Date
आइत, मंसिर ६, २०८३
Sun, November 22, 2026
Home Blog Page 952

“एक घर एक परिक्षण” अन्तर्गत श्रीसियामा २ सय ३० जनाकाे स्वाब संकलन

0

वीरग‌ंज । वीरगंज महानगरपालिकाकाे वडा नं. २५ ड्राइपाेर्ट श्रीसियामा आज २ सय ३० जनाकाे स्वाब संकलन गरिएकाे छ ।

महानगरले सुरु गरेकाे “एक घर एक परिक्षण” अभियान अन्तर्गत काेराेना परिक्षणकाे लागि श्रीसियामा बुधबार २ सय ३० जनाकाे स्वाब संकलन गरिएकाे नगर प्रमुखका राजनितिक सल्लाहकार मुकेश द्विवेदीले वताए ।

वडाध्यक्ष बीसराज राउत कुर्मीको विशेष उपस्थितिमा महानगरद्वारा खटिएको टोलिले पिसिआर बिधिबाट काेराेना परिक्षणकाे लागि स्वाब संकलन गरेकाे उनले जानकारी गराए ।

स्वाब संकलन कार्यमा स्थानिय सन्जय पटेल लगायतका युवाहरु स्वयंसेवककाे रूपमा सहयोग गरेका थिए ।

यस अघि “एक घर एक परिक्षण” अभियानकाे स्वाब संकलनकाे सुभारम्भ आइतबार वीरगंज महानगरकाे वडा नं. ९ स्थित रेल्वे माध्यमिक विध्यालयबाट गरिएकाे थियाे । साे दिन काेराेना परिक्षणकाे लागि एक सय १३ जनाकाे स्वाब संकलन गरिएकाे थियाे ।

एसिड आक्रमणबाट घाईते भएकी पवित्रलाई हिन्दु परिषदको आर्थिक सहयोग

0

वीरगंज । एसिड आक्रमणबाट घाईते भएकी काठमाण्डौ सीतापाईलामा बस्ने ओखलढुंगा स्थायी ठेगाना भएकी २२ बर्षिय पवित्रा कार्कीलाई विश्व हिन्दु परिषद नेपालले आर्थिक सहयोग गरेको छ ।

कृतिपुर स्थित रहेको बोर्न अस्पतालमै पुगेका परिषदका महामन्त्री जितेन्द्र सिंह सहितको टोलीले कार्कीलाई नगद ५१ हजार रुपैया आर्थिक सहयोग उपलब्ध गराई शिघ्र स्वास्थ्य लाभको कामना गरेका थिए ।

परिषदका महामन्त्री सिंह सहित परिषद सचिव (मन्त्री) प्रल्हाद रेग्मी, सदस्य बाबु सरण सुवेदी, परिषदका काठमाण्डौ महानगर जितेन्द्र तुलाधर, मातृशक्ति काठमाण्डौ जिल्लाका अध्यक्ष सोनी अधिकारी लगायतको सहभागिता रहेको थियो ।

एसिड आक्रमण गर्ने रौतहट लक्ष्मीपुर ४ घर भई काठमाण्डौ डल्लु बस्दै आएका ४७ बर्षिय मोहम्मद आलम सहितका दोषीलाई कडा कारवाही गर्नुपर्ने माँग समेत परिषदले सम्बन्धीत निकाय संग गरेको छ ।

महामन्त्री सिंहले भने, प्रेम प्रस्ताव अस्वीकार गरेको निहुँमा एसिड प्रहार गर्नु अमानवीय घटना भएकोले यसमा संलग्न अपराधीलाई कडा भन्दा कडा कारवाही तथा पिडितलाई उचित क्षतिपुर्ती राज्यले दिनुपर्छ ।

लव जिहादको नाममा नेपाली चेलीहरुमाथि मोहम्मद आलम जस्ता मानवरुपी दानवहरुको कुदृष्टि रहेकोले सम्पूर्ण नेपाली दाजुभाई तथा दिदीबहिनीहरुलाई यिनिहरुबाट सजग र सावधान रहन आग्रह समेत उनले गरे ।

बिहिबार साँझ डेराबाट दही किन्न निस्केकी कार्की माथि आलम र उनका सहयोगि भारती नागरिक मुन्ना मोहमदले एसिड प्रहार गरी घाईते बनाएको थियो । हाल दुवै आरोपी पक्राउ परीसकेका छन ।

वीरगञ्जबाट लागूऔषधसहित एकजना पक्राउ

0

वीरगंज । पर्सा प्रहरीले लागूऔषधसहित एकजनालाई पक्राउ गरेको छ । पक्राउ पर्नेमा बाराको बिश्रामपुर-५ इटियाहीका १९ वर्षीय शेख अजाद रहेका छन् ।

जिल्ला प्रहरी कार्यालय पर्साबाट खटिएको प्रहरीको गस्ती टोलीले उनलाई मंगलबार वीरगञ्ज महानगरपालिका वडा नम्बर १२ गण्डक चोकबाट नियन्त्रणमा लिएको हो ।

उनको साथबाट २/२ सय थान नुर्फिन, फेनारगन र डाइजेपाम बरामद भएको र उनीमाथि थप अनुसन्धान भइरहेको प्रहरीले जनाएको छ ।

वीरगंजमा थप एक काेराेना संक्रमितकाे मृत्यु

0

वीरगञ्ज । वीरगञ्जमा थप एक कोरोना सङ्क्रमितको मृत्यु भएको छ । गण्डक कोभिड अस्थायी अस्पतालमा उपचाररत एक पुरुषको कोरोना सङ्क्रमणबाट मृत्यु भएको हो ।

पछिल्लो ६ दिनदेखि गण्डक अस्पतालको आइसोलेसनमा उपचार गराइरहेका ६८ वर्षीय पुरुषको बुधबार उपचारको क्रममा बिहान पौने ११ बजे तिर मृत्यु भएको अस्पतालका संयाेजक डा. उदय नारायण सिंहले बताए ।

मृतक पुरुष वीरगञ्ज महानगरपालिका वडा नं. ५ रेशकोठी निवासी रहेको संयाेजक डा. सिंहले जानकारी दिए । उनी मुटु राेगी पनि  थिए ।

उनको शव व्यवस्थापनको लागि नेपाली सेनालाई जिम्मा लगाइएको अस्पताले जनाएको छ । पर्सामा हालसम्म एक भारतीय सहित ७ जना कोरोना संक्रमितको मृत्यु भइसकेको छ ।

पाेखरिया नपाकाे याेजना तर्जुमा एवं कार्यालय व्यवस्थापना बारे ध्यानाकर्षण

0

वीरगंज । पाेखरिया नगरपालिकाकी उपप्रमुख सलमा खातुनले नगरपालिकाकाे याेजना तर्जुमा एवं कार्यालय व्यवस्थापन बारे  नगर प्रमुख राैनियारकाे ध्यानाकर्षण गराएकी छन् । उप प्रमुख खातुनले बुधबार नगरप्रमुख दिपनारायण रौनियारलाई विभिन्न माग राख्दै ध्यानाकर्षण पत्र बुझाएकी हुन् ।

ध्यानाकर्षण पत्रमा उपप्रमुख खातुनले नगरप्रमुख रौनियार र कार्यालय प्रशासनले नगरवासीको गुनासोलाई गम्भिरतापुर्वक नलिएको आरोप लगाएकी छन् । खातुनले नगरपालिकाको काम कारवाहीको विषयमा आफु सधै तत्पर रहँदै आएपनि नगर प्रमुख राैनियारले कुनै चासाे नदेखाएकाे आराेप लगाएकी छन् ।

उनले चालु आर्थिक वर्षकालागि योजना तर्जुमा गर्न विभिन्न समितिहरुको बैठक बोलाउन विगत एक महिनादेखि ताकेता गर्दा पनि मेयर रौनियारले आनाकानी गरेको बताएकी छन् । त्यसैरी कार्यालयको सेवा प्रवाहमा समेत मेयर चुक्दै आएको उपप्रमुख खातुनको आरोप छ ।

मेयर रौनियारलाई बुझाएको ध्यानाकर्षण पत्र मार्फत उपमेयर खातुनले समुदाय स्तरमा कोरोना फैलिदाँ समेत नगरपालिकाको विपद् व्यवस्थापन समितिको बैठक किन नबोलाएको भन्दै प्रश्न गरेकी छिन् । उपप्रमुख खातुनले मेयर रौनियारको कमजोरीका कारण नगरको वडाहरुमा कोरोना सङ्क्रमणको अवस्था पता लगाउन पिसिआर परिक्षण समेत सुरु हुननसकेको र फ्रन्टलाइनमा खटिने स्वास्थ्यकर्मीको जोखिम भत्ता व्यवस्थापनमा समेत ढिलाई भएको बताएकी छन् ।

यस्तै, विद्यालयका बालिकाहरुको लागि नगरपालिकाले प्याड खरिद गरेको तर बाँड्न कुनै योजना नबनाएर थन्काइएको उपमेयर खातुनकाे भनाई छ ।

विगत ४ महिनादेखि नगरका विद्यालयमा पठन-पाठन बन्द रहे पनि वैकल्पिक शिक्षाका लागि नगरस्तबाट हुने पहलमा मेयर रौनियारले छलफलका लागि बैठक समेत नबोलाएको पत्रमा उल्लेख छ ।

उप प्रमुख खातुनले उल्लेखित मागहरुलाई छिटो भन्दा छिटो सम्बोधन नगरीए आफु आन्दोलनमा उत्रिने चेतावनी समेत दिएकी छन् ।

पाेखरिया नगरपालिकामा हरित अभियान अन्तर्गत वृक्षाराेपण सुरु

0

पाेखरिया । पर्साकाे पाेखरिया नगरपालिकामा प्रदेश हरित अभियान कार्यक्रम अन्तर्गत वृक्षाराेपण सुरु गरिएकाे छ । प्रदेश सरकार र डिभिजन बन कार्यालय पर्साकाे सहयाेगमा पोखरिया नगरपालिकाले आज देखी वृक्षाराेपण सुरु गरेकाे हाे ।

नगरपालिकाकाे वडा नं. ९ सेमरबारी बार्वाबाट सुरु गरिएकाे हरित अभियान कार्यक्रम अन्तर्गत ४ सय विरुवा राेपिने मेयर दिपनारायण राैनियारले वताए । नगरपालिकाकाे वडा नं. ४, ५, ७ र ९ मा १००/१०० वटा विरुवा राेपिने उनले जानकारी गराए ।

सेमरवारी बार्वाकाे चाैकमा आज एक कार्यक्रमकाे बिच ४५ वटा विरुवा राेपिएकाे मेयर राैनियारका स्वकिय सचिव राजु राैनियारले वताए ।

उनका अनुसार वृक्षाराेपणकाे लागि प्रदेश सरकार र डिभिजन वन कार्यालयले विरुवा र टिगार्ड उपलब्ध गराएकाे छ । नगरपालिकाले टिगार्डकाे रंग राेहण गरी वृक्षाराेपण गर्नुकाे साथै त्यसकाे हेरचाह गर्ने छ ।

वृक्षा राेपण कार्यक्रममा जिल्ला समन्वय समिति पर्साका संयाेजक नेकमहमद अन्सारी, नगरपालिका मेयर रौनियार, उप-मेयर सालमा खातुन, जनता समाजवादी पार्टीका नेता नेजामुदिन सम्मानी, सलाउदिन अहमत, वडा नं. ९ का वडाध्यक्ष रामबाबु प्रसाद चाैहान, वडा नं. १० का वडाध्यक्ष साेनालाल साह कानु, कार्यपालिका सदस्य नरेन्द्र साह कानु लगायतकाे उपस्थिती रहेकाे थियाे ।

पर्सामा ६ कैदीसहित थप ३४ जनामा काेराेना संक्रमण पुष्टि

0

वीरगंज । पर्सामा ६ कैदीसहित थप ३४ जनामा काेराेना संक्रमण पुष्टि भएकाे छ । वीरगञ्जस्थित नारायणी अस्पतालको प्रयोगशालमा गरिएको परीक्षणमा नेपाली सेना, नेपाल प्रहरी, चिकित्सक र कैदीबन्दीसहित ३४ जनामा कोरोना संक्रमण पुष्टि भएको अस्पतालका डा. उदय नारायण सिंहले जानकारी दिए ।

उनका अनुसार संक्रमित हुनेहरुमा २ वर्षकी बालिका देखि ६५ वर्षका पुरुष रहेका छन् । यसमध्ये ५ जना बालबालिका र २४ जना पुरुषहरु छन् ।

कोरोना संक्रमित पुष्टि हुनेमा नेपाली सेना एक जना, नेपाल प्रहरी २ जना,  वीरगन्ज कारागरका २ जना कर्मचारी, ६ जना कैदीबन्दी रहेको डा. सिंहले बताए ।

त्यसैगरी काेराेना संक्रमण फेला परेका नारायणी अस्पतालका डाक्टर एक जना, वीरगन्ज महानगरपालिका वडा नम्बर ११ श्रीपुरका १ जना, वडा नम्बर १५ भिस्वाका ८ जना, वडा नम्बर १० का २ जना, वडा नम्बर ३२ का १ जना, वडा नम्बर ५ का ३ जना, वडा नम्बर २५ का ३ जना, वडा नम्बर ९ र १२ का १/१ जना रहेका छन् ।

पर्सा जिल्ला हरैया वडा नम्बर १ का ४० वर्षकी एक महिला रहेको डाक्टर सिंहले जानकारी दिए । साउन ८ गते देखि १२ गते सम्मका स्वाब संकलन गरि परीक्षण गर्दा ३४ जनामा संक्रमण पुष्टि भएको नारायणी अस्पतालका डा. सिंहले जानकारी दिए ।

प्रदेश २ : पर्साका ११ सहित ७६ स्थानीय तहले अझै ल्याएनन् बजेट

0

वीरगंज । प्रदेश २ का १ सय ३६ स्थानीय तहमध्ये आधा भन्दा बढी ७६ स्थानीय तहले हालसम्म आ.व. २०७७/०७८ काे बजेट ल्याउन सकेका छैनन् ।

सङ्घीय मामिला तथा सामान्य प्रशासन मन्त्रालयको मङ्गलबार बिहानसम्मको अध्यावधिक तथ्याङ्कअनुसार देशभर पाँच सय ६० वटा पालिकाले मात्र बजेट पेस गरेका छन् भने प्रदेश २ मा भने जम्मा ६० स्थानीय तहले बजेट ल्याएका छन् ।

संवैधानिक व्यवस्थाअनुसार पालिकाले असार १० गते भित्र नै बजेट ल्याउनुपर्ने प्रावधान छ ।

पालिकामा वर्षभर हुने चालु खर्च, पुँजीगत खर्च, वित्तीय व्यवस्थापन, राजस्व तथा सरकारले दिने आम्दानीका स्रोतसहितको बजेट ल्याउनुपर्छ ।

पर्साको १४ स्थानीय तहमध्ये ११ वटा पालिकाले अझै बजेट नल्याएको संघीय मामिला तथा सामान्य प्रशासन मन्त्रालयको तथ्यांकमा देखिएको छ ।

पर्साको बीरगञ्ज महानगरपालिका, पोखरिया नगरपालिका, छिपहरमाई गाउँपालिका, जगरनाथपुर गाउँपालिका, धोबीनी गाउँपालिका, पकाहा मैनपुर गाउँपालिका, बिन्दबासिनी गाउँपालिका, सखुवा प्रसौनी गाउँपालिका, ठोरी गाउँपालिका, कालिकामाई गाउँपालिका, जिराभवानी गाउँपालिका हालसम्म बजेट ल्याउन सकेका छैनन् ।

बाराका १६ स्थानीय तहमध्ये ९ वटा पालिकाले अझै बजेट नल्याएको संघीय मामिला तथा सामान्य प्रशासन मन्त्रालयको तथ्यांकमा देखिएको छ ।

बाराको जितपुरसिमरा उपमहानगरपालिका, कोल्हवी नगरपालिका, महागढीमाई नगरपालिका, सिम्रौनगढ नगरपालिका, आदर्श कोतवाल गाउँपालिका, परवानीपुर गाउँपालिका, फेटा गाउँपालिका, बारागढी गाउँपालिका, विश्रामपुर गाउँपालिकाले पनि बजेट अझै बजेट ल्याउन नसकेका हुन ।

सङ्घीय मामिला तथा सामान्य प्रशासन मन्त्रालयका अनुसार प्रदेश २ का बजेट नल्याउनेपालिकाको विवरण यस्तो छ  ।

रौतहटको गरुडा नगरपालिका, राजदेवी नगरपालिका, ईशनाथ नगरपालिका, कटहरीया नगरपालिका, दुर्गाभगवती गाउँपालिका, देवाहीगोनाही नगरपालिका, परोहा नगरपालिका, फतुवा विजयपुर नगरपालिका, बौधीमाई नगरपालिका, माधवनारायण नगरपालिका, मौलापुर नगरपालिका, राजपुर नगरपालिका, वृन्दावन नगरपालिका, यमुनामाई गाउँपालिका ।

सर्लाहीको ईश्वरपुर नगरपालिका, बलरा नगरपालिका, वाग्मती नगरपालिका, धनकौल गाउँपालिका, ब्रह्मपुरी गाउँपालिका, रामनगर गाउँपालिका, पर्सा गाउँपालिका ।

महोत्तरीको जलेश्वर नगरपालिका, औरही नगरपालिका, पिपरा गाउँपालिका, महोत्तरी गाउँपालिका, रामगोपालपुर नगरपालिका, साम्सी गाउँपालिका ।

धनुषाको जनकपुर उपमहानगरपालिका, गणेशमान–चारनाथ नगरपालिका, धनुषाधाम नगरपालिका, विदेह नगरपालिका, सबैला नगरपालिका, शहिदनगर नगरपालिका, औरही गाउँपालिका, कमला नगरपालिका, मिथिलाविहारी नगरपालिका, मुखियापट्टि मुसहरमिया गाउँपालिका, हंसपुर नगरपालिका, धनौजी गाउँपालिका ।

सिरहाको कल्याणपुर नगरपालिका, धनगढीमाई नगरपालिका, सिरहा नगरपालिका, सुखीपुर नगरपालिका, अर्नमा गाउँपालिका, औरही गाउँपालिका, कर्जन्हा नगरपालिका, नवराजपुर गाउँपालिका,बरियारपट्टी गाउँपालिका, भगवानपुर गाउँपालिका, लक्ष्मीपुर पतारी गाउँपालिका ।

सप्तरीको बोदेबरसाईन नगरपालिका, छिन्नमस्ता गाउँपालिका, तिलाठी कोइलाडी गाउँपालिका, राजगढ गाउँपालिका, महादेवा गाउँपालिका, सप्तकोशी नगरपालिका ।

काेराेना संकटमा सिडिओ सावलाई जनताकाे प्रशन ?

0
-छाेटेलाल साह
जिल्ला संकट व्यवस्थापन केन्द्र पर्साको संयोजकको हैसियतले प्रमुख जिल्ला अधिकारी बिष्णु कुमार कार्कीले कोभिड विरुद्धको अभियानमा के गर्नु भयो त ? एउटा सर्वदलिय बैठकमा कोभिडमा मेयरले अधिकार क्षेत्र बाहिर गएर जिम्मेवारी लिएको कारण वीरगंजमा कोरोनाको संक्रमण र त्रास फैलिएको भन्ने अभिव्यक्ति दिने सिडिओ सावले आफूले पाएको जिम्मेवारी अन्तरगत के काम गर्नु भयो ? जनतालाई सार्वजनिक गर्नु पर्दैन ? अरुको शुसासनको कुरा उठाउने जिम्मेवार अधिकारीले आफू जवाफदेही वन्नु पर्छ की पर्दैन ?
सिडिओ सावले ठाकुरराम क्याम्पसमा क्वारेन्टिनको जिम्मेवारी लिनु भयो तर त्यहाँ रहेका मानिसहरुको खाना र खाजाको व्यवस्था ग्रिनसिटी सामुदायिक संस्थाले चन्दा उठाएर गर्यो । त्यस वाहेक वीरगंजका जनताले अनूभूति हुने गरी के काम गर्नु भयो सिडिओ साव जनताले जान्न चाहन्छन । तपाईको कार्य विवरण सार्वजनिक गर्न आग्रह गर्दछु ।
लकडाउनमा वीरगंज वाहिर जाने व्यक्तिहरुलाई कसरी सवारी पास वितरण गरियो तपाईलाई थाहानै छ होला । पहुँच भएकाहरुलाई मात्र पास पाउने व्यवस्था कसरी सृजना भयो ? संघीय सरकारकाे अधिकार लिएर तपाई कति दिन कोभिडको काममा फिल्डमा अनुगमन र जनताको अवस्था वुझ्न निस्कनु भयो ? तपाईको जिम्मेवारीमा रहेको क्वारेन्टाइन, आइसोलेशन र कोभिड अस्पतालको लागि तपाईले कति योगदान पुर्याउनु भयो ? सीमापारीबाट भारतीय मजदुर र कामदारहरुलाई पैसा खाएर छोडने सिमा सुरक्षामा खटिएका सशस्त्र प्रहरीलाई कसले निर्देशन दिन्छ र परिचालन गर्छ होला सिडिओ साव ?
आज खुला सिमानाकाबाट आएका भारतीय कामदार र व्यापारीको कारण वीरगंज कोरोनाको उच्च जोखिममा छ यसको समिक्षा हुनु पर्छ की पदैन ? एउटा महत्वपूर्ण काम तपाईबाट भयो नारायणी अस्पताललाई कोभिड अस्पताल वनाएर त्यहाँका विरामी नेशनल मेडिकल अस्पतालमा उपचार गराउन सहयोगीको भूमिका निर्वाह गर्नुभयो । नेशनल मेडिकल कलेजमा मृगौलाका ७ जना विरामीको मृत्यु भएको समाचार समेत यहाँले सुन्नु भयो होला तर छानविन भयो त सिडियो साव ?
नेशनल मेडिकल कलेजमा सुत्केरी गराउने महिलाबाट समेत पैसा असुलेको उजुरी जिल्ला प्रशासन कार्यालयमा समेत परेको थियो आज सम्म के भयो सिडिओ साव ? नारायणीलाई कोभिड अस्पताल वनाईएकोमा स्थानीय स्तरमा विरोधका स्वरहरु उठन थाल्यो । संघीय र प्रदेश सरकारले कोभिड अस्पताल वनाउन नसकेपछि वाध्यकारी अवस्थामा वीरगंज महानगरपालिकाले कोभिड संक्रमितहरुको उपचारको लागि निजी अस्पतालसँग सम्झौता गर्न पुग्यो ।
आफ्नो अधिकार क्षेत्र भित्र नभएपनि महानगरपालिकाले डाक्टर, स्वास्थ्यकर्मी, सुरक्षाकर्मी र सरसफाईकर्मीको लागि क्वारेन्टाइन व्यवस्था गर्यो । क्वारेन्टाइन र अस्पतालमा उपचारार्थ रहेका संक्रमित र संभावित संक्रमितहरुको लागि खाना र खाजाको व्यवस्था महानगरपालिकाले गर्यो । आज गण्डक कोभिड अस्पताल भएको कारण नारायणीबाट सर्वसाधारणले सहज रुपमा उपचार पाए । किड्नीको डायलिसिस सेवा नपाएको भए अरु कति जनाले अकालमा ज्यान गुमाउने थिए होलान् त्यस तर्फ यहाँले सोचनु भएकै होला ।
संकटमा सर्वसाधारणलाई उपचारको नाउँमा लुट मच्चाई रहेको नेशनल मेडिकल कलेजबाट विरामी नारायणी अस्पतालमा आउन थालेपछि उसको व्यापार घट्दा धेरैलाई टाउको दुखाई भएको होला भन्ने अनुमान लगाउन सकिन्छ । गण्डक अस्पतालले तीन महिना पछि म्याद थप गर्न नसक्ने आशयको पत्र पठाएको सन्दर्भमा सर्वदलिय वैठकमा कुरा उठदा म्याद थप नभए गण्डक अस्पताल स्थानीय प्रशासनले कव्जा गर्छ भन्ने धारणा व्यक्त गर्ने सहायक प्रमुख जिल्ला अधिकारी ज्यू नेशनल मेडिकल कलेजलाई यो संकटको घडिमा कब्जा गरेर नागरिकको जिवन रक्षा गरिदिनु न विन्ती छ हजुरलाई ।
सायद प्रधानमन्त्री निकट मानिने नेशनल मेडिकल कलेजका संचालकहरुको आम्दानी सुक्ने गरी गण्डकलाई कोभिड वनाएर नारायणी अस्पताललाई सर्वसाधारण जनताले उपचार पाउने व्यवस्था मिलाएको कारण वीरगंज महानगरपालिकाले यहाँ जनताको जिवन रक्षाको लागि खेलेको भूमिकालाई निस्तेज पार्न मताहातको मन्त्रालय र प्रधानमन्त्री कार्यालय सम्म गलत सूचना दिने काम समेत गरेको कुरा सर्वदलिय बैठकमा सार्वजनीक समेत भएको कुरा वाहिर आएको छ नी ?
कोभिडको काममा खर्च भएको रकम संघीय सरकारले उपलब्ध गराउँछ भनेर महानगरपालिकालाई शुरुको दिनमा हौसला दिने संघीय सरकारका मन्त्रीहरु र सचिवहरुलाई फोन गरेर वीरगंज महानगरपालिकालाई पैसा दिनु हुदैन भनेर वकालत कसले गरेको होला सिडियो साव मन्त्रालयमा त्यसमा पनि यहाँ जानकार नै हुनुहुन्छ होला ?
अरुलाई औला देखाउदा आफू तिर पनि औलाले गिज्याउछ भन्ने हेक्का सवैलाई होस । कोभिडको कारण जोखिममा परेका जनतालाई वचाउने तर्फ तपाईको भूमिका सकरात्मक होस सिडिओ साव तपाई पर्साबाट रिटायर भएर जादा यहाँका जनताले सदैव स्मरण गरिराख्ने काम गरिदिनु होला । विन्ती छ । किन भने अधिकारको पोको तपाईले वाँधेर राख्नु भएको छ त्यही भएर तपाईलाई विन्ती विसाएको हुँ ।

तिलावे नदीमा काेराेना संक्रमित मृतककाे शव गाडेकाे विरुद्धमा प्रदर्शन

0

वीरगंज । काेराेना संक्रमणबाट मृत्यु भएकाकाे शव तिलावे नदि किनारमा गाडेकाे विरुद्धमा मंगलबार सांझ प्रदर्शन भएकाे छ ।

वीरगंज महानगरपालिकाकाे वडा नं. १७ अलाैं वासीहरुले तिलावे पुल नजिक नदि किनारमा शव गाडेकाे विरुद्धमा टायर बालेर प्रदर्शन गरेका छन् । प्रदर्शनमा उत्रेका स्थानियवासीहरुले तिलावे नदीमा शव गाडन पाइदैन, काेराेना सार्न पाइदैन लगयातका नारा लगाउदै विराेध प्रदर्शन गरेका हुन् ।

अलाैंस्थित सशस्त्र प्रहरी बेस क्याम्प नजिक मुख्य सडकमा प्रदर्शनमा उत्रेकाहरुले जिल्ला विपद व्यवस्थापन समितिका संयाेजक प्रमुख जिल्ला अधिकारी, नेकपा, नेपाली कांग्रेस र जनता समाजवादीका जिल्ला अध्यक्षहरु विरुद्ध समेत चक्राे नारा लगाएका थिए ।

तिलावे पुल नजिक नदि किनारमा साेमबार आधी रातमा जेसिबीले खनेर काेराेना संक्रमणबाट मृत्यु भएकाकाे शव गाडेकाेले यस क्षेत्रमा काेराेना सर्न सक्ने भन्दै स्थानियहरु विराेधमा उत्रेकाे वताए । बस्ती नजिक रहेकाे नदी किनारमा शव गाड्दा नदीमा आउने बाढीले शव वगाउदा काेराेना सर्न सक्ने उनीहरुकाे भनाई छ ।

साेही ठाउँमा केही दिन पहिला मात्र काेराेना संक्रमणबाट नै मृत्यु भएकाकाे शव जलाएर व्यवस्थापन गर्दा कुनै विराेध भएकाे थिएन । तर त्यही ठाउँमा शव गाडेर व्यवस्थापन गर्दा विराेध भएकाे हाे ।

यस अघि त्यही शवलाई वीरगंज महानगपालिका कै वडा नं. ३१, मिलन चाैकस्थित साेमबार सांझ शव गाडन खाेज्दा विराेध भएकाे पछि शव व्यवस्थापन हुन सकेकाे थिएन । शव गाडनकाे लागि जेसिबी पुगि सक्दा समेत विराेधका कारण शव व्यवस्थापन प्रभावित भएकाे थियाे ।

शव जलाएर व्यवस्थापन गर्दा समस्या नदेखिए पनि गाडेर व्यवस्थापन गर्दा समस्या देखिएकाे हाे ।