Date
आइत, मंसिर ६, २०८३
Sun, November 22, 2026
Home Blog Page 975

मानवसेवा आश्रम वीरगंज चौथो बर्षमा प्रवेश

0

वीरगंज । मानवसेवा आश्रम प्रदेश नं. २, वीरगञ्ज शाखा तेश्रो वर्ष पुरा गरी आजदेखी चौथो वर्षमा प्रवेश गरेको छ ।

वि.सं. २०८२ साल भन्दा अगाडी देशलाई सडकआश्रित मानवमुक्त बनाउने अभिप्रायले वि.सं २०७४ ज्येष्ठ १५ गतदेखी औपचारीक रुपमा उद्घाटन गरिएको मानवसेवा आश्रम बीरगञ्ज शाखा आजदेखी चौथो वर्षमा प्रवेश गरेको हाे ।

मानवसेवा आश्रमले बेसहारा, अशक्त, असाहय, अनाथ, अभिभावकविहिन, शारीरिक तथा मानसिक रुपमा कमजोर व्यक्तिहरुको हेरचाह र रेखदेख गर्दै सहारा बन्दै आएको छ । निस्वार्थ भावनाका साथ सडक आश्रित मानवहरुको उद्धार, उपचार, पालनपोषण एवम् पारिवारीक पुर्नमिलन गराउने सामाजिक संस्थाको रुपमा स्थापना गरिएका मानवसेवा आश्रमका सातै प्रदेशमा १४ जिल्ला र १९ वटा सेवा केन्द्रहरु रहेका छन् । तिमध्ये प्रदेश न. २ को शाखा वीरगञ्ज रहेको छ ।

विभिन्न सामाजिक अभियानता, स्वयमसेवक, देश तथा विदेशमा रहेका शुभेच्छुक, संघ संस्था, व्यक्तिका साथै विभिन्न निकायहरुबाट प्राप्त हुने सहयोगको भरमै मानवसेवा आश्रम वीरगञ्ज शाखाले १६ महिने बालक सहित ३१ जना आमा बुबाको पालनपोषण गर्दै आएको आश्रमका प्रदेश संयोजक देवेश गुप्ताले जानकारी दिनुभयो ।

३ वर्ष सम्मको यात्रामा विभिन्न उतारचढाव तथा बाधा अड्चनहरुको सम्पुर्ण शुभचिन्तकको साथ र समर्थनका कारण सामना गर्दै चौथो वर्षमा प्रवेश गर्न सफल भएको र आगामा दिनमा पनि सहयोगी हातहरु अँझै बढ्दै जाने विश्वास पनि उहाँले व्यक्त गर्नुभयो ।
सम्पुर्ण समाजसेवी तथा शुभचिन्तकको सहयोग र आश्रममा आश्रित आमाबुबाको आशिर्वादका कारण थप हौसला र प्रेरणा प्राप्त हुने आश्रमका स्वयमसेवकहरु बताउँछन् ।

हाल सम्मको अवधिमा आश्रमले ८ जना भारत, ६ जना नेपाल र १ जना बंगलादेश सहित १५ जनाको पुर्नमिलन गराएको छ ।

नरसंहारमा संलग्नलाई तत्काल पक्राउ गरी कारवाही गर्न माग

0
kalikatimes

वीरगंज । राष्ट्रिय दलित पत्रकार संघ, पर्साले रूकुमपश्चिम नरसंहारमा संलग्नलाई तत्काल पक्राउ गरी कारवाही गर्न माग गरेकाे छ ।

संघले आज प्रेस विज्ञप्ती जारी गर्दै अन्तरजातीय विवाह गर्न गएका जाजरकोट भेरी नगरपालिका–४ रानागाउँका नवराज विकलाई रुकुमपश्चिम चौरजहारी नगरपालिका–८ का वडाध्यक्ष डम्बरबहादुर मल्लको नेतृत्वको गाउँलेले कुटेर हत्या गरी उनीसँगै टिकाराम सुनार र गणेश बुढामगरलाई मारेर भेरी नदीमा फालिदिएकाे वताएकाे छ ।

विज्ञप्ती मार्फत लोकेन्द्र सुनार, सञ्जु विक र गोविन्द साही अझै वेपत्ता भएको घटनाको राष्ट्रिय दलित पत्रकार संघ पर्साले घोरभत्सर्ना र निन्दा गरेकाे छ ।

संघ पर्सा अध्यक्ष श्याम पासवानद्वारा जारी विज्ञप्तीमा अन्तरजातीय विवाह हुनलाग्दा स्थानीयले बिरोध स्वरुप नरसंहार गरेका छन । यो जघन्य अपराधको जतिसुकै निन्दा गरेपनि कमै हुन्छ । घटना जातीय भेदभाव तथा छुवाछूतका कारणले भएको नरसंहार हो ।

कोराना भाइरस लकडाउनको मानवीय संकटका बेला दलित समुदायमाथि दिनानुदिन घटनाहरु भरहेका छन । लकडानको अवधीमा दलित समुदायमाथि १५ वटा जातीय भेदभावका घटनाहरु भएका छन् । तर सरकारले यी घटनाहरुप्रति कुनै गम्भीरता देखाएको छैन ।

घटनामा संलग्नलाई प्रहरीले पक्राउ गरेपनि अनुसन्धानलाई प्रभावकारी बनाएको छैन । घटनाका संलग्न वडाध्यक्ष मल्ललाई प्रहरीले छोडेकोप्रति संघको गम्भीर ध्यानाकर्षण भएको उल्लेख गरिएकाे छ ।

यसका साथै प्रमाण नष्टदेखि घटनालाई प्रभावित पार्न प्रहरीले मल्ललाई छाडेको बुझिएको छ । यसले रुकुमपश्चिम नरसंहारको अध्ययन र छानवीनको लागि संसदीय समिति तत्काल घटनास्थल पुगोस । राष्टिय मानवअधिकार आयोग घटनास्थल पुगेर तत्काल सत्यतथ्य बाहिर ल्यायोस भने माग समेत गरिएकाे छ ।

यसगँगै धनकुटा, झापा, सिरहा, सप्तरी, कास्की, स्याङ्जा, रुपन्देही, पाल्पा, जाजरकोट लगायतका जिल्लामा हालै घटेका जातीय भेदभाव तथा छुवाछूतका घटनाहरुको तत्काल छानवीन गरी कडा कारवाहीको माग संघले गरेकाे छ ।

गणतन्त्र दिवसको अवसरमा पाेखरियामा रक्तदान

0

वीरगंज । नेपालको १३ औं गणतन्त्र दिवसको अवसर आज पाेखरियामा रक्तदान कार्यक्रम सम्पन्न भएकाे छ ।

पोखरिया नगरपालिका कार्यालय, रेडक्रस सोसाइटी पोखिरीय उपशाखा, ईलाका प्रहरी कार्यालय पोखरिया, सशस्त्र प्रहरी बल नेपाल सुरक्षा बेश क्याम्प र पोखरिया अस्पतालको संयुक्त आयोजनामा भएकाे कार्यक्रममा ४० जनाले रक्तदान गरेका छन् ।

रेडक्रस पोखरिया उपशाखाका सभापति भगवान प्रसाद कुर्मीको सभापतित्वमा भएको कार्यक्रम पोखरिया नगरपालिकाका मेयर दिपनारायण रौनियारले नेपाल रेडक्रस सोसाइटी पर्साका सभापति विरेन्द्र राज कँडेललाई रक्तदान गर्ने ब्याग हस्तान्त्रन गरी उद्घाटन गरेका थिए ।

कोरोना महामारी रोग बढदै गएकोले रक्तदान कार्यक्रममा कमी भएको हुदाँ अस्पतालमा उपचार गराउन आउने विरामीहरुलाई रगतको समस्याले कठिनाई नहोस भन्ने उदेश्यले रक्तदान कार्यक्रमको आयाेजना गर्ने आयाेजक र रक्तदाताहरुलाई नेपाल रेडक्रस सोेसाइटी पर्सा शाखाका सभापति कँडेलले धन्यवाद व्यक्त समेत गरे ।

कार्यक्रममा रेडक्रस पर्सा मन्त्री शैलेन्द्र कुमार चौरसिया, नेपाल पत्रकार महासंघ पर्साका उपाध्यक्ष अनुप तिवारी, हृदय नारायण कुर्मी, धर्मेन्द्र चौरसिया, बृजेश तिवारी, राजु रौनियार, सुदिप कुर्मी लगायतले रक्तदान गरेकाे रेडक्रसका राजन श्रीवास्तवले वताए ।

रक्तदान कार्यक्रममा पुर्व सभासद रामेश्वर प्रसाद रौनियार, प्रधुमन चाैहान, ईलाका प्रहरी कार्यालय पोखरियाका प्रहरी निरिक्षक चन्द्र कुमार सिंह, सशस्त्र प्रहरी निरिक्षक हरी सिंह विष्ट, पोखरिया अस्पतालका मेसु अनिल कुमार यादव लगायतकाकाे उपस्थिती रहेकाे थियाे भने कार्यक्रमकाे संचालन रेडक्रस पाेखरिया उप शाखाका कोषाध्यक्ष विनोद गिरीले गरेका थिए ।

रक्त संचार केन्द्रका धिरेन्द्र झा नेतृत्वकाे टाेलीले रक्तदान कार्यक्रममा प्राविधिक सहयाेग गरेकाे थियाे ।

थप १५६ जनामा काेराेना पुष्टि, संक्रमितकाे संख्या १०४२ पुग्याे

0

वीरगंज । नेपालमा कोरोना भाइरसबाट संक्रमित हुनेको संख्या एक हजार ४२ पुगेको छ । थप १ सय ५६ जनामा संक्रमण पुष्टि भएसँगै संक्रमितको संख्या एक हजार नाघेकाे हाे ।

बिहीबार आयोजित नियमित पत्रकार सम्मेलनमा स्वास्थ्य तथा जनसंख्या मन्त्रालयका प्रवक्ता डाक्टर विकास देवकोटाले पछिल्लो २४ घण्टामा थप १ सय ५६ जनामा संक्रमण पुष्टि भएकाे जानकारी दिएका हुन् । उनले याेसंगै संक्रमितकाे संख्या एक हजार ४२ पुगेकाे पुष्टि गरे ।

बिहिबार अहिले सम्मकाे सबैभन्दा बढी संक्रमित थपिएका हुन् । यसअघि बुधबार मात्रै १ सय १४ जनामा संक्रमण पुष्टि भएको थियो ।

पछिल्लो २४ घण्टामा थप संक्रमण पुष्टि हुनेहरुमा धनुषाका २९ जना, झापाका २५ जना, रौतहटका २० जना, महोत्तरीका १७, सप्तरीका १४ जना, सुर्खेतका १३ जना, दैलेखका ८ जना, सर्लाहीका ७ जना, सिरहाका ६ जना, स्याङ्जाका ३ जना, दोलखा, कैलाली र बर्दियाका २/२ जना र बाँके, मकवानपुर, दार्चुला, बझाङ, सोलुखुम्बु र नवलपरासी पूर्वका एक/एक जना रहेका छन् ।

संक्रमण पुष्टि भएकाहरुमध्ये हालसम्म १ सय ८७ जना निको भएको मन्त्रालयले जानकारी दिएको छ । त्यस्तै बुधबार थप एक जनाको मृत्यु भएसँगै नेपालमा कोरोना संक्रमणबाट मृत्यु हुनेको संख्या ५ पुगेको छ ।

बुधबार ललितपुरको बुङमतीका ५६ वर्षीय पुरुषको किस्ट अस्पतालमा उपचारका क्रममा मृत्यु भएको थियो । पहिलेदेखि नै कलेजोसँग सम्बन्धित रोगले ग्रसित उनमा कोरोना संक्रमण पुष्टि भएको मन्त्रालयले जानकारी दिएको छ ।

यसअघि सिन्धुपाल्चोक, बाँके, गुल्मी र बारामा एक/एक गरी ४ जनाको मृत्यु भइसकेको छ ।

गण्डककाे आइशाेलेसनबाट २५ जना डिस्चार्ज

0

वीरगंज । नारायणी बशेष काेराेना अस्पताल गण्डकबाट बुधबार सांझ पनि ४ जना डिस्चार्ज भएका छन् ।

२ महिला सहित ४ जना काेराेना संक्रमित निकाे भएपछि डिस्चार्ज गरिएकाे काेराेना अस्पताल गण्डकका संयाेजक डा. उदय नारायण सिंहले जानकारी दिए ।  वीरगंज महानगरपालिकाकाे वडा नं. ३ घर भएका चार जनालाई डिस्चार्ज गरिएकाे संयाेजक डा. सिंहले वताए ।

उनका अनुसार आइसाेलेसनबाट डिस्चार्ज हुनेमा २७ बर्षिय पुरुष, ३२ बर्षिय महिला, २८ बर्षिय मिहला र २८ बर्षिय पुरुष रहेका छन् ।

चारै जनाकाे पिसिआर रिपाेर्ट लगातार २ पटक नगेटिभ आए पछि डिस्चार्ज गरिएकाे नारायणी अस्पतालले जनाएकाे छ ।

गण्डकबाट मंगलबार राती पनि २१ जना डिस्चार्ज भएका थिए । त्यहाँकाे आइसाेलेसनमा अब ५ जना मात्र रहेका छन् ।

सखुवा प्रसाैनीकाे क्वारेन्टाइनका २३ जनालाई घर पठाइयाे, पुन: ५० जनाकाे स्वाब संकलन

0

वीरगंज । पर्साकाे सखुवा प्रसाैनी गाउँपालिका अध्यक्ष सहित ५३ जनाकाे पिसिआर रिपाेर्ट नगेटिभ आएकाे छ । गाउँपालिका अध्यक्ष प्रदिप जयसवाल सहित ५३ जनाकाे रिपाेर्ट नगेटिभ आएकाे प्रमुख प्रशासकिय अधिकृत सन्देश यादवले जानकारी दिए ।

उनका अनुसार जेठ ७ गते वडा नं. ३ काे श्रीपुर स्थित श्री दिपनारायण मावि औंराहा पांचगावामा १० जना र संक्रमित क्षेत्र वडा नं. १ काे सिद्धपुरमा ४३ जना गरी ५३ जनाकाे गरिएकाे स्वाब संकलनकाे रिपाेर्ट नगेटिभ आएकाे हाे ।

श्रीद्धपुरस्थितकाे क्वारेन्टाइनमा रहेका २३ जना रिपाेर्ट नगेटिभ आए पछि उनीहरुलाई आज घर पनि पठाइएकाे गाउँपालिका स्वास्थ्य संयाेजक राजेश राैनियारले वताए ।

साे अवसरमा प्रदेश सांसद मंजुर अन्सारी, गाउँपालिका अध्यक्ष जयसवाल लगायतकाकाे पनि उपस्थिती रहेकाे थियाे ।

यसै बिच आज फेरी औंराहा पांचगावा स्थित क्वारेन्टाइनमा रहेकाहरुकाे स्वाब संकलन गरिएकाे छ । क्वारेन्टाइनमा रहेका ४७ जना र स्वास्थ्यकर्मी ३ जना गरी ५० जनाकाे पिसिआर बिधिबाट काेराेना परिक्षणकाे लागि स्वाब संकलन गरिएकाे संयाेजक राैनियारले जानकारी गराए ।

प्रदुषण फैलाउँदै कालिका कन्ट्रक्सन

0

वीरगंज । घना बस्तीको बीचमै विभिन्न निर्माण कार्यका सामग्री उत्पादन गरी कालिका कन्ट्रक्सनले ब्यापक प्रदुषण फैलाई रहेको छ ।

विरगंजको वार्ड नं १५ अवस्थित लक्षुमनवा टोलमा सिमेन्टको ब्लक निर्माण गर्ने क्रममा सिमेन्ट पकाउँदा व्यापक प्रदुषण भई रहेको स्थानीयले जनाएका छन । सिमेन्ट पकाउँदा त्यसबाट निस्कने धुवाँले मानव जीवनमा प्रतिकूल असर पर्ने भएकोले यस्ता निर्माण कार्यहरु मानव बस्ती भन्दा पर गर्नु पर्ने व्यवस्था भए पनि स्थानिय प्रशासनको मिलोमतोमा नै कालिका कन्ट्रक्सनले प्रदुषण फैलाई रहेको आरोप समेत स्थानीयले लगाएका छन ।

गुठी संस्थाको जग्गा लिजमा लिएर निर्माण सामग्री निर्माण गर्दै आएको कारण फैलिने गरेको हानिकारक धुँवाबाट लक्षुमनव, पिपरा, नेवतन र बहुअरीका समग्र जनतालाई प्रत्यक्ष प्रतिकूल असर पर्दै आएकोले कालिका कन्ट्रक्सनबाट रेखदेखका जिम्मा लिएका पिपरा निवासी महिपाल पटेलसंग स्थानियहरुले पटक पटक गुनासो गरे पनि सुनवाई नभएकाे बताएका छन् ।

कन्ट्रक्सनले ब्लक निर्माणका लागि संचित गरेको बालुवा, गिटी र मिस्क गिटी मापदण्ड विपरित अनियन्त्रित तरिकाले च्याङ लगाई राखेको हुनाले फोहर लाग्नुको साथै मानविय क्षती हुन सक्ने सम्भावित खतरा बढेको देखिन्छ ।

यस अघि पनि कालिका कन्ट्रक्सनको लापरवाही र मापदण्ड विपरित हाेम पाइप च्याङ लगाएको कारण अनाहकमा एक बालकले ज्यान गुमाएको र कति बालक अपाङ्ग भएको घटना वीरगन्ज बासीको आँखाले झल्झली सम्झी रहे पनि स्थानिय प्रशासन उक्त कन्ट्रक्सन प्रति उद्दार देखिएकोले विभिन्न प्रश्नहरु उब्जाएको छ ।

एनएमसीलाई कारवाही र नारायणीकाे डायलिसिस सेवा सुचारु गर्न माग

0

वीरगंज । डायलिसिस बिरामीका अभिभावकहरुले नेशनल मेडिकल कलेजलाई कारवाही र नारायणी अस्पताकाे डायलिसिस सेवा सुचारु गर्न माग गरेका छन् । उनीहरुले पर्साका प्रमुख जिल्ला अधिकारीलाई ज्ञापन पत्र बुझाउदै यस्ताे माग गरेका हुन् ।

उनीहरुले बुझाएकाे ज्ञापन पत्रमा वीरगंजस्थित नारायणी अस्पतालमा डायलिसिस सेवा बन्द गरी नेशनल मेडिकल कलेजमा व्यवस्था गरिएको एक महिनाको अवधिमा ७ जनाको मृत्यु भएको उल्लेख गरिएकाे छ ।

यस अघि पनि कालिका टाईम्सले नारायणी अस्पतालकाे डायलिसिस सेवा बन्द गरी नेशनल मेडिकल कलेज व्यवस्था भएकाे एक महिनाकाे अवधिमा ७ जनाकाे मृत्यु भएकाे समाचार प्रकाशन गरेकाे थियाे ।

पर्साको भौराटार निवासी २५ बर्षिय कृष्णा ठाकुर, अमवा निवासी ६० बर्षिय नन्दलाल महतो, वीरगंज लक्षुमणवा निवासी ६० बर्षिय नागेन्द्र झा, मुर्ली निवासी ४५ बर्षिय नासृन बानु, सर्लाही निवासी ३५ बर्षिय अजय कार्की, गौर निवासी ५० बर्षिय तल्बुन नेसा र २४ बर्षिय रंजित मण्डलको मृत्यु भएको हाे ।

ज्ञापन पत्रमा मार्फत संघ सरकारले नारायणी अस्पताललाई कोभिड अस्पताल बनाए पछि अस्पताले बैशाख २ गते देखी आकास्मिक सहित डायलिसिस सेवा बन्द गरेको थियो । नारायणी अस्पतालमा सेवा लिइरहेका सेवाग्राहीहरुले वीरगंज स्थित नेशनल मेडिकल कलेजमा गई सेवा लिन अस्पतालले नै सार्वजनिक सुचना मार्फत आग्रह गरेको थियाे ।

त्यस पछि बैशाख ३ गते देखि नारायणीको ४० जना डायलिसिस सेवाग्राहीहरु नेशनल मेडिकल कलेजमा गएर डायलिसिस सेवा लिदै आएका थियौ तर नेशनल मेडिकल कलेजमा डायलिसिस सेवा लिदै गरेका ४० जना मध्ये एक महिनाको अवधिमा ७ जनाको मृत्यु भएको डायलिसिस बिरामीका अभिभावकहरुले वताएका छन् ।

नारायणीमा एउटा डायलाइजरबाट २ पटक हुदै आएको डायलिसिस नेशनल मेडिकल कलेजले १० पटक भन्दा बढी सम्म गर्दै आएको छ । यसका साथै डायलासिस मेसिन फास्ट चलाएर सेवाग्राहिको डायलिसिस गर्नु र डायलिसिस लापरवाही पूर्वक गर्नुले ७ जनाको मृत्यु भएको डायलिसिस बिरामीका अभिभावकहरुकाे भनाई छ ।

नेशनल मेडिकल कलेजले डायलिसिसको लागि सांझ ५ बजे बोलाएर राती ८ बजे देखी ११ बजे पछि मात्र डायलिसिस गरेर दु:ख दिने गरेकाे र कोरोना भाइरसको महामारीको बेला लकडाउनमा समेत रातीको समय सेवा लिन सास्ती भोग्नु परेको गुनासाे समेत गरेका छन् ।

यस विषयमा अस्पताल प्रशासनसंग बारम्बार गुनासो गर्दा समेत केही सुधार नभएकाेले आवश्यक छानवीन गरि दोषिलाई कारवाहि गर्न माग गरेका छन् ।

यसका साथै स्वास्थ्य तथा जनसंख्या मन्त्रालयले बैशाख ३० गते नै नारायणी अस्पतालकाे आइशाेलेसन खाली भएपश्चात बन्द रहेकाे सम्पर्ण सेवा सुचारु गर्न निर्देशन समेत दिइसकेकाेले डायलसिस सेवा सुचारु गरी परेकाे असुविधालाई तुरुन्त समाधान गर्न माग गरिएकाे छ ।

डायलिसिस बिरामीका अभिभावक शंकर महताे काेइरी, अमाेद प्रसाद गुप्ता, महमद आलम मियाँ, सिकिन्दर मियाँ, मुनेखा खातुन, गुडु गुप्ता, महेश बि, बिरामी माेहन ठाकुर लगायतकाले जिल्ला प्रशासन कार्यालय पर्सामा पुगी प्रशासकिय अधिकृत विनय श्रीवास्तव मार्फत प्रमुख जिल्ला अधिकारीलाई ज्ञापन पत्र बुझाएका हुन् ।

प्रमुख जिल्ला अधिकारीलाई बुझाइएकाे ज्ञापन पत्र नारायणी अस्पताल तथा स्वास्थ्य तथा जनसंख्या मन्त्रालयलाई समेत बाेदार्थ गरिएकाे छ ।

पिसिआर मेसिन र भिटिएम खरिद गर्न महानगरलाई सहयाेग प्राप्त हुदै

0

वीरगंज । वीरगंज महानगरपालिकालाई काेराेना भाइरस राेकथाम तथा नियन्त्रणकाे लागि सहयाेग प्राप्त हुन थालेकाे छ ।महानगरलाई पिसिआर मेसिन, भिटिएम किट लगायकाे सामग्री खरिद गर्न सहयाेग जुटन थालेकाे हाे ।

भागवती स्टिल आइएनडी प्रालि वीरगंज र सानाेपाइला बचत तथा ऋण सहकारी संस्थाले आज सहयाेग गरेकाे महानगरपालिका मेयर विजय सरावगीले वताए ।

काेराेना परिक्षणकाेलागि पिसिआर मेसिन, भिटिएम किट लगायतका सामग्री खरिद गर्न भागवती स्टिलले रु एक लाख एक हजार र सानाे पाइला बचतले रु ५१ हजार एक सय ५१ सहयाेग गरेकाे मेयर सरावगीले जानकारी गराए ।

मेयर सरावगीले काेराेनासंग लड्न पिसिआर मेसिन, भिटिएम लगायतकाे सामग्री खरिद गर्न बिस्तारे सहयाेग जुटदै गएकाे वताए ।

सहयाेग रकम बराबरकाे चेक वीरगंजका महानगरपालिकाका मेयर विजय कुमार सरावगीलाई भागवती स्टिलका प्रतिनिधि र सानाेपाइला बचतकी प्रबन्धक तस्बिरन खातुनले महानगरकाे कार्यालयमा पुगी हस्तान्तरण गरेकाे मेयर सरावगीकाे सचिवालयले जनाएकाे छ ।

सहयाेग रकम बराबरकाे चेक बुझ्दै मेयर सरावगीले वीरगंजलाई करोना मुक्त बनाउन सहयोग गर्ने भागवती स्टिल र सानाेपाइला बचतलाई धन्यावाद समेत दिनुभयाे ।

यस अघि पनि एशियन लाईफ इन्सुरेशन कम्पनीले वीरगंज महानगरलाई पिसिआर मेसिन र भिटिम खरिदकाे लागि रु एक लाख ५१ हजार सहयाेग गरेकाे थियाे ।

राैतहटमा ३६ र बारामा ७ सहित थप ११४ जनामा काेराेना संक्रमण

0

वीरगंज । नेपालमा थप एक सय १४ जनामा कोरोना संक्रमण पुष्टि भएकाे छ । याेसंगै संक्रमितको संख्या ८ सय ८६ पुगेको स्वास्थ्य तथा जनसंख्या मन्त्रालयले जनाएको छ ।

बुधबार थप ११४ जनामा कोरोना संक्रमण पुष्टि भएको मन्त्रालयले जनाएको हो ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमित हुनेमा झापाका १७ जना, सप्तरीका ११ जना, मकवानपुर हेटौंडाका १, रौतहटका ३६, बागलुङका ६, रुकुम पूर्वका ३, दाङका १५, बाँकेका १६, सिरहाका २, बाराका ७ जना रहेका छन् ।

हालसम्म कोरोना संक्रमणले सिन्धुपाल्चोकमा एक, बाँकेमा एक, गुल्मीमा एक र बाराका एक गरी ४ जनाको मृत्यु भएको छ ।

संक्रमित मध्ये एक सय ८३ जना निकाे भएर घर फर्किइसकेका छन् ।

मन्त्रालयका अनुसार मंगलबार सम्म पीसीआर विधिआट हालसम्म ५८ हजार २  सय ७७ परीक्षणहरु गरिएका छन् ।