Date
आइत, मंसिर ६, २०८३
Sun, November 22, 2026
Home Blog Page 976

पर्साका २९ क्वारेन्टाइनमा १२ सय ६५ जना, ३ हजारकाे पिसिआर परिक्षण

0

वीरगंज । पर्साका १४ स्थानिय तहकाे २९ ठाउँमा क्वारेन्टाइन संचालनमा रहेकाे जिल्ला प्रशासन कार्यालय पर्साले जनाएकाे छ ।

वीरगंज महानगरपालिकाकाे ५, ठाेरी गाउँपालिकाकाे ५, जगरनाथपुर गाउँपालिकाकाे ४, जिराभवानी गाउँपालिकाकाे २, पर्सागढी नगरपालिकाकाे २, पटेर्वा सुगाैली गाउँपालिकाकाे २, सखुवा प्रसाैनी गाउँपालिकाकाे २ ठाउँमा र कालिकामाई गाउँपालिका, पकहा मैनपुर गाउँपालिका, बहुदरमाई नगरपालिका, पाेखरिया नगरपालिका, धाेबिनी गाउँपालिका, बिन्दवासिनी गाउँपालिका, छिपरहमाई गाउँपालिकाकाे एक-एक ठाउँमा क्वारेन्टाइन संचालनमा रहेकाे सहायक प्रमुख जिल्ला अधिकारी ललित कुमार बस्नेतले जानकारी दिए ।

पर्सामा संचालन रहेकाे क्वारेन्टाइनहरुकाे बेड क्षमता १२ सय ६५ रहेकाे उनले वताए ।

उनका अनुसार हाल पर्साका क्वारेन्टाइनमा ३४ महिला र ४ सय ९८ पुरुष सहित ५ सय ३२ जना रहेका छन् । यी सबै भारतबाट आएका, कन्ट्रेक्ट ट्रेसिङ्ग गरिएका, स्वाब संकलन गरिएका र अन्य शंकास्पद व्यक्तिहरु हुन् ।

यस्तै क्वारेन्टाइनमा १४ दिन बसे पछि काेराेना परिक्षण गर्दा रिपाेर्ट नगेटिभ आएका ४ सय २५ जना हाेम क्वारेन्टाइनमा रहेका छन् ।

काेराेना संक्रमितकाे उपचारकाे लागि पर्सामा आइशाेलेसन एक सय २८ बेड क्षमताकाे रहेकाे छ । नारायणी अस्पतालमा ७०, गण्डक काेराेना बिशेष अस्पतालमा ५० र पाेखरिया नगरपालिकामा ८ बेडकाे आइशाेलेसन रहेकाे सहायक प्रजिअ बस्नेतले वताए ।

हाल ६ महिला सहित ३० जनालाई गण्डक काेराेना अस्पतालकाे आइसाेलेशनमा राखिएकाे उनले जानकारी गराए ।

जिल्ला प्रशासन कार्यालय पर्साले आफ्नाे आधिकारिक समाजिक संजाल फेसबुकमा सार्बजनिक गरेकाे तथ्यांक अनुसार हाल सम्म जम्मा ३ सय ८० जनाकाे स्वाब संकलन गरिएकाे छ । जस मध्ये २९ सय ५५ काे स्वाब परिक्षणकाे नतिजा आइसकेकाे छ ।

नयाँ एक सय जनाकाे स्वाब संकलन भएकाे छ भने एक सय २५ जनाकाे स्वाब परिक्षणकाे नतिजा आउन बाकी रहेकाे छ ।

अस्पताल भर्ना भएका ७२ जना काेराेना संक्रमित निकाे भई डिस्चार्ज भएका छन् । जस मध्ये साेमबार मात्र ४३ जना नारायणी अस्पतालबाट डिस्चार्ज भएका थिए ।

यस्तै हाल सम्म आरडिटी टेस्ट २ हजार ४ सय ६६ जनाकाे गरिएकाे छ ।

जिल्ला प्रशासन कार्यालयले कालाेबजारी गर्ने १२ जनाकाे कारबाही गरिएकाे र हाल सम्म वीरगंज महानगरपालिका, बिन्दवासिनी गाउँपालिका र जगरनाथपुर गाउँपालिका बाहेक २२ हजार ७ सय ५८ जनाले राहत पाएकाे जनाएकाे छ ।

रौतहटमा २२ र बारामा ३ सहित थप ९० जनामा कोरोना संक्रमण

0

वीरगंज । नेपालमा आज थप ९० जनामा कोरोना भाइरस (काेभिड १९) संक्रमण पुष्टि भएकाे छ । याेसंगै संक्रमित हुनेको संख्या ७ सय ७२ पुगेको छ ।

मंगलबार स्वास्थ्य मन्त्रालयको नियमित पत्रकार सम्मेलनमा प्रवक्ता डा विकास देवकोटाले विभिन्न जिल्लाका थप ९० जनामा संक्रमण देखिएको जानकारी दिएका हुन् ।

मंगलबार संक्रमण पुष्टि हुनेहरुमा कपिलवस्तुका २६, रौतहटका २२ जना, सुर्खेतका १२, बाँकेका ८, सिरहाका ५, बाराका ३, महोत्तरी, जुम्ला, गुल्मी, अर्घाखाँची र स्याङ्जाका २/२ र धनुषा, रुपन्देही, कैलाली र अछामका एक/एक जना छन् । योसँगै मुलुकका ४६ जिल्लामा संक्रमण देखिएको छ ।

हालसम्म सबैभन्दा बढी बाँकेमा १५४ जनामा संक्रमण पुष्टि भएको छ । त्यस्तै कपिलवस्तुमा १०९, पर्सामा ९५, रौतहटमा ६९ र रुपन्देहीमा ४४ जनामा संक्रमण पुष्टि भएको छ ।

हालसम्म संक्रमण पुष्टि भएकाहरुमध्ये १५५ जना निको भएका छन् भने बाँके, सिन्धुपाल्चोक, गुल्मी र बाराका एक/एक गरी ४ जनाको कोरोना संक्रमणबाट मृत्यु भएको छ ।

नारायणी अस्पतालमा तत्काल जनरल सेवा संचालन गर्न माग

0

वीरगञ्ज । वीरगंजको नारायणी अस्पतालमा तत्काल समपूर्ण जनरल सेवा संचालन गर्न जनता समाजवादी पार्टी वीरगञ्ज महानगर कार्य समितिले माग गरेको छ ।

अस्पतालमा उपचाररत सबै कोरोना संक्रमित निकाे भई डिस्चार्ज भइसकेकाले छिटोभन्दा छिटो अस्पतालबाट जनरल सेवा सुरु गर्न माग गर्दै अस्पतालका मेडिकल सुपरिटेण्डेण्ड डा.मदन उपाध्यायलाई जनता समाजवादी पार्टी वीरगञ्ज महानगर कार्य समितिले ज्ञापन पत्र बुझाएको हो ।

पार्टीकाे वीरगञ्ज महानगर कार्य समितिका अध्यक्ष लियाकत अलीकाे नेतृत्वकाे टाेलीले अस्पताल मै पुगी इमर्जेन्सी सेवा, ओपीडी, प्रसुती लगायत सबै सेवा संचालनमा ल्याउन माग गर्दै ज्ञापन पत्र बुझाएकाे जनता समाजवादी पार्टीका नेता राजेशमान सिंहले वताए ।

ज्ञापन पत्र बुझ्दै मेसु उपाध्यायले सबैको सहयोगमा नारायणी अस्पताललाई छिटो भन्दा छिटो जनरल सेवा दिने अस्पतालको रुपमा सञ्चालनमा ल्याउने बताए ।

ज्ञापन पत्र बुझाउन महानगर अध्यक्ष अलीसहित, कोषाध्यक्ष अफरोज आलम, वडा नं ३ का वडा अध्यक्ष बैजुलाल स्वर्णकार, सदस्य तुफैल अख्तर, नेताहरू रूपेशमान सिंह, सलाउद्दीन मंसुरी, राहुल तुल्स्यान, जियाउल हक हवारी, विधार्थी नेता मधुसूदन चौरसिया लगायतको उपस्थिति रहेको थियो ।

जितपुरसिमरा वडा नं. २१ काे कार्यालयद्वारा धानकाे बीउ तथा मल वितरण

0

वीरगंज । बाराकाे जितपुरसिमरा उप महानगरपालिका वडा नं. २१ काे वडा कार्यालयले धानकाे बीउ, मल तथा किटनाशक औषधी वितरण गरेकाे छ ।

कृषकहरुलाई हाइब्रिड शंखर धान तथा लाेकल साबित्री धानकाे बीउ वितरण गरिएकाे वडाध्यक्ष कृष्ण शाही ठकुरीले जानकारी दिए । यसका साथै कृषकहरुलाई रसायनिक मल र किटनाशक औषधी समेत वितरण गरिएकाे वडाध्यक्ष ठकुरीले वताए ।

वडा अन्तर्गतका ६५ कृषकहरुलाई अनुदान स्वरुप निशुल्क रुपमा धानकाे हाइब्रिड बीउ, रसायनिक मल र किटनाशक औषधी वितरण गरिएकाे वडा कार्यालयले जनाएकाे छ ।

जिराभवानीकाे पकडी टाेलका ३५ अति विपन्न परिवारले पाए राहत

0

वीरगंज । पर्साकाे जिराभवानी गाउँपालिक वडा नम्बर १ पकड़ि टोलामा आज राहत वितरण गरिएकाे छ । पकडी टाेलका ३५ सकुमबासी, बिपन्न गरीब मुसहर(माँझी) घर परिवार तथा धांगड़ (उराँव) परिवारलाई राहत वितरण गरिएकाे भाेर संस्थाका संस्थापक अध्यक्ष राज कुमारले वताए ।

राहतमा चामल २० किलाे, दाल २ कलाे, खाने तेल एक लिटर, हरियो तरकारी ५ किलाे, स्वाबीन एक किलाे, आलु २ किलाे, प्याज २ किलाे, नुन एक किलाे र साबुन २ पिस वितरण गरिएकाे अध्यक्ष राजकुमारले जानकारी दिए ।

भोर संस्थाको आर्थिक सहयोग र सामाजिक अभियन्ता थारूको संयोजनमा स्थानीय युवाहरु रामशरण खवास, अजगैबीनाथ ग़ौरो, तथा प्रभु चौधरीको सहयोगमा राहत बितरण गरिएको हाे ।

राहत वितरणकाे क्रममा बिश्वभरी महामारीकाे रुपमा फैलिएकाे काेराेना भाइरस संक्रमण राेकथाम तथा नियन्त्रकाे लागि भएकाे लकडाउनकाे आज ६३ औं दिन सम्म पनि तीन तहका सरकार मध्ये कुनै पनीं सरकारको ध्यान नगएकाे पिडितहरुले गुनासाे समेत गरेकाे वताइएकाे छ ।

उक्त गाऊँपालिकको वार्ड नम्बर १ को चमरी टोल, बेलटारी तथा वार्ड नं ५ को हरैया, सखुवनीय र शंकर सरैयाको विपन्न बर्ग हरुलाई अझसम्म पनीं राहत नपाएकाे गुनासाे समेत गरेका छन् ।

छिपहरमाईकाे क्वारेन्टाइमा रहेका ५८ जनालाई घर पठाइयाे

0

वीरगंज । पर्साकाे छिपहरमाई गाउँपालिकाकाे क्वारेन्टाइनमा रहेका ५८ जनाकाे पिसिआर रिपाेर्ट नगेटिभ आएपछि घर पठाइएकाे छ ।

गाउँपालिकाकाे वडा नं. ५ भिस्वा स्थित श्री मंगल माविकाेकाे क्वारेन्टाइनमा रहेका ५८ जनाकाे पिसिआर बिधिबाट गरिएकाे काेराेना परिक्षणकाे रिपाेर्ट नगेटिभ आए पछि घर पठाइएकाे प्रमुख प्रशासकिय अधिकृत देवनाथ साहले वताए ।

यी सबै जनाकाे जेठ ७ गते स्वाब संकलन गरि पिसिआर परिक्षणकाे लागि नारायणी अस्पतालमा पठाइएकाे थियाे । नारायणी अस्पतालकाे प्रयाेगशालामा गरिएकाे परिक्षणमा साेमबार सांझ रिपाेर्ट नगेटिभ आए पछि सबै जनालाई घर पठाइएकाे हाे ।

अहिले पनि भिस्वास्थित मंगल माविकाे क्वारेन्टाइनमा २१ जना रहेकाे प्रमुख प्रशासकिय अधिकृत साहले जानकारी दिए ।

साेही क्वारेन्टाइनमा रहेका १४ जनामा बैशाख ३० गते काेराेना संक्रमण फेला परेकाे थियाे । ति सबै जना पनि साेमबार नै काेराेना निकाे भएर नारायणी अस्पतालकाे आइसाेलेसनबाट डिस्चार्ज भएकाे गाउँपालिका स्वास्थ्य संयाेजक शम्भु साहले वताए ।

यता अहिले पनि छिपहरमाई गाउँपालिकाकाेे वडा नं. ४  श्री नेरा प्रावि तुलसी बर्वाकाे क्वारेन्टाइनमा ४० जना र वडा नं. ३ स्थित श्री नेरा प्रावि बुडगाइनकाे क्वारेन्टाइनमा ८ जना रहेकाे गाउँपालिका कार्यालयले जनाएकाे छ।

जुनियर चिकित्सकहरु बिच भएकाे विवाद समाधान

0

वीरगंज । नेपाल चिकित्सक संघ नारायणी शाखा, वीरगंजले एक प्रेस विज्ञप्ती जारी गर्दै जुनियर चिकित्सक बिच साेमबार भएकाे विवाद समाधान भइसकेकाे जनाएकाे छ ।

चिकित्सक संघका सिचव डा. उदय नारायण सिंहले साेमबार सांझ नै प्रेस विज्ञप्ती जारी गर्दै बिश्व व्यापिरुपमा फैलिएकाे काेराेना महामारीसंग लड्न अग्रपंतिमा व्यस्त रहेकाे अवस्थामा नेपाल चिकित्सक संघका जुनियर चिकित्सकहरु बिच भएकाे समान्य विवाद प्रति संघकाे ध्यानकर्षण भएकाे जनाइएका छन् ।

यसका साथै संघले घटना प्रति निकै मर्माहत भएकाे जनाउदै खेद प्रकट समेत गरेकाे हुन् ।

साे घटना पुन: दाेहाेरिन नदिन चिकित्सक संघका केन्द्रिय कमिटीका सह सचिव डा. निरज कुमार सिंह तथा शाखा सचिव डा. उदय नारायण सिंहकाे संयाेजकत्वमा दुबै पक्षलाई मेलमिलाप गराई चित बुझ्दाे तरिकाले समस्या समाधान गरिसिकिएकाे जारी प्रेस विज्ञप्तीमा उल्लेख गरिएकाे छ ।

साेही घटनामा चिकित्सक संघ नारायणी शाखाका सचिवकाे संलग्ना रहेकाे कुरा गलत भएकाे समेत जारी विज्ञप्ती मार्फत जानकारी गराइएकाे छ ।

नेसनल मेडिकल कलेजलाई कारबाही गर्न गृह मन्त्रालयलाई सिफारिस

0

वीरगन्ज । पीसीआर रिर्पोट नआउँदै मृत्यु भएका बिरामीको शव परिवारलाई जिम्मा लगाएको नेशनल मेडिकल कलेज तथा शिक्षण अस्पतालमाथि थप अनुसन्धान एवं कारबाही गर्न जिल्ला संकट व्यवस्थापन केन्द्र पर्साले निर्णय गरेको छ ।

प्रमुख जिल्ला अधिकारी विष्णुकुमार कार्कीको अध्यक्षतामा बसेको कोभिड–१९ जिल्ला संकट व्यवस्थापन केन्द्रको बैठकले घटना बारे छानबिन गरी कारबाही गर्न निर्णय गरेको हो ।

मेडिकल कलेजकाे घटनामा थप छानबिन एवं कारबाही प्रक्रिया अघि बढाउन संघीय गृह मन्त्रालयमार्फत् स्वास्थ्य तथा जनसंख्या मन्त्रालयलाई अनुरोध गरिएको सहायक प्रमुख जिल्ला अधिकारी ललित कुमार बस्नेतले बताए ।

कोरोना पोजेटिभ देखिएका मृतकको सम्पर्कमा आएका उक्त कलेजका स्वास्थ्यकर्मीलगायत अन्य सबै व्यक्तिहरुको कनट्याक्ट ट्रेसिङ गर्ने र उपचारमा संलग्न चिकित्सक एवं स्वास्थ्यकर्मी लगायत संलग्न सबै व्यक्तिहरुलाई क्वारेन्टाइनमा राखी पीसीआर चेकजाँच गर्ने निर्णय पनि बैठकले गरेको छ ।

नेशनल मेडिकल कलेजले मृतकको उपचार गरेको कक्ष तत्काल सिल गर्ने समेत संकट व्यवस्थापन केन्द्रले निर्णय गरेको सहायक प्रजिअ बस्नेतले जनाए ।

नेशनल मेडिकल कलेजमा जेठ २ गते भर्ना गरिएको बारा कलैया उपमहानगरपालिका ७ निवासी एक ७० वर्षीय व्यक्तिमा कोभिड १९ संक्रमणको आंशकामा साेही दिन पीसीआर जाँचको लागि स्वाब संकलन गरि नारायणी अस्पतालमा पठाइएकाे थियाे ।

साे व्यक्तिकाे जेठ ४ गते मृत्यु भए पछि पीसीआर नतिजा नआउँदै शव आफन्तलाई जिम्मा लगाइएको र मृतकको सदगदसमेत गरिएको थियो । तर जेठ ५ गते नारायणी अस्काेपतालकाे प्रयाेगशालामा गरिएकाे पिसिआर रिपाेर्ट शंकास्पद देखिए पछि काठमाण्डाै स्थित टेकु प्रयाेगशाला पठाइएकाे थियाे ।

त्यस पछि मृत्यु भएकाे ७ दिन पछि आज मात्र पिसिआर रिपाेर्ट पाेजेटिभ आएपछि नेशनल मेडिकल कलेजकाे लापरवाही प्रमाणित भएकाे हाे ।

भिस्वामा राेकिएका २९ जनालाई जगरनाथपुर गापाले क्वारेन्टाइनमा राख्याे

0

वीरगंज । पर्साकाे छिपहरमाई गाउँपालिकाकाे वडा नं. ५ भिस्वास्थित राेकिएकाहरु आ आफ्नाे पालिका तर्फ लागेका छन् ।

भारतकाे हरियाणाबाट आएका ३८ जना कामदारहरु आज विहान भिस्वास्थित सिमानाकामा राेकिएका थिए ।

जसमध्येका जगरनाथपुर गाउँपालिकाका २९ जनालाई गाउँपालिकाले आफ्नाे जिम्मामा लिएर क्वारेन्टाइनमा राखेकाे छ । वडा नं. ६ मा घर भएका सबै जनालाई भिस्वाबाट ल्याई सन्ठी स्थित विद्यालयकाे क्वारेन्टाइनमा राखिएकाे गाउँपालिका अध्यक्ष जालिम मियाँले वताए ।

जगरनाथपुर गाउँपालिकाले तिनिहरुलाई लिन पठाएकाे टेक्टरमा सखुवा प्रसाैनी गाउँपालिकाकाे पनि एक जना आफ्नाे घर गएकाे हाम्रा सम्वाददाताले वताएका छन् ।

यस्तै वीरगंज महानगरपालिकाकाे ४ जना र बहुदरमाई नगरपालिकाका ४ जनालाई सांझ सम्म लिन काेइ नगए पछि आफै टेम्पाे रिजर्फ गरी आ आफ्नाे घर तर्फ लागेकाे हाम्रा सम्वाददाता आलाेक कुशवाहाले वताए ।

सबैजनालाई भिस्वा प्रहरी चाैकीले राेकेर आफ्नाे नियन्त्रणमा राखेकाे थियाे । भारतबाट आएकाहरुकाे सम्बन्धित स्थानिय तहका जनप्रतिनिधिहरुलाई प्रहरी चाैकी भिस्वाका सई प्रेम खत्रीले फाेनमा सम्पर्क गरी आएर आफ्नाे जिम्मा लग्न जानकारी गराएका थिए ।

४ दिन पहला ट्रकले हरियाणाबाट हिंडेका उनीहरु साेमबार विहान भिस्वास्थित आएर पुगेका थिए ।

भिस्वामा राेकिएकाहरु २ दिन देखी भाेकै रहेकाले कालिका टाईम्मसले बिस्कुट, चाउचाउ र पानी वितरण गरेकाे थियाे।

पछि छिपहरमाई गाउँपालिकाले पनि उनीहरुलाई पुरी र सेवई खुवाएकाे थियाे ।

यथासिघ्र नारायणी अस्पताल सर्वसाधारणको लागि सुचारु गरियोस् : सांसद यादव

0

वीरगंज । पर्सा क्षेत्र नं. १ बाट निर्वाचित संघिय सांसद प्रदिप यादवले पावन ईद पर्वको अवसरमा दोहोरो खुसी प्राप्त भएको वताएका छन् ।

उनले आफ्नाे आधिकारिक समाजिक संचाल फेसबुक पेजमा पावन ईद पर्वको अवसरमा अल्लाह/इश्वरको कृपाले दोहोरो खुसी प्राप्त भएको छ लेखेका छन् ।

यसका साथै नरायणी अस्पताल बीरगजमा अब आम स्वास्थ्य उपचार सेवा चाडै सुचारु हनेछ बिशवास रहेको छ, त्यहाँ उपचाररत दुई पत्रकार मित्र सहित ४३ जानाले कोरोनासङ्ग लड़ाई जिती संक्रमणमुक्त भएर डिस्चार्ज भएकाे म निर्वाचित भएको जिल्ला पर्साबाट यो सुखद खबर अएकोमा हर्षित छु पनि लेखेका छन् ।

डिस्चार्ज भएका सबैलाई बधाई दिदै उनले यो लड़ाईमा अहोरात्र खटने डाक्टर, नर्स, सफ़ाईकर्मी लगायत सबै सहयोगीलाई अभार प्रकट समेत गरेका छन् । र अब यथासिघ्र नारायणी अस्पताल सर्वसाधारणको लागि सुचारु गरियोस् भने पनि लेखेका छन् ।