Date
आइत, मंसिर ६, २०८३
Sun, November 22, 2026
Home Blog Page 962

लायन्स क्लब अफ वीरगंजका अध्यक्षमा गुप्ता चयन

0

वीरगंज । लायन्स क्लब अफ वीरगंजकाे अध्यक्षमा श्याम गुप्ता चयन भएका छन् ।

लायन्स बर्ष २०२०/२०२१ का लागि लायसन्स कलब अफ वीरगंजकाे अध्यक्षतामा गुप्ता चयन भएका हुन् ।

क्लबकाे प्रथम उपाध्यक्षमा प्रकाश श्रीवास्तव, द्वितिय उपाध्यक्षमा अशाेक वेरिवाल, तृतिय उपाध्यक्षमा संदिप गुप्ता, सचिवमा रवि सरार्फ, काेषाध्यक्षमा सुकेश्वर बहादुर घिमिरे लगायतकाहरु चुनिएका छन् ।

क्लबका अध्यक्ष बासु तिमिल्सिनाकाे अध्यक्षतामा शनिबार भएकाे पद हस्तान्तरण कार्यक्रमकाे प्रमुख अतिथी एरिया चिफ राघव अचार्य रहेका थिए ।

क्वारेन्टाइनमा रहेकाहरुलाई योग अभ्यास प्रशिक्षण

0

वीरगंज । पोखरीया नगरपालिकाको आयुर्वेद शाखाले पोखरीयाको श्री जिल्ला उचाँगल रामदेव उच्च माविकाे क्वारेन्टाइनमा रहेका २६ जनालाई योग अभ्यास प्रशिक्षण तथा रोग प्रतिरोधात्मक क्षमता बढाउने औषधी वितरण गरिएको छ।

काेभिड १९ कोरोनाको रोकथामको लागि क्वारेन्टाइनमा रहेका व्यक्तिमा मानसिक तनाब तथा शारीरिक अस्वस्थता सिर्जना हुने सम्भावना रहेकोले उनीहरूलाई शारीरिक तथा मानसिक रूपमा स्वस्थ तथा तन्दुरुस्ती राख्न योग तथा ध्यान अति जरुरी हुने तथा कोरोनाकाे संभावित संक्रमणलाई रोक्न रोग प्रतिरोधात्मक क्षमता बढाउने आयुर्वेद औषधिले विशेष भूमिका खेल्ने आयुर्वेद संयोजक डा रवीन्द्र कुमार यादवले जानकारी दिनु भयो।

कार्यक्रममा योग तथा ध्यानको प्रशिक्षण योग प्रशिक्षक धीरेन्द्र सिंहले दिनु भएको थियो । आयुर्वेद औषधिमा शक्ति प्राश, अश्वगन्धा चूर्ण, आमलकी चूर्ण, इम्युन केयर वितरण गरिएको थियो ।

युवा संघकाे कार्यक्रममा ३ महिलासहित एक सय १३ जनाद्वारा रक्तदान

0

वीरगंज । मदन भण्डारीकाे ६१ औं जन्मोत्सवको उपलक्ष्यमा राष्ट्रिय युवा संघ नेपाल पर्साद्वारा शनिबार आयाेजित बृहत रक्तदान कार्यक्रम सम्पन्न भएकाे छ ।

वीरगंजकाे घण्टाघरस्थित बिपि उधान पार्कमा भएकाे कार्यक्रममा ३ महिला सहित एक सय १३ जनाले रक्तदान गरेका छन् । राष्ट्रिय युवा संघ नेपालका केन्द्रिय सदस्य अरुण यादवले रक्तदान गरि कार्यक्रमको शुभारम्भ गरेका थिए ।

साे कार्यक्रममा दुर्गा पौडेल, निर्जला पौडेल, पुजा बस्नेत, हेमन्त तामाङ, वृजलाल पासवान, तिवारी यादव, राहुल केसरी, शिवशन्कर यादव, भुपेन्द्र सह, राजकिशोर गुप्ता, असगर अलि, अलि हुसेन, बाबुराम खनाल, शक्ति सरार्फ, रबि गुप्ता, सचिन यादव, बिबेक यादव, सुलभ राणा, भैयाराम पटेल लगायतले रक्तदान गरेका थिए ।

राष्ट्रिय युवा संघ पर्साका संयोजक महमद नेजामको अध्यक्षता र नेकपा पर्साका संयोजक प्रभु हजराको प्रमुख आतिथ्यमा भएको रक्तदान कार्यक्रममा नेकपाक केन्द्रिय सदस्य दिनेश राई, प्रदेश सदस्य बालगोपाल थापा, छोटेलाल यादव, किशोरी कुशवाह, रामबाबु बैठा, बाबुराम कौशिक, संविधान सभा सदस्य राजकुमार गुप्ता, नेता नवराज शर्मा, बलराम साह, अरबिन्द सिंह, शिवजी गुप्ता, प्रभाकर गुप्ता, नन्दकिशोर पन्जियार, राघव साह, नेपाल पत्रकार महासंघ प्रदेश २ का उपाध्यक्ष केसि लामिछाने, पर्सा अध्यक्ष श्याम बन्जरा, प्रेस संगठन पर्साका संयोजक निरज पिठाकोठे मगर लगायत युवा संघका नेता, कार्यकर्ता तथा पार्टीका नेताहरुको सहभागीता रहेको थियोे ।

कार्यक्रमकाे संचालन संघका सह संयोजक ओमप्रकाश गुप्ताले गरेका थिए भने कार्यक्रमको सहजीकरण पिन्टु रौनियारले गरेका थिए ।

नागरिकता विधेयककाे बिरुद्धमा नेपाली कांग्रेसद्वारा गाउँ गाउँमा प्रदर्शन

0

वीरगंज । नागरिकता विधेयककाे विरुद्धमा नेपाली कांग्रेसले पर्साकाे विभिन्न गाउँपालिकामा प्रदर्शन गरेकाे छ ।

पर्साकाे निर्वाचन क्षेत्र नं. ४ अन्तर्गतकाे विभिन्न गाउँपालिकामा नेपालिका कांग्रेसले छुट्टा छुट्टै माेटरसाइकल र्‍याली प्रदर्शन गर्नुकाे साथै काेण सभा समेत गरेकाे हाे ।

कालिकामाई गाउँपालिकाकाे वडा नं. १ रबिदासबाट निस्केकाे माेटरसाइकल र्‍याली टिनडाेबिया, भेडिहारी, प्रशुरामपुर, बिरन्चीबर्वा, हरिहरपुर हुदै पुरै गाउँपालिकाकाे परिक्रममा गर्दै मुडलीमा पुगी काेण सभामा परिणत भएकाे थियाे ।

काेण सभामा बाेल्ने वक्ताहरुले कम्युनिष्ट सरकारद्वारा जारी नागरिकता बिधेयक खारेज गर्न माग गरे । सरकारले ७ बर्ष पछि मात्र बिदेशी बुहारीलाई नागरिकता दिने विधेयक ल्याएर सदियाे देखीकाे भारत र नेपाल बिचकाे राेटी बेटीकाे सम्बन्ध बिग्रान खाेजेकाे उनीहरुकाे आराेप थियाे ।

र्‍यालीमा सहभागिहरुले नागरिकता विधेयक खारेज गर, भ्रष्ट सरकार मुर्दाबाद, नेपाली कांग्रेस जिन्दावाद लगायतकाे नारा समेत लगाएका थिए ।

गाउँपालिका संयाेजक राजेन्द्र प्रसाद कुर्मीकाे नेतृत्वमा निस्केकाे बिराेध र्‍यालीमा नेपाली कांग्रेस पर्साका जिल्ला सदस्य पंजानन्द मिश्रा, गाउँपालिका सह संयाेजक छठु साह, वडाध्यक्ष रामशिष यादव लगायत सयाैंकाे सहभागिता रहेकाे थियाे ।

यस्तै छिपहरमाई गाउँपालिकाकाे जयमंगलापुरबाट निस्केकाे बिराेध र्‍याली टिहुकी, बुडगाई, चरगाहा, तुलसी बर्वा, बन्जारी हुदै गाउँपालिकाकाे परिक्रममा गर्दै भिस्वामा पुगेर काेण सभामा परिणत भएकाे थियाे ।

भिस्वामा भएकाे काेण सभामा वाेल्ने वक्ताहरुले सरकारले ल्याएकाे नागरिकता बिधेयककाे बिरुद्धमा आक्राेस पाेख्दै खारेज गर्न माग गरे । कम्युनिष्ट सरकारले ७ बर्षमा अंगकृत नागरिकता दिने बिधेयक ल्याएर देशमा द्वन्ध निमत्याउन खाेजेकाे वक्ताहरुकाे भनाई थियाे ।

झुठाे राष्ट्रबादकाे नारामा कम्युनिष्ट सरकार भ्रष्टचारमा लिप्त रहेकाे उनीहरुकाे आराेप समेत थियाे ।

नेपाली कांग्रेसका जिल्ला सदस्य नविन सिंहकाे नेतृत्वमा भएकाे बिराेधकाे कार्यक्रममा नेपाली कांग्रेका पर्साका सचिव किशाेरी साह, गाउँपालिका संयाेजक धुरेन्द्र प्रसाद कानु, नेता गगनदेव यादव, मनिकान्त गुप्ता, सुरेन्द्र प्रसाद यादव, दिपेन्द्र कुमार सिंह लगायतकाे सहभागिता रहेकाे थियाे ।

यस्तै धोबिनी गाउँपालिकामा पनि नेपाली कांग्रेसकाे बिराेध प्रदर्शन कार्यक्रम सम्पन्न भएकाे छ । नागरिकता विधेयककाे विरुद्ध निस्केकाे माेटरसाइकल र्‍याली गाउँपालिका अन्तर्गतकाे गाउँहरुकाे परिक्रमा गर्दै लंगडीमा पुगी काेण सभामा परिणत भएकाे थियाे ।

 

बिराेध कार्यक्रममा माहा समिती सदस्य बशिष्ट नारायण कुर्मी, क्षेत्रीय सचीव बलिष्टर अह्मद, गाउँपालिका अध्यक्ष सुरेश प्रसद कुर्मी, वडाध्यक्ष मजिद मिया, रजकिशाेर प्रसाद कुर्मी लगायतकाकाे सहभागिता रहेकाे थियाे ।

यस्तै जगरनाथपुर र जिराभवानी गाउँपालिकामा पनि नागरिकता विधेयककाे बिराेधमा नेपाली कांग्रेसकाे माेटरसाइकल र्‍याली सम्पन्न भएकाे भएकाे छ ।

नेवि संघद्वारा क्याम्पस प्रमुखकाे कार्य कक्षमा ताला बन्दी

0

वीरगंज । नेपाल विद्यार्थी संघ पर्साले शुक्रबार ठाकुर राम बहुमुखी क्याम्पस प्रमुखकाे कार्य कक्षमा ताल बन्दी गरेकाे छ ।

क्याम्पस प्रमुख राजदेव कुशवाहाले एकलौटी रूपमा निर्णय गर्ने, सहायक क्यामप्स प्रमुखलाई हटाएकाे र अहिले सम्म छात्र वृति वितरण नभएकाे विरुद्धमा तालाबन्दी गरिएकाे नवि संघ पर्साका नेता शेष हजाराले वताए ।

यसका साथै क्याम्पसकाे नयाँ भवन छिटो भन्दा छिटो सुचारू गर्नु, ग्रल हाेस्टलमा भत्केकाे पर्खाल निर्माण गर्न, दलित क्षत्रावास छिटो भन्दा छिटाे तयार गर्न लगायतकाे माग गर्दै तालाबन्दी गरिएकाे उनले जनाए ।

हजराकाे नेतृत्वमा विद्यार्थी नेता बिटु पटेल, प्रिन्स तिवारी, अनिल पटेल, भाेला पटेल, मनि महताे, अभिशेख कानु, युशुफ अहमद, जेपी ठाकुर, बाल गाेपाल यादव, राेशन साह लगायतकाले ताला बन्दी गरेका हुन् ।

नागरिकता, मधेसी/पहाड़े समुदाय र राजनीति

0

मधेस र मधेसी समुदाय लक्षित नागरिकता सम्बन्धीको राजनीति आ-आफ्नो राजनीतिक स्वार्थ पूर्तिका लागी बिगत काल देखि नै चली आएको राजनीतिक खेल हो । अहिलेको सन्दर्भमा सरकार बचाउन तथा आफ्नो राजनीतिक स्वार्थ पूर्ति गर्न फेरि पनि अंगीकृत नागरिकतालाई अन्तिम विकल्पको रुपमा हुकुमको इक्का जस्तै प्रयोग गरेको देखीन्छ । भ्रष्टाचार लुकाउन र एमसीसी पारित गर्न सरकारद्वारा पहिले नेपाल-भारत सम्बन्धीको नक्शा विवाद उठाइयो अहिले चाही विदेशी महिलाले नेपाली पुरुषसंग वैवाहिक सम्बंध पछि पाउने अंगीकृत नागरिकता विवाद चर्चाको शिखरमा देखीन्छ ।

मधेस सम्बन्धी नागरिकताको बारेमा राजनीतिक पार्टीहरुको धारणा बिगत काल देखी नै संकुचित र कुंठित रहदै आएको छ । बिगत समय देखि नै राजनीतिक पार्टीहरु राजनैतिक स्वार्थको लागि मधेस सम्बन्धी नागरिकताको मुद्दा लाई तासको खेलमा अन्तिम विकल्पको रुपमा प्रयोग गरिने हुकुमको इक्का जस्तै प्रयोग गर्दै आएको देखिन्छन । बिगतमा एमाले सरकारले गठन गरेको नागरिकता सम्बन्धी आयोगलाई बिपक्षमा बसेको कांग्रेसले बहिष्कार गरेको देखीन्छ भने कांग्रेसले गठन गरेको नागरिकता सम्बन्धी आयोगलाई एमालेले बहिष्कार गरेको राजनीतिक इतिहास पनि देखीन्छ ।

मधेस सम्बन्धी नागरिकताको बारेमा पार्टीहरुले चासो त लिएकै हून तर हरेक समय नागरिकताको मुद्दा उनीहरुले आफ्नो राजनैतिक र पार्टीगत स्वार्थको लागि मात्र उठाईएको पाइन्छ । दुई बर्ष देखि चेपिएको अंगीकृत नागरिकताको मुद्दा उठाउनु पनि राजनीतिक र पार्टीगत स्वार्थपूर्ति बाहेक केही न रहेको बुझीन्छ । सत्तारूढ़ (नेपाल कम्युनिष्ट पार्टी) सरकारले अंगीकृत नागरिकता सम्बन्धी बिधेयक प्रस्तावित गर्न लाग्दा बिगत जस्तै कांग्रेस फेरि पनि बहिष्कार गर्नु उहि पुरानो नीति हो भने जनता समाजवादी पार्टी (जसपा) पनि कांग्रेससँगै फरक मतमा बस्नु अहिलेको सन्दर्भमा नया कुरो देखिन्छ ।

कुनै पनि देशले आफ्नो नागरिकलाई नागरिकताको अधिकार दिनु भनेको राष्ट्र निर्माणको पहिलो आधार हो । राष्ट्र निर्माणमा आम नागरिकहरुको महत्वपूर्ण भूमिका निर्वाह गर्ने हुनाले र राष्ट्र निर्माणको लागी राष्ट्रको नागरिक हुनु अत्यावश्यक भएको हुनाले कुनै पनि देशले राष्ट्र निर्माणको लागि आफ्नो राजनैतिक एवम भौगोलिक सीमा भित्रका आम नागरिकलाई नागरिकताको अधिकार प्रदान गर्नु पहिलो कर्तव्य हुन आउछ । कुनै पनि देशले आफ्ना नागरिकलाई नागरिकताको अधिकार प्रदान गर्नु भनेको देशमा भएको शक्ति र श्रोतहरु माथि उसको पहुच र अधिकार सुनिश्चित गर्नु हो ।

हिमाल, पहाड़ र तराई (मधेस) मिलेर बनेको देश नेपाल भित्र हिमाल र पहाड़मा कहिले पनि नागरिकता सम्बन्धी समस्या भएको पाईदैन तर तराई अर्थात मधेस र मधेसमा बसोबास गर्ने मधेसी समुदाय नागरिकताको समस्याले अहिले सम्म पनि संघर्ष गर्नु परेको देखिन्छ । मधेसी समुदायलाई नागरिक अधिकारका लागि दीइने नागरिकतालाई राजनीतिकी षड्यन्त्र गरी जटिल बनाइएको पाईंन्छ । मधेसी/पहाडे समुदाय र विभेद भेषभूषा, भाषा, संस्कृति, जातीय, रंगरूप र मध्यदेशको भौगोलिक आधारमा मधेसका मानिसहरुलाई मधेसी नामकरण गरियो भने पहाड़का मानिसहरुलाई पहाड़े नामकरण गरेको पाइन्छ । मधेसी समुदायको भेषभूषा, भाषा, संस्कृति, जातीयता, रंगरूप, रहनसहन र खानपिन मित्रराष्ट्र भरत सीमाको छेउछाउमा बस्नेसंग मिलने हुनाले मधेसी समुदाय लाई अरुदेशको नागरिक ठान्दै दोयम दर्जाको उपाधि दियो र पूर्वकाल देखि नै दोयम दर्जाको नागरिक ठानियो भने पहाड़को वसीन्दा हरुलाई देशको भेषभूषा, भाषा, संस्कृतिको प्रतिनिधित्व बनाउदै देशको शक्ति र श्रोत माथि पूर्ण अधिकार दिईयो ।

मधेसी समुदाय माथि नेपाली भाषा र संस्कृति बलजफती लादिए पनि मधेसीहरु आफ्नो भाषा संस्कृतिलाई जोगाई राखे र नेपाली भाषा संस्कृतिलाई पूर्णरूपले आफ्नो जीवनमाँ स्वीकार गरेनन यही कारण हो जब दुई समुदाय बीच शंका र गलत धारणा राजनीतीक षड्यन्त्र गरी उत्पन्न गराइयों । एक अर्का प्रति अविश्वासको भावना उतपन्न गराइयों । आफ्नो राजनीतिक एवम ब्यक्तिगत स्वार्थ पूरा गर्ने उदेश्यले दुई समुदाय बीच अविश्वासको बीजारोपण गरी देशको शक्ति संरचनामा आफ्नो प्रभूतत्व कायम गरे र दुई समुदाय बीच अविश्वासको वातावरण लाई कायम राखे । अविश्वास कै कारण मधेसी समुदाय अनेकौ विभेदका शिकार बन्न पुगे जस मध्ये नागरिकता सम्बन्धी विभेद प्रमुख देखिन्छ । राष्ट्र निर्माणमा जती योगदान पहाड़े समुदायको देखिन्छ उतिकै योगदान मधेसी समुदायको पनि देखिन्छ तर मधेसी समुदाय लाई हेर्ने चश्माको शीशा एतिहासिक कालदेखि नै आशंकित रहदै आएको देखीन्छ । एतिहासिक काल देखि वर्तमान सम्म मधेसी समुदायले राष्ट्रको निर्माणमा दिएका योगदानलाई लुकाएर पहाड़े समुदायलाई नेपालको इतिहासमा उच्च स्थान दिनु पनि मधेसी समुदाय संगको विभेदको एउटा कारण देखिन्छ ।

अहिलेको सन्दर्भमा नेकपा द्वरा ल्याइएको अंगीकृत नागरिकता सम्बन्धी विधेयकले मधेसमा भित्रिने मधेसी समुदायका विदेशी बुहारीहरुको सामाजिक, आर्थिक, राजनीतिक र संस्कृतिक अधिकारमाथि आक्रमण गरेको पाइन्छ । महेन्द्रको पालामा लादिएको भाषा संस्कृतिलाई जबरजस्ती स्वीकार गरिए पनि मधेसी समुदायले पाहड़को भाषा संस्कृतिलाई आफ्नो जीवनमा लागू नगरेको देखीन्छ । अहिलेको अंगीकृत नागरिकता सम्बन्धी बिधेयकले पौराणिक काल देखि चली आएको मधेस-भारत बीचको सामाजिक, संस्कृतिक सम्बन्ध र बेटी-रोटी सम्बन्धमाथि आक्रमणसँगै मधेसी समुदायकों भाषा र संस्कृति माथि पनि पहाडे भाषा संस्कृतीलाई पुन एक चोटी लादने र पूर्ण रूपले बलजफती जीवनमा अंगाल्न लगाउने एउटा कुप्रयास मात्र देखिन्छ ।

अशाेक कुशवाहा
वीरगंज

छिपहरमाईमा आलुबाट रुपैया बरामद, २ जना पक्राउ

0

वीरगंज । सशस्त्र प्रहरीले पर्साकाे छिपहरमाई गाउँपालिका वडा नं. २ टिहुकीबाट आलुमा लुकाई छिपाई ल्यउदै गरेकाे ३ लाख ५५ हजार रुपैयासहित २ जनालाई पक्राउ गरेकाे छ ।

सशस्त्र प्रहरी बल बाेर्डर आउट पाेष्ट भिस्वा बन्जारीकाे गस्ती टाेलीले भारतबा आउलुमा लुकाई छिपाई ल्याउदै गरेकाे स्राेत नखुलेकाे रुपैया सहित २ जनालाई पक्राउ गरेकाे हाे ।

छिपहरमाई गाउँपालिका वडा नं. २ चरगाहा बस्ने बर्ष ३३ का जन्जय यादव र साेही ठाउँका बर्ष १९ का रन्जय बैठालाई रुपैयासहित पक्राउ गरिएकाे सशस्त्र प्रहरी बल बन्जारीका प्रहरी निरिक्षक हरि पराजुलीले वताए ।

निजहरुकाे साथबाट नेरु १०००, ५००, १००, ५०, २०, १०, ५ काे नाेट गरी कुल ३ लाख ५५ हजार बरामद भएकाे उनले जानकारी गराए ।

निजहरुले प्रयाेग गरेकाे बिआर २२ भि ३८२५ भारतिय नम्बरकाे हुण्डा एसपी साइन माेटर साइकलसहित दुबै जनालाई आवश्यक कारवाहीकाे लागि इलाका प्रहरी कार्यालय पाेखरियामा बुझाईएकाे प्रहरी निरिक्षक पराजुलीले जनाए ।

तिलावे नदीकाे डाइभर्सन भत्कन थाल्याे

0

वीरगंज ।  पर्सा जिल्लालाई सदरमुकाम वीरगंजसंग जाेड्ने मुख्य सडकमा पर्ने तिलावे नदीकाे डाइभर्सन भत्कन थालेकाे छ । डाइभर्सन भत्कन थाले पछि पर्सा जिल्लाकाे ग्रामिण भेगकाे सदरमुकाम वीरगंजसंगकाे सम्पर्क टुट्न सक्ने सम्भावना बढेकाे छ ।

तिलावे नदीमा पुल निर्माणकाे लागि ठेक्दारले बनाएकाे डाइभर्सन नदीमा पानीकाे बहाव बढे पछि भत्कन थालेकाे हाे । मनसुन सुरु भएकाेले डाइभर्सन भत्कनुकाे साथै डाइभर्सनकाे बाटाे पनि जिर्ण बन्दै गएकाे छ ।

डाइभर्सनकाे बाटाेमा खाल्डाे खुल्डी भई पानी जम्मा भई हिलाे भएका कारण सवारी साधन आवतजावतमा समेत कठिनाई हुन थालेकाे छ । तिलावे पूल निर्माणकाे जिम्मा लिएका ठेक्दार  कम्पनीहरुकाे लापरवाहीले लामाे समय देखी दु:ख पाइरहेका पर्सेली जनता अब जाेखिम पूर्ण यात्र गर्न बाध्य भएका छन् ।

पुल निर्माणकाे जिम्मा पप्पु तथा लुम्बिनी जे.भि.कन्सट्रकसनले लिएकाे थियाे । साढे ५ करोडको लागतमा यी ठेकेदार कम्पनीले पूल निर्माण गर्ने जिम्मा २०७२ सालमा लिए पनि ४ बर्ष सम्म गर्न सकेन । पुल निर्माण गर्ने सम्झाैता अनुसार २०७५ साल सम्म काम सम्पन्न गरि सक्नु पर्नेमा गर्न नसके पछि यी ठेक्दार कम्पनीहरुले पुल निर्माण गर्ने जिम्मा न्यू कान्तिपुर कन्सट्रकसनलाई दिएका छन् ।

यी कन्सट्रक्सनले २०७६ फागुन देखी कछुवाकाे गतिमा काम थालनी गरे पनि हाल सम्म पूल निर्माणकाे १० प्रतिशत पनि काम हुन सकेकाे छैन् । पूल निर्माणकाे काम ५ जना कामदारले मात्र गरिहरेकाे देखिन्छ ।

पुरानो पुलको दुबै किनारको सडकलाई काटी आवतजावत बन्द गरिएको छ, यसको बैकल्पिक रुपमापुलको दक्षिण भागमा होम पाइपको अधारमा निमार्ण गरिएकाे डाइभर्सनले भत्कनुले वीरगंजसंगकाे सम्पर्क टुट्ने चिन्ता उत्पन्न भएकाे तरुण दल पर्साका सचिव विवेक चाैरसियाले वताउन्छन् ।

उनले नदीमा पानीकाे बहाव बढ्न थाले पछि डाइभर्सन भत्कन थाल्ले पछि पर्सेली जनता जाेखिम पूर्ण यात्रा गर्न बाध्य भएकाे वताए । अक्राे विकल्प नभएर जाेखिम पूर्ण यात्र गर्न बाध्य यात्रुलाई केही भयाे भने त्यसकाे जिम्म कसले लिने चाैरसियाले कालिका टाईम्ससंग कुरा गर्दै प्रश्न समेत गरे ।

मनसुन सुरु भएसंगै पर्सा जिल्लालाई नै सदमुकाम वीरगंजसंग जाेड्ने मूख्य सडक कै रुपरहेकाे बाटाे अवरुद्ध हुने सम्भावना बढेकाेले समय मै सम्बन्धित निकायकाे ध्यान पुग्न जरुरी रहेकाे स्थानिय नरेश गुप्ताले वताउन्छन् ।

अहिले जस्ताे नदीमा पानीकाे बहाव रहेकाे भने केही समय मै वीरगंजसंग पर्सा ग्रामिणकाे भेगकाे सम्बन्ध विच्छेद हुने पक्का रहेकाे वताए ।

यस बिषयमा पुल निर्माण गरिरहेका न्यू कान्तिपुर कन्सट्रक्सनका इन्जिनियर श्रीराम हल्लालसंग फाेनमा सम्पर्क गर्दा फाेन नउठेका कारण सम्पर्क हुन सकेन ।

प्रदर्शनकाे बिषयलाई लिएर भिस्वामा दुई पक्ष बिच झडप, ९ जना घाइते

0

वीरगंज । पर्साकाे छिपहरमाई गाउँपालिका वडा नं. ५ भिस्वामा बिहिबार दुई पक्ष बिच झडप भएकाे छ । बुधबार सांझ भिस्वामा भएकाे प्रदर्शनकाे बिषयलाई लिएर वडाध्यक्ष माैजिलाल साह कानु र रंजित साह पक्ष बिच झडप भएकाे प्रहरीले जनाएकाे छ ।

झडपमा मौजिलाल पक्षकाे उदय साह, बिकी साह, दिपक साह, बिर्जभुसन साह र रंजित साह पक्षकाे बिटु साह, अजित साह, अजय साह, बिरेन्दर साह, बलिराम साह घाइते भएका छन् ।

घाइतेहरुकाे वीरगंजस्थित नारायणी अस्पताल वीरगंजमा उपचार भइरहेकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

बुधबार सशस्त्र प्रहरीले घाइते मध्येका बिरेन्द्र साहका छाेरा अजय साह सहितका २ युवकलाई कुटपिट गरेकाे थियाे । साेही कुटपिटकाे विरुद्धमा स्थानिय युवाहरु बुधबार सांझ नै टायर बालेर प्रदर्शन गरेका थिए । प्रदर्शनकाे क्रममा युवाहरु गाउँपालिका अध्यक्ष मनाेज गुप्ता मुर्दाबादकाे  नारा पनि लगाएका थिए ।

साेही बिषयलाई लिएर वडाध्यक्ष माैजिलाल पक्ष र प्रदर्शन गर्ने युवाहरु बिच बुधबार सांझ पनि विवाद भएकाे थियाे । वडाध्यक्ष पक्षले जनप्रतिनिधि विरुद्ध किन नारा लगाएकाे भन्दै विवाद गरेका थिए । तर साे समय विवाद सुल्झे पनि बिहिबार विहान साेही बिषयलाई लिएर रंजित साह र बिरेन्द्र साह बाटाे भएर गइरहेकाे अवस्थामा माैजिलाल पक्षले आक्रमण गर्दा झडप भएकाे स्थानियहरुले वताएका छन् ।

पर्सागढीकाे चाैथाे नगर सभा सम्पन्न, ६२ कराेड ११ लाखकाे बजेट प्रस्तुत

0

वीरगंज । पर्सागढी नगरपालिकाकाे चाैथाे नगर सभा सम्पन्न भएकाे छ । नगर सभाबाट पारित अगामी आर्थिक बर्ष २०७७/०७८ काे निति तथा कार्यक्रम बुधबार एक कार्यक्रमकाे बिच प्रस्तुत गरिएकाे छ ।

नगर प्रमुख लाेकनारायण यादवले अगामी आर्थिक बर्षकाे निति तथा कार्यक्रम प्रस्तुत गरेका थिए ।

उनले आ.व. २०७७/०७८ काे लागि संघिय सरकारकाे वित्तिय समानिकरण अनुदान रु १२ कराेड ४४ लाख, राजश्व बांडफाडबाट रु ८ कराेड ०८ लाख १४ हजार, शर्सत अनुदान तर्फ रु १६ कराेड ३२ लाख, प्रदेश सरकारकाे वित्तिय समानिकरण अनुदान रु ७३ लाख ७० हजार, शर्सत अनुदान रु ८० लाख, बिशेष अनुदान रु ३० लाख, समपुरक अनुदान रु २० लाख, सवारी साधन कर बाँडफाड रु ६२ लाख ९५  हजार, समाजिक सुरक्षा तर्फ ७ कराेड ८१ लाख, बहुक्षेत्रिय पाेषण कार्यक्रम तर्फ रु १५ लाख ७० हजार, सडक बाेर्ड तर्फ रु ४० लाख, यूनिसेफ अनुदान रु ४५ लाख, पर्सागढी नपाकाे आन्तरिक आयकाे रु एक कराेड २९ लाख एक हजार, गत बर्षकाे माैज्दात अनुमान रु १२ कराेड ५० लाख गरी जम्मा रु ६२ कराेड ११ लाख ५० हजार कुल बजेट बिनियाेजित भएको वताए ।

नगरपालिकाकाे कुल आय मध्ये प्रशासनिक खर्च तर्फ रु ९ कराेड ३० लाख, विभिन्न निर्धारित तथा स्विकृत याेजना/कार्यक्रमकाे लागि रु २५ कराेड १३ लाख ७० हजार, आर्थिक तथा समाजिक बिकास तर्फ रु ३ कराेड ५० लाख, भाैतिक पूर्वधार बिकास तर्फ रु ६ कराेड ५० लाख, जस मध्ये विनियाेजन गरेकाे प्रमुुुख यादवले जनाए ।

उनले भाैतिक पूर्वधार तर्फकाे विनियाेजित बजेट मध्ये वडागत याेजना/कार्यक्रमकाे रु ५ कराेड ९० लाख, त्यसै गरी विगतका नगर स्तरिय याेजना तथा वडा स्तरिय याेजनाकाे लागि रु १२ कराेड ५० लाख खर्चकाे व्यवस्था गरिएको जानकारी गराए।

वडा नं. २ काे वडा कार्यालयमा भएकाे निति तथा कार्यक्रम प्रस्तुतिकरण कार्यक्रममा उप प्रमुख अर्चना चौधरी, प्रमुख प्रशासकिय अधिकृत शालिकराम ढकाल, वडाध्यक्षहरु, नगर कार्यपालिका सदस्यहरु र नगर सभा सदस्यहरुकाे सहभागिता रहेकाे थियाे ।