Date
आइत, मंसिर ६, २०८३
Sun, November 22, 2026
Home Blog Page 983

सखुवा प्रसाैनीका काेराेना संक्रमित तास र फुटबल समेत खेलेका थिए

0

वीरगंज । पर्साको सखुवा प्रसौनी गाउँपालिका–१ सिद्धपुरका ३७ बर्षिय काेराेना संक्रमित गाउँमा हुदा तास र फुटबल समेत खेलेकाे खुलेकाे छ ।

स्थानियहरुका अनुसार संक्रमित ३७ बर्षिय पुरुष पूर्व आर्मिका जवान हुन् । काठमाण्डाैमा बस्दै आए पनि उनी लकडाउन मै एक महिना पहिला सब परिवारसंगै सिद्धपुर आफ्नाे घर आएका थिए ।

त्यस पछि  घर मै बस्दै आएकाे बेला गाउँकाे युवा साथीहरुकाे साथमा उनी तास र फुटबल समेत खेलेका थिए ।

एक हप्ता पहिला पुन: काठमाण्डाै फर्केका उनी स्वास्थ्यमा समस्या देखिए पछि काठमाण्डाै स्थित नै राष्ट्रिय जनस्वास्थ्य प्रयोगशालामा काेराेना परिक्षणकाे लागि आफ्नाे स्वाब दिएका थिए । शुक्रबार आएकाे रिपाेर्टमा ति पुरुषमा काेराेना पाेजेटिभ देखिएकाे प्रमुख प्रशासकिय अधिकृत संदेश यादवले वताए ।

संक्रमित एक हप्ता पहिला मात्र गाउँमा आफ्नाे परिवाकाे साथमा बस्नुकाे साथै गाउँमा घमफिर र खेल समेत खेलेकाले गाउँमा त्रास बढेकाे छ ।

संक्रमितकाे नजिकमा मात्र रहेका ५०/६० जनाकाे क्वारेन्टाइनमा राख्नु पर्ने र गाउँ नै सिल गरी तिनिहरुकाे स्वाब संकलन गरी काेराेना परिक्षण गराउनु पर्ने स्थानियहरुले माग समेत गरेका छन् ।

यता गाउँपालिकाले संक्रमितका नजिकमा रहेकाहरुलाई सिद्धपुर स्थित नै रहेकाे श्री नेरा आधारभुत विद्यालयमा क्वारेन्टाइनकाे स्थापना गरी राख्ने तयारी गरेकाे छ । आज सांझ सम्म नै संक्रमितकाे नजिकमा रहेकाहरुलाई क्वारेन्टाइनमा राखिने प्रमुख प्रशासकिय अधिकृत यादवले जानकारी दिए ।

रौतहटमा थप १० जनामा कोरोना संक्रमण, संक्रमितको संख्या २९१ पुग्यो

0

वीरगंज । नेपालमा कोरोना भाइरस (काेभिड १९)बाट संक्रमित हुनेको संख्या २९१ पुगेको छ । आइतबार राष्ट्रिय जनस्वास्थ्य प्रयोगशालामा गरिएको परीक्षणमा थप १० जनामा संक्रमण पुष्टि भएसँगै संक्रमितको संख्या २९१ पुगेको हो ।

आइतबार संक्रमण पुष्टि भएकाहरुमा रौतहटको राजपुर नगरपालिका फरहदवा -९ निवासी १८, ३२, ३६, ३९, ३९, ४२, ४८ बर्षिय पुरुषहरु र इशनाथ नगरपालिकाका – ३, ५ निवासी २८, ३०, ३३ बर्षिय पुरुषहरु रहेका स्वास्थ्य मन्त्रालयका सह प्रवक्ता डाक्टर समिरकुमार अधिकारीले जनाएका छन् ।

यससँगै रौतहटमा मात्रै संक्रमितको संख्या १३ पुगेको छ ।

पर्सा प्रहरीको ज्यादती बढ्दै, औषधी किन्न निस्केकोमाथि समेत कुटपिट

0

वीरगञ्ज । लकडाउन्मा प्रहरीको ज्यादती बढ्दै गएको छ । लकडाउन उलंघन गरेको निहुमा प्रहरीले सर्वसाधारणसँग दुर्वायाहार गरेकै थिए अब भने पत्रकार र सामाजिक कार्यकर्तालाई समेत कुट्पिट गर्न थालेका छन् ।

प्रहरीले शनिबार साँझ वीरगञ्जका समाजिक कार्यकर्ता दिपु बरनावालमाथि कुट्पिट गरेका छन् । साँझको समयमा दुरीको नियमलाई पालन गर्दै आवश्यक औषधि किन्न घर बाहिरा निस्केका बरनावालमाथि प्रहरीले दुर्व्यहार गरेको हो ।

वडा प्रहारी कार्यालय श्रीपुरबाट खटेको प्रहरीले आफुलाई कुट्पिट गरेको बरनावालले बताए । ‘आमाको लागि आवश्यक पर्ने औषधि किन्न निस्केको बेला प्रहरीले अचानक आएर म माथि कुट्पिट गर्न थाल्यो, बरनावालले भने, ‘मैले आफ्नो बचावमा केहि बोलु त्यो भन्दा पहिला दुई प्रहरीले मलाई डन्टाले हिर्काउन थाले ।

प्रहरीको कुटाईले दिपुको शरीरमा निलो डाम बसेको छ । ‘बरनावालले आवश्यक औषधि पनि किन्न नमिल्ने यो,’ भनि प्रश्न गरे, ‘ यो कस्तो लकडाउन ।

लकडाउन लागु भएदेखि स्थानीयमाथि प्रहरीको ज्यादती बढ्दै गएको छ । केहिदिन पहिला मात्र प्रहरीले नयाँ पत्रिका दैनिकका पर्सा सम्बादाता तिवारी यादवलाई समेत दुर्व्यवहार गरेको थियो ।

काेराेना भाइरसबाट धुलिखेल अस्पतालमा महिलाकाे मृत्यु भएकाे पुष्ठि

0

काठमाडौं । नेपालमा कोरोना भाइरस (कोभिड-१९) बाट एक जनाको मृत्यु भएको छ । सिन्धुपाल्चोक बाह्रेबिसेकी २९ वषर्ीया महिलाको कोभिड-१९ बाट मृत्यु भएको स्वास्थ्य तथा जनसंख्या मन्त्रालयले पुष्टि गरेको हो ।

उनको ९ दिनअघि त्रिवि शिक्षण अस्पतालमा नर्मल डेलिभरी भएको थियो । त्यसपछि घर गएकी उनलाई ज्वरो र खोकी लाग्नुका साथै स्वासप्रश्वासमा समस्या आयो । स्थानीय अस्पतालमा उपचार गर्दा पनि नभएपछि बिहीबार धुलिखेल ल्याइएको थियो ।

धुलिखेल अस्पताल आइपुग्नु अगाडि नै उनको मृत्यु भएको पाइएको चिकित्सकहरुले मृत्यु घोषणा गरे । कोरोनासाग मिल्दोजुल्दो लक्षण भएकाले उनको पीसीआर विधिबाट परीक्षण गर्दा रिपोर्ट पोजेटिभ अयो । राष्ट्रिय जनस्वास्थ्य प्रयोगशालामा गरिएको परीक्षणमा पनि उनको रिपोर्ट पोजेटिभ नै आएको छ ।

आज नै स्वास्थ्य मन्त्रालयले उनको मृत्युको कारणबारे अध्ययन गर्न धुलिखेलमा टोली पठाएको थियाे । टोलीको रिपोर्टका आधारमा मन्त्रालयले उनको मृत्यु कोरोनाका कारण भएको घोषणा गरेको छ ।

गण्डक काेराेना अस्पताल, महानगरले हस्तान्तरण गर्याे नारायणीलाई

0

वीरगंज । गण्डक हस्पिटललाई काेराेना अस्पताल बनाई आज वीरगंज महानगरपालिकाले नारायणी अस्पतालाई हस्तान्तरण गरेकाे छ।

गण्डक हस्पिटलमा ७० बेडकाे आइसाेलेसन वार्ड तयार गरी नारायणी अस्पताललाई जिम्मा लगाइएकाे वीरगंज महानगरपालिकाका मेयर विजय कुमार सरावगीले वताउनुभयाे। गण्डकमा बनाइएकाे काेराेना अस्पताल भाेली (आइतबार) देखी संचालनमा ल्याउन सकिने मेयर सरावगीले जानकारी दिनुभयाे।

लामाे समयकाे प्रयास पछि तयार भएकाे काेराेना अस्पतालकाे निरिक्षण गर्दै मेयर सरावगीले नारायणी अस्पतालका मेसु डा. मदन कुमार उपाध्यायलाई जिम्मा लगाउनु भएकाे हाे।

महानगरकाे व्यवस्थापनामा संचालन हुने काेराेना अस्पताल संचालनकाे जिम्मा नारायणी अस्पतालकाे हुनेछ । नारायणी अस्पतालकाे नामले नै गण्डकमा तयार गरिएकाे काेराेना अस्पताल संचालन हुने छ ।

काेराेना अस्पतालकाे लागि KN95 Respirators FFP2 १०० थान, 3Ply Surgical Mask १५०० थान, Medical use protective Clothing (EO ster erile) Level 2 ९० थान, gloves १८० थान, IR Thermaometer २ थान,  Shoes Cover ९० थान, head cover ९० थान, Hot Water Dispancer ३ थान पानी लगायतकाे थुप्रै मेडिकल सामग्री समेत हस्तान्तरण गरिएकाे मेयर सरावगीले वताउनुभयाे।

अनेकन बाधाअडचनका वाहजुद पनि मेयर सरावगीकाे लामाे समयकाे प्रयासले वीरगंजले काेराेना अस्पतालकाे रुपमा गण्डक अस्पताल पाएकाे छ।

हाल नारायणीमा रहेकाे काेराेना अस्पतालमा बेडकाे अभावले काेराेना संक्रमितलाई विद्यालयमा राख्नु पर्ने बाध्ययता थियाे भने अब केही हद सम्म त्याे बाध्यता अन्त्य भएकाे छ । तर पर्सामा काेराेना संक्रमित बढने क्रममा रहेकाेले अझै अरु ठाउँमा समेत काेराेना संक्रमितकाे उपचारकाे लागि अस्पतालकाे व्यवस्थापन गर्नु पर्ने आवश्यकता देखिन्छ ।

कोरोनाको त्रासले दिएको पिडा

0
कोरोना भाईरस अर्थात कोभिड19 ले गर्दा संसार नै त्रसित रहेको बेला हाम्रो देश पनी अछुतो रहने कुरा भएन्। संसारको अधिकांश देशमा यसको संक्रमण बढ्दा बढदै नेपालमा पनी असर शुरू भईसकेको थियो। म वीरगंजवासी हु र यहिको स्थानीय पब्लिक एफ एम संग आबद्ध छु। नेपालमा अली अली संक्रमण भए देखिनै  देशभरी लकडाउन लगाईएको थियो। लकडाउनको प्रभाव वीरगंजमा नपर्ने सम्भावन नै भएन। त्यसमा पनी वीरगंजबाट्ट कोरोनाको केश आईसकेको थियो। लकडाउनको प्रभावले दैनिक ज्यालादारी गरी खानेलाई र छिमेकी रास्ट्र भारत बाट्ट आउने औषधी समेत नपाएर वीरगंजमा समस्या देख्न शुरु भईसकेको थियो।
म भोलेन्टियर समुह वीरगंज संग पनी आबद्ध छु। केही संस्थाहरू मिलेर प्रहरीको समन्वयमा हेल्पडेस्क चलाउने कुरा आयो र हामी लाग्यौ जस्मा औषधी व्यवस्थापनको जिम्मा सानोपाईला संस्थाले लियो र दैनीक ज्यालादारी गरी खानेहरूका लागी खाधान्न वस्तुको व्यवस्थापनमा युवा वचन संस्था, भोलेन्टियर समुह वीरगंज र मानव सेवा आश्रम वीरगंज लाई जिम्मा आफैमा बाडफाड गर्यौ र तै अनुसार बिभिन्न ठाउ बाट्ट फोन आएपछी हाम्रो संस्थाका साथीहरूले खाधान्न लगायत औषधीहरू पुर्याउनुहुन्थ्यो।
सबै कुरा ठिक तरिकाले चलिरहेको थियो। म पनी रेडियो र हेल्पडेस्कको काम मा व्यस्त हुन्थे।
एकजना पत्रकार माथी प्रहरी द्वारा दुरव्यवहार भयो भनेर खबर आयो र बिस्तारै पत्रकारहरू जि प्र का पुग्नथाल्नुभो त्यती खेर म जिल्ला मै औषधीको लागी गएकोले त्यही अधिंकाश पत्रकारहरू संग भेट भयो।एकछिन म पनी बसे र आवश्यक कामको लागी जानुपरेकोले गर्दा म त्याहाबाट्ट निस्किए।
त्यको भोलीपल्ट पत्रकार माथी भएको दुरव्यवहार गर्ने प्रहरी बिरुद्ध घंटाघरमा धर्ना कार्यक्रम थियो तर बिहानै देखी पानी परेकोले म सहभागी हुन पाईन्।तर उक्त कार्यक्रम को भोली पल्ट घंटाघरमा सम्पूर्ण संचारकर्मी जम्मा भई प्रमुख जिल्ला अधिकारी लाई ज्ञापनपत्र दिने निर्णय भएछ र तेसै अनुसार सबै जन्ना जम्मा भइरहनुभाको थिए म पनी गए ।
घंटाघर बाट सबै संगै जिल्ला प्रशासन कार्यालय पुगेर ज्ञापनपत्र दिदा सम्म सबैजन्ना संगै रहयौ र त्यो दिनको कार्यक्रम सक्यौ तर एफ एम मा यस्तो महामारी लगायत बिभिन्न बिषयमा कसरी बचेर रिपोर्टिंग गर्दा ठिक होला भन्ने बिषयमा सानो मिटिगं थियो र त्यहा लगभग छौ सात जन्नाको समूह मा करिब एक घन्टाको मिटिंग सकेर म घर फर्के।
घर पुगेको केही बेरपछी वीरगंजमा 39 जन्ना सहित 57 जन्नामा कोरोनाको लक्ष्ण देखिएको खबर आयो त्यो हेर्दैगर्दा एक जन्ना सहकर्मीले फोन गरेर आतिदै भन्नु भयो “वीरगंजका पत्रकारलाई समेत कोरोना पोजेटिभ रिपोर्ट आएकोले तुरुन्त परिवारसंग टाढा हुनुस हाथ धुन भन्नुस र तपाई चाडै घंन्टाघर अउनुस स्वाब संकलन गराउन्न जानु पर्छ सबै जन्ना जम्मा हुदैछन”। यती कुरा सुनेपछी सुनेकै भरमा अब आफुलाई पनी शरिर तातो भएको जस्तो हुन थाल्यो। हत न पत घंन्टाघर पुगे अरु जनाको आउने क्रम जारी थियो। सबै आफैमा कुरा गरिराथे के गर्ने कसो गर्ने कोई भने नारायणी हास्पिटलका मेसु लाई फोन लगाउन् व्यस्त थे तर जती सुकै प्रयास गरेपनी फोन उठेन वाहा मिटिंगमा हुनुहुन्छ भनेर जानकारी आयो ।
धेरै बेरको पर्खाई पछी सबै आ आफ्ना घर जाउ छुट्टै बसौ अनी फोनबाट्ट सल्लाह गरी के कसो गर्नु पर्छ गरौला भन्दै आफ्नो घर तिर लाग्यौ। अरु दिनको भन्दा फरक व्यवहार थियो मेरो। घर पुग्नासाथ पानी तताउन भने गाडी बाहिरै सेनिटाईज गरे, कपडाहरू तताएको पानीमा धोएर आफै सुखाउनलाई राखेर नुहाई धुवाई गरी सिधा आफ्नो कोठामा गए र यो कोठामा कोई पनी नआउनु भने । के भयो भनेर सबै जना सोध्नथाल्नुभयो तर केहि नबोली यतीकै हो भनेर उत्तर दिए । मेरो यस्तो व्यवहार मेरो परिवारको लागी नया थियो तर बताएपछी परिवारलाई अर्कै चिन्ता हुन्छ भनेर बताउन ठिक बुझिन। दाईका छोरा छोरीहरू कोठा बाहिरको गेटबाट्ट टुलु टुलु हेरिरहे नजिक भने आउन्न दिईन्।
ओछ्यानमा पल्टेको केहि बेरमा एकजाना साथीको फोन आयो चौक तिर घुम्न जाउ भनेर तर मईले माथीका सबै कुराहरू बताउदै म जान्न सकदिन भने । त्यसको केहि बेरमै एक जना अर्को साथीले फोन गर्न साथ भन्यो “के छ खबर तेरो साथीलाई कोरोना भको हल्ला सुने तैले आफ्नो चेक गराईस…. म केहि बोलुम तबसम्म फेरी भन्यो बिना चेकअपको गाउमा आईस भने म सबलाई भन्दिन्छु है” भन्दै मलाई अझै त्रसित बनायो तर जसोतसो भने ल जा गएर भन्दे भन्दै फोन राखे केहि बेर निदाउन्न खोजे यो सब हुदा सम्म साझ परिसकेको थियो ।
आख नलागेकोले  मोबाईल खेलाउन थाले भोली सबै पत्रकारको स्वाब सक्लंन हुन्छ भनेर एक जनाले मैसेज पठाउनुभकोरहेछ म पनी अरुलाई तै मैसेज पठाउन् थाले तबसम्म खाना खाने बेला भईसकेको थियो । अरुदिनहरूमा परिवारका सदस्यहरू संगै खान्थे त्योदिन भने मेरै कोठामा खाना ल्याईदिनु आमालाई अह्राए र म आफै पानी ल्याएर बसे खाना सकाएर थाल मास्नैलाग्दा आमा र भाउजु कराउन् थाल्नुभयो “हैन के भाको आज सबै संग टाढा बसिरहनुभाछा र थाल पनी आफै मस्काउन थाल्नुभो । म कोठामा फर्के, सुतने बेला चिन्ताले उथलपुथल भएकोलेगर्दा सुत्नै सकिन्न।त्यो रात कोठाको बत्ती बती पनी निभाईन् र ढोका पनी खुलै छोडे मोबाईल चलाएरै बिहान्न भयो तर  बाबाले आउने जाने बहाना गरी रातभरी मा 5/6 पल्ट कोठा भीत्र हेर्न खोजनुभाको मईले महसुस गरे।
बिहान् आमाले तातो पानी दिदै मलाई उठाउनुभयो । दश बजे नारायणी पुगने कुरा थियो म सबै काम सकाएर मेरै गाउ तिरको एक जना हुनुहुन्थियो निषेधाज्ञाले गर्दा हामी पैदल  नरायणी पुग्यौ । हामी पुग्दा सम्म धेरै भिड भईसकेको थियो कतीले स्वाब संकलन गराईसकनुभाथियो । चर्को घाममा एक घन्टा लाईनमा बसेपछी किट सकिसकेकोले अब आज हुदैन्न भोली हुन्छ भनेर खबर आयो यो अर्को आफत थियो किन भने त्यती टाढा बाट्ट हामी पैदल पुगेका थियौ। एक जनाले बेल्का पाचँ बजे पनी संकलन हुन्छ भनेर भने अनी सेना परिचालन भईसकेकोले हामलाई जान्न आउन्न गार्हो भएकोले आजै गराई हालौ भनेर छौ सात जन्नाको समुह हास्पिटलको पस्चिम पट्टीको सानो पार्कमा बस्यौ।
समय संगै डर पनी बढन थाल्यो पाचँ बजे सम्म कुनै सुरसार र आधिकारिक मान्छे संग सम्पर्क हुन नसकेकोले हामी घर फर्कयौ संकलन भने धेरै पछी भएको खबर पाए। घर आएर आफ्नो कोठामा पसे यतिकै मोबाईल चलाईरहदा आफुले चिनेको र राम्रै सम्बन्ध भएको एक जन्ना वार्ड अध्यक्ष लाई आफ्नो स्वाब संकलन गराई दिनलाई मैसेज गरे तर त्यो मैसेजको अत्तर आज पाचँ दिन बितिसक्दा पनी आएको छैन्। वहाले मेरो साथीहरूसंग मेरो खबर सोधनुभाछ भनेको कुरा पनी सुने तर मेरो मैसेजको उत्तर दिन अहिले सम्म भयाउनसक्नुभाछैन्न।
 मईले आफै नारायणी पुगेर स्वाब संकलन गराएर घरमै डराउदै तिन दिन एकान्त बास बसेपछी रिपोर्ट आयो र रिपोर्ट निगेटिभ भएको कुरा थाहा पाए पछी मनलाई राहत भयो र भगवानलाई गुहार्दै यो चार पाँच दिन भीत्र बितेका सबै कुरा मनन गर्न थाले कि परेको बेला सधै संगै घुम्ने साथीले धम्की दिएको र आफ्नै हुनुहुन्छ भनेर धाक लगाउने अध्यक्ष सम्म पनी काम लागेन्न संगै हल्ला मात्रै फैलिदा गलत व्यवहार गर्ने हाम्रो समाजले पुस्ठि भईसकेकाहरूसंग र तिनका परिवारसंग कसरी व्यवहार गरिराहोला भन्ने मेरो प्रशन अझै छ ? आफ्नो परिवार बाहेक अरु कसै माथी विश्वास र आस नगरेकै बेश लगायतका पाठ सिखायो कोरोनाको त्रासले – श्याम सरार्फ (वीरगंज)

धुलिखेल अस्पतालमा मृत्यु भएकी महिलामा कोरोना पोजिटिभ

0

काठमाडौँ । कोरोना संक्रमणको आशंका गरिएकी एक महिलाको बिहीबार राति उपचारको क्रममा धुलिखेल अस्पताल मृत्यु भएपछि अस्पतालमा उच्च सतर्कता अपनाइएको छ । मृत्युपछि धुलिखेल अस्पतालमै गरिएको पीसीआर परीक्षणको रिपोर्ट पोजिटिभ आएको बताइएको छ । बिहीबार साँझ नै सिन्धुपाल्चोकको बाह्रबिसेबाट स्वासप्रस्वासमा समस्या भएपछि उपचारका लागि उनलाई धुलिखेल अस्पताल ल्याइएको थियो ।

अस्पताल उच्च स्रोतका अनुसार राति साढे ९ बजे इमर्जेन्सीमा ल्याउँदा उनको अवस्था निकै गम्भिर थियो । साथै स्वास फेर्न समेत निकै कठिन भइरहेको थियो ।

‘हामीले अनेक प्रयास गर्‍यौं । स्वास फेर्न गाह्रो भएको थियो । ट्युब राखेर भेन्टिलेट गर्दा पनि बचाउन सकेनौं,’ उनले भने, ‘त्यसपछि हामीले स्वाब लिएर परीक्षण गर्दा आज बिहान रिपोर्ट पोजिटिभ आयो । थप यकिन गर्न हामीले नमुना राष्ट्रिय जनस्वास्थ्य प्रयोगशाला पनि पठाएका छौं ।’

स्रोतका अनुसार २९ वर्षकी ती महिलाले बैशाख २३ गते काठमाडौंको महाराजगञ्जस्थित शिक्षण अस्पतालमा बच्चा जन्माउनको लागि भर्ना भएकी थिइन् । उनले २४ गते बच्चालाई जन्म दिएकी थिइन् । शिक्षण अस्पतालबाट २५ गते डिस्चार्ज भएकी उनलाई बाह्रबिसे पुगेपछि स्वास्थ्यमा समस्या देखिएको जानकारी प्राप्त भएको छ ।

कोरोना संक्रमणको आशंकामा उनको स्वाव संकलन गरी पीसीआर परिक्षण गर्दा शंकास्पद रिपोर्ट आएपछि पुनः परीक्षण गर्न पठाइएको धुलिखेल अस्पतालका प्रवक्ता डा. सुमनराज ताम्राकारले जानकारी दिए ।

कोरोनासँग मिल्दोजुल्दो लक्षण भएकी ती महिलाको मृत्यु भएपछि अस्पतालबाट ५ सय मिटरको दुरीसम्म कसैलाई प्रवेश दिइएको छैन । ‘सतर्कता अपनाएका हौं, संक्रमणको पुष्टी भइसकेको छैन,’ जिल्ला विपद व्यवस्थापन समितिका संयोजक समेत रहेका प्रमुख जिल्ला अधिकारी श्रवणकुमार तिमल्सिनाले भने, ‘रिपोर्ट आएपछि सोही अनुसारको निर्णय गर्छौं ।’ साभार : कान्तिपुर

थप दुई जनामा कोरोना संक्रमण, संक्रमितको संख्या २७८ पुग्याे

0

काठमाडौँ । स्वास्थ्य तथा जनसंख्या मन्त्रालयले थप दुई जनामा कोरोना संक्रमण देखिएको बताएको छ ।

मन्त्रालयले शनिबार आयोजना गरेको नियमित मिडिया ब्रिफिङमा डा विकास देवकोटाले महोत्तरी ५२ वर्षीय पुरुष र काभ्रे जिल्लाका २६ वर्षीय पुरुषमा कोरोनाको संक्रमण देखिएको जानकारी गराए ।

यो सँगै संक्रमितको संख्या २७८ पुगेको छ । जसमा ३६ जना निको भएर घर फर्किएका छन् । संक्रमितमध्ये पुरुष २२४ जना रहेका छन् भने ५४ जना महिलाहरु रहेका छन् ।

मन्त्रालयका अनुसार शनिबारसम्म नेपालमा आरडीटी विधिबाट ६५ हजार ७ सय ४९ नमुना परीक्षण भएका छन् । पीसीआर विधिबाट भने हालसम्म २६ हजार ६ सय ९१ परीक्षणहरु भएकाे छ ।

वीरगंजका सबै पत्रकारको कोरोना रिपोर्ट नेगेटिभ

0

वीरगन्ज । कोबिड १९ को आशंकामा गत बुधबार पिसिआर परीक्षण गरिएका वीरगन्जका सबै १०४ जनाको कोरोना रिपोर्ट नेगेटिभ आएको छ । नेपाल पत्रकार महासंघ  प्रदेश २ का अध्यक्ष दिपेन्द्र चौहानका अनुसार गत बुधबार नारायणी अस्पतालमा पुगेर थ्रोट स्वाबको नमुना दिएका सबै पत्रकारको पिसिआर रिपोर्ट नेगेटिभ आएको हो ।

संगै काम गर्ने २ सहकर्मीमा पनि कोरोना संक्रमण पुष्टि भएपछि वीरगन्जका अरु सबै पत्रकारलाई आफूमा पनि संक्रमण सरेको छ कि भन्ने आशंका थियो । त्यहि कारण वीरगन्ज र काठमाडौंका विभिन्न संचारगृहमा कार्यरत पत्रकारहरुले बुधबार नारायणी अस्पतालमा पुगेर परीक्षणका लागि आ-आफ्नो स्वाबको नमुना दिएका थिए ।

बुधबार अस्पतालमा पुगेका १०४ जना पत्रकारको स्वाबको नमूना संकलन गरेर अस्पतालले त्यही दिन पिसिआर परीक्षणका लागि काठमाडौंको राष्ट्रिय जनस्वास्थ्य प्रयोगशाला टेकु पठाएको थियो । टेकुको प्रयोगशालाबाट शनिबार बिहान प्राप्त रिपोर्टमा १०४ जना पत्रकारको रिपोर्ट नेगेटिभ आएको जानकारी अस्पतालले दिएको अध्यक्ष चौहानले बताए ।

मङगलबार २ पत्रकार पनि संक्रमण भेटिएपछि वीरगन्जका सबै पत्रकार मानसिक तनावमा थिए । केहि एफएमका सन्चारकर्मी घर नगइ ४ दिनदेखि  कार्यालयमै बसेका थिए । तर शनिबार सबैको रिपोर्ट नेगेटिभ आएपछि वीरगन्जका पत्रकारहरुले तनावमुक्त भइ खुशी महसुस गरिरहेको अध्यक्ष चौहानले जानकारी दिए ।

‘२ जना पत्रकारलाई संक्रमण देखिएपछि गाउँटोलमा पत्रकारलाई समाजका केही व्याक्तिले हेर्ने दृष्टिकोण नै फरक पाइएको थियो’ , चौहानले भने, ‘तर अब रिपोर्ट नेगेटिभ आएपछि समाजको दृष्टिकोण पक्कै पनि फेरिन्छ होला भन्ने अपेक्षा छ ।’

वीरगन्जमा अझै पनि केहि पत्रकारले पिसिआर परीक्षण नगराएको जानकारीमा आएको भन्दै चौहानले परीक्षण नगराएका पत्रकारहरुलाई पनि अस्पताल पुगेर परीक्षण गराउन आग्रह गरे ।

अन्तत गण्डकलाई नै काेराेना अस्पताल बनाउने तयारी हुदै

0

वीरगंज । लामाे समयकाे प्रयास पछि अन्तत गण्डक अस्पताल नै काेराेना अस्पताल हुने भएकाे छ । वीरगन्जस्थित नारायणी अस्पतालको आइसोलेसनमा कोरोना संक्रमित भरिएका पछि गण्डक अस्पतालाई नै काेराेना अस्पताल बनाउने तयारी थालिएकाे हाे ।

स्वास्थ्य तथा जन संख्या मन्त्रालयले मंगलबार महानगरलाई कोविड अस्पताल संचालन गर्ने अधिकार दिएसँगै वीरगंज महानगरपालिकाले सम्झौता अनुरुप बिहीबार गण्डक अस्पतालको निरीक्षण गरेको छ ।

मन्त्रालयले वीरगंजको नारायणी अस्पतालको व्यस्थापन र वीरगंज महानगरको आर्थिक र भौतिक दायित्वमा सम्झौता गरेअनुसार कोभिड अस्पताल संचालनका लागि निर्देशन दिएको थियो ।

महानगरका मेयर बिजय सरावगी, नारायणी अस्पतालका मेडिकल सुपरिटेण्डेण्ट डा.मदन उपाध्याय लगायतको टोलीले गण्डक अस्पतालको निरीक्षण गर्दै आवश्यक तयारी अघि बढाएको हो ।

वीरगंजमा कोरोना संक्रमितको संख्या दिनहुँ बढ्दै जाँदा कोरोना विशेष अस्पतालको आवश्यकता खड्किँदै गएपछि सम्झौता अनुरुप गण्डक अस्पतालमा संक्रमितको उपचार गर्ने ब्यवस्था मिलाउन लागिएको मेयर सरावगीले जानकारी दिनु भयो ।

गण्डक अस्पताललाई कोरोना विशेष अस्पताल बनाइने भएपछि त्यहाँ उपचार गराइरहेका विरामीलाई भने अन्यत्र ब्यवस्थापन गर्न लागिएको छ । अस्पतालमा अहिले १२ जनालाई भर्ना गरेर उपचार गरिरहेको र उनीहरुलाई अन्यत्र ब्यवस्थापन गरेर अस्पताल महानगरको जिम्मा लगाउन लागिएको अस्पतालका संचालक रहबर अन्सारीले बताउनु भयो ।

वीरगन्जमा मात्र ९० जना कोरोना संक्रमित छन्। जसमध्ये ७० जना नारायणी अस्पतालको आइसोलेसन बेडमा भर्ना भएका छन्।

बाँकी २० जनालाई अस्पतालमा ठाउँ नभएपछि विद्यालयको क्वारेन्टाइनमा राखिएको छ। थप हुने संक्रमितहरूको लागि अस्पतालमा ठाउँ छैन। उनीहरूलाई क्वारेन्टाइनमै लानुपर्ने हुन्छ।

अब थप कोरोना संक्रमितहरूलाई गण्डक अस्पतालमा बन्ने काेराेना अस्पतालमा नै भर्ना गरिने छ। वीरगन्ज संक्रमणको उच्च जोखिममा रहेकाले थप संक्रमित बढ्ने अनुमान गरिएको छ।

गत मंगलबार पर्साका ५७ जना संक्रमित थपिएपछि अस्पतालमा बेड नभएकै कारण त्यस मध्येका १७ जनालाई एकदिनसम्म अस्पताल भर्ना गरिएन। पछि विद्यालयमा रहेको क्वारेन्टाइनलाई नै सेमी आइसोलेसन बेड तयार पारेर तिनिहरुलाई राखियो। हिजो थपिएका तीनजना कोरोना संक्रमितसहित २० जना विद्यालयको क्वारेन्टाइनमा छन्। तीमध्ये एकजना कोरोना संक्रमितको उपचारमै खटिएका नर्स पनि छन्।

वीरगंज महानगरपालिकाका मेयर सरावगीकाे एकलाे प्रयासले मात्र याे पनि सम्भव हुने देखिएकाे छ । अझै पनि पर्सामा संक्रमितकाे संख्या बढने क्रममा रहेकाेले गण्डक अस्पतालमा बन्ने काेराेना अस्पतालले मात्र नभेयाउने र अरु अस्पताललाई पनि आइसाेलेसन बनाउनु पर्ने आवश्यकता देखिन्छ ।