Date
शनि, मंसिर ५, २०८३
Sat, November 21, 2026
Home Blog Page 950

११ बुंदे माग राख्दै विभिन्न निकायलाई विकास सुधार समितिकाे ज्ञापन

0

वीरगंज । कलैया उपमहानगरपालिका वडा नं. १६ का वडा विकास सुधार समितिले ११ बुंदे माग सहित विभिन्न नियकाहरुमा ज्ञापनपत्र बुझाएको छ । समितिका अध्यक्ष अनिल कुशवाहाको नेतृत्वमा रहेको एक समुहले जिल्ला प्रशासन कार्यालय बारा, कलैया उपमहानगरपालिकाको कार्यालय र वडा नं. १६ काे कार्यालमा ज्ञापनपत्र बुझाएको हाे ।

बारा जिल्लाको कलैया उप महानगरपालिकाको वडा नं. १६ को वडाध्यक्ष शेषनाथ साह निर्वाचित भएका तीन वर्षको कार्यकाल बितिसक्दा पनि मुस्कीलले ३ दिन पनि वडा कार्यालयमा पूरा समय उपस्थित भई राज्य सरकारले लिएको लक्ष्य तथा आफूले चुनावका बेला जनतासमक्ष गरेको वाचा अनुरुपका कामहरु नगरेकोमा वडा विकास सुधार समितिको गम्भीर ध्यानाकार्षण भएको भन्दै ज्ञापन पत्र बुझाएकाे हाे ।

कार्यालय समयमा आफू उपस्थित नभई व्यक्तिगत कामकाजमा व्यस्त रहने वडाध्यक्षका कारण सेवाग्रही मार्कामा परेको समितिले जनाएकाे छ । कार्यालयमा नबस्ने, जनताको सेवा, सिफारिश, विकास निर्माणका काममा आफूखुसी तानाशाही प्रवृत्तिबाट समिति बनाई आफ्ना नजिकका मानिसहरूलाई ठेक्का दिने, काम गर्ने जस्ता कामले जन गुनासाहरू बढ्दै गएको जनाईएको छ ।

ज्ञापनपत्रमा जनप्रतिनिधि वडामा अनुपस्थित रहने गरेको, वडाबाट हुने गरेको विकास सम्बन्धी सम्पुर्ण कृयाकलाप पारदर्शी नदेखिएको, वडामा रहेको स्वास्थ्य निकायबाट सेवा ग्राहिहरु बञ्चित हुने गरेको, वडामा रहेका शैक्षिक संस्थाहरुको अनुगमन नभएको हुदाँ गुणस्तरीय शिक्षा नभएको, कृषि सम्बन्धी कुनै योजनाहरु हाल सम्म सर्वजनिक नभएको, वडामा नगर स्तरिय बजेटबाट गरेको योजनाहरु सर्वजनिक नभएको, प्रदेश स्तरिय योजनाहरु सर्वजनिक गर्न नचाहेको, केन्द्र स्तरिय योजनाहरु सर्वजनिक नभएकाे, परिषदबाट स्विकृत योजनाहरु वडा कार्यालयमा नभएको र राख्न समेत नचाहेको, बेरोजगार व्यक्ति वारेको विवरण सर्वजनिक नगरेको र गर्न नचाहेको, विगतमा घोषणा भएको ओ.डि.एफ.लाई निरन्तरता दिन खासै योजना नबनाएको तथा गर्न समेत नचाहेको समितिकाे आराेप छ ।

उल्लेखित मागहरुलाई वडा अध्यक्ष लगाएत सम्बन्धीत निकायले यथाशिध्र कार्यान्ववन नगरे आउँदा दिनमा वडा कार्यालय र सम्बन्धीत निकाय समेतलाई गर्न गराउन ज्ञापनपत्र मार्फत अनुरोध गरिएकाे छ ।

यसका साथै आउने दिनमा वडा कार्यालयबाट प्रदान गरिने सेवाहरु सुचारु नभएमा वडा विकास सुधार समिति कडा आन्दोलनमा बाध्य हुने ज्ञापन पत्रमा उल्लेख छ ।

सुधार समितिका विनोद कुमार यादव, कलामोदिन अंसारी, जितेन्द्र कुमार यादव, धनेश्वर कुमार राम, राजकिशोर कुशवाहा, ज्ञान प्रकाश ठाकुर, चन्दन राम, पवन कुमार कुशवाहा, प्रवेश कुमार कुशवाहा, बृजकिशोर ठाकुर, अजय कुमार राम, रविरन्जन कुमार राम, रविन्द्र कुमार राम, अरविन्द कुमार राम, जेनिश मेहरा, हरिओम कुशवाहा, बैजनाथ राम लगायतको समुह ज्ञापन पत्र बुझाएकाे हाे ।

वीरगंज महानगरका मेयर सरावगी काेराेना संक्रमित

0
वीरगंज । वीरगंज महानगरपालिकाका मेयर बिजय कुमार सरावगीलाई काेराेना संक्रमण भएकाे छ । उनले आफ्नाे फेसबुकमा लेख्दै आफु काेराेना संक्रमित भएकाे जानकारी गराएका हुन् ।
मेयर सरावगीले विगत पाँच महिना देखि कोरोना भाइरसको संक्रमणबाट वीरगंजवासीलाई वचाउन मैले हर संभव प्रयासहरु गरे । संघीय र प्रदेश सरकारको दायित्व अन्तरगत रहेको क्वारेन्टिन, आइसोलेशन सेन्टर, कोभिड अस्पतालको व्यवस्थापन र संचालनको जिम्मेवारी ती निकायहरुले नलिएपछि मैले नै लिएर नागरिकको जिवन रक्षाको लागि अथक प्रयत्न गरे ।
वीरगंजलाई वचाउन पिसिआर मेशिन, परिक्षणकालागि आवश्यक पर्ने किटहरुको समेत व्यवस्थापन गरे । क्वारेन्टिन, आइसोलेशन र कोभिड अस्पतालमा रहेका संक्रमितहरु सहित अस्पतालमा कार्यरत डाक्टर, स्वास्थ्यकर्मी र सफाईकर्मीको खाना र वस्नेको व्यवस्था मिलाए ।
वीरगंजलाई ग्रिन जोन वनाउने उदेश्यका साथ एकघर एक परिक्षणको अभियान संचालन गर्ने भनिएता पनि त्यसको कार्यान्वयन समयमा हुन नसक्दा वीरगंजमा कोरोना संक्रमण समुदाय स्तरमा फैलिसकेको रहेछ । तपाईहरुको सेवामा अनवरत रुपमा लाग्दा लाग्दै म स्वंयम कोरोनाको संक्रमणको चपेटामा परेको छु लखेका छन् ।
म अहिले उपचारार्थ छु, मेराे स्वास्थ्य अवस्था सामान्य छ । मैले छिट्टै नै काेराेनालाई जित्ने छु । पछिल्लो पटक कोरोना संक्रमणबाट वीरगंज आक्रान्त वनेको छ, वीरगंजलाई वचाउन अग्रमोर्चामा रहनु हुने स्वास्थ्कर्मी, महानगरपालिकाका जनप्रतिनिधी, कर्मचारी, नागरिक समाज, संचारकर्मी, विभिन्न राजनीतिक दल, स्थानीय प्रशासन र सुरक्षाकर्मीको प्रयासलाई धन्यवाद दिन समेत दिएका छन् ।
अव स्थानीय स्तरबाट मात्र कोरोना नियन्त्रण गर्ने अवस्था देखिदैन तसर्थ वीरगंजवासी दाजुभाई दिदी वहिनीको जिवन रक्षाको लागि संघीय र प्रदेश सरकारले तत्काल ठोस योजनाका साथ अधि बढन आग्रह गर्दछु । साथै कोरोना संक्रमणको यो घडिमा आफूलाई संयमित राख्न र नेपाल सरकारले तोकेको मापदण्ड पालना गर्न सम्पूर्ण महानगरवासी दाजु भाई दिदी वहिनीमा अपिल गर्दछु । कोभिड १९ का विरुद्ध महानगरपालिकाले लिएका नीति प्रति साथ सहयोग दिनुहुने सम्पूर्ण महानुभाव प्रति हार्दिक नमन । लेख्दै मैले कोरोना संक्रमणको लडाई जितेर पुन तपाईको सेवामा आउने प्रतिवद्धता जाहेर गर्दछु । मेयर सरावगीले लेखेका छन् ।
मेयर सरावगीलरे लेखेकाे पाेष्ट

वीरगंज हेल्थ केयरलाई काेराेना अस्पताल बनाउन सिफारिस

0

वीरगंज । जिल्ला संकट व्यवस्थापन केन्द्र पर्साको बैठकले बीरगंज हेल्थ केयर अस्पताललाई कोभिड अस्पताल बनाउनको लागि संघीय स्वास्थ्य मंत्रालयमा सिफारिस गरेको छ ।

पर्सा जिल्लामा कोभिड १९ संक्रमितहरुको संख्या बढ्दै गएको र कोभिड १९ संक्रमित पुष्टि भएका व्यक्तिहरुमा लक्षणसमेत देखिन थालेकोले आइसोलशन अस्पतालको आवश्यकता देखिएको हो ।

हाल संचालनमा रहेको नारायणी अस्थाई काेराेना विशेष अस्पताल गण्डकमा बेड संख्या कमी भएपछि  लक्षण देखिएका कोभिड १९ पुष्टि भएका व्यक्तिहरुलाई उपचारकालागि संकट ब्यवस्थापन केन्द्र पर्साले  अस्पतालको आवश्यकता ठहर गरेको हो।

थप कोभिड अस्पतालको व्यवस्था गर्न अति जरुरी देखिएको सन्दर्भमा कोभिड १९ को शंकास्पद तथा बिरामीको पहिचान, रोकथाम, नियन्त्रण तथा उपचार सेवा सरकारी अस्पतालबाट मात्र उपलब्ध गराउन नसकिने अवस्थामा सरकारी अस्पताल बाहेकका निजी, गैर सरकारी, सहकारी तथा सामुदायिक लगायतका अस्पतालबाट प्रदान गर्ने व्यवस्था मिलाउने नीति अनुरुप पर्सा जिल्लामा रहेका विभिन्न अस्पतालहरुसँग छलफल गर्दा बीरगंज हेल्थ केयर हस्पिटलले कोभिड संचालनकोलागि स्वीकारोक्ति दिएको सहायक प्रमुख जिल्ला अधिकारी ललित कुमार बस्नेतले वताए ।

कोरोना भाइरस को संक्रमणको उपचार बापत अस्पताललाई अनुदान उपलब्ध गराउने सम्बन्धी आदेश, २०७७ को प्रावधान बमोजिम हुने गरी आफ्नो अस्पताल कोभिड १९ अस्पतालको रुपमा संचालन गर्न अस्पतालका संचालक डा.अवुल हैस अन्सारी सहमत भएको सहायक प्रमुख जिल्ला अधिकारी बस्नेतले जानकारी दिए । अस्पतालले तीन सुत्रीय र्शतमा रहेर अस्पताल दिन सहमती जनाएको उनले जनाए ।

अस्पताललाई अनुदान उपलब्ध गराउने सम्बन्धी आदेश, २०७७  बमोजिम अनुदान लिने गरी तथा अन्य प्रचलित कानून बमोजिम हुने गरी उक्त अस्पताललाई कोभिड १९ अस्पतालको रुपमा संचालनको व्यवस्था मिलाउन जिल्ला संकट व्यस्थापन केन्द्रको बैठकले केन्द्रिय संकट व्यवस्थापन संचालन केन्द्र, स्वास्थ्य तथा जनसंख्या मन्त्रालय र प्रदेश नं. २, सामाजिक विकास मन्त्रालयमा सिफारिस साथ अनुरोध गर्ने निर्णय गरेको छ ।

सम्बन्धीत निकायबाट स्वीकृत भएर आएपछि बीरगंज हेल्थ केयरमा संक्रमीतहरुकालागि उपचार सेवा शुरु गरिने बिश्वास जिल्ला संकट ब्यवस्थापन केन्द्रले जाहेर गरेको छ । वीरगंज हेल्थकेयर हस्पिटलमा सय शैयाको कोभिड अस्पताल सञ्चालनमा आउने छ।

त्यसमा ८ भेन्टिलेटर र ३२ वटा आइसीयू बेड रहेको अस्पतालका सञ्चालन अबुलहैस अन्सारीले जानकारी दिए ।

बीरगंज हेल्थ केयरको जनशक्ति ब्यवस्थापनमा थोरै अन्यौलता रहेको भएपनि त्यसको समेत हल निस्कने बिश्वास सहायक प्रमुख जिल्ला अधिकारी बस्नेत ब्यक्त गरेका छन् ।

खटाएकाे ठाउँमा नगएपछि दुई दर्जन स्वास्थ्यकर्मी प्रहरी नियन्त्रणमा

0

वीरगंज । खटाएको ठाउँमा नगएपछि वीरगंज महानगरका दुई दर्जन स्वास्थ्यकर्मीहरुलाई प्रहरीले नियन्त्रणमा लिएकाे छ ।

जिल्ला संकट ब्यवस्थापन केन्द्रले कोरोना भाइरसको संक्रमण समुदाय स्तरमा परिक्षण गर्नकालागि बीरगंज महानगरपालिकासंग जनशक्ति माँग गरेको थियो ।

महानगरले ३० जना आफना कर्मचारीलाई परिक्षण तिब्र बनाउन स्वाब संकलन लगायतका काममा सहभागि हुनकालागि पठाएको थियो । काममा जान अटेर गरि बसेका त्यस्ता स्वास्थ्यकर्मीहरुलाई प्रहरीले आज कार्यालय परिसरबाट नियन्त्रणमा लिएको हो ।

नियन्त्रणमा परेका स्वास्थ्यकर्मीले भने कोरोना महामारी नियन्त्रणको अभियानमा पूर्वाग्रही तरिकाले महानगरले खटाएको भन्दै गुनासो पोख्न बिहीबार बिहान महानगरपालिका जाँदा  एक्कासी प्रहरीले नियन्त्रणमा लिएका बताएका छन ।

पर्सा प्रहरी प्रवक्ता प्रहरी नायब उपरिक्षक मनाेजित कुँवरले खटाइएकाे ठाउँमा नगाएका स्वास्थ्यकर्मीलाई किन नगएको हो भन्ने बुझ्न जिल्ला प्रहरी कार्यालय पर्सामा ल्याइएकाे वताए । उनले २२/२४ जना स्वास्थ्यकर्मीलाई जिल्ला प्रहरी कार्यालयमा साेधपुछकाे लागि ल्याइएकाे वताए ।

जिल्ला सकंट ब्यवस्थापन समितिले जनशक्ति माँग गरे अनुरुपमा ३० जनालाई पठाइएको महानगरपालिका स्वास्थ्य महाशाखा प्रमुख अरुण महतोले बताए ।

आलोपाले खट्ने बिषय भएकोले यसमा पूर्वाग्रही हुनु पर्ने कुनै कारण नरहेको बताउदे यो कोभिड बिरुद्धको अभियानमा स्वास्थ्यकर्मीले आफनो कर्तब्य निर्वाह गर्ने बेला भएको बताए । उनले सेवा र सुविधामा बारेमा पछि पनि छलफल गर्न सकिने भन्दै काममै नजानु गलत भएको प्रतिक्रिया दिए ।

खटाएको काममा नजाने स्वास्थ्यकर्मीलाई महानगरले पनि कारवाही गर्ने महतोकाे जनाए ।

अयोध्यामा राम मन्दिरको शिलान्यासको लागि जानकी मन्दिरको माटो पठाइने

0

वीरगंज । भारतको रामजन्मभूमि अयोध्यामा राम मन्दिरको शिलान्यासको लागि जानकी मन्दिर जनकपुरको माटो पठाइने तयारी भइरहेको छ ।

राम जन्मभूमि अयोध्यामा ५ अगस्त हुने मन्दिरको शिलान्यासमा माता जानकी मन्दिर जनकपुरको माटो पठाउने बिनय यादव नेतृत्वका राष्ट्रिय एकता अभियानको कार्यक्रम रहेको छ ।

उक्त अभियानले जनकपुरस्थित जानकी मन्दिरबाट पठाउने माटाे समेत लिइसकेको छ । अभियानका सदस्य मनीष हिन्दूको नेतृत्वमा लिएको माटो काठमाडौँ पशुपतिनाथमा पूजा अर्चना गरी अयोध्याको लागी पठाइने तयारी भएको अध्यक्ष यादवले बताए ।

प्रहरीलाई मिस विहेभ गरेकाे आराेपमा बाराका पत्रकार दुवे पक्राउ

0

वीरगंज । पर्सा प्रहरीले बाराका पत्रकार उमेश दुवेलाई नियन्त्रमा लिएर मुद्दा चलाएकाे छ । बाराकाे फेटा गाउँपालिका फुलवरिया निवासी टिभि टुडेका सम्वाददाता दुवेलाई जिल्ला प्रहरी कार्यालय पर्साका अपराध अनुसन्धान शाखा (क्राइम ब्रान्च)काे टाेलीले बुधबार वीरगंजस्थित माई टिभिकाे कार्यालय अगाडीबाट नियन्त्रणमा लिएकाे थियाे ।

त्यस अघि बुधबार विहान पत्रकार दुवे र पर्सा प्रहरी प्रमुख प्रहरी उपरिक्षक गंगा पन्तसहितका डिउटीमा खटेका प्रहरी बिच वीरगंज पावर हाउस चाेकमा विवाद भएकाे थियाे । मुख्य सडक भएर जाने बिषयमा भएकाे विवाद पछि पत्रकार दुवेले आफ्नाे फेसबुकमा एउटा स्टेटस लेखेका थिए । साेही बिषयलाई लिएर पर्सा प्रहरीकाे क्राइम ब्रान्चकाे टाेलीले उनलाई नियन्त्रमा लिएकाे बुझिएकाे छ ।

तर बिहिबार दिउसाे मात्र पत्रकार दुबेमाथी प्रहरीले सार्बजनिक शान्ति कसुर विरुद्धकाे मुद्दा दर्ता गरि म्याद थमाएकाे हाे ।

पर्सा प्रहरी प्रवक्ता प्रहरी नायब उपरिक्षक मनाेजित कुँवरले दुवेमाथी सार्वजनिक शान्ति विरुद्ध खसूरमा मुद्दा दर्ता गरिएकाे वताए । उनले डिउटीमा खटेकाे प्रहरीलाई मिस विहेभ गरेकाे कसुरमा सार्बजनिक शान्ति विरुद्धकाे मुद्दा दर्ता गरी अनुसन्धानकाे लागि १० दिन म्याद थप गराइएकाे जनाए ।

वीरगंजमा विज्ञसहितकाे चिकित्सक र स्वास्थ्यकर्मीकाे टाेली पठाउन आग्रह

0
वीरगंज । पर्साकाे प्रमुख राजनैतिक दल नेपाली कांग्रेस, जसपा र नेकपाका अध्यक्ष तथा प्रतिनिधिसहितकाे सर्वपक्षीय बैठक सम्पन्न भएकाे छ ।
बैठकले पर्सा जिल्लामा कोभिड संक्रमितको संख्या दिनानुदिन अत्याधिक बढ्दै गैरहेकोमा गम्भीर चिन्ता व्यक्त गर्दै कोभिड संक्रमण नियन्त्रण गर्न विज्ञसहितको चिकित्सक र स्वास्थकर्मीहरुको विशेष टोली तत्काल वीरगंज पठाउन संघीय सरकार, स्वास्थ्य तथा जनसंख्या मन्त्रालयसंग आग्रह गरेको छ ।
यस्तै बैठकले कोभिड संक्रमित दिनहु सयौं देखिन थालेकोले अहिले भएको कोबिड विशेष अस्पतालमा बेडको अभावमा भर्ना हुन नपाएर उपचारबाट बन्चित हुनु परिरहेको विषम परिस्थिति देखा परेकोले कोभिड संक्रमितको उपचारकाे लागि थप कोबिड अस्पतालको अत्यावश्यक भएको ठहर गर्दै नेशनल मेडिकल शिक्षण अस्पताल, वयोधा अस्पताल, बीरगंज हेल्थ केयर अस्पताल लगायत निजी अस्पतालहरु मध्ये लिएर अबिलम्ब कोभिड अस्पतालको व्यवस्थापन र संचालन गर्न संघिय सरकार संग माग समेत गरेको छ ।
वीरगंज उद्याेग वाणिज्य संघमा बसेकाे बैठकले नारायणी अस्पतालको बन्द सेवा सुरक्षा अपनाएर सुचारु गर्न एवम् नारायणी अस्पताललाइ रुटिङ हेल्थ सर्भिस अर्थात जनरल अस्पताल कै रुपमा सुचारु राख्न स्वास्थ्य तथा जनसङ्ख्या मन्त्रालय समक्ष आग्रह गरेको छ ।
यसका साथै बैठकले बीरगन्जमा विधुतिय शवदाह गृह स्थापना गर्न पहल गर्ने निर्णय समेत गरेकाे बैठकमा सहभागि प्रदेश सांसद राजेश्वर साहले वताए ।
बैठकमा नेपाली काग्रेस पर्साका सभापति अजय द्धिवेदी, जनता समाजवादी पार्टीका रामनरेश यादव, नेकपाका प्रतिनिधि महेश दास, प्रदेश सांसद ओम प्रकाश शर्मा, राजेश्वर साह तेली, डा. अन्जु यादव, जन्नत अन्सारी, वीरगंज उघोग वाणिज्य संघका अध्यक्ष गोपाल केडिया, प्राध्यापक लालन द्धिवेदी, समाजिक अभियन्ता ओम प्रकाश सरार्फ, वीरगन्ज युवा समाजका अध्यक्ष कमल चौगाइ, बिजेश्वर प्रसाद चौधरी लगायतको सहभागिता रहेको थियो ।

रियाको वकिलले गरिन् अग्रिम जमानतको अपिल

0

नायक सुशान्त सिंह राजपुतको निधनपछि प्रहरीले यो घटनालाई व्यवसायिक कोणबाट अनुसन्धान गरिरहेको थियो । तर, अब सुशान्तका पिताले नायिका रिया चक्रवर्तीविरुद्ध उजुरी दर्ता गरेपछि घटनाले नयाँ मोड लिएको छ ।

उजुरी परेसँगै पटनाका ४ प्रहरी अफिसर्स मुम्बई पुगेका छन् । उनीहरुले सुशान्तको अपार्टमेन्टको पनि जाँच गर्नेछन् । यसैविच, एफआइआर दर्ता भएपछि रियाकी वकिल मंगलबार बेलुकी उनको घर पुगेकी थिइन् । उनले, अग्रिम जमानतको प्रक्रिया समेत सुरु गरेको बताइएको छ ।

भारतीय मिडियाका अनुसार रिया घरमा नभेटिएपछि प्रहरीले उनको खोजी सुरु गरेको छ । यस्तै, सुशान्तको परिवारका वकिल विकास सिंहले रियालाई तुरुन्तै पक्राउ गर्न माग गरेका छन् । रियाले सुशान्तको बैंकबाट पैसा निकाल्ने गरेको, परिवारसँग कुरा गर्न नदिएको आरोप सुशान्तको परिवारले लगाउँदै आएको छ ।

सुशान्त र रिया केही महिनादेखि लिभिङ टूगेदरमा थिए । तर, सुशान्तले आत्महत्या गर्नुभन्दा केही दिन अगाडि मात्र रिया आफ्नो घरमा फर्किएकी थिइन् । रियाले सुशान्तको अपार्टमेन्ट छाडेपछि उनको नम्बर ब्लक गरेको र निरन्तर ब्ल्याकमेल गरिरहेको आरोप सुशान्तका पिताले लगाएका छन् ।

वीरगंजमा १२ स्वास्थ्यकर्मीसहित थप ३६ जनामा काेराेना संक्रमण पुष्टि

0

वीरगंज । वीरगञ्जस्थित नारायणी अस्पतालको प्रयोगशालमा गरिएको परीक्षणमा नेपाल प्रहरी, नेपाली सेना स्वास्थ्यकर्मीसहित थप ३६ जनामा कोरोना संक्रमण पुष्टि भएको छ ।

नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारीअनुसार संक्रमित हुनेहरुमा २८ जना पुरूष र ८ जना महिला रहेका छन् । संक्रमित हुनेमा १९ वर्षका युवा देखि ५३ वर्षका पुरूष समेत रहेका छन् ।

बुधबार राति संक्रमण पुष्टि भएका ३६ जना मध्ये नारायणी अस्पतालका १० स्वास्थ्यकर्मी रहेका छन् ।

३४ वर्षका २ जना नेपाली सेना, २४ वर्षका १ जना नेपाल प्रहरी र नारायणी अस्पतालका १ जना डाक्टर, १ जना एम्बुलेन्स चालक ८ जना स्वास्थ्यकर्मीमा संक्रमण भेटिएको मेसु उपाध्यायले जानकारी दिए ।

यस्तै वीरगन्ज महानगरपालिका वडा नम्बर ८ का २ जना, वडा नम्बर १ का १ जना, वडा नम्बर २ का १ जना, वडा नम्बर १६ का १ जना, वडा नम्बर २३ का १ जना, वडा नम्बर ४ का ३ जना, वडा नम्बर १२ का ३ जना, वडा नम्बर ३ का १ जना, वडा नम्बर १५ का १ जना, पर्साकै जगरनाथपुर का १ जना रहेको मेसु उपाध्यायले जानकारी दिए ।

यस्तै बारा जिल्ला जितपुर हेल्थ पोष्टका २४ र २७ वर्षका २ जना स्वास्थ्यकर्मी रहेका छन् भने बारा जिल्ला कलैया वडा १ का ३४ वर्षका १ जना पुरुष रहेका छन् ।

यस अघि पनि बुधबार सांझ १७ जनामा काेराेना संक्रमण पुष्टि भएकाे थियाे ।

छिपहरमाईका एक जनासहित थप १७ जनामा कोरोना संक्रमण पुष्टि

0

वीरगंज । पर्सामा बुधबार सांझ ४ स्वास्थ्यकर्मीसहित थप १७ जनामा काेराेना संक्रमण पुष्टि भएकाे छ ।

वीरगञ्जस्थित नारायणी अस्पतालको प्रयोगशालमा गरिएको परीक्षणमा ४ स्वास्थ्यकर्मीसहित थप १७ जनामा कोरोना संक्रमण पुष्टि भएकाे गण्डक काेभिड अस्पतालका संयाेजक डा. उदय नारायण सिंहले वताए ।

नारायणी अस्पतालका १ जना डाक्टर, २ जना नर्स र १ जना अहेब गरि ४ जना स्वास्थ्यकर्मीमा संक्रमण भेटिएको उनले जानकारी दिए ।

त्यस्तै वीरगन्ज महानगरपालिका वडा नम्बर २५ का ४ जना, वडा नम्बर १२ का ३ जना, वडा नम्बर ५ का २ जना, वडा नम्बर ४ का १ जना, वडा नम्बर ३ का १ जना, पर्साकै छिपहरमाई गाउँपालिका २ टिहुकीका १ जना र नारायणी अस्पतालकै संक्रमति कर्मचारीकी १ जना छोरीमा पनि डा. सिंहले जानकारी दिए ।

यस अघि पनि बुधबार विहान पर्सामा नेपाली सेना, प्रहरी, केदीबन्दीसहित ३४ जनामा काेराेना संक्रमण पुष्टि भएकाे थियाे ।

हाल गण्डक काेभिड अस्पतालकाे आइसोलेसनमा ६१ जना संक्रमितहरुले भरिएका कारण ९३ जनालाई घरमै राखिएको छ । बुधबार साँझ १७ जना संक्रमण पुष्टि भएसँगै पर्सा जिल्लामा ३ सय २३ जना पुगेको छ ।