Date
आइत, मंसिर ६, २०८३
Sun, November 22, 2026
Home Blog Page 973

पर्साकाे २ पालिकाकाे क्वारेन्टाइनबाट एक सय १२ जनालाई घर पठाइयाे

0

वीरगंज । पर्साकाे सखुवाप्रसाैनी गाउँपालिकाकाे क्वारेन्टाइनमा रहेका ३० जनालाई आईतवार घर पठाइएकाे छ ।

विभिन्न मितीमा भारतबाट आएकाहरूलाई क्ववारेन्टाइनमा राखिएकाे थियाे ।

गत जेष्ठ १४ गतेकाे स्वाब संकलन गरि पिसीआर विधीबाट गरिएकाे काेराेना परिक्षणमा सबैकाे रिपाेर्ट नेगेटिभ आएपछि घर पठाइएकाे गाउँपालिका स्वास्थ्य संयाेजक राैनियारले जानकारी दिए ।

श्री दिपनारायान माबि औराहा पचगावाको क्वारेन्टाइनमा रहेका मध्ये पिसिआर रिपाेर्ट नगेटिभ आएका ३० जनालाई घर पठाइएकाे उनले वताए ।

यस्तै छिपहरमाई गाउँपालिकाकाे क्वारेन्टाइनमा रहेका ८२ जनालाई घर पठाइएकाे छ । भिस्वास्थित श्री मंगल माविकाे क्वारेन्टाइनबाट ३८ जना, तुल्सीबर्वास्थित श्री नेरा प्राविकाे क्वारेन्टाइनबाट ४८ जना र बुडगाईकाे क्वारेन्टाइनबाट ४ जनालाई घर पठाइएकाे गाउँपालिका स्वास्थ्य संयाेजक शम्भु साहले जानकारी दिए ।

सबै जनाकाे पिसिआर रिपाेर्ट नगेटिभ आएपछि घर पठाइएकाे उनले वताए ।

नारायणी अस्पतालमा डायलिसिस सेवा सुरु

0

वीरगन्ज : वीरगन्जको नारायणी अस्पतालमा आइतबारदेखि डायलिसिस सेवा सुरु भएको छ । अस्पतालका मेसु डा. मदन कुमार उपाध्यायले आज एक प्रेस विज्ञप्ती जारी गर्दै बन्द रहेकाे डायलिसिस सेवा सुरु भएकाे जानकारी दिए ।

चैत २९ गते वीरगन्जमा पहिलो पटक कोरोनाका ३ संक्रमित फेला परेपछि संघीय सरकारले नारायणी अस्पताललाई कोभिड अस्पतालको रुपमा संचालन गरेको थियो ।

चैत ३० गते नारायणी अस्पतालमा कोरोनाका ३ संक्रमित भर्ना गरेर अन्य सबै उपचार र सेवा बन्द गरिएको थियो । नारायणी अस्पतालमा कोरोना संक्रमितलाई भर्ना गरेर अन्य सबै उपचार सेवा बन्द हुँदा त्यसको चर्को विरोध हुँदै आएको थियो ।

तर, अस्पतालमा भर्ना गरिएका सबै कोरोना संक्रमित उपचारपछि निको भएर घर गएपछि अस्पतालमा आइतबारदेखि फेरी उपचार सेवा सुरु गरिएको हो।  नारायणी अस्पतालमा भर्ना भएका संक्रमित क्रमश निको भइ घर फर्किएपछि जेठ १२ गते देखि खाली भएको थियो ।

त्यसयता फेला परेका संक्रमितलाई भने गण्डक हस्पिटलमा संचालित अस्थायी कोभिड अस्पतालमा भर्ना गरेर उपचार भइरहेको छ ।  आइतबारदेखि नारायणी अस्पतालमा डायलासिस र आकस्मिक उपचार सेवा सुचारु गरिएको अस्पतालका मेसु डाक्टर मदन उपाध्यायले जानकारी दिए ।

उपाध्यायले प्रेस विज्ञप्ती मार्फत नारायणी अस्पताल कोभिड -१९ अस्पतालबाट साधारण अस्पतालमा परिणत भएको मुलुककै पहिलो अस्पताल रहेको वताएका छन् । कोरोना संक्रमित सबैलाई निको बनाएर घर पठाएपछि जेठ १२ गते खाली भएको नारायणी अस्पतालमा सरसफाइ र निसंक्रमण गरेर आइतबारदेखि साधरण अस्पतालमा परिणत गरिएको उनले बताए ।

जारी बिज्ञप्तीमा आइतबारदेखि डायलासिस र आकस्मिक उपचार कक्ष मात्रै संचालनमा आएकाे र ‘बहिरंग (ओपिडी ) सेवा पनि चांडै नै संचालनमा ल्याइने उल्लेख गरिएकाे छ ।

ओपीडीमा खटिने चिकित्सकको पीसीआर जाँचको रिपोर्ट आइ नसकेले रिपोर्ट राम्रो आए लगत्तै ओपीडी सेवा पनि सुचारु हुने अस्पतालका डा. उदय नारायण सिंहले वताए । अन्तरङग सेवा संचालनमा भने अझ केही दिन लाग्ने उनले जानकारी दिए ।

कोरोना संक्रमितलाई अन्तरङग विभागकै वार्डमा राखेर उपचार गरिएको थियो, उनले भने, ‘वार्डको बेड, भीत्ता, भुइ , झ्याल ढोका सबैको स्याम्पल पीसीआर जाँचका लागि प्रयोगशालामा पठाएका छौं , त्यसको रिपोर्ट आउन अझ केही समय लाग्छ ।’

चैत ३० मा सरकारले कोभिड- १९ अस्पताल बनाएपछि नारायणी अस्पतालमा बन्द गरिएको साधरण उपचार सेवा सुचारुको माग गर्दै वीरगन्जका राजनीतिक दल, विभिन्न संघसंस्था र नागरिक समाजले निरन्तरत प्रदर्शन गर्दै आएका थिए।

तलब नपाएकाे बिराेधमा बिन्दवासिनी गाउँपालिकामा तालाबन्दी

0

पाेखरिया । पर्साको बिन्दवासिनी गाउँपालिकाका १३ जना कर्मचारीहरु आज देखी गाउँपालिका कार्यालय बहुअवर्वा भाटठामा तालाबन्दी गर्दै कार्यालय अगाडी नेै धर्नामा बसेका छन् ।

आफुहरुको ११ महिनाको तलब बाकी रहेको र पाउनु पर्ने मांग राख्दै गाउँपालिकाको कार्यालय अगाडी बिहान १० बजे देखी धर्नामा बसेको कर्मचारी रमेन्द्रनाथ तिवारीले बताए ।

बिगत ११ महीना देखी काम गर्दै आएका एक दर्जन कर्मचारीहरुको तलब भता नपउदा निजहरुको घरपरिवार सहित बालबच्चा पनि चिन्तामा पर्दै बिचलित भएका छन । घरपरिवार चलाउन समस्या भएका कारण बाध्य भएर तालाबन्दी गर्न बाध्य भएको धर्नामा बसेकी महिला विकास शाखामा कार्यरत कर्मचारी कुमारी बिन्दु चौरसियाले बताइन ।

१३ जना कर्मचारीहरुले एक प्रेस बिज्ञप्ती जारी गर्दै मांग पुरा नभए हामी कार्यरत कर्मचारीहरु गाउँपालिकाको गेट अगाडी नै बिष सेवन गरी आत्महत्या गर्न विवस हुने हस्ताक्षरित बिज्ञप्तीमा उल्लेख छ । त्यसको सम्मपुर्ण जिम्मेवारी गाउँपालिका अध्यक्ष र प्रमुख प्रशासकिय अधिकृतको हुने समेत जारी बिज्ञप्तीमा उल्लेख गरिएको छ ।

गाउँपालिकाको बोर्ड बैठक र परिषदबाट समेत निर्णय भई कार्यभार गर्दै आएका कर्मचारीहरुको तलबभता ११ महिना देखी रोकेर राख्नु नपर्ने स्थानिय जनप्रतिनीधीहरु बताएका छन । लगातार काम गर्दै र हाजिरी समेत गर्दै आएका कर्मचारीहरुको तलबभता नरोक्ने जनाईएको छ ।

करारमा नियुक्त पशु स्वास्थ्य कार्यकर्ता ३ जना, समाजिक परिचालक ४ जना, महिला विकास शाखामा कार्यरत एक जना, ज्यालदारी कार्यरत ४ जना कार्यालय सहयोगी र १ जना ज्यालदारीमा कम्पयुटर अपरेटर समेत गरी १३ जना तलब नपाएकाे भन्दै आन्दाेलित भएका छन् ।

यसैगरी यसै किसिम्मका २५ जना कर्मचारीहरु मध्ये १२ जनालाई गाउँपालिकाले ८ महिनाको तलबभता खुवाएको छ भने १३ जनाको ११ महिनाको तलबभता नदिएका कारण समस्या उत्पन भएको हो । गाउँपालिका अध्यक्ष सित नजिक रहेका १२ जना कर्मचारीहरुले तलबभता ८ महिनाको खाएको समेत आन्दोलित कर्मचारीहरु बताएका छन् ।

एमसीसी राष्ट्रिय हित विपरित : नेता यादव

0

एमसीसी विवाद अहिले नेपालमा चौतर्फी चर्चाको विषय बनेको छ । एमसीसीले गर्दा अहिलेको नेपाली समाज एवम राजनीतिक दल बिच विभिन्न टीका टिप्पणी सुरु भएको छ। एक पक्षले एमसीसी पारित गर्नु पर्नेमा जोड दिएको छ भने अर्कोले कुनै हालतमा यसलाइ रोक्नु पर्ने अडान लिएको छ। प्रमुख प्रतिपक्षी दलले यो पास गर्नु पर्ने धारणा बनाएको छ भने सत्ताधारी पार्टी नेकपाको मत यो बिषयमा बिभाजन भएको छ । सुरुमा एमसीसीलाई अमेरिका सरकारले नेपालको सडक स्तरोउन्नति एवं उर्जा प्रबर्धनको निम्ति सहयताको रुपमा बुझिएको थियो । तर सम्झौता अध्यन गरेपछी ठूलो रकमको अनुदान आउने भए पनी, यो नेपालको हकमा नभएको देखिन्छ । मैले नेपाल भ्रमणको क्रममा अमेरिकी विदेश विभागका दक्षिण एसियाका सहायक सचिव डेभिड जे रान्जले एमसीसी इन्डो प्यासिफिक रणनीतिको महत्वपूर्ण हिस्सा हो भनेर तर्क पेश गरेका थिए। सहायक सचीवको कुरा सही हो भने, यसले हाम्रो बिदेश नीतिलाई चैलेन्ज गर्छ र यो हाम्रो लागि ठीक होइन। हाम्रो पार्टी नेकपाका अधिकांश शिर्ष नेताहरूले पनी एमसीसी अमेरिकी सैन्य रणनीतिको हिस्सा भएको खण्डमा सैनिक गठबन्धन जस्तो देखिने सैनिक रणनीतिमा नेपाल सहभागी हुन नसक्ने भन्दै अमेरिकी सरकारको राय माग गर्नु भएको छ र असंलग्न नीति अन्तर्गत नेपाल सामेल हुन नहुने भन्दै जोडदार आवाज उठाउनु भएको छ।

एमसीसी राष्ट्रिय हित बिपरित यो अर्थमा पनि छ, झट्टै हेर्दा नेपालको सडक स्तरोउन्नति एवं उर्जा प्रबर्धनको निम्ति सहयताको रुपमा बुझिएता पनि एमसीसी मा हस्ताक्षर भएका बुँदाहरु नियाल्दा भयानक र राष्ट्रिय हित बिपरित छन् । जस्तै धारा ३ को दफा ३.२ (च ) सम्पूर्ण बौद्धिक सम्पतिमा अमेरिकाको पूर्ण अधिकार हुनेछ जस अनुरुप यो परियोजनामा कार्यहरु गर्दा नबिन बस्तुको विकास भएमा या उत्खनन भएमा अमेरिकाको पूर्ण अधिकार रहनेछ । धारा ३ को दफा ३ (८) (क) परियोजना लेखापरिक्षण अमेरिकाको कम्पनिले मात्र गर्न सक्नेछ ,जस अनुरुप यो परियोजनामा नेपालले १३० मिलियन डलर लागनीको हिसाब किताब पारदर्शिता रहनेछैन र सम्पूर्ण अधिकार अमेरिकामा निहित हुनेछ । धारा ५ को दफा ७ (क) प्रस्तुत सम्झौता लागु भएपछि प्रस्तुत सम्झौतामा उल्लेखित र नेपालको राष्ट्रिय कानुन बाझिएमा प्रस्तुत सम्झौता लागु हुनेछ जस अनुरुप यो परियोजना नेपालमा संचालित भएतापनि नेपालको संबिधान, कानुन र ऐन लागु हुनेछैन । अनुसूची १ (ग) को २ – एस परियोजनामा नेपाल सरकारले राज्यका कुनै निकायलाई खटाउनु पर्दा एम सी सीको स्वीकृति लिनु पर्ने छ जस अनुरुप एम सी सी परियोजना नेपाल सरकार मातहत हुनेछैन र नेपाल सरकार भन्दा सर्वपरी रहनेछ । अनुसुची ४ (क) – नेपाल सरकारले एम सी सीलाई चित्त बुझ्ने योजना तयार पारि पठाउनु पर्नेछ र त्यस्तो योजना इन्डियाको सरकारले समेत समर्थन गरेको हुनुपर्छ – यसको मतलब यो हुन्छ कि नेपालको भूभागमै परियोजनाका कार्य हुने भएता पनि भारतको समर्थन लिनु पर्ने छ जुन नेपालको स्वाधीनता, सर्वभौमिकताको विपक्षमा छ।

यसको साथसाथै इन्डो प्यासिफिक रणनीति छिमेकि मुलुक चिन घेर्ने रणनीति एवं चिनले अघि सारेको आर्थिक सहकार्यको परियोजना बेल्ट तथा रोड परियोजनाको काउन्टरमा अघि सारिएको सैन्य रणनीति हो। असंलग्न पररास्ट्र नीति अंगाल्ने नेपालले आर्थिक सहयताको स्वरुपमा देखा पर्ने सैन्य रणनीतिको दल दलमा फस्ने हो भने कालान्तार सम्म नेपालको भूराजनितिमा असर देखि रहनेछ छ र इराक, अफगानिस्तान र सिरिया जस्तै बिदेशीहरुको क्रिडास्थलमा परिणत हुनेछ। त्यस्तै, नेपालको संविधान, कानुन, नियमावली र सर्वोच्वका आदेश निस्कृय हुने प्रावधान, नेपालको बोर्ड बनाउने र बोर्डको उत्तरदायित्व सरकारप्रति नहुने, केवल न्यायालयले मात्र नियन्त्रण गर्न सक्ने, आयोजनाको अमेरिकी संघिय कानुन लाग्ने र एमसीसीका कर्मचारीमाथि नेपाली कानुन नलाग्ने, भारतको सहमति लिनुपर्ने लगायताका बुदाहरुले हाम्रो सार्वभौमसत्ता माथी प्रश्न उठाएको छ। ५०० मिलियन डलर भनेको नेपालको ( २०७६/७७)को कुल बजेटको झन्डै ३ प्रतिशत मात्र हो, यो छोटो रकम हामी अन्य ठाउँबाट सजीलै व्यवस्थापन गर्न सक्छौ । तसर्थ यो पारित गरेर हामी स्वभीमान गुमाउनु हुन्न ।

                                                                    छोटेलाल प्रसाद यादव
                                                                      प्रदेश २ कमिटी सदस्य, 
                                                                 नेपाल कम्युनिष्ट पार्टी (नेकपा)

कोरोनाले थप २ जनाकाे मृत्यु भएकाे पुष्टि, मृत्यु हुनेकाे संख्या ८ पुग्याे

0

वीरगंज । कोरोनाले नेपालमा थप दुई जनाको मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । मन्त्रालयले आयोजना गर्ने नियमित प्रेस मिटमा बोल्दै प्रवक्ता डा विकास देवकोटाले बाजुराकी २ वर्षीया बालिकामा कोरोना संक्रमणका कारण मृत्यु भएको जनाए । उनको आइतबार बिहान मृत्यु भएको थियो ।

त्यसैगरी, शनिबार दुल्लु नगरपालिका ११ दैलेखका का ३५ वर्ष पुरुषको कोरानाले मृत्यु भएको मन्त्रालयले जनाएको छ । बाजुरा जिल्ला अस्पतालको आइसोलेसनमा आइतबार मृत्यु भएकी बालिकामा सेती प्रादेशिक प्रयोगशालामा स्वाब परीक्षण गर्दा उनमा कोरोना संक्रमण देखिएको थियो ।

बालिकामा पखाला, ज्वरो, श्वासप्रश्वासमा समस्या हुने लक्षणहरु देखिएका थिए । उनको परिवार आठ दिनअघि परिवार भारतबाट फर्किएको हो । यो सँगै कोरोनाले नेपालमा मृत्यु हुनेको संख्या ८ पुगेको छ ।

सिन्धुपाल्चोकमा एक, बाँकेमा एक, गुल्मीमा एक, बाराका एक, ललितपुरका एक र अर्घाखाँचीका एक, दैलेखका एक गरी ८ जनाको मृत्यु भएको छ ।

राैतहटमा २९ र पर्सामा ५ सहित थप १६६ जनामा काेराेना संक्रमण पुष्टि

0

वीरगंज  । नेपालमा कोरोना संक्रमितको संख्या १ हजार ५ सय ६७ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा आइतबार थप १ सय ६६ जनामा कोरोना संक्रमण पुष्टि भएको मन्त्रालयले जनाएको हो ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले थप १ सय ६६ जनामा संक्रमण फेला परेसंगै संक्रमितको संख्या १ हजार ५६७ पुगेको जनाए ।

संक्रमित हुनेमा तनहुँका १ जना, स्याङ्जाका २ जना, पर्साका ५ जना, कालिकोटका १८ जना, दैलेखका १८ जना, बाजुराका १ जना, सल्यानका २५ जना, सुर्खेतका १ जना , बाँकेका ४ जना, नेपालगञ्जका ४ जना, सप्तरीका १२ जना, कैलालीका ३ जना, बाजुराका २ जना, झापाका ४ जना, धनुषाका २१ जना, कपिलवस्तुका ५ जना, रौटहतका २९ जना, सर्लाहीका १० जना रहेको मन्त्रालयले जनाएको छ ।

संक्रमितमध्ये हालसम्म २ सय २० जना निको भएर घर फर्किइसकेका छन् । पछिल्लो २४ घण्टामा १ जना डिस्चार्ज भएका हुन् । मकवानपुरकी महिला डिस्चार्ज भएर घर फर्किएकी हुन् ।

मन्त्रालयका अनुसार आइतबारसम्म नेपालमा पिसिआर विधिबाट हालसम्म ६९ हजार ५ सय ८२ परीक्षणहरु गरिएका छन् ।

हालसम्म कोरोना संक्रमणले सिन्धुपाल्चोकमा एक, बाँकेमा एक, गुल्मीमा एक, बाराका एक, ललितपुरका एक र अर्घाखाँचीका एक, दैलेखका एक, बाजुराका एक गरी ८ जनाको मृत्यु भएको छ ।

पटेर्वा सुगाैलीका ५ जनामा पनि काेराेना संक्रमण

0

वीरगन्ज । पर्साकाे पटेर्वा सुगाैली गाउँपालिकाका पाँच जनाामा पनि कोरोना संक्रमण पुष्टि भएको छ । नारायणी अस्पतालकाे प्रयाेगशालामा गरिएकाे परिक्षणमा पर्टेवा सुगौली गाउँपालिकाकाे ५ जनामा काेराेना संक्रमण फेला परेकाे पर्साका सहायक प्रमुख जिल्ला अधिकारी ललित कुमार बस्नेतले पुष्टि गरे ।

२२ बर्षिय २ पुरुष, २५ बर्षिय एक पुरुष, एक महिला र ३६ बर्षिय एक पुरुष गरी ५ जनामा कोरोना संक्रमण फेला फेला परेकाे उनले जानकारी दिए ।

भारतको विभन्न प्रदेशबाट नेपाल फर्केका उनीहरुलाई गाउँपालिकाकै क्वारेन्टाईनमा राखी पीसीआर परिक्षणको लागि स्वाबः संकलन गरिएको थियो । नारायणी अस्पतालमा रहेको पीसीआर मेसिनमा संकलन गरिएको स्वाब परिक्षण हुदाँ शनिबार साझ पाँचै जनाको रिपोर्ट पोजेभिट आएको उनले बताए ।

निचुटाकाे क्वारेन्टाईनमै बसेका पाँचै जनाको रिपोर्ट पोजेटिभ आएकाे नारायणी अस्पतालका मेसु डा. मदन कुमार उपाध्यायले समेत वताए ।

पटेर्वा सुगाैली गाउँपालिकाकाे वडा नं. ५ काे ३ जना, २ काे एक जना र ४ काे एक जनामा पिसिआर परिक्षणकाे रिपाेर्ट पाेजेटिभ आएकाे मेसु उपाध्यायले जानकारी गराए । निचुटाकाे क्वारेन्टाइनमा रहेकाे पांचै जना संक्रमितलाई वीरगंजस्थित नारायणी अस्थाई काेराेना अस्पताल गण्डकमा ल्याउन लागिएकाे उनले वताए ।

यसअघि आज बिहान पनि पर्साकाे सखुवा प्रसाैनी गाउँपालिकामा एक महिला सहित २ जनामा कोरोना संक्रमण भेटिएको थियो ।

प्रहरीबाट सरसफाईकर्मी पनि कुटिए, बिराेधमा गरे सरसफाइकाे काम ठप्प

0

वीरगंज । पर्सा प्रहरीकाे दिन प्रति दिन ज्यादती बढ्दै गएको देखिएको छ । कसैमाथि लाठिचार्ज गर्ने, कसैलाई पनि हेप्ने कुट्ने गरेको समाचार आउदा पनि प्रहरी आम नागरिको नजरमा खस्दै गएको आभास हुन थालेकाे छ ।

शनिवार पुनः प्रहरीको त्यस्तै घटना सार्वजनिक भएको छ । वीरगंज महानगरको सरसफाईमा खटिएका कर्मचारीलाई प्रहरीले कुटपिट गरेका छन् । प्रहरी ज्यादतीको विरोधमा सफाई कर्मचारीहरुले काम रोकेपछि आजदेखि वीरगंज महानगरपालिकाको फोहोर उठेको छैन ।

वीरगन्ज महानगर पालिकाले ठेक्का मार्फत र महानगरपालिकाकै सरसफाई कर्मचारीहरु मार्फत पनि पोहोर उठाउदै आएकोमा लकडाउनको समयमा सरसफाईमा खटिएका कर्मचारीहरुलाई प्रहरीले कुटपिट र दुव्र्यवहार गर्न थालेपछि उनीहरुले फोहोर उठाउन छोडेका हुन् ।

बिहिबार सरसफाई शाखाका कर्मचारी छोटेलाल प्रसाद कुश्वाहालाई प्रहरीले कुटपिट गरी मोटरसाईकल समेत खोसेर दुव्र्यवहार गरेको थियो । घटनाको बारेमा पर्साकी प्रहरी उपरीक्षक गंगा पन्तसँग गुनासो गर्दा एसपी पन्त उल्टै हाँसेर मात्रै गएको र कुनै जवाफ नदिएपछि कर्मचारीहरु काममा नआएको सरसफाईको ठेकेदार कम्पनी पृथ्वी तारा एनके इन्टरनेशनल जेभीका निर्देशक शिव गुप्ताले संचारकर्मीलाई बताए ।

सफाई कर्मचारी फोहोर उठाउन नआएपछि वीरगंज महानगर पालिकाका मेयर विजय कुमार सरावगीलाई जानकारी गराएको र मेयर सरावगीले प्रमुख जिल्ला अधिकारी विष्णु कुमार कार्की र प्रहरी उपरिक्षक गंगा पन्तसँग समन्वय गरेर फेरी सफाई कर्मचारीहरुलाई काममा फर्काएका थिए ।

तर, हिजोसाँझ फेरी ठेलामा जम्मा भएको फोहोर ट्याक्टरमा हालेर ल्याण्डफिल साईटतिर लिएर जानेक्रममा वीरगन्जको माईस्थान नजिकै डिउटीमा खटिएको प्रहरीले सफाई कर्मचारीलाई अवरोध गरेर दुव्र्यवहार गरेपछि आजदेखि सफाई कर्मचारीहरु काममा नआएका कारण महानगरपालिकाको पोहोर उठेको छैन ।

कोरोनाको महामारीमा पनि ज्यान जोखिममा राखेर सरसफाईमा खटिएका कर्मचारीहरुमाथि प्रहरी प्रशासनले पटक पटक अनावश्यक दुःख दिने गर्दा काम गर्न समस्या भएको ठेकेदार गुप्ताले बताए ।

सडकमा डिउटीमा खटिने प्रहरीलाई सरसफाई कर्मचारीको परिचय पत्र देखाएर गृहमन्त्रालयले परिपत्र गरेको कागज देखाउदा समेत प्रहरीले को हो गृहमन्त्रालय ? हामी मान्दैनौ एसपीले जे आदेश दिन्छ त्यही गर्छौ भनेर जवाफ दिने गरेको सरसफाई कर्मचारीहरुले बताएका छन् ।

लकडाउनलाई प्रभावकारी कार्यान्वयन गराउने नाममा ज्यादती गरेको भन्दै प्रहरी प्रशासनको सर्वत्र आलोचनाहरु हुदै आएको छ ।

वीरगन्ज महानगरपालिकाका मेयर सरावगी पनि स्थानीय प्रहरी प्रशासनले समन्वयकारी भूमिका निर्वाह नगरेको गुनासो गरेका छन् । महानगरपालिकाका सरसफाई कर्मचारीहरुलाई दैनिक जसो प्रहरीले दुख दिने गरेकोले सरसफाई समेत प्रभावित हुन पुगेको बताए ।

अतिआवश्यकीय काममा खटिएका स्वास्थ्यकर्मी, कर्मचारी, सरसफाईकर्मी, खाद्यान्न व्यवसायी, औषधि व्यवसायी र सञ्चारकर्मी मात्रै होईन नागरिक समाजले पनि प्रहरीको कार्यशैलीप्रति असन्तुष्ट व्यक्त गरेका छन् ।

नागरिक समाजले लकडाउन पालनाको नाममा प्रहरी आक्रामक रुपमा प्रस्तुत भई कुटपिटमा उत्रिनु अत्यन्त दु:खद रहेको भन्दै नागरिक समाजले प्रहरीको कार्यशैली सुधार गर्न अनुरोध गरेको छ ।

प्रहरीको कार्यशैलीमा सुधार नआए नागरिक समाज जिल्ला प्रशासन कार्यालय पर्सामा पुगेर प्रमुख जिल्ला अधिकारीलाई ज्ञापनपत्र समेत बुझाउने तयारीमा रहेको नागरिक समाजका एक सदस्यले बताए ।

प्रदेश सांसद कलवारद्वारा क्वारेन्टाइनहरुमा स्वास्थ्य सामग्री वितरण

0

वीरगंज । पर्सा क्षेत्र नं. ४ का (ख) का प्रदेश सभा सदस्य सिंगासन साह कलवारले आज आफ्नाे क्षेत्र अन्तर्गतका क्वारेन्टाइनहरुमा स्वास्थ्य सामग्री वितरण गरेका छन्

कोरोना भाइरस संक्रमण हुन सम्भावीत जोखिमबाट बचाउनको लागि आफ्नाे क्षेत्रका ५ वटा क्वारेन्टाइनमा स्वास्थ्य समाग्री र फलफुल सांसद कलवारले वितरण गरेकाे जनता समाजवादी पार्टी पर्साका नेता तबरेज अहमदले जानकारी दिए । सांसद कलवारले आफ्नो ब्यक्तिगत लगानीमा क्षेत्र अन्तर्गतकाे धोबिनी, छिपहरमाई र कालिकामाई गाउँपालिकाकाे क्वारेन्टाइमा सामग्री वितरण गरेकाे नेता अहमदले वताए ।

उनका अनुसार सांसद कलवारले धाेबिनी गाउँपालिकाकाे श्री काली प्रसाद लाखे माविमाको क्वारेन्टाइन रहेका २४ जनालाई, छिपहरममई गाउँपालिकाकाे श्री मंगल माध्यमिक बिधालय भिस्वा, श्री नेरा प्राबी तुल्सिवर्वा, नेरा प्राबि बुढगाईको क्वारेन्टाइनमा रहेका १ सय ४ जना र कालिकामाई गाउँपालिकाकाे श्री नेरा अधारभुत विद्यालय हरिहरपुरकाे क्वारेन्टाइन रहेका १८ जना गरि १ सय ४६ जनालाई मास्क, सेनिटाईजर, साबुन, स्याउ र बिस्कुट बितरण गरेका हुन् ।

यसका साथै क्वारेन्टाइनमा स्वास्थ्यकर्मीहरुको लागि पिपिइ सेट, थर्मल गन र सेनिटाईजर बितरण गरिएको प्रदेश सांसद कलवार का स्वकीय सचिव दिपेन्द्र साहले वताए। प्रदेश सांसद कलवारले आफै क्वारेन्टाइनहरुमा गई क्वारेन्टाइनमा रहेकाहरुसंग भेटघाट गर्दै समाग्रीहरु बितरण गरेकाे उनले जानकारी गराए ।

क्वारेन्टाइनहरुकाे लागि स्वास्थ्य सामग्री सम्बन्धित गाउँपालिकाकाे स्वास्थ्य संयोजकहरुलाई हस्तान्तरण गरिएकाे वताइएकाे छ ।

साे अवसरमा बिश्वब्यापी महामारीको रुपमा फैलिएकाे कोरोना भाईरसबाट बाचनको लागी सुरक्षाको साथै सतर्कता अपनाउन समेत जरुरी रहेको सांसद कलवारले वताए ।

सामग्री वितरण गर्न सांसद कलवारकाे साथमा जनता समाजबादी पार्टीका नेता रामनरेश प्रसाद यादव, नेपाल निर्माण ब्यवसायी संघ पर्साका बरिस्ठ उपाध्यक्ष दिभाकर पटेल लगायतकाहरु क्वारेन्टाइनहरुमा पुगेका थिए ।

थप १८९ जनामा काेराेना संक्रमण पुष्टि, संक्रमितकाे संख्या १४०१ पुग्याे

0

काठमाडौँ । नेपालमा कोरोना भाइरस संक्रमितको संख्या १ हजार ४ सय १ पुगेको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा थप १ सय ८९ जनामा कोरोना संक्रमण पुष्टि भएको मन्त्रालयले जानकारी दिएको हो ।

शनिबार मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमितको संख्या १ हजार ४०१ पुगेको जनाए ।