Date
आइत, मंसिर ६, २०८३
Sun, November 22, 2026
Home Blog Page 977

७२ घण्टा पछि नारायणी अस्पतालकाे जनरल सेवा सुचारु हन्छ : मेयर सरावगी

0

वीरगंज । नारायणी अस्पताल अव आम सर्वसाधारण जनताको उपचार गर्ने अस्पतालको रुपमा संचालन हुने वीरगंज महानगरपालिकाका मेयर विजय कुमार सरावगीले वताएका छन् ।

उनले आफ्नाे आधिकारी समाजिक संजाल फेसबुकमा नारायणी अस्पतालको आइसोलेशनमा भर्ना भएको सम्पूर्ण कोरोना संक्रमित विरामीहरु आज स्वास्थ लाभ गरी डिस्चार्ज हुनु भएको छ । कोरोना संक्रमणलाई जितेर अस्पतालबाट डिस्चार्ज हुनुभएका सम्पूर्ण महानुभावहरुको पूर्ण स्वास्थलाभको कामना गर्दछु ।

भोली देखिनै वीरगंज महानगरपालिकाले नारायणी अस्पताललाई संक्रमण मुक्त राख्न निर्मलीकरण (स्यानिटाइज)को कार्य गर्नेछ र ७२ घण्टा पछि अस्पताल पूर्णरुपमा जनरल अस्पतालको रुपमा संचालनमा आउने लेखेका छन् ।

उनले नारायणी अस्पताललाई सर्वसाधारण जनताले उपचार गर्न पाउने अस्पतालको रुपमा संचालन गर्न आवश्यक पर्ने सम्पूर्ण कार्य महानगरपालिकाले गर्ने समेत लेखेका छन् ।

मेयर सरावगीले नारायणी अस्पतालाई जेनरल अस्पताल बनाउन सहयाेग गर्ने सम्पूर्णलाई धन्यावाद दिदै संकटको घडिमा वीरगंजका जनताको सेवाको लागि वीरगंज महानगरपालिका तपाईहरुको साथमा हुने विश्वास समेत दिलाएका छन् ।

नारायणी अस्पतालकाे आइसाेलेसमा उपचारतहरु डिस्चार्ज भएपछि बन्द गरीएकाे सम्पूर्ण सेवाहरु सुचारु गर्न स्वास्थ्य तथा जनसंख्या मन्त्रालय समेत पत्रचार गरि सेकाे छ भने आज आइसाेलेसनमा रहेका सबै काेराेना संक्रमित निकाे भएर डिस्चार्ज भए पछि जेनरल सेवा सुचारु गर्न बाटाे खुलेकाे हाे ।

नारायणीकाे आइसाेलेसन खाली, बन्द रहेकाे सेवाहरु सुचारु गर्न बाटाे खुल्याे

0

वीरगञ्ज । वीरगञ्जस्थित नारायणी अस्पतालबाट कोरोना निको भएर ४३ जना सोमबार डिस्चार्ज भएका छन् ।

दुई जना पत्रकारसहित ४३ जना कोरोना निको भएर डिस्चार्ज भएको अस्पतालका मेडिकल सुपरिटेन्डेन्ट डा. मदन कुमार उपाध्यायले जानकारी दिए ।

मेडिकल सुपरिटेन्डेन्ट डा. उपाध्यायका अनुसार २ महिला सहित ४३ जना कै पछिल्ला दुई रिपोर्ट नेगेटिभ आएपछि डिस्चार्ज गरिएकाे हाे ।

नारायणी अस्पतालस्थित पीसीआर ल्याबको रिपोर्ट अनुसार दोस्रो पटक पनि रिपोर्ट नेगेटिभ आएपछि सबैजनालाई डिस्चार्ज गरिएकाे हाे ।

निको हुने संक्रमितहरु सर्लाही, बारा तथा पर्साको बीरगन्ज, धोबिनी, छिपहरमाईका र एक जना भारतीय रहेका छन् ।

नारायणी अस्पतालकाे आइसाेलेसनमा रहेका सबै संक्रमितहरु डिस्जार्ज भएकाे पर्साका सहयाक प्रमुख जिल्ला अधिकारी ललित कुमार बस्नेतले वताए ।

उनले भने “नारायणीकाे सबै संक्रमितहरु डिस्चार्ज भएका छन्, अब नारायणीमा पुन जेनरल सेवा सुचारु गर्नु पर्छ ।”

स्वास्थ्य तथा जनसंख्या मन्त्रालयले पनि नारायणी अस्पतालकाे आइसाेलेसमा उपचारत रहेका सबै संक्रमितहरु डिस्चार्ज भए पछि बन्द रहेकाे सबै सेवा सुचारु गर्न निर्देशन समेत दिइसकेकाे छ ।

कालिकामाईकाे क्वारेन्टाइमा रहेका जिराभवानीका युवकमा काेराेना संक्रमण

0

वीरगंज । पर्साका थप एक जनामा काेराेना भाइरस संक्रमण पुष्टि भएकाे छ । पर्साकाे जिराभवानी गाउँपालिकाकाे वडा नं. ४ का १८ बर्षिय पुरुषमा काेराेना संक्रमण देखिएकाे स्वास्थ्य तथा जनसंख्या मन्त्रालयले जनाएकाे छ ।

याेसंगै पर्सामा संक्रमितकाे संख्या ९५ पुगेकाे छ ।

वीरगंजस्थित नारायणी अस्पतालकाे प्रयाेगशालामा पिसिआर बिधिबाट गरिएकाे परिक्षणमा २ जनामा काेराेना संक्रमण देखिएकाे वताउदै मन्त्रालयका प्रवक्ता डा. विकास देवकोटाले जस मध्ये एक जना कालिकामाई गाउँपालिकाकाे क्वारेन्टाइनमा रहेका जिराभवानी ४ का १८ बर्षिय पुरुष र अक्राे काठमाण्डाै महानगरपालिकाकाे वडा नं. १५ घर भएका बारामा कार्यरत २८ बर्षिय पुरुष रहेकाे वताए ।

नियमित मिडिया ब्रिफिङमा प्रवक्ता डा. देवकोटाले ६ जना नयाँ संक्रमित थपिएकाे वताए । याेसंगै नेपालमा संक्रमितकाे संख्या ६ सय ८२ पुगेकाे छ ।

यसरी नै नयाँ संक्रमितहरुमध्ये सेती अस्पतालकाे प्रयाेगशालामा गरिएकाे परिक्षमा अछामका ३२ बर्षिय पुरुष, भेरी अस्पतालकाे प्रयाेगशाला गरिएकाे परिक्षणमा बर्दियाका गुलरिया १० का २२ र २४ बर्षिय पुरुष र गुलरिया २ का २८ बर्षिय पुरुषमा काेराेना संक्रमण देखिएकाे प्रवक्ता डा. देवकाेटाले वताए ।

सोमबार बिहान मात्रै ७२ जनामा कोरोना संक्रमणको पुष्टि भएको थियो ।

मेडिकल कलेजमा काेराेनाले चाैथाे व्यक्तिकाे मृत्यु भएकाे औपचारिक पुष्टि

0

वीरगंज । नेपालमा काेराेनाबाट मृत्यु हुनेको संख्या ४ पुगेको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ ।

मन्त्रालयले सोमबार आयोजना गरेको नियमित मिडिया ब्रिफिङमा प्रवक्ता डा विकास देवकोटाले कलैया ७ बाराका ७० वर्षीय पुरुषमा कोरोना संक्रमण देखिएको बताए ।

वीरगन्जस्थित नेसनल मेडिकल कलेज तथा शिक्षण अस्पतालमा उपचाररत उनको ८ दिनअघि अर्थात् जेठ ४ गते मृत्यु भएको थियो । श्वासप्रश्वास, निमोनिया, क्षयरोगलगायतका समस्या भएर जेठ २ गते अस्पताल भर्ना भएका उनकाे जेठ ३ गते नै काेराेना परिक्षणकाे लागि स्वाब संकलन गरिएकाे थियाे ।

तर मृत्यु भएको ८ दिनपछि कोरोनाको रिपोर्ट पोजिटिभ आएको हो । उनको दाहसंस्कारसमेत गरिसकिएको छ ।

यसअघि सिन्धुपाल्चोकमा १, बाँकेमा १ र गुल्मीमा १ जना मृतकमा कोरोना पुष्टि भएको थियो ।

भारतबाट आएका ३८ जना भिस्वामा राेकिए, कालिका टाईम्सले खाजा खुवायाे

0

वीरगंज । भारतकाे हरियाणाबाट आएका ३८ जना कामदारहरु भिस्वास्थित सिमानामा राेकिएका छन् ।

छिपहरमाई गाउँपालिकाकाे वडा नं. ५ मा भिस्वास्थित राेकिएकाहरु जगरनाथपुर गाउँपालिकाका २९ जना, वीरगंज महानगरपालिकाकाे ४ जना, बहुदरमाई नगरपालिकाका ४ जना र सखुवा प्रसाैनी गाउँपालिकाका एक जना रहेकाे हाम्रा सम्वाददाताले जनाएका छन् ।

सबैजनालाई भिस्वा प्रहरी चाैकीले राेकेर आफ्नाे नियन्त्रणमा राखेकाे छ । भारतबाट आएकाहरुलाई सम्बन्धित स्थानिय तहकाे जिम्मा लगाइने प्रहरी चाैकी भिस्वाका सई प्रेम खत्रीले वताए ।

४ दिन पहला ट्रकले हरियाणाबाट हिंडेकाहरु उनीहरु आज विहान भिस्वास्थित आएर पुगेका हुन् ।

भिस्वा आएर पुगेका नेपाली कामदारहरु केही दिन देखी भाेकै रहेकाले हामीले खाजा समेत खुवाएका छाैं । सिमानाकामा राेकिएकाहरु २ दिन देखी भाेकै रहेकाले कालिका टाईम्मसले बिस्कुट, चाउचाउ र पानी वितरण गरेकाे हाे ।

हाम्रा सम्वाददाता आलाेक कुशवाहालाई राेकिएका कामदारहरु भाेकै रहेकाे भने पछि उनी कालिका टाईम्सका सम्पादक शम्भु कुमार सुमनकाे समन्वयमा खाजा वितरण गरेका हुन् ।

त्यस पछि हामीले छिपहरमाई गाउँपालिका प्रमुख प्रशासकिय अधिकृत देवनाथ साहलाई खानाकाे व्यवस्था गरिदिन आग्रह गरे पछि उनले पनि गाउँपालिकाबाट पुरी र सेवईकाे व्यवस्था गरिएकाे जानकारी गराए ।

मेडिकल कलेजमा मृत्यु भएकाे व्यक्तिकाे काेराेना रिपाेर्ट पाेजेटिभ, बैठक बस्दै

0

वीरगंज । वीरगन्जको नेशनल मेडिकल कलेजमा जेठ ४ गते मृत्यु भएका बाराको कलैयाका एक वृद्धको कोरोना पोजेटिभ देखिएको छ।

वीरगञ्जकाे नारायणी अस्पतालकाे प्रयोगशालामा परीक्षण गर्दा रिपोर्ट शंकास्पद आएपछि उनको स्वाब पुनः परीक्षणका लागि काठमाडौंको टेकु स्थित राष्ट्रिय जनस्वास्थ्य प्रयोगशालामा पठाइएको थियो ।

नारायणी अस्पतालमा मेसु डा. मदन कुमार उपाध्यायले मेडिकल कलेजमा मृत्यु भएकाे व्यक्तिकाे काेराेना रिपाेर्ट पाेजेटिभ आएकाे वताए ।

मन्त्रालयले त रिपाेर्ट बारे केही जानकारी गराएकाे छैन् नि भनेर साेध्दा मेसु डा उपाध्यायले भने “मृत्यु भएका कारण मन्त्रालयले जानकारी नगराएकाे हाे, पछि गराउने छ ।”

पर्साका सहायक प्रमुख जिल्ला अधिकारी ललितकुमार बस्नेतले पनि मृतक वृद्धको पीसीआर विधिबाट परीक्षण गर्दा कोरोना संक्रमण पुष्टि भएको जानकारी दिए ।

बस्नेतले भने, “मृतक वृद्धको पीसीआर रिपोर्ट पोजेटिभ आएको छ । अहिले मेसु साहेब आउदै हुनुहुन्छ, हामी बैठक बसेर आवश्यक निर्णय लिन्छाैं ।”

क्षयरोग, दम र निमोनियाबाट ग्रसित वृद्धलाई उनको परिवारले जेठ २ गते अस्पतालको आईसियुमा भर्ना गराएका थिए । साेही दिन काेराेना शंकास्पद देखिए पछि मेडिकल कलेजले ति व्यक्तिकाे स्वाब संकलन गरी परिक्षणकाे लागि नारायणी अस्पतालमा पठाएकाे थियाे ।

तर, कोरोना परीक्षणको रिपोर्ट नआउँदै जेठ ४ गते राति वृद्धको मृत्यु भएको थियो ।

अस्पतालले वृद्धको शव परिवारको जिम्मा लगाएपछि मृतकका आफन्तले पनि धार्मिक परम्परा अनुसार अन्त्येष्टि गरिसकेका छन् ।

मेडिकल कलेजका डा. असर्फ हुसेनले हामीलाई पनि मृतककाे रिपाेर्ट काेराेना पाेजेटिभ आएकाे बारे माैखिक जानकारी आएकाे वताए । उनले भने “केही समय पहिला नारायणी अस्पतालका मेसु सरले फाेन गरेर हाम्रा कलेजका प्रबन्ध निर्देशकलाई रिपाेर्ट पाेजेटिभ आएकाे बारे जानकारी गराउदै, इमेल आइडी माग्नु भएकाे थियाे तर फाेन गरेकाे २ घण्टा भयाे तर हाल सम्म हामीलाई मेल प्राप्त भएकाे छैन् ।”

उनले थपे “तैई पनि मेसु सरले आफै फाेन गरेर रिपाेर्ट बारे जानकारी गराए पछि हामी साेही अनुसार बैठक बस्न गइरहेका छाैं, बैठककाे निर्णय अनुसार र प्रशासनकाे निर्देशन अनुसार अगाडी बढने छाैं ।”

मेडिकल कलेज तथा अस्पतालमा निधन भएका बारा करैया गाउँपालिका वडा नं ७ का विरामीको अन्तिम संस्कार गरेको ६ दिनपछि कोरोना पोजेटीभ भएको रिपोर्ट आएको हाे । यद्यपी यो जानकारी स्वास्थ्य मन्त्रालयले औपचारीक रुपमा नगराएपनि स्थानिय प्रशासन भने मृतकको परिवारदेखि अस्पताल सबैको कन्ट्याक्ट ट्रेसिङको गृहकार्यमा लागेको छ।

स्वाब संकलन गरिसकेको व्यक्तिको निधन भएपनि त्यसको रिपोर्ट नआएसम्म अन्तिम संस्कारका लागि मृतकका आफन्तलाई दिन पाइदैन। विश्व स्वास्थ्य संगठनले जारी गरेको प्रोटोकलले पनि त्यहि बताउँछ।

बारामा २३ र राैतहटमा २६ सहित थप ७२ जनामा काेराेना संक्रमण पुष्टि

0

वीरगंज । नेपालमा थप ७२ जना कोरोना संक्रमण पुष्टि भएको छ । यससँगै संक्रमित व्यक्तिहरुको संख्या ६ सय ७५ पुगेको स्वास्थ्य मन्त्रालयले जनाएको छ ।

मन्त्रालयका सहप्रवक्ता डा. समिरकुमार अधिकारीका अनुसार रौतहटमा २६, बारामा २३, दैलेखमा ७, बाँकेमा ४ तथा काठमाडौं, धनुषा र कपिलवस्तुमा ३–३ जना कोरोना संक्रमित फेला परेका हुन् । यस्तै सप्तरीमा २ जना र बर्दियामा १ जनामा पनि कोरोना संक्रमण पुष्टि भएको छ ।

नारायणी अस्पतालको आईसोलेशनबाट थप १८ जना डिस्चार्ज

0

वीरगन्ज । वीरगन्जस्थित नारायणी अस्पतालको    आईशोलेसनमा उपचारर १८ जना कारोना संक्रमित आइतबार राति कोरोनामुक्त भई डिस्चार्ज भएका छन्।

कोरोना मुक्त हुनेमा वीरगन्जको छपकैया-३ का एकै परिवारका छन्। चार महिने शिशुसहित उनीहरूलाई आइतबार राति १० बजे डिस्चार्ज गरिएको सहायक प्रमुख जिल्ला अधिकारीले जानकारी दिए।

गत वैशाख २४ गते कोरोना पुष्टि भएका उनीहरू एकै परिवारका ४ महिने शिशुदेखि ६६ वर्ष उमेरका ११ पुरूष र ७ महिला छन्। उनीहरूको पछिल्ला दुई वटा रिपोर्ट नेगेटिभ आएपछि डिस्चार्ज गरिएको नारायणी अस्पतालका मेडिकल सुपरिडेन्ट मदन कुमार उपाध्यायले जानकारी दिए।

यसअघि पनि शनिबार जेठ १० गते नारायणी अस्पतालमा उपचार गराईरहेका ९ जना कोरोना संक्रमित निको भई डिस्चार्ज भएका थिए।

नारायणी अस्पतालको आईसोलेशनमा उपचार गराईरहेका ६२ जना मध्ये १८ जना निको भई घर फर्केका हुन् ।

संक्रमितकाे इम्यूनिटी पावर बढाउन महानगरले दियो औषधीजन्य समाग्री

0

वीरगंज । कोरोना भाइरसबाट संक्रमीत भई बीरगंजका बिभिन्न आइसोलेशन वार्डमा उपचारकालागि भर्ना भएकाहरुलाई बीरगंज महानगरपालिकाले रोग प्रतिरोधी क्षमता बढाउने च्वानप्राश सहितकाे आर्युवेदको औषधीजन्य सामाग्री उपलब्ध गराएको छ  ।

महानगरका मेयर विजय कुमार सरावगीले बीरगंजको नारायणी अस्पताल, कोभिड बिशेष अस्पताल गण्डकको आइसोलेशन वार्डमा भर्ना भएकाहरुलाई च्वानप्रास र इम्युनाे केयर उपलब्ध गराएका हुन् ।

आइसोलेशनमा भर्ना भएका ९० जनालाई  च्वानप्राश र इम्युनो केयर ६० उपलब्ध गराइएको मेयर सरावगीका राजनितिका सल्लाहकार मुकेश द्विवेदीले वताउनुभयाे ।

दश दिन सम्म पुग्ने गरि इम्युनिटी पॉवर बढ़ाउन औषधीजन्य  सामाग्री ब्यवस्था गरिएको महानगर द्विवेदीले जानकारी गराउनुभयाे ।

शरीरमा प्रतिरोधात्मक क्षमता धेरै भएमा काेराेना संक्रमण सजिलै शरीरमा प्रवेश गर्न पाउदैन भन्ने बिज्ञहरुको मत रहेको छ ।

प्रतिरोधात्मक क्षमता कम भएको व्यक्ति, दिर्घ रोगी र वृद्ध व्यक्तिमा छिट्टो संक्रमण हुनेबारे पनि धेरै चर्चा भएको छ । त्यसैले अहिलेको बेलामा इम्यूनिटी पावर बढाउन पनि खानपानमा ध्यान दिन जरुरी रहेकाेले आर्युवेदको औषधीजन्य सामाग्री उपलब्ध गराइएकाे मेयर सरावगीले वताउनुभयाे ।

पकहा मैनपुर गापाकाे वडा नं. २ मा प्रदेश सरकारकाे राहत वितरण

0

वीरगंज । पर्साकाे पकाहा मैनपुर गाउँपालिका वडा नम्बर ०२ मा प्रदेश सरकारकाे सहयोगमा आज राहत वितरण गरिएको छ । प्रदेश २ सरकारबाट प्राप्त राहत वडा नं. ०२ को कार्यालयले लकडाउनमा प्रभावित ९३ परिवारलाई वितरण गरेकाे हाे ।

राहतमा चामल २५ किलाे, मसुरीको दाल २ किलाे, साेयाबिन ५०० ग्राम, ताेरीकाे तेल एक किलाे, नमक १ किलाे र नुहाउने साबुन एक पिस वितरण गरिएको वडाध्यक्ष बृजमाेहन पाण्डेले वताए ।

वडाध्यक्ष पाण्डे, वडा सदस्य गोपाल बैठा, जगदिश दास, सोना देवी, सिला देवी, वडा सचिव हरिन्द्र चौरसिया, प्रहरी बेश क्याम्प सुर्जहा कट्टीका प्रहरी सहायक निरिक्षक ज्ञान बहादुर श्रेष्ठ, सीमा सुरक्षा बल पाकाहा मैनपुरका प्रहरी सहायक निरिक्षक विशाल मगर, स्थानिय अगुवा दीनानाथ साह, विकास पाण्डे र राकेश कुशवाहाको वितरण गरिएकाे हाे ।

वडा अन्तर्गतका सुर्जाहा, मधुबनी, मानिपुर, कट्टी, पकहा टाेलका गरिब र विपन्न परिवारलाई राहत वितरण गरिएकाे वडा कार्यालयले जनाएकाे छ । उक्त गाउँ र टाेलहरुमा वडा अध्यक्ष पाण्डे र वडा सदस्यहरु आफै गई अनुगमन गरी अति गरीब परिवारकाे नाम संकलन गरे अनुसार राहत वितरण गरिएकाे वताइएकाे छ ।