वीरगञ्ज । समाजवादी पार्टि एकाइ समिती वडा नं १० आयोजनामा बुधबार रक्तदान कार्यक्रम सम्पन्न भएको छ । लकडाउनमा रक्तकाे अभाव भएका कारण कार्यक्रम आयोजना गरिएको जनाइएको छ ।
वीरगञ्ज महानगर कार्यपालिका सदस्य सुशिल साह कानुले रक्तदान गरि शुभारम्भ गरेको रक्तदानमा ४ महिला सहित ६६ जनाले रक्तदान गरेका छन् ।
समाजवादी पार्टि वडा नं १० का एकाइ अध्यक्ष जोगिन्द्र प्रसाद कानुको सभापतित्व र समाजवादी पार्टिका जिल्ला अध्यक्ष रामनरेश यादवको प्रमुख आतिथ्यमा भएकाे कार्यक्रममा जिल्ला सचिव तबरेज अहमद, वरिष्ठ नेता सुन्दर कुर्मी, महानगर कमिटिका अध्यक्ष इश्वर यादव, समाजवादी विद्यार्थी युनियनका केन्द्रीय सदस्य निखील बरनवाल, जिल्ला अध्यक्ष एजाज बाबु रांकी, पार्टिका नेता घनश्याम यादव, लखन कानु, सन्तोष महराठा लगयातको उपस्थिती रहेको थियो ।
कार्यक्रमलाई सम्बोधन गर्दै वक्ताहरुले रक्तको अभाव भइरहेका बेला रक्तदान कार्यक्रम आयोजना गर्नु निकै सराहनीय कार्य भएको बताएका थिए ।
