Date
आइत, मंसिर ६, २०८३
Sun, November 22, 2026
Home Blog Page 958

हास्य कलाकार सन्दीप क्षेत्रीले आफ्नाे गल्ती स्विकार गर्दै माफी मागे

0

काठमाडौं : कान्तिपुर टेलिभिजनका प्रस्तोता एवं हाँस्य कलाकार सन्दीप क्षेत्रीले मधेसी समुदायसँग माफी मागेका छन्।

बिहीवार कमेडी कार्यक्रम ‘ह्वाट द फ्लप’को सुरुवातमै उनले कार्यक्रममा प्रसारित साम्रग्रीले मधेसी समुदायको भावनामा चोट पुग्न गएकोप्रति आफू दुःखी रहेको बताएका हुन्।

उनले कार्यक्रम ‘ह्वाट द फ्लप’ विशुद्ध मनोरञ्जनात्मक भएको बताउँदै दर्शकको सल्लाह अनुरुप कार्यक्रममा प्रस्तुत हुने साम्रग्री परिमार्जन गरिने बताए।

‘ह्वाट द फ्लप’ सो मार्फत उनले भारतीय महिलाले नेपाली पुरुषसँग विवाह गरी ७ वर्षपछि नागरिकता पाइने व्यवस्थापन लागू हुँदा तराई मधेसमा भइरहेको विरोध प्रदर्शनबारे अभिनय गरेका थिए। सो अभिनयले मधेसी महिलाको अस्मितामा चोट पुर्‍याएको भन्दै उनको विरोध गरिएको थियो।

उनीविरुद्ध वीरगंजका युवा ओमप्रकाश सरार्फ लगायतकाले उजुरी समेत दिएका थिए। ‘ह्वाट द फ्लप’ कार्यक्रममा मधेसीको मान तथा स्वभिमानमा आँच पुर्‍याउने गरि कार्यक्रम उत्पादन गरेको हुँदा त्यसको विरुद्ध उजुरी दिएको सरार्फले बताएका छन्।

काँग्रेसबाट काेई कतै पार्टी प्रवेश गरेकाे छैन् : अध्यक्ष यादव

0

वीरगंज । नेपाली काँग्रेस जगरनाथपुरबाट साधारण सदस्यहरु समेत कुनै कतै पार्टी प्रवेश नगरेको प्रदेश इकाई समिति अध्यक्ष श्रीकान्त यादवले वताएका छन् ।

पर्सा क्षेत्र नं. ४ काे “क” का इकाई समिति अध्यक्ष यादवले शुक्रबार एक प्रेस विज्ञप्ती जारी गर्दै जेठ २३ गतेका दिन जगरनाथपुर गाउँपालिकाको वार्ड नं. ६ औराहाभन्ने ठाउँमा केही व्यक्तिहरुको जमात खडा गरी अफ्नो आसेपासेहरुलाई जमघट गरेको भेलालाई पार्टी प्रवेशको रुपमा चित्रण गरीएको प्रति खेद प्रकट गरेका छन् ।

उनले नेपाली काँग्रेसको एक सय ५० जनाकार्यकर्ता पार्टी प्रवेश गरेको भनिएकाे समाचारकाे खेट प्रकट गर्दै गलत कुरा भएकाे वताएका छन् ।

प्रसे विज्ञप्तीमार्फत अध्यक्ष यादवले नेपाली काँग्रेसको साधारण सदस्यता समेत नरहेको साथै मतदाता नमावलीमा पनि नामहरु नरहेको केही व्यक्तिहरु कोरोना माहामारीमा खसी काटी भोज गर्नेै क्रममा जम्मा गरेको व्यक्तिहरु पर्टी प्रवेश गर्न आएका हुनकी भोजको लागि जमघट भएका हुन भने खोजविन गर्न पत्रकारहरुलाई आग्रह समेत गरेका छन् ।

नेपाली काँग्रेस प्रति आस्थावान कार्यकर्तालाई कसैले ललाई फकाई आफनो पक्षमा गर्न फलामको चिउरा चपाउन बरावर भएकाे उनकाे भनाई छ ।

विकास निर्माणमा चरम लापरवाही, भ्रस्टाचारमा लिप्त जनप्रतिनिधिहरुको क्रियाक्लापलाई बकुला ध्यानबाट निगरानी गरिरहेको नेपाली काँग्रेसको कार्यकर्ताहरुको ध्यानलाई भटकाउन पार्टी प्रबेशकाे नाममा मंचन गरिएको एक नाटक भएकाे अध्यक्ष यादवद्वारा जारी प्रेस विज्ञप्तीमा उल्लेख छ ।

धाेबिनीकाे गुलरियामा झडप, वडाध्यक्षसहित ८ घाइते

0

वीरगंज । पर्साकाे धाेबिनी गाउँपालिका वडा नं. ३ गुलरियामा सडकमा राबिस खसाउने बिषयमा  विवाद हुदा भएकाे झडपमा ८ जना घाइते भएका छन् ।

झडपमा परी वडाध्यक्ष राजकिशाेर प्रसाद कुर्मी, हिमत राउत कुर्मी, रवडी देवी, पानालाल प्रसाद कुर्मी, विजय प्रसाद पटेल, संजय पटेल, अजय कुमार पटेल र रिना देवी घाइते भएकाे प्रहरीले जनाएकाे छ । घाइतेहरु वीरगंजस्थित नारायणी अस्पताल र तराई हस्पिटलमा उपचार गराई घर फर्किसकेका छन् ।

घाइते वडाध्यक्ष कुर्मीसहित अधिकांशकाे टाउकाे फुटेकाे छ । झडपमा दुबै पक्ष बिच ढुंगा हनाहान समेत भएकाे थियाे ।

गुलरियास्थित बिग्रेकाे सडकमा गाउँपालिकाबाट राबिस खसाउने क्रममा कुपन वितरण गर्ने संताेष पटेल र ट्रेक्टर चालक शिव कुमार पटेल बिच विवाद भएकाे थियाे । साेही विवाद उग्र रुप लिदा दुई पक्ष बिच झडप भएकाे स्थानियहरुले वताएका छन् ।

झाकाे अध्यक्षतामा हिन्दु महासंघको वीरगंज महानगर समिती गठन

0

वीरगंज । नेपाल विश्व हिन्दु महासंघको बिहिबार वीरगंज महानगर कार्य समिती गठन भएकाे छ ।

अनुराग झाको अध्यक्षतामा २१ सदस्यीय कार्य समिति गठन भएकाे छ । समितीको उपाध्यक्षमा शारदा देवी शाह, राकेश पटेल, सचीवमा मुकेश श्रीवास्तव र सह सचीवमा रबि पटेल रहेका छन् ।

यसैगरी सदस्यमा अञ्जली सहानी, अमृता सहानी, सचिन सराफ, योगेन्द्र शर्मा, बिक्की झा, राजकुमार साह, उदय तिवारी, रितेस मेहता, रोसन पटेल, रोहित सिंह, ऋषम सिंह, रन्जित सराफ, आलोक श्रीवास्तव, रबि सिंह, सुदामा ठाकुर र भोला साह चयन भएका छन् ।

महासंघको वरिष्ठ केन्द्रिय उपाध्यक्ष बिजय प्रकाश निषादको अध्यक्षता एवं केन्द्रिय सचीव अभिषेक तिवारीको बिशेष उपस्थितिमा बसेको बैठकले समिती गठन गरेकाे हाे ।

बैठकमा प्रदेश नम्बर दुईका अध्यक्ष बिशाल झा, श्रीनन्दन मिश्र, जिल्ला अध्यक्ष राम अयोध्या महतो, आकास गुप्ता, मनोज कुमार साह, विशाल कुमार तिवारी लगायतका पदाधिकारी एवम् कार्यकर्ताकाे उपस्थित रहेका थियाे ।

भारत उत्तर प्रदेशका कुख्यात गुण्डानाइके विकास दुबे पक्राउ

0

काठमाडौं । भारतको उज्जैनबाट उत्तर प्रदेशका कुख्यात गुण्डानाइके विकास दुबे पक्राउ परेका छन् । गत साता आठ प्रहरीको हत्या गरेर फरार रहेका उनलाई प्रहरीले बिहीबार पक्राउ गरेको हो ।

भारतीय सञ्चारमाध्यमका अनुसार उनी महाकालको दर्शनका लागि उज्जैन गएका थिए, त्यहाँको सुरक्षा गार्डले उनलाई चिनेका थिए । त्यसपछि तत्काल प्रहरी एक्सनमा आएर उनलाई पक्राउ गरिएको बताइएको छ ।

प्रहरीलाई पनि दुबे महाकाल मन्दिरमा दर्शन गर्न गएको समाचार प्राप्त भएको थियो । उत्तर प्रदेशले विकास दुबेलाई बाहिर जान नदिन सीमा क्षेत्रमा कडाइ गरिएको बताए पनि दुबे मध्य प्रदेशको उज्जैनसम्म पुगेका हुन् ।

दुबेको गिरफ्तारीको विषयमा विस्तृत जानकारी नदिइएको भए पनि मध्य प्रदेशको प्रहरीले उनको पक्राउको पुष्टि गरेको छ ।

गत मंगलबार दुबे हरियाणको फरिदाबादको एक होटलमा देखिएका थिए । त्यहाँबाट भागेर उनी मध्यप्रदेश पुगेका हुन् । यसैबीच बिहीबार नै कानपुर र इटावामा गरी दुई इन्काउन्टर भएको छ । प्रहरीसँगको यी दुई  इन्काउन्टरमा दुबेका दुई सहयोगी पनि मारिएका छन् ।

नेपालमा काेराेना संक्रमितको संख्या १६ हजार ४ सय २३ पुग्याे

0

वीरगंज । काठमाडौं उपत्यकामा २३ सहित २ सय ५५ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा काठमाडौंमा १६ र ललितपुरमा ७ सहित २ सय ५५ जना नयाँ संक्रमित फेला परेको जानकारी दिइएको हो ।

याेसंगै नेपालमा संक्रमितको संख्या १६ हजार ४ सय २३ पुगेको मन्त्रालयका प्रवक्ता डा जागेश्वर गौतमले जनाए ।

पूर्व गाविस अध्यक्ष चाैरसियाकाे निधन

0

वीरगंज । पर्साकाे साविक गाविस भेडिहारीका पूर्व अध्यक्ष सुरेन्द्र प्रसाद चाैरसियाकाे आज विहान निधन भएकाे छ ।

कालिकामाई गाउँपालिका वडा नं. २ भेडिहारी निवासी ७५ बर्षिय चाैरसियाकाे निधन भएकाे हाे । पूर्व गाविस अध्यक्ष चाैरसियाकाे अस्पताल लैजाने क्रममा विहान ६:१५ बजे निधन भएकाे स्थानिय जयप्रकाश चाैरसियाले वताए ।

उनले भने ” आज विहान श्वास प्रश्वासमा समस्या आएपछि एमबुलेन्समा उहांलाई अस्पताल लैजाने क्रममा झाैवास्थित अचेत हुनु भएकाे थियाे । वीरगंजस्थित नेशनल मेडिकल कलेज तथा शिक्षण अस्पालमा पुग्दा अस्पतालले मृत घाेषण गरेकाे थियाे ।”

चाैरसिया तत्कालिन सदभावना पार्टीबाट बि.स. २०५० सालमा गाविस अध्यक्षमा निर्वाचित भएका थिए ।

चाैरसियाकाे हिन्दु परम्परा अनुसार आजै आफ्नै गाउँकाे आर्यघाटमा अन्त्येष्टि गरिने पारिवारिक स्राेतले जनाएकाे छ ।

मधेसी महिला अपमान गर्ने कार्यक्रम प्रसारण गरेकाे भन्दै क्षेत्रीविरुद्ध उजुरी

0

वीरगञ्ज । टेलिभिज कार्यक्रम प्रस्तोता सन्दीप क्षेत्री तथा कान्तिपुर टेलिभिजनविरुद्ध उजुरी दर्ताका लागि दरखास्त पठाइएको छ ।

कान्तिपुर टेलिभिजनबाट प्रशारित कार्यक्रम ‘ह्वाट द् फ्लप’को गत जुन २५ तारिखमा प्रशारित श्रृखंलामा सम्प्रेषण गरिएको सामाग्रीले मधेसी समुदाय र विशेषगरि मधेसी महिलाको स्वाभिमानमा चोट पुर्याएको भन्दै स्थानीय युवाहरुले उजुरी दर्ताका लागि हुलाक मार्फत निवेदन पठाएका हुन् ।

बुधबार विहान जिल्ला हुलाक कार्यालय पर्सामामार्फत वीरगञ्जका युवाहरुले कार्यक्रम प्रस्तोता क्षेत्री, कान्तिपुर टेलिभिजन, टेलिभजनका सम्पादक प्रसान्त अर्याल, कार्यक्रम संयोजक सुरेश सिंह ठकुरी र कान्तिपुर समुहका निर्देशक कैलाश सिरोहिया विरुद्ध उजुरी दर्ताकालागि काठमाडौँस्थित महानगरीय प्रहरी परिसर टेकुलाई निवेदन पठाएका छन् ।

उजुरी मार्फत मुलुकी अपराध संहिता ऐन २०७४ को दफा ६५ र उपदफा (१) बमोजिम मधेस र मधेसीलाई अपमानित गर्ने खालका सामाग्री सम्प्रेषण गर्ने टेलिभिजनका प्रस्तोता, निर्माता विरुद्ध कारबाहीको माग गरिएको छ ।

“मधेसी समुदाय र विशेषगरी मधेसी महिलाको अस्मितामा चोट पुर्याउने र अपमान गर्ने विषयबस्तु प्रसारण गरि मजाक बनाएको कारण हामीले सन्दीप क्षेत्री विरुद्ध उजुरी हालेका छौँ” उजुरी दर्ता गराउँन पुगेका अधिकाकर्मी एवम् स्थानीय युवा नेता ओमप्रकाश सर्राफले बताए ।

उनले मधेसी समुदायलाई जिस्काउने र बेईज्जति गर्ने खालका विषयवस्तुलाई राखेर बनाइएको उक्त कार्यक्रमले मधेसीहरुको स्वाभिमानमा ठेस पुगेको बताए ।

सर्राफले प्रहरीद्वारा कारवाही नगरिए क्षेत्री र कान्तिपुर टेलिभिजन विरुद्ध सडक संघर्ष समेत गरिने भने ।

जाहेरी दिनेमा सरार्फ सहित अशोक कुमार कुशवाहा, वृजेश्वर प्रसाद चौधरी, आशु सर्राफ, लालबाबु सिंह, किसन सर्राफ, अमिता साह, श्याम कुमार सर्राफ, निशा गुप्ता र ओम कुमार झा रहेका छन् ।

क्षेत्री र कान्तिपुर टेलिभजनविरुद्ध यसैगरि जनकपुर, विराटनगर र कपिलवस्तुबाटपनि बिहीबार उजुरी दर्ताका लागि निवेदन पठाइएको छ ।

सुशान्तको अन्तिम फिल्म ‘दिल बेचारा’को ट्रेलर सार्वजनिक

0

एजेन्सी । दिवंगत बलिउड अभिनेता सुशान्त सिंह राजपूतको अन्तिम फिल्म दिल बेचाराको ट्रेलर रिलिज भएको छ ।

१६ घण्टा अगाडी रिलिज भएको ट्रेलर २ करोड १० लाख बढी पटक हेरिसकेका छन् । अहिले युट्युब ट्रेन्डिङको दोस्रो नम्बरमा रहेको छ ।

ट्रेलरलाई धेरैले मन पराएका छन् । अहिलेसम्म ४४ लाख जनाले लाईक गरेका छन् भने १३ हजारले डिस लाईक गरेका छन् । २ लाख ५५ हजार बढी प्रतिक्रिया आएको छ । धेरैले राम्रो र उत्कृष्ट रहेको बताएका छन् ।

यो फिल्म जुलाई २४ मा ओटीटी प्लेटफर्म डिज्नी प्लस हटस्टारमा रिलिज हुनेछ ।

करिब दुई मिनेटको यो ट्रेलरमा सुशान्तका उत्कृष्ट डायलग छन् । उनी फिल्ममा क्यान्सरसँग जुधिरहेकी नायिका संजना सांघीलाई हँसाउने र उनको दुःख कम गर्ने कोसिस गरिरहेका छन् ।

वीरगंजका अनलाइन संचालकहरुकाे क्षमता अभिवृद्धि गरिने

0

वीरगंज । वीरगंज महानगरपालिकाका मेयर बिजय कुमार सरावगीले वीरगंजका अनलाइन संचालकहरुसंग मंगलबार छलफल गरेका छन् ।

वीरगंजकाे विकासमा अनलाइन मिडियाहरुले कसरी सहयाेग तथा सहकार्य गर्न सक्ने उद्देश्यले वीरगंज महानगरपालिकाकाे सभा हलमा भएकाे छलफल बैठकमा अनलाइन संचालकहरु पत्र/पत्रिका जस्तै अनलाइनहरुलाई पनि विज्ञापन उपलब्ध गराउनु पर्ने माग गरे ।

महानगरले वीरगंजबाट संचालित अनलाइनहरुकाे मूल्यांकन गरेर पत्र/पत्रिकाहरुलाई उपलब्ध गराउदै आएकाे सरह अनालाइनहरुलाई पनि विज्ञापन उपलब्ध गराउनु पर्ने उनिहरुकाे माग थियाे ।

यसका साथै अनलाइन मिडियामा काम गर्ने संचारकर्मीहरुकाे क्षमता अभिवृद्धिकाे लागि महानगरले प्रभावकारी ढंगलले कार्यक्रमकाे आयाेजना गर्नु पर्ने सुझाव दिएका थिए ।

जवाफमा वाेल्दै महानगरका मेयर सरावगीले अनलाइनमा काम गर्ने संचारकर्मीहरुकाे क्षमता अभिवृद्धिकाे लागि कार्यक्रम आयाेजना गर्न महानगर तयार रहेकाे वताए ।

उनले अहिले अनलाइनकाे महत्व बढदै गएका कारण व्यवस्थित र बिश्वासिलाे तरिकाले समाचार प्रकाशन गर्न आवशक रहेकाे धारणा राखेका थिए । त्यसकाे लागि क्षमता अभिवृद्धि  आवश्य रहेकाे उनकाे पनि भनाई थियाे ।

वीरगंज महानगरका प्रेस सल्लाहकार गाेबिन्द देवकाेटाले अनलाइनहरुलाई पनि एउटा मापदण्ड बनाएर विज्ञापन समेत उलपलब्ध गराइने आश्वासन दिए ।

छलफल बैठकमा नेपाल पत्रकार महासंघ प्रदेश २ का अध्यक्ष दिपेन्द्र चाैहान, उपाध्यक्ष केशी लामिक्षाने, पर्सा अध्यक्ष श्याम बन्जारा लगायत अनलाइन संचालक तथा प्रतिनिधिहरुकाे उपस्थिती रहेकाे थियाे ।

यस अघि महानगरले वीरगंजबाट संचालित पत्र/पत्रिकाका संचालक र एफएम रेडियाेका संचालकहरुसंग समेत छलफल गरेकाे थियाे ।