Date
आइत, मंसिर ६, २०८३
Sun, November 22, 2026
Home Blog Page 969

संघीय सरकार विरुद्ध वीरगंजमा समाजबादी युवा संघको बिरोध प्रदर्शन

0

वीरगंज । समाजबादी युवा संघले बुधबार वीरगंजको घन्टाघरमा संघ सरकार विरुद्धमा प्रदर्शन गरेकाे छ ।

राज्यको सम्पूर्ण कामकारवाही चल्या छ तर जनताको चुलो बन्द रहेको अवस्थामा सरकारले जनतासँग असुल्ली गर्ने कर, किसानको व्याज, व्यापारीहरूको व्याज लगायत कुरामा उर्दी जारी गरेको विरुद्धमा पर्साको सदरमुकाम बिरगंजको घन्टाघरमा सांकेतिक बिरोध मार्फत राज्यलाई ध्यानाकर्षण गराउन प्रदर्शन गरिएको समाजवादी युवा संघका प्रदेश सदस्य शिव कुमार साहले वताए ।

युवाहरुले लकडाउन अवधि भरको कर, बैंक ब्याज, बिजुली बिल, स्कुल/कलेज शुल्क र घर भाडा माफ गर, निकममा अर्थमन्त्रि राजिनामा दे, प्रदेश नं.२ लाई विशेष आर्थिक पैकेज घोषणा गर, मलखाद तथा बिउबिजन सुलभ तरिकाले प्रयाप्त मात्रामा व्यवस्था गर, पिसिआर र आरडिटी प्रयाप्त मात्रामा उपलब्ध गराउ, मा. रेशम चौधरीलाई अबिलम्ब रिहा गर, गरिब, मजदुर, किसान, असहायलाई अबिलम्ब राहतको व्यवस्था गर र बिदेशमा फसेका नेपालीलाई अबिलम्ब ल्याउने व्यवस्था गर लगायतकाे नारा लेखिएकाे प्ले कार्ड सहित शान्ति पूर्ण प्रदर्शन गरेका हुन् ।

जनता समाजबादी पार्टी नेपालका केन्द्रिय सदस्य एवं युवा सह-इन्चार्ज फिरोज मन्सुरको नेतृत्वमा भएको बिरोध कार्यक्रममा समाजबादी युवा संघका केन्द्रिय सदस्य अजय यादव, प्रदेश सचिव कसीम अन्सारी, प्रदेस सदस्य शिव कुमार साह, अजय प्रसाद साह, ऋषि साह, युवा नेता अमोद यादव, रामबाबु यादव, दिलिप रौनियार लगायतको युवाहरुको सहभागीता रहेको थियो |

लकडाउनमा पनि कर्पोरेट बैंक जबरजस्ती व्याज र किस्ता असुली गर्दै

0

वीरगन्ज । वीरगन्ज आदर्शनगरस्थित कर्पोरेट डेभलपमेन्ट बैंकले लकडाउनको बेला सेवाग्राहीहरुबाट जबरजस्ती व्याज तथा किस्ता वापतको रकम असुली गरि रहेको पाइएको छ ।

विभिन्न व्यापार, व्यावसाय संचालन गर्न, गाडी किन्न तथा घर निर्माणका लागि कर्जा लिएका व्यक्तिहरुसँग लकडाउनको बेला पनि बैंकले जबरजस्ती व्याज तथा किस्ता असुली गरि रहेको सेवाग्राहीहरुले वताएका छन् । कोरोना संक्रमणको कारण विश्व आक्रान्त बनि रहेको अवस्थामा बैंकहरुलाई पनि आफ्नो व्यापार संचालन गर्न नै तल्लिन छन् ।

कोरोना संक्रमण नियन्त्रणका लागि करिब तीन महिनादेखि नेपाल लकडाउन (बन्दाबन्दी) रहेको अवस्थामा सर्वसाधारणको त कुरै छाडौं हुने खानेहरुको पनि ढाँड भाँच्चिएको छ, व्यापारीहरुको व्यापार संचालन नभएर आर्थिक अवस्था नै तहस नहस बनेको छ ।

यस अवस्थामा पनि वीरगन्जका बैंकहरुले सेवाग्राहीहरुसँग किस्ता वापतको रकम असुली गर्न तल्लिन् छन् । लकडाउनका कारण दैनिक जीवन यापन गर्नमा पनि समस्या भईरहेको बेला उक्त बैंकले लकडाउन खुलि सकेको भनेर किस्ता बुझाई दिन दबाब दिदै किस्ता असुली रहेको एक सेवाग्राहीले वताए ।

लकडाउन अवधिभरिको कर तथा बैंक व्याज, किस्ता मिनहा गर्न चौतर्फि माग भइरहेको बेला नेपाल सरकारले यो मागलाई सम्बोधन गर्नुभन्दा पनि बाँकी महिनाको कस्तिा व्याज असुली गरिसक्नुपर्ने दाउमा कर्पोरेट बैंकले काम गरि रहेको अवस्था छ । बैंकका कर्मचारीहरुले सेवाग्राहीहरुलाई दिनहुँ फोन गरेर किस्ता बुझाई दिनु दबाब दिदै आएका छन् ।

वर्तमान अवस्थामा एक दिनको खाना पुगे अर्को दिनको लागि जुटाउन सोच्नुपर्ने अवस्थामा बैंकको किस्ता बुझाउनुपर्ने दबावले गर्दा सेवाग्राहीहरु आर्थिक तनावको साथसाथै मानसिक तनाव पनि खेप्न बाध्य छन् ।

तीन महिनाको लकडाउन अवधिबारे नेपाल सरकार तथा नेपाल राष्ट्र बैंकले कुनै ठोस निर्णय गर्न नसकेको कारण यसको प्रत्यक्ष चपेटामा सर्वसाधारणहरु पिल्सि रहेका छन् ।

विगत चैत, वैशाख दुई महिनासम्म बैंकहरुले किस्ता तथा व्याज बुझाउनेबारे खासै दबाब नदिएपनि नेपाल सरकार आर्थिक मन्त्रालय राजस्व विभागले जेठ २५ गतेसम्म कर विवरण र सम्पूर्ण कर बुझाई सक्नुपर्ने सूचना जारी गरेसँगै बैंकहरुले पनि व्याज तथा किस्ता बुझाउन सेवाग्राहीहरुलाई तनाव दिन थालेका छन् ।

कर बुझाउन सरकारले सूचना जारी गरेसँगै चौतर्फि विरोध हुन थाले पश्चात असार ७ गतेसम्म म्याद थप गरिएको छ ।

सर्लाहीका १०६ सहित थप ३१४ जनामा कोरोना संक्रमण पुष्टि

0

वीरगंज । नेपालमा कोरोना संक्रमितको संख्या ३ हजार ७ सय ६२ पुगेको छ । स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले पछिल्लो २४ घण्टामा सोमबार थप ३ सय १४ जनामा कोरोना संक्रमण पुष्टि भएसंगै संक्रमितको संख्या ३ हजार ७ सय ६२ पुगेको जनाए ।

संक्रमित हुनेमा सर्लाहीका १ सय ६ जना, महोत्तरीका १२ जना,  झापाका ९ जना, सुनसरीका १ जना, मोरङका ९ जना, पाँचथरका १ जना, सप्तरीका ६ जना, बलांग बिउ गाउँपालिका क्वारेन्टाइनका १६ जना, प्रादेशिक जनस्वास्थ्य प्रयोगशाला जनकपुरका १५ जना, स्याङ्जाका १ जना, पोखराका १ जना, पर्साका ८ जना, बाराका ७ जना, रौटहटका ११ जना, दाङका ४ जना, बाँकेका १ जना, बर्दियाका १८ जना, दैलेखका १० जना, सल्यानका ५ जना, सुर्खेतका १ जना, अर्घाखाँचीका ३१ जना, गुल्मीका १ जना, कपिलवस्तुका २४ जना, नवलपरासीका २ जना, पाल्पाका १ जना, प्यूठानका ८ जना र रुपन्देहीका ५ जनामा संक्रमण देखिएको छ ।

हालसम्म डिस्चार्ज हुनेको संख्या ४ सय ८८ रहेको छ । पछिल्लो २४ घन्टामा डिस्चार्ज हुनेको संख्या २१ रहेको छ । खजुरा बाँकेबाट २० जना डिस्चार्ज भएका हुन् भने कोभिड युनिफाइड अस्पतालबाट १ जना डिस्चार्ज भएका हुन् ।

मन्त्रालयका अनुसार सोमबारसम्म नेपालमा पीसीआर विधिबाट १ लाख ९ सय ७१ परीक्षणहरु गरिएका छन् ।

हालसम्म क्वारेन्टाइनमा रहनेको संख्या १ लाख ७० हजार ७ सय ३२ जना रहेका छन् । त्यसैगरी आइसोलेसनमा रहनेको संख्या ३ हजार २ सय ६० जना रहेका छन् ।

हालसम्म कोरोना संक्रमणले सिन्धुपाल्चोक, बाँके, गुल्मी, बारा, ललितपुर, अर्घाखाँची, दैलेख, बाजुरा, दोलखा, पाल्पा, सुर्खेत, कैलाली, डोल्पा र स्याङ्जामा एक/एक गरी १४ जनाको मृत्यु भएको छ ।

जगरनाथपुर गाउँपालिकाका ८ जनामा पनि काेराेना संक्रमण

0

वीरगञ्ज । पर्साको जगरनाथपुर गाउँपालिकाका ८ जनामा पनि कोरोना संक्रमण देखिएको छ । गाउँपालिकाकाे सन्ठीस्थित श्री नेरा माविकाे क्वारेन्टाइनमा रहेका एक महिला सहित ८ जनामा काेराेना संक्रमण फेला परेकाे प्रमुख प्रशासकिय अधिकृत अमित कुमार गिरीले जानकारी दिए ।

संक्रमित व्यक्तिहरु वडा नं. ६ औंराहा, सन्ठीका २५ देखी ४० बर्ष उमेर समुहका रहेकाे अधिकृत गिरीले वताए ।

उनीहरु १५ दिन अघि भारतकाे केरला र हरियाणाबाट आए थिए । भारतबाट आए लगतै सबैजनालाई गाउँपालिकाले क्वारेन्टाइनमा राखेकाे थियाे ।

भारतबाट आएका ३३ र उनीहरूको सम्पर्कमा आएका थप १ जना गरी ३४ जनालाई क्वारेन्टाइनमा राखिएको थियो । क्वारेन्टाइनमा रहेका सबै जनाकाे शुक्रबार स्वाव संकलन गरी पिसीआर जाँच गरिएकोमा ८ जनामा कोरोना पोजेटिभ देखिएकाे गाउँपालिकाका स्वास्थ्य संयाेजक प्रभेन्द्र साहले जानकारी वताए ।

संक्रमण पुष्टि भएका सबैलाई बीरगन्जस्थित नारायणी काेराेना बिशेष अस्पताल गण्डकमा पठाउन् तयारी भइरहेको संयाेजक साहले गराए ।

प्रहरीले बृद्धलाई घसार्दै भ्यानमा राख्न खोजे पछि…

0

वीरगंज । वीरगंजमा वडा प्रहरी कार्यालय बिर्ताको टोलीले आतंक नै मच्चाएको भन्दै चौतर्फि बिरोध हुन थालेको छ । वडा प्रहरी कार्यालय बिर्ताको टोलीले कहिले चिकित्सक, कहिले स्वास्थ्यकर्मी, कहिले बैंकर्स, कहिले सञ्चारकर्मी त कहिले सर्वसाधारणलाई बिना कारण लकडाउनको बहाना बनाउदै कुटपिट गर्न थालेकोले स्थानियहरु आज बिरोध गरेका छन् ।

आईतवार दिउसो करिब ३ः३० बजेको समयमा वीरगंजको गहवा स्थित मिना बजार कम्पलेक्स पछाडि केही व्यक्तिहरुले तरकारी तथा फलफुल विक्रिवितरण गर्दै थिए । त्यहि समय वडा प्रहरी कार्यालय बिर्ताका प्रहरी नायब निरिक्षक गजानन्द साहको नेतृत्वमा रहेको प्रहरी टोली त्यहाँ आउने वितिकै सबै तरकारी व्यपारीहरु भागे । तर त्यहि स्थानमा करिब ८०/८५ वर्षका एक बृद्ध थिए । उनी भाग्न सकेनन् ।

प्रनानी साहको नेतृत्वमा रहेको के.पी. पटेल भन्ने हवलदार र सामुदायिक प्रहरी सेवा केन्द्र मिनाबजारका प्रहरी सहायक निरिक्षक बिवेक जैसवालले सो बृद्धलाई घसार्दै प्रहरी भ्यानमा राख्न खोजेका थिए । त्यतिकैमा त्यहाँ पुगेका केही सञ्चारकर्मीहरुले फोटो तथा भिडियो लिन खोज्दा प्रहरी हवलदार पटेलले अपशब्द प्रयोग गर्दै लठ्ठी हान्ने प्रयास समेत गरे । “तपाईहरुलाई कस्ले फोटो तथा भिडियो गर्न आदेश दिएको हो, हामीलाई मात्र गलत हेराउने काम गर्दै हुनुहुन्छ” भनि सञ्चारकर्मीहरुमाथि अपशब्द प्रयोग गर्दै खनिए ।

त्यहाँ आएका प्रहरी र सञ्चारकर्मीबिच केही बेर भनाभन समेत भएको थियो । सो घटना पश्चात त्यहाँका स्थानियहरुले प्रहरी विरुद्ध बिरोध प्रदर्शन समेत गरे । प्रहरीलाई १००/२०० रुपैया तथा तरकारी दिने व्यापारीहरुलाई केही नगर्ने तर गाउँबाट आएका सोझासाझा किसानहरुलाई प्रहरीले दुःख दिने गरेको किसानहरुको आरोप रहेको छ ।

सो घटनामा वडा प्रहरी कार्यालय बिर्ताका प्रहरी निरिक्षक निर्मल पनेरुसँग बुझदा सञ्चारकर्मीमाथि गरिएको अभद्र व्यवहार तथा कुनै पनि सर्वसाधारणमाथि आफुहरुले ज्यादती नगर्ने भनि घटनामा संलग्न प्रहरीलाई सम्झाउने बताए ।

चेली कृषी साहाकारीद्वारा आयाेजित रक्तदान कार्यक्रम सम्पन्न

0

वीरगंज । को-अपरेटिभ म्यानेजर क्लब पर्साकाे सहयोग र चेली कृषी साहाकारी संस्था पर्साकाे आयाेजनामा आज रक्तदान कार्यक्रम सम्पन्न भएकाे छ ।

वीरगंजकाे रेल्वे राेडस्थित भएकाे कार्यक्रममा १७ महिला सहित ७१ जानले रक्तदान गरेकाे आयाेजक संस्थाले जनाएकाे छ ।

चेली कृषी साहाकारी संस्था पर्साका अध्यक्ष कमला घिमिरेको अध्यक्षता र राष्ट्रिय सहकारी बिकास बाेर्डका संचालक समिति सदस्य शम्भु गुप्ताकाे प्रमुख आतिथ्यतामा भएकाे कार्यक्रममा नेपाल रेडक्रस सोसाइटी पर्साका सभापति बिरेन्द्रराज कंडेल, को-अपरेटिभ म्यानेजर क्लब पर्साका अध्यक्ष जिसनु बराल, इन्दु रन्जितकार, शुशिला भणडारी लगायतकाे उपस्थिती रहेकाे थियाे ।

काेराेना भाइरस (काेभिड १९) संक्रमण महामारीकाे बेला रक्तकाे अभावमा सहयाेगार्थ कार्यक्रमकाे आयाेजना गरिएकाे संचालक रामबाबु चौधरीले वताए ।

भिडभाड देखिएपछि २ दिन देखी खुलेकाे वीरगंज बजार पुन: बन्द

0

वीरगञ्ज  । लकडाउनको समयमा आलोपालो बजार खोल्न अनुमति दिएको जिल्ला प्रशासन कार्यालय पर्साले २ दिन नबित्दै अत्यावश्यकीय सेवा वाहेकका पसल बन्द गराएको छ ।

जोर विजाेर प्रणालीबाट खोल्ने भनिएको वीरगन्ज बजार अर्को सूचना जारी नहुन जेल सम्मको लागि स्थगित गरिएकाे पर्साका सहायक प्रमुख जिल्ला अधिकारी ललित कुमार बस्नेतले वताए ।

कोभिड १९ जिल्ला संकट व्यवस्थापन केन्द्रको २१ गते बसेको वैठकले आवश्यक स्वास्थ्य सम्बन्धि सुरक्षा सतर्कताका साथ जोर बिजोर प्रणालीमा बजार खोल्न दिने निर्णय गरेको थियो । तर २ दिन नबित्दै प्रशासनले सूचना निकालेर लकडाउनमा त्यस्ता व्यवसाय चलाउन रोक लगाएका हुन् । पर्साको वीरगञ्ज बजार शुक्रवारदेखि आलोपालोमा खुलेको थियो ।

कोरोना संक्रमण बढिरहेको र संक्रमणको जोखिम देखिएकाले अत्यावश्यक बस्तु तथा सेवाबाहेकका सम्पूर्ण व्यवसाय स्थल बन्द गर्नुपर्ने प्रशासनको सूचनामा उल्लेख छ ।

जिल्ला प्रशासन कार्यालय पर्साले व्यवसायीहरुलाई बिभिन्न बर्गमा बिभाजन गरी व्यवसाय संचालन गर्न दिने निर्णय गरेको थियो । त्यसको लागि जिल्ला प्रशासन कार्यालयले बार/गते र समय पनि तोकेको थियो । तर २३ गते साँझ बसेको कोभिड १९ जिल्ला संकट व्यवस्थापन केन्द्रको बैठकले व्यवसायी तथा सेवाग्राहीले तोकेको स्वास्थ्य सुरक्षा सम्बन्धि मापदण्ड तथा सर्तहरुको पालनाको अवस्था हेर्दा संक्रमण फैलिन सक्ने देखिएको भन्दै तत्कालका लागि यस भन्दा पहिला प्रकाशित गरिएको  निर्णय नं. २ को बुन्दा नम्बर ५ र ६ मा उल्लेख रहेको व्यवसाय बन्द गर्ने निर्णण गरेकाे सहायक प्रमुख जिल्ला अधिकारी बस्नेतले जानकारी दिए ।

संक्रमण फैलिन नदिन पर्याप्त सावधानी अपनाएर व्यवसाय खोल्न भनिएकोमा पालना नभएपछि बन्द गराउनु परेको जिल्ला प्रशासन कार्यालय पर्साका प्रवक्ता समेत रहेका सहायक प्रमुख जिल्ला अधिकारी बस्नेतले बताए ।

खुलेकाे बजार अनुगमन गर्दा भिडभाड देखिएकाे र व्यवसायीहरुले निर्धारित मापदण्ड पुरा नगरेका कारण संक्रमण फैलन डरले पुन: बजार बन्द गर्नु परेकाे अधिकारी बस्नेतले जानकारी गराए ।

उनले भने “बजारकाे अनुगमन गर्दा व्यवसायीहरुले समेत मास्क प्रयाेग गरेकाे पाइएन, भिडभाड पनि त्यस्तै देखियाे र उद्याेग वाणिज्य संघले स्वीकार गरेकाे शर्तहरु समेत पुरा भएकाे पाइएन । त्यही भएर संक्रमण बढने क्रममा नै रहेकाेले पसल खाेल्न निर्णण कार्यन्वयमा नगर्न सुचना जारी गर्नु परेकाे हाे ।

तोकिएको बाहेकका व्यवसाय संचालन गरेको पाएमा संक्रामक राेग एन, २०२० तथा अन्य प्रचलित कानुन बमोजिम कारवाही हुने जिल्ला प्रशासन कार्यालय पर्साले जारी गरेकाे सुचनामा उल्लेख गरिएकाे छ ।

थप २ सय १३ जनामा कोरोना पुष्टि, संक्रमितको संख्या ३ हजार ४४८ पुग्याे

0

वीरगंज । नेपालमा थप २ सय १३ जनामा कोरोना भाइरस (काेभिड १९) संक्रमण पुष्टि भएको छ ।

आइतबार स्वास्थ्य तथा जनसंख्या मन्त्रालयले आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले पछिल्लो २४ घण्टामा थप २ सय १३ जनामा काेराेना संक्रमण पुष्टि भएसंगै नेपालमा संक्रमितको संख्या ३ हजार ४ सय ४८ पुगेको जानकारी दिए ।

नयाँ  संक्रमितमध्ये २ सय ९ जना पुरुष र ४ जना महिला रहेका छन् ।

नेपालमा कोरोना भाइरसबाट निको भएर ४ सय ६७ जना घर फर्किएका छन् भने १३ जनाको मृत्यु भएको छ ।

बेलवा, लालपर्सास्थित भेडहा नदी नियन्त्रणको लागी विशेष बजेट मांग

0

वीरगंज । पर्साको बेलवा, लालपर्सास्थित भेडहा नदी नियन्त्रणको लागी विशेष बजेट छुट्याउन सांसद यादवले मांग गरेका छन् ।

मन्त्रलायको विनियोजन विध्येकको बारेमा आईतबार संसदमा भएको छलफलमा बोल्दै सांसद यादवले पर्साको भेडहा नदीको बाढिले प्रत्येक वर्ष वीरगंज महानगरपालिका अन्तर्गत पर्ने बेलवा, इसलामपुर, लालपर्सा, परसोतीपुर लगायतका गाउँसहित खेती योग्य जमिन नष्ट हुँदै जनधनको ठुलो क्षति हुने गरे पनि सरकारले नदी नियन्त्रणको लागि बजेट नपठाएको आक्रोस पोखे ।

गत वर्ष राष्ट्रिय सभाका अध्यक्षसहित विकास सभाका सभपति पनि बेलवा गाउँमा स्वम आफै पुगी निरिक्षण गरेर नदी नियन्त्रण गर्न आवश्यक बजेटको लागि ऊर्जा तथा सिचाई मन्त्रीलाई प्रतिवेदन दिए पनि मन्त्रीले त्यो प्रतिवेदन नै कता राखेर बजेट नदिएको भन्दै मन्त्री पुनलाई सांसद यादवले गम्भिर ध्यानाकर्षण गराएका हुन ।

ऊर्जा, सिचाई तथा जल स्रोत मन्त्रीले आफ्नो अधिकांश बजेट नेपाल कम्युुनिष्ट पार्टीबाट निर्वाचित जनप्रतिनीधीहरुको क्षेत्रमा मात्रै पठाउने गरेको समाजवादी पार्टीका प्रभावशाली युवा नेता समेत रहेका सांसद प्रदीप यादवको आरोप छ । मन्त्रलायको बार्षिक कार्यक्रम अन्गर्गत तत्कालिन माओवादी र नेकपाका निर्वाचित जनप्रतिनीहरु भएको पालिकामा मात्रै कार्याकर्तालाई पाल्ने गरि बढि बजेट पठाएको सांसद यादवले आरोप लगाए ।

पर्सामा नेकपाबाट निर्वाचित दुई गाउँपालिकामा मात्रै डिप टयुबेल तथा पम्प सेट कार्यक्रम पठाएकोप्रति आपती जनाएउँदै उनले भने, ‘‘१४ वटा पालिका रहेको जिल्लामा जम्मा दुई पालिकामा पठाए पनि जहाँ डिप टयुबुलको आवश्यकता छ त्यहाँ स्यालो टयुबेल पठाउनु भएको र जाहाँ स्यालोको आवश्यकता छ त्यहाँ डिप टयुबेल पठाएका छन् ।’’

पर्सामा अधिकांश खेती योग्य गाउँहरु वीरगंज महानगरपालिकामा गासिएको भएपनि त्यहाँ एउटा पनि स्यालो टयुबेल र डिप टयुबेलको योजना नल्याएकोप्रति सांसद यादवले आपती जनाएका छन् ।

मेयर सरावगीका छाेरा केशवले पनि गरे वीरगंज महानगरलाई सहयाेग

0

वीरगंज । वीरगंज माहनगरपालिकाका मेयर बिजय कुमार सरावगीका छोरा केशव सरावगीले पनि वीरगंज माहानगरलाई सहयाेग गरेका छन् ।

मेयर सरावगीले कोरोना उपचारका लागि आह्वान गरेको कोषमा उनकै छोराले आइतवार एक महीनाको तलब सहयोग गरेका हुन्

वीरगंजमा कोरोना संक्रमण नियन्त्रण र उपचारका लागि सहयोग पुर्‍याउन सरावगीले नगरवासीलाई आह्वान गरेका थिए ।

काेराेना विरुद्धकाे लडाईमा महानगरलाई पिसिआर मेसिन, भिटिएम किट लगायतका सामग्री खरिद गर्न मेयर सरावगीका छाेरा केशवले आफ्नो एक महिनाको तलब नगद रु.५१ हजार सहयाेग गरेकाे महानगरकाे कार्यालयले जनाएकाे छ ।  केेशवले महानगरपालिकाकाे कार्यालय मै पुगी मेयर सरावगीलाई आज नगद सहयाेग रकम हस्तान्त्रण गरेका हुन् ।

यस्तै आजै नेपाल भ्यालुभर्स एशोशिएसन वीरगंज च्यापटरले महानगरलाई सहयाेग गरेकाे छ । बिश्वब्यापी कोरोना महामारी विरुद्धको अभियानमा पर्साबासीको लागि पि.सि.आर. मेसिन र टेस्ट कीट खरिदकाे लागि महानगरलाई रु ४५ हजार सहयाेग गरेका मेयर सरावगीकाे सचिवालयले जनाएकाे छ ।

सहयाेग रकम बराबरकाे चेक भ्यालुभर्स एहशाेसियसनका प्रतिनिधि महानगरपालिकाकाे कार्यालयमा पुगी मेयर सरावगीलाई हस्तान्तरण गरेकाे हाे ।

महानगरले वीरगञ्जमा कोरोना परीक्षण, क्वारेन्टाइन र अस्पताल व्यवस्थापनका लागि स्रोत अभाव भएको भन्दै सयोगको आह्वान गरेको छ ।

महानगरको आह्वानमा कोरोना कोषमा हालसम्म रू.६० लाख ५५ हजार रकम जम्मा भएको महाननगरले बताएको छ । महानगनरले दाताहरूको सहयोगमा पीसीआर जाँच उपकरण खरीदको प्रक्रिया अघि बढाएको छ ।