Date
आइत, मंसिर ६, २०८३
Sun, November 22, 2026
Home Blog Page 953

कोरोना रिपोर्ट नेगिटिभ आएपछि डिस्चार्ज भए ऐश्वर्या र आराध्या

0

बलिउड नायिका ऐश्वर्या राय र उनकी छोरी आराध्याको कोरोना रिपोर्ट नेगिटिभ आएको छ । नायक अभिषेक बच्चनले ट्विट गर्दै ऐश्वर्या र आराध्याको रिपोर्ट नेगिटिभ आएको जानकारी ट्विटमार्फत दिएका छन् ।

अभिषेकले लेखेका छन्–‘सबैको आर्शिवादका लागि धन्यवाद । ऐश्वर्या र आराध्यको रिपोर्ट नेगिटिभ आएको छ । उनीहरु अस्पतालबाट डिस्चार्ज भएका छन् । म र मेरो पिता मेडिकल स्टाफको निगरानीमा छौं ।’

४६ बर्षिया ऐश्वर्या र ८ बर्षकी आराध्याको जुलाई १२ मा रिपोर्ट पोजिटिभ आएको थियो । तर, लक्षण केही पनि नदेखिएपछि उनीहरु होम क्वारेन्टाइनमा बसेका थिए । तर, जुलाई १७ मा स्वास्थ्यमा समस्या आएपछि उनीहरुलाई नानावती अस्पतालमा भर्ना गरिएकबो थियो । उनीहरु, १० दिन अस्पतालमा रहेका थिए ।

७७ बर्षका अमिताभ बच्चन र ४४ बर्षका अभिषेक बच्चनमा पनि सामान्य लक्षण देखिएपछि जुलाई ११ मा अस्पताल भर्ना गरिएको थियो ।

पर्सामा २ चिकित्सकसहित थप १४ जनामा काेराेना संक्रमण पुष्टि

0

वीरगञ्ज । पर्सामा थप १४ जनामा कोरोना संक्रमण पुष्टि भएको छ । नारायणी अस्पतालको प्रयोगशालामा गरिएको पीसीआर परीक्षणमा सोमबार राति १४ जनाको रिपोर्ट पोजेटिभ आएको हो ।

२ जना चिकित्सकसहित अधिकांश संक्रमित वीरगञ्जका छन् । केहीमा ज्वरो आउने, खोकी लाग्ने जस्ता लक्षण पनि देखिएको छ ।

नारायणी अस्पतालको पीसीआर प्रयोगशाला स्रोतका अनुसार वीरगञ्ज–११ श्रीपुरका २६ वर्षीय चिकित्सकमा, ४५ वर्षीया महिलामा कोरोना पुष्टि भएको छ । कन्ट्याक्ट ट्रेसिङमा परेका दुवै जना शंकास्पद संक्रमितको रुपमा वीरगञ्जस्थित कोरोना अस्पतालमै थिए ।

वीरगञ्ज–४ विर्ता बस्ने अर्का ४० वर्षीय चिकित्सकमा समेत कोरोना देखिएको छ । नारायणी अस्पतालमा कार्यरत उनलाई ५ दिनदेखि ज्वरो आइरहेको थियो । नारायणी अस्पतालमै कार्यरत ३१ वर्षीय अर्का कर्मचारीलाई पनि कोरोना देखिएको छ ।

पेड पीसीआर गराएका वीरगञ्ज–७ लोहरपट्टीका ५५ वर्षीया, वीरगञ्ज–१३ रानीघाटका ३४ वर्षीय, वीरगञ्ज–७ रामटोलका ३३ वर्षीय र वीरगञ्ज–१३ राधेमाईका २३ वर्षीय पुरुषमा कोरोना पुष्टि भएको छ ।

जगदम्बा इन्टर प्राइजेजमा कार्यरत ४८ वर्षीय, ५६ वर्षीय र २६ वर्षीय पुरुषमा पनि कोरोना संक्रमण पुष्टि भएको छ । गत साउन ६ गते पनि जगदम्बामा कार्यरत ५६ वर्षीय पुरुषमा कोरोना संक्रण पुष्टि भएको थियो ।

जिल्ला प्रहरी कार्यालय पर्साको थुनुवा कक्षमा रहेका २३ वर्षीय पुरुषमा पनि काेराेना संक्रमण देखिएकाे छ ।

भारतको बैंगलोरबाट आएका वीरगञ्ज–२३ सबैठवाका २६ वर्षीय पुरुष र ईलाम घर भई पर्साको ठोरीस्थित सरस्वती मावि क्वारेन्टिनमा बस्दै आएका ५६ वर्षीय पुरुषको पीसीआर परीक्षण रिपोर्ट पोजेटिभ आएको छ ।

यस्तै नारायणी अस्पतालकाे प्रयाेगशालामा नै गरिएकाे परिक्षणमा बाराकाे कलैया उपमहानगरपालिका–५ बस्ने ४१ वर्षीय पुरुषमा पनि कोरोना देखिएको छ ।

वीरगञ्जको कोरोना अस्पतालमा १० जना महिलासहित ५७ जना संक्रमितको उपचार भइरहेको छ । जसमध्ये चार जना आईसीयुमा छन् ।

आइसोलेसन बेडको अभावमा यसअघि नै पर्सामा ४२ जना संक्रमितलाई आइसोलेसनमा ल्याउन नसकेको अवस्था छ । उनीहरु घरमै आइसोलेटेड छन् तर होम आइसोलेसन सम्बन्धी कार्यविधि पालना भए/नभएको कसैले पनि अनुगमन गरेका छैनन् ।

कोरोना संक्रमण पुष्टि भएका मृतक बृद्धको शव ब्यवस्थापन हुन सकेन

0

बीरगञ्ज । बीरगञ्जस्थित कोरोना अस्पतालमा मृत्यु भएकाहरुको शव ब्यवस्थापनमा समस्या भएको छ । बिभिन्न रोगले ग्रसित ६५ बर्षीय बृद्धको आईतबार बिहान ६।१० मा मृत्यु भएपनि ३० घण्टा भन्दा बढ़ी बितिसकदा पनि शव ब्यावस्थापन हुन सकेको छैन । मुटु तथा मधुमेह रोगले ग्रसित ६५ बर्षीय बृद्धको आइतबार बिहान मृत्यु भएपनि राति ८ बजे कोरोना संक्रमण पुष्टि भएको थियो ।

मृतक बृद्धमा कोरोना संक्रमण पुष्टि भएसँगै उनको शव ब्यावस्थापन हुन सकेको छैन । परिवारका बिभिन्न सदस्य भारत लगायत बिदेशमा रहेपनि उनको परिवारले नेपाल सरकारको मापदण्ड अनुसार नै दाह संस्कार गर्न भनेको तर उनको शव ब्यावस्थापन हुन सकेको छैन । उनको शव अहिले पनि नारायणी अस्थायी कोभिड़ अस्पताल गण्डकको इमरजेंसी वार्डमा राखिएको छ ।

कोरोना संक्रमण पुष्टि भई मृत्यु भएकाहरुको शव नेपाली सेनाले नेपाल सरकारको मापदण्ड अनुसार दाह संस्कार गर्दै आएको छ तर बीरगजमा मृत्यु भएपनि ग्रामीण भेगको खुल्ला स्थानमा दाह संस्कार गर्न लैजादा त्यहाँका स्थानीयले बिरोध गर्ने गरेको कारण शव ब्यवस्थापनमा समस्या भई रहेको नारायणी अस्थायी कोभिड़ अस्पताल नारायणीका इन्चार्ज डा। निरज सिंहले जानकारी दिनुभयो ।

मुटु तथा मधुमेह रोगले ग्रसित ति वृद्धलाई श्वास प्रश्वास समस्या देखिएपछि नारायणी अस्पतालको इमर्जेन्सीमा वार्डमा राखी उपचार गर्नुको साथै आरडीटी चेक गर्दा कोरोना संक्रमण पोजिटिभ देखिएको थियो । आरडीटी पोजिटिभ देखिएपछि उनलाई तत्काल नारायणी अस्थायी कोभिड अस्पताल गण्डकमा शनिबार साँझ करिब ८ बजेको समयमा भर्ना गरिएको थियो । गण्डक अस्पतालमा उपचार भइरहेको क्रममा आइतबार विहान उपचारको क्रममा मृत्यु भएको थियो । मृतक आदर्शनगर स्थित व्यापर सञ्चालन गर्दै आएका थिए । उनी भारतीय नागरिक हुन् ।

नारायणी अस्पताल विकास समितिको पदभार ग्रहण कार्यक्रम सम्पन्न

0
वीरगंज । नारायणी अस्पताल बिकास समितिको पदभार ग्रहण कार्यक्रम आज सम्पन्न भएकाे छ । समितिका अध्यक्ष लगायत सदस्यहरुकाे पदभार ग्रहण कार्यक्रम सम्पन्न भएकाे हाे ।
नारायणी अस्पतालका मेसु डा. मदन उपाध्यायकाे सभापतित्वमा भएकाे कार्यक्रममा बिकाश समितिका अध्यक्ष पुरेन्द्रा किशोर लाभ कर्ण, सदस्य सन्तोष पासवान, सदस्य सुरेन्द्र कुमार कलवार, सदस्य ज्योती मिश्राले पदभार ग्रहण गरेका हुन् ।
नारायणी अस्पतालमा भएकाे कार्यक्रममा नेकपा पर्साका अध्यक्ष प्रभु हजरा लगायतकाे उपस्थिती रहेकाे थियाे ।

पर्सामा मृत वृद्धसहित थप १९ जनामा काेराेना संक्रमण पुष्टि

0

वीरगञ्ज । वीरगञ्जस्थित गण्डक कोभिड अस्पतालमा आइतबार बिहान मृत्यु भएका एक वृद्धसहित पर्सामा थप १९ जनामा कोरोना संक्रमण पुष्टि भएको छ ।

नारायणी अस्पतालको प्रयोगशालामा गरिएको परीक्षणका क्रममा वीरगञ्ज–१० आदर्शनगर पुरानो बसपार्कका मृतक ६५ वर्षीय वृद्धसहित १९ जनामा कोरोना संक्रमण पुष्टि भएको गण्डक काेभिड अस्पतालका संयाेजक डा उदय नारायण सिंहले वताए ।

वृद्धको उपचारको क्रममा गण्डक अस्पतालमा आइतबार बिहान मृत्यु भएको थियो ।

अन्य संक्रमितमा अस्पतालका कर्मचारी, क्वारेन्टिनमा बसेकाहरु, कन्ट्याक्ट ट्रेसिङमा परेका र पेड पीसीआर गराएका व्यक्तिहरु छन् । वीरगञ्ज– ६ माईस्थान २ नं रोडका ९ वर्षीय बालक, ४० वर्षीया महिला र १२ वर्षीया बालिकामा कोरोना संक्रमण पुष्टि भएको छ ।

साउन ८ गते ज्यान गुमाएका ७० वर्षीय वृद्धको कन्ट्याक्ट ट्रेसिङमा परेका उनीहरुको सोही दिन पीसीआर परीक्षणका लागि स्वाब संकलन गरिएको थियो ।

त्यसैगरि गण्डक अस्पतालका ३४ वर्षीय कर्मचारी र नारायणी अस्पतालको सर्जिकल वार्डमा कार्यरत ४३ वर्षीय कर्मचारी र वीरगञ्ज–१६ मिथिला नगर घर भई एपोलो अस्पतालमा कार्यरत ३४ वर्षीय पुरुषमा कोरोना संक्रमण पुष्टि भएको छ ।

पेड पीसीआर गराएका वीरगञ्ज–१४ का ३० वर्षीय, वीरगञ्ज–१४ बहुअरी गण्डकका ३२ वर्षीय, वीरगञ्ज–११ राधेमाईका ४५ वर्षीय, वीरगञ्ज–२ छपकैयाँका २५ वर्षीय र सखुवाप्रसौनी गाउँपालिका–२ श्रीपुर पचगावाँका ४० वर्षीय पुरुषको पीसीआर परीक्षण रिपोर्ट पोजेटिभ आएको छ ।

यसअघि पेड पीसीआर गराएका वीरगञ्ज–६ रेशमकोठीका ३२ वर्षीय पुरुषमा शनिबार कोरोना संक्रमण पुष्टि भएको थियो । अस्पतालले उनको रिपोर्ट पनि आइतबार मात्रै सार्वजनिक गरेको छ ।

यस्तै पर्साको पर्सागढी नगरपालिकास्थित बढनिहार क्वारेन्टिनमा पाँच जना स्वास्थ्यकर्मीसहित ६ जनामा कोरोना संक्रमण पुष्टि भएको छ । जसमध्ये २३ र २८ वर्षीया दुई जना महिला  स्वास्थ्यकर्मी तथा ३७, ४२ र ४५ वर्षीय ३ जना पुरूष स्वास्थ्यकर्मीमा कोरोना संक्रमण पुष्टि भएको छ ।

त्यसैगरी क्वारेन्टिनमा बस्दै आएका पर्सागढी–३ का ३५ वर्षीय पुरुषको पीसीआर परीक्षण रिपोर्ट पोजेटिभ आएको छ ।

यसअघि पर्सा जिल्लामा २ सय ४० जना संक्रमति फेला परेका छन् । वीरगञ्ज स्थित नारायणी अस्पताल अन्तर्गतको अस्थायी कोरोना विशेष अस्पताल गण्डककाे आइसोलेसनमा १० महिलासहित ५४ जना उपचाररत छन् । अधिकांश कोरोना संक्रमितमा लक्षण रहेकाे अस्पतालले जनाएकाे छ । ४ जना आइसीयुमा छन् । आइसोलेसन नहुँदा २७ जना संक्रमित घरमै छन् ।

वीरगंजमा एक घर एक पिसिआर परिक्षण सुरु

0

वीरगंज । वीरगंज महानगरपालिका भित्र समुदाय स्तरमा कोरोना परिक्षणको लागि स्वाव संकलनको काम आजबाट शुरु भएको छ । बीरगंज महानगरपालिकाको वडा नं ९ बाट एक घर एक परिक्षणकाे लागि स्वाब संकलन शुरु गरिएको हो ।

वडा नं ९ मा रहेको रेल्वे माविमा आइतबार एक सय १३ जनाकाे स्वाब संकलनको गरिएकाे महानगरका प्रेस सल्लाहकार गाेबिन्द देवकाेटाले जनाए ।

स्वाब संकलन भन्दा अघि महानगरका कर्मचारीले रेल्वे स्कूललाई डीसइन्फेक्टेड गरेका थिए ।

स्वाब संकलन कार्यको अवलाेकन गर्दै बीरगंज महानगर प्रमुख बिजय कुमार सरावगीले महानगरका नागरिकको जीवन रक्षाका लागि महानगरले कुनै कसर बाँकी नराख्ने बताए ।

परिक्षणका लागि नारायणी अस्पताललाई सबै आवश्यक सामाग्री उपलब्ध गराएको वताउदै नारायणी अस्पताल र स्थानीय प्रशासनसंगको सहकार्य ठिक र सुमधुर रहेको जनाए ।

सरावगीले स्थानीय सरकार र स्थानिय प्रशास बिचकाे सम्बन्ध बिगार्ने र समन्वय हुन नदिने तत्व सदैब लागि रहेको चर्चा गर्दै उनीहरुलाई जनताले नै जवाफ दिने बताए । उनले अहिलेको निषेधाज्ञालाई परिक्षणको लागि उपयोग गर्ने र परिक्षण तिब्र बनाइने बताए ।

बीरगंजमा ४० हजार घरधुरीमा परिक्षण पुर्‍याउने उनकाे भनाई थियाे ।

जिल्ला संकट व्यवस्थापन केन्द्र पर्साको शुक्रवार सम्पन्न बैठकको निर्णय अनुसार वीरगन्ज महानगरपालिकाको संयोजकत्वमा स्वाब संकलनको काम शुरु भएको हो ।

यसैबीच, कोभिड–१९ सङ्कट व्यवस्थापन समिति पर्साको नेतृत्वमा माईस्थानमा कन्ट्याक्ट ट्रेसिङमा परेकाहरूको स्वाब सङ्कलन गरिएको छ ।

गहवामाई मन्दिरअगाडि एक सय ९ जनाको स्वाब नमूना सङ्कलन गरिएको समितिका सदस्य सचिव जिल्ला प्रशासन कार्यालय पर्साका सूचना अधिकारी एवम् सहायक प्रमुख जिल्ला अधिकारी ललितकुमार बस्नेतले बताउनु भयो  ।

त्यसैगरि राधेमाईमा कन्ट्याक्ट ट्रेसिङमा परेका एक सय जनाको स्वाब संकलन गरिएको वताइएकाे छ ।

पत्रकार महास‌ंघ पर्साका सचिव खड्कालाई मातृ शाेक

0

वीरगंज । नेपाल पत्रकार महासंघ पर्साका सचिव युवराज खड्कालाई मातृ शोक परेको छ ।

खोटाङ्ग जिल्ला दिप्रुङ गाउँपालिका वडा नं. ६ स्थायी घर भएका सचिव  खड्काको ८३ वर्षिय आमा वशुंधरा खड्काको आज निधन भएको हाे ।

विभिन्न रोगबाट ग्रसित आमाको आज दिउसो १२ बजे निधन भएको खड्काले वताए । लामो समय देखि खड्का वीरगंज मै बसेर पत्रकारिता गर्दै आएका छन् ।

बहुदरमाईस्थित कलवारकाे घरमा प्रहरीकाे छापा, गाँजा बरामद

0

वीरगञ्ज । पर्साकाे बहुदरमाई नगरपालिकाबाट प्रहरीले ४५ किलो गाँजा बरामद गरेको छ । नगरपालिकाे वडा नं.-९ बिश्रामपुरस्थित धनिलाल साह कलवारको घरमा शनिबार छापा मारेर प्रहरीले गाँजा बरामद गरेको हो ।

यसअघि साउन ७ गते पाँच किलो गाँजासहित पक्राउ परेका साेही ठाउँका ४५ वर्षीय शम्भु साह कलवार र २२ वर्षीय अनिलकुमार कलवारको अनुसन्धानका क्रममा थप गाँजा बरामद भएको हो ।

गाँजासहित दुबै जनालाई पक्राउ गरी ल्याउने क्रममा प्रहरी र स्थानियहरु बिच झडपसमेत भएको थियो । गाँजा तस्करीमा संलग्न ३ जना मध्ये २ जना पक्राउ परेको र १ जना धनिलाल साह कलवार फरार रहेकोले प्रकाउ गर्न उसको घरमा प्रहरी पुग्दा उनीसहित घरका सबै मान्छे फरार भएकाे प्रहरीले जनाएको छ ।

धनिलाल कलवारको घरमा कोई नभएको अवस्थामा ४५ किलाे गाँजा बराम्मद भएको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले वताए ।

वीरगंजमा निषेधाज्ञाकाे दाेस्राे दिन झन कडाई, बैंकहरु पनि बन्द

0

वीरगंज । वीरगंजमा निषेधाज्ञा जारी भएकाे दाेस्राे दिन आज झन कडाई गरिएकाे छ । वीरगंज मुख्य सडकहरु सुनसान देखिएकाे छ भने सरकारी तथा गैर सरकारी सम्पूर्ण कार्यालयहरु बन्द भएका छन् ।

वीरगंजमा लक्षणसहितकाे काेराेना संक्रमित देखिन थालेपछि जिल्ला प्रशासन कार्यालय पर्साले शनिबार विहान देखी निषेधाज्ञा जारी गरेकाे हाे ।

संकट व्यवस्थापन केन्द पर्साकाे साउन ९ गते शुक्रबार बसेकाे बैठकले निषेधाज्ञा अवधिमा अति आवश्यक भित्र पर्ने बैंकहरु संचालन गर्न जनाए पनि जिल्ला प्रशासन कार्यालय पर्साले आज विहान एक सुचना जारी गर्दै भन्सार, आइसिपी र ड्राइपाेर्टमा रहेका बैंकहरु बाहेककाे सबै बैंकहरु बन्द रहेने जनाए पछि बैंकहरु पनि बन्द भएका हुन् ।

भिडभाड हुने स्थानहरु मध्ये बैंकहरु पनि एउटा भएकाे आलाेचना भएपछि बन्द गरिएकाे हाे ।

काेराेना महामारी नियन्त्रण तथा राेकथामकाे लागि जारी गरिएकाे निषेधाज्ञा आम जनताकाे जिवनकाे रक्षाकाे लागि भएकाेले निषेधाज्ञाकाे पूर्ण रुपले पालना गर्दै सहयाेग गर्न सहायक प्रमुख जिल्ला अधिकारी ललिका कुमार बस्नेतद्वारा जारी सुचना मार्फत आग्रह गरिएकाे छ ।

काेराेना महामारीकाे जाेखिम कम हुदै गएकाे अवस्थामा क्रमश निषेधाज्ञा खुकुलाे बनाउदै जाने जारी सुचना मार्फत नै जानकारी समेत गराइएकाे छ ।

सुशान्तको अन्तिम फिल्म ‘दिल बेचारा’ ले रच्यो इतिहास

0

भारतका दिवंगत अभिनेता सुशान्त सिंह राजपूतको अन्तिम फिल्म ‘दिल बेचारा’ शुक्रबार ओटीटी प्लेटफर्ममा रिलिज भयो । रिलिजलगत्तै फिल्मले थुप्रै रेकर्ड तोडेको छ । फिल्मले इन्टरनेट चलचित्र डाटाबेस (आइएमडिबी) मा १०÷१० रेटिङ  पाएको छ जो आफैंमा एउटा रेकर्ड हो । यसका साथै सुशान्तका प्रशंसकले ट्वीटरमा #DilBecharaCreatesHistory ट्रेन्ड पनि चलाएका छन् ।

सुशान्तको फिल्मको रेकर्ड तोड सफलता देखेर प्रयोगकर्ताले यसलाई ह्याशट्यागमार्फत् ट्वीट गर्न सुरु गरेका हुन् । हाल यो ह्याशट्यागमा चार हजार ट्वीट्ससहित १७ औं नम्बरमा छ  । फिल्म शुक्रबार बेलुका सात बजे रिलिज गरिएको हो । रिलिज हुने बित्तिकै जुन प्लेटफर्ममा फिल्म रिलिज हुनु थियो त्यो हेभी ट्राफिकका कारण क्र्याश भयो । सुरुमा यो फिल्मलाई आइएमडिबीले पूरा रेटिङ दिएपनि पछि यो रेटिङ ९.८ भएको छ । स्मरण रहोस्, सुशान्तको अन्तिम फिल्म दिल बेचारा कमल हासन र आर माधवनको सन् २००३ मा रिलिज भएको तमिल फिल्म अम्बे सिवमलाई पछि पार्दै आइएमडिबीको टप रेटेड इन्डियन मुभिजको सूचीमा शीर्ष स्थानमा पुगेको छ ।