Date
आइत, मंसिर ६, २०८३
Sun, November 22, 2026
Home Blog Page 988

काेराेना बिरुद्ध पाेखरियाका हिन्दु र मुस्लिम युवाहरुले संगै गरे रोजा

0

वीरगञ्ज ।  मुस्लिमहरुको महान पर्व रमजानको ईफतारीमा आज पाेखरियामा हिन्दु र मुस्लिम युवाहरुलेसंगै रोजा ब्रत बसी रोजा खोली गरेका छन् ।

पर्साको पोखरिया नगरपालीका वडा नम्बर ४ मा रहेको श्री सिद्धार्थ ईन्टरनेशनल एकाडेमी स्कुलको प्रांगनमा कोरोना भाईरसको माहामारीलाई धपाउन संगै रोजा ब्रत बसी रोजा खोली गरेका हुन ।

पोखरिया युवा समाजको आयोजनामा सामाजिक दुरि कायम गरि सो ब्रत बसेका युवा हरुले रोजा खोलेका हुन् । आपसी सदभाव कायम गर्न र भातृत्व दर्शाउनका लागि यस्तो विषम परिस्थितीमा पनि धार्मिक विभेदलाई निर्मुल गर्नुका साथै जोखिमपुर्ण अवस्थाको अन्त्यको कामना गर्दै रोजा खोली गरेको युवाहरुले वताएका छन् ।

युवा समाज पोखरियाका सुजित गिरी, वडा न. ४ का नौसाद आलम, राकेश महतो, सन्तोष चौहान, महबुल आलम, श्री सिद्धार्थ ईन्टरनेशनल एकाडेमी स्कुलको संचालक तेजप्रताप प्रसाद चौहान, रेडियो पोखरियाका मुखतार आलम, सैलेश गुप्ता लगायतले सँगै बसी रोजा खेलेका हुन् ।

नेपालगञ्‍जमा थप ६ जनामा कोरोना पुष्टि, संक्रमितको संख्या ७५ पुग्यो

0

वीरगंज । आइतबारमात्रै ९ जना संक्रमित देखिएको नेपालगञ्‍जमा थप ६ जनामा संक्रमण देखिएको छ । स्वास्थ्य मन्त्रालयका अनुसार संक्रमण हुनेहरु १६, २१ र ३४ वर्षका पुरुष तथा ४०, ५५ र ६० वर्षका महिला छन् ।

नेपालगञ्‍जस्थित भेरी अस्पतालमा गरिएको पिसिआर परीक्षणमा नेपालगञ्‍ज उपमहानगरपालिका ८ का ६ जनामा संक्रमण देखिएको प्रदेश ५ का सामाजिक विकास मन्त्री सुदर्शन बरालले बताए ।

मन्त्रालयका स्वास्थ्य शाखा प्रमुख डा. विनोद कुमार गिरीले पनि थप संक्रमित देखिएको पुष्टि गरे । शनिबार महेन्द्रपार्क टोलका एक ६० वर्षिय पुरुषमा संक्रमण देखिएपछि कन्ट्याक्ट ट्रेसिङको आधारमा अन्यको परीक्षण गरिएको थियो । आज संक्रमण देखिएका सबै १५ जना एउटै टोलका हुन् । आइतबार थप ६० जनाको स्वाब संकलन गरिएको पनि डा. गिरीले बताए ।

मस्जिद र मदरसामा कोरोना भाइरस (कोभिड–१९) परीक्षण गर्ने क्रममा अन्सारी मस्जिदमा अजान गर्ने ६० वर्षको व्यक्तिमा वैशाख १९ गते संक्रमणको पुष्टि भएको थियो । उनी वडा नम्बर ७ डीएसपी रोडका बासिन्दा हुन् । तर हरेक दिन वडा नम्बर ८ को महेन्द्रपार्क नजिकको अन्सारी मस्जिदमा आउजाउ गर्ने मौजिन ( मस्जिदमा अजान गर्ने व्यक्ति) थिए ।

साथै मुस्लिम समुदायको घरघरमा गएर बालबालिकालाई उर्दू भाषा र नमाज पढ्न सिकाउँथे ।

भारत आउजाउ गरिरहने उनी पछिल्लो पटक लकडाउन शुरु हुनुअघि भारतको नानपारालगायत ठाउँमा गएका थिए ।

नारायणी अस्पतालकाे सम्पूर्ण सेवा सुचारु गराउन आफ्नै घर अगाडी धर्ना

0

वीरगंज । वीरगंज स्थित नारायणी अस्पतालकाे सम्पूर्ण सेवा सुचारु गराउन माग राख्दै आज देखी धर्ना कार्यक्रम सुरु भएकाे छ ।

जनता समाजवादी पार्टीका नेता नेजामुदिन सम्मानीले आज देखी आफ्नाे घरकाे मुल गेटमा कालाे झन्डा टांगी धर्ना बसेका हुन् । नारायणी अस्पतालकाे जेनरल सेवा सुचारु गराउन दबावकाे लागि विहान १० बजे देखी ११ बजे सम्म आफ्नाे घरकाे बरन्डामा धर्ना बसेकाे र याे धर्ना कार्यक्रम जारी रहने नेता सम्मानीले वताउनु भयाे ।

सम्मानीले नारायणी अस्पतालकाे सेवा सुचारु गराउन अहिले लकडाउन रहेकाेले सबैले आ आफ्नाे घरमा कालाे झन्डा झुन्डयाउनुकाे साथै घरकाे गेट वा बरन्डामा बसी प्रत्येक दिन एक घण्टा धर्ना दिनु पर्ने आग्रह समेत गर्नु भयाे ।

यस्तै जनता समाजवादी पार्टीका नेता समेत रहेका भिजिट मधेशका राष्ट्रिय संयाेजक ओमपक्रकाश सरार्फले पनि आज धर्ना दिएका छन् । नारायणी अस्पतालकाे सम्पूर्ण सेवा सुचारु गर्न माग राख्दै नेता सरार्फ पनि आफ्नाे घरकाे मुल गेटमा धर्ना दिएका हुन् ।

“नरायणि अस्पताल “को सबै सेवा तुरन्त सुचारु गर्न लकडाउनको बाध्यताले आज आफ्नो घरको गेट अगाडि नै धर्ना दिएको नेता सरार्फले वताउनु भयाे ।

अहिले लकडाउन  रहेकाले यो समाजिक आन्दोलनमा एक्यबदता जनाउन सबैले आ-आफ्नो घरको गेटमा धर्ना दिएर तस्बिर समाजिक सन्जालमा राखेर समर्थन जनाउनु पर्ने सरार्फले वताउनु भयाे ।

भिस्वा सिमानाकाबाट बरामद मदिरा नष्ट

0

भिस्वा । पर्साको छिपहरमाई गाउँपालिका वडा नम्बर ५ भिस्वा स्थित सिमा नाकाबाट प्रहरीले बरामद गरेकाे मदिरा नष्ट गरेकाे छ ।

प्रहरी चाैकी भिस्वाकाे गस्ती टाेलीले बरामद गरेकाे २० लीटर घरेलु मदिरा नष्ट गरिएकाे प्रहरीले जनाएकाे छ । नेपालबाट भारत तर्फ लगिरहेकाे मदिरा प्रहरी गस्तीटोलीलाई देख्नै वितिक्कै फाली मदिरा तस्करहरु भागेकाे प्रहरी चौकी भिस्वाका सई प्रेम खत्रीले बताउनु भयाे ।

लकडाउनमा पनि खुल्ला सिमा नाका भएर नेपालबाट भारत तर्फ मदिरा तस्करी  भइरहेकाे सुचनाकाे आधारम मदिरा बरामद गरिएकाे प्रहरीलेे जनाएकाे छ । बरामद भएकाे मदिरा  प्रहरी, पत्रकार र स्थानिय अगुवाहरुको रोहब्बरमा नष्ट गरिएको हाे ।

कुर्सी र पदको लागि लड्ने नेता वामपन्थी हुन सक्दैन

0

वामपन्थीहरु मार्कसवाद- लेनिनवादको मार्गदर्शन स्वीकार गरि आम जनता, रास्ट्र र अहिले सम्म भएको आमूल परिवर्तनको पक्षपोषण तथा जोगाइ राख्नको लागि एकताको सन्देश दिएर राजनीतिक सैद्धान्तिक र बिचार एक गरेर नेपाली दुई ठुला कम्युनिस्टहरु बीच एकता भएको हो। एकले अर्काको अस्तित्व स्वीकार गरेर नै अगाडि बढने तथा नेपाली कम्युनिस्टका अगुवाहरुले बोकेका लक्ष्य उदेश्य पूरा गर्नको लागि वलिदान दिएका सहिद तथा वेपप्ता योद्धाहरुको सम्मानको लागि हो । मैले बुझेअनुसार आम नेपाली जनतालाई बिश्वको सामु स्वतन्त्र रूपमा उभिने गरि दक्ष बनाउने र एउटा इतिहास कायम गर्नको लागि एकता ! समृध नेपाल सुखी नेपाली बनाउनको लागि हो ।

अझ कम्युनिस्ट बिचार बोकेका, पुराना माओवादी क. मोहन बैध, सिपि गजुरेल, विपल्बहरुलाई पनि यो एकतामा सामिल गराउनु पर्छ र यसको पहल क. प्रचण्डले नै गर्नु पर्छ किन कि क.प्रचण्ड निस्वार्थ एकता गर्नु हुन्छ र देशमा सबै कम्युनिस्टहरु एक ठाँउमा उभिनु पर्छ भनेर उहाँ नै यो अभियान चलाउनु भएको छ । हिजो आज नेकपामा पदको लागि यता उता गर्ने प्रवृती जो देखिरहेका छौ, यदि प्रचण्ड गम्भीर र दुरदर्शि नेता नभएको भए यो एकता यहि भङ्ग हुने अवस्था थियो । तर एकतर्फी एकता गरेर पनि हुदैन । दुबै तर्फबाट अभास हुनु पर्यो होइन भने यसरी अगाडि बढ्नुको कुनै औचित्य नै हुदैन ।

पुर्व एमालेबाट रास्ट्रपति पाउने, पुर्व एमालेबाट प्रधानमन्त्री पाउने, पुर्व एमालेबाट उप प्रधानमन्त्री पाउने, पुर्व एमालेबाट नमुना मन्त्रालय पाउने, पुर्व एमालेबाट विभिन्न आयोगमा नियुक्ति पाउने, पुर्व एमालेबाट नै प्रधानमन्त्री हुनु पर्ने, पुर्व एमालेबाट सरुवाको सिफारिस हुनु पर्ने, पुर्व एमालेबाट भनेको कुरा मन्त्रीहरुले सुन्नु पर्ने र पुर्व माओबादीबाट मन्त्री पाउने, पुर्व माओबादीबाट एकता हुनु पर्ने पुर्व माओवादीबाट कम्युनिस्ट एकता हुनु पर्ने, पुर्व माओवादीबाट जसरी पनि एकता गरेर जाने । हाम्रो एकता भनेको यसको लागि पनि हो ।

एकता किन र कसको लागि ?
१. संविधानको संशोधन गरि प्रत्यक्ष कार्यकारी राष्ट्रपति ,समानुपातिक समाबेशी निर्वाचन प्रणाली लगायत मधेसको समस्या समाधान गर्न ।
२. आन्तरिक राष्ट्रीयतालाई बलियो गरि नयाॅ आधारमा राष्ट्रीय एकता कायम गर्ने ।
३. देशमा रोजगारीको श्रीजना गरि दक्ष जनशक्ति उत्पादन तथा परिचालन गर्ने ।
४. देश र जनताको लागि काम गर्ने गराउने ।
५. गरिब ,मजदुर, किसान,पछाडि पारिएको समुदाय वा वर्गको लागि बिशेश कार्यक्रम ल्याउने र पुर्ण सहभागिता गराउने ।
६. दुबै छिमेकी रास्ट्रसंग समानताको आधारमा स्वतन्त्र किसिमले सुमधुर सम्बध कायम गर्न।
७. स्थास्थितीबादी र प्रतिक्रियाबादी शक्तिलाई कमजोर गरि शक्तिशाली सरकारको गठन गर्न ।
८. देशमा ब्यापक भ्रष्टाचारलाई अन्त्य गरि सुशासन कायम गर्न ।
९. तिब्र रूपमा आर्थिक बिकास र समृद्धिको लागि । पुजिबादको बिकास गर्दे समाजवादी ब्यबस्थाको आधार निर्माण गर्न।
१०. शक्तिशाली कम्युनिस्ट पार्टीको गठन गरि बैदेशिक हस्तक्षेपको अन्तय गर्दै स्वायत्त,स्वतन्त्रत र समृद्ध नयाॅ नेपाल निर्माण गर्ने ।

मित्रदेव यादव
सह संयाेजक
अनेरास्ववियु पर्सा

दालको कालोबजारी गरेको आरोपमा बीरगंजका अग्रवाल पक्राउ

0
chori aaropma pakrau_kalikatimes

बीरगंज । लकडाउनमा दालको कालोबजारी गरेको आरोपमा बारा प्रहरीले हिजो साँझ बीरगंजबाट एक जना उधोगीलाई पक्राउ गरेको छ । दालको कालोबजारी गरेको अभियोग लागेका मुक्ति अग्रवाललाई प्रहरीले पक्राउ गरेको हो ।

उनी फरार रहेका थिए । खोजी सूचीमा रहेका महावीर दाल उधोगका संचालक उनका पिता भिखमचन्द अग्रवाल फेला नपरेपछि अर्का संचालक छोरा मुक्ति अग्रवाललाई प्रहरीले पक्राउ गरेको हो । दालको कालो बजारी गरेको आरोपमा उनलाई पक्राउ गरिएको बाराका प्रहरी नायव उपरिक्ष गौतम मिश्रले जानकारी दिनु भयो ।

बारा जिल्ला प्रहरी कार्यालयको हिरासतमा रहेका अग्रवालसंग प्रहरीले बयान लिदै छ । बयान लिएर आजै मुद्धा प्रमुख जिल्ला अधिकारी समक्ष पेश गर्ने दवावमा बारा प्रहरी रहेको  छ ।

पक्राउ पर्ने उद्योगीहरुमा बाराको परवानीपुर ४ स्थित नारायणी मोडर्न पल्सेस इण्डष्ट्रिजका  सन्चालक मोहनलाल चाचान अग्रवाल र बाराकै छातापिपराको कृष्ण आधुनिक दाल उद्योगका सन्चालक पवन कुमार साह रहेका छन् ।

दाल उत्पादन हुने उधोगले नै कालो बजारी गरेको गुनासोको आधारमा बैशाख ३ गते बाराको स्थानीय प्रशासन र बीरगंज स्थित बाणिज्य तथा उपभोक्ता हित संरक्षण कार्यालयले परावनीपुरमा रहेको  महावीर दाल उधोगमा अनुगमन गरेको थियो ।

अनुगमन टोलीले उधोग संग सम्बन्धीत कागजात बिभागमा पठाएर निर्णय माँग गरेको थियो । उधोगले कालोबजारी गरेको ठहर गर्दै कारवाही गर्न निर्देशन दिएपछि उधोगका संचालकअग्रवाललाई प्रहरीले खोजी गरेको थियो ।

५८ रुपैया खरिद मूल्य रहेको दालाको बिक्री मूल्य ८८ रुपैया कामय गरिएको छ । तर उधोगले ९८ रुपैयामा बिक्री गरेर कालोबजारी गरेको सूचना पाएपछि स्थानीय प्रशासन हर्कतमा आएको थियो ।

नारायणीमा पुन: जनताकाे उपचार सुरु गर्न मांग गर्दै नेकाद्वारा प्रदर्शन

0

वीरगंज । वीरगंज स्थित नारायणी अस्पतालमा पुन: जनताकाे उपचार सुरु गर्न मांग गर्दै नेपाली कांग्रेस पर्साले आज वीरगंजमा प्रदर्शन गरेकाे छ ।

मालपाेत कार्यालय अगाडीकाे राेड देखी विर्ता मन्दिर सम्मकाे राेडमा नेपाली कांग्रेसका नेता तथा कार्यकर्ताहरुले निस्केर प्रदर्शन गरेका हुन् । लकडाउनमा पनि भएकाे शान्तिपूर्ण प्रदर्शनमा सहभागिहरुले विभिन्न नारा लेखिएकाे प्यले कार्ड सहित नारायणी अस्पतालमा पुन: स्वास्थ्य उपचार सुरु गर्न माग गरे ।

एक घण्टा जति भएकाे प्रदर्शनमा सहभागिहरुले नारायणी अस्पतालाई काेराेना मुक्त गराऔ, काेराेना अस्पतालकाे लागि वैकल्पिक व्यवस्था हाेस्, नारायणी अस्पताललाई जाेगाऔ, काेराेना अस्पतालाकाे अन्त कही व्यवस्था हाेस, नारायणी अस्पतालमा जनताकाे उपचार पुन: सुरु हाेस् नारा लेखिएकाे प्ले कार्ड सहित सहभागि भएका थिए ।

लकडाउनमा पनि भएकाे प्रदर्शनमा नेपाली कांग्रेस पर्साका सभापति अजय द्विवेदी, प्रदेश सांसद राजेश्वर साह, ओमप्रकाश शर्मा, नेता राजेन्द्र बहादुर अमात्य, जनार्दन सिंह क्षेत्री, जिल्ला सचिव श्याम पटेल लगायतकाे सहभागिता रहेकाे थियाे ।

जबर्जस्ती करणी गरेकाे भन्दै कुटपिट, ४ जना पक्राउ

0

वीरगंज । पर्साको कालिकामाई गाउँपालिका वडा नम्बर ३ हरिहरपुर बिर्तामा दुई पक्ष बिच भएकाे विवाद र तनावलाई झडपमा परिणत हुननदिन प्रहरीले ४ जनालाई नियन्त्रणमा लिएकाे छ ।

स्थानिय २२ बर्षिय दिपेन्द्र चौरसियालाई शुक्रबार राती साेही ठाउँका केही ब्यक्तिहरुले कुटपिट गरेका थिए । स्थानियहरुका अनुसार छिमेकी केही व्यक्तिहरुले रातीकाे समयमा आफ्नाे घरमा बाेलाई चाैरसियालाई निर्घात कुटपिट गरेका थिए ।

कुटपिट गर्नुकाे साथै तिनिहरुले चाैरसियामाकाे खुट्टामा ताताे फलामकाे रडले समेत प्रहार गरेका थिए ।

घटना बारे शनिबार विहान चाैरसियाका घरपरिवारका सदस्यलाई थाह भए पछि साे बिषयमा कुटपिट गर्नेहरुसंग साेधपुछ गर्न उनीहरुकाे घरमा जादा विवाद भइ तनाव उत्पन भएकाे थियाे । दुई पक्ष बिच उत्पन्न तनावलाई झडप हुनबाट बचाउन ईलाका प्रहरी कार्यालय बिरन्चीबर्वाबाट घटना स्थल पुगेकाे टोलीले ४ जनालाई नियन्त्रणमा लिएकाे थियाे ।

चौरसिया सहित कुटपीट गरेकाे आराेपमा ईमतियाज मिया, तैयब मिया, नौसाद मियालाई प्रहरीले नियन्त्रणमा लिएकाे हाे ।

प्रहरीले उत्पन्न तनावकाे बारेमा अनुसंधान गर्दा युवक चौरसियाले एक १४ बषीय बालिकालाई जबर्जस्ती करणीकाे गरेकाे भन्दै कुटपिट गरेकाे वताएका छन् भने अक्राे पक्षले बिना कारण कुटपिट गरेका कारण विवाद सृजना भएको वताइरहेकाे प्रहरीले जनाएको छ ।

करणी भएकाे भनिएका बालिकाको मेडिकल चेकअपकाे लागी बिरगंज पठाईएको प्रहरीले जनाएको छ । घटना बारे थप अनुसन्धान भइरहेकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

लकडाउनमा पनि प्रहरी चाैकी इनर्वाका सई दास कमाउ धन्दामा

0

वीरगंज । हिन्दी चलचित्र सिंघमको नायक अजय देवगन जस्तै आफूलाई सिंघम ठान्ने प्रहरी नायब निरीक्षक (सई) बैजनाथ दास चर्चामा रहन विभिन्न ताण्डव गरी रहे पनि भित्री रूपले उनले गरी रहेका बेइमानीको रहस्य पनि खुल्दै गएको छ ।

आफूलाई इमान्दार एवम दबंग प्रहरी बताउदै निरन्तर लाभ लिन सक्ने विभिन्न प्रहरी चौकीहरु बस पार्क, परवानीपुर हुदै इनर्वा प्रहरी चौकीको इन्चार्ज हुन सफल भएका सई दास नाम कमाउन सर्वसाधारण नेपाली नागरिकलाई भारतको रक्सौलबाट पैसा ल्याएको भनी मुचुल्का उठाएको घटना नसेलाउँदै लकडाउनको अवधिमा पनि उनको नाकाबाट रक्सीको अवैध पैठारी भई रहेको समाचार प्राप्त भएको छ ।

विगतमा विभिन्न सामानहरूको तस्करी गर्दै आएका केही नाम चन्द तस्करहरुले लकडाउनको अवधिमा अन्य कुनै सामानहरूको तस्करीका उपाय नपाई प्रसनि दासको मिलोमतोमा रातभरी नेपालबाट अवैध रूपले रक्सी रक्सौल पैठारी भई रहेकोको स्रोतले जनाएको छ ।

विगतमा विभिन्न सामानहरूको तस्करीमा संलग्न विष्णु सराफ, दीनानाथ प्रसाद र शम्भु रामहरुसंग दैनिक रकम असुली गरी रक्सीको अवैध ओसार पोसार गराउँदै गरेका छन ।

आफूलाई इमान्दार एवम सिंघम बताउने प्रसनि दास भित्री रूपले बेइमान एंवम भ्रष्ट रहेको यस अघि पनि उनकै नाकाबाट गएको ट्यांकर हेटौडाको रातोमाटीमा पक्राउ परी १ सय ५५ बोतल लागू औषध फेला परेकोको घटनाले पनि प्रमाणित गरी दिएको छ ।

चामल विवाद सम्बन्धमा सपाकाे प्रेस विज्ञप्ती, प्राेपगेंडा हाे : मेयर सरावगी

0

वीरगंज ।  वीरगंज महानगरपालिकाले गुणस्तरहिन तथा कुहिएर डल्लो परेको चामल राहत वितरणकाे लागि पठाएको समाजवादी पार्टी वीरगंज महानगर कमिटिले आराेप लगाएकाे छ ।

समाजवादी पार्टीका वीरगंज महानगर अध्यक्ष इश्वरचन्द्र यादवले आज एक प्रेस विज्ञप्ती जारी गर्दै वीरगंजकाे वडा नं.१४ मा गुणस्तरहिन र कुहिएर डल्लाे परेकाे चामल महानगरपालिका कार्यालयले पठाएकाे भन्ने खबर प्रति हाम्राे गम्भिर ध्यानकर्षण भएकाे जनाएका छन् ।

बिहीबार वीरगंज महानगरपालिकाले वडा नं. १४ पिपरा टोलमा वितरण गर्न पठाएको चालम गुणस्तरहिन भएको वडाध्यक्ष भरत कुर्मीले भनिरहँदा पनि महानगरपालिकाको नेतृत्वले उनलाई सवालको घेराभित्र पारेको सपा वीरगंज महानगर कमिटिको आराेप छ ।

जारी प्रेस बिज्ञप्तीमा घटनाप्रति महानगरपालिकाको कार्यालयले नगर कार्य समितिका सदस्य रहने निर्वाचित वडाध्यक्ष उपर छानबिन गर्न कार्यपालिका मातहतकै कर्मचारी पठाउनु लोकतान्त्रिक विधि प्रकृया र मुल्य मान्यताको बर्खिलाफ भएको उल्लेख गरिएकाे  छ ।

यस्ता घटनाप्रति छानबिन गर्नको लागि अधिकार प्राप्त सारकारको अंगले कुनै उजुरी वा गुनासो आएपछि प्रयोजनले बहाल गरिएको राष्ट्रसेवक कर्मचारी परिचालन गर्नु बेग्लै कुरा हो तर लोकतान्त्रिक विधि र प्रकृयालाई अंंगिकार गर्ने समाजवादी पार्टीबाटै निर्वाचित मेयर विजय सरावगीले पार्टीको भावना विपरित काम गरेको आराेप प्रेस विज्ञप्ती मार्फत लगाइएकाे छ ।

सपा र रापपा एकिकरण भएर गठित जनता समाजवादी पार्टीको प्रकृया थप अगाडी बढाउने हाम्रा श्रध्येय नेताहरु लागेको बेला वीरगंज महानगरका मेयर सरावगीले गरेको यस्तो हर्कत पार्टीको विधि र सिद्धान्त विपरित भएकोले यसमा आवश्यक कारवाही अगाडी बढाउन प्रदेश र केन्द्रिय समितिलाई आग्रह समेत गरिएकाे छ ।

तर वीरगंज महानगर प्रमुख सरावगीले यसलाई राजनितिक प्राेपगेंडाकाे संज्ञा दिएका छन् । प्रमुख सरावगीले कालिका टाईम्ससंग कुरा गर्दै आफुबाट असन्तुष्ट रहेका पार्टी भित्र कै केही व्यक्तिहरुले राजनितिक प्राेपगेंडा गरेकाे वताएका हुन् ।

उनले भने “चामलमा समस्या आयाे भने चामल फिर्ता गरेर अक्राे चामल लग्नु न समस्याकाे समाधान हाे, आकी पत्रकार बाेलाएर महानगरपालिकालाई बदनाम गर्न खाेज्नु समस्याकाे समाधान हाे । त्यस पछि पनि घटना सम्बन्धमा महानगरले छानविन पक्रिया अगाडी बढाइसकेकाे अवस्थामा प्रेस विज्ञप्ती जारी गरी घटनालाई अन्यन्त्रम माेडन खाेजिएकाे हाे ।”

पार्टी भित्र छलफल नै नगरी ल्याएकाे विज्ञप्ती घटनालाई अक्रै रुप दिन खाेजिएकाे मात्र हाे । यसका साथै वडाध्यक्षले गरेकाे गलत कामकाे ढाक छाेप गर्ने उद्देश्यले समेत विज्ञप्ती जारी गरिएकाे सरावगीकाे भनाई छ ।