Date
आइत, मंसिर ६, २०८३
Sun, November 22, 2026
Home Blog Page 954

वीरगंजमा आरडिटी रिपाेर्ट पाेजिटिभ देखिएका एक व्यापारीकाे मृत्यु

0

वीरग‌ंज । वीरगन्जको नारायणी अस्थाई काेराेना बिशेष अस्पताल गण्डकमा आइतबार बिहान एक बृद्धकाे मृत्यु भएको छ।

वीरगन्ज- १० आदर्शनगरका ६५ वर्षीय वृद्धको कोभिड अस्पतालको आइसोलेसनमा बिहान ६:४० बजे मृत्यु भएको अस्पतालका संयाेजक डा. उदय नारायण सिंह जानकारी दिए।

मृतक वृद्धको आरडिटी रिपोर्ट पोजिटिभ देखिए पनि पिसिआर रिपोर्ट आउन बाँकी रहेकाे संयाेजक डा. सिंहले जनाए ।

मृतक वृद्ध वीरगन्जको आदर्शनगरका व्यापारी हुन्।

पहिलेदेखि नै मुटु र मधुमेहको रोगी रहेका वृद्धलाई स्वास्थ्यमा समस्या भएपछि शनिबार दिउँसो नारायणी अस्पतालमा उपचारका लागि लगिएको थियो। अस्पतालको आकस्मिक कक्षमा भर्ना गरिएका उनमा कोरोनाको शंका लागेर स्वाब संकलन गरी नारायणीकै प्रयोगशालामा पठाइएको थियो।

त्यसपछि उनलाई आइतबार नै  वीरगन्जको हेल्थ केयर हस्पिप्टलमा लगेर भर्ना गरिएको थियो। त्यहाँ उपचारका क्रममा उनको आरडिटी परीक्षण गर्दा रिपोर्ट पोजेटिभ आएको थियो।

स्वास्थ्य अस्वथा जटिल बन्दै गएपछि वृद्धलाई शनिबार राति ८ बजे गण्डकस्थित काेराेना अस्पतालमा लगेर भर्ना गरिएको थियो।

राति ११ बजेतिर स्वास्थ्य अवस्था झन् जटिल बन्दै गएपछि उनलाई कोभिड अस्पतालकै भेन्टिलेटरमा राखिएको उनको  मृत्यु भएको हो।

कोभिड अस्पतालमा भर्ना रहेका ५३ मध्ये ४ जना संक्रमितको अवस्था जटिल रहेको डाक्टर सिंहले जानकारी दिए।

केकी र पुष्पको अभिनयमा ‘मायाको घरबार’ सार्वजनिक

0

पुरुषोत्तम सुबेदी र अस्मीता अधिकारीको स्वरमा नयाँ गीत ‘मायाको घरबार’ सार्वजनिक भएको छ । डिलाईटेड नेपाल युटुब च्यानलमार्फत सार्वजनिक प्रेमिल गीत डीपी दाहाल परिश्रमीले लेखेका हुन् भने पुरुषोत्तम स्वयंमले संगीत दिएका हुन् ।

गीतमा मायाको घर बसाउन एक–अर्काले पक्का गरौं भन्ने भाव समेटिएको छ । गीतको म्युजिक भिडियोमा नायिका केकी अधिकारी र पुष्प खड्का लगायतको अभिनय गरेका छन् ।

ह्वाइट मिडियाको निर्माण संयोजन रहेको यस भिडियोमा अर्जुन तिवारीको छायाङ्कन रहेको छ भने कोरीयोग्राफी प्रबिन थापा र सम्पादन, तथा निर्देशन शक्तिप्रज्वल घिमिरेले गरेका छन् ।

भिडियो लिंक:

वीरगंजमा निषेधाज्ञा आजबाट, काेराेना परिक्षण भाेलीदेखी

0

वीरगञ्ज । कोरोना संक्रमण समुदायस्तरमा फैलिएपछि वीरगञ्ज महानगरपालिका क्षेत्रभर आजबाट अनिश्चितकालिन निषेधाज्ञा जारी गरिएको छ । निषेधाज्ञाका कारण वीरगंजकाे मुख्य सडकहरु सुनसान देखिएकाे छ ।

जिल्ला प्रशासन कार्यालयले शुक्रबार राजनीतिक दलहरुसँग छलफल गरेपछि अर्को आदेश जारी नभएसम्मका लागि निषेधाज्ञा लगाउने निर्णय गरिएको थियो ।

निषेधाज्ञा जारी भएसँगै वीरगञ्ज महानगरपालिका क्षेत्रमा अत्यावश्यक स्वास्थ्य उपचारबाहेक अन्य काममा घर बाहिर निस्कन प्रतिबन्ध लागेको सहायक प्रमुख जिल्ला अधिकारी ललितकुमार बस्नेतले जानकारी दिए ।

महानगर क्षेत्रभित्रका सम्पूर्ण पसल र उद्योग व्यवसायसमेत बन्द गरिएको छ । साथै वीरगञ्जमा अन्य जिल्लाबाट (विशेषगरी भारतबाट) आउन पूर्णप्रतिबन्ध लगाइएको छ । विशेषगरी छिमेकी मुलुक भारतको बिहारमा संक्रमितको संख्या बढ्दै गएकाले यस्तो निर्णय गरिएको हो ।

तर पनि पर्साकाे ग्रामिण भेगकाे विभिन्न नाका भएर सिमापारीबाट आवतजावत लुकीछुपी सुचारु नै रहेकाे छ ।

वीरगञ्ज क्षेत्रमा कोरोना संक्रमितको संख्या बढ्दै गएर समुदायस्तरमा फैलिएको छ । समुदायस्तरमा संक्रमण फैलिएको चर्चा सुरु भएलगत्तै स्थानीय प्रशासनलाई निषेधाज्ञा जारी गर्न दबाव बढेको थियो ।

यसै बिच निषेधाज्ञा शनिबारबाट जारी भए पनि काेराेना परिक्षण आइतबारबाट सुचारु हुने वताइएकाे छ ।

वीरगंज महानगर प्रमुख विजय सरावगीले आफ्नाे समाजिक संजाल फेसबुकमा एक पाेष्ट लेख्दै काेराेना परिक्षणकाे लागि स्वाब संकलन गर्ने कार्य आइतबार देखी सुचारु हुने जनाएका हुन् ।

उनले जिल्ला संकट व्यवस्थापन केन्द्र पर्साकाे हिजाे सम्पन्न बैठककाे निर्णय अनुसार वीरगन्ज महानगरपालिकाकाे संयाेजकत्वमा नेपाली सेना, जिल्ला प्रहरी कार्यालय, जिल्ला जनस्वास्थ्य कार्यालयकाे सहयाेगमा महानगरपालिका भित्र समुदाय स्तरमा काेराेना परिक्षणकाे लागि स्वाव लिने काम साउन ११ गते दिउसो १ वजे वीरगन्ज महानगरपालिका वडा नं ९ काे रेल्वे माविबाट शुभारम्भ गरिने जानकारी गराएका छन् ।

वीरगञ्जकाे आइसाेलेसनमा मृत्यु भएकी युवतीमा कोरोना पुष्टि

0

वीरगञ्ज । कोरोना विशेष अस्पतालमा मृत्यु भएकी युवतीमा कोरोना संक्रमण पुष्टि भएको छ ।

मृतक बारा परवानीपुर गाउँपालिका–४ घर भएकी १७ बर्षीया युवतीको पीसीआर रिपोर्ट पोजेटिभ आएको हो । नारायणी अस्पतालको प्रयोगशालामो पीसीआर विधिबाट गरिएको परीक्षणमा कोरोना पुष्टि भएको अस्पतालका मेडिकल सुपरीटेन्डेन्ड डा मदन उपाध्यायले जानकारी दिए ।

‘शंकास्पद संक्रमितको रुपमा कोभिड अस्पतालमा उपचारत युवतीकाे शुक्रबार अपरान्ह मृत्यु भएकाे मेडिक सुपरीटेन्डेन्ड डा. उपाध्यायले वताए ।

प्रयोगशालामा शुक्रबार गरिएको पीसीआर परीक्षणमा उनीसहित नौ जनामा संक्रमण पुष्टि भएको छ ।

बुधबार नारायणी अस्पतालमा भर्ना भएकी उनको स्वास्थ्य अवस्था गम्भीर भएपछि वीरगञ्ज हेल्थ केयर अस्पताल लगिएको थियो । त्यहाँको आकस्मिक कक्षमा भर्ना गर्दा अवस्था गम्भीर देखिएपछि उनको र्‍यापिड डाइग्नोस्टिक टेस्ट (आरडीटी) विधिबाट परीक्षण गरिएको थियो ।

आरडीटी एन्टीबडी पोजेटिभ देखिएपछि कोरोना संक्रमणको आशंकामा बिहीबार गण्डक कोभिड अस्थायी अस्पतालमा भर्ना गरिएकोमा शुक्रबार अपरान्ह मृत्यु भएको हो ।

‘पखाला लाग्ने र जिउ काम्ने भइरहेको थियो, सँगसँगै स्वास प्रश्वासमा पनि समस्या थियो’ कोभिड अस्पतालका संयाेजक डा. उदय नारायण सिंहले वताए।

वीरगञ्ज हेल्थ केयर अस्पतालका अनुसार बुधबार राति साढे १० बजे उनलाई नारायणी अस्पतालबाट वीरगञ्ज हेल्थ केयर अस्पतालमा ल्याइएको थियो ।

आरडीटी पोजेटिभ देखिएपछि हेल्थ केयरमै स्वाब संकलन गरेर पीसीआर परीक्षणका लागि पठाइएको थियो । बिहीबार रिपोर्ट नआएपछि जनस्वास्थ्य कार्यालयसँग समन्वय गरेर गण्डक अस्पतालमा रेफर गरिएको अस्पतालका सञ्चालक डा अबुलहैस अन्सारीले बताए ।

गण्डक कोभिड अस्पतालमा ५४ जना संक्रमित उपचाररत छन् । जसमध्ये ४ जनालाई आईसीयूमा राखेर उपचार भइरहेको छ ।

शंकराचार्यद्वारमा सांसद यादवद्वारा राष्ट्रीय ध्वजसहितको फ्लेग टावर स्थापना

0
वीरगञ्ज । पर्सा क्षेत्र नम्बर १ का सांसद प्रदिप यादवले नेपालको प्रमुख प्रवेशद्वार वीरगञ्जको शंकराचार्य गेटको दक्षिण तर्फ मुख्य सडकमै स्थापना गरिएको नेपालको राष्ट्रीय ध्वज सहितको फ्लेग टावरको आज एक कार्यक्रमका बिच उद्घाटन गरेका छन ।
प्रतिनिधिसभा सदस्य सांसद यादवको संसदीय बिकास कोषबाट निर्माण गरिएको एक सय दस फिट उचाई भएको टावरमा स्थापना गरिएको ३० फिट लामो नेपालको राष्ट्रीय ध्वज सहितको फ्लेग टावरको सांसद यादवले उद्घाटन गरेका हुन ।
भारत-नेपाल जोडने मुख्य प्रवेशद्वारको रूपमा रहेको वीरगञ्जको शंकराचार्य गेट प्रवेश विन्दुमा आफनो देशको झण्डा स्थापना गरेर गर्वको अनुभुति भएको सांसद यादवले बताए । सांसद यादवले खुल्ला सिमाका कारण रक्साैल र वीरगञ्जलाई छुटयाउन नसकेर नेपाल प्रवेश गर्ने भारत तथा अन्य देशका नागरिक हरुलाई आफु नेपाल देशमा प्रवेश गरेको शुचकको रुपमा यस्ले मुख्य भुमिका निभाउने उनले बताए ।
उनले मधेश, मधेशी र अधिकारको लागी विगतमा भएको मधेश आन्दोलन लाई केहि तत्वहरुले जहिले पनी राष्ट्रीयतासंग जोडेर जनतामा शंका उत्पन्न गराउनेलाई यो राष्ट्रीय ध्वज निर्माण गरेर चुनौती दिए । भारत तथा अन्य तेस्रो मुलुक बाट आउने आगन्तुकहरु नेपाल प्रवेश गर्ने वितिकै फरफराई रहेको झण्डा हेर्ने वितिकै नेपाल प्रवेश गरेको अनुभुति गराउने उद्देश्यले यो राष्ट्रीय ध्वज सहितको फ्लेग टावरको उद्घाटन गरेपछि आफु गौरवान्वित महसूस गरेको उनकाे भनाई थियाे ।
सांसद यादवको संसदीय पुर्वाधार विकास कोषबाट १० लाख र आफनो तलब भताको रकम बाट ३ लाख ६२ हजार रूपैयाको सहयोगमा फ्लैग टावरको निर्माण गरिएको हो ।
तत्कालीन संघिय समाजवादी फोरम नेपालका पर्सा जिल्ला अध्यक्ष रामनरेश प्रसाद यादवको अध्यक्षतामा भएको कार्यक्रममा विशिष्ट अतिथि पर्साका प्रमुख जिल्ला अधिकारी विष्णु कार्की, जिल्ला समन्वय समितिका सभापति नेक महमद अंसारी, जिल्ला प्रहरी कार्यालय पर्साकी प्रमुख प्रहरी उपरीक्षक गंगा पंत, वीरगञ्ज महानगरपालिका वडा नम्बर १२ का वडाध्यक्ष रामदरश प्रसाद कुशवाहा, कार्यपालिका सदस्य सुशील साह कानु, महानगर अध्यक्ष ईश्वर चन्द्र यादव लगाएतको उपस्थिति रहेको थियाे भने कार्यक्रमको सहजीकरण जिल्ला सचिव तबरेज अहमदले गरेका थिए ।

वीरगन्जमा थप १ जना कोरोना संक्रमितको मृत्यु

0
death boday_kalikatimes
सांकेतिक तस्बिर

वीरगंज । वीरगन्जमा शुक्रबार थप एक जना कोरोना संक्रमितको मृत्यु भएको छ ।  वीरगन्ज महानगरपालिका वडा नं. ११ श्रीपुरकी ८५ वर्षीया महिलाको मृत्यु भएको हो ।

वीरगन्जको गण्डक अस्थायी कोबिड अस्पतालको आइशोलेनशमा भर्ना भएर उपचार गराइरहेकी ८५ वर्षीया महिलाको उपचारकाे क्रममा शुक्रबार बिहान मृत्य भएको अस्पतालका कोर्डिनेटर डा. उदयनारायण सिंहले जानकारी दिए ।

मुटुरोगी ती बृद्धाको स्वास्थ्यमा समस्या देखिएपछि ५ दिन पहिले वीरगञ्जकै एडभान्स हस्पिटलमा भर्ना गरिएको थियो ।

एडभान्स हस्पिटलमा उपचारका क्रममा कोरोनाको लक्षण देखिएपछि गत मङगलवार उनको स्वाब संकलन गरि परीक्षण गर्दा बुधबार राती कोरोना संक्रमण पुष्टि भएको थियो ।

संक्रमण पुष्टि भएपछि उनलार्इ बिहिबार कोभिड अस्पतालमा ल्याइएकोमा आइशोलेशनमै उपचारका क्रममा शुक्रबार बिहान मृत्यु भएको संयाेजक सिंहले वताए ।

वीरगञ्जमा शनिबारदेखि अनिश्चितकालका लागि निषेधाज्ञा

0

वीरगञ्ज । कोरोना संक्रमितको संख्या बढ्दै गएपछि वीरगञ्जमा अनिश्चितकालिन निषेधाज्ञा जारी गरिएको छ । संकट  व्यवस्थापन केन्द्र पर्साकाे शुक्रबार बसेकाे वैठककाे भोलि शनिबारदेखि अर्को आदेश नभएसम्मका लागि निषेधाज्ञा जारी गर्ने निर्णय गरेकाे हाे ।

संक्रमितको संख्या बढ्दै गएपछि वीरगञ्जमा निषेधाज्ञाको माग चौतर्फी रुपमा आइरहेको थियो । जिल्ला प्रशासन कार्यालयले शुक्रबार राजनीतिक दलसँग छलफल गरेपछि निषेधाज्ञा लगाउने निर्णयमा पुगेको हो ।

वीरगञ्ज महानगरपालिका क्षेत्रमा अत्यावश्यक स्वास्थ्य उपचार बाहेक अन्य काममा सर्वसाधरणलाई घर बाहिर निस्कन प्रतिवबन्ध लगाउने निर्णय भएको सहायक प्रमुख जिल्ला अधिकारी ललितकुमार बस्नेतले जानकारी दिए ।

निषेधाज्ञा लगाइएको समयमा मास टेस्टिङको काम पनि अघि बढाउने निर्णय भएको छ । सहायक प्रजिअ बस्नेतका अनुसार सुरुमा संक्रमितको सम्पर्कमा आएकाहरुको कन्ट्याक्ट ट्रेसिङ गरिनेछ । उनीहरुको पीसीआर परीक्षणपछि जोखिमपूर्ण स्थानमा चेकजाँच गर्ने निर्णय भएको छ ।

पीसीआर परीक्षण बढेपछि संक्रमितको संख्या बढ्दै जान सक्ने हुनाले क्वारेन्टिन, आइसोलेनसमा सबैलाई राखेर सम्भव नहुने निष्कर्ष बैठकले निकालेको छ । कन्ट्याक्ट ट्रेसिङमा परेका मानिसहरुको घरमा होम क्वारेन्टिन सम्बन्धी मापदण्ड पुग्छ भने घरमै बस्न दिने निर्णय समेत बैठकले गरेको छ । तर त्यसका लागि स्थानीय सुरक्षाकर्मी, स्वास्थ्यकर्मी र जनप्रतिनिधिको प्रत्यक्ष निगरानीमा रहनुपर्ने शर्त राखिएको छ ।

‘संक्रमित भेटिएको ठाउँमा सिल गर्ने, होम आइसोलेसनमा राख्ने । उद्योग प्रतिष्ठानलाई सिल गर्ने उनीहरुलाई त्यहीँ आइसोलेटेड गर्ने,’ उनले भने, ‘त्यसको निगरानी सुरक्षाकर्मी, स्वास्थ्यकर्मी, स्थानीय तह र जनप्रतिनिधिले गर्ने भन्ने निर्णय भएको छ ।’

मास टेस्टिङका क्रममा फेला परेका लक्षण नभएका संक्रमितलाई होम आइसोलेसनमा राख्ने, लक्षण देखिएकोलाई मात्रै अस्थायी कोभिड अस्पतालमा लैजाने र आईसीयू र भेन्टिलेटरको थप व्यवस्था गर्ने निर्णय पनि बैठकले गरेको बस्नेतले बताए ।

पर्सामा ५ थुनुवासहित थप ३२ जनामा काेराेना संक्रमण पुष्टि

0

वीरग‌ंज । पर्सामा थप ३२ जनामा कोरोना भाइरस (कोभिड-१९) को संक्रमण पुष्टि भएको छ । नारायणी अस्पतालको प्रयोगशालामा गरिएको पीसीआर परीक्षणमा ७ महिलासहित ३२ जनामा कोरोना संक्रमण पुष्टि भएको नारायणी अस्थाई काेराेना अस्पतालका संयाेजक डा. उदय नारायण सिंहले जनाए ।

उनका अनुसार संक्रमित हुनेमा ९ महिनाका बालकदेखि ६० वर्षकी बृद्ध महिला समेत रहेका छन् ।

संक्रमित हुनेमा छिपहरमाई गाउँपालिका– ३ बस्ने २३ बर्षिय पुरुष, बहुदरामाई नगरपालिका– ५ भौराटार बस्ने ३३ बर्षीय पुरुष, पकाहा मैनपुर गाउँपालिका– ३ सवैठवाका ५० र २७ बर्षीय पुरुष बाहेक अन्य सबै वीरगंज निवासी रहेकाे उनले जानकारी गराए ।

वडा प्रहरी कार्यलय श्रीपुर वीरगञ्जको थुनुवा कक्षमा रहेका ५ जना थुनुवा पनि संक्रमित भएको जिल्ला स्वास्थ्य कार्यालय पर्साका निरीक्षक जयमाेद ठाकुरले जानकारी दिए । उनका अनुसार संक्रमित हुनेमा २६ जना पर्साका, १ जना बाराका  र ५ जना भारतीयहरू रहेको छन् ।

यस अघि पनि १७ जनामा काेराेना संक्रमण फेला परेकाे थियाे । जस मध्ये एक जनाकाे मृत्यु पछि काेराेना रिपाेर्ट पाजेटिभ आएकाे थियाे ।

आकास्मिक बाहेकका सम्पूर्ण सेवाहरु बन्द गर्न चिकित्सक संघकाे आग्रह

0

वीरगंज । नेपाल चिकित्सक संघ  नारायणी अञ्चल शाखा वीरगंजले आकास्मिक बाहेककाे सम्पूर्ण सेवाहरु बन्द गर्न आग्रह गरेकाे छ ।

संघका सचिव डा. उदय नारायण सिंहले बिहिबार एक प्रेस विज्ञप्ती जारी गर्दै सम्पूर्ण अस्पताल, मेडिकल कलेज, नर्सिङ्ग हाेम, निजि क्लिनिक लगायत स्वास्थ्य सेवा प्रदायक संस्था र चिकित्सक तथा स्वास्थ्कर्मीहरुलाई शुक्रबार देखी अक्राे सुचना नभए सम्मकाे लागि आकास्मिक बाहेकाे सम्पूर्ण सेवा बन्द गर्न आग्रह गरेका हुन् ।

काेराेना महामारी समुदाय स्तरमा नै फैलिएकाेले आकास्मिक बाहेक सम्पूर्ण सेवा बन्द गर्नुकाे साथै काेराेना राेगकाे नियन्त्रणकाे लागि WHO ले निर्धारण गरेकाे गाइनलाई पूर्ण रुपमा पालना गरी मात्र आकास्मिक सेवाहरु प्रावह गर्न समेत संघले आग्रह गरेकाे छ ।

संघले जारी गरेकाे प्रेस विज्ञप्ती मार्फत काेराेना महामारी नियन्त्रणकाे लागि काेराेना परिक्षणकाे दायरा बढाउदै अबिलम्ब मास टेस्टिङ्ग, अन्य आवश्यक कदम चाल्नुकाे साथै यस क्षेत्रका विभिन्न स्वास्थ्य सेवा प्रदायक संस्थाहरुलाई अबिलम्ब प्रयाप्त मात्रामा सुरक्षा सामग्री उपलब्ध गराउन समेत सराेकारवाला निकायहरु संग जाेडदार माग गरेकाे छ ।

यसका साथै संघले काेराेना महामारीकाे बिषम परिस्थितिमा काेराेना राेगकाे प्रकाेपबाट अलिकति विचलित नभई धैर्यताका साथ सुरक्षा सर्तकता अपनाउदै महामारी नियन्त्रण तथा आम जनताकाे जिवन सुरक्षाका लागि समर्पित रहन सम्पूर्ण चिकित्सक तथा स्वास्थ्यकर्मीहरुलाई अपिल पनि गरेकाे छ ।

पर्सामा लक्षणसहितकाे संक्रमित थपिदै, अवस्था भयावह बन्दै

0
वीरगंज । पर्सामा लक्षणसहितकाे काेराेना संक्रमण फेला पर्न थालेपछि अवस्था भयावह हुदै गएकाे छ ।
केही समय यता पर्साकाे समुदाय, स्वास्थ्यकर्मी, चिकित्सक र अस्पतालमा उपचारत बिरामीहरुमा समेत काेराेना संक्रमण फेला पर्न थालेपछि अवस्था भयावह बन्दै गएकाे नारायणी अस्थाई काेभिड अस्पताल गण्डकका संयाेजक डा. उदयनारायण सिंहले वताए ।
उनले भने “बुधबार राति मात्र १७ जनामा काेराेना संक्रमण फेला परेकाे छ, जस मध्ये एककाे मृत्यु समेत भइसकेकाे छ । अधिकांश संक्रमितहरु स्वास्थ्यकर्मी, चिकित्सक र विभिन्न निजि अस्पतालमा उपचारत बिरामीहरु रहेकाेले अवस्था भयावह बन्दै गएकाे हाे ।”
पर्सा जिल्लामा हिजाे राति मात्र थप १७ जनामा काेराेना पाेजेटिभ पुष्टि हुनु दुखद खवर भएकाे पर्साका सहायक प्रमुख जिल्ला अधिकारी ललित कुमार बस्नेतले वताए ।
संक्रमण फेला परेका अधिकांश travel History विनाकाे र कतिपय लक्षणसहितका संक्रमित समेत देखिएकाेले निकै गम्भिर बन्नुपर्ने अवस्था सृजना भएकाे उनले आफ्नाे समाजिक संजाल फेसबुक एक पाेष्ट लेख्दै जनाएका छन् ।
वास्तवमा देशभरी काेराेना संक्रमण घटेकाे हाेइन, परीक्षणकाे दायरा घटेकाेले संक्रमितकाे संख्या घटेकाे जस्ताे देखिएकाे मात्र हाे ।
paid test शुरू नगरूञ्जेल पर्सामा पनि संक्रमित सबै निकाे हुँदै २ जना मात्र बाँकी रहेकाे अवस्था थियाे तर पर्सामा paid test सँगै विभिन्न व्यक्तिहरूले स्वेच्छाले जाँच गर्न थालेपछि ( Random Test जस्तै हुन थालेकाे ) काेराेना संक्रमित ठूलाे संख्यामा देखापर्दै जानुले यसकाे पुष्टि गरीरहेकाे उनकाे भनाई छ ।
यस्ताे विषम अवस्था विद्यमान रहेकै अवस्थामा लकडाउनकाे अन्त्यसँगै सबैतिर भिडभाड हुनुले ठूलाे खतरा निम्त्याइरहेकाे छ ।
हामीहरू अहिले पनि काेराेना संक्रमणकाे उच्च जाेखिममै छाैं । तसर्थ भिडभाडमा नजाअाैं, स्वास्थ्य र सुरक्षाका सबै शर्त र मापदण्डहरूकाे अनिवार्य रूपमा पालना गर्न आग्रह समेत अधिकारी बस्नेतले गरेका छन् ।
फेसबुक पाेष्ट मै उनले पुनः कठाेर कदम चाल्नुपर्ने अवस्था देखियो लेख्दै लकडाउन हुन सक्ने समेत समेत दिएका छन् ।