Date
आइत, मंसिर ६, २०८३
Sun, November 22, 2026
Home Blog Page 974

सखुवा प्रसाैनीकाे थप २ जनामा काेराेना संक्रमण

0
स्वाब संकलन । फाइल तस्बिर

वीरगंज । पर्साको सखुवाप्रसौनी गाउँपालिकाकाे २ जनामा कोरोना संक्रमण फेला परेकाे छ । श्री दीपनारायण आर्दश माध्यमिक विद्यालयको क्वारेन्टाइनमा रहेका १८ बर्षिय पुरुष र ६० बर्षिय महिलामा संक्रमण फेला परेकाे गाउँपालिका अध्यक्ष प्रदिप जयसवालले जानकारी दिए ।

नारायणी अस्पतालकाे प्रयाेगशालामा गरिएको पीसीआर परीक्षणमा शनिबार बिहान दुबै जनामा रिपाेर्ट पाेजेटिभ आएकाे अध्यक्ष जयसवालले वताए । याेसंगै पर्सामा कोरोना संक्रमितको संख्या १ सय २ पुगेको छ ।

संक्रमित मिहला वडा नं. १ रेज औंराहा निवासी र वडा नं. २ गुलवरिया निवासी पुरुष रहेकाे गाउँपालिका स्वास्थ्य संयाेजक राजेश  राैनियारले जनाए ।

संक्रमित पुरुष जेठ १० गते भारतकाे उपीबाट र महिला जेठ १२ गते भारतकाे मुम्बईबाट घर आएका थिए । गाउँपालिकाले भारतबाट फर्किएका पुरुषलाई साेही दिन र महिलालाई एक दिन पछि क्वारेन्टाइनमा राखेकाे थियाे ।

जेठ १४ मा क्वारेन्टाइनमा रहेका ५० जनाको परीक्षणका लागि स्वाब संकलन गरिएको मध्ये २ जनामा कोरोना संक्रमण पुष्टि भएको संयाेजक राैनियारले वताए ।

संक्रमित दुबै जनालाई वीरगंजस्थित नारायणी काेराेना बिशेष अस्पताल गण्डकमा पठाउने लागिएकाे उनले वताए ।

उनले भने “संक्रमितलाई गण्डक अस्पतालकाे आइशाेलेसनमा पठाउन लागेका छाैं, तर एमबुलेन्स नपाएर ढिलाे भएकाे छ । कुनै पनि एमबुलेन्स चालकले संक्रमितलाई वीरगंज पुर्याउन नमानेर समस्या भएकाे छ ।”

यस अघि पनि सखुवा प्रसाैनी गाउँपालिकाकाे वडा नं. १ सिद्धपुरकाे एक जनामा काेराेना संक्रमण पुष्टि भएकाे थियाे ।

अडियाे पक्रण : मेयर सरावगीलाई बदनाम गर्न खाेजिएपनि समर्थन पाउदै

0

वीरगंज । वीरगञ्ज महानगरपालिकाका मेयर विजयकुमार सरावगी र पाेखरिया नगरपालिकाका मेयर दिपनारायण राैनियार बिच भएकाे फाेन सम्बादकाे अडियाे भाइरल भएसंगै समाजिक संजालमा चर्चा पाएकाे छ ।

समाजिक संजाल फेसबुकमा धेरैले मेयर सरावगीकाे समर्थन गरेका छन् भने केहीले बिराेध समेत गरेका छन् ।

मेयर सरावगीले पोखरियाका मेयर रौनियारलाई शुक्रबार पोखरियामा भेटिएका सङ्क्रमितहरुको उपचार आफ्नै नगरपालिकामा रहेको पोखरिया अस्पतालस्थित आइसोलेसनामा गर्न अनुरोध गरेको फोन सम्बादको अडियो भाइरल भएको छ । मेयर सरावगीले वीरगञ्ज महानगरपालिकासँग भएको साधन र स्रोत सिमित रहेकोले पोखरिया अस्पताल मै निर्माण गरिएको ८ सैयाको आइसोलेसनमा पोखरियामा भेटिएका सङ्क्रमितहरुलाई राखेर उपचार गर्न अनुरोध गरेका थिए ।

सम्बादमा मेयर सरावगीले पोखरिया नगरपालिका मेयर रौनियारलाई भनेका छन्, ‘वीरगञ्जमा विगत ६०/६५ दिन देखि प्रदेश भरीका कोरोना सङ्क्रमितहरुको उपचार हुँदै छ, हाम्रो साधन र स्रोत सिमित छन्, कति दिन सम्म हामीले सबैको जिम्मा लिने? अब तपाईहरुले आफ्नो स्थानीय तहमा भेटिएका सङ्क्रमितहरुको व्यस्थापन आफै गर्नु पर्यो । व्यस्थापन गर्न सक्नु हुन् भने सहकार्य गर्नुस ।’

फोन सम्बादमा सरावगीले सङ्घ र प्रदेश सरकारको सहयोग बिना महानगरपालिका कार्यालयले प्रत्येक दिन क्वारेन्टाइनमा रहेका व्यक्ति, कोरोना सङ्क्रमितहरु, स्वास्थ्यकर्मी र सुरक्षाकर्मीको व्यवस्थापनमा लाखौँ रकम खर्च गरिरहन परेको भनेका छन् । ‘सङ्घ र प्रदेश सरकारको सहयोग बिना नै हामीले प्रत्येक दिन लाखौं रकम खर्च गरेर व्यस्थापन गर्दै छौँ, अब तपाईंहरुले पनि सहयोग गर्नु पर्यो नभए हामी धन्न सक्दैनौ ।’

मेयर सरावगीले रौनियारलाई गण्डक अस्पतालमा उपचाररत कोरोना सङ्क्रमितहरुलाई शनिबारसम्म पोखरिया मै रहेको आइसोलेसनमा लैजान आग्रह गरेका छन् । उनले स्थानीय तहहरुले सहकार्य नगेर आफुले अब वीरगञ्ज बाहेकका सङ्क्रमितहरुको उपचार गर्न नसक्ने प्रष्ट पारेका छन् ।

वीरगञ्ज महानगरपालिकाका नगरप्रमुख (मेयर) विजयकुमार सरावगीले राजीनितिक षड्यन्त्र गरेर आफुलाई बद्नाम गराउन खोजिएको आरोप लगाएका छन् ।

‘मैले केहि समय अगाडी सञ्चार माध्यमहरु मार्फत पोखरियामा ८ सैयाको आइसोलेसन निर्माण भएको खबर प्राप्त गरेको थिए, सरावगीले भने, ‘त्यसैलाई आधार मानेर मैले मन्टु जीसँग पोखरियामा बिहीबार भेटिएका सङ्क्रमितहरुको उपचार त्यही गर्न अनुरोध गरेको हो, अब यो कुराको अडियोलाई भाइरल बनाई बङ्ग्याएर मेरो विरुद्ध षड्यन्त्र गरिँदै छ ।’

मेयर सरावगीले पर्साका अन्य स्थानीय तहहरुसँग समेत कोरोनाभाइरस रोकथाम र सङ्क्रमितहरुको उपचारका लागि सहकार्य गर्न आग्रह गरेको बताए । उनले केहि स्थानीय तहहरु राजि समेत भएको दावी गरे ।

यस बिषमा कुरा गर्न पाेखरिया नगरपालिकाका मेयर राैनियारसंग फाेनमा सम्पर्क गर्दा माेबाइल अफ भएका कारण सम्पर्क हुन सकेेन ।

पछि पाेखरिया नगरपालिकाकी उप मेयर सलमा खातुनसंग सम्पर्क गर्दा यस बिषयमा नगरपालिकामा चर्चा नभएकाे वताइन ।

उनले भनिन “मैले पनि महानगरपालिकाले सहयाेग मागेकाे बारे अनाैपचारिक रुपमा बाहिरबाट थाह पाएकाे छु, तर हाम्राे नगरपालिकामा औपचारिक रुपमा केही छलफल भएकाे छैन् । नगरपालिकाकाे बाेर्ड बैठकमा यस बिषयमा औपचारिक रुपमा छलफल भएकाे भए, केही न केही अवश्य नै समाधान निस्कन थियाैं ।”

संघ र प्रदेश सरकारले वीरगंज महानगरलाई सहयाेग नगरेकाे खण्डमा अन्य गाउँपालिका र नगरपालिकाकाे समेत वीरगंजस्थित नै आइशाेलेसनमा उपचार भइरहेकाे अवस्थामा मानवताकाे नाताले पनि सहयाेग गर्नु कुरा जायज भएकाे उनले प्रतिक्रिया दिइन ।

दुई मेयर बिच भएकाे फाेन सम्वादकाे अडियाे सार्बजनिक हुनु कुरा दु:खद भएकाे समेत उनले वताइन ।

याे कुराले शुक्रबार दिनभर समाजिक संजालमा पनि खुब चर्चा पायाे । धेरै जसाेले मेयर सरावगीले भनेकाे कुरा सही भएकाे भन्दै आफ्नाे फेसबुकमा स्टेटस लेख्दै समर्थन समेत गरेका छन् भने केहीले याे गलत भएकाे भन्दै आलाेचना समेत गरेका छन् ।

केहीले दुई मेयर बिचकाे फाेन सम्वादकाे अडियाे सार्बजनिक हुनुलाई राजनिति पनि भनेका छन् ।

समाजिक संजालमा फेसबुकमा भेटिएका केही प्रतिक्रियाहरु 

पाेखरिया अस्पताललाई ५० बडेकाे संचालन गर्न प्रदेश सरकारसंग बजेट माग

0

वीरगंज । जनता समाजवादी पार्टीका नेता नेजामुद्दिन समानीले प्रदेश सरकारसंग पाेखरिया अस्पताललाई ५० बेडकाे संचालन गर्नकाे लागि बजेट र चिकित्सककाे माग गर्नु भएकाे छ ।

समानीले आज प्रेस विज्ञप्ती जारी गर्दै पर्साकाे केन्द्रमा रहेको पोखरिया अस्पताललाई छोटो प्रकृया पुरागरि घाेषणा अनुसार ५० बेडकाे बनाउन बजेट, चिकित्सक, कर्मचारी, औषधि लगायतका अस्पताललाई चहिने समाग्रीहरू उपलब्ध गराई सहयोग गर्न अनुरोध गर्नु भएकाे छ ।

नेपाल सरकारद्वारा नारायणी अस्पताललाई कोभीड अस्पताल बनाए पश्चात यस भेगका सर्व साधारण जनताहरु संकटको अवस्थामा ईलाजबाट बन्चित भएका छन । यस्तो आर्थिक संकटको बेला पनि निजि अस्पतालमा उपचार गराउन बाध्यता बस बढी पैसा तिर्नु परि रहेको छ ।

बिभिन्न संघसस्था, नगरिक समाज, पत्रकार, सम्पूर्ण राजनीति दल लगायत धर्ना, ज्ञापन, बिरोध गरे पनि हाल सम्म संचालनमा न आउनु दुर्भाग्य भएकाे जारी बिज्ञप्तीमा उल्लेख गर्नु भएकाे छ ।

यसका साथै पर्सा जिल्लाको केन्द्र बिन्दु तथा दोस्रो सदरमुकाम पोखरिया नगरपालिकामा रहेको पोखरिया अस्पताललाई हाम्रो प्रयासले प्रदेश २ सरकारद्वारा ५० बेडको सुबिधा सम्पन्न जिल्ला अस्पताल बनाउने घाेषणा गरे अनुसार कार्यन्वयनकाे माग गर्नु भएकाे हाे ।

नेता सम्मानीले महामारीको अवस्थामा गरिब जनताहरू खान्न लाउन बसनको साथै ईलाजको अभावमा मृत्यु भईरहेको हामी सबैलाई थाह नै छ । आज लकडाउनको कारण गाऊमा बस्नेहरुलाई सदरमुकाम बीरगंज ईलाज गराउन आउन जन त्यती नै अप्ठेयराहरु छन हाम्रो देशमा तिन तहको सरकार भएता पनि आम नगरीक कस्टकर जिवन बिताउन बाध्य भएकाे प्रेस विज्ञप्ती मार्फत वताउनु भएकाे छ।

जिराभवानीकाे एक जनामा पनि काेराेना, पर्सामा संक्रमितकाे संख्या सय पुग्याे

0

वीरगंज । पर्साकाे जिराभवानीका गाउँपालिका वडा नं. ५ हरैयाका एक जनामा काेराेना संक्रमण पुष्टि भएकाे छ ।  विताे महताे जनता मावि जितपुर नयाँटाेलाकाे क्वारेन्टाइनमा रहेका ३४ बर्षिय पुरुषमा काेराेना संक्रमण पुष्टि भएकाे हाे ।

७ दिन पहिला भारतकाे रक्साैलबाट आएका युवकमा संक्रमण फेला परेकाे क्वारेन्टाइनका जिम्मेवार व्यक्ति सिएमए राजकुमार चाैधरीले वताए ।

उनका अनुसार संक्रमण फेला परेका युवक ७ दिन पहिला आफ्नाे श्रीमतीसंगै भारतकाे रक्साैलबाट आएका थिए । लकडाउन भन्दा पहिला नै उनी आफ्नाे श्रीमतीसंगै रक्साैलस्थित एक वैवाहिक समाराेहमा सहभागि हुन गएका थिए । तर लकडाउनका कारण रक्साैल मै राेकिएका उनीहरु एक हप्ता पहिला मात्र जिराभवानी आएका थिए ।

रक्साैलबाट आए लगतै उनीहरुलाई गाउँपालिकाले क्वारेन्टाइनमा राखेकाे थियाे । मंगलबार उनीहरुसहित १९ जनाकाे स्वाब संकलन गरी नारायणी अस्पतालकाे प्रयाेगशालामा परिक्षणकाे लागि पठाइएकाे थियाे । साेही मध्येका एक युवककाे रिपाेर्ट पाेजेटिभ आएकाे चाैधरीले जानकारी गराए । तर उनकाे श्रीमतीसहित बाकी १८ जनाकाे रिपाेर्ट नगेटिभ आएकाे उनले वताए ।

संक्रमित व्यक्तिलाई वीरगंजस्थि नारायणी बिशेष काेराेना अस्पताल गण्डकमा पठाइसकिएकाे उनले वताए ।

संक्रमित जिराभवानी गापा ५ हरैया निवासी भए पनि उनकाे स्थाई घर धाेबिनी गाउँपालिकाकाे लक्षमीपुर रहेकाे सिएमए चाैधरीले जानकारी दिए । उनी हरैयास्थित ससुराली घरमा बस्दै आएकाे चाैधरीले वताए ।

हाल पनि त्यहीं क्वारेन्टाइनमा २ महिला सहित ३८ जना रहेकाे सिएमए चाैधरीले जानकारी दिए ।

बिहिबार सांझ पनि पाेखरिया नगरपालिकाकाे ४ जनामा काेराेना संक्रमण फेला परेकाे थियाे । तर याे ४ सहित पर्साका ५ जनामा संक्रमण फेला परेकाे स्वास्थ्य तथा जनसंख्या मन्त्रालयले आज मात्र पुष्टि गरेकाे हाे । याेसंगै पर्सामा संक्रमितकाे संख्या सय पुुगेकाे छ ।

राैतहटमा ५६ र बारामा ४ सहित थप १७० जनामा काेराेना संक्रमण पुष्टि

0

वीरगंज । नेपालमा कोरोना भाइरस (काेभिड १९) संक्रमितको संख्या १ हजार २ सय १२ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप १ सय ७० जनामा कोरोना संक्रमण पुष्टि भएसंगै संक्रमितकाे संख्या एक हजार २ सय १२ पुगेकाे मन्त्रालयका प्रवक्ता डा विकास देवकोटाले जानकारी गराए ।

शुक्रबार मन्त्रालयले आयोजना गरेको नियमित मिडिया ब्रिफिङमा प्रवक्ता देवकाेटाले संक्रमित हुनेमा झापाका २८, सप्तरीका ४, बाराका ४, पर्साका ५, म्याग्दीका १, बाँकेका १०, नवलपरासी बर्दघाटका २, कपिलवस्तुका ५१, रौटहटका ५६, सर्लाहीका ५, रुपन्देहीका १ र दाङका २ जना रहेकाे जनाए ।

संक्रमितमध्ये हालसम्म २ सय ६ जना निको भएर घर फर्किइसकेका छन् । पछिल्लो २४ घण्टामा १९ जना डिस्चार्ज भएका हुन् । मन्त्रालयका अनुसार मंगलबारसम्म पीसीआर विधिबाट हालसम्म ६४ हजार १ सय ४४ परीक्षणहरु गरिएका छन् ।

गणतन्त्र दिवशको अवसरमा पर्सा कारागारबाट ७ जना कैदी रिहा

0

वीरगंज । गणतन्त्र दिवशको अवसरमा पर्सा कारागारबाट ७ जना कैदीको कैद सजाय मिनहा गरिएको छ ।

जेठ १५ गते गणतन्त्र दिवसको अवसरमा प्रदेश २ बाट १२ जना कैदी सहित नेपालका सवै कारागारबाट २ सय ३३ कैदिहरुको बाकी कैद कट्टी भएकोमा पर्सा कारागारबाट ७ जना कैदी परेका छन ।

पर्सा कारागारबाट सवारी ज्यान मुद्वाका ३ जना, कर्तव्य ज्यान मुद्वाका १ जना, दस्तखत किर्ते मुद्वाका १ जना, बन पैदावार मुद्वाका १ जना तथा अङग्भङ्ग मुद्वाका १ जना कैदी कैदमुक्त भएका हुन् ।

कैदमुक्त भएका कैदीहरुलाई बीरगंज कारागारका जेलर श्रवण पोखरेलले अबिर टिका लगाई पारिवारिक पुनर्मिलन र सामाजिकीकरणको प्रक्रियामा सफलता मिलोस भन्दै सुभकामना दिदै बिदाई गरेका थिए ।

यसैगरी प्रदेश २ का अन्य कारागार सप्तरी कारागार बाट २ जना, सिराहा कारागार बाट १ जना, महोत्तरी कारागार बाट २ जना कैदी कैद मुक्त भएको बीरगंज कारागारका जेलर पोखरेलले जानकारी दिए ।

युवालयले बाँड्याे गर्भवती तथा सुतकेरी महिलालाई राहत

0

वीरगंज । युवालयले वीरगंज महानगरपालिका वडा नं १६ मिथला नगर टोलमा बसोबास गर्दै आईरहेका गरिब तथा बिपन्न बस्तीमा बिहिबार पोषण तथा खाधन्न राहत स्वरुप वितरण गरेको छ ।

कोरोना भाईरसका कारण भएकाे लकाडाउनको २ महिना बितिसक्दा पनि सो समुदायमा अहिले सम्म कही कतैबाट राहत नपाएको गुनासो आएपछि युवालय नामक गैर सरकारी संस्थाले राहत बितरण गरेको हो ।

गर्भवती तथा सुतकेरी आमालाई संस्थाले १ करेट अण्डा, कपडा धुने साबुन १ पिस, डिटवल १ पिस, भाडा मास्ने साबुन १ पिस, तेल १ लिटर, सरफ १ पिस, कोलोजप १ पिस, नुन १ किलो, चिनी १ केजी लगायतकाे सामग्री वितरण गरेकाे युवालेका सदस्य जया साहले जानकारी दिए ।

सो बस्तीमा दैनिक मजदुरी गर्दै आएका ती परिवारमा भएका गर्भवती तथा सुतकेरी आमाका लागि पोषण तथा दैनिक सरसफाईको समाग्री अभाव भएको जानकारी पाएपछि बाल अधिकारकर्मी तथा युवालयका कार्यसमिति सदस्य जया साहको बिशेष पहलमा युवालय नामक गैर सरकारी संस्थाले पोषण तथा खाधन्न राहत वितरण गरेको हो ।

वीरगंज महानगरपालिकाका गैसस शाखा प्रमुख तथा बाल मैत्री सम्पर्क व्यक्ति मुकेश गुप्ता, युनिसेफमा कार्यरत राजेश यादबको बिशेष सहजीकरण तथा उपस्थितिमा राहत बितरण गरिएको युवा अभियान्त आमिर हवारीले जानकारी दिए ।

दैनिक ज्याला मजदुरी मात्रै गरेर आफनो घर परिवारको छाक टार्दै आएका बस्तीमा पहिलोे चरणको राहत बितरण गरेको तथा अगामी दिनमा पनि राहत बितरण जारी राख्ने युवालयका सदस्य साहले वताए ।

पाेखरिया नगरपालिकाकाे ४ जनामा काेराेना संक्रमण

0

वीरगञ्ज । पर्साकाे पाेखरिया नगरपालिकाका ४ जनामा पनि कोरोना संक्रमण फेला परेकाे छ । पोखरीया नगरपालिकास्थित श्री रामदेव साह कलवार माविकाे क्वारेन्टिनमा रहेका ४ जनाको पीसीआर परीक्षण रिपोर्ट पोजेटिभ आएको नारायणी काेराेना बिशेष अस्पताल गण्डकका संयाेजक डा. उद्य नारायण सिंहले जानकारी दिए ।

नारायणी अस्पतालकाे प्रयाेगशालामा गरिएकाे पिसिआर परिक्षणकाे रिपाेर्ट पोखरीया नगरपालिकाकाे ४ जनाकाे पाेजेटिभ आएकाे संयाेजक डा. सिंहले वताए ।

पाेखरिया नगरपालिकाकी उप प्रमुख सलमा खातुनले पनि नगरपालिकाकाे ४ जनामा संक्रमण फेला परेकाे वताइन । पाेखरिया नगरपालिकाकाे वडा नं. ६ श्रीसियाका एक जनामा र वडा नं. ९ शिव बर्वाका ३ जनामा संक्रमण देखिएकाे उनले वताइन ।

संक्रमण फेला परेकाहरु ३६, ४२, २१, ३९ बर्षिय पुरुषहरु रहेकाे खातुनले वताइन । याेसंगै पर्सामा संक्रमितकाे संख्या ९९ पुगेकाे छ ।

संक्रमण फेला परेका चारै जना एक हप्ता पहिला भारतबाट आएका थिए । संक्रमण फेला परेका मध्ये ३ जना जेठ ७ गते र एक जना जेठ ८ गते भारतबाट आएकाे व्यक्ति रहेकाे नगर प्रमुख दिपनारायण राैनियारले वताए । उनका अनुसार चारै जनालाई भारतबाट आए लगतै क्वारेन्टाइनमा राखिएकाे थियाे ।

जेठ १३ गते नगरपालिकाकाे क्वारेन्टिनमा रहेका १४ जनाको पिसिआर बिधिबाट काेराेना परिक्षणकाे लागि स्वाबको नमुना संकलन गरिएकाे थियाे । पाेखरिया अस्पतालकाे ल्याब टेक्निसियनहरुकाे टाेलीले नमुना संकलन गरि परिक्षणकाे लागि नारायणीस्थित ल्याबमा पठाइएको थियो । जसमध्ये ४ जनाको रिपाेर्ट पोजेटिभ देखिएको पाेखरिया अस्पतालका मेसु डा. अनिल यादवले वताए।

संक्रमण फेला परेका चारै जनालाई काेराेना बिशेष अस्पताल गण्डकमा ल्याइएकाे छ । यससँगै गण्डककाे आइशाेलेसमा उपचाररत काेराेना संक्रमितकाे संख्या ९ पुगेकाे छ ।

उपाध्यक्ष राणाद्वारा महानगरकाे काेराेना विपद् काेषमा सहयाेग

0

वीरगंज । नेपाल रेडक्रस साेसाइटी पर्सा शाखाकी उपाध्यक्ष मधु राणाले वीरगन्ज महानगरपालिकालाई सहयाेग गर्नु भएकाे छ ।

उपाध्यक्ष राणाले व्यक्तिगत रुपमा वीरगंज महानगरपालिकाले स्थापना गरेकाे काेराेना विपद् काेषमा रु ३५ हजार सहयाेग गर्नु भएकाे हाे ।

सहयाेग रकम बराबरकाे चेक राणाले आज वीरगंज महानगरका मेयर विजय कुमार सरावगीलाई हस्तान्तरण गर्नु भएकाे महानगरपालिका कार्यालयले जनाएकाे छ ।

काेराेना भाइरस राेकथाम तथा नियन्त्रणकाे लागि महानगरलाई पिसिआर मेसिन, भिटिम किट लगायतकाे सामग्री खरिद गर्न  /राणाले सहयाेग गर्नु भएकाे वताइएकाे छ ।

बुधबार पनि भागवती स्टिल आइएनडी प्रालि वीरगंज र सानाेपाइला बचत तथा ऋण सहकारी संस्था वीरगंजले सहयाेग गरेकाे थियाे ।

बिन्दवासिनीमा चाैरसिया सेनिटाइजर छर्कदै

0

वीरगंज । पर्साको बिन्दवासिनी गाउँपालिकामा सेनिटाइजार छर्किने कार्य सुरु गरिएकाे छ l जनता समाजबादी पार्टी नेपाल निकट राष्ट्रीय बिद्यार्थी संघ पर्सा जिल्ला अध्यक्ष मधुसुदन चौरसियाकाे व्यक्तिगत लगानी सेनिटाइज कार्य सुरु गरिएकाे हाे ।

बिश्वभरी महामारीको रुपमा फैलिएको नोबेल कोरोना भाइरस (कोभिड-१९) संक्रमणबाट बाच्न सेनिटाइजर छर्न थालेकाे चाैरसियाले वताए । गाउँपालिका अन्तर्गतको सबै वडामा सेनिटाइजार छर्किने उनले जानकारी गराए l

उनले बिहिबार बिन्द्वासिनी गाउँपालिका वडा न:-३ को सानो इटियाही र ठुलो इटियाहीमा सेनीटाईजर गर्ने कार्य सम्पन्न भएको र बाकी अरु वडामा क्रमस गर्दै आने बताए l चौरसियाले आफ्नो ब्यक्तिगत लागतमा सेनिटाइजार छर्किने थालेकाे जानकारी दिए l

सेनिटाइजार छर्किने कार्यमा राष्ट्रीय बिद्यार्थी संघ पर्सा जिल्लको उपाध्यक्ष सुमित चौरसिया, ठाकुर राम इकाई समितिको सह-सचिव गौरी संकर यादव, बिद्यार्थी नेता ओमप्रकास साह, पूनिलाल दास लगायतकाले सहयाेग गरिरहेकाे उनले वताए ।