Date
आइत, मंसिर ६, २०८३
Sun, November 22, 2026
Home Blog Page 968

वीरगंजमा मृत्यु भएका एक बालक सहित २ जनामा काेराेना संक्रमण पुष्टि

0

वीरगन्ज । उपचारको क्रममा शुक्रबार वीरगन्ज हेल्थ केयर हस्पिटलमा मृत्यु भएका ५ वर्षीय बालकमा कोरोना संक्रमण पुष्टि भएको छ ।

र्‍यापिड डायग्नोस्टिक टेस्ट (आरडीटी) पोजेटिभ भई उपचारको क्रममा मृत्यु भएका बाराको निजगढ–६ का ५ वर्षीय बालकको पीसीआर परीक्षणमा पनि कोरोना पाेजेटिभ देखिएकाे हाे ।

अस्पतालमा दुई पटक आरडीटी परीक्षण गर्दा दुवै रिपोर्ट पोजेटिभ देखिएको थियो । शुक्रबार राति गरिएको उनको पीसीआर परीक्षण रिपोर्ट पनि पोजेटिभ आएको नारायणी अस्थायी कोभिड अस्पताल गण्डकका कोर्डिनेटर डा.उदयनारायण सिंहले वताए ।

निमोनिया कारण सिकिस्त बनेका बालकलाई परिवारले निजगढमा दुईवटा निजी क्लिनिकमा जाँच गराएका थिए ।

उनीहरुले नै दिएको सुझावको आधारमा टेम्पोमा राखेर निजगढकै सामुदायिक प्रसूति अस्पतालमा लगिएको थियो । प्रसूति अस्पतालबाट एम्बुलेन्समा राखेर वीरगञ्ज हेल्थ केयर अस्पतालमा ल्याइएको थियो । बिहान ११ बजे आकस्मिक कक्षमा ल्याइएका बालकको अवस्था गम्भिर थियो ।

कोरोनाका शंकास्पद विरामी आउन सक्छन् भनेर अस्पतालले भेन्टिलेटर सहित ५ बेडको आइसोलेसन तयारी अवस्थामा राखेको थियो । भेन्टिलेटरमा राख्नु अघि आरडीटी अस्पतालमै उपलब्ध किटबाट आरडीटी परीक्षण गरिएको थियो । त्यसपछि नारायणी अस्पतालको किटबाट समेत परीक्षण गरियो । दुवैमा रिपोर्ट पोजेटिभ आएको थियो ।

स्वास्थ्य सुरक्षा सतर्कता अपनाएरै बालकको उपचार गरिएको वीरगञ्ज हेल्थ केयर अस्पतालले जनाएको छ ।

बालकको शव बिहान नेपाली सेनालाई जिम्मा लगाइसकिएको अस्पतालका सञ्चालक डा. अबुल हैस अन्सारीले जानकारी दिए ।

यस्तै बुधबार वीरगन्जको घण्टाघर नजिकै बेवारिसे अवस्थामा मृत फेला परेका व्यक्तिमा पनि कोरोना संक्रमण पुष्टि भएको छ ।

नारायणी अस्थायी कोभिड अस्पतालका कोर्डिनेटर डा.उदयनारायण सिंहका अनुसार वीरगन्जको प्रयोगशालामा गरिएको पीसीआर परिक्षणमा बेवारिसे अवस्थामा मृत फेला परेका व्यक्तिसहित २ बालक, २ महिला र एक पुरुषसहित ६ जनामा कोरोना संक्रमण पुष्टि भएको हो ।

‘बेवारिसे अवस्थामा मृत भेटिएका अन्दाजी २५ वर्षीय व्यक्तिको स्वाब परीक्षण गर्दा कोरोना पोजेटिभ देखिएको डा.सिंहले वताए । उनको शव नारायणी अस्पतालमा राखिएको छ ।’ हालसम्म मृतकको पहिचान नखुलेको डा. सिंहले जनाए ।

एकैदिन ४ सय ४८ जनामा कोरोना संक्रमण, संक्रमितको संंख्या ५ हजार ६२ पुग्यो

0

वीरगंज । नेपालमा एकैदिन ४ सय ४८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले शुक्रबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले पछिल्लो २४ घन्टामा थप ४ सय ४८ जनामा कोरोना संक्रमण पुष्टि भएको जानकारी दिएका हुन् । यो हालसम्मकै उच्च संख्या हो ।

यो सँगै नेपालमा संक्रमितको संख्या ५ हजार ६२ पुगेको छ ।
संक्रमित हुनेमा मोरङका २ पुरुष, झापाका ७ पुरुष, महोत्तरीका १० पुरुष, चितवनका ८ पुरुष, धादिङका २९ पुरुष, सप्तरीका १७, उदयपुरका ३, सिरहाका ११ जना, इलामका १ जना, झापाका ६ जना, सुनसरीका १० जना, पर्वतका १३ जना, स्याङ्जाका २२ जना, नवलपरासी पूर्वका १ जना र तनहुँका १ जना रहेका छन् ।

बर्दियाका १५ जना, बाँके १, नवलपरासी पूर्वका ४ जना, मोरङका १ जना, महोत्तरीका ६ पुरुष, धनुषाका १४ जना, सर्लाहीका ७ जना, कपिलवस्तुका ४ जना, दाङका ८ जना, दैलेखका ३८ जना, सुर्खेतका ४५ जना, अर्घाखाँचीका २ जना, गुल्मीका १ जना, पाल्पाका १ जन, प्युठानका २ जना, रुपन्देहीका १६ जना, नवलपरासी पश्चिमका ४ जना, बाराका १ जना, धनुषाका १ जना, नुवाकोटका १ जना, रौटहटका ८६ जना, काठमाडौंका १ जना, सर्लाहीका ५० जना रहेका छन् ।

हर्बास्विटीकल्सद्वारा उत्पादित ग्राइप वाटरको म्याद नबित्दै डल्लो पर्दै

0

वीरगंज । हर्बास्विटीकल्स प्रा. ली . वीरगन्जद्वारा उत्पादित ग्राइप वाटरको म्याद नबित्दै डल्लो पर्ने गरेको छ ।

वीरगन्ज वर्डा न. ३२ चोर्नी अवस्थित रहेको उक्त हर्बास्विटीकल्सद्वारा उत्पादित भास्कर कम्पनीको ग्राईप वाटर म्याद न नाघ्दै पटक पटक डल्लो परेको प्रमाणहरू फेला परेका हुन । नवजात शिशुहरुलाई झाडा पखाला लाग्दा सेवन गरिने उक्त औषधिको उत्पादन नै गुणस्तरहीन हुनसक्ने भएकोले म्याद न नाघ्दै डल्लो पर्ने हुदा उक्त औषधि सेवनकर्ता शिशुहरुको ज्यान जोखिममा पर्ने भएको छ ।

उक्त औषधिको उपभोक्ताको जीवनसंग प्रत्यक्ष खेलवाड गरी रहेको उक्त हर्बास्विटीकल्सको उत्पादनको सवालमा सम्बन्धित निकाय औषधि व्यवस्था विभाग वीरगंज समेत गैर जिम्मेवार रहेको पाइएको छ ।

हर्बास्विटीकल्सद्वारा उत्पादित गराइप वाटरमा देखिएको डल्लोको सन्दर्भमा विभागका शाखा अधिकृत भाग्य नारायण सिंहले उल्टै उपभोक्तामाथि नै आक्षेप लगाउदै औषधिको शिल तोडी डल्लो राखेको हुन सक्ने भएकोले कम्पनीमाथिको आरोपको अर्थ नरहेको भन्दै बचाउ गरेका छन् ।

राईजिङ नेपालकाे स्थापना दिवसकाे अवसरमा ४८ जनाद्वारा रक्तदान

0

वीरगंज । राईजिङ नेपालले आफ्नाे चौथो स्थापना दिवसको उपलक्ष्यमा शुक्रबार आयाेजित कार्यक्रममा २ महिला सहित ४८ जनालाले रक्तदान गरेका छन् ।

संस्थाका अध्यक्ष अध्यक्ष मन्टु गिरिकाे अध्यक्षतामा भएकाे कार्यक्रमकाे उद्घाटन पर्साका सहायक प्रमुख जिल्ला अधिकारी ललित कुमार बस्नेतले गरेका थिए । कार्यक्रमका प्रमुख अतिथी समेत रहेका अधिकारी बस्नेतले रक्तदाताहरुलाई रक्तदान गर्ने बैग हस्तान्त्रण गरी कार्यक्रमकाे उद्घाटन गरेका थिए ।

वीरगंज फुलवारी टाेलस्थित आयाेजक संस्थाकाे कार्यालयमा भएकाे कार्यक्रममा अनु गुप्ता, आशा कुमारी, सुनिल प्रसाद राउत, नाैसाद अन्सारी, रवि बर्णवाल, गाैरीशंकर सिंह, गाैराै बर्मा, सुबाेद पाैडेल, कुन्दन पटेल, धिरज शर्मा, मुन्ना गिरी, रमेश साह, सराेज अन्सारी, राइल खान लगायत ४८ जनाले रक्तदान गरेकाे आयाेज संस्थाले जनाएकाे छ ।

कार्यक्रममा रेडक्र्सका दयाशन्कर सिह, समाजसेवी राजन श्रीवास्तव, युवा नेता निखिल वर्णवाल लगायतको उपस्थित रहेको थियो भने प्राबिधिक सहयोग रक्तसञ्चार केन्द्रका जितेन्द्र प्रसाद कुशवाहा र सुजित पटेलको टोलिले गरेको थियाे ।

साे अवसरमा संस्थाका अध्यक्ष गिरीले दुर्व्यसनमा फसेका असाहाय तथा एक्ल व्यक्तिहरुलाई निशुल्क र गरिब तथा निम्न बर्गका प्रभावित व्यक्तिहरुलाई सेवाग्राहीको परिवारलाई आर्थिक भार कम पर्ने गरि संस्थाले उपचार सेवा प्रदान गर्ने घोषणा समेत गरे ।

अध्यक्षले नै जान भनेपछि धाेबिनीकाे क्वारेन्टाइनबाट ४४ जना भागेका थिए

0

वीरगंज । पर्साकाे धोबिनी गाउँपालिकाकाे क्वारेन्टाइनबाट भागेका ४४ जनालाई प्रहरीले नियन्त्रणमा लिएर पुन: क्वारेन्टाइनमा राखेकाे छ ।

गाउँपालिकाकाे वडा नं. ४ लंगडीस्थित श्री कालीप्रसाद लाखे माध्यमिक बिधालयकाे क्वारेन्टाइनमा रहेका ४४ जना नै बिहिबार सांझ भागेका थिए । क्वारेन्टाईनबाट भागेका ४४ जना मध्ये २२ जनालाई बिहिबार सांझ नै र बाकी २२ जनालाई शुक्रबार विहान नियन्त्रणमा लिएर पुन: राखि सकिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

भारतको दिल्ली, मुम्बई, लाेदियाना, हरियाना, पंजाब, केरला लगायतको ठाउँबाट आएकाहरुलाई क्वारेन्टाइनमा राखिएकाे थियाे । क्वारेन्टाइनमा बसेकाहरुकाे जेठ २५ गते स्वाब संकलन गरी पिसिआर परिक्षणकाे लागि वीरगंजस्थित नारायणी अस्पतालकाे प्रयाेगशालामा पठाइएकाे छ । तर स्वाब संकलन गरी परिक्षणकाे लागि पठाइएकाे ४ दिन वितिसक्दा पनि रिपाेर्ट अझै आउन सकेकाे छैन् ।

क्वारेन्टाइन अव्यवस्थित भएका कारण आफुहरु बाध्य भएर भागेकाे क्वारेन्टाइनमा रहेकाहरु वताएका छन् । क्वारेन्टाइनबाट नै  फाेन सम्पर्कमा कालिका टाईम्ससंग कुरा गर्दै एक जना क्वारेन्टाइनमा बस्न ग्राहाे भए पछि आफुहरु भागेकाे वताए ।

उनले भने “आफुहरु क्वारेन्टाइनमा बसेकाे २० दिन भन्दा नै बढी भइसक्याे, आइतबार नै हाम्राे स्वाब संकलन गरिएकाे थियाे तर अझै सम्म रिपाेर्ट पनि आएकाे छैन् । यहाँ कुनै थाेककाे राम्राे व्यवस्था छैन्, मुखिया जी संग गुनासाे गर्दा गई हाल्नुस भने पछि आफुहरु घर गएका थियाैं, अहिले पुन: क्वारेन्टाइनमा आइसकेका छाैं ।”

उनका अनुसार क्वारेन्टाइनमा बसेका सबै जनाकाे लागि बेड पनि छैन् । केहीले बिना झाेलकाे भुई मै सुत्न बाध्य भएका छन् । खानाकाे पनि राम्राे व्यवस्था छैन्  । सबै दिन दाल, भात र आलुकाे भुजिया खान बाध्य छाैं । त्याे पनि राम्राे पाकेकाे हुदैन् ।  सेनिटाइजर छैन्, साबुन छैन् , माक्सकाे कुरै छाडिदिनु ।

यस्तै कहिले काँही नास्तामा भुजा आँडा पाउन्छाै भने कहिले काँही बिस्कुट मै काम चलाउनु पर्ने बाध्यता रहेकाे सरफुदिन अंसारीले वताए ।

क्वारेन्टाइनबाट भागेकाहरु मध्ये केहीकाे पिसिआर रिपाेर्ट पाेजेटिभ आएकाे बुझिएकाे छ । तर हाल सम्म पुष्टि हुन सकेकाे छैन् ।

बाटाे निर्माणकाे बिषयमा पकहा मैनपुरमा झडप, १२ घाइते र ३ जना पक्राउ

0

वीरगन्ज: पर्साको पकाहा मैनपुर गाउँपालिका ४ खेस्राहा गाउँमा सडक निर्माणको विषयमा दुई पक्षबीच विवाद भइ झडप भएको छ।

झडपमा रामरतन साह छठेहरा, रामावत बैठा, सागर बैठा, रामलखन साह छठेहरा, नन्द महतो चाई, भागयनारायण प्रसाद चौहान, प्रबेज चौहान, रामाशंकर चौहान, हरेन्द्रर कुमार साह, हिरा साह लगायत १२ जना घाइते भएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

घाइते मध्ये ५ जनाकाे वीरगन्जस्थित एलएस न्यूरो अस्पतालमा, २ जनाकाे तराई अस्पतामा उपचार भइरहेकाे प्रहरी निरिक्षक सिंहले जानकारी दिए । घाइते २ जनाकाे अवस्था गम्भिर रहेकाे छ ।

प्रहरीले ३ जनालाई पक्राउ समेत गरेकाे छ । भाेला छठेहरा, रामप्रबेश बैठा र हरि चाैहानलाई पक्राउ गरिएकाे सिंहले वताए ।

खेस्राहा गाउँमा रहेको सार्वजनिक बाटो निर्माणको विषयमा केही समयदेखि विवाद थियो। त्यही विवाद सुल्झाउन गाउँमा बिहीबार सर्वपक्षीय बैठक बसेको थियो।

बैठकमै दुई पक्षबीच विवाद भएर कुटाकुट भएको प्रहरीले जनाएकाे छ ।

स्थानियहरुका अनुसार बैठकमा गाउँलेहरुले सहमतीकाे आधारमा बाटाे निर्माण गर्नु पर्ने वताइरहे पनि गाउँपालिका अध्यक्ष बिजय चाैरसियाले २०२१ सालकाे नापीले नै बाटाे निर्माण गर्नु पर्ने अडान राखे पछि साेही बिषयमा दुई पक्ष बिच विवाद हुदा झडप भएकाे थियाे ।

गत बर्ष कै सडक ढलानकाे याेजना विवाद कै कारण हुन सकेकाे थिए भने यस बर्ष पनि सडक निर्माण कै बिषयमा विवाद हुदा झडप समेत हुन पुगेकाे हाे ।

प्रदेश सरकारकाे २५ लाखकाे लागतमा धाेबिनीमा बन्ने सडककाे शिलान्यास

0

वीरगंज । पर्साको धोबिनी गाउँपालिका वडा न‌ं. ५ मा २५ लाखको लागतमा बन्ने सडकको शिलान्यास गरिएको छ ।

भौतिक पुर्वाधार मन्त्रालय अन्तर्गत प्रदेश न २ काे मन्त्रीले प्रत्येक जिल्लामा एक गापालाई आदर्श बस्ती बनाउने उदेश्यले सन्चालन गरेको आदर्श बस्ती बिकास कार्यक्रम अन्तर्गत रु २५ लाखको लागतमा बन्ने सडकको शिलान्यास गरिएको समाजवादी पार्टीका संघीय परिषद सदस्य सलाउदिन अहमदले वताए ।

एक कार्यक्रमका बिच जिल्ला समन्वय समिति पर्साका संयाेजक नेक महम्द अन्सारी र जनता समाजवादी पार्टीका संघीय परिषद सदस्य अहमदले सन्युक्त रुप शिलान्यास गरेका हुन् ।

साे अवसरमा संघिय परिषद सदस्य अहमदले जिल्लामा आफ्नो गापालाई आदर्श बस्ती बिकास कार्यक्रमको लागि माननिय मन्त्री ज्युले पार्नु भएकोमा धन्यवाद दिदै अनुगमन गरि दिनुहुन अनुरोध समेत गरे ।

शिलान्यस कार्यक्रम वडाध्यक्ष मनौवर अहमदको अध्यक्षतामा भएको थियाे ।

महानगरलाई सेवा समिति, महासंघ र बैंकहरुकाे पनि सहयाेग

0

वीरगञ्ज । चौरसिया बरई सेवा समिति पर्साले पनि वीरगञ्ज महानगरपालिकाको कोभिड कोषमा आर्थिक सहयोग गरेको छ ।

वीरगञ्ज महानगरपालिकाका नगरप्रमुख बिजय कुमार सरावगीले पर्सा जिल्लामा कोरोना परिक्षणको दायरा फराकिलो पारेर पर्सा जिल्लालाई ग्रिनजोनमा लैजाने उद्देश्यका साथ पिसिआर मेशीन तथा भिटिएम किट खरिदका लागि सहयोग आह्वान गर्नुभएको थियो ।

सामाजिक उत्तरदायित्वको बोध गर्दै चौरसिया बरई सेवा समिति पर्साका अध्यक्ष रामाकान्त प्रसाद चौरसियाले महानगरपालिकाका नगरप्रमुख बिजय कुमार सरावगीलाई ५१ हजार ५ सय १ रुपैयाको चेक हस्तान्तरण गरेकाे सचिव साेनालाल चाैरसियाले वताए ।

यस्तै क्यान महासंघ पर्साले पनि वीरगञ्ज महानगरपालिकाको कोभीड कोषमा सहयोग गरेको छ ।

वीरगञ्ज महानगरपालिकाका नगर प्रमुख सरावागिद्वारा सञ्चालित कोरोना भाइरस रोकथाम तथा नियन्त्रण कोषमा क्यान महासंघ पर्साले बुधबार ५१ हजार सहयोग गरेको हो ।

नेपालमा कोरोनाभाइरसका संक्रमितहरुको संख्या बढी रहेको बेला महानगरपालिका कार्यालयले परीक्षणको दायरा बढाउन थप पीसीआर मेसिन, भिटीएम किटलगायत स्वास्थ्य सामग्री खरिद गर्न सुरु गरेको अभियानमा क्यान महासंघ पर्साको टोलीले आफ्नो व्यक्तिगत खर्चबाट जम्मा गरेको रकमबाट सहयोग गरेको हो ।

क्यान महासंघका जिल्ला अध्यक्ष दीपक साहको नेतृत्वमा वीरगञ्ज महानगरपालिका कार्यालय गएको टोलीले महानगरका मेयर विजयकुमार सरावागिलाई भेटेर सहयाेग रकम बराबरकाे चेक हस्तान्तरण गरेको थियो ।

यस्तै नेपाल इन्भेस्टमेन्ट बैंकले पनि बिरगंज माहानगरपालिकालाई पिसिआर मसिन, भिटिएम कीट लगायतका सामग्री खरिद गर्नकाे लागि रु. एक लाख सहयोग सहयाेग गरेकाे छ ।

महानगरपालिकाकाे कारर्यालयमा पुगी बैंका प्रतिनिधिहरुले नगर प्रमुख  सरावगीलाई सहयाेग रकम बराबरकाे चेक हस्तान्तरण गरेका हुन् ।

यस्तै माछापुछे बैंकले पनि वीरगंज माहानगरपालिकालाई पिसिआर मसिन, भिटिएम कीट लगायतका सामग्री खरिद गर्नकाे लागि रु.एक लाख सहयाेग गरेकाे हाे ।

सहयाेग रकम बराबरकाे चेक नगरप्रमुख सरावगीलाई बैंकले आज हस्तान्तरण गरेको हाे ।

चेक बुझ्दै नगरप्रमुख सरावगीले अब चाँडै नै पिसिआर मेशिन खरिद गरेर परिक्षणको दायरा फराकिलो बनाउने सबैको सपनाले साकार हुने वताए ।

राैतहटमा ५३ सहित थप २ सय ७९ जनामा काेराेना संक्रमण पुष्टि

0

वीरगंज । नेपालमा थप २ सय ७९ जनामा कोरोना संक्रमण पुष्टि भएको छ । योसँगै संक्रमितको संख्या ४ हजार ३ सय ६४ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयले बुधबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले पछिल्लो २४ घन्टामा थप २ सय ७९ जनामा काेराेना संक्रमण पुष्टि भएसंगै संक्रमितकाे संख्या ४ हजार ३ सय ६४ पुगेको जनाए । थपिएका संक्रतिमध्ये २ सय ५७ पुरुष र महिला २२ जना छन् ।

प्रवक्ता गौतमका अनुसार गत २४ घन्टामा संक्रमित हुनेमा मोरङका ८ जना, झापाका ५ जना, चितवनका २ जना, उदयपुरका १ जना, नवलपुरका १ जना, सर्लाहीका २ जना, नवलपरासी पश्चिमका ५ जना, पाल्पाका १२ जना, प्युठानका ६ जना, रुपन्देहीका ७ जना, बाँकेका ३ जना र बर्दियाका १ जना रहेका छन् ।

त्यसैगरी सप्तरीका ६ जना, दैलेखका २५ जना, जाजरकोटका ३ जना, सुर्खेतका ९ जना, दार्चुलाका १ जना, कैलालीका १२ जना, कञ्चनपुरका २ जना, डडेलधुराका १ जना, सर्लाहीका २५ जना, कपिलवस्तुका ४८ जना, धादिङका १६ जना, धनुषाका ११ जना, गोरखाका ४ जना, नुवाकोटका १ जना, रौटहटका ५३ जना, सिन्धुपाल्चोकका २ जना, सिरहाका १ जना र उदयपुरका ३ जना रहेका छन् ।

वीरगंज र अमरपट्टीमा भएकाे कार्यक्रममा एक सय ४७ जनाद्वारा रक्तदान

0

वीरगंज । गिरिजा प्रसाद कोईराला फाउण्डेशन पर्साकाे आयाेजनामा बुधबार अकास्मिक रक्तदान कार्यक्रम सम्पन्न भएकाे छ । वीरगंजमा रक्तकाे अभाव भएपछि फाउण्डेशनले आयाेजना गरेकाे र्कायक्रममा एक सय २ जनाले रक्तदान गरेका हुन्।

कार्यक्रममा १ महिला सहित एक सय २ जनाले रक्दान गरेकाे फाउण्डेशन पर्साका अध्यक्ष मोहम्मद सहाबुदिनले बताए ।

अध्यक्ष सहाबुदिनको अध्यक्षतामा भएको र्कायक्रममा नेपाली काग्रेंस पर्साका जिल्ला सभापति अजय कुमार दुवेदी, नेपाली कांग्रेस पुर्व सांसद अनिल कुमार रुगंटा, नेत्र ज्योति संघका केन्द्रिय सदस्य श्याम कुमार पोख्रेल, प्रदेश सभासद ओमप्रकास शर्मा, नेपाली काग्रेसका महा समिति सदस्य प्रकास यपाध्याय, वडा नं ६ का वडाध्यक्ष ध्रुव नेपाल, नेपाली कांग्रसका युवा नेता राम नारायण कुर्मी, फाउण्डेशन पर्साकी सहसचिव मीण्टु देवि सिंह, फाउण्डेशनकि सदस्य प्रीति सिंह, वीरगंज महानगरपालिकाकी उप प्रमुख शान्ति कार्की, फाउण्डेशन पर्साका सल्लाहकार हरेराम ठाकुर, प्रध्यापक एवम समाजसेवी रुदल ठाकुर लगायतको उपस्थिति रहेको थियो ।

यस्तै पर्साकाे बिन्दवासिनी गाउँपालिका वडा नं.४ अमरपटीमा पनि आज आकस्मिक रक्तदान कार्यक्रम सम्पन्न भएकोे छ । नेपाल रेडक्रस सोसाइटी उपशाखा अमरपट्टी र वडा कार्यलयको सहयोगमा रक्तदान कार्यक्रम भएकाे हाे ।

बिन्दवासिनी गाउँपालिकाकी उपाध्यक्ष किरण देवी गुप्ताकाे प्रमुख आतिथ्यतामा भएको कार्यक्रमकाे शुभारम्भ वडा नं.४ का वडा अध्यक्ष अनोज कुमार चौरसियाले रक्तदान गरी गरेका थिए ।

नेपाल रेडक्रस सोसाइटी उपशाखाका सभापती राजेश्वर प्रसाद चौरसियाको अध्यक्षतमा भएको कार्यक्रममा ६ जना महिलासहित ४५ जनाले रक्तदान गरेको रेडक्रसका राजन श्रीवास्तवले वताए ।

कार्यक्रमका वडा सदस्य मुकेश प्रसाद साह, मन्जु चौरसिया, छबिलाल साह, लगन शर्मा, ओमप्रकाश चौरसिया, शिवरती देवी, माधुरी चौरसिया लगायतले रक्तदान गरेका थिए ।