्रमुख प्रशासकिय अधिकृत अमित कुमार गिरीले वताउनु भयाे ।

काेराेनाबाट बाचेकाहरू भाेकले नमरून

0

सरकारले लागू गरेका नियमको पालना नागरिकले गर्नुपर्छ । लकडाउन गरिएको वा सिल्ड गरिएको ठाउँमा पनि पूर्ण पालना हुनुपर्दछ । यो निर्विकल्प उपाय हो । यसमा दुई मत छैन । यति भन्दै गर्दा सिल्ड गरिएको कारण भोकै परेका नागरिकलाई बचाउने कर्तव्य फेरि राज्यकै होईन र ?

तर यसतर्फ स्थानीय सरकार, प्रदेश सरकार नत संघीय सरकार नै गम्भीर छ । स्थानीय प्रशासनले संभावित संक्रमित ठाउँ त सिल्ड गर्याे । त्यति गरेपछि प्रशासनको काम सकियो त ? न त यहाँ ¥यापिड टेस्ट नै गरेको छ, न त कुनै त्यसको तैयारी नै ।
काठमाडौको पेप्सीकोलामा रहेको सनसिटि अपार्टमेन्टमा कोरोना संक्रमित भेटिएसँगै सिल गरेर तत्काल ¥यापिड टेस्ट गरेर सिल खोल्ने काम भएको छ ।

लगातार तीन दिनदेखिको सिलका कारण अहिले छपकैयाका अति विपन्न वर्गहरू, मजदुर, निकै कमजोर आयश्रोत भएका व्यक्ति भोक भोकै मर्नु पर्ने स्थिति देखिँदैछ । भोकले मर्नबाट जोगिन नै नागरिकले सिल्ड गरेको एरियाको अवज्ञा गर्न सक्ने अवस्था आउन सक्छ ।

राज्यले पनि आफ्नो कर्तव्य भुल्दैछ । नागरिकको मौलिक हक खोसिँदैछ । यसमा कोही कसैले पनि चुइक्क बोलेको देखिँदैन ।
भोलिका दिनमा सडकमा भीड पनि लाग्न सक्छ । पछि भीड अराजक बन्न सक्छ । खानाको खोजिमा भौतारिएकाको भीडलाई नियन्त्रण गर्न प्रहरीलाई हम्मेहम्मे पर्ला । आफू बसेकै ठाउँमा दुई छाक खान पाए नागरिकले पक्कै पनि यस्तो गर्दैन । तर अवस्था त्यस्तै आउँदै छ ।

नागरिकको लागि कारोनाभन्दा ठूलो चिन्ता भोक हुन लागेको छ । भोलि भोक मेटाउनकै लागि घरदैलोमा भीड जम्मा हुन थाल्यो भने लकडाउन र सिल्डको औचित्य के रहला ? भोकमरीको आक्रान्त अवस्थाले गलत बाटो निम्त्याउन सक्छ । त्यसैले कोरोनासँगै भोकमरीको बारेमा पनि गम्भीर भएर सरोकारवालाले सोच्नुपर्ने बेला आएको छ ।

लेखक : आबिद हुसेन (संचारकर्मी) सगरमाथा टेलिभिजनका पर्सा समवाददाता हुन् ।