Date
शनि, मंसिर ५, २०८३
Sat, November 21, 2026
Home Blog Page 949

मिलनचाैकमा शव गाड्ने बिषयमा तनाव, प्रहरीद्वारा हवाई फायर

0

वीरगंज । वीरगंज महानगरपालिकाकाे वडा नं. ३१, मिलनचाैकमा काेराेना संक्रमितकाे शव गाड्ने बिषयमा तनाव भएकाे छ ।

काेराेना संक्रमितकाे शव गाड्ने कार्यमा स्थानियहरु अवराेध गरेपछि तनाव भएकाे हाे । सयाैंकाे संख्यामा मिलनचाैकमा जम्मा भएका स्थानियहरु आफ्नाे क्षेत्रमा शव गाड्न नहुने अडान लएका छन् ।

प्रहरीले स्थानियहरुलाई सम्झाउदा बुझाउदा पनि नमानेपछि ठूलाे संख्या जम्मा भएकाे भिड हटाउन प्रहरीले आश्रु ग्यास र हवाई फायर समेत गरेकाे छ । प्रहरीले ६ राउन्ड आश्रु ग्यास र ४ पटक हवाई फायर गरेे पनि स्थानियहरु पछाडी हटेका छैफी नन् ।

प्रहरी आश्रु ग्यास र हवाई फायर गरेपछि बिराेधमा उत्रेका स्थानियहरु ढुंगामुडा समेत गरेका छन् । स्थिति तनावपूर्ण रहेकाे स्थानिय युवा प्रकाश कुमारले वताए ।

नेपाल प्रहरी र सशस्त्र प्रहरीकाे बाक्लाे उपस्थिती रहेकाे छ भने नेपाली सेना मिलनचाैकमा देखिएकाे छैन् ।

काेराेना संक्रमणबाट मृत्यु भएकाकाे शव गाड्नकाे लागि दुईटा जेसिभि समेत मिलनचाैक पुगेकाे छ । काेराेना संक्रमितकाे शव व्यव्थापनकाे लागि मिलनचाैक पुगेकाे नेपाल प्रहरी, सशस्त्र प्रहरीसहित जेसिभि देख्नै वित्कै स्थानियहरु बिराेधमा उत्रेका थिए ।

यस अघि पनि साउन १२ गते मिलनचाैकबासीकाे अवराेधका कारण शव व्यवस्थापनमा समस्या आएकाे थियाे ।

वीरगञ्जमा कोरोना नियन्त्रणकाे लागि सांसद यादवले लेखे प्रधानमन्त्रीलाई पत्र

0
वीरगञ्ज । पर्सा निर्वाचन क्षेत्र नं. १ का प्रतिनि धिसभा सदस्य (सांसद) प्रदीप यादवले वीरगञ्जमा कोरोना नियन्त्रणका लागि संघीय सरकारसँग सहयोग मागेका छन् ।
सांसद यादवले वीरगञ्जमा कोरोना नियन्त्रण तथा रोकथामका लागि बिहिबार प्रधानमन्त्री केपी शर्मा ओलीलाई पत्र लेख्दै संघीय सरकारसँग सहयोग माग गरेका हुन् । उनले प्रधानमन्त्रीसँग वीरगञ्जमा ५ सय शैयाको कोभिड अस्पताल स्थापन गर्न माग गरेका छन् ।
सांसद् यादवले शुक्रबार प्रधानमन्त्री ओलीलाई लेखेको पत्रमा पर्सा, बारा र रौतहट जिल्लाका कोरोना सङ्क्रमितहरुको व्यवस्थापनका निमित्त वीरगञ्जमा ५ सय शैयाको कोभिड अस्पताल स्थापना गर्न माग गरेका हुन् ।
‘वीरगञ्जमा कोरोनाका सङ्क्रमितको सङ्ख्या बढ्दै गएको र यहाँको एक मात्र ५० सैयाको नारायणी अस्थायि कोभिड अस्पतालमा ठाउँ भरिएर थप सङ्ख्यामा संक्रमित थप्ने अब ठाउँ छैन । वीरगञ्जमामा चिकित्सा क्षेत्रबाट ३० भन्दा बढी संक्रमित भएका कारण यहाँका डाक्टर र स्वास्थ्यकर्मीहरुको मनोबलमा गिरावट आएको छ,’ पत्रमा उल्लेख गरिएको छ, ‘ वीरगञ्जको अर्को एउटा एक सय सैयाको निजी अस्पताललाई कोरोना अस्पताल बनाउने प्रक्रिया सुरु भएपनि त्यसले पनि समस्या समाधान नहुने देखिएकाेले ५ सयकाे शैयाकाे अक्राे काेराेना अस्पताल बनाउन प्रधानमन्त्रीसंग पत्रमार्फत आग्रह गरेका छन् ।
वीरगञ्जमा ५ सय शैयाको कोभिड अस्पताल सञ्चालनका लागि नेसनल मेडिकल कलेज शिक्षक अस्पताल सबैभन्दा उपयुक्त भएकोले त्यहाँ कोभिड अस्पताल स्थापनाका लागि तत्काल प्रक्रिया सुरु गर्न माग गरेका छन् ।
जनता समाजवादी पार्टीका नेता समेत रहेका सासंद् यादवले वीरगञ्जमा कोरोना महामारीले उत्पन्न भएको स्थितिलाई नियन्त्रण गर्न केन्द्रबाट विज्ञसहितको विशेषज्ञ टोलि पठाउँन समेत पत्र मार्फत माग गरेका छन् ।
उनले वीरगञ्जसहित पर्सा जिल्लामा समुदायस्तरमा कोरोनाको टेस्टिङ बढाउन पर्याप्त साधनस्रोत र स्वास्थ्यकर्मी लगायत जनशक्तिको व्यवस्था गरी परिचालित गर्न प्रधानमन्त्रीलाई अनुरोध गरेका हुन् ।
सांसद् यादवले वीरगञ्जमा समुदायस्तरमा कोरोना सङ्क्रमण फैली सकेको बताउँदै दु:ख समेत व्यक्त गरेका छन् ।
लक्षणसहितको सङ्क्रमितहरुको सङ्ख्यामा वृद्धिसँगै भेन्टिलेटर र अक्सिजनको अभाव भएको बताउँदै उनले चिन्ता व्यक्त गरेका छन् ।
आइसोलेसनको आभावमा कोरोना सङ्क्रमितहरु घरमै बस्न बाध्य हुनु विडम्बना पुर्वक भएको बताउदै उनले सङ्क्रमितहरुका उपचारका लागि तत्काल वीरगञ्जमा सञ्चालित कोभिड अस्पताल र सिफारिस गरिएको नयाँ कोभिड अस्पताल प्रयाप्त नभएको बताएका छन् ।
सांसद् यादवले वीरगञ्ज कारागारभित्र समेत संक्रमण फैलिसकेको सूचना प्राप्त भएको बताएका छन् ।

नगर प्रमुख सरावगीको स्वास्थ्य अवस्था सामान्य

0

वीरगञ्ज । बिहिबार कोरोना सङ्क्रमण पुष्टि भएका वीरगञ्ज महानगरपालिकाका नगरप्रमुख विजयकुमार सरावगीको स्वास्थ्य अवस्था सामान्य रहेको छ ।
काठमाडौँस्थित आफ्नो घरमै होम आइसोलेसनमा रहेका नगरप्रमुख सरावगीको स्वास्थ्य अवस्था सामान्य रहेको सरावागिगका राजनीतिक सल्लहाकार मुकेश द्विवेदीले जानकारी दिएका छन् ।
सामाजिक सञ्जालमा नगरप्रमुख सरावगी आइसीयुमा भर्ना भएको भनेर आएका खबरमा कुनै सत्यता नभएको द्विवेदीले बताए । ‘भर्खरै केहि समय अगाडी मैले मेयर सा’बसँग कुरा गरे,’ द्विवेदीले भने, ‘उनी एक्दमै स्वस्थ छन् र छिट्टै जनताको सेवामा फर्किने छन् ।’
नगरप्रमुख सरावगी घाटीमा समस्या आएपछि उपचारका लागि काठमाडौँ पुगेका थिए । उपचारको क्रममा उनलाई ज्वरो आएपछि कोरोना सङ्क्रमणको शङ्का लागेर बुधबार काठमाडौँमै पिसिआर परिक्षण गराएका थिए । बिहिबार उनमा कोरोना पोजेटिभ देखिएको सरावगीका प्रेस सल्लहाकार गोविन्द देवकोटाले बताए ।
देवकोटाले नगरप्रमुख सरावगीको सुगर लेबल अलि बढेपनि अक्सिजन लेवल भने सामान्य रहेले चिन्ता लिनुपर्ने कुनै विषय नरहेको बताए । सरावगीलाई पछिल्लो २४ घण्टामा ज्वरो समेत नआएको देवकोटाले जानकारी दिएका छन् ।
‘अहिले मेयर सा’बको स्वास्थ्य अवस्था सामान्य छ, सुगर लेबल अलिकति बढेको भएपनि अक्सिजन लेबल सामान्य छ, पछिल्लो २४ घण्टामा ज्वरोपनि आएको छैन,’ देवकोटाले भने, ‘उनि काठमाडौँस्थित आफ्नो निजि निवासमा रहेको आइसोलेसनमा छन्, चिन्ता लिनुपर्ने कुनै विषय छैन ।

काठमाडाैं प्रबेशमा हाेइन, सिमा नाकामा कडाई गर

0

वीरगंज । सिमावर्ती जिल्ला पर्सामा केही समय यता काेराेना संक्रमित बढदै गएपछि सिमा नाकामा कडाई गर्न सेना परिचालन गर्नु पर्ने माग हुन थालेकाे छ । लकडाउन, निषेधाज्ञा जे गरे पनि सिमा नाकामा आवत जावत नराेकिएपछि सेना परिचालन गर्नु पर्ने माग उठन थालेकाे हाे ।

पर्सामा दिनहु काेराेना संक्रमणबाट २ जनाकाे मृत्यु हुन थालेपछि यहाँ अवस्था झन भयावह र त्रसित भएकाे छ । जिल्ला प्रशासन कार्यालय पर्साले  समुदाय स्तरमा काेराेना संक्रमण देखिपछि साउन ११ गतेदेखी वीरगंज महानगरपालिकामा निषेधाज्ञा समेत जारी गरेकाे छ ।

निषेधाज्ञामा पनि वीरगंज महानगर क्षेत्र लगायत ग्रामिण भेगकाे सिमा नाका भएर आवतजावत नराेकिए पछि सेना परिचालनकाे माग हुन थालेकाे हाे ।

धेरै जसाेकाे सिमा नाकामा आवतजावत नराेकिएका कारण नै काेराेना संक्रमण फैलेकाे बुझाइरहेकाे छ । याे नराेकिए सम्म काेराेना संक्रमण राेकथाम तथा नियन्त्रण गर्न नसकिए धेरै जसाेकाे बुझाइरहेकाे छ ।

वीरगंज महानगरपालिकाकाे प्रेस सल्लाहकार गाेबिन्द देवकाेटा आफ्नाे फेसबुकमा एक पाेष्ट लेख्दै वीरगजकाे अवस्था निकै दयनीय भएकाे र समुदायमा काेराेनाकाे संक्रमण पुर्णरुपमा फैलिएको लेखेका छन् ।

उनले लक्षण देखिएका संक्रमितको संख्या बढदाे छ, पछिल्ला दिनमा दैनिक दुईजनाकाे मृत्यु भइरहेकाे छ । अस्पतालमा काेभिड संक्रमितलाई उपचार गर्ने ठाउँ छैन । अधिकांश संक्रमित घरमा थुनिएका छन । यस्ताे विकराल अवस्थामा पनि सिंहदरबार मस्त निद्रामा छ । संघीय सरकारले वीरगन्जकाे स्थिति बुझ्ने चेष्टा समेत गरेकाे छैन । जब सम्म वीरगन्ज लगायत सिमावर्ती क्षेत्र सुरक्षित हुदैन तब काठमाडौंकाे सिंहदरबार समेत सुरक्षित वन्न सक्दैन सरकारलाई हेक्का हाेस । लेखेका छन् ।

पर्साकाे कालिकामाई गाउँपालिका वडा नं. ५ का वडाध्यक्ष पवन तिवारीले आफ्नाे फेसबुकमा नेपाल सरकारले भारतसंगकाे सीमामा कडाई गर्नु पर्ने ठाउँमा काठमाडाैं प्रबेशमा कडाई गरिरहेकाे लेखेका छन् ।

उनले बिहारमा काेराेनाकाे भयावह अवस्था बनेकाे छ, काेराेना संक्रमणबाट नेपालीलाई जाेगाउन सिमा नाकामा कडाई गराैं लेख्दै सिमानामा केही महिनाकाे लागि सेना परिचालन गर्न सरकारसंग माग समेत गरेका छन् ।

गैर सरकारी संस्था महासंघ नेपाल, पर्साका अध्यक्ष छठु साह सिमा नाकामा कडाई गर्नु पर्नेमा काठमाडाैं प्रबेशमा सरकारले कडाई  गरिरहेकाे वताउँछन् ।

उनले सिमा नाकामा सेना परिचालन गरेर भए पनि काेराेना संक्रमण नराेकिए सम्म सिमा नाकाकाे आवतजावत पूर्ण रुपले बन्द गर्नु पर्ने धारण राखेका छन् । यसका साथै उनले काेराेना परिक्षणकाे दायरा बढाउनु पर्ने सरकारसंग माग समेत गरेका छन् ।

नेपाल पत्रकार महासंघ पर्साका पूर्व अध्यक्ष अशाेक तिवारीले आफ्नाे फेसबुकमा वीरगंजको स्थिती धेरै भयावह छ, बोर्डरमा अबिलम्ब सेना परिचालन गरेर आवतजावत नरोके माहामारी फैलिनेबाट कोइ पनि रोक्न्न सक्दैन लेखेका छन् ।

काेराेना संक्रमणबाट मृत्यु भएकाकाे शव अस्पताल मै, व्यवस्थापन हुन सकेन

0

वीरगंज । काेराेना भाइरस संक्रमणबाट मृत्यु भएकाकाे शव व्यवस्थापनकाे समस्या समाधान हुन सकेकाे छैन् । समस्या समाधान नहुदा ३ दिन देखी मृत्यु भएका काेराेना संक्रमितकाे शव अस्पताल मै रहेकाे छ ।

काेराेना संक्रमणबाट मृत्यु भएकाकाे शव अस्पताल मै रहेकाे नारायणी अस्पतालका मेसु डा. मदन कुमार उपाध्यायले वताए । बुधबार मृत्यु भएका २ जना र बिहिबार मृत्यु भएका ३ जनाकाे गरी ५ जनाकाे शव अस्पताल मै रहेकाे छ ।

शवकाे व्यवस्थापनकाे जिम्मा सेनाकाे भएकाे र जनताकाे अवराेधका कारण सेनाले शव व्यवस्थापन गर्न नसकेकाे नारायणी अस्थाई काेराेना बिशेष अस्पताल गण्डकका संयाेजक डा. उदय नारायण सिंहले वताए ।

सुरुमा जलाएर काेराेना संक्रमितकाे शव व्यवस्थापन गर्दा समस्या नदेखिए पनि पछि गाडेर व्यवस्थापन गर्न थाल्दा समस्या देखिएकाे हाे ।

सेनाले साउन १२ गते साेमबार वीरगंज महानगरपालिकाकाे वडा नं. ३१ मिलनचाेकस्थित काेराेना संक्रमितकाे शव गाडेर व्यवस्थापन गर्न खाेज्दा स्थानियहरु अवराेध गरेका थिए । स्थानियहरुकाे अवराेधका कारण साेही दिन आधि रातमा सेनालाई तिलावे नदीमा जेसिभिले शव गाडेर व्यवस्थापन गर्नु परेकाे थियाे ।

तर त्यसकाे भाेली पल्ट मंगलबार वीरगंज  १७ अलाैं, काेनिया र वीरगंज  २५, केहुनियाका स्थानियहरुले पनि बिराेध प्रदर्शन गरेका थिए । त्यसपछि हाल सम्म शव व्यवस्थापन हुन सकेकाे छैन् भने त्यस यता थप ५ जना काेराेना संक्रमित मृत्यु भएकाे छ ।

वीरगंजमा कोरोना संक्रमितले बच्चा जन्माइन्

0

वीरगन्ज । नारायणी अस्थायी कोरोना बिशेष अस्पताल गण्डकमा उपचाररत एक कोरोना संक्रमित गर्भवतीले छोरीलाई जन्म दिएकी छन् ।

वीरगन्ज महानगरपालिका–१ छप्कैयानिवासी ३१ वर्षीया महिलाले शुक्रबार बिहान ४ बजेर १० मिनेटमा छोरी जन्माएकी अस्पतालका संयाेजक डा. उदय नारायण सिंहले वताए ।

‘आमा र बच्चा’ दुवैको स्वास्थ्य समान्य रहेकाे उनले जानकारी गराए ।

डा. सिंहका अनुसार ती महिला सुरुमा नारायणी अस्पताल पुगेकी थिइन् । त्यहाँबाट नेसनल मेडिकल कलेज तथा शिक्षण अस्पताल रेफर गरिएको थियो ।

‘कोरोनाको शंका लागेर बिहीबार मेडिकल कलेजले कोरोना अस्पताल पठायो,’ उनले भने, ‘बिहीबार राति नै गर्भवती महिलाको पीसीआर रिपोर्टमा कोरोना पोजेटिभ आएको थियो ।’

वीरगंजमा ३ डाक्टरसहित थप ४६ जनामा कोरोना पुष्टि

0

वीरगंज । वीरगञ्जमा ११ महिलासहित ४६ जनामा कोरोना संक्रमण पुष्टि भएको छ । संक्रमण फेला पर्नेहरु १८ वर्षदेखि ७५ वर्ष उमेर समुहका रहेका छन्।

पर्सा, बारा, रौतहटका बासिन्दा भएतापनि सबै वीरगञ्जकै विभिन्न वडाका बासी हुन् ।

संक्रमितहरुमा नारायणी अस्प्तालका दुई जना अर्थोपेडिक डाक्टर र एक जना बाहिरका डाक्टर गरी तीन जना डाक्टर पोजेटिभ देखिएका छन्।

नारायणीका ४४ र ४० वर्षको पुरुष अर्थोपेडिक डाक्टर र वीरगञ्जकै एक जना ३६ वर्षीय डाक्टर पनि संक्रमित हुन पुगेका छन्।

त्यसैगरी, नारायणी र एडभान्स हस्पिटलका ६ जना स्टाफ नर्सहरु संक्रमित भएका छन् ।

वीरगञ्जको विभिन्न वडामा गरिएको मास ट्रेसिगमा पनि सर्वसधरण कोरोना संक्रमण पुष्टि भएको  नारायणी अस्पतालका डा. नारायण सिंहले वताए ।

नारायणीको मेडिकल वार्डमा खटिने ४० वर्षकी स्टाफ नर्स, आइसियु कक्षामा खटिने २० र २४ वर्षका स्टाफ नर्समा कोरोना पुष्टि भएको छ भने नारायणी अस्पतालमै डायायलोसिस गराउने पर्सा पोखरीया १ की ७५ वर्षीया महिला, बारा निजगढका  ६५ वर्षिय पुरुष र बारा जितपुरका २४ वर्षीया महिला मृगौला रोगीमा पनि कोरोना संक्रमण पुष्टि भएको छ।

त्यसैगरी,बाराको नितनपुरमा रहेको म्याग्नस फर्मा प्रालि (औषधी उद्योग)मा कार्यरत तीन मजदुर र लोटस फर्मा वीरगञ्ज २ छपकैयाका एक जना गरी कुल ४ जना मजदुरहरुमा पनि कोरोना पुष्टि भएको छ।

म्यागनसका मजदुरहरुमा रौतहट, राजपुर ५ घर भएका ३७ वर्षका पुरुष, पर्सा, बहुदरमाई नगरपालिका ४ नगरदाहाका ४४ वर्षीय पुरुष र वीरगञ्ज १२ मुर्लीकी २६ वर्षीया महिला मजदुरमा कोरोना पुष्टि भएको छ।

यता लोटस फर्माका वीरगञ्ज ५ रेशमकोठी बस्ने ६० वर्षीय पुरुषमा कोरोना संक्रमण पुष्टि भएको छ।

त्यसैगरी, वीरगञ्ज १४ का ६५ वर्षीय पुरुष, वीरगञ्ज ११ का ४१ वर्षीय पुरुष, वीरगञ्ज १४ कै ३० वर्षिय पुरुषमा कोरोना संक्रमण पुष्टि भएको नारायणी अस्पतालकाे ल्याब स्राेतले जनाएको छ। वीरगञ्जका अन्य वडाका संक्रमितहरु पनि रहेका छन्।

पर्सामा काेराेना संक्रमणबाट थप एक जनाकाे मृत्यु, बिहिबारमात्रै मृत्यु हुनेकाे संख्या ३ पुग्याे

0

वीरगञ्ज । कोरोना संक्रमणबाट वीरगञ्जमा अर्का एक व्यक्तिको मृत्यु भएको छ । जगदम्बा इन्टर प्राइजेजका प्रमुख कार्यकारी अधिकृत ५६ वर्षीय पुरुषको मृत्यु भएको हो ।

वीरगञ्ज–११ श्रीपुर बस्ने भारत घर भएका उनको गएराति निधन भएको नारायणी अस्पतालका अस्पतालका डा.  उदय नारायण सिंहले जानकारी दिए । ‘मुटुको रोगी हुनुहुन्थ्यो, कोभिड लागेपछि अवस्था गम्भिर नै थियो,’ डा. सिंहले भने, ‘आईसीयु र भेन्टिलेटरमा समेत राखेर उपचार ग¥यौं तर बचाउन सकिएन ।’

मुटुको बाइपास सर्जरी गरेका उनलाई साउन ६ गते कोरोना संक्रमण पुष्टि भएपछि साउन ७ गते वीरगञ्जस्थित अस्थायी कोरोना विशेष अस्पताल गण्डकमा भर्ना गरिएको थियो ।

बिहीबार दिउँसोदेखि उनको शरीरमा अक्सिजनको मात्रा कम हुँदै गएको थियो । अवस्था गम्भिर भएपछि भेन्टिलेटरमा राखेर उपचार गरिएकोमा राति ११ बजे निधन भएको अस्थायी कोरोना अस्पताल गण्डकले जनाएको छ ।

बिहीबार मात्रै वीरगंजमा काेराेना संक्रमणबाट २ जनाकाे मृत्यु भएको थियो । योसँगै पर्सामा साउन महिनामा मात्रै कोरोना संक्रमणबाट मृत्यु हुनेको संख्या ९ पुगेको छ ।

काेराेना संक्रमणबाट वीरगंजमा थप २ जनाकाे मृत्यु (अपडेट)

0

वीरगंज । कोरोना संक्रमणका कारण वीरगंजमा बिहीबार थप २ जनाको मृत्यु भएको छ । वीरगन्ज महानगरपालिका वडा नम्बर १६ नगवाका  ३५ वर्षीय युवक र वडा नम्बर २ छपकैयाका ७० वर्षीय बृद्धको मृत्यु भएको नारायणी अस्थाई काेराेना बिशेष अस्पताल गण्डकका संयाेजक डा. उदय नारायण सिंहले वताए।

नगवाका ३५ वर्षीय युवकको गण्डकस्थित कोभिड अस्पतालको आइशोलेशनमा उपचारका क्रममा बिहीबार बेलुकी ७:४० बजे मृत्यु भएको डा. सिंहले जानकारी दिए । ज्वरो आएपछि साउन ५ गते उनलाइ तराई हस्पिटलमा भर्ना गरिएको थियो ।

तराई हस्पिटलमा उपचारका क्रममा उनको स्वास्थ्य अवस्था बिग्रिँदै गएपछि कोरोनाको आशंकामा उनलाई साउन १३ गते कोभिड अस्पतालमा लगेर भर्ना गरिएको थियो । साउन १३ गते नै कोभिड अस्पतालमा उपचारका क्रममा उनको स्वाब संकलन गरि नारायणी अस्पतालको प्रयोगशालामा पठाइएको थियो ।

युवकको मृत्यु बिहीबार बेलुकी भएको भएपनि नारायणी अस्पतालको प्रयोगशालाबाट राति १० मात्रै युवकको पोजेटिभ रिपोर्ट आएको डा. सिंहले जानकारी दिए । यस्तै बिहीबार बिहान वीरगन्ज २ छपकैयास्थित आफनै घरमा मृत्यु भएका ७० वर्षीय बृद्धमा पनि कोरोना संक्रमण भएको पुष्टि भएको उनले जानकारी गराए ।

नारायणी अस्पतालको प्रयोगशालाबाट बिहीबार राति १० बजेतिर प्राप्त रिपोर्टमा मृतकको पिसिआर रिपोर्ट पोजेटिभ देखिएको डा. सिंहले पुष्टि गरे । छपकैयास्थित घरमा एक्लै बस्दै आएका ती बृद्ध बिहीबार बिहान आफनै घरभित्र मृत अवस्थामा भेटिएका थिए ।

राती सुतेका बृद्ध बिहीबार बिहान नउठेपछि छिमेकीले प्रहरीलाई खबर गरेका थिए । वडा प्रहरी कार्यालय विर्ताबाट गएको प्रहरी टोलीले घरको ढोका तोडेर भित्र पस्दा बृद्ध कोठामा मृत अवस्थामा भेटिएका थिए । त्यसपछि बृद्धको स्वाब संकलन गरि पिसिआर परीक्षणका लागि नारायणी अस्पतालमा पठाइएको थियो ।

यससँगै वीरगंजमा साउन महिनामा मात्र कोरोना संक्रमणका कारण मृत्यु हुनेको संख्या  ८ पुगेकाे छ । कोरोना संक्रमणकै कारण बाराका २ जना र रौतहटतका १ जनाको मृत्यु पनि वीरगञ्जमै भएको थियो ।

काेराेना संक्रमणबाट वीरगंज नगवाका ३५ बर्षिय युवककाे मृत्यु

0

वीरगञ्ज । कोरोना भाइरस संक्रमणबाट वीरगञ्जम थप एक जनाको मृत्युु भएको छ । वीरगञ्ज–१६ नगवाका ३५ बर्षीय पुरुषको बिहिबार सांझ गण्डक काेराेना अस्पतालमा उपचारको क्रममा मृत्यु भएको डा. उदय नारायण सिंहले वताए ।

ज्वरो आउने, श्वासप्रस्वासमा समस्या लिएर एक दिन अघि बुधबार मात्र गण्डक कोरोना अस्पताल आइपुगेका उनको स्वाबको नमुना लिएर इमजेन्सीमा भर्ना गरिएको थियो । उनको उपचारकै क्रममा बिहीबार बेलुकी ७ :४० बजे निधन भएको डा. सिंहले जानकारी दिए ।
चिकित्सकका अनुसार मृतक युवककाे अरु कुनै राेग थिएन ।

ज्वरो आएपछि उनी साउन ५ गते निजी क्लिनिकमा पुगेका थिए । तर स्वास्थ्यमा सुधार नआएपछि १३ गते तराई हस्पिटलमा भर्ना भए ।

त्यहाँबाट उनलाई कोरोना अस्पतालमा रिफर गरिएको थियो । उनको पीसीआर परीक्षण रिपोर्ट पोजेटिभ आएको नारायणी अस्पतालका प्रमुख मेडिकल सुपरीटेन्डेन्ड डा मदन उपाध्यायले जानकारी दिए ।

मृतकसहित बिहिबार पर्सा, बारा र रौतहटमा १६ जनामा कोरोना संक्रमण पुष्टि भएको छ । संक्रमितमध्ये ८ जना महिला छन् ।

नारायणी अस्पतालमा कार्यरत २ स्टाफ नर्स, १ जना सफाईकर्मी, औषधी कम्पनीबाट पेड पीसीआर परीक्षण गराएका १३ जना पर्साका छन् । बाराका २ जना र रौतहटका १ जनामा कोरोना संक्रमण पुष्टि भएको छ ।