Date
आइत, मंसिर ६, २०८३
Sun, November 22, 2026
Home Blog Page 995

जनकपुरमा रकम छर्ने एक महिलाकाे र्‍यापिड टेस्ट पोजेटिभ

0
kalikatimes

जनकपुरधाम । जनकपुरधाममा रकम छरेकी दुई महिलामध्ये एक जनाको र्‍यापिड (आरडीटी) विधिबाट गरिएको परीक्षणमा कोरोना एन्टीबडी पोजेटिभ देखिएको छ ।

शुक्रबार जनकपुरधाम उपमहानगरपालिका ६ स्थित महाबीर चोकमा १० रुपैयाँको झण्डै १५ वटा नोट छरेर भागेकी महिलालाई शनिबार प्रहरीले जानकीनगरस्थित घरबाटै नियन्त्रणमा लिएको छ ।

पक्राउ पर्नेमा आमुना खातुन र अलिना खातुन छन् । यी दुवै जना नन्द र भाउजु हुन् ।

दुबैलाई नियन्त्रणमा लिएर प्रादेशिक अस्पताल जनकपुरधाम लगी स्वास्थ्य परीक्षण गराउँदा एक जनाको र्‍यापिड टेस्ट पोजेटिभ आएको धनुषाका प्रमुख जिल्ला अधिकारी कोषहरि निरौलाले जानकारी दिए ।

उनले र्‍यापिड टेस्ट पोजेटिभ देखिएपछि दुबैलाई अस्पतालको आइसोलेसन वार्डमा राखिएको बताए । ‘आइसोलेसन वार्डमा राखेर पीसीआर परीक्षणका निम्ति स्वाब संकलन गरिसकिएको छ’ निरौलाले भने ।

छिपहरमाईमा पुन: झडप, ३ घाइते र २ जना पक्राउ

0
kalikatimes

वीरगंज । पर्साको छिपहरमाई गाउँपालिकाको वडा नम्बर ४ बंजारीमा आज दुई पक्ष बिच झडप हुदा २ जना घाईते भएका छन ।

स्थानिय हरिनारायण साह र श्यामबाबु साह बिच गाडीमा तेल हाल्ने बिषयलाई लिएर झडप भएकाे हाे । झडपमा  हरिनारायण, निजका छोरा सुरेश साह र बद्री साह घाईते भएका छन् भने २ जनालाई प्रहरीले नियन्त्रणमा समेत लिएको छ ।

प्रहरीले झगडिया श्यामबाबु र निजका भाई घाइते बद्रीलाई नियन्त्रणमा लिएकाे छ ।

झडपमा घाइते भएका तिनै जनाकाे टाउकाे फुटेकाे छ भने स्थानिय स्वास्थ्य संस्थामा उपचार पछि घर फर्कि सकेकाे इलका प्रहरी कार्यालय पाेखरियाले जनाएकाे छ ।

वीरगंजकाे गण्डक हस्पिटललाई काेराेना अस्पताल बनाउन सम्झाैता

0

वीरगञ्ज । वीरगञ्जस्थित गण्डक अस्पताललाई कोरोना संक्रमितको उपचारका लागि विशेष अस्पताल बनाइने भएको छ । वीरगञ्ज महानगरपालिका र अस्पतालबीच कोभिड अस्पताल बनाउने विषयमा आज समझाैता भएको हो ।

नेकपा वीरगञ्ज महानगर कमिटी अध्यक्षसमेत रहेका सञ्चालक रहबर अन्सारीले विषम परिस्थितिलाई मध्यनजर गरेर महानगरपालिकालाई कोभिड अस्पताल सञ्चालन गर्न दिने घोषणा गरेका थिए ।

अस्पताल र महानगरपालिकाबीच भएको १३ बुँदे सम्झौता पत्रमा निशुल्क रुपमा अस्पताल भवन, शय्या तथा भवनमा जडित प्रयोग भइरहेको सम्पूर्ण उपकरणहरु उपलब्ध गराउने, अस्पतालको व्यवस्थापन, उपकरणको मर्मत सम्भार खर्च, जेनेरेटर, विद्युत महसुल, खाना खर्च लगायत अन्य सञ्चालन खर्च महानगरपालिकाले बेहोर्ने उल्लेख छ ।

महानगरपालिकाले २४ घण्टाभित्र कोभिड अस्पतालमा परिणत गर्नुपर्ने र त्यहाँ रहेको विरामीहरुको व्यवस्थापन महानगरपालिकाले गर्ने, चिकित्सक तथा अन्य जनशक्तिको व्यवस्थापनका लागि गठन गरिने प्राविधिक समितिका संयोजक नारायणी अस्पतालका मेडिकल सुपरिटेन्डेन्टको निर्देशन अनुसार हुने सम्झौतामा उल्लेख छ ।

त्यसैगरी तीन महिनाका लागि गरिएको सम्झौता आवश्यक परेको अवस्थामा आपसी सहमतिमा थप गर्न सकिने, दुवै पक्षले मिलेर फोहोरको व्यवस्थापन गर्ने, कोभिड–१९ अस्पतालमा खटिने जनशक्तिको क्वारेन्टाइन, खाना तथा यातायातको व्यवस्थाका साथै तलब, भत्ता, इन्स्योरेन्स तथा क्षतिपूर्ति नेपाल सरकारको नियमानुसार महानगरपालिकाले व्यवस्थापन सहजीकरण गर्ने सहमति पनि भएको हाे।

विरामीहरुको उपचारमा लाग्ने औषधी, आवश्यक जाँच (ल्याब, एक्सरे, युसिजी, ईसिजी) लगायतका सम्पूर्ण मेडिकल किट र व्यक्तिगत सुरक्षा उपकरण (पीपीई) र आवश्यक थप औजार उपकरणहरुको व्यवस्थापन महानगरले नै गर्ने गरी सम्झौता भएको छ ।

महानगरपालिकाले वीरगञ्जका निजी अस्पतालसँग प्रस्तावना मागेको भए पनि अन्य कुनै अस्पतालले प्रस्ताव नै पेश गरेनन् । गण्डक अस्पतालमा १० बेडको आईसीयू र ३ वटा भेन्टिलेटर छ ।

प्रस्तावित गण्डक अस्पताललाई कोभिड अस्पताल बनाउनका लागि स्वास्थ्य मन्त्रालयको टोलीले शनिबार नै अनुगमनसमेत गरेको महानगरपालिकाका प्रेस सल्लाहकार गाेबिन्द देवाकाेटाले जानकारी दिए ।

नेता रुगंटाद्वारा नारायणी अस्पतालमा स्वाब संकलन गर्न स्क्रिनिंग बुथ जडान

0

वीरगन्ज । नेपाली काँग्रेसका नेता एवं उद्यमी अनिल कुमार रुगंटाको सहयोगमा वीरगन्जको नारायणी अस्पतालमा पहिलो पल्ट (कोभिड-१९) को भाइरस परिक्षणका लागि स्वाब संकलन गर्नको लागि स्क्रिनिंग बुथ जडान गरिएको छ ।

चिकित्सकहरुको सुरक्षाको ध्यानमा राखेर नेता रुगंटाले कोरोना शंकास्पद व्यक्तिहरुको स्वाब संकलन गर्नमा सहजता होस् भने उदेश्यले अस्पतालमा स्क्रिनिंग बुथ जडान गरेका हुन् । नेता रुंगटा आफ्नै उपस्थितमा शनिबार अस्पतालको आकस्मिक कक्षको मुख्य गेटमा स्क्रिनिंग बुथ जडान गरी अस्पतालका मेडिकल सुपरिटेन्डेड डा.मदन प्रसाद उपाध्यायलाई हस्तान्तरण गरे ।

बुथ हस्तान्तरण कार्यक्रममा वीरगन्ज महानगरपालिका वडा नं.४ का वडा अध्यक्ष जगत साह कानु, सानो पाईलाका निर्देशक कंचन झा, नेवि संघ पर्साका निवर्तमान अध्यक्ष दिलिप राज कार्की लगाएको सहभागिता रहेको थियो ।

कार्यक्रममा पूर्व सांसद समेत रहेको नेता रुगंटाले (कोभिड-१९) को संक्रमण रोकथामका लागि सरकारले गरेको लकडाउन स्वागत योग्य रहेको बताउँदै शंकास्पदहरुको जाँचको दायरा फराकिलो नबनाउदा सम्म यसको कुनै अर्थ रहने भएकोले जाँचको दायरा फराकिलो बनाउन माग गरे ।

अस्पताललाई हस्तान्तरण गरिएको स्क्रिनिंग बुथ आवश्यक्ता अनुसार सार्न मिल्ने गरि फोल्डीङ्ग स्टिम बुथ बनाईएको छ ।

कोरोनाको आशंका भएका बिरामीले स्वास्थकर्मीमाथी नै अव्यवहारीक व्यवहार गर्न थालेपछि चिकित्कसहरुको सुरक्षाको लागि स्क्रिनिगं बुथ निर्माण गरिएको हो । स्वाब संकलन गर्दा चिकित्सक बुथ भित्र र बिरामी बाहिर रहने छन् । यसरी बुथबाट स्वाब संकलन गर्दा चिकित्सकलाई संक्रमणको जोखिम न्युन हुन्छ ।

बुथमा एर्जेस्ट फ्यान, एलईडि बल्ब, माईक, स्पिकर, चिकित्सकका लागि पञ्जा लगायतका सामाग्रीहरुको व्यवस्था मिलाईएको छ ।

पाेखरिया नपाकाे वडा नं. २, ४ र ८ मा राहत वितरण

0

वीरगंज । पोखरिया नगरपालीकाकाे वडा नम्बर २, ४ र ८ मा आज राहत बितरण गरिएको छ । वडा नम्बर २ मा १ सय ५०, वडा नं. ४ मा ३ सय ७ र वडा नं. ८ मा एक सय ७७ गरिब परवारलाई राहत वितरण गरिएकाे नगर प्रमुख दिपनारायण राैनियारले वताउनु भयाे ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा प्रभावित अति गरिब तथा विपन्न परिवारलाई राहत वितरण गरिएकाे प्रमुख राैनियारले जानकारी गराउनु भयाे ।

राहतमा चामल २५ किलो, तेल १ किलो, दाल २ किलो, नुन २ किलो, आलु ५ किलो, सोयाबिन ५०० ग्राम , नुहाउने र लुगा धुने साबुन २–२ पिस बितरण गरिएको निमित प्रमुख प्रशासकिय अधिकृत अमित कुमार गिरीले वताउनु भयाे।

वडा नं. ४ काे राहत वितरण नगर प्रमुख रौनियार, उप प्रमुख सलमा खातुन, पर्सा क्षेत्र नम्बर ३ का निलम्बित सांसद हरिनारायण प्रसाद रौनियार, पूर्व सांसद रामेश्वर राैनियार, वडाध्यक्ष लक्ष्मण साह  लगायतकाे उपस्थितीमा भएकाे थियाे भने वडा नं. २ र ८ काे राहत वितरण नगर प्रमुख राैनियार र उप प्रमुख खातुन, वडाध्यक्ष सुरेन्द्र प्रसाद यादव, किशाेरी साह तेलीकाे उपस्थितीमा भएकाे थियाे ।

बाकी रहेकाे वडाहरुमा भाेली (आइतबार) राहत वितरण गरिने नगरपालिका कार्यालयले जनाएकाे छ ।

बहुदरमाई नपाद्वारा करेन्ट लागेर मृत्यु भएका युवकका परिवारलाई सहयाेग

0

वीरगंज । पर्साकाे बहुदरमाई नगरपालिकाले करेन्ट लागेर मृत्यु भएका एक युवकका परिवारलाई आर्थिक सहयाेग गरेकाे छ ।

बैशाख ३ गते करेन्ट लागेर मृत्यु भएका वडा नं. ७ निवासी ३३ बर्षिय सनाेज कुशवाहाका परिवारलाई नगरपालिकाले आर्थिक सहयाेग गरेकाे लेखापाल हरि प्रसाद कुर्मीले वताउनु भयाे । ।

मृतकका ठूलाे दाई राजेश प्रसाद कुशवाहालाई उनकाे घर मै पुगी नगर प्रमुख नितेन्द्र साहले रु ५० हजार बराबरकाे चेक हस्तान्तरण गर्नु भएकाे कुर्मीले जानकारी गराउनु भयाे ।

.

पाेखरियाकाे वडा नं. ७ मा पनि राहत वितरण

0

वीरगंज । पोखरिया नगरपालीकाकाे वडा नम्बर ७ मा पनि आज राहत बितरण गरिएको छ । वडा नम्बर ७ रानिगंज रहरियाका १ सय ३३ अति गरिब परवारलाई राहत वितरण गरिएकाे नगर प्रमुख दिपनारायण राैनियारले वताउनु भयाे ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा प्रभावित अति गरिब तथा विपन्न परिवारलाई राहत वितरण गरिएकाे प्रमुख राैनियारले जानकारी गराउनु भयाे ।

राहतमा चामल २५ किलो, तेल १ किलो, दाल २ किलो, नुन २ किलो, आलु ५ किलो, सोयाबिन ५०० ग्राम , नुहाउने र लुगा धुने साबुन २–२ पिस बितरण गरिएको नगर प्रमुखका स्वकिय सचिव राजु राैनियारले वताउनु भयाे ।

नगर प्रमुख दिपनारायण रौनियार, उप प्रमुख सलमा खातुन, पर्सा क्षेत्र नम्बर ३ का निलम्बित सांसद हरिनारायण प्रसाद रौनियार, संविधान सभा सदस्य प्रधुमन प्रसाद चौहान, वडा नम्बर ७ का वडाध्यक्ष नन्दलाल पटेल, इलका प्रहरी कार्यालय पाेखरियाका प्रहरी निरिक्षक चन्द्र कुमार सिंह, सशस्त्र प्रहरी निरिक्ष हरि बिष्ठ, पूर्व गाबिस अध्यक्ष जाेगिन्द्र प्रसाद कुर्मी, नेपाल रेडक्रस पाेखरिया उप शाखाका अध्यक्ष भगवना प्रसाद कुर्मी लगायतको उपस्थितीमा राहत वितरण गरिएकाे हाे ।

पकहा मैनपुरमा ४० लाखकाे राहतले पुगेन, थप ९ लाखकाे खरिद गरिने

0
गाउँपालिका अध्यक्ष विजय चाैरसिया, उपाध्यक्ष कुशमी देबी र उनले जारी गर्नु भएकाे प्रेस विज्ञप्ती

वीरगंज । पर्साकाे पकहा मैनपुर गाउँपालिकाले थप ९ लाख बाराबरकाे राहत सामग्री खरिद गर्ने भएकाे  छ । बैशाख ४ गते बिहिबार बसेकाे बाेर्ड बैठकले थप ९ लाख बराबरकाे राहत सामग्री खरिद गर्ने निर्णय गरेकाे निमित प्रमुख प्रशासकिय अधिकृत महेश प्रसाद सिंहले वताए ।

उनका अनुसार यस भन्दा पहिला गाउँपालिकाले रु ४० लाख बराबरकाे राहत सामग्री खरिद गरेकाे थियाे । जुन बाँडि सक्दा पनि नपुगेकाेले थप ९ लाख बराबरकाे राहत सामग्री खरिद गर्ने निर्णय भएकाे अधिकृत सिंहले वताए ।

कुन वडामा कति कति घरदुरीलाई राहत बाँडिएकाे प्रश्नकाे जवाफमा त्यसकाे लागि गाउँपालिका पुगेर बताउन सकिने भनि प्रशासकिय अधिकृत सिंहले फाेन काटिदिए ।

यता गाउँपालिका अध्यक्ष बिजय चाैरसियालाई समेत फाेन सम्पर्क गर्दा पहिला फाेन उठेन । केही बेर पछि चाैरसियाले नै फाेन गरे पछि म पत्रकार बाेलेकाे अध्यक्ष ज्यू तपाईकाे गाउँपालिकामा राहत वितरण भयाे ? कति घरदुरीलाई राहत वितरण गर्नु भयाे प्रश्न गर्दा गाउँपालिकामा भेटेर कुरा गर्नु हाेला भन्दै गैर जिम्मेवार पूर्ण जवाफ दिदैै फाेन काटिदिए ।

यता राहत वितरणकाे लागि खरिद भएकाे खाद्यान्न सामग्रीमा अनियमितता भएकाे गाउँपालिकाकी उपाध्यक्ष  कुशमी देवीले आराेप लगाएकी छन् । उनका अनुसार गाउँपालिकाकाे बिशेष सभाले लकडाउनमा समस्यामा परेका अति गरिब परिवारकाे राहत वितरणकाे लागि रु ८० लाख रकम छुट्याइएकाे थियाे । राहत वितरण कै लागि प्रदेश सरकारले गाउँपालिकालाई रु १० लाख अनुदान समेत दिएकाे छ ।

साेही रकमबाट राहत वितरणकाे लागि चामल, दाल, आलु, तेल लगायतकाे खाद्यान्न सामग्री खरिद समिति बनेकाे थियाे । जुन समितिमा आफु भए पनि आफुलाई खरिद कार्यमा सहभागि नगराई उपाध्यक्ष चाैरसिया र प्रमुख प्रशासकिय अधिकृत सिंहले अनियमितता गरेकाे आराेप उपाध्यक्ष कुशमीकाे छ ।

उनका अनुसार कुनै सुचना बेगर नै खरिद एन विपरित राहत सामग्री खरिद भएकाे छ । विपदकाे समयम कमसेकम ३ दिनकाे सुचना आवाहान गरी सामग्री खरिद गर्नु पर्ने त्याे पनि नभएकाे उनकाे भनाई छ ।

यस अघि बसेकाे गाउँपालिकाकाे बाेर्ड बैठकले गाउँपालिका अन्तर्गतकाे सबै वडाका अति गरिब तथा विपन्न परिवारलाई सरकारी मापदण्ड अनुसार चामल २५ किलाे, दाल ३ किलाे, आलु ५ किलाे, नुन एक किलाे, तेल एक किलाे र साबुन लगायतकाे सामग्री राहत वितरण गर्ने निर्णय गरेकाे समेत उनले वताइन ।

तर पछि गाउँपालिकाले बिना सर्बदलिय बैठक कै चामल १० किलाे, आलु २ किलो, प्याज १ किलो, दाल ५०० ग्राम, स्वयाबिन ५०० ग्राम, नुन १ किलो, तेल ५०० ग्राम र चना ५०० ग्राम मनपरी तरिकाले वितरण गर्न थाले पछि साेकाे आफुले बिराेध गरेकाे उपाध्यक्ष कुशमीले जानकारी गराइन ।

साेही बिषयमा चैत २८ गते उपाध्यक्ष कुशमीले प्रमुख प्रशासकिय अधिकृत सिंह माथी हातपात समेत गरेकी थिइन ।

यता बैशाख ४ गते बिहिबार बसेकाे गाउँपालिकाकाे बाेर्ड बैठकले थप राहत वितरणकाे लागि ९ लाख रकम छुट्याएकाे र गाउँपालिका उपाध्यक्षद्वारा प्रमुख प्रशासकिय अधकृतमाथी भएकाे हातपातकाे अभिव्यक्ति सच्याउन भएकाे निर्णयमा आफ्नाे कुनै किसिमकाे सहमती नरहेकाे वताएकी छिन् ।

उपाध्यक्ष कुशमीले शनिबार एक प्रेस विज्ञप्ती नै जारी गर्दै साेकाे खण्डन गरेकी हुन् । आफ्नाे सहमती बेगर बाेर्ड बैठककाे निर्णयमा आफ्नाे नाम जाेडी गाउँपालिका अध्यक्ष चाैरसियाले गलत निर्णय सार्बजनिक गरेकाे प्रति आफ्नाे ध्यान आक्रषण भएकाे भन्दै त्याे कुरामा कुनै किसिमकाे सत्यतता नरहेकाे उनले कालिका टाइम्स संग कुरा गर्दै जानकारी गराइन ।

पाेखरियाकाे वडा नं. १, ९ र १० मा राहत वितरण

0

वीरगंज । पोखरिया नगरपालीका वडा नम्बर ९ र १० मा आज राहत बितरण गरिएको छ । वडा नम्बर ९ मा १ सय ३० घरधुरी र वडा नम्बर १० मा ८४ घरदुरीलाई राहत बितरण गरिएको उपप्रमुख सलमा खातुनले बताउनु भयाे ।

बिश्वभरी महामारीकाे रुपमा फैलिएकाे काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लकडाउनमा प्रभावित अति गरिब तथा विपन्न परिवारलाई राहत वितरण गरिएकाे उप प्रमुख खातुनले जानकारी गराउनु भयाे ।

राहतमा चामल २५ किलो, तेल १ किलो, दाल २ किलो, नुन २ किलो, आलु ५ किलो, सोयाबिन ५०० ग्राम , नुहाउने र लुगा धुने साबुन २–२ पिस बितरण गरिएको नगर प्रमुखका स्वकिय सचिव राजु राैनियारले वताउनु भयाे ।

पोखरिया नगरपालीकाका नगर प्रमुख दिपनारायण रौनियार, उप प्रमुख सलमा खातुन, पर्सा क्षेत्र नम्बर ३ का निलम्बित सांसद हरिनारायण प्रसाद रौनियार, नेकपा पोखरियाका नगर कमीटी अध्यक्ष प्रधुमन प्रसाद चौहान, वडा नम्बर ९ का वडाध्यक्ष रामबाबु प्रसाद चौहान र वडा नम्बर १० को वडाध्यक्ष सोनालाल साह लगायतको उपस्थितीमा राहत वितरण गरिएकाे हाे ।

यसैगरी वडा नम्बर १ मा पनि १ सय ९१ घरदुरीलाई राहत बितरण गरिएको वडाध्यक्ष बंका राउत कुर्मीले बताउनु भयाे ।

छिपहरमाई स्थित गहुँ बारीमा आगलागी

0

वीरगंज । पर्साकाे छिपहरमाई गाउँपालिका वडा नं. ३ जयमंगलापुर स्थित गहुुँ बारीमा आगलागी भएकाे छ ।

स्थानिय जवाहिर साह कानुले आफ्नाे खेतकाे खुट्टी जलाउन लगाएकाे आगाेबाट आगलागी हुदा हबिब मियाँ धुनियाँकाे एक कठ्ठा र सगिर मियाँ धुनियाँकाे ४ कठ्ठा गहुँ बारी जलेर नष्ट भएकाे हाम्राे सम्वाददाताले जनाएका छन् ।

यस्तै आगलागीबाट स्थानिय लालमहमद मियाँ धुनियाँकाे भुसा र पराल जलेर नष्ट भएकाे हाम्रा सम्वाददाता आलाेक कुशवाहाले वताए ।