Date
आइत, मंसिर ६, २०८३
Sun, November 22, 2026
Home Blog Page 963

पाेखरिया नपाकाे अगामी आर्थिक बर्षकाे निति तथा कार्यक्रम प्रस्तुत

0

वीरगंज । पाेखरिया नगरपालिकाकाे आर्थिक बर्ष २०७७/०७८ काे निति तथा कार्यक्रम प्रस्तुत गरिएकाे छ । नगर सभाद्वारा पारित कुल रु ४१ कराेड ७१ लाख ४५ हजार ४ सय बराबरकाे बजेट समेत प्रस्तुत गरिएकाे हाे ।

नगर प्रमुख दिपनारायण राैनियारकाे अध्यक्षतामा भएकाे सभामा उप प्रमुख सलमा खातुनले अगामी आर्थिक बर्षकाे निति तथा कार्यक्रम प्रस्तुत गरिन ।

अगामी आर्थिक बर्षका निति तथा कार्यक्रमकाे कार्यन्वयका लागि रु ४१ कराेड ७१ लाख ४५ हजार ४ सय बराबरकाे बजेट समेत प्रस्तुत गरिन । उनले प्रस्तुत गरेकाे बजेट अनुसार व्यय तर्फ अनुमानित चालु खर्च २६ कराेड ४२ लाख ८५ हजार ४ सय ८० रहेकाे वताइन ।

यस्तै पुजींगत खर्च तर्फ रु १४ कराेड ७८ लाख ६० हजार रहेकाे छ । जसमा प्रदेशकाे सर्शत ८० लाख, प्रदेश समानीकरण ७१ लाख ८ हजार, विकास तर्फ समानिकरण संघकाे ११ कराेड ४९ लाख , संघिय सम्पूरक अनुदान ८८ लाख, सवारी साधन कर ४० लाख ५२ हजार, बिशेष अनुदान ३ लाख सम्पूरक अनुदान २ लाख रहेकाे जानकारी गराइन ।

उप प्रमुख खातुनले राजश्व तथा आन्तरिक आय रु ५० लाख, नेपाल सरकारबाट प्राप्त समानिकरण अनुदान अन्तर्गत रु ११ कराेड ४९ लाख, सर्शत अनुदान १९ कराेड ३२ लाख, संघिय सम्पूरक अनुदान रु ८८ लाख, राजश्व बांडफाडबाट प्राप्त ७ कराेड १० लाख ८५ हजार ४ सय ८०, प्रदेश सरकारबाट प्राप्त हुने वितिय समानिकरण अनुदान रु ७१ लाख ८ हजार, सर्शत अनुदान रु ८० लाख, बिशेष अनुदान रु ३० लाख, सम्पूरक अनुदान २० लाख गरी नगरपालिकाकाे कुल आय ४१ कराेड ७१ लाख ४५ हजार ४ सय रहेकाे प्रस्तुत गरिन ।

आगामी आर्थिक बर्षकाे निति तथा कार्यक्रम र बजेटले नागरिकमा नगरपालिका भएकाे अनुभुति गराउन, नगरपालिकाबाट प्रदान गरिने सेवामा आम नागरिककाे पहुंच अभिवृद्धि, समतामूलक सहितकाे समृद्ध नगर निर्माण गर्न उद्देश्य लिएकाे छ ।

उद्देश्यहरु हांसिल गर्न शहरी पूर्वधार निर्माण, गाउँ गाउँमा सडक संजालकाे निर्माण, स्वस्थ्य र दक्ष जनशक्तिकाे निर्माण, सुरक्षित प्रस्तुती सेवा, कृषि र पशु पालनकाे क्षेत्रमा सुधार, सहकारीकाे माध्यमले उत्पादन र उत्पादत्वमा बृद्धि, पर्यटन पूर्वधारमा विकास र प्रबर्धन लगायतकाे प्राथमिकता समेत निर्धारण गरेकाे प्रस्तुत निति तथा कार्यक्रममा उल्लेख गरिएकाे छ ।

कार्यक्रममा प्रमुख प्रशासकिय अधिकृत अमित कुमार गिरी, वडाध्यक्षहरु, नगर कार्यपालिका सदस्य र नगर सभा सदस्यहरुकाे सहभागिता रहेकाे थियाे ।

कुटपिट गर्ने सशस्त्र प्रहरीविरुद्ध भिस्वामा टायर बालेर प्रदर्शन

0

भिस्वा । पर्साको छिपहरमाई गाउँपालिकाको भिस्वा बजारमा आज स्थानियहरुले सशस्त्र प्रहरी विरुद्ध टायर बालेेर प्रदर्शन गरेका छन् । सशस्त्र प्रहरी बेस क्याम्प भिस्वा बंजारीको ज्याददतीकाे विरुद्धमा उनीहरु प्रदर्शन गरेका हुन् ।

स्थानिय २ जना युवाहरुलाई विना कारण निर्घात कुटपिट गरे पछि स्थानियहरु ढंगामुडा गर्दै प्रतिकारमा उत्रेका थिए । सशस्त्र प्रहरीका आधा दर्जन भन्दा बढी रहेका जवानहरुले गाडी रोकी भिस्वा निवासी अजय साह र जहागिर मियालाई कुटपीट गरे पछि स्थानियहरु प्रतिकारमा उत्रे पछि केही बेर तनाव समेत भएकाे थियाे ।

स्थानियहरु भिस्वा चाेकमा जम्मा भई प्रतिकारमा उत्रेपछि सशस्त्र प्रहरीहरुले गाडीमा चढी भागेको स्थानियहरु बताएका छन् ।

सशस्त्र प्रहरीले दिनप्रतिदिन स्थानियहरुलाई दु:ख दिने, बिना कारण धाकधम्की दिने र आफुहरु जे गरे पनि ठिक मानसाय बोकेका ;शस्त्र प्रहरीको रवैया दिनहु बढदै गएका कारण स्थानियहरु टायरबाली प्रदर्शनमा उत्रन बाध्य भएको स्थानियहरुकाे भनाई छ ।

स्थानियहरुका अनुसार सशस्त्र प्रहरी निरिक्षक हरि पराजुलीकाे आदेशमा तस्करलाई छुट र जनतालाई दु:ख दिने काम सशस्त्र प्रहरीले गरिरहेकाे छ ।

वीरगन्ज महानगरपालिकाकाेे ३ अर्ब ८६ करोड बराबरकाे बजेट प्रस्तुत

0

वीरगन्ज । वीरगन्ज महानगरपालिकाले आगामी आर्थिक बर्ष ०७७/०७८ मा कुल ३ अर्ब ८६ करोड ५१ लाख ९० हजार ३ सय ३५ रुपैंयाको बजेट प्रस्तुत गरेको छ ।

बुधबार प्रस्तुत बजेटमा चालूतर्फ १ अर्व ६२ करोड ६९ लाख १८ हजार, पुँजीगततर्फ  २ अर्व १७ करोड ४६ लाख ७२ हजार र वित्तीय व्यवस्थातर्फ ६ करोड ३६ लाख खर्च हुने अनुमान गरिएको छ ।

महानगरकाे साताैं सभाले कूल खर्च मध्ये क्षेत्रगत रुपमा पूर्वाधार विकास क्षेत्रलाई बढी बजेट विनियोजन गरेकाे छ ।

पूर्वाधार विकास क्षेत्रमा १ अर्व ७७ करोड ६ लाख १२ हजार अर्थात ४५.८१ प्रतिशत, सामाजिक विकास क्षेत्रमा ८७ करोड ७७ लाख ३६ हजार अर्थात २२.७१ प्रतिशत, आर्थिक विकास क्षेत्रमा २५ करोड ९५ लाख २५ हजार अर्थात ६.७१ प्रतिशत, सुशासन तथा अन्तर सम्बन्धि क्षेत्र (वन, वातावरण तथा विपद् समेत) तर्फ २३ करोड ७५ लाख १६ हजार अर्थात ६.१५ प्रतिशत र कार्यालय तर्फ ७१ करोड ९८ लाख ०१ हजार अर्थात १८.६२ प्रतिशत विनियोजन गरेको छ ।

महानगरपालिकाले आगामी वर्ष संचालन हुने मुख्य आयोजनाहरुमा‘आरयुडिपी’ तथा ‘एसटिआइयुइआइपी’ तर्फ १ अर्व ४ करोड ४७ लाख ५७ हजार, वडा स्तरीय योजना २४ करोड ७० लाख,  समपूरक कोष १६ करोड ७७ लाख २५ हजार, लक्षित कार्यक्रम २ करोड ३४ लाख, तराई मधेश समृद्धि कार्यक्रममा ३० लाख, सडक बोर्ड कार्यक्रममा १ करोड, रोजगार कार्यक्रम ४० लाख, बहुक्षेत्रीय पोषण कार्यक्रम तर्फ २० लाख, सामाजिक सुरक्षा भत्तातर्फ ४५ करोड विनियोजन गरिएको छ ।

त्यस्तै वडा भवन निर्माणतर्फं ३ करोड, उज्यालो वीरगंज कार्यक्रम तर्फ १२ करोड ८१ लाख, शैक्षिक विकास तर्फ ६२ करोड ६४ लाख, स्वास्थ्य तर्फ १४ करोड ६८ लाख ८० हजार, कृषि विकास तर्फ ८३ लाख, पशु सेवा विकास ४३ लाख र जनसहभागितामा आधारित कार्यक्रम तर्फ ३ करोडको बजेट व्यवस्था मिलाएको महानगरले सार्वजनिक गरेको बजेट बक्तव्यमा उल्लेख गरेको छ ।

महानगरपालिकाले चालू आर्थिक बर्षको बजेट समिक्षामा आन्तरिक आय तर्फ रु. ४८ करोड ६६ लाख अनुमान गरिएकोमा ११ महिनाको अवधिमा २६ करोड ७० लाख १९ हजार मात्र आय भई ५४.८७ प्रतिशत प्रगति गरेको देखिएको छ ।

महानरगका करदातालाई भारी छुट
महानगरपालिकाले कोरोना महामारीको प्रभावलाई दृष्टिगत गरी कर नीतिहरु लिएको छ । (कोभिड–१९) कोरोना भाइरस महामारीका कारण व्यापार व्यवसाय समेतमा प्रतिकुल असर परी व्यापारी, उद्योगी, व्यवसायीहरुमा ठूलो आर्थिक क्षति भएकोले यसलाई ध्यानमा राख्दै विद्यालय, अस्पताल, सपिङमल, उद्योग र कलकारखानाको चालू आ.व.को सम्पत्ति करमा ५०% सम्म छुट दिने, सम्पत्ति कर र मालपोत (भूमिकर) मा चालु आ.व.मा पुस मसान्तभित्र कर बुझाउने करदाताहरुलाई दिदैं आएको छुटको व्यवस्थालाई आगामी आ.व. २०७७/०७८ को पुस मसान्तभित्र कर बुझाउने करदाताहरुलाई १०% छुटको व्यवस्था गरेको छ ।

बाँकी बक्यौतामा लिईदैं आएको वार्षिक १५% जरिवाना घटाएर १०% मात्र जरिवाना लिने निति लिइएकोमा यस आर्थिक वर्ष भित्र कर तिर्न नसकेका करदातालाई आर्थिक वर्ष ०७७/०७८ को पुस मसान्त भित्र कर बुझाएमा जरिवानामा १५% छुट दिने नीति लिईएको छ ।

वीरगञ्ज महानगरपालिकाको राजश्व प्रशासन क्षेत्रको संस्थागत क्षमता अभिवृद्धि गर्दै लगिनेछ, करदाता सहयोगी डेस्कलाई प्रभावकारी बनाउंदै करदातामैत्री प्रशासनको विकास गरी वार्षिक कार्ययोजनाका आधारमा राजस्व असुली कार्यलाई थप प्रभावकारी बनाइने भएको छ ।

राजश्व प्रशासनलाई पारदर्शी र जवाफदेही वनाउन कर्मचारीलाई तालिमको व्यवस्था मिलाईनेछ । महानगरभित्र बसोबास व्यवसाय गर्ने करदातालाई जागरुक र कर तिर्ने बानी बसाल्न मैले तिरेको कर मेरै टोलको विकासका लागि भन्ने भावना जागृत गर्न स्थानीय रेडियो मार्फत कर शिक्षा कार्यक्रम संचालन गरिने भएको छ । करको दायरालाई फराकिलो बनाउन, हरेक सेवाग्राहीलाई करको दायराभित्र ल्याउन सरोकार पक्षसँग सम्वाद, समन्वय गर्न तथा महानगरको आन्तरीक राजश्वलाई वृद्धि गर्न राजश्व समन्वय तथा अनुगमन समिति  जिम्मेवार र जवाफदेही बनाईने जनाएको छ ।

ठाकुरराम बहुमुखी क्याम्पसलाई आधार वनाई वीरगंज विश्वविद्यालय संचालन गर्न प्रदेश र संघीय सरकार तथा अन्य सम्बन्धित निकायसँग समन्वय गरी आवश्यक प्रक्रिया अगाडी महानगरपालिकाको नीति तथा कार्यक्रम रहेको छ । वीरगंजमा इन्जिनियरिङ कलेज स्थापनाका लागि सम्भाव्यता अध्ययन गर्न सम्बन्धित मन्त्रालय लगायत सरोकारवालासँग छलफल गरी आवश्यक प्रक्रिया अगाडि बढाईने भएको छ ।

वीरगन्ज महानगरपालिकाको नयाँ कार्यक्रमहरु 

  • वीरगन्जमा पहिलो पटक एकै स्थानमा १ हजार जनाले परीक्षा दिन मिल्ने व्यावस्था गर्न  सिद्धार्थ माध्यामिक विद्यालय परिसरमा एकीकृत परीक्षा केन्द्र स्थापना गर्ने ।
  •  महिला, बालबालिका र वृद्धवृद्धाहरुलाई नेपाल प्रहरी र पर्साका स्थानीय तहको समन्वयमा एकीकृत सहायता केन्द्र स्थापना
  • नेपालमै पहिलो पटक स्थानीय तहको सरकारले उद्योगी व्यावसायी र नागरिकको सहयोगमा पीसीआर मेशिन खरिद
  •  एक घर एक व्यत्तिको पीसीआर विधिबाट कोरोना परीक्षण गरिने
  •  उज्यालो अभियान अन्तर्गत महानगरपालिकाको ३२ वटै वडामा २४ करोडको लागतमा ३०१ वटा स्थानमा स्टेशन निर्माण गरी स्वचालित एलइडी बत्ती जडान गरिने ।
  •  हरित वीरगन्ज बनाउन बृहत वृक्षरोपण गर्न ३ करोड ३० लाख
  •   ७ करोडको लागतमा अस्पतालजन्य फोहोर व्यावस्थापनका लागि स्वचालित प्लाण्ट स्थापना गरिने
  •  कुहिने फोहोर बाट जैविक मल र वायो ग्याँस उत्पादन प्लाण्टको एकबर्ष भित्रमौ सम्पन्न गरिने ।
  •  प्रधानमन्त्री रोजगार कार्यक्रम अन्तर्गत एक वडा एक उत्पादनको अवाधारणामा पकेट क्षेत्र घोषणा
  •  प्रसूती सेवा लिने महिलाहरुका लागि निःशुल्क रगतको आपूर्ति गरिने मातृमृत्युदर क मगर्न घरसम्म आकस्मिक एम्बुलेन्स सेवा उपलब्ध गराई शुन्य होम डेलिभरीको व्यावस्था गरी सबैलाई अस्पतालमा प्रसुतीको व्यावस्था गरिने ।
  • सबै सामुदायिक विद्यालयहरुमा निःशुल्क आँखा परीक्षण गरी चस्मा वितरण गरिने ।
  • विकास पत्रकारितालाइ प्रोत्साह गरिने, रेडियो, अनलाईन र नियमित प्रकाशित हुने दैनिक पत्रपत्रिकाहरुलाई मासिक रुपमा लोककल्याणकारी विज्ञापन उपलब्ध गराउने ।
  • भोजपुरी साहित्य प्रतिष्ठानको स्थापना गर्ने ।
  • विकास निर्माणमा जनसहभागिताका लागि ४० प्रतिशत लागत सहागिता अनिवार्य गरिने ।
  • १०० शैय्याको ग्रिन हस्पिटल वेस्ट म्यानेजमेण्टको स्थापना
  • हरेक वडामा सार्वजनिक शौचालय निर्माण गर्ने ।

महानगर प्रमुख विजय कुमार सरावगीकाे अध्यक्षता र प्रदेश २ का भाैतिक पूर्वधार बिकास मन्त्री जितेन्द्र साेनलकाे प्रमुख आतिथ्यतामा भएकाे नगर सभाकाे साताैं अधिबेशनमा उप प्रमुख शान्ति कार्की, वडाध्यक्षहरु, महानगर कार्यपालिका सदस्यहरु र महानगर सभा सदस्यहरुकाे सहभागिता रहेकाे थियाे ।

फेटाकाे छेठाैं गाउँ सभा सम्पन्न, ३३ करोड ४५ लाख बराबरकाे बजेट प्रस्तुत

0

वीरगंज । बाराकाे फेटा गाउँपालिकाकाे छैठाैं गाउँ सभा बुधबार सम्पन्न भएकाे छ । गाउँ सभाबाट पारित निति तथा कार्यक्रम गाउँपालिकाकाकी उपाध्यक्ष कमरुण खातुनले प्रस्तुत गरिन ।

उनले निति तथा कार्यक्रम प्रस्तुत गर्दै व्यय तर्फ अगामी आर्थिक बर्ष २०७७/०७८ का निति तथा कार्यक्रम कार्यान्वयन गर्न रु. ३३ करोड ४५ लाख विनियोजन अनुमान गरेको वताइन । कुल विनियोजन मध्ये चालु तर्फ रु.१० करोड, सशर्त तर्फको चालु खर्च रु.११ करोड ३० लाख, पुँजिगत तर्फ ८ करोड २४ लाख र वितिय व्यवस्था, समाजिक सुरक्षा (शसर्त तर्फ) तर्फ रु. २५ लाख ६८ हजार रहेको वताइन।

आय तर्फ अगामी आर्थिक बर्षका लागि अनुमान गरिएको खर्च श्रोत व्यवस्थापन गर्न संघिय तथा प्रदेश सरकारको वितिय समानिकरण अनुदानवाट ११ करोड ०५ लाख ४४ हजार, सशर्त तर्फ अनुदान संघिय तथा प्रदेशकाे रु. १४ करोड ६५ लाख,  संघिय तथा प्रदेश सरकारको राजश्व बाँडफाँडवाट ६ करोड ४० लाख २४ हजार र नपुग हुने रकम रु.१ करोड १० लाख आन्तरीक श्रोतवाट आय हुने अनुमान गरेको जनाइन ।

अगामी आर्थिक बर्षमा मुख्य मुख्य क्रियाकलाप अन्तर्गत गाउँपालिकाको भवन निर्माण कार्य निरन्तरको लागि रु.१ करोड, निर्माणाधिन वडा भवनको लागि रु. ६५ लाख, वडा स्तरीय योजना सञ्चालन तथा कार्यान्वयनका लागि रु.३ करोड ७५ लाख, गाउँपालिका स्तरीय योजना सञ्चालन तथा कार्यान्वयनका लागि रु.२ करोड ५० लाख, गाउँपालिकाका भरि रहेको विद्यालयहरुको शैक्षिक गुणस्तर सुधार, पुर्वाधार निर्माण, शैक्षिक समाग्री खरिद अनुदानको लागि रु.१ करोड विनियोजन गरिएकाे छ ।

यस्तै गाउँपालिका भित्र रहेको स्वास्थ्य चौकिवाट प्रदान गरिने Curative, Preventive, Promotive र Rehabilative स्वास्थ्य सेवा निरन्तर प्रदान गर्न तथा स्वास्थ्य चौकिहरुको भौतिक पुर्वाधार निर्माण गर्न, निशुल्क औषधी वितरण कार्यको लागि रु.९० लाख विनियोजन गरिएकाे छ ।

यस्तै गाउँ सभाद्वारा कृषि प्रसार कार्यक्रमको लागि रु.७० लाख विनियोजन, पशु सेवा कार्यक्रम सञ्चालन तथा कार्यान्वयनका लागि रु. ५० लाख, महिला, अपाङ्ग, बालबालिका, ज्येष्ठ नागरिक, पिछडीएको क्षेत्र, दलित, माहादलित, मुस्लिम समुदाय लगायतको जिवनस्तर उकास्नको लागि लक्षित वर्ग कार्यक्रम सञ्चालन गर्न रु.७५ लाख विनियाेजन गरिएकाे प्रमुख   भोजपुरी भाषा साहित्य प्रवर्धन, धर्म सँस्कृती संरक्षण एवम् समर्धनका लागी आवश्यक बजेट विनियोजन गरिएकाे प्रमुख प्रशासकिय अधिकृत प्राण मेहताले वताए ।

सभाले गाउँपालिकावाट प्रदान गरिने सेवाहरु अक्ष चुस्त, दुरुस्त तरिकाले प्रदान गर्न र प्रविधि मैत्रि सेवा उपलब्ध गराउन, अध्यक्ष उपाध्यक्ष जिवन रक्षा कार्यक्रमको लागि रक्तदान कार्यक्रम सञ्चालन गर्न, तृतिय अध्यक्ष कप र प्रथम उपाध्यक्ष महिला भलिवल र कपडी कार्यक्रम सञ्चालन गर्न, जनतासँग अध्यक्ष कार्यक्रम सञ्चालन गर्न, काेराेना भाइरस संक्रमण राेकथाम तथा नियन्त्रणकाे लागि आवश्यक बजेट र अध्यक्ष स्वच्छता अभियान सञ्चालन गर्न आवश्यक वजेट समेत विनियोजन गरेकाे छ ।

गाउँपालिका अध्यक्ष अमिरिलाल प्रसादकाे अध्यक्षतामा भएकाे सभामा गाउँपालिका अन्तर्गतका सम्पूर्ण वडाका वडाध्यक्षहरु, गाउँ कार्यपालिका सदस्यहरु र वडा सदस्यहरुकाे सहभागिता रहेकाे थियाे ।

नेपालमा कोरोना संक्रमितको संख्या १० हजार ७ सय २८ पुग्याे

0

वीरगंज । नेपालमा पछिल्लो २४ घन्टामा थप ६ सय २९ जनामा कोरोना संक्रमण देखिएको छ ।

स्वास्थ्य तथा जनसंख्या मन्त्रालयले बुधबार आयोजना गरेको नियमित मिडिया ब्रिफिङमा प्रवक्ता डा जागेश्‍वर गौतमले पछिल्लो २४ घन्टामा १ सय १० महिला र ५ सय १९ पुरुष गरेर ६ सय २९ जनामा कोरोना संक्रमण देखिएको बताए ।

याेसँगै नेपालमा कोरोना संक्रमितको संख्या १० हजार ७ सय २८ पुगेको छ ।

थपिएका नयाँ संक्रमित कैलालीका १०३ जना, झापाका ११ जना, सुनसरीका १ जना, मोरङका १ जना, सप्तरीका ६ जना, धनुषाका २० जना, महोत्तरीका १२ जना, सर्लाहीका १ जना, वैतडीका ४ जना, बाजुराका ७ जना, डोटीका ४८ जना, कैलालीका ४८ जना, कञ्चनपुरका ८६ जना, पर्वतका २ जना, रौतहटका ४४ जना, सर्लाहीका २० जना, धादिङका २ जना,  काठमाडौंका १ जना, चितवनका १ जना रहेका छन् ।

यस्तै तनहुँका १ जना, स्याङ्जाका ७ जना, नवलपरासी पूर्वका ५ जना, पाल्पाका १५ जना, भक्तपुरका १ जना, अछामका २३ जना, गोरखाका ३ जना, कास्कीका ४ जना, बागलुङका ९ जना, कास्कीका ५ जना, लमजुङका ५ जना, पर्वतका १ जना, गुल्मीका ५ कपिलवस्तुका १ जना, रुपन्देहीका १ जना, बाँकेका ९ जना, बर्दियाका १ जना, दाङका ७६ जना, प्यूठानका १० जना, जाजरकोटका १ जना, सुर्खेतका १४ जना, दैलेखका ४ जना, कालिकोटका १ जना र बाजुराका १ जनामा पनि संक्रमण देखिएकाे छ ।

यस्तै २४ घन्टामा १ सय १४ जना डिस्‍चार्ज भएका छन् ।

बुधबारसम्म पीसीआर विधिबाट ६ हजार ८ सय २८ जनाको कोरोना परीक्षण गरिएको छ । अहिलेसम्म पीसीआर परीक्षणको संख्या १ लाख ९३ हजार १ सय ९४ पुगेको छ ।

ठेक्दारकाे लापरवाहीले पाेखरिया-लंगडी सडकमा यात्रुहरु दु:ख पाउदै

0

वीरगंज । ठेक्दार कम्पनीकाे लापरवाहलीले पाेखरिया-लंगडी सडकमा आवगमन प्रभावित भएकाे छ ।

प्रदेश २ सरकारकाे भाैतिक पूर्वधार बिकास मन्त्रालयबाट १७ काेराेडकाे याेजनमा अन्तर्गत निर्माण भइरहेकाे सडक निर्माण कम्पनीकाे लापरवाहीले यात्रुहरु दु:ख पाइरहेका छन् । पाेखरिया देखी मिर्जापुर सम्मकाे सडकमा कालाेपत्र गर्ने जिम्मा राेशन, रन्जन, सागर जेेभिले लिएकाे छ ।

३ वटा निर्माण कम्पनीहरु मिलेर याेजनाकाे ठेक्का सकार २०७६ असारमा नै गरे पनि बल केही समय अघि मात्र काम सुरु गरेका छन् । मनसुन सुरु हुन लाग्दा ठेक्दार कम्पनीहरुले पहिला दैखी ग्रेभल रहेकाे सडकमा माटाे खसालेर त्यस्तै छाेडेका कारण आवागमन प्रभावित भएकाे हाे ।

पर्सा जिल्लालाई सदरमुकाम वीरगंजसंग जाेड्ने मुख्य सडककाे रुपमा रहेकाे ग्रेभल सडकमाथी माटाे खसालेर यस्तै छाेडिएकाेले ठाउँ ठाउँमा २ देखी ३ फिट सम्म हिलाे भएकाे छ । पाेखरियाकाे बंसन्पुर, कालिकामाईकाे मुडली, धाेबनीकाे लंगडिस्थित पर्ने सडकमा हिलाे भएकाे यात्रुहरुले वताएका छन् ।

हिलाेका कारण साे सडक भएर चार पांङ्ग्रे सवारी साधनहरुकाे आवगमन पूर्ण रुपले ठप्प भएकाे छ भने दुई पंङ्ग्रे र पदैल अवगमन समेत प्रभावित भएकाे छ । माेटरसाइकलकाे त कुरै छाेड्नुस्, पैदल आवगनमा समेत कठिनाई भइरहेकाे यात्रुहरुले वताए ।

साेे बाटाेकाे बिकल्पमा लामाे यात्रा गरेर अक्राे सडक भएर यात्रुहरु गन्तव्य तर्फ जान बाध्य भएका छन् । थाेरै पानी परे पनि ठेक्दारकाे लापरवाहीले जनताले ठूलाे सास्ती भाेग्न बाध्य भए पनि सम्बन्धित निकायकाे ध्यान पुग्न नसकेकाे यात्रुहरुकाे गुुनासाे छ ।

सडक निर्माण गर्ने याेजनाकाे जिम्मा लिएका ३ वटा ठेक्दार कम्पनी मध्ये एउटा साेही क्षेत्रका प्रदेश सांसद सिंघासन साह कलवारकाे निर्माण कम्पनी नै रहेकाे छ । नाम मात्रकाे ३ वटा कम्पनी भएकाे भए पनि सडक निर्माणकाे सबै काम प्रदेश सांसद कलवार कै निर्माण कम्पनीले नै गरीरहेकाे पूर्वधार विकास कार्यालयले जनाएकाे छ ।

प्रदेश सांसद कलवारकाे निर्माण कम्पनी रन्जनकाे सडक निर्माणकाे क्रमकाे लापरवाहीले उन कै क्षेत्रका जनता दु:ख पाइरहेका छन् ।

सडक निर्माणकाे क्रममा एक मिनेट पनि सडक अवरुद्ध हुनु भए भने बारे प्रदेश सांसद कलवारलाई जानकारी गराउदा पनि सडक बर्षा हुदा सडक अवरुद्ध हुने गरेकाे गुनासाे हामीसंग पनि आएकाे पूर्वधार विकास कार्यालयका कर्मचारी वताउन्छन् ।

याेजना सम्मझाैता मिति २०७६ असार २२ गते र याेजना सम्पन्न हुने मिति २०७८/३/२१ गते भए पनि हाल सम्म १० प्रतिशत मात्र काम पुरा भएकाे विकास कार्यालय वीरगंजका इन्जिनियर बिकास मिश्राले वताए ।

उनका अनुसार पाेखरिया देखी बंसन्पुर, मुडली, लंगडी, हरिहरपुर, भलुवहिया भएर मिर्जापुर सम्म साढे १० किलाे मिटर कालाे पत्र गर्नु पर्ने छ । आर्थिक बर्ष २०७५/०७६ काे प्रदेश सरकारकाे याेजना अन्तर्गत प्रदेश सांसद कै निर्माण कम्पनीद्वारा काम सुरु गरिए पनि हाल सम्म कलभटहरु ३ वटा निर्माण र माटाे खसाल्ने मात्र काम भएकाे छ ।

एमसिसीको बिरोधमा अनेरास्ववियुद्वारा वीरगंजमा प्रदर्शन

0

वीरगन्ज । सतारुढ दल नेपाल कम्युनिस्ट पार्टी (नेकपा ) निकटका विधार्थी संगठन अनेरास्ववियुले अमेरिकी विकास सहयोग एमसिसीको विरोध गर्दै मंगलबार प्रदर्शन गरेको छ ।

अनेरास्ववियु पर्साका सहसयोजक मित्रदेव यादवको नेतृत्वमा प्रदर्शनकारीले एमसिसी संसदबाट पारित गर्न नहुने भन्दै वीरगंजमा विरोध प्रदर्शन गरेका हुन् ।

एमसिसीको विरोधमा लेखिएका विभिन्न प्लेकार्ड र ब्यानर सहित उनीहरू वीरगंजकाे घण्टाघर चोकमा प्रदर्शनमा उत्रिएका थिए ।

बिरोध प्रदर्शन कार्यक्रममा अनेरास्ववियुका केन्द्रिय सदस्य जुबेर आलम ,अनेरास्ववियु पर्साका नेता मेराजुल हवारी , नसिम अख्तर , अकलेश साह , हेमन्त तामाङ , आसिफ अहमद , बलिराम साह लगायतको सहभागीता रहेकोे थियोे ।

मधेशको संस्कृतिमाथि प्रहार गर्न खोजिए सदन र सडक दुबै अवरुद्ध हुन्छ : सांसद यादव

0

वीरगंज । भारतबाट बिहे गरेर आउने चेलीहरुलाई सात वर्षपछि मात्र बैबाहिक अंगीकृत नागरिकता दिने निर्णयले मधेशमा फेरी ठुलो प्रहार भएको सांसद प्रदिप यादवले वताएका छन् ।

मंगलबार प्रतिनीधी सभा सदनमा बोल्दै सांसद यादवले नेपाल र भारत निर्माण हुनुभन्दा पहिल्यै देखीको मधेशसंग भारतको युपी, बिहार लगायतको ठाउँमा परिवारिक, धार्मिक र संस्कृति सम्बन्ध रहेकोले नेकपा र राज्य व्यवस्था तथा सुशासन समितिले गरेको निर्णयले युगौं युगौंदेखि चल्दै आएको सम्बन्धमाथि ठुलो प्रहार भएको आरोप लगाएका हुन ।

सभामुख मार्फत राज्य व्यवस्था तथा सुशासन समितिलाई आग्रह गर्दै उनले अहिले पनि समय छ, निर्णय सचियाईयोस्, नेकपाको वर्तमान सरकारले मधेशमाथि प्रहार गरी मधेशका जग्गा चाँही नेपालको हो तर मधेशमा बस्ने मधेशी चाही भारतीय हो जस्तो व्यवहार गरिरहेको आरोप लगााए ।

हामी तराई, पहाड र हिमाललाई समेटेर एकताको सन्देश दिन लागेपनि नेकपाले मधेशमाथि प्रहार गरिरहेकोले एकता पनि अनेकता भईरहेको सांसद यादवको भनाई छ । उनले भने,‘हामी रहुँ या नरहुँ मधेशको मुद्दा रही रहन्छ, कसैको च्यापेर वा मारेर मर्न सक्दैन, मुद्दा रही हरन्छ ।’’

बिहे भएको एक वर्षमै बच्चा जन्मिने बताउँदै सांसद यादवले भने, ‘‘ बिना नागरिकताको एउटा सिम कार्ड पनि निकाल्न सकिदैन, बैंकमा खाता खोल्न पाईदैन, लोक सेवा आयोगकाे फरम पनि भर्न सकिदैन र अबको आउने दिनमा त बिना नागरिकताले पानी पनि नपाउँने भएकोले भारतीय चेली नेपालमा बिहे गरेर आएपछि के गर्छ सभामुख महोदय ?’’ एक जना भन्छ एक हातमा सेन्दुर अनि एक हातमा नागरिकता, यस्तो पनि कही हुन्छ सभामुख महोदय भन्दै सांसद यादवले व्यङ्ग आक्रोस पोखे ।

मधेशको महिला एकचोटी सेन्दुर लगाएपछि आफ्नो पतिलाई परमेश्वर ठान्छ । सेन्दुर लगाएदेखी नै त्यो महिलाको सारा संसार नै पति रहेको हाम्रो संस्कृति रहेकोले मधेशको संस्कृतिमाथि प्रहार गर्न नेकपा र राज्य व्यवस्था तथा सुशासन समितिले ल्याएको नागरिकता संशोधन विधेक जबरजस्ती लाद्न खोजिए सदन र सडक दुबै अवरोध हुने सांसद यादवले चेतावनी दिए ।

जगरनाथपुर गाउँपालिकाकाे आ.व २०७७/०७८ काे निति तथा कार्यक्रम तय

0

वीरगंज । पर्साकाे जगरनाथपुर गाउँपालिकाले आर्थिक बर्ष २०७७/०७८ काे निति तथा कार्यक्रम तय गरेकाे छ ।

गाउँपालिका अध्यक्ष जालिम मियाँकाे अध्यक्षतामा भएकाे गाउँ सभाले शिक्षा, स्वास्थ्य, कृषि र भाैतिक पूर्वधार बिकासलाई प्राथमिकतामा राख्दै अगामी आर्थिक बर्ष २०७७/०७८ काे निति तथा कार्यक्रम तय गरेकाे प्रमुख प्रशासकिय अधिकृत अमित कुमार गिरीले जानकारी गराए ।

गाउँ सभाकाे निति तथा कार्यक्रममा भाैतिक सडक पूर्वधारलाई प्राथमिकतामा राख्दै पूर्वधार विकासमा जाेड दिने, कक्षा ८ देखी माथीका छात्र/छात्राहरुलाई साइकल वितरण गर्ने, जेहन्दार विद्यार्थी र राम्राे नतिजा ल्याउने विद्यालयलाई पुरस्कृत गर्ने, ५० शैयाकाे अस्पताल निर्माणकाे लागि पहल गर्ने, स्वास्थ्य संस्थाहरुकाे सुदृढ गर्दै राम्राे सेवा प्रवाह गर्ने, पर्यटन प्रवर्धनकाे लागि मठ, मन्दिर र महजिदलाई साैन्दर्यकरण गर्ने लगायतकाे रहेकाे छ ।

गाउँ कार्यपालिकाकाे कार्यालय जगरनाथपुरमा भएकाे सभामा गाउँपालिकाकी उपाध्यक्ष बिशमिला खातुनले निति तथा कार्यक्रम प्रस्तुत गरेकी थिइन ।

सभामा सम्पूर्ण वडाका वडाध्यक्ष, वडा सदस्य तथा सम्पूर्ण गाउँ सभा सदस्यहरुकाे सहभागिता रहेकाे थियाे ।

असार १० गते सम्म गर्नु पर्ने निति तथा कार्यक्रम तय पर्सामा जगरनथपुर गाउँपालिका पहिलाे भएकाे छ ।

ब्रिलिएन्ट युवा क्लबकाे आयाेजनामा रक्तदान कार्यक्रम सम्पन्न

0

वीरगंज । पर्साकाे कालिकामाई गाउँपालिका वडा नं. २ गदियानीमा आज रक्तदान कार्यक्रम सम्पन्न भएकाे छ । ब्रिलिएन्ट युवा क्लबकाे आयाेजनामा भएकाे कार्यक्रममा २ महिला सहित २३ जनाले रक्तदान गरेका छन् ।

आयाेजक संस्थाकाे प्रधान कार्यालयकाे प्राङ्गणमा भएकाे कार्यक्रमकाे उद्घाटन कालिकामाई गाउँपालिकाका प्रमुख प्रशासकिय अधिकृत राजु प्रसाद साहले रक्तदान गरी गरेका थिए । कार्यक्रमका प्रमुख अतिथी समेत रहेका प्रमुख प्रशासकिय अधिकृत साहले सहर केन्द्रित हुने रक्तदान कार्यक्रमहरु संस्थाले ग्रामिण भेगमा आयाेजना गरेकाेमा प्रसंसा समेत गरे ।

उनले अझै पनि ग्रामिण भेगमा रक्तदान गर्न मानिसहरु डराउने गरेकाले ग्रामिण भेगमा आयाेजना हुने रक्तदान कार्यक्रमले रक्तदाताहरुकाे संख्यामा वृद्धि हुने वताए ।

क्लबका अध्यक्ष छठु साहकाे अध्यक्षतामा भएकाे कार्यक्रममा सुनिल कुमार राैनियार, ताजिन्द्र साह कलवार, सहरुम हवारी, जयप्रकाश चाैरसिया, संजित कुमार चाैरसिया, आकाश चाैरसिया, भुषण साह तेली, रामबिर चाैरसिया, सुदिल प्रसाद कुमार, पप्पु पटेल, सदाम हुसेन, ओमप्रकाश साह, मुन्ना कुमार सुमन, भेष साह, लक्षमण साह, प्रभाकर साह, कुन्ती देवी, सिमा देवी, जितेन्द्र महरा, अजय यादव, प्रमाेद प्रसाद यादवले रक्तदान गरेकाे आयाेजक संस्थाका सदस्य शम्भु कुमार सुमनले वताए ।

संस्थाले प्रत्येक बर्ष झै यस बर्ष पनि ११ औं पटक रक्तदान कार्यक्रमकाे आयाेजना गरेकाे सदस्य सुमनले जनाए । काेराेना महामारीकाे समयमा रक्त अभाव हुन नदिन ग्रमीकाे मसाैममा पनि संस्थाले रक्तदान कार्यक्रमकाे आयाेजना गरेकाे सुमनकाे जानकारी गराए ।

नेपाल रेडक्रस रक्त संचार केन्द्र वीरगंजकी दिल्ली माया घिमिरे नेतृत्वकाे प्राविधिकहरुकाे टाेलीले रक्तदान कार्यक्रममा प्राविधिक सहयाेग गरेका थिए ।